| | ᠮᠤᠩᠭᠤᠯᠴᠤᠳ ᠠᠶᠢᠯ ᠳᠤ ᠤᠴᠢᠵᠤ ᠬᠡᠷ ᠤᠨ ᠬᠢᠨᠢ ᠭᠠᠳᠠᠨᠠ ᠤᠴᠢᠭᠰᠠᠨ ᠤ ᠲᠠᠷᠠᠭᠠ ᠦᠨᠳᠤᠷ ᠲᠠᠭᠤᠨ ᠢᠶᠠᠷ ︽ | ᠨᠤᠬᠠᠢ ᠪᠠᠨ ᠬᠤᠷᠢ︾ ᠬᠡᠵᠤ ᠬᠡᠯᠡᠳᠡᠭ ᠶᠤᠮ᠃ ᠡᠨᠡ ᠪᠤᠯ ᠨᠢᠬᠡ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠶᠤᠮ᠃ ᠦᠩᠬᠡᠨ | ᠲᠠᠯᠠ ᠠᠴᠠ ᠨᠢ ᠦᠵᠡᠪᠡᠯ ᠨᠤᠬᠠᠢ ᠲᠠᠢ ᠠᠶᠢᠯ ᠳᠤ ᠤᠴᠢᠪᠠᠯ ᠠᠶᠢᠯ ᠤᠨ ᠨᠤᠬᠠᠢ ᠰᠤᠯᠠ ᠪᠠᠶᠢᠵᠤ | ᠬᠠᠵᠠᠭᠤᠯᠴᠢᠬᠠᠬᠤ ᠠᠴᠠ ᠬᠢᠴᠢᠶᠡᠵᠤ ᠪᠠᠶᠢᠳᠠᠭ ᠪᠤᠯ ᠲᠠᠯᠳᠠ ᠲᠠᠯᠠ ᠠᠴᠠ ᠠᠶᠢᠯ ᠤᠨ ᠡᠵᠡᠨ ᠤ ᠬᠡᠨᠡᠳᠳᠡ ᠬᠦᠮᠤᠨ | ᠬᠠᠷᠠ ᠢᠷᠡᠵᠤ ᠪᠠᠯᠠᠬ ᠠᠯᠳᠠᠨ ᠲᠤᠯᠭᠠᠮᠳᠠᠬᠤ ᠠᠴᠠ ᠬᠢᠴᠢᠶᠡᠵᠤ ᠬᠡᠷ ᠤᠨ ᠡᠵᠡᠨ ᠢ ᠶᠡᠬᠡᠯᠡ ᠬᠦᠨᠳᠦᠯᠡᠳᠡᠭ ᠤᠨ | ᠤᠴᠢᠷ ᠲᠠᠢ᠃ ᠮᠤᠩᠭᠤᠯ ᠠᠶᠢᠯ ᠪᠤᠯᠭᠠᠨ ᠡᠷᠳᠡ ᠳᠤ ᠪᠠᠨ ᠪᠦᠷ ᠬᠤᠳᠠᠴᠢ ᠨᠤᠬᠠᠢ ᠲᠠᠢ ᠪᠠᠶᠢᠵᠤ ᠵᠠᠷᠢᠮ ᠠᠶᠢᠯ ᠤᠨ | ᠨᠤᠬᠠᠢ ᠰᠦᠷᠡᠬᠡᠢ ᠵᠠᠭᠤᠳᠠᠭ ᠪᠠᠶᠢᠵᠤ ᠪᠠᠷᠤᠭᠲᠠᠢ ᠬᠢᠷᠢ ᠶᠢᠨ ᠬᠦᠮᠤᠨ ᠬᠠᠷᠠ ᠬᠡᠷ ᠲᠤ ᠨᠢ ᠤᠷᠤᠵᠤ ᠲᠡᠶᠢᠯᠳᠡᠭ ᠦᠬᠡᠢ | ᠶᠤᠮ᠃ ᠡᠶᠢᠮᠤ ᠠᠴᠠ ᠢᠷᠡᠭᠰᠡᠨ ᠬᠡᠶᠢᠴᠢᠨ ᠶᠠᠮᠠᠷ ᠪᠠᠶᠢᠯᠠ ᠴᠤ ᠬᠡᠰᠡᠨ ᠠᠶᠢᠯ ᠤᠨ ᠭᠠᠳᠠᠨᠠ ᠢᠷᠡᠪᠡᠯ | ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠯ ᠦᠬᠡᠢ ᠪᠠᠷ ︽ᠨᠤᠬᠠᠢ ᠪᠠᠨ ᠬᠤᠷᠢ︾ ᠬᠡᠬᠦ ᠮᠦᠷᠳᠡᠬᠡᠨ ᠠᠶᠢᠯ ᠤᠨ ᠡᠵᠡᠨ ᠪᠤᠶᠤ | ᠠᠶᠢᠯ ᠤᠨ ᠬᠡᠤᠬᠡᠳ ᠪᠠᠭᠠᠴᠤᠤᠯ ᠨᠢ ᠭᠠᠷᠴᠤ ᠢᠷᠡᠨ ᠨᠤᠬᠠᠢ ᠪᠠᠨ ᠬᠤᠷᠢᠵᠤ ᠵᠤᠴᠢᠨ ᠢ ᠬᠡᠷ ᠲᠤ ᠲᠠᠭᠠᠭᠤᠯᠤᠨ | ᠤᠷᠤᠳᠠᠯᠠ ᠭᠠᠳᠠᠨᠠ ᠨᠢ ᠬᠦᠯᠢᠶᠡᠨ ᠪᠠᠶᠢᠳᠠᠭ ᠤᠨ ᠶᠤᠰᠤ ᠲᠠᠢ ᠠᠵᠢ᠃ ᠲᠡᠶᠢᠮᠤ ᠪᠠᠷ ᠢᠶᠠᠨ ᠠᠶᠢᠯ ᠤᠨ ᠡᠵᠡᠨ | ᠬᠡᠷ ᠲᠤ ᠶᠠᠭᠤ ᠬᠢᠵᠤ ᠪᠠᠶᠢᠭᠰᠠᠨ ᠴᠤ᠂ ᠬᠤᠪᠴᠠᠰᠤ ᠵᠠᠰᠠᠯ ᠲᠡᠭᠰᠢ ᠦᠬᠡᠢ ᠴᠤ᠂ ᠬᠦᠮᠤᠨ ᠢᠷᠡᠪᠡᠯ ᠬᠤᠪᠴᠠᠰᠤ | ᠵᠠᠰᠠᠯ ᠢᠶᠠᠨ ᠡᠮᠤᠰᠴᠤ᠂ ᠢᠷᠡᠭᠰᠡᠨ ᠬᠡᠶᠢᠴᠢᠨ ᠢᠶᠠᠨ ᠬᠦᠨᠳᠤᠳᠬᠡᠨ ᠤᠭᠳᠤᠵᠤ ᠠᠪᠳᠠᠭ ᠤᠨ ᠤᠴᠢᠷ ᠲᠠᠢ ᠠᠵᠢ᠃ | ᠬᠤᠳᠠᠴᠢ ᠨᠤᠬᠠᠢ ᠠᠶᠢᠯ ᠤᠨ ᠬᠠᠶᠠᠭᠠᠨ ᠳᠤ ᠪᠠᠶᠢᠵᠤ ᠬᠤᠳᠠ ᠰᠦᠷᠦᠭ ᠢᠶᠠᠨ ᠬᠠᠷᠠᠬᠤ ᠡᠬᠦᠷᠬᠡ ᠲᠠᠢ᠂ ᠬᠡᠷ ᠲᠤ | ᠶᠡᠷᠤ ᠠᠴᠠ ᠤᠷᠤᠵᠤ ᠢᠷᠡᠳᠡᠭ ᠦᠬᠡᠢ ᠶᠤᠮ᠃ ᠪᠢ ᠵᠠᠪᠰᠢᠶᠠᠨ ᠢᠶᠠᠷ ᠰᠢᠯᠢ ᠶᠢᠨ ᠨᠢᠬᠡ ᠠᠶᠢᠯ ᠳᠤ ᠤᠴᠢᠬᠤ ᠳᠤ | ᠲᠡᠷᠡ ᠠᠶᠢᠯ ᠤᠨ ᠬᠢᠨ ᠵᠢᠩᠬᠢᠨᠢ ᠮᠤᠩᠭᠤᠯ ᠬᠤᠳᠠᠴᠢ ᠨᠤᠬᠠᠢ ᠲᠠᠢ ᠪᠠᠶᠢᠵᠤ ᠤᠴᠢᠭᠰᠠᠨ ᠪᠢᠳᠠᠨ ᠢ ᠨᠢᠬᠡ ᠨᠢᠬᠡ ᠪᠠᠷ | ᠦᠨᠤᠷᠯᠠᠵᠤ ᠬᠡᠷ ᠲᠤ ᠤᠷᠤᠭᠤᠯᠵᠤ ᠪᠠᠶᠢᠯᠠ᠃ ᠬᠡᠷ ᠤᠨ ᠡᠵᠡᠨ᠄ ︽ᠮᠠᠨ ᠤ ᠨᠤᠬᠠᠢ ᠢᠷᠡᠭᠰᠡᠨ ᠬᠡᠶᠢᠴᠢᠨ ᠢ | ᠦᠨᠤᠷᠯᠠᠵᠤ ᠤᠷᠤᠭᠤᠯᠴᠢᠬᠠᠪᠠᠯ ᠲᠠᠬᠢᠵᠤ ᠬᠤᠴᠠᠵᠤ ᠪᠠᠷᠢᠬᠤ ᠦᠬᠡᠢ ᠮᠦᠷᠳᠡᠬᠡᠨ ᠬᠠᠵᠠᠬᠤ ᠦᠬᠡᠢ᠂ ᠬᠠᠷᠢᠨ ᠲᠠᠨᠤᠰ | ᠬᠤᠷᠠᠭᠠ ᠢᠰᠢᠬᠡ ᠦᠵᠡᠶᠡ ᠬᠡᠵᠤ ᠮᠠᠯ ᠤᠨ ᠬᠠᠰᠢᠶᠠ ᠬᠤᠷᠤᠭᠠ ᠤᠷᠤᠭᠤ ᠤᠴᠢᠪᠠᠯ ᠮᠠᠨ ᠤ ᠬᠡᠤᠬᠡᠳ ᠢ ᠲᠠᠭᠠᠭᠤᠯ᠂ | ᠦᠬᠡᠢ ᠪᠤᠯ ᠨᠤᠬᠠᠢ ᠬᠠᠵᠠᠬᠤ ᠰᠢᠤ︕︾ ᠬᠡᠵᠤ ᠬᠡᠯᠡᠵᠤ ᠪᠢᠯᠡ᠃ ᠴᠢᠨ᠋ᠸᠠ ᠴᠤ ᠪᠠᠷᠢᠵᠤ ᠲᠡᠶᠢᠯᠳᠡᠭ ᠲᠡᠷᠡ ᠪᠢᠷᠠᠭᠤ | ᠰᠢᠬ ᠲᠤᠮᠤ ᠨᠤᠬᠠᠢ ᠪᠢᠳᠠᠨ ᠢ ᠶᠠᠪᠤᠳᠠᠯᠠ ᠦᠨᠡᠬᠡᠷ ᠨᠢᠬᠡ ᠴᠤ ᠬᠤᠴᠠᠭᠰᠠᠨ ᠦᠬᠡᠢ᠃ ︽ᠵᠠᠬᠠ ᠶᠢᠨ ᠬᠦᠮᠤᠨ | ᠮᠠᠨ ᠤ ᠡ᠊ᠨᠳᠡᠬᠢ ᠶᠢᠨ ᠶᠤᠰᠤ ᠶᠢ ᠮᠡᠳᠡᠬᠦ ᠦᠬᠡᠢ᠂ ᠬᠦᠳᠡᠭᠡ ᠳᠤ ᠪᠡᠯᠴᠢᠵᠤ ᠪᠠᠶᠢᠭᠰᠠᠨ ᠰᠦᠷᠦᠭ ᠤᠨ ᠲᠤᠮᠳᠠᠭᠤᠷ | ᠵᠦᠰᠤᠵᠤ ᠭᠠᠷᠤᠭᠠᠳ ᠡᠰᠡᠯᠡ ᠮᠠᠨ ᠤ ᠨᠤᠬᠠᠢ ᠳᠤ ᠬᠠᠵᠠᠭᠳᠠᠬᠤ ᠰᠢᠬᠠᠭᠰᠠᠨ ᠰᠢᠤ︾ ᠬᠡᠵᠤ ᠠᠶᠢᠯ ᠤᠨ ᠠᠬᠠ | ᠨᠤᠬᠠᠢ ᠠᠴᠠ ᠠᠶᠤᠮᠠᠳᠠᠭᠠᠢ ᠨᠠᠳᠠ ᠠᠮᠢᠨᠴᠢᠯᠠᠨ ᠶᠠᠷᠢᠭᠰᠠᠨ ᠪᠢᠯᠡ᠃ | ᠤᠳᠤ ᠠᠶᠢᠯ ᠳᠤ ᠬᠤᠳᠠᠴᠢ ᠨᠤᠬᠠᠢ ᠬᠡᠬᠦ ᠶᠢᠨ ᠤᠷᠤᠨ ᠳᠤ ᠬᠠᠪᠠᠰ ᠨᠤᠬᠠᠢ ᠤᠷᠤᠩᠨᠠᠵᠤ᠂ ᠲᠡᠷᠡ ᠨᠤᠬᠠᠢ ᠨᠢ ᠶᠤᠰᠤ | ᠨᠤᠮ ᠮᠠᠭᠤᠲᠠᠢ ᠪᠠᠶᠢᠵᠤ ᠬᠡᠷ ᠤᠨ ᠡᠵᠡᠨ ᠬᠡᠯᠡᠵᠤ ᠬᠤᠷᠢᠵᠤ ᠪᠠᠶᠢᠳᠠᠯᠠ ᠬᠡᠶᠢᠴᠢᠨ ᠤᠷᠤᠭᠤ ᠬᠤᠴᠠᠵᠤ᠂ ᠬᠡᠷ ᠲᠤ | ᠲᠤᠷᠠ ᠪᠠᠷ ᠬᠦᠶᠤᠵᠤ᠂ ᠰᠢᠷᠡᠭᠡ ᠰᠢᠷᠳᠡᠭ ᠤᠨ ᠲᠡᠬᠡᠬᠦᠷ ᠲᠤᠤᠭᠤᠷ ᠬᠤᠯᠬᠢᠳᠠᠵᠤ ᠬᠡᠶᠢᠴᠢᠨ ᠢ ᠲᠤᠷᠠ | ᠠᠯᠳᠠᠭᠤᠯᠳᠠᠭ ᠨᠢ ᠬᠡᠷ ᠤᠨ ᠡᠵᠡᠨ ᠬᠡᠶᠢᠴᠢᠨ ᠢ ᠬᠦᠨᠳᠤᠳᠬᠡᠵᠤ ᠦᠬᠡᠢ ᠶᠢᠨ ᠤᠴᠢᠷ ᠪᠤᠯᠤᠭᠰᠠᠨ ᠪᠠᠶᠢᠳᠠᠯᠠ ᠬᠡᠷ ᠤᠨ | ᠡᠵᠡᠨ ᠲᠡᠬᠦᠨ ᠢᠶᠠᠨ ᠬᠠᠷᠢᠨ ᠶᠡᠭᠡ ᠶᠠᠭᠤᠮᠠ ᠪᠤᠯᠭᠠᠵᠤ ᠪᠠᠶᠢᠳᠠᠭ᠃ ︽ᠨᠤᠬᠠᠢ ᠬᠡᠵᠢᠶᠡᠳᠡ ᠪᠠᠨ ᠨᠤᠬᠠᠢ︾ ᠬᠡᠳᠡᠭ ᠢ | ᠲᠡᠳᠡ ᠮᠡᠳᠡᠬᠦ ᠪᠠᠨ ᠪᠠᠶᠢᠭᠰᠠᠨ ᠤᠤ︖ ᠡᠰᠡᠬᠦᠯᠠ ᠬᠠᠪᠠᠰ ᠨᠤᠬᠠᠢ ᠨᠢ ᠨᠤᠬᠠᠢ ᠪᠢᠰᠢ ᠪᠤᠯᠴᠢᠬᠠᠳᠠᠭ ᠤᠤ︖ ᠪᠤᠤ | ᠮᠡᠳᠡ᠂ ᠦᠪᠡᠷ ᠤᠨ ᠦᠷᠡ ᠬᠡᠤᠬᠡᠳ ᠢᠶᠠᠨ ᠰᠢᠭ ᠬᠠᠶᠢᠷᠠᠯᠠᠵᠤ ᠪᠠᠶᠢᠳᠠᠭ ᠬᠦᠮᠤᠨ ᠤ ᠰᠡᠳᠬᠢᠴᠡ ᠶᠢ ᠡᠶᠢᠮᠤ | ᠪᠤᠯᠭᠠᠭᠰᠠᠨ ᠨᠤᠬᠠᠢ ᠶᠢᠨ ᠠᠭᠠᠰᠢ ᠶᠢ ᠦᠨᠡᠬᠡᠷ ᠲᠦᠰᠤᠪᠯᠡᠬᠦ ᠶᠢᠨ ᠠᠷᠭᠠ ᠦᠬᠡᠢ ᠠᠵᠢ᠃ | | |