| ᠡᠴᠢᠭᠡ ᠶᠢᠨ ᠲᠠᠯᠠ ᠶᠢ ᠶᠠᠰᠤᠨ ᠲᠦᠷᠦᠯ ᠡᠬᠡ ᠶᠢᠨ ᠲᠠᠯᠠ ᠶᠢ ᠴᠢᠰᠤᠨ ᠤᠤ ᠮᠢᠬᠠᠨ ᠲᠦᠷᠦᠯ ᠭᠡᠵᠦ ᠦᠵᠡᠳᠡᠭ | ᠪᠦᠭᠡᠳ ᠦᠪᠡᠷ ᠠᠴᠠ ᠪᠠᠨ ᠡᠮᠦᠨᠡᠬᠢ ᠬᠤᠶᠢᠲᠤᠬᠢ ᠲᠣᠯᠣᠭᠠᠨ ᠦᠶᠡ ᠶᠢ ᠦᠷᠠ ᠬᠡᠣᠬᠡᠳ ᠲᠡᠭᠡᠨ ᠰᠠᠶᠢᠨ | ᠮᠡᠳᠡᠭᠡᠯᠡᠵᠤ ᠨᠡᠷᠡᠯᠡᠵᠤ ᠰᠤᠷᠭᠠᠳᠠᠭ᠃ ᠲᠣᠬᠠᠶᠢᠯᠠᠪᠠᠯ᠄ ᠦᠪᠡᠷ ᠠᠴᠠ ᠪᠠᠨ ᠳᠡᠭᠡᠭᠰᠢ ᠡᠴᠢᠭᠡ᠂ ᠡᠪᠦᠭᠡ ᠡᠴᠢᠭᠡ᠂ | ᠦᠨᠳᠦᠷ ᠡᠴᠢᠭᠡ᠂ ᠡᠯᠤᠨᠴᠠ ᠡᠴᠢᠭᠡ᠂ ᠡᠯᠤᠨᠴᠠ ᠡᠪᠦᠭᠡ᠂ ᠬᠤᠯᠤᠨᠴᠠ᠂ ᠬᠤᠯᠤᠨᠴᠠ ᠡᠪᠦᠭᠡ ᠭᠡᠬᠦ ᠪᠤᠶᠤ ᠦᠪᠡᠷ | ᠠᠴᠠ ᠪᠠᠨ ᠲᠤᠷᠤᠭᠰᠢ᠄ ᠬᠦᠦ - ᠠᠴᠢ᠂ ᠭᠤᠴᠢ ᠵᠢᠴᠢ᠂ ᠳᠦᠴᠢ᠂ ᠲᠠᠴᠢ᠂ ᠵᠢᠯᠢᠢᠬᠢ᠂ ᠲᠠᠯᠢᠢᠬᠢ ᠭᠡᠵᠦ | ᠳᠤᠯᠤᠭᠠ ᠲᠣᠯᠣᠭᠠᠨ ᠦᠶᠡ ᠪᠠᠨ ᠮᠡᠳᠡᠳᠡᠭ ᠪᠠᠶᠢᠬᠤ ᠣᠴᠢᠷ ᠲᠠᠢ᠃ ᠲᠦᠷᠦᠯ ᠰᠠᠳᠤᠨ ᠢᠶᠠᠨ ᠬᠡᠳᠦᠳᠡᠬᠢ ᠦᠶᠡ | ᠪᠣᠯᠬᠤ ᠶᠢ ᠶᠠᠮᠠᠷ ᠴᠦ ᠦᠶᠡ ᠳᠤ ᠰᠠᠮᠠᠭᠤᠷᠠᠵᠤ ᠪᠣᠳᠣᠯᠢᠯ ᠦᠭᠡᠢ ᠮᠡᠳᠡᠵᠦ ᠲᠤᠭᠠᠯᠠᠬᠤ ᠠᠮᠤᠷ ᠬᠢᠯᠪᠡᠷ ᠠᠷᠭ᠋ ᠠ᠋ ᠶᠢ | ᠮᠣᠩᠭᠤᠯ ᠲᠦᠮᠡᠨ ᠦᠷᠠ ᠬᠡᠣᠬᠡᠳ ᠲᠡᠭᠡᠨ ᠵᠢᠭᠠᠵᠣ ᠦᠭᠳᠡᠭ ᠪᠠᠶᠢᠪᠠ᠃ ᠢᠩᠬᠢᠬᠦ ᠳᠡᠭᠡᠨ ᠦᠪᠡᠷ ᠢ ᠪᠠᠨ ᠴᠡᠬᠡᠵᠢᠨ | ᠪᠡᠶᠡ ᠪᠠᠷ ᠲᠦᠯᠦᠭᠡᠯᠡᠭᠦᠯᠦᠨ ᠲᠡᠭᠦᠨ ᠠᠴᠠ ᠭᠠᠳᠠᠭᠰᠢ ᠬᠦᠯ ᠭᠠᠷ ᠤᠨ ᠦᠵᠤᠭᠦᠷ ᠬᠦᠷᠲᠡᠯᠡᠬᠢ ᠮᠦᠴᠢ ᠪᠦᠷᠢ ᠶᠢ | ᠨᠢᠭᠡ ᠨᠢᠭᠡ ᠦᠶᠡ ᠳᠤ ᠬᠠᠮᠢᠶᠠᠷᠣᠭᠤᠯᠣᠨ ᠲᠣᠯᠣᠭᠠᠨ ᠦᠶᠡ ᠲᠤᠭᠠᠯᠠᠵᠤ ᠴᠢ ᠲᠡᠷᠡ ᠣᠪᠤᠭᠲᠠᠨ ᠤ ᠲᠡᠶᠢᠮᠦ ᠦᠶᠡ | ᠪᠠᠶᠢᠨᠠ ᠭᠡᠬᠦ ᠮᠡᠲᠣ ᠪᠠᠷ ᠬᠡᠳᠦᠳᠡᠭᠢ ᠦᠶᠡ ᠳᠡᠭᠡᠷᠡ ᠪᠠᠨ ᠶᠠᠪᠣᠭᠠ ᠶᠢ ᠬᠡᠯᠡᠬᠦ ᠠᠴᠠ ᠭᠠᠳᠠᠨᠠ ᠲᠣᠯᠣᠭᠠᠨ ᠦᠶᠡ | ᠮᠣᠯᠳᠣᠷᠠᠭᠰᠠᠨ ᠪᠤᠯ ᠬᠤᠭᠤᠷᠤᠨᠳᠤ ᠪᠠᠨ ᠭᠡᠷᠯᠡᠵᠦ ᠪᠤᠯᠤᠨᠠ ᠭᠡᠵᠦ ᠵᠢᠭᠠᠵᠣ ᠦᠭᠳᠡᠭ ᠪᠠᠶᠢᠪᠠ᠃ ᠲᠣᠬᠠᠶᠢᠯᠠᠪᠠᠯ᠄ | ᠭᠠᠷ ᠤᠨ ᠪᠠᠭᠤᠯᠢᠭ ︵ᠬᠦᠯ ᠤᠨ ᠳᠤᠮᠳᠠ︶ ᠴᠢᠮᠦᠭᠡ ︽ᠨᠣᠭᠤᠨ ᠬᠦᠦ ᠶᠢᠨ ᠦᠶᠡ︾ | ᠭᠠᠷ ᠤᠨ ᠱᠣᠣ ︵ᠬᠦᠯ ᠤᠨ ᠰᠢᠯᠪᠢ︶ ᠴᠢᠮᠦᠭᠡ ︽ᠠᠴᠢ ᠬᠦᠦ ᠶᠢᠨ ᠦᠶᠡ︾ | ᠭᠠᠷ ᠤᠨ ᠰᠠᠷᠪᠠᠭᠤ ︵ᠬᠦᠯ ᠤᠨ ᠲᠠᠪᠠᠭ᠋ᠠᠢ ᠨᠢᠭᠡᠳᠬᠦ ᠬᠤᠯᠪᠣᠭᠠᠰᠤ︶ ᠴᠢᠮᠦᠭᠡ ︽ᠵᠢᠴᠢ ᠬᠦᠦ ᠶᠢᠨ ᠦᠶᠡ︾ | ᠭᠠᠷ ᠤᠨ ᠰᠠᠷᠪᠠᠭᠤ ︵ᠬᠦᠯ ᠤᠨ ᠲᠠᠪᠠᠭ᠋ᠠᠢ ᠬᠤᠶᠠᠷᠳᠠᠬᠢ ᠬᠤᠯᠪᠣᠭᠠᠰᠤ︶ ᠴᠢᠮᠦᠭᠡ ︽ᠭᠤᠴᠢ ᠶᠢᠨ ᠦᠶᠡ︾ | ᠭᠠᠷ ᠤᠨ ᠰᠠᠷᠪᠠᠭᠤᠨ ᠤ ︵ᠬᠦᠯ ᠤᠨ ᠲᠠᠪᠠᠭ᠋ᠠᠢ︶ ᠶᠠᠰᠣ ︽ᠵᠢᠴᠢᠨᠴᠢᠷ ᠤᠨ ᠦᠶᠡ︾ | ᠭᠠᠷ ᠤᠨ ᠬᠤᠷᠣᠭᠤ ︵ᠬᠦᠯ ᠤᠨ ᠬᠤᠷᠤᠭᠤᠨ ᠤ ᠨᠢᠭᠡᠳᠬᠦ︶ ᠶᠠᠰᠦ ︽ᠭᠤᠴᠢᠨᠴᠢᠷ ᠤᠨ ᠦᠶᠡ︾ | ᠭᠠᠷ ᠤᠨ ᠬᠤᠷᠣᠭᠤ ︵ᠬᠦᠯ ᠤᠨ ᠬᠤᠶᠠᠷ ᠳᠠᠬᠢ ᠦᠶᠡ︶ ᠶᠠᠰᠣ ︽ᠵᠢᠯᠢᠢᠬᠢ ᠶᠢᠨ ᠦᠶᠡ︾ | ᠭᠠᠷ ᠤᠨ ᠬᠤᠷᠣᠭᠤ ︵ᠬᠦᠯ ᠤᠨ ᠭᠤᠷᠪᠠ ᠳᠠᠬᠢ︶ ᠪᠤᠶᠤ ᠦᠵᠦᠭᠦᠷ ᠤᠨ ᠶᠠᠰᠣ ︽ᠲᠠᠯᠢᠢᠬᠢ ᠶᠢᠨ ᠦᠶᠡ︾ | ᠭᠡᠵᠦ ᠨᠡᠷᠡ ᠦᠭᠴᠦ ᠲᠣᠭᠳᠠᠭᠠᠯᠭᠠᠨ ᠰᠤᠷᠭᠠᠳᠠᠭ ᠪᠦᠭᠡᠳ ᠡᠭᠦᠨ ᠠᠴᠠ ᠴᠢᠨᠠᠭᠰᠢᠬᠢ ᠶᠢ ᠲᠦᠷᠦᠯ ᠰᠤᠨᠵᠠᠷᠠᠨ | ᠦᠶᠡ ᠮᠣᠯᠳᠣᠷᠠᠭᠰᠠᠨ ᠳᠤ ᠲᠤᠭᠠᠴᠠᠳᠠᠭ ᠠᠵᠢ᠃ ᠴᠡᠬᠡᠵᠢᠨ ᠪᠡᠶᠡ ᠪᠠᠷ ᠦᠪᠡᠷ ᠢ ᠪᠠᠨ ᠲᠦᠯᠦᠭᠡᠯᠡᠭᠦᠯᠦᠨ ᠲᠡᠬᠦᠨ | ᠠᠴᠠ ᠭᠠᠳᠠᠭᠰᠢᠯᠠᠭᠤᠯᠣᠨ ᠲᠣᠭᠠᠯᠠᠭᠰᠠᠭᠠᠷ ᠠᠮᠢᠨ ᠠᠴᠠ ᠬᠤᠯᠠᠳᠠᠭᠰᠠᠨ ᠬᠤᠷᠤᠭᠤᠨ ᠤ ᠦᠵᠤᠭᠦᠷ ᠬᠦᠷᠬᠦ ᠳᠤ | ᠵᠢᠯᠢᠢᠬᠢ ᠶᠢᠨ ᠦᠶᠡ ᠳᠠᠭᠤᠰᠴᠤ ᠬᠠᠷᠢ ᠡᠯᠢᠭᠡ ᠤᠨ ᠪᠤᠶᠤ ᠬᠦᠨᠳᠡᠯᠡᠨ ᠤ ᠬᠦᠮᠦᠨ ᠳᠤ ᠲᠣᠭᠠᠴᠠᠭᠳᠠᠳᠠᠭ ᠨᠢ | ᠣᠳᠣᠮ ᠰᠣᠳᠣᠷ᠂ ᠰᠠᠳᠣᠨ ᠲᠦᠷᠦᠯ ᠤᠨ ᠲᠣᠭᠲᠠᠯᠴᠠᠭ᠋ ᠠ᠋ ᠶᠢ ᠠᠮᠢᠳᠦ ᠬᠦᠮᠦᠨ ᠲᠠᠢ ᠵᠦᠢᠷᠯᠡᠭᠰᠡᠨ ᠰᠣᠨᠢ ᠰᠠᠨᠠᠭᠠ | ᠶᠤᠮ᠃ ᠮᠦᠨ ᠨᠡᠮᠡᠵᠦ ᠲᠣᠷᠠᠳᠬᠤ ᠳᠤ ᠡᠬᠡ ᠶᠢᠨ ᠲᠠᠯ ᠠ᠋ ᠶᠢᠨ ᠣᠳᠤᠮ ᠢ ᠡᠬᠡ᠂ ᠡᠮᠡᠭᠡ ᠡᠬᠡ᠂ ᠡᠯᠤᠨᠴᠠ ᠡᠬᠡ᠂ | ᠬᠤᠯᠤᠨᠴᠠ ᠡᠬᠡ᠂ ᠦᠨᠳᠦᠷ ᠡᠮᠡᠭᠡ ᠭᠡᠬᠦ ᠮᠡᠲᠣ ᠪᠠᠷ ᠭᠠᠷ ᠬᠦᠯ ᠤᠨ ᠦᠶᠡ ᠮᠦᠴᠢ ᠡᠨᠡ ᠮᠡᠳᠦᠴᠢᠯᠡᠨ | ᠲᠦᠯᠦᠭᠡᠯᠡᠭᠦᠯᠵᠦ ᠨᠡᠷᠡᠯᠡᠵᠤ ᠲᠤᠭᠠᠯᠠᠵᠤ ᠪᠤᠯᠤᠨᠠ᠃ |