ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠠᠯᠠᠱᠠ ᠸᠠᠩ ᠤᠨ ᠤᠷᠳᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/11/29
     ᠳ᠋ᠢᠩ ᠶᠤᠸᠠᠨ ᠢᠩ ᠬᠤᠳᠠ ᠶᠢᠨ ᠳᠤᠳᠤᠷᠠᠭᠢ ᠳᠤᠮᠤ ᠪᠠᠷᠢᠯᠭ᠎ᠠ ᠭᠡᠪᠡᠯ ᠭᠡᠳᠤᠨ ᠦᠶ᠎ᠠ ᠶᠢᠨ ᠵᠠᠰᠠᠭ ᠨᠤᠶᠠᠳ ᠳᠠᠰᠤᠷᠠᠯᠳᠠ ᠦᠭᠡᠢ ᠦᠷᠭᠡᠳᠭᠡᠵᠤ᠂ ᠰᠢᠨᠡᠳᠭᠡᠨ ᠵᠠᠰᠠᠭᠰᠠᠨ ᠸᠠᠩ ᠤᠨ ᠤᠷᠳᠤᠨ ᠪᠤᠯᠬᠤ ᠶᠤᠮ᠃ ᠸᠠᠩ ᠤᠨ ᠤᠷᠳᠤᠨ ᠤ ᠪᠠᠷᠢᠯᠭ᠎ᠠ ᠶᠢᠨ ᠪᠦᠬᠦᠯᠢ ᠴᠤᠭᠴᠠ ᠨᠢ ᠪᠡᠭᠡᠵᠢᠩ ᠤᠨ ᠤᠷᠳᠤᠨ ᠤ ᠮᠠᠶ᠋ᠢᠭ ᠤᠨ ᠪᠠᠷᠢᠯᠭ᠎ᠠ ᠶᠢ ᠳᠠᠭᠤᠷᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠪᠤᠯᠬᠤᠷ ᠬᠤᠯᠠ ᠦᠢᠷ᠎ᠠ ᠳᠤ ︽ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠᠭᠢ ᠪᠠᠭ᠎ᠠ ᠪᠡᠭᠡᠵᠢᠩ︾ ᠭᠡᠵᠤ ᠠᠯᠳᠠᠷᠰᠢᠭᠰᠠᠨ ᠪᠢᠯᠡ᠃ ᠸᠠᠩ ᠤᠨ ᠤᠷᠳᠤᠨ ᠨᠢ ᠭᠤᠤᠯ ᠤᠷᠳᠤᠨ᠂ ᠵᠡᠬᠦᠨ ᠤᠷᠳᠤᠨ᠂ ᠪᠠᠷᠠᠭᠤᠨ ᠤᠷᠳᠤᠨ᠂ 1931 ᠤᠨ ᠳᠤ ᠶᠢᠰᠤᠳᠤᠭᠡᠷ ᠦᠶ᠎ᠠ ᠶᠢᠨ ᠠᠷᠪᠠᠳᠤᠭᠠᠷ ᠵᠠᠰᠠᠭ ᠨᠤᠶᠠᠨ ᠳ᠋ᠠᠨᠢᠽᠠᠨ᠎ᠠ ᠶᠢᠨ ᠦᠶ᠎ᠠ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠰᠢᠨ᠎ᠠ ᠤᠷᠳᠤᠨ ᠭᠡᠬᠦ ᠳᠦᠷᠪᠡᠨ ᠭᠡᠰᠡᠭ ᠢᠶᠠᠷ ᠪᠦᠷᠢᠯᠳᠤᠵᠤ᠂ ᠤᠷᠳᠤᠨ ᠪᠦᠷᠢ ᠨᠢ ᠭᠡᠳᠤ ᠭᠡᠳᠤᠨ ᠳᠠᠪᠬᠤᠷ ᠬᠦᠷᠢᠶ᠎ᠠ ᠲᠠᠢ᠂ ᠡᠷᠳᠡᠨ ᠤ ᠮᠠᠶ᠋ᠢᠭ ᠤᠨ ᠳᠠᠪᠤᠨ ᠵᠠᠭᠤ ᠭᠠᠷᠤᠢ ᠳᠠᠰᠤᠯᠭ᠎ᠠ ᠭᠡᠷ ᠪᠠᠶᠢᠰᠢᠩ ᠲᠠᠢ ᠪᠡᠶᠢᠵᠡᠢ᠃ ᠭᠤᠤᠯ ᠤᠷᠳᠤᠨ ᠤ ᠬᠤᠶᠢᠳᠤ ᠳᠠᠯ᠎ᠠ ᠳᠤ ᠨᠢ ᠰᠠᠭᠤᠬᠤ ᠦᠷᠤᠭᠡ᠂ ᠪᠤᠷᠬᠠᠨ ᠤ ᠦᠷᠤᠭᠡ᠂ ᠰᠤᠳᠤᠷ ᠨᠤᠮ᠂ ᠳᠠᠭᠢᠯ ᠳᠠᠪᠠᠭ ᠤᠨ ᠭᠡᠷᠡᠭᠰᠡᠯ ᠢ ᠬᠠᠳᠠᠭᠠᠯᠠᠬᠤ ᠦᠷᠤᠭᠡ᠂ ︽ᠳᠦᠪ ᠵᠢᠷᠤᠮᠳᠤ ᠳᠢᠩᠭᠢᠮ︾ ᠪᠡᠶᠢᠵᠤ᠂ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠵᠢᠬᠦᠷ ᠲᠤ ᠨᠢ ᠳᠤᠰ ᠳᠤᠰ ︽ᠵᠠᠭᠢᠶ᠎ᠠ ᠤᠯᠠᠮᠵᠢᠯᠠᠬᠤ ᠳᠢᠩᠭᠢᠮ︾ ᠪᠠ ︽ᠶᠤᠰᠤᠯᠠᠯ ᠤᠨ ᠳᠢᠩᠭᠢᠮ︾ ᠪᠡᠶᠢᠵᠡᠢ᠃ ᠠᠩᠬᠠᠨ ᠳᠤ ᠪᠠᠨ ᠸᠠᠩ ᠤᠨ ᠤᠷᠳᠤᠨ ᠨᠢ ᠵᠠᠰᠠᠭ ᠤᠨ ᠤᠷᠳᠤᠨ ᠪᠠᠶᠢᠵᠤ᠂ ᠮᠠᠬᠠᠪᠠᠯᠠ ᠨᠤᠶᠠᠨ ᠤ ᠦᠶ᠎ᠠ ᠳᠤ ᠳᠠᠮᠠᠭ᠎ᠠ ᠶᠢᠨ ᠶᠠᠮᠤᠨ ᠢ ᠡᠭᠢᠯᠡᠨ ᠪᠠᠶᠢᠭᠤᠯᠵᠤ᠂ ᠸᠠᠩ ᠤᠨ ᠤᠷᠳᠤᠨ ᠨᠢ ᠸᠠᠩ ᠤᠨ ᠰᠠᠭᠤᠬᠤ ᠭᠡᠷ ᠪᠤᠯᠵᠤ᠂ ᠳᠠᠮᠠᠭ᠎ᠠ ᠶᠢᠨ ᠶᠠᠮᠤᠨ ᠨᠢ ᠬᠤᠰᠢᠭᠤ ᠵᠠᠰᠠᠭ ᠤᠨ ᠭᠡᠷᠡᠭ ᠰᠶᠢᠳᠬᠦ ᠭᠠᠵᠠᠷ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃       ᠳᠠᠮᠠᠭ᠎ᠠ ᠶᠢᠨ ᠶᠠᠮᠤᠨ ᠨᠢ ᠸᠠᠩ ᠤᠨ ᠤᠷᠳᠤᠨ ᠤ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠪᠠᠶᠢᠷᠢᠯᠠᠵᠤ᠂ ᠳᠡᠬᠦᠨ ᠳᠤ ᠠᠯᠪᠠᠨ ᠰᠶᠢᠳᠭᠡᠬᠦ ᠳᠢᠩᠭᠢᠮ᠂ ᠬᠤᠷᠠᠯ ᠤᠨ ᠳᠢᠩᠭᠢᠮ᠂ ᠵᠠᠰᠠᠭ ᠤᠨ ᠶᠠᠪᠤᠳᠠᠯ ᠤᠨ ᠭᠠᠵᠠᠷ᠂ ᠡᠳ᠋ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ᠂ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠭᠠᠵᠠᠷ ᠪᠤᠯᠤᠨ ᠳᠦᠰᠢᠮᠠᠯ᠂ ᠪᠢᠴᠢᠭᠡᠴᠢ ᠨᠠᠷ ᠤᠨ ᠰᠠᠭᠤᠬᠤ ᠭᠡᠷ ᠵᠡᠷᠭᠡ ᠨᠠᠢᠮᠠᠨ ᠭᠡᠰᠡᠭ᠂ ᠬᠤᠶᠠᠷ ᠵᠠᠭᠤ ᠭᠤᠴᠢ ᠭᠠᠷᠤᠢ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ᠂ ᠬᠤᠳᠠ ᠶᠢᠨ ᠡᠮᠤᠨ᠎ᠡ ᠡᠬᠦᠳᠠ ᠪᠠᠷ ᠤᠷᠤᠮᠠᠭᠴᠠ ᠰᠢᠬᠦᠬᠦ ᠬᠤᠷᠢᠶ᠎ᠠ᠂ ᠶᠠᠯᠠᠳᠠᠨ ᠢ ᠬᠤᠷᠢᠬᠤ ᠭᠠᠵᠠᠷ ᠨᠢᠭᠡ ᠬᠦᠷᠢᠶ᠎ᠠ ᠳᠠᠯᠠᠨ ᠶᠢᠰᠤᠨ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ᠂ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨᠡᠳᠤ ᠭᠡᠰᠡᠭ ᠲᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠶᠡᠷᠤᠩᠭᠡᠢ ᠠᠩᠭᠢ ᠶᠢᠨ ᠬᠤᠷᠢᠶ᠎ᠠ ᠨᠢᠭᠡ ᠬᠦᠷᠢᠶ᠎ᠠ ᠵᠠᠭᠤᠨ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ᠂ ᠬᠤᠰᠢᠭᠤ ᠰᠠᠩ ᠨᠢᠭᠡ ᠬᠦᠷᠢᠶ᠎ᠠ ᠳᠦᠴᠢᠨ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ ᠂ ᠴᠡᠷᠢᠭ ᠰᠠᠩ ᠨᠢᠭᠡ ᠬᠦᠷᠢᠶ᠎ᠠ ᠭᠤᠴᠢᠨ ᠬᠤᠶᠠᠷ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ᠂ ᠫᠤᠤ ᠵᠡᠪᠰᠡᠭ ᠬᠠᠳᠠᠭᠠᠯᠠᠬᠤ ᠬᠤᠶᠠᠷ ᠬᠦᠷᠢᠶ᠎ᠠ ᠬᠤᠷᠢᠨ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ᠂ ᠡᠬᠦᠳᠡᠨ ᠤ ᠬᠠᠷᠠᠭᠤᠯ ᠤᠨ ᠭᠡᠷ ᠨᠢᠭᠡ ᠬᠦᠷᠢᠶ᠎ᠠ ᠳᠦᠴᠢᠨ ᠳᠠᠰᠤᠯᠭ᠎ᠠ ᠪᠠᠶᠢᠰᠢᠩ ᠲᠠᠢ ᠪᠠᠶᠢᠵᠡᠢ᠃       ᠸᠠᠩ ᠤᠨ ᠤᠷᠳᠤᠨ ᠠᠴᠠ ᠬᠤᠶᠢᠰᠢ ᠵᠠᠯᠭᠠᠭᠠᠳ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠬᠤᠰᠢᠭᠤ ᠰᠦᠮ᠎ᠠ — ᠪᠤᠶᠠᠨ ᠠᠷᠪᠢᠳᠬᠠᠭᠴᠢ ᠰᠦᠮ᠎ᠠ ᠪᠠᠶᠢᠳᠠᠭ᠃ ᠳᠤᠰ ᠰᠦᠮ᠎ᠠ ᠪᠤᠯ ᠳᠦᠪᠠᠳ ᠭᠢᠳᠡᠳ ᠦᠨᠳᠤᠰᠤᠳᠡᠨ ᠎ ᠤ ᠪᠠᠷᠢᠯᠭ᠎ᠠ ᠶᠢᠨ ᠭᠡᠯᠪᠡᠷᠢ ᠶᠢ ᠤᠶᠠᠯᠳᠤᠭᠤᠯᠨ ᠪᠤᠰᠬᠠᠭᠰᠠᠨ ᠭᠤᠷᠪᠠᠨ ᠳᠠᠪᠬᠤᠷᠯᠢᠭ ᠲᠠᠢ ᠳᠦᠴᠢᠨ ᠶᠢᠰᠤᠨ ᠳᠠᠰᠤᠯᠭ᠎ᠠ ᠪᠦᠬᠦᠢ ᠴᠤᠭᠴᠢᠨ ᠳᠤᠭᠠᠩ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠠᠷᠪᠠᠨ ᠳᠠᠪᠤᠨ ᠰᠠᠭᠤᠷᠢ ᠳᠤᠭᠠᠩ ᠲᠠᠢ ᠰᠦᠮ᠎ᠠ ᠪᠡᠶᠢᠵᠤ᠂ ᠡᠬᠦᠨ ᠳᠤ ᠭᠤᠷᠪᠠᠨ ᠴᠠᠭ ᠤᠨ ᠪᠤᠷᠬᠠᠨ ᠤ ᠰᠦᠮ᠎ᠠ᠂ ᠨᠦᠩᠨᠠᠢ ᠶᠢᠨ ᠳᠤᠭᠠᠩ᠂ ᠳ᠋ᠦᠢᠩᠺᠤᠷ ᠳᠤᠭᠠᠩ᠂ ᠠᠭᠪᠠ ᠳᠤᠭᠠᠩ᠂ ᠮᠠᠮᠪᠠ ᠳᠤᠭᠠᠩ᠂ ᠭᠤᠩᠺᠠᠩ᠂ ᠼᠠᠩᠺᠠᠩ᠂ ᠳᠠᠪᠤᠨ ᠬᠠᠭᠠᠨ᠂ ᠠᠯᠠᠱᠠ ᠳᠤᠭᠠᠩ᠂ ᠮᠠᠨᠢ ᠶᠢᠨ ᠬᠦᠷᠳᠤ᠂ ᠭᠠᠨᠵᠤᠤᠷ ᠤᠨ ᠬᠦᠷᠳᠤ ᠶᠢᠨ ᠰᠦᠮ᠎ᠠ᠂ ᠭᠡᠩᠭᠡᠷᠭᠡ ᠭᠢᠭᠡᠳ ᠵᠦᠩ ᠳᠤᠭᠢᠶᠠᠨ ᠤ ᠠᠰᠠᠷ᠂ ᠮᠠᠾᠠᠷᠠᠨᠽᠠ ᠎ ᠶᠢᠨ ᠰᠦᠮ᠎ᠠ᠂ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠯᠠᠪᠷᠤᠩ᠂ ᠳ᠋ᠠᠭᠪᠤ ᠬᠤᠳᠤᠭᠳᠤ᠂ ᠳ᠋ᠤᠪᠽᠠᠩ ᠬᠤᠳᠤᠭᠳᠤ᠂ ᠳ᠋ᠧᠰᠡᠷᠢᠳ ᠬᠤᠳᠤᠭᠳᠤ᠂ ᠮᠠᠨᠢᠴᠢ ᠯᠠᠮᠠ᠂ ᠭᠠᠨᠵᠤᠤᠷᠪᠠ ᠪᠠᠭᠰᠢ ᠵᠡᠷᠭᠡ ᠭᠡᠭᠡᠨ ᠬᠤᠪᠢᠯᠭᠠᠳ ᠨᠠᠷ ᠤᠨ ᠯᠠᠪᠷᠤᠩ᠂ ᠰᠠᠩ ᠵᠢᠰᠠ ᠵᠡᠷᠭᠡ ᠪᠠᠶᠢᠵᠤ᠂ ᠳᠤᠰ ᠰᠦᠮ᠎ᠡ 1986 ᠤᠨ ᠳᠤ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠭᠤᠤᠯᠳᠠᠯᠭ᠎ᠠ ᠲᠠᠢ ᠳᠡᠤᠭᠡᠳᠤ ᠳᠤᠷᠠᠰᠬᠠᠯ ᠤᠨ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠠ ᠪᠤᠯᠵᠡᠢ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠦᠨᠳᠦᠷᠯᠢᠭ ᠳᠡᠭᠡᠷ᠎ᠡ ᠭᠢᠳᠡᠳ ᠮᠠᠶ᠋ᠢᠭ ᠤᠨ ᠡᠷᠯᠢᠭ ᠬᠠᠭᠠᠨ ᠤ ᠰᠦᠮ᠎ᠠ᠂ ᠡᠮᠤᠨ᠎ᠡ ᠡᠬᠦᠳᠠᠨ ᠎ ᠠᠴᠠ ᠵᠠᠬᠦᠨᠰᠢ ᠳᠦᠪ ᠶᠤᠰᠤᠳᠤ ᠰᠦᠮ᠎ᠠ᠂ ᠠᠭᠤᠯᠠᠨ ᠰᠠᠭᠢᠭᠤᠯᠰᠤᠨ ᠤ ᠰᠦᠮ᠎ᠠ᠂ ᠠᠶᠤᠩᠭᠠᠳᠤ ᠰᠠᠭᠢᠭᠤᠯᠰᠤᠨ ᠤ ᠰᠦᠮ᠎ᠠ᠂ ᠪᠤᠳᠢᠰᠠᠳ᠋ᠸ᠎ᠠ ᠶᠢᠨ ᠰᠦᠮ᠎ᠠ᠂ ᠠᠪᠤᠷᠭᠤ ᠤᠳᠤᠳᠤ ᠰᠦᠮ᠎ᠠ ᠪᠠᠶᠢᠵᠤ᠂ ᠵᠡᠬᠦᠨ ᠬᠤᠶᠢᠳᠤ ᠦᠨᠴᠤᠭ᠌ ᠲᠤ ᠪᠠᠳᠤ ᠬᠠᠭᠠᠯᠭᠠᠳᠤ ᠰᠦᠮ᠎ᠠ᠂ ᠳᠤᠳᠤᠷ᠎ᠠ ᠳᠠᠯ᠎ᠠ ᠳᠤ ᠨᠢ ᠮᠠ ᠸᠠᠩ ᠮᠢᠶᠤᠤ ᠰᠦᠮ᠎ᠠ ᠪᠠᠶᠢᠵᠤ᠂ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠭᠡᠷᠡᠮ ᠤᠨ ᠳᠡᠨᠳᠡ ᠬᠦᠨ ᠡᠯᠴᠢᠨ ᠰᠦᠮ᠎ᠠ ᠪᠠᠶᠢᠵᠤ᠂ ᠬᠤᠳᠠ ᠶᠢᠨ ᠳᠤᠮᠳᠠ ᠨᠢ ᠯᠤᠤᠰ ᠤᠨ ᠰᠦᠮ᠎ᠠ ᠪᠠᠶᠢᠵᠤ᠂ ᠡᠳᠡᠭᠡᠷ ᠨᠢ ᠴᠦᠮ ᠪᠠᠭ᠎ᠠ ᠪᠠᠭ᠎ᠠ ᠰᠦᠮ᠎ᠠ ᠤᠳ ᠪᠤᠯᠬᠤ ᠶᠤᠮ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠢᠷᠠᠲᠠᠢ ᠪᠠᠯᠭᠠᠰᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠥᠯᠵᠡᠢ ᠰᠤᠮᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠡᠷᠬᠡᠬᠠᠰᠢᠬ᠎ᠠ ᠰᠤᠮᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠴᠣᠭᠲᠤᠬᠦ᠋ᠷᠢᠶ᠎ᠡ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠥᠷᠲᠡᠭᠡ
ᠡᠭᠦᠷᠢᠳᠡ ᠶᠢᠨ ᠦᠨᠳᠦᠰᠦᠨ ᠲᠠᠷᠢᠶᠠᠨ ᠭᠠᠵᠠᠷ ᠢ ᠰᠦᠯᠵᠢᠶᠡᠨ ᠠᠴᠠ ᠯᠠᠪᠯᠠᠵᠤ ᠳᠠᠶᠢᠯᠭᠦ ᠪᠣᠯᠵᠠᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号