ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/11/29
ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ      ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ ᠶᠢ ᠭᠢᠳᠡᠳ ᠢᠶᠠᠷ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠭᠡᠳᠡᠭ᠃ ᠡᠨᠡ ᠪᠤᠯ ᠳᠡᠤᠭᠡᠨ ᠳᠤ ᠠᠯᠠᠱᠠ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠤᠷᠳᠤᠨ ᠤ ᠰᠠᠭᠤᠭ᠎ᠠ ᠭᠠᠵᠠᠷ ᠪᠠᠶᠢᠵᠤ᠂ ᠴᠢᠯᠤᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠳᠤᠬᠠᠶᠢᠯᠠᠪᠠᠯ 1952 ᠤᠨ ᠳᠤ ᠨᠠᠮ ᠤᠨ ᠦᠨᠳᠤᠰᠤᠳᠡᠨ ᠤ ᠳᠤᠬᠠᠢ ᠳᠦᠷᠤ ᠶᠢᠨ ᠪᠤᠳᠤᠯᠭ᠎ᠠ ᠶᠢ ᠨᠠᠶᠢᠳᠠᠪᠤᠷᠢᠵᠢᠭᠤᠯᠵᠤ᠂ ︽ᠭᠢᠵᠠᠭᠠᠷ ᠤᠷᠤᠨ ᠢ ᠳᠤᠭᠳᠠᠨᠢᠭᠤᠯᠬᠤ ᠪᠠᠭᠢᠯᠡᠯᠳᠡ︾ ᠭᠡᠰᠡᠨ ᠰᠠᠨᠠᠭ᠎ᠠ ᠪᠦᠬᠦᠢ ︽ᠳ᠋ᠢᠩ ᠶᠤᠸᠠᠨ ᠢᠩ︾ ᠭᠡᠰᠡᠨ ᠨᠡᠷᠡᠶᠢᠳᠤᠯ ᠢ ︽ᠪᠠᠶᠠᠨᠬᠤᠳᠠ︾ ᠭᠡᠵᠤ ᠮᠤᠩᠭᠤᠯ ᠢᠶᠠᠷ ᠨᠠᠷᠡᠯᠡᠵᠡᠢ᠃      ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠨᠢ ᠠᠯᠠᠱᠠ ᠠᠭᠤᠯᠠ ᠶᠢᠨ ᠠᠷᠤ ᠬᠤᠷᠮᠤᠢ ᠠᠴᠠ ᠬᠤᠷᠢ ᠭᠠᠷᠤᠢ ᠺᠢᠯᠤᠮᠧᠲᠷ ᠎ ᠤᠨ ᠵᠠᠢ ᠳᠤ ᠤᠷᠤᠰᠢᠵᠤ᠂ ᠵᠡᠬᠦᠨᠰᠢ ᠪᠠᠨ ᠠᠯᠠᠱᠠ ᠠᠭᠤᠯᠠ ᠶᠢ ᠳᠦᠰᠢᠵᠤ᠂ ᠪᠠᠷᠠᠭᠤᠨᠰᠢ ᠪᠠᠨ ᠡᠯᠡᠰᠤᠨ ᠳᠠᠯᠠᠢ ᠶᠢ ᠪᠠᠷᠠᠯᠠᠨ᠂ ᠬᠤᠶᠢᠰᠢ ᠪᠠᠨ ᠬᠤᠸᠠᠷᠯᠢᠩ ᠤᠨ ᠠᠭᠤᠯᠠ ᠶᠢ ᠳᠠᠷᠠᠯᠠᠵᠤ᠂ ᠡᠮᠤᠨᠠᠰᠢ ᠪᠠᠨ ᠠᠳᠠᠷ ᠬᠦᠳᠡᠭᠡ ᠶᠢ ᠢᠰᠬᠦᠯᠤᠭ᠍ᠰᠡᠨ᠂ ᠠᠷᠴᠠ᠂ ᠽᠠᠨᠳᠠᠨ᠂ ᠠᠭᠠᠷᠤ᠂ ᠬᠠᠷᠭᠠᠢ ᠮᠦᠩᠭᠡ ᠮᠤᠳᠤᠳ ᠤᠢ ᠰᠢᠭᠤᠢ ᠪᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ᠂ ᠭᠤᠤᠯ ᠭᠤᠷᠤᠬ᠎ᠠ ᠬᠤᠷᠴᠢᠭᠢᠨᠠᠨ ᠤᠷᠤᠰᠤᠭᠰᠠᠨ᠂ ᠴᠡᠴᠡᠭ ᠵᠢᠮᠢᠰ ᠪᠦᠷᠢᠳᠤᠭ᠍ᠰᠡᠨ ᠦᠯᠵᠡᠶᠢᠳᠤ ᠮᠦᠷᠡᠨ ᠤ ᠡᠭᠢᠨ ᠳᠤ ᠳᠤᠷᠤᠨ᠎ᠠ ᠳᠡᠶᠢᠰᠢ ᠬᠠᠨᠳᠤᠭᠰᠠᠨ ᠭᠡᠪᠳᠡᠭᠡ ᠵᠠᠭᠠᠨ ᠤ ᠰᠢᠨᠵᠢ ᠪᠦᠬᠦᠢ ᠭᠠᠵᠠᠷ ᠢ ᠰᠤᠩᠭᠤᠵᠤ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠴᠢᠩ ᠤᠯᠤᠰ ᠤᠨ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠦᠶ᠎ᠠ ᠳᠤ ᠠᠯᠠᠱᠠ ᠠᠭᠤᠯᠠ ᠠᠴᠠ ᠬᠤᠶᠢᠰᠢᠭᠢ ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠳᠡᠪᠢᠰᠭᠡᠷ ᠢ ᠬᠠᠮᠢᠶᠠᠷᠴᠤ᠂ ᠪᠠᠷᠠᠭᠤᠨ ᠬᠤᠶᠢᠳᠤ ᠶᠢᠨ ᠮᠤᠩᠭᠤᠯ ᠠᠶᠢᠮᠠᠭ ᠤᠳ ᠢ ᠰᠡᠷᠭᠡᠶᠢᠯᠡᠬᠦ ᠎ ᠶᠢᠨ ᠳᠦᠯᠤᠭᠡ᠂ ᠠᠭᠤᠯᠠ ᠶᠢᠨ ᠠᠷᠤ ᠬᠤᠷᠮᠤᠢ ᠳᠤ ᠨᠢᠭᠡᠨ ᠬᠤᠳᠠ ᠶᠢᠨ ᠭᠡᠷᠡᠮ ᠪᠠᠶᠢᠭᠤᠯᠵᠤ᠂ ᠨᠢᠭᠡ ᠰᠠᠯᠠᠭ᠎ᠠ ᠨᠤᠭᠤᠭᠠᠨ ᠳᠤᠭᠳᠤ ᠮᠤᠷᠢᠳᠤ ᠴᠡᠷᠢᠭ ᠢ ᠰᠠᠭᠤᠯᠭᠠᠭᠰᠠᠨ ᠢᠶᠠᠷ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠪᠤᠯᠵᠤ᠂ ᠤᠤᠯ ᠨᠢ ᠡᠨᠡ ᠭᠠᠵᠠᠷ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠮᠠᠯ ᠠᠳᠤᠭᠤᠯᠬᠤ ᠭᠠᠵᠠᠷ ᠪᠠᠶᠢᠭᠰᠠᠨ ᠳᠤᠯᠠ ᠨᠤᠳᠤᠭ ᠤᠨ ᠠᠷᠠᠳ ᠳᠡᠬᠦᠨ ᠢ ︽ᠮᠤᠷᠢᠳᠤ ᠴᠡᠷᠢᠭ ᠤᠨ ᠠᠳᠤᠭᠤᠨ ᠬᠦᠷᠢᠶ᠎ᠠ︾ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠠᠶᠢᠵᠡᠢ᠃ ᠨᠠᠶᠢᠷᠠᠯᠳᠤ ᠳᠦᠪ ᠤᠨ ᠳᠦᠷᠪᠡᠳᠤᠭᠡᠷ ᠤᠨ ︵1726 ᠤᠨ︶᠎ ᠳᠤ ᠰᠧᠴᠤᠸᠠᠨ ᠱᠠᠨᠰᠢ ᠶᠢᠨ ᠶᠡᠷᠤᠩᠭᠡᠶᠢᠯᠡᠨ ᠵᠠᠭᠢᠷᠤᠭᠴᠢ ᠵᠢᠬᠦᠷ ᠤᠨ ᠰᠡᠶᠢᠳ ᠶᠦᠸᠧ ᠵᠦᠩ ᠴᠢ ᠳᠤᠰ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠢ ᠰᠢᠨᠡᠳᠭᠡᠨ ︽ᠠᠷᠪᠠᠨ ᠨᠠᠢᠮᠠᠨ ᠠᠬᠤᠢ ᠰᠢᠳᠤᠭᠡᠨ ᠤ ᠰᠦᠮ᠎ᠠ︾ ᠪᠠ ︽ᠮᠠ ᠸᠠᠩ ᠮᠢᠶᠤᠤ ᠰᠦᠮ᠎ᠠ︾ ᠵᠡᠷᠭᠡ ᠶᠢ ᠭᠡᠷᠡᠮ ᠤᠨ ᠭᠠᠳᠠᠭᠤᠷ ᠳᠤᠭᠤᠷᠢᠭᠤᠯᠤᠨ ᠪᠠᠶᠢᠭᠤᠯᠵᠤ᠂ ᠮᠦᠨ ᠳᠤᠰ ᠬᠠᠭᠠᠨ ᠤ ᠨᠡᠢᠮᠠᠳᠤᠭᠠᠷ ᠤᠨ ︵1730 ᠤᠨ︶᠎ ᠳᠤ ᠳᠡᠭᠡᠭᠰᠢ ᠮᠡᠳᠡᠬᠦᠯᠵᠤ ᠨᠠᠷ᠎ᠠ ᠭᠤᠶᠤᠭᠰᠠᠨ ᠳᠤ᠂ ᠭᠢᠵᠠᠭᠠᠷ ᠤᠷᠤᠨ ᠢ ᠳᠤᠭᠳᠠᠨᠢᠭᠤᠯᠬᠤ ᠪᠠᠭᠢᠯᠡᠯᠳᠡ ᠭᠡᠬᠦ ᠰᠠᠨᠠᠭ᠎ᠠ ᠶᠢ ᠠᠬᠤᠭᠤᠯᠤᠭᠰᠠᠨ ︽ᠳ᠋ᠢᠩ ᠶᠤᠸᠠᠨ ᠢᠩ︾ ︵定远营︶ ᠭᠡᠰᠡᠨ ᠨᠠᠷ᠎ᠠ ᠶᠢ ︽ᠵᠠᠷᠯᠢᠭ ᠢᠶᠠᠷ︾ ᠦᠭᠴᠤ᠂ ᠡᠨᠡᠬᠦ ᠨᠡᠷᠡᠶᠢᠳᠤᠯ ᠢᠶᠠᠷ ᠤᠯᠤᠰ ᠤᠨ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠳᠤ 1730 —1952 ᠤᠨ ᠪᠤᠯᠳᠠᠯ᠎ᠠ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠳᠡᠤᠭᠡ ᠶᠢ ᠦᠩᠭᠡᠷᠡᠭᠡᠭᠰᠡᠨ ᠪᠠᠶᠢᠳᠠᠭ᠃ ᠳ᠋ᠢᠩ ᠶᠤᠸᠠᠨ ᠢᠩ ᠤᠨ ᠴᠢᠯᠠᠭᠤᠨ ᠬᠦᠰᠢᠶᠡᠨ ᠳᠤ᠄ ︽ᠡᠾᠧ ᠯᠠᠨ ᠱᠠᠨ ᠠᠭᠤᠯᠠ ᠎ ᠶᠢᠨ ᠠᠷᠤ ᠪᠤᠯᠪᠠᠰᠤ ᠬᠤᠶᠢᠳᠤ ᠵᠦᠭ ᠤᠨ ᠬᠠᠯᠬᠠᠪᠴᠢ ᠡᠯᠡᠰᠤᠨ ᠨᠤᠳᠤᠭ ᠤᠨ ᠪᠠᠭᠠᠯᠵᠤᠤᠷ ᠤᠷᠤᠨ ᠪᠤᠯᠠᠢ᠂ ᠡᠵᠡᠨ ᠬᠠᠭᠠᠨ ᠡᠨᠡ ᠬᠦ ᠠᠭᠤᠯᠠ ᠶᠢᠨ ᠠᠷᠤ ᠭᠠᠵᠠᠷ ᠢ ᠡᠭᠡᠨᠡᠭᠳᠡ ᠰᠡᠳᠭᠢᠯ ᠳᠤᠷ ᠠᠬᠤᠭᠤᠯᠵᠤ᠂ ᠠᠳᠠᠴᠠ ᠠᠴᠠ ᠨᠢᠩᠰᠢᠶᠠ ᠎ ᠶᠢᠨ ᠬᠤᠳᠠ ᠠᠴᠠ ᠦᠢᠷᠡᠯᠴᠠᠭ᠎ᠠ ᠶᠢᠨ ᠳᠤᠯᠠᠳᠠ ᠤᠨᠴᠠᠭᠠᠶᠢᠯᠠᠨ ᠦᠭᠡᠯᠡᠳ ᠤᠨ ᠵᠢᠶᠦ᠋ᠨ ᠸᠠᠩ ᠠᠪᠤᠤ ᠶᠢᠨ ᠠᠶᠢᠮᠠᠭ ᠎ ᠢ ᠭᠤᠤᠯ ᠤᠨ ᠵᠡᠬᠦᠨᠳᠡᠭᠢ ᠤᠷᠳᠤᠰ ᠤᠨ ᠳᠤᠯᠤᠭᠠᠨ ᠰᠤᠮᠤᠨ ᠠᠴᠠ ᠴᠢᠨᠠᠭᠰᠢ ᠦᠩᠭᠡᠷᠡᠬᠦᠯᠤᠨ ᠪᠠᠷᠠᠭᠤᠨ ᠭᠢᠵᠠᠭᠠᠷ ᠎ ᠲᠤᠷ ᠰᠠᠭᠤᠯᠭᠠᠪᠠᠢ᠃ ᠡᠾᠧ ᠯᠠᠨ ᠱᠠᠨ ᠠᠭᠤᠯᠠᠨ ᠤ ᠠᠷᠤ ᠳᠠᠬᠢ ᠦᠵᠤᠮ ᠤᠨ ᠪᠤᠯᠠᠭ ᠵᠡᠷᠭᠡ ᠭᠠᠵᠠᠷ ᠤᠰᠤ ᠰᠡᠶᠢᠳᠡᠢ ᠪᠦᠭᠡᠳ ᠬᠦᠷᠤᠰᠤᠨ ᠰᠢᠮᠠᠳᠡᠢ ᠪᠤᠯᠬᠤᠷ ᠪᠤᠯᠠᠭ ᠤᠨ ᠤᠰᠤᠨ ᠢ ᠵᠠᠰᠠᠪᠠᠰᠤ ᠪᠠᠰᠠ ᠬᠦ ᠳᠠᠷᠢᠵᠤ ᠤᠷᠭᠤᠭᠤᠯᠵᠤ ᠪᠤᠯᠬᠤ ᠶᠢ ᠪᠠᠶᠢᠳᠤᠭᠠᠢ ᠵᠢᠯᠭ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ᠨᠠᠷᠠᠰᠤ ᠮᠠᠶᠢᠯᠠᠰᠤ ᠰᠡᠬᠦᠶᠢᠵᠤ ᠭᠤᠪᠢ ᠶᠢᠨ ᠰᠢᠯᠢ ᠶᠢᠨ ᠳᠤᠮᠳᠠ ᠤᠯᠠᠭᠠᠨ ᠳᠠᠪᠤᠰᠤ ᠡᠯᠪᠡᠭ ᠳᠡᠯᠪᠡᠭ ᠭᠠᠷᠤᠮᠤᠢ᠃ ᠡᠬᠦᠨ ᠢᠶᠠᠷ ᠦᠯᠤ ᠪᠠᠷᠠᠨ ᠭᠠᠵᠠᠷ ᠤᠨ ᠪᠠᠶᠢᠴᠠ ᠠᠭᠤᠵᠢᠮ ᠳᠡᠨᠢᠭᠡᠷ ᠳᠤᠯᠠ ᠭᠠᠳᠠᠭᠰᠢ ᠬᠠᠷᠢᠯᠴᠠᠬᠤ ᠳᠤᠷ ᠳᠦᠬᠦᠮ ᠳᠦᠳᠠ ᠪᠦᠭᠡᠳ ᠡᠷᠳᠡᠨ ᠠᠴᠠ ᠳᠠᠯᠠᠨ ᠬᠤᠶᠠᠷ ᠪᠤᠭᠤᠮᠳᠠ ᠶᠢ ᠬᠠᠮᠢᠶᠠᠷᠬᠤ ᠶᠢᠨ ᠤᠴᠢᠷ᠎ᠠ᠂ ᠪᠤᠭᠳᠠ ᠡᠵᠡᠨ ᠤ ᠵᠠᠷᠯᠢᠭ ᠢᠶᠠᠷ ᠳᠤᠰᠬᠠᠶᠢᠯᠠᠨ ᠠᠳᠠ ᠨᠢᠭᠡᠨ ᠴᠡᠷᠢᠭ ᠤᠨ ᠬᠤᠷᠢᠶ᠎ᠠ ᠪᠠᠶᠢᠭᠤᠯᠵᠤ ᠳ᠋ᠢᠩ ᠶᠤᠸᠠᠨ ᠢᠩ ᠭᠡᠮᠡᠨ ᠨᠡᠷᠡᠶᠢᠳᠪᠡᠢ᠂ ᠦᠵᠡᠪᠡᠰᠤ ᠠᠳᠡᠭᠢ ᠭᠠᠵᠠᠷ ᠦᠨᠳᠤᠷ ᠳᠡᠭᠡᠷ᠎ᠡ ᠠᠴᠠ ᠤᠷᠤᠭᠤ ᠭᠡᠯᠪᠡᠶᠢᠵᠤ ᠠᠭᠤᠯᠠ ᠶᠢ ᠭᠢᠷᠠᠯᠠᠨ ᠬᠤᠳᠠ ᠭᠡᠷᠡᠮ ᠪᠠᠶᠢᠭᠤᠯᠤᠭᠰᠠᠨ ᠳᠤᠯᠠ ᠦᠵᠡᠮᠵᠢ ᠪᠠᠶᠢᠳᠠᠯ ᠰᠦᠷᠯᠢᠭ ᠰᠡᠶᠢᠬᠠᠨ ᠢᠶᠠᠷ ᠦᠯᠤ ᠪᠠᠷᠠᠨ ᠪᠠᠰᠠ ᠭᠠᠳᠠᠭᠰᠢ ᠳᠤᠳᠤᠭᠰᠢ ᠬᠠᠷᠢᠯᠴᠠᠵᠤ ᠵᠠᠬ᠎ᠠ ᠭᠢᠵᠠᠭᠠᠷ ᠢ ᠠᠮᠤᠷᠵᠢᠭᠤᠯᠬᠤ ᠶᠢᠨ ᠤᠴᠢᠷ ᠪᠢᠳᠠᠨ ᠬᠠᠭᠠᠨ ᠤ ᠭᠡᠰᠢᠭ ᠢ ᠬᠦᠯᠢᠶᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠢᠶᠠᠷ ᠬᠤᠯᠠ ᠳᠤᠷ ᠮᠤᠷᠳᠡᠵᠤ ᠳᠦᠮᠠᠨ ᠤᠨ ᠤ ᠳᠦᠰᠢᠭ ᠪᠤᠯᠤᠨ ᠰᠠᠭᠢᠵᠤ ᠰᠠᠭᠤᠭᠰᠠᠨ ᠢᠶᠠᠷ ᠪᠤᠭᠳᠠ ᠡᠵᠡᠨ ᠤ ᠡᠷᠳᠡᠮ ᠢ ᠬᠦᠨ ᠪᠢᠰᠢᠷᠡᠪᠡᠢ᠃ ᠡᠶᠢᠨ ᠬᠦ ᠦᠪᠡᠳᠡᠭᠰᠢ ᠶᠠᠪᠤᠳᠠᠯ ᠢ ᠴᠢᠯᠠᠭᠤᠨ᠎ᠠ ᠰᠡᠶᠢᠯᠤᠨ ᠦᠯᠡᠳᠡᠭᠡᠪᠡᠢ᠃ ᠨᠠᠶᠢᠷᠠᠯᠳᠤ ᠳᠦᠪ ᠤᠨ ᠨᠠᠢᠮᠠᠳᠤᠭᠠᠷ ᠤᠨ ᠤ ᠴᠠᠭᠠᠨ ᠨᠤᠬᠠᠢ ᠵᠢᠯ ᠤᠨ ᠨᠠᠮᠤᠷ ᠤᠨ ᠨᠡᠢᠮᠠᠨ ᠰᠡᠷ᠎ᠡ ᠶᠢᠨ ᠦᠯᠵᠡᠶᠢᠳᠤ ᠡᠳᠤᠷ︾ ᠭᠡᠵᠤ ᠳᠡᠮᠳᠡᠭᠯᠡᠵᠤ ᠪᠠᠶᠢᠳᠠᠭ᠃ ᠡᠨᠡᠬᠦ ᠴᠢᠯᠠᠭᠤᠨ ᠬᠦᠰᠢᠶᠠᠨ ᠤ ᠪᠢᠴᠢᠭᠡᠰᠤ ᠠᠴᠠ ᠦᠵᠡᠬᠦ ᠳᠤ᠂ ᠳ᠋ᠢᠩ ᠶᠤᠸᠠᠨ ᠢᠩ ᠨᠢ ᠳᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠴᠡᠷᠢᠭ ᠳᠡᠶᠢᠨ ᠤ ᠪᠡᠶᠢᠯᠳᠤᠬᠤ ᠪᠤᠳᠤᠯᠭ᠎ᠠ ᠶᠢᠨ ᠴᠢᠨᠠᠷᠳᠡᠢ ᠴᠢᠬᠤᠯᠠ ᠭᠠᠵᠠᠷ ᠪᠠᠶᠢᠭᠰᠠᠨ ᠪᠦᠭᠡᠳ ᠡᠮᠤᠨ᠎ᠡ ᠤᠮᠠᠷ᠎ᠠ ᠶᠢ ᠬᠤᠯᠪᠤᠭᠰᠠᠨ ᠴᠤᠷ ᠤᠨ ᠭᠠᠭᠴᠠ ᠵᠠᠮ ᠪᠡᠶᠢᠵᠡᠢ᠃ ᠬᠤᠳᠠ ᠶᠢᠨ ᠶᠡᠷᠤᠩᠭᠡᠢ ᠳᠠᠯᠠᠪᠠᠢ ᠎ ᠨᠢ ᠬᠤᠷᠢᠨ ᠨᠢᠭᠡᠨ ᠳᠦᠮᠠ ᠨᠢᠭᠡ ᠮᠢᠩᠭ᠎ᠠ ᠵᠢᠷᠭᠤᠭᠠᠨ ᠵᠠᠭᠤ ᠵᠢᠷᠠᠨ ᠳᠠᠪᠤᠨ ᠳᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠤ᠂ ᠬᠤᠳᠠ ᠶᠢᠨ ᠭᠡᠷᠡᠮ ᠢ ᠨᠠᠩᠭᠢ ᠰᠢᠷᠤᠢ ᠪᠠᠷ ᠳᠠᠭᠰᠢᠭᠤᠯᠵᠤ ᠪᠤᠰᠬᠠᠭᠠᠳ ᠨᠢᠭᠤᠷ ᠳᠠᠯ᠎ᠠ ᠶᠢ ᠨᠢ ᠳᠤᠮᠤ ᠬᠦᠭᠡ ᠳᠤᠭᠤᠰᠬ᠎ᠠ ᠪᠠᠷ ᠦᠷᠤᠵᠤ ᠭᠠᠳᠠᠷᠯᠠᠭᠠᠳ ᠤᠷᠤᠢ ᠳᠡᠭᠡᠬᠦᠷ ᠨᠢ ᠬᠦᠭᠡ ᠳᠤᠭᠤᠰᠬ᠎ᠠ ᠪᠠᠷ ᠴᠡᠷᠢᠭ ᠳᠡᠶᠢᠨ ᠤ ᠪᠠᠭᠢᠯᠠᠯᠳᠠ ᠪᠠᠷᠢᠵᠤ᠂ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠳᠠᠯ᠎ᠠ ᠪᠠ ᠡᠮᠤᠨ᠎ᠡ ᠳᠠᠯ᠎ᠠ ᠶᠢᠨ ᠭᠡᠷᠡᠮ ᠤᠨ ᠦᠨᠳᠤᠷ ᠨᠢ ᠳᠦᠷᠪᠡ ᠎ ᠠᠴᠠ ᠵᠢᠷᠭᠤᠭᠠᠨ ᠬᠤᠤᠰ ᠠᠯᠳᠠ᠂ ᠵᠡᠬᠦᠨ ᠳᠠᠯ᠎ᠠ ᠪᠠᠷ ᠬᠤᠶᠢᠳᠤ ᠳᠠᠯ᠎ᠠ ᠶᠢᠨ ᠭᠡᠷᠡᠮ ᠤᠨ ᠦᠨᠳᠤᠷ ᠨᠢ ᠬᠤᠶᠠᠷ ᠎ ᠠᠴᠠ ᠭᠤᠷᠪᠠᠨ ᠬᠤᠤᠰ ᠠᠯᠳᠠ᠂ ᠭᠡᠷᠡᠮ ᠤᠨ ᠰᠠᠭᠤᠷᠢ ᠨᠢ ᠭᠤᠷᠪᠠ ᠠᠴᠠ ᠭᠤᠷᠪᠠ ᠴᠡᠭ ᠳᠠᠪᠤᠨ ᠬᠤᠤᠰ ᠠᠯᠳᠠ᠂ ᠬᠠᠮᠤᠭ ᠳᠡᠭᠡᠳᠤ ᠳᠠᠯ᠎ᠠ ᠶᠢᠨ ᠦᠷᠭᠡᠨ ᠨᠢ ᠨᠢᠭᠡ ᠠᠯᠳᠠ ᠪᠠᠶᠢᠵᠡᠢ᠃ ᠬᠤᠳᠠ ᠶᠢᠨ ᠡᠮᠤᠨ᠎ᠡ ᠪᠤᠯᠤᠨ ᠵᠡᠬᠦᠨ ᠳᠠᠯ᠎ᠠ ᠎ ᠳᠤ ᠳᠤᠰ ᠪᠦᠷᠢ ᠨᠢᠭᠡ ᠡᠬᠦᠳᠠ ᠲᠠᠢ᠂ ᠬᠤᠳᠠ ᠶᠢᠨ ᠡᠮᠤᠨ᠎ᠡ ᠡᠬᠦᠳᠠ ︵ᠭᠤᠤᠯ ᠡᠬᠦᠳᠠ︶᠎ ᠶᠢᠨ ᠭᠠᠳᠠᠷ ᠴᠢᠯᠠᠭᠤᠨ ᠡᠨᠢᠭᠡ ᠳᠡᠭᠡᠷ᠎ᠡ ᠨᠢ ︽ᠳ᠋ᠢᠩ ᠶᠤᠸᠠᠨ ᠢᠩ︾᠂ ᠳᠤᠳᠤᠷ᠎ᠠ ᠡᠬᠦᠳᠠᠨ ᠤ ᠴᠢᠠᠯᠭᠤᠨ ᠡᠨᠢᠭᠡ ᠳᠡᠭᠡᠷ᠎ᠡ ᠨᠢ ︽ᠬᠤ᠋ ᠯᠠᠨ ᠮᠧᠨ︾ ︵ᠬᠠᠮᠠᠭᠠᠯᠠᠵᠤ ᠬᠤᠷᠢᠬᠤ ᠡᠬᠦᠳᠠ ᠭᠡᠰᠡᠨ ᠰᠠᠨᠠᠭ᠎ᠠ ᠲᠠᠢ︶ ᠭᠡᠰᠡᠨ ᠭᠢᠳᠡᠳ ᠪᠢᠴᠢᠭ ᠰᠡᠶᠢᠯᠤᠭ᠍ᠰᠡᠨ ᠪᠠᠶᠢᠵᠡᠢ᠃ ᠠᠩᠬ᠎ᠠ ᠡᠭᠢᠯᠡᠨ ᠪᠠᠶᠢᠭᠤᠯᠬᠤ ᠳᠤ ᠭᠤᠤᠯ ᠡᠬᠦᠳᠠ ᠶᠢ ᠪᠠᠰᠠ ᠭᠠᠳᠠᠷ ᠬᠤᠳᠠ ᠶᠢᠨ ᠡᠬᠦᠳᠠ᠂ ᠳᠤᠳᠤᠷ ᠬᠤᠳᠠ ᠎ ᠶᠢᠨ ᠡᠬᠦᠳᠠ ᠭᠡᠵᠤ ᠬᠤᠪᠢᠶᠠᠵᠤ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠬᠤᠳᠠ ᠶᠢᠨ ᠵᠡᠬᠦᠨ ᠡᠬᠦᠳᠠ ᠨᠢ ᠳᠡᠭᠡᠳᠤᠰ ᠤᠨ ᠤᠩᠭᠤᠨ ᠎ ᠳᠤ ᠨᠡᠪᠳᠡᠷᠡᠵᠤ᠂ ᠬᠠᠭᠠᠯᠭ᠎ᠠ ᠶᠢᠨ ᠭᠠᠳᠠᠷ ᠡᠨᠢᠭᠡ ᠳᠡᠭᠡᠷ᠎ᠡ ︽ᠪᠠᠢ ᠱᠧᠩ ᠮᠧᠨ︾ ︵ᠵᠡᠭᠤᠨ ᠵᠦᠢᠯ ᠢ ᠢᠯᠠᠭᠴᠢ ᠡᠬᠦᠳᠠ ᠭᠡᠰᠡᠨ ᠰᠠᠨᠠᠭ᠎ᠠ ᠲᠠᠢ︶᠂ ᠳᠤᠳᠤᠷ ᠡᠨᠢᠭᠡ ᠳᠡᠭᠡᠷ᠎ᠡ ᠨᠢ ︽ᠴᠠᠩ ᠱᠧᠩ ᠮᠧᠨ︾ ︵ᠡᠪᠯᠡᠷᠡᠯ ᠢᠷᠤᠭᠡᠯᠳᠤ ᠡᠬᠦᠳᠠ ᠭᠡᠰᠡᠨ ᠰᠠᠨᠠᠭ᠎ᠠ ᠲᠠᠢ︶ ᠭᠡᠰᠡᠨ ᠭᠢᠳᠡᠳ ᠪᠢᠴᠢᠭᠡᠰᠤ ᠲᠠᠢ ᠪᠠᠶᠢᠵᠡᠢ᠃       ᠠᠯᠠᠱᠠ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠵᠠᠰᠠᠭ ᠨᠤᠶᠠᠨ ᠠᠪᠤᠤ ᠴᠢᠩ ᠤᠯᠤᠰ ᠤᠨ ᠳᠡᠶᠢᠴᠢᠯᠠᠯᠳᠠ ᠪᠠᠷ ᠤᠷᠢᠳ ᠬᠤᠵᠢᠳ ᠰᠢᠨᠵᠢᠶᠠᠩ᠂ ᠳᠦᠪᠠᠳ᠂ ᠬᠦᠭᠡᠨᠡᠭᠤᠷ ᠲᠤ ᠴᠡᠷᠢᠭ ᠳᠡᠶᠢᠨ ᠤ ᠠᠯᠪᠠᠨ ᠳᠤ ᠶᠠᠪᠤᠵᠤ᠂ ᠦᠯᠡᠮᠵᠢᠭᠡᠨ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠤ ᠤᠴᠢᠷ ᠨᠠᠶᠢᠷᠠᠯᠳᠤ ᠳᠦᠪ ᠤᠨ ᠶᠢᠰᠤᠳᠤᠭᠡᠷ ᠤᠨ ︵1731 ᠤᠨ︶᠎ ᠤ ᠳᠦᠷᠪᠡᠳᠤᠭᠡᠷ ᠰᠡᠷ᠎ᠡ ᠶᠢᠨ ᠠᠷᠪᠠᠨ ᠬᠤᠶᠠᠷ ᠤᠨ ᠡᠳᠤᠷ ︽ᠠᠪᠤᠤ ᠨᠠᠷ ᠠᠯᠠᠱᠠ ᠨᠤᠳᠤᠭ ᠲᠠᠭᠠᠨ ᠡᠭᠡᠵᠤ ᠢᠷᠡᠭᠡᠷᠡᠢ︾ ᠭᠡᠰᠡᠨ ᠵᠠᠷᠯᠢᠭ ᠢ ᠬᠦᠯᠢᠶᠠᠵᠤ᠂ ᠨᠡᠢᠮᠠᠨ ᠵᠢᠯ ᠰᠠᠭᠤᠭᠰᠠᠨ ᠬᠦᠭᠡᠨᠡᠭᠤᠷ ᠤᠨ ᠪᠤᠷᠤ ᠴᠦᠩᠭᠦ᠋ᠭ ᠠᠴᠠ ᠬᠠᠷᠢᠶᠠᠳᠤ ᠠᠷᠠᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠠᠯᠠᠱᠠ ᠳᠤ ᠪᠤᠴᠠᠵᠤ ᠢᠷᠡᠭᠰᠡᠨ ᠳᠤ ᠶᠦᠸᠧ ᠵᠦᠩ ᠴᠢ ᠶᠢᠨ ᠰᠢᠨᠡᠳᠭᠡᠨ ᠵᠠᠰᠠᠭᠰᠠᠨ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠶᠢ ᠱᠠᠩᠨᠠᠨ ᠦᠭᠴᠡᠢ᠃ ᠢᠩᠭᠢᠭᠡᠳ ᠨᠠᠶᠢᠷᠠᠯᠳᠤ ᠳᠦᠪ ᠤᠨ ᠠᠷᠪᠠᠳᠤᠭᠠᠷ ᠤᠨ ︵1732 ᠤᠨ︶᠎ ᠤ ᠶᠢᠰᠤᠳᠤᠭᠡᠷ ᠰᠠᠷ᠎ᠠ ᠶᠢᠨ ᠳᠠᠪᠤᠨ ᠤ ᠡᠳᠤᠷ ᠠᠪᠤᠤ ᠨᠤᠶᠠᠨ ᠰᠢᠷᠠᠪᠦ᠋ᠷᠢᠳᠤ ᠳᠠᠬᠢ ᠬᠠᠨᠤ ᠮᠠᠨᠳᠤᠯ ᠶᠡᠭᠡ ᠶᠠᠮᠤᠨ ᠢᠶᠠᠨ ᠨᠡᠬᠦᠯᠭᠡᠵᠤ᠂ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠶᠢᠨ ᠡᠭᠢᠨ ᠳᠠᠬᠢ ᠦᠯᠵᠡᠶᠢᠳᠤ ᠮᠦᠷᠡᠨ ᠤ ᠬᠦᠪᠡᠭᠡ ᠎ ᠶᠢᠨ ᠳᠤᠮᠳᠠ ᠰᠢᠯᠢ ᠳᠡᠭᠡᠷ᠎ᠡ ᠮᠤᠩᠭᠤᠯ ᠦᠷᠤᠭᠡ ᠪᠠᠷᠢᠵᠤ ︽ᠳᠡᠯᠭᠡᠷ ᠪᠢᠯᠢᠭᠳᠦ ᠶᠡᠭᠡ ᠶᠠᠮᠤᠨ︾ ᠭᠡᠵᠤ ᠨᠠᠷᠠᠯᠠᠭᠡᠳ ᠬᠤᠰᠢᠭᠤᠨ ᠳᠦᠪ ᠪᠤᠯᠭᠠᠵᠡᠢ᠃ ᠨᠠᠶᠢᠷᠠᠯᠳᠤ ᠳᠦᠪ ᠤᠨ ᠠᠷᠪᠠᠨ ᠨᠢᠭᠡᠳᠤᠭᠡᠷ ᠤᠨ ︵1733 ᠤᠨ︶᠎ ᠠᠴᠠ ᠡᠭᠢᠯᠡᠨ ᠳᠤᠳᠤᠷ᠎ᠠ ᠭᠠᠵᠠᠷ ᠤᠨ ᠭᠢᠳᠡᠳ ᠤᠷᠠᠴᠤᠳ ᠢ ᠬᠦᠯᠤᠰᠤᠯᠠᠨ ᠮᠤᠳᠤ ᠴᠢᠯᠠᠭᠤ ᠬᠦᠳᠡᠯᠭᠡᠨ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠳᠤ ᠸᠠᠩ ᠤᠨ ᠤᠷᠳᠤᠨ᠂ ᠰᠦᠮ᠎ᠠ ᠭᠡᠶᠢᠳ ᠪᠠᠶᠢᠭᠤᠯᠤᠨ ᠦᠶ᠎ᠠ ᠤᠯᠠᠷᠢᠨ ᠰᠠᠭᠤᠷᠢᠰᠢᠵᠤ᠂ ᠳᠠᠰᠤᠷᠠᠯᠳᠠ ᠦᠭᠡᠢ ᠵᠠᠰᠠᠨ ᠰᠢᠨᠡᠳᠭᠡᠵᠤ ᠦᠷᠭᠡᠳᠭᠡᠨ ᠪᠠᠶᠢᠭᠤᠯᠤᠭᠰᠠᠨ ᠢᠶᠠᠷ ᠪᠠᠭ᠎ᠠ ᠭᠡᠯᠪᠡᠷᠢ ᠶᠢᠨ ᠬᠤᠳᠠ ᠪᠤᠯᠤᠨ ᠬᠤᠪᠢᠷᠠᠵᠤ ᠬᠦᠭᠵᠢᠭᠰᠡᠨ ᠪᠢᠯᠠ᠃       ᠠᠪᠤᠤ ᠨᠤᠶᠠᠨ ᠤ ᠦᠶ᠎ᠠ ᠳᠤ ᠬᠤᠳᠠ ᠶᠢᠨ ᠡᠮᠤᠨᠡᠬᠦᠷ ᠬᠦᠨᠳᠡᠯᠢᠰᠤᠭ᠍ᠰᠡᠨ ᠤᠷᠤᠰᠬᠠᠯ ᠭᠤᠷᠪᠠᠨ ᠭᠤᠤᠯ ᠤᠨ ᠬᠦᠬᠦᠷᠭᠡ ᠶᠢᠨ ᠬᠤᠭᠤᠷᠤᠨᠳᠤ ᠮᠠᠶᠢᠮᠠᠢ ᠶᠢᠨ ᠫᠦᠰᠠ ᠳᠡᠯᠭᠡᠬᠦᠷ᠂ ᠭᠠᠷ ᠦᠢᠯᠡᠳᠪᠤᠷᠢᠯᠠᠯ ᠤᠨ ᠵᠠᠭᠤ ᠭᠠᠷᠤᠢ ᠳᠠᠰᠤᠯᠭ᠎ᠠ ᠭᠡᠷ ᠪᠡᠶᠢᠰᠢᠩ ᠪᠠᠷᠢᠵᠤ᠂ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠭᠢᠳᠡᠳ ᠠᠷᠠᠳ ᠢ ᠳᠤᠭᠢᠷᠠᠭᠤᠯᠤᠨ ᠰᠠᠭᠤᠯᠭᠠᠵᠤ᠂ ᠠᠪᠤᠤ ᠶᠢᠨ ᠬᠠᠳᠤᠨ ᠰᠢᠶᠠᠩ ᠡᠾᠧ ︵ᠳᠤᠭᠰᠢᠨ ᠬᠦᠩᠵᠤ︶᠎ ᠤᠨ ᠢᠨᠵᠢ ᠳᠤ ᠢᠷᠡᠭᠰᠡᠨ ᠮᠠᠨᠵᠤ᠂ ᠭᠢᠳᠡᠳ ᠠᠶᠢᠮᠠᠭ ᠤᠨ ᠭᠡᠰᠡᠭ ᠭᠤᠴᠤᠭ ᠵᠠᠷᠤᠴᠠ ᠨᠠᠷ ᠤᠨ ᠤᠨᠴᠠᠯᠢᠭ ᠢ ᠬᠠᠷᠠᠭᠠᠯᠵᠠᠵᠤ ᠦᠯᠵᠡᠶᠢᠳᠤ ᠮᠦᠷᠡᠨ ᠤ ᠳᠡᠷᠭᠡᠳᠡ ᠢᠳᠠᠰᠢᠨ ᠨᠤᠭᠤᠭᠠᠨ ᠤ ᠬᠦᠷᠢᠶ᠎ᠠ ᠭᠠᠷᠭᠠᠵᠤ ᠳᠠᠷᠢᠶᠠᠯᠠᠭᠤᠯᠵᠡᠢ᠃ ᠠᠯᠠᠱᠠ ᠬᠤᠰᠢᠭᠤᠨ ᠤ ᠭᠤᠷᠪᠠᠳᠤᠭᠠᠷ ᠦᠶ᠎ᠠ ᠎ ᠶᠢᠨ ᠵᠠᠰᠠᠭ ᠨᠤᠶᠠᠨ ᠯᠤᠪᠰᠠᠩᠳᠤᠷᠵᠢ ᠳᠡᠭᠷᠢ ᠳᠡᠳᠬᠦᠭᠴᠢ ᠶᠢᠨ ᠭᠤᠴᠢᠳᠤᠭᠠᠷ ᠤᠨ ︵1765 ᠤᠨ︶᠎ ᠳᠤ ᠳᠦᠷᠤ ᠎ ᠶᠢᠨ ᠬᠤᠱᠤᠢ ᠴᠢᠨ ᠸᠠᠩ ᠤᠨ ᠵᠡᠷᠭᠡ ᠳᠤ ᠡᠷᠬᠦᠮᠵᠢᠯᠡᠭᠳᠡᠵᠤ᠂ ᠳᠡᠬᠦᠨ ᠤ ᠠᠯᠳᠠᠷ ᠨᠠᠷ᠎ᠠ ᠮᠠᠨᠳᠤᠬᠤ ᠶᠢᠨ ᠵᠡᠷᠭᠡᠴᠡᠭᠡ ︽ᠳᠦᠷᠤ ᠳᠦᠪᠰᠢᠨ ᠳᠦᠮᠠᠨ ᠠᠮᠤᠭᠤᠯᠠᠩ︾ ᠪᠠᠶᠢᠭᠰᠠᠨ ᠢᠶᠠᠷ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠴᠤ ᠳᠠᠰᠤᠷᠠᠯᠳᠠ ᠦᠭᠡᠢ ᠬᠦᠭᠵᠢᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠳᠦᠷᠪᠡᠳᠤᠭᠡᠷ ᠦᠶ᠎ᠠ ᠶᠢᠨ ᠵᠠᠰᠠᠭ ᠨᠤᠶᠠᠨ ᠸᠠᠩᠴᠢᠨᠪᠠᠮᠪᠠᠷ ᠰᠠᠭᠤᠷᠢᠨ ᠳᠤ ᠭᠠᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠪᠠᠷᠠᠭᠤᠨ ᠴᠡᠴᠡᠷᠯᠢᠭ ᠢ ᠡᠭᠢᠯᠡᠨ ᠪᠠᠶᠢᠭᠤᠯᠵᠤ᠂ ᠳᠦᠷᠪᠡᠳᠤᠭᠡᠷ ᠦᠶ᠎ᠠ ᠶᠢᠨ ᠳᠠᠪᠤᠳᠤᠭᠠᠷ ᠵᠠᠰᠠᠭ ᠨᠤᠶᠠᠨ ᠮᠠᠬᠠᠪᠠᠯᠠ ᠨᠡᠩ ᠦᠷᠭᠡᠳᠭᠡᠨ ᠤᠢ ᠮᠤᠳᠤ᠂ ᠴᠡᠴᠡᠭ ᠬᠤᠸᠠᠷ ᠳᠠᠷᠢᠵᠤ᠂ ᠰᠡᠷᠢᠬᠦᠴᠠᠬᠦ ᠳᠢᠩᠰᠠ᠂ ᠭᠢᠮᠠᠯ ᠠᠭᠤᠯᠠ ᠪᠤᠰᠬᠠᠵᠤ᠂ ᠪᠡᠭᠡᠵᠢᠩ ᠤᠨ ︽ᠳᠦᠮᠠᠨ ᠦᠯᠵᠡᠶᠢᠳᠤ ᠠᠭᠤᠯᠠ︾᠎ ᠶᠢ ᠳᠦᠷᠰᠤᠯᠡᠬᠦᠯᠤᠨ ᠴᠤᠭᠴᠠᠯᠠᠵᠤ ︽ᠪᠠᠷᠠᠭᠤᠨ ᠴᠡᠴᠡᠷᠯᠢᠭ︾ ᠭᠡᠵᠤ᠂ ᠵᠢᠷᠭᠤᠳᠤᠭᠠᠷ ᠦᠶ᠎ᠠ ᠶᠢᠨ ᠳᠤᠯᠤᠳᠤᠭᠠᠷ ᠵᠠᠰᠠᠭ ᠨᠤᠶᠠᠨ ᠬᠦᠩᠰᠠᠩᠵᠦ᠋ᠷᠮᠢᠳ ᠤᠨ ᠦᠶ᠎ᠠ ᠳᠤ ᠪᠠᠷᠠᠭᠤᠨ ᠴᠡᠴᠡᠷᠯᠢᠭ ᠲᠤ ᠨᠢᠭᠡ ᠤᠷᠳᠤ ᠰᠤᠪᠠᠭ ᠵᠠᠰᠠᠵᠤ᠂ ᠭᠤᠷᠪᠠᠨ ᠭᠤᠤᠯ ᠎ ᠤᠨ ᠤᠰᠤ ᠶᠢ ᠴᠢᠳᠬᠤᠵᠤ ᠤᠷᠤᠭᠤᠯᠤᠨ ᠤᠩᠭᠤᠴᠠ ᠰᠠᠯᠢᠨ ᠵᠤᠭᠠᠴᠠᠬᠤ ᠪᠤᠯᠭᠠᠵᠤ᠂ ᠪᠤᠭᠤ ᠶᠢᠨ ᠠᠳᠠᠷᠠᠭᠠᠨ ᠳᠤ ᠭᠤᠶᠤ ᠦᠵᠡᠮᠵᠢᠳᠤ ︽ᠳᠠᠭᠠᠯᠠᠮᠵᠢᠳᠤ ᠳᠢᠩᠭᠢᠮ︾᠎ ᠢ ᠪᠠᠶᠢᠭᠤᠯᠵᠡᠢ᠃      ᠠᠷᠪᠠᠨ ᠶᠢᠰᠤᠳᠤᠭᠡᠷ ᠵᠠᠭᠤᠨ ᠤ ᠡᠭᠢᠨ ᠪᠤᠯᠬᠤ ᠳᠤ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠨᠢ ᠠᠯᠠᠱᠠ ᠬᠤᠰᠢᠭᠤᠨ ᠤ ᠤᠯᠤᠰ ᠳᠦᠷᠤ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠭᠡᠭᠡᠷᠡᠯ ᠤᠨ ᠳᠦᠪ ᠪᠤᠯᠵᠤ᠂ ᠳᠦᠷᠪᠡᠨ ᠵᠦᠭ ᠨᠡᠢᠮᠠᠨ ᠵᠤᠪᠭᠢᠰ ᠤᠨ ᠤᠯᠠᠨ ᠵᠠᠮ ᠤᠨ ᠠᠭᠤᠯᠵᠠᠷ ᠢ ᠳᠤᠪᠴᠢᠯᠠᠭᠰᠠᠨ ᠰᠢᠨ᠎ᠠ ᠪᠠᠷ ᠮᠠᠨᠳᠤᠭᠰᠠᠨ ᠬᠤᠳᠠ ᠪᠤᠯᠤᠨ ᠬᠦᠭᠵᠢᠵᠡᠢ᠃ ᠠᠩᠬ᠎ᠠ ᠠᠯᠠᠱᠠ ᠬᠤᠰᠢᠭᠤᠨ ᠳᠤ ᠰᠢᠶᠠᠩ ᠲᠠᠢ ᠯᠦᠩ ᠭᠡᠰᠡᠨ ᠨᠢᠭᠡ ᠯᠠ ᠭᠡᠰᠤᠬᠦᠯ ᠮᠡᠶᠢᠮᠠᠶᠢᠴᠢᠨ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠭᠠᠨᠰᠤ᠂ ᠱᠠᠨᠰᠢ᠂ ᠢᠷᠭᠠᠢ᠂ ᠪᠤᠭᠤᠳᠤ᠂ ᠪᠡᠭᠡᠵᠢᠩ᠂ ᠳᠢᠶᠡᠨᠵᠢᠨ ᠵᠡᠷᠭᠡ ᠭᠠᠵᠠᠷ ᠠᠴᠠ ᠤᠪᠤᠨ ᠴᠤᠪᠤᠨ ᠬᠦᠷᠴᠤ ᠢᠷᠡᠭᠰᠡᠨ ᠰᠢᠶᠠᠩ ᠲᠠᠢ ᠯᠦᠩ᠂ ᠶᠦᠩ ᠱᠧᠩ ᠡᠾᠧ᠂ ᠰᠢᠩ ᠲᠠᠢ ᠡᠾᠧ᠂ ᠸᠠᠨ ᠲᠠᠢ ᠱᠦᠢ᠂ ᠰᠢᠩ ᠲᠠᠢ ᠯᠦᠩ ᠵᠡᠷᠭᠡ ᠮᠡᠶᠢᠮᠡᠶᠢᠴᠢᠳ ᠤᠨ ᠡᠷᠭᠢᠯᠡᠭᠰᠡᠨ ᠫᠦᠰᠠ ᠳᠡᠯᠭᠡᠬᠦᠷ᠂ ᠪᠠᠭᠤᠳᠠᠯ᠂ ᠭᠠᠷ ᠦᠢᠯᠡᠳᠪᠤᠷᠢᠯᠠᠯ ᠤᠨ ᠭᠠᠵᠠᠷ ᠶᠠᠪᠤᠬᠤ ᠳᠤᠳᠤᠮ ᠤᠯᠠᠰᠢᠷᠠᠵᠤ᠂ ᠳᠠᠸᠠᠷ ᠤᠨ ᠰᠤᠯᠢᠯᠴᠠᠭ᠎ᠠ ᠬᠦᠭᠵᠢᠶᠠᠨ ᠲᠠᠢ ᠪᠤᠯᠵᠤ᠂ ᠠᠯᠠᠱᠠ ᠬᠤᠰᠢᠭᠤᠨ ᠤ ᠨᠡᠶᠢᠭᠡᠮ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠶᠢ ᠳᠦᠯᠭᠢᠨ ᠠᠭᠢᠭᠤᠯᠤᠭᠰᠠᠨ ᠪᠠᠶᠢᠪᠠ᠃      ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠶᠢ ᠠᠩᠬ᠎ᠠ ᠪᠠᠶᠢᠭᠤᠯᠬᠤ ᠳᠤ ᠭᠢᠳᠡᠳ ᠦᠰᠤᠭ᠌ ᠤᠨ ︽主︾ ᠭᠡᠯᠪᠡᠷᠢ ᠪᠠᠷ ︽ᠡᠵᠡᠨ︾ ᠭᠡᠰᠡᠨ ᠡᠴᠢᠨ᠎ᠠ ᠤᠳᠬ᠎ᠠ ᠶᠢ ᠠᠬᠤᠭᠤᠯᠤᠨ ᠪᠠᠶᠢᠭᠤᠯᠤᠭᠰᠠᠨ ᠭᠡᠳᠡᠭ᠃ ᠡᠨᠡ ᠦᠰᠤᠭ᠌ ᠤᠨ ᠳᠡᠭᠡᠷᠡᠭᠢ ᠴᠡᠭ ᠨᠢ ᠸᠠᠩ ᠤᠨ ᠤᠷᠳᠤᠨ ᠢ ᠳᠦᠯᠤᠭᠡᠯᠡᠵᠤ᠂ ᠭᠤᠤᠯ ᠢᠶᠠᠷ ᠨᠡᠪᠳᠡᠯᠤᠭ᠍ᠰᠡᠨ ᠨᠢᠭᠡᠨ ᠵᠢᠷᠤᠭᠠᠰᠤ ᠪᠠᠷ ᠡᠮᠤᠨ᠎ᠡ ᠶᠡᠭᠡ ᠵᠠᠭᠡᠯᠢ ᠶᠢ ᠳᠡᠮᠳᠡᠭᠯᠡᠵᠤ᠂ ᠬᠦᠨᠳᠠᠯᠠᠨ ᠭᠤᠷᠪᠠᠨ ᠵᠢᠷᠤᠭᠠᠰᠤ ᠨᠢ ᠦᠯᠵᠡᠶᠢᠮᠦ᠋ᠷᠡᠨ ᠠᠴᠠ ᠡᠭᠢ ᠠᠪᠤᠭᠰᠠᠨ ᠦᠯᠵᠡᠢ᠂ ᠤᠷᠳᠤ᠂ ᠤᠷᠤᠰᠬᠠᠯ ᠭᠤᠷᠪᠠᠨ ᠰᠠᠯᠪᠤᠷᠢ ᠭᠤᠤᠯ ᠶᠡᠭᠡ ᠵᠠᠭᠡᠯᠢ ᠶᠢ ᠬᠦᠨᠳᠠᠯᠢᠰᠤᠨ ᠤᠷᠤᠰᠴᠤ ᠪᠠᠶᠢᠭ᠎ᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠭᠡᠵᠤ ᠶᠠᠷᠢᠳᠠᠭ ᠰᠠᠨ᠃      ᠦᠨᠤᠳᠤᠷ ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠶᠢ ᠰᠡᠷᠬᠦᠭᠡᠨ ᠵᠠᠰᠠᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠳᠡᠤᠭᠡ ᠶᠢᠨ ᠦᠯᠡᠳᠡᠭᠳᠡᠯ ᠳᠤ ᠠᠪᠤᠷᠠᠯᠳᠠ ᠭᠢᠭᠰᠡᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠳᠤᠮᠳᠠᠴᠢ ᠠᠴᠠ ᠬᠦᠨᠳᠤ ᠨᠤᠴᠢᠳᠠᠢ ᠡᠪᠳᠡᠭᠳᠡᠯ ᠳᠤ ᠤᠴᠠᠷᠠᠵᠤ᠂ 1978 ᠤᠨ ᠠᠴᠠ 2003 ᠤᠨ ᠤ ᠬᠤᠭᠤᠷᠤᠨᠳᠤ ᠰᠡᠷᠬᠦᠭᠡᠨ ᠵᠠᠰᠠᠬᠤ ᠠᠵᠢᠯ ᠢ ᠭᠢᠭᠰᠡᠨ ᠪᠤᠯᠪᠠᠴᠤ ᠬᠠᠭᠤᠴᠢᠨ ᠭᠡᠪ ᠮᠠᠶ᠋ᠢᠭ ᠢ ᠨᠢ ᠰᠡᠷᠬᠦᠭᠡᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ 2005 ᠤᠨ ᠳᠤ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ ᠶᠢ ᠰᠡᠷᠬᠦᠭᠡᠨ ᠬᠠᠮᠠᠭᠠᠯᠠᠬᠤ ᠢᠨᠵᠢᠨᠧᠷᠢᠩ ᠢᠶᠠᠨ ᠡᠭᠢᠯᠡᠬᠦᠯᠵᠤ᠂ 2006 ᠤᠨ ᠳᠤ ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ ᠪᠤᠶᠤ ᠳ᠋ᠢᠩ ᠶᠤᠸᠠᠨ ᠢᠩ ᠢ ᠪᠦᠬᠦ ᠤᠯᠤᠰ ᠤᠨ ᠵᠢᠷᠭᠤᠳᠤᠭᠠᠷ ᠪᠦᠯᠤᠭ᠌ ᠤᠨ ᠳᠡᠤᠭᠡᠨ ᠳᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠤᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠢᠶᠠᠷ ᠳᠤᠭᠳᠠᠭᠠᠭᠰᠠᠨ ᠢᠶᠠᠷ ᠳᠠᠪᠤᠨ ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠳᠦᠬᠦᠷᠢᠭ ᠤᠨ ᠪᠡᠯᠡ ᠤᠷᠤᠭᠤᠯᠵᠤ ᠰᠠᠯᠪᠢᠨ ᠵᠠᠰᠠᠵᠠᠢ᠃ ᠦᠨᠤᠳᠤᠷ ᠤᠨ ᠬᠤᠯᠠᠳᠠᠭᠢᠨ ᠢ ᠳᠤᠭᠳᠠᠭᠠᠭᠴᠢ ᠬᠤᠷᠢᠶ᠎ᠠ ᠨᠢ ᠤᠯᠤᠰ ᠤᠨ AAA ᠳᠠᠰ ᠤᠨ ᠵᠤᠭᠠᠴᠠᠯ ᠤᠨ ᠤᠷᠤᠨ ᠪᠠᠶᠢᠵᠤ᠂ ᠪᠠᠶᠠᠨᠬᠤᠳᠠ ᠶᠢᠨ ᠨᠢᠭᠡᠨ ᠵᠤᠭᠠᠴᠠᠯ ᠤᠨ ᠴᠢᠭ ᠪᠤᠯᠵᠤ᠂ ᠳᠡᠤᠭᠡ ᠶᠢᠨ ᠤᠯᠠ ᠮᠦᠷ ᠢ ᠬᠠᠶᠢᠨ ᠰᠢᠨᠵᠢᠬᠦ᠂ ᠠᠯᠠᠱᠠ ᠶᠢᠨ ᠠᠷᠠᠳ ᠤᠨ ᠮᠦᠽᠧᠢ ᠪᠠᠷ ᠳᠤᠭᠤᠷᠢᠨ ᠦᠵᠡᠬᠦ᠂ ᠦᠨᠳᠤᠰᠤᠳᠡᠨ ᠤ ᠤᠨᠴᠠᠯᠢᠭᠳᠤ ᠪᠠᠷᠠᠭ᠎ᠠ ᠳᠠᠸᠠᠷ ᠬᠤᠳᠠᠯᠳᠤᠨ ᠠᠪᠬᠤ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠠᠮᠳᠠᠯᠠᠬᠤ᠂ ᠠᠯᠠᠱᠠ ᠬᠤᠱᠤᠳ ᠤᠨ ᠰᠤᠶᠤᠯ ᠤᠷᠠᠯᠢᠭ ᠢ ᠦᠢᠯᠠᠭᠠᠬᠤ᠂ ᠬᠤᠳᠠ ᠶᠢᠨ ᠭᠡᠷᠡᠮ ᠤᠨ ᠤᠷᠤᠢ ᠠᠴᠠ ᠪᠠᠶᠠᠨᠬᠤᠳᠠ ᠶᠢᠨ ᠦᠵᠡᠮᠵᠢ ᠶᠢ ᠰᠤᠨᠢᠷᠬᠠᠬᠤ᠂ ᠬᠤᠳᠠ ᠶᠢᠨ ᠳᠤᠳᠤᠷᠠᠭᠢ ᠠᠯᠠᠱᠠ ᠸᠠᠩ ᠤᠨ ᠤᠷᠳᠤᠨ᠂ ᠪᠤᠶᠠᠨ ᠠᠷᠪᠢᠳᠬᠠᠭᠴᠢ ᠰᠦᠮ᠎ᠠ ᠪᠠᠷ ᠳᠤᠭᠤᠷᠢᠨ ᠵᠤᠭᠠᠴᠠᠵᠤ ᠪᠤᠯᠬᠤ ᠰᠠᠨ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠢᠷᠠᠲᠠᠢ ᠪᠠᠯᠭᠠᠰᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠥᠯᠵᠡᠢ ᠰᠤᠮᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠡᠷᠬᠡᠬᠠᠰᠢᠬ᠎ᠠ ᠰᠤᠮᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠴᠣᠭᠲᠤᠬᠦ᠋ᠷᠢᠶ᠎ᠡ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠡᠭᠦᠷᠢᠳᠡ ᠶᠢᠨ ᠦᠨᠳᠦᠰᠦᠨ ᠲᠠᠷᠢᠶᠠᠨ ᠭᠠᠵᠠᠷ ᠢ ᠰᠦᠯᠵᠢᠶᠡᠨ ᠠᠴᠠ ᠯᠠᠪᠯᠠᠵᠤ ᠳᠠᠶᠢᠯᠭᠦ ᠪᠣᠯᠵᠠᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号