| | ᠨᠡᠶᠢᠭᠡᠮ ᠤᠨ ᠭᠦᠭᠵᠢᠯᠲᠡ ᠨᠢᠰᠭᠦ ᠮᠡᠳᠤ | ᠲᠦᠷᠭᠡᠨ ᠡᠨᠡ ᠴᠠᠭ ᠦᠶᠡ ᠳᠤ᠂ ᠵᠠᠷᠢᠮ | ᠮᠠᠯᠴᠢᠳ ᠠᠵᠦ ᠠᠬᠤᠢ ᠶᠢᠨ ᠬᠦᠭᠵᠢᠯᠲᠡ ᠲᠠᠢ | ᠵᠤᠬᠢᠴᠠᠯᠳᠤᠵᠦ᠂ ᠦᠷᠡ ᠠᠰᠢᠭ ᠢᠶᠠᠨ ᠤᠯᠠᠮ | ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠤᠯᠠᠳᠠ ᠮᠠᠯᠵᠢᠬᠤ | ᠤᠶᠢᠯᠡᠳᠪᠤᠷᠢᠯᠡᠯ ᠳᠡᠭᠡᠨ ᠦᠭᠡᠷᠡᠴᠢᠯᠡᠯᠳᠡ | ᠬᠢᠬᠦ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠪᠠᠨ | ᠪᠤᠯᠪᠠᠰᠤᠷᠠᠭᠤᠯᠤᠨ ᠲᠠᠸᠠᠷᠰᠢᠭᠤᠯᠬᠤ | ᠵᠡᠷᠭᠡ ᠠᠯᠢ ᠤᠯᠠᠨ ᠠᠷᠭᠠ ᠵᠠᠮ ᠳᠤ | ᠲᠦᠰᠢᠭᠯᠡᠨ ᠠᠰᠢᠭ ᠤᠷᠤᠯᠭᠠ ᠪᠠᠨ | ᠨᠡᠮᠡᠭᠳᠡᠬᠦᠯᠵᠦ ᠪᠠᠶᠢᠨᠡ᠃ ᠬᠠᠷᠢᠨ ᠤᠳᠤ ᠴᠦ | ᠭᠡᠰᠡᠨ᠂ ᠬᠦᠳᠡᠭᠡ ᠨᠤᠲᠤᠭ ᠲᠤ ᠴᠤᠯ | ᠪᠠᠶᠢᠭᠠᠯᠢᠯᠢᠭ ᠮᠠᠯᠵᠢᠯ ᠢᠶᠠᠨ | ᠪᠠᠷᠢᠮᠳᠠᠯᠠᠨ᠂ ᠤᠯᠠᠮᠵᠢᠯᠠᠯᠲᠤ | ᠮᠠᠶ᠋ᠢᠭ ᠢᠶᠠᠷ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ | ᠡᠷᠬᠢᠯᠡᠵᠦ ᠪᠠᠶᠢᠭᠠ ᠬᠦᠮᠦᠰ ᠮᠦᠨ ᠯᠡ ᠤᠯᠠᠨ | ᠪᠠᠶᠢᠭᠰᠠᠭᠠᠷ᠃ ᠲᠡᠭᠡᠪᠡᠯ ᠤᠯᠠᠮᠵᠢᠯᠠᠯᠲᠤ᠂ | ᠴᠤᠯ ᠪᠠᠶᠢᠭᠠᠯᠢᠯᠢᠭ ᠮᠠᠯᠵᠢᠯ ᠤᠨ | ᠢᠷᠡᠭᠡᠳᠤᠢ ᠶᠠᠮᠠᠷ ᠰᠢᠤᠬᠠᠨ ᠪᠤᠯ︖ ᠠᠯᠠᠱᠠ | ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠭᠪᠤᠯᠠᠭ | ᠰᠤᠮᠤᠨ ᠤ ᠦᠷᠦᠨᠳᠤᠶᠠᠭᠠ ᠭᠠᠴᠠᠭᠠ ᠪᠤᠯ | ᠵᠠᠭ ᠰᠠᠶᠢᠳᠠᠢ᠂ ᠲᠡᠮᠡᠭᠡ ᠭᠤᠤᠯᠳᠠᠢ | ᠮᠠᠯᠵᠢᠵᠦ ᠪᠠᠶᠢᠭᠠ ᠴᠤᠯ ᠮᠠᠯᠵᠢᠬᠤ | ᠭᠠᠴᠠᠭᠠ ᠶᠤᠮ᠃ ᠠᠳᠡᠬᠢ ᠪᠤᠯ ᠤᠯᠠᠮᠵᠢᠯᠠᠯᠳᠦ | ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠯᠠ ᠬᠠᠮᠤᠭ | ᠲᠤᠭᠢᠷᠠᠮᠵᠢᠳᠠᠢ ᠡᠯᠡᠰᠦᠨ ᠭᠤᠪᠢ ᠨᠤᠳᠤᠭ | ᠶᠤᠮ᠃ ᠭᠡᠷᠪᠡ ᠵᠦᠪᠬᠡᠨ ᠲᠡᠮᠡᠭᠡ᠂ ᠵᠠᠭ ᠢᠶᠠᠨ | ᠲᠦᠰᠢᠵᠦ᠂ ᠤᠯᠠᠮᠵᠢᠯᠠᠯᠳᠦ ᠮᠠᠯᠵᠢᠯ | ᠦᠢᠯᠡᠳᠪᠦᠷᠢᠯᠡᠯ ᠢᠶᠠᠷ ᠢᠶᠠᠨ ᠠᠵᠦ | ᠲᠦᠷᠦᠪᠡᠯ ᠠᠰᠢᠭ ᠤᠷᠤᠯᠭᠠ ᠨᠢ ᠶᠠᠮᠡᠷ ᠪᠤᠯ︖ | ᠠᠵᠦ ᠠᠮᠢᠳᠤᠷᠠᠯ ᠨᠢ ᠬᠢᠷᠢ ᠵᠡᠷᠬᠡ | ᠪᠠᠶᠢᠨᠠ︖ ᠤᠳᠤ ᠴᠠᠬ ᠦᠶᠠ ᠶᠢᠨ | ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡ | ᠱᠠᠭᠠᠷᠳᠠᠯᠭᠠ ᠶᠢ ᠬᠠᠨᠭ᠍ᠭᠠᠵᠦ ᠲᠡᠶᠢᠯᠵᠦ | ᠪᠠᠶᠢᠨᠠᠤ︖ ᠡᠳᠡᠭᠡᠷ ᠠᠰᠠᠭᠤᠯᠳᠠ ᠳᠤ | ᠬᠦᠳᠦᠯᠦᠭᠳᠡᠨ ᠰᠤᠷᠪᠤᠯᠵᠢᠯᠠᠭᠴᠢ ᠲᠤᠰ | ᠭᠠᠴᠠᠭᠠ ᠪᠠᠷ ᠬᠦᠨᠵᠡᠬᠡᠶᠢᠷᠡᠵᠦ | ᠰᠤᠷᠪᠤᠯᠵᠢᠯᠠᠭᠠ ᠠᠪᠤᠬᠰᠠᠨ ᠶᠤᠮ᠃ | ᠮᠠᠯᠵᠢᠬᠤ ᠶᠢ ᠵᠤᠭᠰᠤᠭᠠᠭᠰᠡᠨ ᠪᠤᠶᠤ | ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠶᠢ | ᠬᠢᠵᠠᠭᠠᠷᠯᠠᠭᠰᠡᠨ ᠠᠴᠠ ᠲᠠᠩᠰᠤᠭᠪᠤᠯᠠᠭ | ᠰᠤᠮᠤᠨ ᠤ ᠦᠷᠦᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ | ᠮᠠᠯᠴᠢᠳ ᠨᠡᠶᠢᠳᠡᠮ ᠳᠡᠭᠡᠨ ᠪᠤᠭ ᠮᠠᠯ | ᠬᠠᠷᠢᠭᠤᠯᠬᠤ ᠪᠠᠨ ᠪᠤᠯᠢᠵᠦ᠂ ᠲᠡᠮᠡᠭᠡ ᠪᠠᠨ | ᠦᠨᠢᠷ ᠦᠰᠭᠡᠨ᠂ ᠵᠠᠭ ᠢᠶᠠᠨ ᠬᠠᠮᠠᠭᠠᠯᠠᠵᠦ᠂ | ᠭᠤᠶᠤᠤ ᠪᠠᠨ ᠮᠠᠯᠳᠠᠨ᠂ ᠪᠠᠶᠢᠭᠠᠯᠢ | ᠤᠷᠴᠢᠨ ᠢᠶᠠᠨ ᠲᠦᠰᠢᠵᠦ᠂ ᠠᠷᠢᠭᠤᠨ | ᠬᠦᠳᠡᠯᠮᠤᠷᠢ ᠠᠵᠢᠯᠴᠢ ᠬᠤᠶᠠᠷ | ᠭᠠᠷ ᠢᠶᠠᠷ ᠢᠶᠠᠨ ᠠᠵᠦ ᠲᠦᠷᠦᠵᠦ ᠪᠠᠶᠢᠨᠡ᠃ | ᠠᠳᠡᠬᠢ ᠠᠶᠢᠯ ᠤᠳ ᠪᠦᠷ ᠲᠡᠮᠡᠭᠡ ᠤᠯᠠᠨᠲᠠᠢ | ᠤᠴᠢᠷ ᠲᠡᠮᠡᠭᠡᠨ ᠨᠤᠤᠰᠤ ᠨᠤᠯᠤᠤᠷ᠂ ᠢᠩᠭᠡᠨ | ᠰᠠᠭᠠᠯᠢ ᠠᠴᠠ ᠪᠠᠨ ᠠᠰᠢᠭ ᠤᠯᠵᠦ᠂ ᠵᠠᠭ | ᠵᠡᠬᠡᠳᠡᠢ ᠨᠤᠳᠤᠭ ᠪᠤᠯᠬᠤᠷ ᠬᠠᠪᠤᠷ ᠲᠠᠭᠠᠨ | ᠴᠠᠭᠠᠨ ᠭᠤᠶᠤᠤ ᠠᠴᠠ ᠪᠠᠨ ᠪᠠᠭᠠ ᠪᠤᠰᠤ | ᠤᠷᠤᠯᠭᠠ ᠤᠯᠳᠠᠭ᠃ ᠮᠦᠩᠬᠡᠨᠠᠰᠤᠨ ᠤ ᠬᠢᠨ | ᠵᠢᠯ ᠪᠤᠯᠭᠠᠨ ᠤ ᠲᠦᠷᠪᠡᠨ ᠰᠠᠷᠠ ᠠᠴᠠ | ᠡᠬᠢᠯᠡᠨ ᠴᠠᠭᠠᠨ ᠭᠤᠶᠤᠤ ᠮᠠᠯᠳᠠᠬᠤ | ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠳᠠᠭ᠂ ᠶᠡᠷᠤᠨᠢ | ᠴᠠᠭᠠᠨ ᠭᠤᠶᠤᠤ ᠮᠠᠯᠳᠠᠬᠤ ᠠᠵᠢᠯ ᠨᠢ 4 | ᠰᠠᠷᠠ ᠶᠢᠨ ᠡᠬᠢᠨ ᠠᠴᠠ 5 ᠰᠠᠷᠠ ᠶᠢᠨ | ᠲᠤᠮᠳᠠᠴᠢ ᠪᠤᠯᠳᠠᠯᠠ ᠢᠳᠡ ᠶᠠᠪᠤᠭᠳᠠᠵᠦ᠂ | ᠠᠶᠢᠯ ᠭᠤᠤᠯ ᠤᠨ ᠬᠢᠨ ᠪᠦᠭᠦᠳᠡᠬᠡᠷ ᠭᠤᠶᠤᠤ | ᠮᠠᠯᠳᠠᠵᠦ ᠶᠠᠭᠠᠷᠠᠯᠳᠤᠳᠠᠭ᠃ ᠮᠦᠩᠭᠡᠨᠠᠰᠤᠨ | ᠭᠡᠷᠭᠡᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠦᠩᠭᠡᠷᠡᠬᠦ | ᠵᠢᠯ 5000 ᠵᠢᠩ ᠤᠷᠴᠢᠮ ᠴᠠᠭᠠᠨ ᠭᠤᠶᠤᠤ | ᠮᠠᠯᠳᠠᠵᠦ᠂ 10 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭ ᠤᠨ | ᠤᠷᠤᠯᠭᠠ ᠡᠭᠦᠳᠴᠡᠢ᠃ ᠮᠦᠩᠭᠡᠨᠠᠰᠤᠨ᠄ | ︽ᠮᠠᠨᠠᠶᠢᠬᠢᠨ ᠶᠡᠭᠡᠩᠬᠢ ᠳᠡᠭᠡᠨ ᠬᠠᠪᠤᠷ ᠯᠠ | ᠰᠠᠶᠢᠨ ᠮᠠᠯᠳᠠᠨᠠ᠃ ᠨᠠᠮᠤᠷ ᠲᠠᠭᠠᠨ | ᠲᠤᠭᠠᠳᠠᠢ᠂ ᠡᠪᠤᠯ ᠬᠠᠶᠠ ᠳᠠᠭᠠᠨ ᠪᠠᠰᠠ | ᠦᠯᠢᠶᠡᠪᠦᠷᠢ ᠲᠠᠭᠤᠪᠤᠷᠢ ᠮᠠᠯᠳᠠᠳᠠᠭ᠂ | ᠡᠪᠤᠯ ᠤᠨ ᠲᠠᠭᠤᠪᠦᠷᠢ ᠮᠠᠯᠳᠠᠬᠤ ᠳᠤ ᠰᠠᠯᠬᠢ | ᠲᠠᠭᠠᠷᠠᠭᠤᠯᠵᠦ ᠶᠠᠪᠤᠨᠡ᠃ ᠨᠠᠮᠤᠷ | ᠡᠪᠤᠯ ᠤᠨ ᠭᠤᠶᠤᠤ ᠶᠢ ᠬᠠᠪᠤᠷ ᠤᠨ ᠬᠢ ᠲᠠᠢ | ᠠᠳᠠᠯᠢᠳᠬᠠᠪᠠᠯ ᠤᠯᠳᠠᠬᠤ ᠳᠤ ᠬᠤᠪᠤᠷ᠂ | ᠭᠡᠪᠡᠴᠤ ᠶᠡᠭᠡ ᠴᠢᠨᠠᠷᠳᠠᠢ᠂ ᠦᠨᠳᠦᠷ ᠦᠨᠡ | ᠭᠦᠷᠳᠡᠭ︾ ᠬᠡᠵᠦ ᠪᠠᠶᠢᠯᠠ᠃ | ᠮᠦᠩᠭᠡᠨᠠᠰᠤᠨ ᠤ ᠬᠢᠨ ᠭᠠᠴᠠᠭᠠᠨ ᠳᠠᠭᠠᠨ | ᠭᠤᠶᠤᠤ ᠡᠯᠪᠡᠭ ᠮᠠᠯᠳᠠᠳᠠᠭ ᠠᠶᠢᠯ ᠤᠨ ᠨᠢᠭᠡ᠃ | ᠮᠦᠩᠭᠡᠨᠠᠰᠤᠨ᠄ ︽ᠬᠠᠪᠤᠷ ᠲᠤᠨᠢ | ᠭᠠᠴᠠᠭᠠᠨ ᠤ ᠭᠤᠶᠤᠤ ᠮᠠᠯᠳᠠᠬᠤ ᠤᠯᠤᠰ ᠤᠳ | ᠬᠦᠮᠦᠨ ᠪᠦᠷᠢ 300 ᠲᠦᠭᠦᠷᠢᠭ ᠲᠤᠰᠢᠶᠠᠵᠦ᠂ | ᠬᠤᠷᠢᠶᠠᠭᠰᠡᠨ ᠮᠦᠩᠭᠦ ᠪᠠᠷ ᠢᠶᠠᠨ | ᠭᠠᠴᠠᠭᠠᠨ ᠤ ᠭᠤᠶᠤᠤ ᠬᠠᠮᠠᠭᠠᠯᠠᠬᠤ | ᠭᠦᠮᠦᠨ ᠳᠤ ᠬᠠᠷᠠᠮᠵᠢ ᠪᠤᠯᠭᠠᠨ ᠭᠤᠶᠤᠤ ᠪᠠᠨ | ᠬᠠᠮᠠᠭᠠᠯᠠᠬᠤ ᠶᠢᠨ ᠲᠠᠭᠠᠤ ᠳᠤ᠂ ᠮᠠᠯᠳᠠᠬᠤ | ᠦᠶᠡᠰ ᠭᠤᠶᠤᠤ ᠶᠢᠨ ᠦᠨᠳᠦᠰᠦ ᠶᠢ ᠨᠢ | ᠲᠠᠰᠤᠯᠬᠤ ᠠᠴᠠ ᠶᠡᠭᠡᠳᠡ ᠬᠢᠴᠢᠶᠡᠵᠦ᠂ | ᠬᠦᠮᠦᠨ ᠪᠦᠷᠢ ᠪᠡᠶᠠ ᠳᠡᠭᠡᠨ ᠭᠤᠶᠤᠤ ᠶᠢᠨ | ᠦᠷᠡ ᠪᠡᠯᠡᠳᠤᠨ᠂ ᠭᠡᠷᠪᠡ ᠦᠨᠳᠣᠰᠣ ᠶᠢ ᠨᠢ | ᠲᠠᠰᠤᠯᠪᠠᠯ ᠨᠦᠭᠡᠨ ᠳᠤᠨᠢ ᠦᠷᠡ ᠲᠡᠯᠪᠢᠵᠦ᠂ | ᠲᠠᠷᠠᠭᠠ ᠵᠢᠯ ᠤᠨ ᠤᠨᠠᠯᠲᠠ ᠶᠢ | ᠨᠦᠯᠦᠭᠡᠯᠡᠬᠦ ᠦᠭᠡᠢ ᠶᠢ ᠵᠤᠷᠢᠳᠠᠭ︾ ᠭᠡᠵᠦ | ᠭᠠᠴᠠᠭᠠᠨ ᠤ ᠪᠠᠨ ᠵᠠᠭ ᠴᠠᠭᠠᠨ ᠭᠤᠶᠤᠤ ᠶᠢᠨ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠷᠭᠠ | ᠠᠪᠴᠠᠯ ᠤᠨ ᠢᠶᠠᠨ ᠲᠤᠬᠠᠢ | ᠲᠠᠨᠢᠯᠴᠠᠭᠤᠯᠤᠯᠠ᠃ | ᠦᠷᠦᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ | ᠪᠠᠶᠢᠭᠠᠯᠢ ᠶᠢᠨ ᠵᠠᠭ ᠤᠨ ᠤᠢ ᠳᠠᠬᠢ ᠴᠠᠭᠠᠨ | ᠭᠤᠶᠤᠤ ᠶᠢ ᠲᠠᠨᠠᠶᠢᠬᠢ ᠮᠡᠨᠠᠶᠢᠬᠢ ᠭᠡᠵᠦ | ᠬᠤᠪᠢᠶᠠᠳᠠᠭ ᠦᠭᠡᠢ ᠤᠴᠢᠷ ᠠᠴᠠ ᠭᠤᠶᠤᠤ | ᠮᠠᠯᠳᠠᠬᠤ ᠮᠠᠯᠴᠢᠳ ᠪᠦᠷ ᠤᠯᠳᠠᠬᠤ | ᠬᠢᠷᠢ ᠪᠠᠷ ᠢᠶᠠᠷ ᠮᠠᠯᠳᠠᠵᠦ᠂ | ᠬᠤᠪᠢᠳᠠᠬᠰᠠᠨ ᠬᠡᠮᠵᠢᠶᠠ ᠪᠠᠷ ᠢᠶᠠᠨ | ︽ᠬᠡᠰᠢᠭ︾ ᠬᠦᠷᠳᠡᠳᠡᠭ ᠪᠠᠶᠢᠨᠡ᠃ | ᠦᠷᠦᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ ᠴᠠᠭᠠᠨ | ᠴᠢᠯᠠᠭᠤᠲᠤ ᠳᠤ ᠰᠠᠭᠤᠷᠢᠰᠢᠭᠠ ᠨᠠ᠊ • | ᠴᠢᠯᠠᠭᠤ᠂ ᠪᠠᠶᠠᠷ ᠤᠨ ᠬᠢᠨ ᠳᠤ ᠠᠪᠴᠦ | ᠬᠡᠯᠡᠪᠡᠯ᠂ ᠵᠢᠯ ᠪᠦᠷᠢ ᠶᠢᠨ 11 ᠰᠠᠷᠠ ᠠᠴᠠ | ᠲᠠᠷᠠᠭᠠ ᠵᠢᠯ ᠤᠨ ᠬᠢᠨᠢ 5 ᠰᠠᠷᠠ ᠶᠢᠨ | ᠲᠤᠮᠳᠠᠴᠢ ᠬᠦᠷᠳᠡᠯᠡᠬᠢ ᠬᠠᠭᠠᠰ ᠵᠢᠯ ᠨᠢ | ᠬᠠᠮᠤᠭ ᠶᠠᠭᠠᠷᠠᠯᠲᠠᠢ ᠦᠶᠠ ᠪᠠᠶᠢᠯᠠ᠃ | ᠡᠳᠡᠨᠡᠶᠢᠬᠢᠨ 300 ᠭᠠᠷᠤᠢ ᠲᠡᠮᠡᠭᠡ ᠲᠠᠢ᠂ | ᠵᠢᠯ ᠪᠤᠯᠭᠠᠨ ᠤ 11 ᠰᠠᠷᠠ ᠠᠴᠠ ᠲᠠᠷᠠᠭᠠ | ᠵᠢᠯ ᠤᠨ ᠬᠢᠨᠢ 4 ᠰᠠᠷᠠ ᠪᠤᠯᠳᠠᠯᠠ ᠢᠩᠭᠡ | ᠰᠠᠭᠠᠳᠠᠭ᠃ ᠶᠡᠷᠤᠨᠢ ᠵᠢᠯ ᠪᠤᠯᠭᠠᠨ ᠠᠷᠪᠠ | ᠭᠠᠷᠤᠢ ᠢᠩᠭᠡ ᠰᠠᠭᠠᠵᠦ᠂ ᠰᠠᠭᠠᠯᠢ ᠪᠠᠨ | ᠤᠶᠢᠷᠠ ᠵᠠᠭᠤᠷᠠ ᠶᠢᠨ ᠠᠶᠢᠯ᠂ ᠠᠬᠠ | ᠲᠡᠭᠦᠦ ᠲᠦᠷᠦᠯ ᠰᠠᠳᠤᠨ ᠳᠠᠭᠠᠨ ᠬᠤᠪᠢᠶᠠᠵᠦ᠂ | ᠪᠠᠰᠡ ᠬᠡᠰᠡᠭ ᠰᠠᠭᠠᠯᠢ ᠪᠠᠨ ᠪᠤᠰᠤᠳ ᠤᠨ | ᠵᠠᠬᠢᠶᠠᠯᠠᠭᠠ ᠪᠤᠶᠤ ᠨᠠᠶᠢᠷ | ᠨᠠᠭᠠᠳᠤᠮ ᠢᠶᠠᠷ ᠪᠤᠷᠤᠯᠠᠭᠤᠯᠳᠠᠭ | ᠪᠠᠶᠢᠨᠠ᠃ ︽ᠮᠠᠨ ᠤ ᠢᠩᠭᠡᠨ ᠰᠦ᠂ | ᠠᠶᠢᠷᠠᠭ ᠤᠨ ᠦᠨᠡ ᠨᠢ ᠪᠦᠷ ᠠᠳᠠᠯᠢ᠂ | ᠵᠢᠩ ᠳᠡᠭᠡᠨ 35 ᠲᠦᠭᠦᠷᠢᠭ ᠃ | ᠪᠤᠷᠤᠯᠠᠭᠤᠯᠭᠠ ᠰᠠᠶᠢᠲᠠᠢ ᠦᠶᠡ ᠳᠤ 2 | ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠲᠠᠢ᠃ | ᠵᠠᠷᠢᠮ ᠳᠠᠭᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠲᠠᠭᠠᠷᠠᠯᠳᠤᠪᠠᠯ ᠰᠦ ᠰᠠᠭᠠᠯᠢ ᠪᠠᠨ | ᠠᠪᠠᠴᠢᠵᠦ ᠪᠤᠷᠤᠯᠠᠭᠤᠯᠤᠨᠠ᠂ ᠲᠠᠨᠢᠳᠠᠭ | ᠮᠡᠳᠡᠳᠡᠭ ᠤᠯᠤᠰ ᠠᠶᠢᠷᠠᠭ ᠠᠪᠤᠶᠠ ᠭᠡᠪᠡᠯ | ᠵᠠᠮ ᠲᠠᠭᠠᠷᠠᠭᠰᠡᠨ ᠲᠡᠷᠭᠡ ᠤᠨᠤᠭᠠ ᠪᠠᠷ | ᠬᠦᠷᠭᠡᠵᠦ ᠦᠭᠳᠡᠭ᠂ ᠪᠠᠰᠠ ᠵᠠᠷᠢᠮ ᠳᠠᠭᠠᠨ | ᠦᠪᠡᠷᠰᠡᠳ ᠢᠶᠠᠨ ᠪᠠᠶᠠᠨᠬᠤᠳᠠ ᠳᠤ | ᠶᠠᠪᠤᠬᠤ ᠳᠠᠭᠠᠨ ᠰᠠᠭᠠᠯᠢ ᠪᠠᠨ ᠠᠪᠠᠴᠢᠵᠦ | ᠬᠤᠳᠠᠯᠳᠤᠳᠠᠭ᠃ ᠭᠤᠤᠯᠳᠠᠭᠤ ᠢᠩᠭᠡᠨ ᠠᠶᠢᠷᠠᠭ | ᠪᠤᠷᠤᠯᠠᠭᠤᠯᠤᠨᠠ᠂ ᠤᠴᠢᠷ ᠨᠢ ᠠᠶᠢᠷᠠᠭ | ᠬᠠᠳᠠᠭᠠᠯᠠᠬᠤ ᠳᠤ ᠠᠮᠠᠷ᠂ ᠦᠷᠦᠮᠡ | ᠱᠦᠭᠦᠷᠮᠡᠭ ᠬᠢᠬᠦ ᠶᠢᠨ ᠵᠡᠷᠭᠡ ᠲᠦᠪᠡᠭ | ᠦᠭᠡᠢ︾ ᠭᠡᠵᠦ ᠪᠠᠶᠠᠷ ᠶᠠᠷᠢᠨᠠ᠃ ᠰᠠᠭᠠᠯᠢ | ᠬᠢᠬᠦ ᠶᠠᠭᠠᠷᠠᠯᠲᠠᠢ ᠴᠠᠭ ᠲᠦᠩᠭᠡᠵᠢ | ᠦᠩᠭᠡᠷᠡᠬᠦ ᠳᠤ ᠵᠠᠯᠭᠠᠭᠠᠳ ᠭᠤᠶᠤᠤ | ᠮᠠᠯᠳᠠᠬᠤ ᠴᠠᠭ ᠪᠤᠯᠤᠨᠠ᠃ ᠨᠢᠳᠤᠨᠤᠨ ᠪᠠᠶᠠᠷ | ᠨᠦᠭᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠬᠠᠪᠤᠷ ᠤᠨ | ᠲᠤᠮᠳᠠ ᠰᠠᠷᠠ ᠠᠴᠠ 2000 ᠭᠠᠷᠤᠢ ᠵᠢᠩ ᠭᠤᠶᠤᠤ | ᠮᠠᠯᠳᠠᠵᠦ᠂ 4 ᠲᠦᠮᠡᠨ ᠲᠦᠭᠦᠷᠢᠭ ᠤᠨ | ᠤᠷᠤᠯᠭᠠ ᠡᠭᠦᠳᠴᠡᠢ᠃ ᠪᠠᠶᠠᠷ᠄ ︽ᠲᠡᠮᠡᠭᠡ | ᠮᠠᠯ ᠢᠶᠠᠨ ᠠᠷᠠᠴᠢᠯᠠᠵᠦ ᠲᠤᠳᠤᠮᠳᠠᠨᠠ ᠭᠡᠳ | ᠠᠵᠢᠯ ᠶᠠᠭᠠᠷᠠᠤ ᠠᠴᠠ ᠭᠤᠶᠤᠤ ᠮᠠᠯᠳᠠᠵᠦ | ᠠᠮᠵᠢᠬᠤ ᠦᠭᠡᠢ ᠪᠠᠶᠢᠨᠠ᠃ ᠵᠠᠷᠢᠮ ᠵᠢᠯ | ᠮᠠᠯᠳᠠᠭᠰᠡᠨ ᠭᠤᠶᠤᠤ ᠪᠠᠨ ᠪᠠᠶᠠᠨᠬᠤᠳᠠ ᠳᠤ | ᠠᠪᠠᠴᠢᠵᠦ ᠪᠤᠷᠤᠯᠠᠭᠤᠯᠳᠠᠬ᠂ | ᠵᠠᠷᠢᠮ ᠳᠠᠭᠠᠨ ᠮᠠᠶᠢᠮᠠᠶᠢᠴᠢᠨ ᠢᠷᠡᠭᠡᠳ | ᠬᠤᠷᠢᠶᠠᠳᠠᠭ᠂ ᠶᠠᠭᠠᠬᠢᠬᠤᠪ ᠳ᠋ᠠ᠂ ᠪᠠᠭᠠ | ᠦᠬᠡᠢ ᠤᠷᠤᠯᠭᠠ ᠪᠤᠯᠳᠠᠭ ᠰᠢᠤ︾ ᠬᠡᠵᠦ | ᠪᠠᠶᠢᠬᠰᠠᠨ ᠪᠢᠯᠠ᠃ | ᠲᠡᠳᠡᠨᠡᠶᠢᠬᠢᠨ ᠰᠠᠭᠠᠯᠢ᠂ ᠴᠠᠭᠠᠨ | ᠭᠤᠶᠤᠤ ᠠᠴᠠ ᠪᠠᠨ ᠤᠷᠤᠯᠭᠠ ᠤᠯᠬᠤ ᠠᠴᠠ | ᠭᠠᠳᠠᠨᠠ᠂ ᠵᠢᠯ ᠳᠡᠭᠡᠨ ᠲᠡᠮᠡᠭᠡᠨ ᠨᠤᠤᠰᠤ | ᠵᠤᠭᠳᠤᠷ ᠠᠴᠠ ᠪᠠᠨ 4 ᠲᠦᠮᠡ ᠭᠠᠷᠤᠢ | ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠳᠠᠭ᠃ ᠪᠠᠰᠠ ᠵᠢᠯ | ᠪᠤᠯᠭᠠᠨ ᠴᠦᠬᠡᠪᠦᠷᠢ ᠲᠡᠮᠡᠭᠡ | ᠪᠤᠷᠤᠯᠠᠭᠤᠯᠤᠨᠠ᠂ ᠵᠠᠷᠢᠮ ᠤᠯᠤᠰ | ᠡᠳᠡᠨᠡᠶᠢᠬᠢᠨ ᠠᠴᠠ ᠦᠰᠪᠦᠷᠢ ᠶᠢᠨ ᠲᠡᠮᠡᠭᠡ | ᠠᠪᠤᠨᠠ᠂ ᠮᠦᠨ ᠦᠨᠡ ᠲᠠᠭᠠᠷᠠᠪᠠᠯ | ᠮᠠᠶᠢᠮᠠᠶᠢᠴᠢᠨ ᠳᠤ ᠮᠠᠯ ᠲᠡᠮᠡᠭᠡ ᠪᠠᠨ | ᠵᠠᠷᠤᠨᠠ ᠁ ᠶᠡᠷᠤᠨᠢ ᠲᠡᠮᠡᠬᠡᠨ ᠤ ᠪᠠᠨ | ᠪᠤᠶᠠᠨ᠂ ᠰᠢᠷᠭᠠᠭᠤ | ᠬᠦᠳᠡᠯᠮᠤᠷᠢ ᠪᠠᠷ ᠢᠶᠠᠨ ᠦᠬᠡᠳᠡ ᠲᠠᠢ | ᠦᠡᠭᠬᠡ ᠲᠠᠢ ᠠᠵᠦ ᠲᠦᠷᠦᠵᠦ ᠪᠠᠶᠢᠭᠠ ᠠᠶᠢᠯ | ᠪᠠᠶᠢᠯᠠ᠃ ︽ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ | ᠦᠨᠠ ᠬᠠᠩᠰᠢ ᠲᠤᠭᠳᠠᠪᠤᠷᠢ ᠦᠭᠡᠢ᠂ ᠵᠢᠯ | ᠪᠦᠷᠢ ᠪᠠᠭᠠ ᠰᠠᠭᠠ ᠬᠡᠯᠪᠡᠯᠵᠡᠯᠳᠡ ᠲᠠᠢ | ᠪᠠᠶᠢᠳᠠᠭ ᠠᠴᠠ ᠪᠢᠳᠡᠨ ᠤ ᠤᠷᠤᠯᠭᠠ ᠴᠦ | ᠬᠤᠪᠢᠷᠠᠯᠲᠠ ᠲᠠᠢ ᠪᠠᠶᠢᠳᠠᠭ᠃ ᠭᠡᠪᠡᠴᠤ | ᠬᠤᠶᠢᠰᠢᠳᠡ ᠮᠦᠨ ᠯᠡ ᠴᠤᠯ ᠪᠠᠶᠢᠭᠠᠯᠢᠯᠢᠭ | ᠶᠠᠩᠵᠦ ᠪᠠᠷ ᠢᠶᠠᠨ ᠮᠠᠯᠵᠢᠯ | ᠠᠮᠢᠳᠤᠷᠠᠯ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠦᠶᠡ | ᠭᠡᠵᠦ ᠰᠠᠨᠠᠵᠦ ᠪᠠᠶᠢᠨᠡ︾ ᠭᠡᠵᠦ ᠪᠠᠶᠠᠷ | ᠬᠠᠨᠤᠮᠵᠢᠳᠠᠢ ᠶᠠᠷᠢᠬᠤ ᠨᠢ ᠰᠡᠳᠬᠢᠯ ᠳᠤ | ᠨᠢᠭᠡᠯᠡ ᠡᠭᠡᠯᠢᠲᠠᠢ᠃ | ︽ᠡᠨᠡ ᠬᠤᠶᠠᠷ ᠵᠢᠯ ᠤᠨ ᠴᠠᠭᠠᠨ ᠭᠤᠶᠤᠤ ᠶᠢᠨ | ᠤᠷᠭᠤᠯᠲᠠ ᠮᠠᠭᠤᠳᠠᠵᠡᠢ᠃ ᠪᠤᠷᠤᠭᠠ ᠬᠤᠷᠠ | ᠪᠠᠭᠠᠰᠤᠭᠰᠡᠨ ᠠᠴᠠ ᠴᠦ ᠪᠤᠯᠪᠠᠤ᠂ ᠤᠭ ᠢᠶᠠᠨ | ᠪᠤᠳᠤᠪᠠᠯ ᠴᠠᠭᠠᠨ ᠭᠤᠶᠤᠤ ᠰᠢᠩᠭᠡᠷᠡᠵᠦ | ᠪᠠᠶᠢᠨᠡ︾ ᠭᠡᠵᠦ ᠬᠤᠯᠤᠰᠤᠨ ᠲᠤᠯᠤᠭᠠᠢ ᠶᠢᠨ | ᠵᠠᠩ ᠴᠢᠯᠠᠭᠤ ᠰᠠᠨᠠᠭᠠᠰᠢᠷᠠᠨᠠ᠃ ᠵᠠᠩ | ᠴᠢᠯᠠᠭᠤ ᠶᠢᠨ ᠬᠢᠨ ᠦᠩᠭᠡᠷᠡᠬᠦ ᠬᠠᠪᠤᠷ | ᠪᠠᠭᠠ ᠪᠤᠰᠤ ᠭᠤᠶᠤᠤ ᠮᠠᠯᠳᠠᠵᠡᠢ᠃ | ︽ᠦᠩᠭᠡᠷᠡᠬᠦ ᠵᠢᠯ ᠤᠨ ᠴᠢᠬᠢᠭ ᠲᠠᠢ ᠭᠤᠶᠤᠤ | ᠵᠢᠩ ᠳᠡᠭᠡᠨ 20 ᠲᠥᠬᠦᠷᠢᠭ ᠭᠦᠷᠴᠦ | ᠪᠠᠶᠢᠬᠰᠡᠨ᠂ ᠮᠠᠨ ᠤ 4000 ᠵᠢᠩ ᠭᠤᠶᠤᠤ ᠶᠢ 8 | ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠡᠯᠡᠰᠤᠨ ᠤ ᠠᠵᠦ | ᠤᠶᠢᠯᠡᠰ ᠡᠷᠬᠢᠯᠡᠵᠦ ᠪᠠᠶᠢᠭᠠ ᠨᠢᠬᠡᠨ | ᠺᠤᠮᠫᠠᠨᠢ ᠬᠤᠷᠢᠶᠠᠬᠰᠠᠨ︾ ᠭᠡᠵᠦ ᠵᠠᠩ | ᠴᠢᠯᠠᠭᠤ ᠶᠠᠷᠢᠯᠠ᠃ ᠦᠩᠭᠡᠷᠡᠭᠰᠡᠨ ᠳᠤ | ᠬᠤᠪᠢ ᠬᠦᠮᠦᠨ ᠳᠤ ᠪᠤᠷᠤᠯᠠᠭᠤᠯᠬᠤ ᠪᠤᠶᠤ | ᠬᠠᠳᠠᠭᠠᠵᠦ ᠪᠠᠶᠢᠭᠠᠳ ᠬᠠᠩᠰᠢ ᠲᠤᠬᠢᠷᠠᠪᠠᠯ | ᠬᠤᠳᠠᠯᠳᠤᠳᠠᠭ ᠪᠠᠶᠢᠵᠡᠢ᠃ ᠬᠠᠷᠢᠨ | ᠺᠤᠮᠫᠠᠨᠢ ᠠᠴᠠ ᠢᠷᠡᠵᠦ ᠴᠢᠬᠢᠭ ᠲᠠᠢ | ᠭᠤᠶᠤᠤ ᠶᠢ ᠬᠤᠷᠢᠶᠠᠭᠰᠡᠨ ᠨᠢ ᠮᠠᠯᠴᠢᠳ ᠲᠤ | ᠠᠪᠴᠦ ᠬᠡᠯᠡᠪᠡᠯ ᠲᠤᠰᠬᠠᠢ ᠬᠤᠳᠠ ᠳᠤ | ᠠᠪᠠᠴᠢᠵᠦ ᠬᠤᠳᠠᠯᠳᠤᠬᠤ ᠪᠤᠶᠤ ᠬᠠᠳᠠᠭᠠᠵᠦ | ᠪᠠᠶᠢᠭᠠᠳ ᠬᠤᠳᠠᠯᠳᠤᠭᠰᠡᠨ ᠠᠴᠠ ᠢᠯᠡᠬᠦᠦ | ᠠᠰᠢᠬᠳᠠᠢ᠂ ᠪᠠᠰᠠ ᠲᠦᠭᠦᠮ ᠲᠦᠳᠡ ᠪᠤᠯᠵᠠᠢ᠃ | ᠡ᠊ᠨᠳᠡᠬᠢ ᠤᠯᠠᠩᠬᠢ ᠠᠶᠢᠯ ᠴᠠᠭᠠᠨ ᠭᠤᠶᠤᠤ | ᠮᠠᠯᠳᠠᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠢᠩᠭᠡᠨ | ᠰᠠᠭᠠᠯᠢ ᠬᠢᠳᠡᠭ᠂ ᠵᠠᠩ ᠴᠢᠯᠠᠭᠤ ᠶᠢᠨ ᠬᠢᠨ | ᠴᠦ ᠠᠳᠠᠯᠢ᠃ ᠲᠡᠳᠡᠨᠡᠶᠢᠬᠢ 100 ᠭᠠᠷᠤᠢ | ᠲᠡᠮᠡᠭᠡ ᠲᠠᠢ ᠠᠵᠢ᠃ ᠬᠡᠬᠦ ᠳᠡᠭᠡᠨ | ᠤᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠭᠠᠩ ᠭᠠᠴᠢᠭ ᠲᠠᠢ᠂ | ᠪᠠᠰᠠ ᠨᠠᠰᠢ ᠴᠠᠰᠢ ᠪᠠᠶᠢᠩᠭᠤ ᠶᠠᠪᠤᠵᠦ | ᠰᠠᠭᠤᠬᠤ ᠤᠴᠢᠷ ᠠᠴᠠ ᠪᠠᠨ ᠪᠤᠯᠤᠭᠠᠳ | ᠠᠷᠪᠠᠭᠠᠳ ᠯᠠ ᠢᠡᠭᠬᠡ ᠰᠠᠭᠠᠳᠠᠭ ᠪᠠᠶᠢᠨᠠ᠃ | ᠵᠠᠩ ᠴᠢᠯᠠᠭᠤ᠄ ︽ᠤᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ | ᠭᠠᠩ ᠲᠠᠢ᠂ ᠲᠡᠬᠡᠷᠠ ᠠᠴᠠ ᠨᠢ ᠮᠠᠯ ᠤᠨ | ᠠᠰᠢᠭ ᠰᠢᠮᠡ ᠶᠢᠨ ᠦᠨᠠ ᠠᠨᠠᠢ᠃ ᠨᠢᠳᠤᠨᠤᠨ | ᠲᠡᠮᠡᠭᠡᠨ ᠨᠤᠤᠰᠤ ᠺᠢᠯᠦᠭᠷᠡᠮ ᠪᠦᠷᠢ ᠳᠡᠭᠡᠨ | 50 ᠲᠦᠭᠦᠷᠢᠭ᠂ ᠵᠤᠭᠳᠤᠷ 30 ᠲᠦᠭᠦᠷᠢᠭ ᠲᠤ ᠯᠠ | ᠬᠦᠷᠦᠭᠰᠡᠨ᠃ ᠵᠠᠭᠤ ᠭᠠᠷᠤᠢ ᠲᠡᠮᠡᠭᠡᠨ ᠤ | ᠵᠤᠭᠳᠤᠷ ᠨᠤᠤᠰᠤ ᠶᠢᠨ ᠤᠷᠤᠯᠭᠠ ᠲᠦᠩᠭᠡᠭᠡᠳ | 2 ᠲᠦᠮᠡᠨ ᠲᠦᠭᠦᠷᠢᠭ ᠬᠦᠷᠬᠦ ᠲᠠᠢ ᠦᠬᠡᠢ ᠲᠠᠢ | ᠪᠠᠶᠢᠬᠰᠠᠨ︾ ᠭᠡᠯᠠ᠃ ᠨᠢᠳᠤᠨᠤᠨ ᠤ | ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ᠂ ᠲᠡᠳᠡᠨ ᠤ | ᠲᠡᠮᠡᠭᠡ ᠬᠤᠳᠠᠯᠳᠤᠬᠰᠠᠨ ᠤᠷᠤᠯᠭᠠ ᠨᠢ 5 | ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ᠂ ᠲᠡᠮᠡᠭᠡ ᠪᠦᠷᠢ | ᠲᠡᠭᠰᠢᠳᠬᠡᠭᠡᠳ 7000 ᠲᠦᠭᠦᠷᠢᠭ ᠲᠤ ᠯᠠ | ᠬᠦᠷᠦᠭᠰᠡᠨ ᠠᠵᠢ᠃ ᠬᠡᠳᠦᠢ ᠲᠠᠶᠢᠮᠦ | ᠪᠠᠶᠢᠬᠰᠠᠨ ᠴᠤ ᠲᠡᠷᠡᠪᠡᠷ ︽ᠴᠤᠯ | ᠪᠠᠶᠢᠭᠠᠯᠢᠯᠢᠭ ᠮᠠᠯᠵᠢᠬᠤ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠰᠢᠭ ᠤᠷᠤᠯᠭᠠ ᠨᠢ | ᠤᠳᠤᠬᠠᠨ ᠳᠠᠭᠠᠨ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠤᠨ | ᠱᠠᠭᠠᠷᠳᠠᠯᠭᠠ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠵᠦ | ᠲᠡᠶᠢᠯᠵᠦ ᠪᠠᠶᠢᠨᠡ︾ ᠬᠡᠵᠦ ᠪᠠᠶᠢᠬᠰᠠᠨ | ᠪᠦᠬᠡᠳ ︽ᠬᠡᠬᠦ ᠳᠡᠭᠡᠨ ᠬᠤᠶᠢᠰᠢᠳᠡ ᠪᠢᠳᠡ | ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠵᠦ᠂ ᠪᠠᠶᠢᠭᠠᠯᠢ | ᠤᠷᠴᠢᠨ ᠢᠶᠠᠨ ᠨᠠᠩ ᠵᠦᠢ ᠵᠤᠬᠢᠰᠳᠠᠢ | ᠠᠰᠢᠬᠯᠠᠬᠤ ᠬᠡᠷᠡᠭᠳᠡᠢ ᠪᠠᠶᠢᠨᠠ᠂ ᠮᠦᠨ ᠬᠦ | ᠵᠠᠭ᠂ ᠴᠠᠭᠠᠨ ᠭᠤᠶᠤᠤ᠂ ᠲᠡᠮᠡᠭᠡ ᠮᠠᠯ ᠤᠨ | ᠠᠰᠢᠭ ᠰᠢᠮᠡ ᠶᠢᠨ ᠪᠤᠷᠤᠯᠠᠭᠤᠯᠭᠠ ᠶᠢᠨ | ᠠᠷᠭᠠ ᠵᠠᠮ ᠢᠶᠠᠨ ᠦᠷᠭᠡᠳᠭᠡᠬᠦ ᠴᠤ ᠨᠢ | ᠨᠢᠳᠤᠨ ᠡᠮᠤᠨᠡ ᠲᠤᠯᠭᠠᠷᠠᠵᠦ ᠪᠠᠶᠢᠭᠠ | ᠶᠠᠪᠤᠳᠠᠯ ᠪᠤᠯᠤᠯᠠ︾ ᠭᠡᠵᠦ | ᠰᠠᠨᠠᠭᠠᠰᠢᠷᠠᠵᠦ ᠪᠠᠶᠢᠵᠦ ᠪᠢᠯᠠ᠃ | ᠠᠶᠢᠯ ᠠᠶᠢᠯ ᠤᠨ ᠠᠮᠢᠳᠤᠷᠠᠯ ᠤᠨ ᠠᠷᠭᠠ | ᠬᠡᠯᠪᠡᠷᠢ ᠪᠦᠷ ᠯᠡ ᠵᠦᠷᠢᠶᠠ ᠲᠠᠢ᠃ ᠪᠠᠰᠠ | ᠵᠠᠷᠢᠮ ᠨᠢ ᠬᠦᠮᠦᠨ ᠪᠦᠯᠢ ᠴᠦᠭᠡᠨ ᠪᠤᠶᠤ | ᠠᠵᠢᠯ ᠠᠮᠵᠢᠯᠳᠤᠬᠤ ᠦᠭᠡᠢ ᠵᠡᠷᠭᠡ | ᠰᠢᠯᠳᠠᠭᠠᠨ ᠠᠴᠠ ᠵᠢᠯ ᠳᠡᠭᠡᠨ ᠪᠠᠭᠠ | ᠰᠠᠭᠠ ᠯᠠ ᠭᠤᠶᠤᠤ ᠮᠠᠯᠳᠠᠳᠠᠭ ᠨᠢ ᠪᠤᠢ᠃ | ᠲᠤᠬᠠᠢᠢᠯᠠᠪᠠᠯ᠂ ᠦᠷᠦᠨᠳᠤᠶᠠᠭᠠ | ᠭᠠᠴᠡᠭᠠᠨ ᠤ ᠴᠠᠭᠠᠨ ᠲᠤᠯᠤᠭᠠᠢ ᠬᠡᠮᠡᠬᠦ | ᠭᠠᠵᠠᠷ ᠰᠠᠭᠤᠷᠢᠰᠢᠳᠠᠬ ᠮᠠᠯᠴᠢᠨ ᠰᠤᠶᠤᠯᠲᠤ᠂ | ᠰᠡᠴᠡᠡᠭᠡᠷᠡᠯ ᠤᠨ ᠬᠢᠨ ᠬᠠᠪᠤᠷ ᠲᠡᠮᠡᠭᠡ | ᠮᠠᠯ ᠭᠡᠵᠦ ᠶᠠᠭᠠᠷᠠᠳᠠᠭ ᠪᠤᠯᠬᠤᠷ | ᠵᠠᠷᠢᠮ ᠳᠠᠭᠠᠨ ᠰᠡᠴᠡᠡᠭᠡᠷᠡᠯ ᠭᠠᠭᠴᠠᠭᠠᠷ | ᠭᠤᠶᠤᠤ ᠮᠠᠯᠳᠠᠳᠠᠭ᠃ ᠨᠢᠳᠤᠨᠤᠨ | ᠲᠡᠳᠡᠨᠡᠶᠢᠬᠢᠨ ᠮᠠᠯᠳᠠᠭᠰᠡᠨ ᠭᠤᠶᠤᠤ ᠪᠠᠨ | ᠲᠠᠷᠦ᠋ᠢᠬᠠᠨ ᠪᠤᠷᠤᠯᠠᠭᠤᠯᠤᠭᠰᠡᠨ ᠦᠭᠡᠢ᠃ | ᠬᠠᠷᠢᠨ ᠴᠠᠭᠠᠨ ᠭᠤᠶᠤᠤ ᠪᠠᠨ ᠬᠠᠳᠠᠭᠠᠭᠠᠳ 100 | ᠭᠠᠷᠤᠢ ᠵᠢᠩ ᠬᠠᠳᠠᠭᠠᠮᠠᠯ ᠭᠤᠶᠤᠤ ᠪᠠᠨ | ᠵᠢᠩ ᠤᠨ 200 ᠲᠦᠭᠦᠷᠢᠭ ᠪᠠᠷ ᠪᠤᠷᠤᠯᠠᠭᠤᠯᠵᠦ | 3 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠵᠡᠢ᠃ | ᠲᠡᠳᠡᠨᠡᠶᠢᠬᠢᠨ ᠪᠠᠰᠠ ᠵᠢᠯ ᠪᠦᠷᠢ ᠶᠢᠨ 11 | ᠰᠠᠷᠠ ᠠᠴᠠ ᠡᠬᠢᠯᠡᠵᠦ ᠢᠩᠭᠡᠨ ᠰᠠᠭᠠᠯᠢ | ᠬᠢᠳᠡᠭ᠃ ︽ᠤᠳᠤ ᠪᠤᠯᠬᠤ ᠳᠤ ᠢᠩᠭᠡᠨ ᠰᠦ | ᠰᠠᠭᠠᠯᠢ ᠠᠴᠠ ᠪᠠᠨ ᠲᠦᠮᠡ ᠭᠠᠷᠤᠢ | ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠤᠭᠠᠳ | ᠪᠠᠶᠢᠨᠠ᠃ ᠦᠨᠦ ᠵᠢᠯ ᠤᠨ 4 ᠰᠠᠷᠠ ᠶᠢᠨ | ᠲᠤᠮᠳᠠᠴᠢ ᠪᠤᠯᠳᠠᠯᠠ ᠮᠢᠩᠭᠠᠨ ᠵᠢᠩ ᠰᠠᠭᠠᠯᠢ | ᠬᠢᠵᠦ 3 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ | ᠤᠯᠬᠤ ᠪᠠᠷ ᠲᠦᠰᠦᠪᠯᠡᠵᠦ ᠪᠤᠢ︾ ᠭᠡᠵᠦ | ᠰᠡᠴᠡᠡᠭᠡᠷᠡᠯ ᠶᠠᠷᠢᠯᠠ᠃ ᠲᠡᠳᠡᠨ ᠤ 100 | ᠭᠠᠷᠤᠢ ᠲᠡᠮᠡᠭᠡ ᠲᠠᠢ᠂ ᠤᠳᠤ 21 ᠢᠩᠭᠡ | ᠰᠠᠭᠠᠵᠦ᠂ ᠡᠳᠦᠷ ᠪᠦᠷᠢ 20 ᠭᠠᠷᠤᠢ ᠵᠢᠩ ᠰᠦ | ᠰᠠᠭᠠᠯᠢ ᠠᠪᠳᠠᠭ ᠪᠠᠶᠢᠯᠠ᠃ ᠡᠬᠦᠨ ᠠᠴᠠ | ᠭᠠᠳᠠᠨᠠ ᠲᠡᠮᠡᠭᠡᠨ ᠤ ᠨᠤᠤᠰᠤ | ᠵᠤᠬᠳᠤᠷ ᠢᠶᠠᠨ ᠲᠠᠮᠤᠵᠦ ᠤᠷᠤᠯᠭᠠ ᠤᠯᠳᠠᠭ | ᠮᠠᠯᠴᠢᠨ ᠴᠤ ᠤᠯᠠᠨ᠃ ᠲᠦᠮᠡᠨᠴᠡᠴᠡᠭ ᠨᠠᠰᠤᠳᠠᠨ | ᠪᠠᠳᠠᠢ ᠶᠢᠨ ᠵᠢᠷᠡᠨ ᠪᠠᠯᠭᠠᠰᠤᠨ ᠳᠤ | ᠤᠮᠪᠤᠯᠤ ᠪᠠᠨ ᠬᠠᠷᠠᠵᠦ ᠰᠠᠭᠤᠬᠤ ᠳᠠᠭᠠᠨ | ᠲᠡᠮᠡᠭᠡᠨ ᠤ ᠵᠤᠭᠳᠤᠷ ᠨᠤᠤᠰᠤ ᠪᠠᠷ | ᠪᠤᠷᠠᠨᠳᠠᠭ᠂ ᠨᠤᠭᠲᠤ ᠵᠡᠷᠭᠡ ᠭᠡᠷᠡᠭᠰᠡᠯ | ᠲᠠᠮᠤᠵᠦ ᠪᠠᠭᠠ ᠦᠭᠡᠢ ᠤᠷᠤᠯᠭᠠ ᠤᠯᠳᠠᠭ | ᠠᠵᠢ᠃ ᠨᠠᠰᠤᠳᠠᠨ ᠤ ᠬᠢ ᠠᠮᠠ ᠪᠦᠯᠢ | ᠵᠢᠷᠭᠤᠭᠠᠯᠠ᠂ 200 ᠭᠠᠷᠤᠢ ᠲᠡᠮᠡᠭᠡ ᠲᠠᠢ᠂ | ᠵᠢᠯ ᠳᠡᠭᠡᠨ ᠲᠡᠮᠡᠭᠡᠨ ᠤ ᠨᠤᠤᠰᠤ | ᠵᠤᠭᠳᠤᠷ ᠢᠶᠠᠨ ᠪᠤᠷᠤᠯᠠᠭᠤᠯᠤᠭᠠᠳ 2 ᠲᠦᠮᠡ | ᠭᠠᠷᠤᠢ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠵᠦ᠂ | ᠪᠠᠰᠠ ᠨᠤᠤᠰᠤ ᠵᠤᠭᠳᠤᠷ ᠢᠶᠠᠷ ᠨᠤᠭᠳᠤ | ᠪᠤᠷᠠᠨᠳᠠᠭ ᠲᠡᠷᠢᠬᠦᠳᠡᠨ ᠢ ᠲᠡᠮᠤᠵᠦ | ᠪᠤᠷᠤᠯᠠᠭᠤᠯᠤᠭᠠᠳ ᠨᠡᠯᠢᠶᠡᠳ ᠤᠷᠤᠯᠭᠠ | ᠤᠯᠳᠠᠭ ᠪᠠᠶᠢᠨᠠ᠃ | ︽ᠰᠡᠳᠬᠢᠯ ᠳᠡᠭᠡᠨ ᠭᠠᠯ ᠲᠠᠢ ᠪᠠᠶᠢᠪᠡᠯ | ᠵᠤᠤᠬᠠᠨ ᠳᠤ ᠭᠠᠯ ᠤᠯᠳᠠᠨᠠ︾ ᠬᠡᠳᠡᠭ ᠢᠶᠠᠷ | ᠤᠬᠠᠭᠠᠨ ᠰᠠᠮᠪᠠᠭᠠ᠂ ᠠᠵᠢᠯᠴᠢ ᠰᠢᠷᠭᠠᠭᠤ | ᠪᠠᠶᠢᠪᠠᠯ ᠠᠵᠦ ᠠᠮᠢᠳᠤᠷᠠᠯ ᠠᠶᠠᠨᠳᠠᠭᠠᠨ | ᠦᠬᠡᠳᠡᠷᠭᠡᠭ ᠪᠤᠯᠬᠤ ᠨᠢ ᠵᠦᠢ᠃ | ᠦᠷᠦᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ ᠬᠢᠨ ᠲᠡᠮᠡᠭᠡ | ᠵᠠᠭ ᠢᠶᠠᠨ ᠲᠦᠰᠢᠵᠦ᠂ ᠴᠤᠯ ᠪᠠᠶᠢᠭᠠᠯᠢᠯᠢᠭ | ᠮᠠᠯᠵᠢᠯ ᠤᠶᠢᠯᠡᠳᠪᠤᠷᠢᠯᠡᠯ ᠢᠶᠠᠨ | ᠡᠵᠡᠩᠨᠡᠨ᠂ ᠦᠪᠡᠷ ᠦᠪᠡᠷ ᠤᠨ | ᠤᠨᠴᠠᠯᠢᠭ ᠲᠠᠢ᠂ ᠠᠮᠢᠳᠤᠷᠠᠯ ᠳᠠᠭᠠᠨ | ᠲᠤᠬᠢᠷᠠᠭᠰᠡᠨ ᠠᠷᠭᠠ ᠬᠡᠯᠪᠠᠷᠢ ᠪᠠᠷ | ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠂ | ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭᠴᠡᠭᠡ ᠪᠠᠨ | ᠬᠠᠩᠭᠠᠵᠦ ᠪᠠᠶᠢᠨᠡ᠃ ᠮᠦᠨ ᠴᠦ ᠲᠦᠷᠦ ᠶᠢᠨ | ᠪᠤᠳᠤᠯᠭᠠ ᠶᠢᠨ ᠬᠠᠷᠠᠭᠠᠯᠵᠠᠯ ᠢᠶᠠᠷ | ᠬᠦᠮᠦᠨ ᠪᠦᠷᠢ ᠵᠤᠬᠢᠬᠤ ᠲᠤᠭᠠᠨ ᠤ ᠨᠦᠭᠦᠪᠦᠷᠢ | ᠮᠦᠩᠭᠦ ᠬᠦᠷᠳᠡᠵᠦ᠂ ᠠᠷᠢᠭᠤᠨ | ᠬᠦᠳᠡᠯᠮᠤᠷᠢ ᠪᠠᠷ ᠢᠶᠠᠨ ᠲᠡᠨᠢᠬᠦᠨ | ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠦ ᠪᠠᠶᠢᠨᠠ᠃ | ᠲᠡᠬᠡᠷᠠ ᠲᠤᠷᠠᠳᠤᠬᠰᠠᠨ ᠬᠡᠳᠦᠨ ᠠᠶᠢᠯ ᠪᠤᠯ | ᠠᠮᠢᠳᠤᠷᠠᠯ ᠤᠷᠤᠯᠭᠠ ᠶᠢᠨ ᠲᠠᠯᠠ ᠪᠠᠷ | ᠪᠦᠷ ᠨᠠᠶᠢᠳᠡᠯᠢᠭ ᠪᠤᠯᠬᠤᠢᠢᠴᠠ ᠠᠶᠢᠯ ᠡᠷᠦᠬᠡ | ᠶᠤᠮ᠃ ᠡᠨᠡ ᠨᠤᠳᠤᠭ ᠤᠨ ᠬᠢᠨ ᠡᠨᠡ ᠯᠠ | ᠶᠠᠩᠵᠦ ᠪᠠᠷ ᠠᠵᠦ ᠲᠦᠷᠦᠵᠦ ᠪᠠᠶᠢᠭᠠ᠃ | ᠲᠤᠳᠤᠷᠠᠭᠤᠯᠵᠦ ᠶᠠᠷᠢᠪᠠᠯ᠂ ᠦᠷᠦᠨᠳᠤᠶᠠᠭᠠ | ᠭᠠᠴᠠᠭᠠ 5050 ᠲᠡᠭᠰᠢ ᠲᠦᠷᠪᠡᠯᠵᠢᠨ | ᠺᠢᠯᠤᠮᠧᠲᠷ ᠨᠤᠲᠤᠭ ᠲᠡᠪᠢᠰᠭᠡᠷ ᠲᠠᠢ᠂ 134 | ᠡᠷᠤᠭᠡ᠂ 310 ᠬᠦᠮᠦᠨ ᠠᠮᠠ ᠲᠠᠢ᠃ ᠪᠦᠬᠦ | ᠭᠠᠴᠠᠭᠠ 4500 ᠭᠠᠷᠤᠢ ᠲᠡᠮᠡᠭᠡ ᠲᠠᠢ᠂ 160 | ᠲᠦᠮᠡᠨ ᠮᠦ ᠵᠠᠭ ᠤᠨ ᠤᠢ ᠲᠠᠢ᠂ ᠵᠢᠯ ᠤᠨ | ᠴᠠᠭᠠᠨ ᠭᠤᠶᠤᠤ ᠶᠢᠨ ᠤᠨᠠᠯᠲᠠ ᠨᠢ 75 ᠲᠤᠨ ᠢ | ᠲᠠᠪᠠᠳᠠᠭ ᠠᠵᠢ᠃ ᠬᠦᠮᠦᠨ ᠪᠦᠷᠢ ᠳᠤ | ᠲᠡᠭᠰᠢᠳᠬᠡᠪᠡᠯ 15 ᠲᠡᠮᠡᠭᠡ᠂ 500 ᠤᠷᠴᠢᠮ ᠵᠢᠩ | ᠴᠠᠭᠠᠨ ᠭᠤᠶᠤᠤ ᠨᠤᠬᠳᠠᠨᠠ᠃ ᠡᠨᠡ ᠨᠢ ᠲᠡᠭᠷᠢ | ᠪᠠᠶᠢᠭᠠᠯᠢ ᠠᠴᠠ ᠰᠤᠶᠤᠷᠬᠠᠬᠰᠠᠨ ᠬᠡᠰᠢᠭ | ᠬᠡᠯᠳᠡᠢ᠃ ᠨᠦᠬᠦᠬᠡ ᠲᠠᠯᠠ ᠪᠠᠷ ᠢᠡᠭᠬᠡᠨ ᠰᠦ | ᠰᠠᠭᠠᠯᠢ ᠶᠢᠨ ᠵᠠᠬᠠ ᠲᠡᠯᠬᠡᠭᠦᠷ | ᠦᠷᠬᠡᠵᠢᠵᠦ᠂ ᠤᠷᠤᠯᠭᠠ ᠰᠠᠶᠢᠨ | ᠪᠤᠯᠤᠬᠰᠠᠨ ᠲᠠᠢ ᠬᠤᠯᠪᠤᠭᠠ ᠲᠠᠢ᠂ | ᠡᠨᠡ ᠨᠢ ᠮᠦᠨ ᠴᠤ ᠴᠠᠰᠢᠳᠠ ᠦᠷᠬᠦᠯᠵᠢᠯᠡᠨ | ᠬᠦᠭᠵᠢᠬᠦ ᠲᠤᠮᠤ ᠤᠷᠤᠨ ᠵᠠᠢ ᠲᠠᠢ ᠠᠵᠦ | ᠠᠬᠤᠢ ᠶᠢᠨ ᠲᠠᠯᠳᠠ ᠬᠦᠴᠦᠨ ᠶᠤᠮ᠃ ᠲᠡᠮᠡᠬᠡᠨ | ᠪᠤᠶᠠᠨ ᠳᠤ ᠬᠤᠳᠤᠯᠵᠠᠬᠰᠠᠨ ᠵᠠᠭ ᠲᠠᠢ | ᠨᠤᠳᠤᠬ ᠠᠴᠠ ᠡᠶᠢᠨᠬᠦ ᠲᠠᠨᠢᠬᠦᠨ | ᠠᠮᠢᠳᠤᠷᠠᠯ ᠤᠨ ᠵᠢᠪᠬᠤᠭᠠ ᠲᠤᠳᠤᠬᠠᠨ | ᠪᠠᠶᠢᠯᠠ᠃ | ᠰᠤᠷᠪᠤᠯᠵᠢᠯᠠᠬᠰᠠᠨ ᠤ ᠲᠠᠷᠠᠭᠠᠬᠢ | ᠲᠦᠷᠦᠭᠳᠡᠯ᠄ ᠴᠤᠯ ᠪᠠᠶᠢᠭᠠᠯᠢᠯᠢᠭ ᠢᠶᠠᠷ | ᠮᠠᠯ ᠮᠠᠯᠵᠢᠨ᠂ ᠲᠡᠮᠡᠭᠡᠨ ᠤ ᠠᠰᠢᠭ | ᠰᠢᠮᠡ ᠶᠢ ᠪᠤᠷᠤᠯᠠᠭᠤᠯᠤᠨ᠂ ᠭᠤᠶᠤᠤ ᠪᠠᠨ | ᠭᠠᠳᠠᠭᠰᠢ ᠭᠠᠷᠭᠠᠬᠤ ᠨᠢ ᠮᠠᠯᠴᠢᠳ ᠤᠨ ᠭᠤᠤᠯ | ᠤᠷᠤᠯᠭᠠ ᠶᠢᠨ ᠢᠷᠡᠯᠳᠡ ᠪᠤᠯᠵᠦ ᠪᠠᠶᠢᠨᠡ᠃ | ᠮᠠᠯᠴᠢᠳ ᠤᠯᠠᠮᠵᠢᠯᠠᠯᠲᠤ ᠮᠠᠯᠵᠢᠯ | ᠠᠮᠢᠳᠤᠷᠠᠯ ᠢᠶᠠᠨ ᠲᠡᠭᠡᠳᠤᠯᠡᠵᠦ᠂ | ᠪᠠᠶᠢᠭᠠᠯᠢ ᠤᠷᠴᠢᠨ ᠲᠠᠢ ᠪᠠᠨ | ᠵᠤᠬᠢᠴᠠᠯᠳᠤᠬᠤ ᠨᠢ ᠰᠠᠶᠢᠬᠠᠨ᠃ ᠭᠡᠪᠡᠴᠦ | ᠤᠶᠢᠷᠡ ᠶᠢᠨ ᠬᠤᠶᠠᠷ ᠵᠢᠯ ᠤᠨ ᠪᠠᠶᠢᠭᠠᠯᠢ | ᠤᠷᠴᠢᠨ ᠤ ᠮᠠᠭᠤᠳᠠᠯ ᠢ | ᠤᠮᠳᠤᠭᠠᠶᠢᠯᠠᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ | ᠬᠤᠷᠠ ᠲᠤᠨᠤᠳᠠᠰᠤ ᠪᠠᠭᠠ᠂ ᠪᠡᠯᠴᠢᠭᠡᠷ | ᠲᠠᠴᠢᠷᠳᠠᠬᠤ ᠵᠡᠷᠭᠡ ᠨᠢ ᠪᠦᠷ ᠮᠠᠯᠴᠢᠳ ᠤᠨ | ᠠᠮᠢᠳᠤᠷᠠᠯ ᠢ ᠨᠦᠯᠦᠭᠡᠯᠡᠵᠦ ᠪᠤᠢ᠃ | ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠠᠶᠢᠷᠠᠯᠠᠨ | ᠬᠢᠮᠠᠭᠠᠳᠠᠬᠤ ᠶᠢᠨ ᠲᠠᠭᠠᠤ ᠳᠤ ᠰᠢᠨᠡ | ᠭᠦᠭᠵᠢᠯᠲᠡ ᠶᠢᠨ ᠵᠠᠮ ᠢ | ᠰᠦᠪᠡᠭᠴᠢᠯᠡᠬᠦ ᠨᠢ ᠴᠤ ᠲᠤᠯᠭᠠᠮᠠ ᠪᠤᠯᠵᠦ | ᠪᠠᠶᠢᠨᠠ᠃ ᠴᠠᠭ ᠦᠶᠡ ᠶᠢᠨ ᠬᠦᠭᠵᠢᠯᠲᠡ | ᠬᠤᠪᠢᠷᠠᠯᠲᠠ ᠳᠤ ᠵᠤᠬᠢᠴᠠᠭᠤᠯᠤᠨ᠂ | ᠪᠠᠶᠢᠭᠠᠯᠢᠯᠢᠭ ᠪᠠ ᠰᠢᠨᠡᠴᠢᠯᠡᠯᠲᠡ ᠶᠢ | ᠤᠶᠠᠯᠳᠤᠭᠤᠯᠤᠬᠰᠡᠨ ᠰᠢᠨᠡ ᠠᠮᠢᠳᠤᠷᠠᠯ | ᠤᠶᠢᠯᠡᠳᠪᠤᠷᠢᠯᠡᠯ ᠤᠨ ᠠᠷᠭᠠ ᠮᠠᠶ᠋ᠢᠭ ᠢ | ᠪᠤᠢ ᠪᠤᠯᠭᠠᠪᠠᠯ ᠵᠤᠬᠢᠨᠠ᠃ ᠤᠳᠤ ᠬᠦᠮᠦᠰ | ᠴᠤᠯ ᠪᠠᠶᠢᠭᠠᠯᠢᠯᠢᠭ ᠪᠦᠳᠦᠭᠡᠭᠳᠡᠭᠦᠨ ᠢ | ᠭᠦᠭᠡᠭᠡᠴᠡᠯᠳᠤᠵᠦ᠂ ᠪᠡᠶᠡ ᠮᠠᠬᠠᠪᠤᠳ᠂ | ᠤᠶᠤᠨ ᠰᠠᠨᠠᠭᠠᠨ ᠤ ᠡᠷᠡᠭᠦᠯ ᠮᠠᠨᠳᠤ ᠶᠢ | ᠴᠢᠬᠤᠯᠠᠴᠢᠯᠠᠬᠤ ᠪᠤᠯᠵᠡᠢ᠃ ᠡᠭᠦᠨ ᠳᠤ | ᠬᠠᠨᠳᠤᠭᠤᠯᠵᠦ ᠨᠤᠲᠤᠭ ᠤᠨ ᠢᠶᠠᠨ | ᠪᠠᠶᠢᠭᠠᠯᠢᠯᠢᠭ ᠭᠠᠷᠤᠯᠳᠠ ᠪᠠᠨ | ᠲᠠᠸᠠᠷᠵᠢᠭᠤᠯᠵᠦ᠂ ᠪᠤᠷᠤᠯᠠᠭᠤᠯᠭᠠ ᠶᠢᠨ | ᠵᠠᠮ ᠢᠶᠠᠨ ᠦᠷᠭᠡᠳᠭᠡᠨ ᠵᠠᠬᠠ | ᠲᠡᠯᠭᠡᠭᠦᠷ ᠲᠤ ᠵᠤᠬᠢᠴᠠᠭᠤᠯᠵᠦ | ᠡᠵᠡᠩᠨᠡᠯᠳᠡ ᠬᠢᠬᠦ ᠶᠢᠨ ᠲᠠᠭᠠᠤ ᠠᠮᠢ | ᠠᠬᠤᠢ ᠪᠠᠨ ᠦᠷᠭᠦᠯᠵᠢᠯᠡᠨ ᠬᠠᠮᠠᠭᠠᠯᠠᠵᠦ᠂ | ᠦᠢᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠳᠡ ᠶᠢᠨ ᠤᠷᠳᠤ | ᠤᠳᠠᠭᠠᠨ ᠭᠦᠭᠵᠢᠯᠲᠡ ᠶᠢᠨ ᠡᠬᠦᠳᠡᠨ ᠠᠴᠠ | ᠬᠠᠮᠠᠭᠠᠯᠠᠬᠤ᠂ ᠪᠠᠶᠢᠭᠤᠯᠬᠤ᠂ | ᠬᠦᠭᠵᠢᠭᠦᠯᠬᠦ ᠶᠢ ᠵᠦᠢ ᠵᠤᠬᠢᠰᠳᠠᠢ | ᠤᠶᠠᠯᠳᠤᠭᠤᠯᠬᠤ ᠴᠢᠬᠤᠯᠠᠳᠠᠢ ᠪᠠᠶᠢᠨᠠ᠃ | ᠢᠷᠡᠯᠲᠡ᠄ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ | ᠬᠡᠯᠡᠡ ᠤ ᠰᠤᠨᠢᠠ ᠮᠠᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠮᠠᠨᠳᠠᠷᠸᠠ ᠬᠠᠩᠭᠠᠪᠠ | |