ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠤᠨ ᠴᠡᠭᠡᠷ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/11/27
ᠮᠤᠩᠭᠤᠯᠴᠤᠳ ᠭᠠᠯ ᠢ ᠲᠡᠭᠡᠳᠤᠯᠡᠵᠤ ᠲᠠᠬᠢᠳᠠᠭ᠂ ᠭᠠᠯ ᠪᠠ ᠭᠠᠯ ᠭᠤᠯᠤᠮᠳᠠ ᠶᠢᠨ ᠠᠷᠢᠭᠤᠨ ᠲᠠᠷᠬᠠᠨ ᠢ ᠪᠠᠳᠤᠯᠠᠬᠤ ᠳᠤ ᠵᠤᠷᠢᠭᠤᠯᠤᠬᠳᠠᠬᠰᠠᠨ ᠠᠯᠢ ᠤᠯᠠᠨ ᠬᠤᠷᠢᠭ᠎ᠠ ᠴᠡᠭᠡᠷ ᠢ ᠴᠤ ᠵᠤᠬᠢᠶᠠᠨ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠳᠠᠭ᠃ ᠭᠠᠯ ᠤᠨ ᠬᠤᠪᠢ ᠳᠤ ᠡᠳᠤᠷ ᠲᠤᠳᠤᠮ ᠤᠨ ᠴᠡᠭᠡᠷ᠂ ᠲᠠᠬᠢᠯᠭ᠎ᠠ ᠶᠢᠨ ᠴᠡᠭᠡᠷ ᠬᠡᠵᠤ ᠬᠤᠪᠢᠶᠠᠨ᠎ᠠ᠃ ᠡᠳᠤᠷ ᠲᠤᠳᠤᠮ ᠤᠨ ᠴᠡᠭᠡᠷ᠄ ᠭᠠᠯ ᠭᠤᠯᠤᠮᠳᠠ ᠶᠢᠨ ᠲᠡᠭᠡᠭᠦᠷ ᠠᠯᠬᠤᠵᠤ ᠭᠠᠷᠬᠤ︔ ᠭᠠᠯ ᠳᠤ ᠬᠦᠯ ᠢᠶᠠᠨ ᠡᠭᠡᠭᠡᠭᠦ︔ ᠭᠠᠯ ᠲᠡᠭᠡᠷ᠎ᠠ ᠠᠯᠴᠠᠶᠢᠬᠤ︔ ᠵᠤᠤᠬᠠᠨ ᠭᠠᠯ ᠢ ᠬᠦᠯ ᠢᠶᠠᠷ ᠢᠰᠭᠦᠯᠭᠦ︔ ᠭᠠᠵᠠᠷ ᠤᠨᠠᠬᠰᠠᠨ ᠭᠠᠯ ᠢ ᠬᠦᠯ ᠢᠶᠠᠷ ᠬᠢᠰᠬᠢᠵᠤ ᠤᠨᠳᠠᠷᠠᠭᠠᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠵᠤ᠂ ᠬᠦᠯ ᠤᠨ ᠪᠠᠮ ᠡᠪᠡᠳᠴᠢᠨ ᠲᠠᠢ ᠪᠤᠯᠤᠨ᠎ᠠ ᠬᠡᠳᠡᠭ᠃ ᠭᠠᠯ ᠳᠤ ᠬᠢᠳᠤᠭ᠎ᠠ ᠰᠢᠪᠦᠭᠡ ᠲᠦᠷᠦᠭᠦ︔ ᠭᠠᠷ ᠬᠦᠯ ᠤᠨ ᠬᠢᠮᠤᠰᠤ ᠪᠠᠨ ᠬᠢᠬᠦ︔ ᠰᠤᠩᠬᠢᠨ᠎ᠠ᠂ ᠰᠠᠷᠢᠮᠰᠠᠭ ᠤᠨ ᠬᠠᠯᠢᠰᠤ᠂ ᠨᠤᠬᠠᠢ ᠭᠠᠭ᠋ᠠᠢ ᠰᠢᠪᠠᠭᠤ ᠶᠢᠨ ᠪᠠᠭᠠᠰᠤ ᠦᠳᠤ ᠶᠢ ᠬᠢᠬᠦ︔ ᠬᠠᠷᠢᠶᠠᠵᠤ ᠮᠠᠭᠤᠯᠠᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠵᠤ᠂ ᠭᠠᠯ ᠤᠨ ᠪᠤᠷᠬᠠᠨ ᠢ ᠪᠤᠵᠠᠷᠳᠠᠭᠤᠯᠪᠠᠯ ᠠᠭᠤᠷᠯᠠᠵᠤ ᠬᠢᠯᠢᠩᠨᠠᠵᠤ᠂ ᠭᠠᠢ ᠭᠠᠮᠰᠢᠭ ᠪᠤᠯᠤᠨ᠎ᠠ ᠬᠡᠭᠦ᠃ ᠵᠤᠤᠬ᠎ᠠ ᠶᠢᠨ ᠲᠡᠭᠡᠷ᠎ᠠ ᠲᠦᠷᠦᠭᠡᠯᠡᠨ ᠵᠤᠬᠰᠤᠬᠤ︔ ᠵᠤᠤᠬ᠎ᠠ ᠲᠤᠯᠭ᠎ᠠ ᠶᠢᠨ ᠲᠡᠭᠡᠷ᠎ᠠ ᠰᠠᠭᠤᠬᠤ︔ ᠵᠤᠤᠬ᠎ᠠ ᠶᠢᠨ ᠲᠡᠭᠡᠷ᠎ᠠ ᠪᠤᠵᠠᠷ ᠶᠠᠭᠤᠮ᠎ᠠ ᠲᠠᠯᠪᠢᠬᠤ︔ ᠵᠤᠤᠬ᠎ᠠ ᠶᠢᠨ ᠠᠮᠠᠰᠠᠷ ᠢ ᠰᠡᠳᠡᠷᠭᠡᠢ ᠡᠮᠳᠡᠷᠭᠡᠢ ᠪᠠᠶᠢᠯᠭᠠᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠵᠤ᠂ ᠭᠠᠯ ᠭᠤᠯᠤᠮᠳᠠ ᠲᠤᠷᠦ᠋ᠢᠳᠠᠵᠤ᠂ ᠤᠳᠤᠮ ᠤᠬᠰᠠᠭ᠎ᠠ ᠮᠠᠭᠤᠳᠠᠨ᠎ᠠ ᠬᠡᠳᠡᠭ᠃ ᠭᠠᠯ ᠲᠡᠭᠡᠭᠦᠷ ᠤᠯᠠᠭᠠᠨ ᠪᠦᠰ ᠡᠷᠬᠢᠭᠦᠯᠪᠠᠯ᠂ ᠭᠠᠯ ᠪᠠ ᠤᠯᠠᠭᠠᠨ ᠪᠦᠰ ᠬᠤᠶᠠᠷ ᠦᠡᠭᠭᠡ ᠬᠠᠷᠰᠢᠯᠳᠤᠵᠤ᠂ ᠭᠡᠷ ᠵᠠᠭᠤᠷ᠎ᠠ ᠪᠠᠨ ᠶᠠᠷᠬᠢᠶᠠᠨ ᠲᠠᠢ ᠪᠤᠯᠤᠨ᠎ᠠ ᠬᠡᠭᠦ︔ ᠬᠡᠤᠭᠡᠳ ᠭᠠᠯ ᠢᠶᠠᠷ ᠨᠠᠭᠠᠳᠤᠪᠠᠯ ᠮᠠᠯ ᠬᠤᠯᠠᠳᠠᠨ᠎ᠠ ᠬᠡᠭᠦ︔ ᠭᠠᠯ ᠳᠤ ᠰᠦ᠂ ᠤᠰᠤ ᠵᠡᠷᠭᠡ ᠰᠢᠩᠭᠡᠨ ᠶᠠᠭᠤᠮ᠎ᠠ ᠴᠢᠳᠬᠤᠪᠠᠯ ᠭᠠᠯ ᠭᠤᠯᠤᠮᠳᠠ ᠬᠠᠷᠠᠯᠠᠨ᠎ᠠ ᠬᠡᠭᠦ᠃ ᠬᠤᠪᠤᠡᠭ ᠤᠨ ᠭᠠᠯ ᠬᠦᠷᠦᠩᠭᠡ ᠦᠭᠡᠢ ᠪᠤᠯᠳᠠᠯ᠎ᠠ ᠤᠨᠳᠠᠷᠠᠪᠠᠯ ᠭᠠᠯ ᠭᠤᠯᠤᠮᠳᠠ ᠬᠠᠷᠠᠯᠠᠨ᠎ᠠ ᠬᠡᠭᠦ︔ ᠬᠤᠪᠤᠡᠭ ᠤᠨ ᠭᠠᠯ ᠢ ᠭᠠᠳᠠᠨᠠᠬᠢ ᠬᠦᠮᠤᠨ ᠬᠦᠨᠳᠡᠪᠠᠯ ᠲᠤᠰ ᠠᠶᠢᠯ ᠤᠨ ᠭᠠᠯ ᠭᠤᠯᠤᠮᠳᠠ ᠳᠤ ᠬᠠᠯᠳᠠᠬᠰᠠᠨ ᠬᠡᠭᠦ︔ ᠬᠤᠪᠤᠡᠭ ᠤᠨ ᠭᠠᠯ ᠤᠨ ᠤᠷᠤᠢ ᠲᠡᠭᠡᠷ᠎ᠠ ᠠᠴᠠ ᠬᠦᠨᠳᠠᠪᠠᠯ ᠠᠮᠢᠳᠤᠷᠠᠯ ᠤᠷᠤᠭᠤᠳᠠᠨ᠎ᠠ ᠬᠡᠭᠦ︔ ᠬᠤᠪᠤᠡᠭ ᠤᠨ ᠭᠠᠯ ᠳᠤ ᠲᠠᠪᠤᠰᠤ ᠤᠷᠤᠭᠤᠯᠪᠠᠯ ᠭᠠᠯ ᠤᠨ ᠪᠤᠷᠬᠠᠨ ᠤ ᠨᠢᠳᠤ ᠰᠤᠬᠤᠷᠠᠨ᠎ᠠ ᠬᠡᠭᠦ᠃ ᠦᠨᠡᠰᠤ ᠶᠢ ᠬᠠᠮᠢᠶ᠎ᠠ ᠨᠠᠮᠢᠶ᠎ᠠ ᠦᠭᠡᠢ ᠬᠠᠶᠠᠳᠠᠭ ᠦᠭᠡᠢ︔ ᠦᠨᠡᠰᠤ ᠬᠤᠭ ᠬᠤᠶᠠᠷ ᠢ ᠨᠠᠶᠢᠯᠡᠭᠦᠯᠳᠡᠭ ᠦᠭᠡᠢ︔ ᠦᠨᠡᠰᠤ ᠶᠢ ᠪᠤᠳᠠᠷᠭᠠᠳᠠᠭ ᠦᠭᠡᠢ᠃ ᠭᠠᠯ ᠲᠠᠬᠢᠯᠭ᠎ᠠ ᠶᠢᠨ ᠴᠡᠭᠡᠷ᠄ ᠨᠠᠭᠠᠴᠤ ᠶᠢᠨ ᠭᠠᠯ ᠲᠠᠬᠢᠯᠭ᠎ᠠ ᠳᠤ ᠵᠢᠭᠡ ᠤᠷᠤᠯᠴᠠᠬᠤ ᠶᠢ ᠴᠡᠭᠡᠷᠯᠡᠭᠦ᠂ ᠵᠢᠭᠡ ᠬᠡᠤᠭᠡᠳ ᠠᠴᠠ ᠲᠡᠭᠷᠢ ᠠᠶᠤᠨ᠎ᠠ ᠬᠡᠳᠡᠭ ᠃ ᠬᠦᠭᠵᠢᠵᠤ ᠪᠠᠶᠢᠭ᠎ᠠ ᠭᠠᠯ ᠳᠤ ᠲᠤᠰᠤᠭᠠᠯ ᠲᠤᠰᠤᠭᠠᠬᠤ ᠳᠠᠭᠠᠨ ᠵᠢᠷᠮᠤᠰᠤᠨ ᠡᠮᠡᠭᠳᠡᠢ ᠬᠠᠵᠠᠭᠤ ᠳᠤ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠠ᠃ ᠭᠠᠯ ᠲᠠᠬᠢᠯᠭ᠎ᠠ ᠶᠢᠨ ᠡᠪᠴᠢᠭᠦᠨ ᠤ ᠬᠤᠷᠤᠭᠤ ᠶᠤᠰᠤ ᠶᠢ ᠮᠤᠯᠳᠤᠯᠬᠤ ᠶᠢ ᠴᠡᠭᠡᠷᠯᠡᠭᠦ᠂ ᠪᠦᠳᠦᠨ ᠪᠢᠰᠢ ᠪᠤᠯᠤᠨ᠎ᠠ ᠬᠡᠭᠦ ᠃ ᠭᠠᠯ ᠲᠠᠬᠢᠬᠤ᠂ ᠢᠳᠡᠭᠡᠨ ᠡᠷᠭᠦᠭᠦ ᠳᠡᠭᠡᠨ ᠤᠯᠠᠭᠠᠨ ᠦᠡᠭᠭᠡ ᠶᠢᠨ ᠰᠠᠪᠬ᠎ᠠ ᠬᠡᠷᠡᠭᠯᠡᠭᠦ ᠶᠢ ᠴᠡᠭᠡᠷᠯᠡᠭᠦ᠂ ᠦᠡᠭᠭᠡ ᠬᠠᠷᠰᠢᠯᠳᠤᠨ᠎ᠠ ᠬᠡᠭᠦ᠃ ᠭᠠᠯ ᠲᠠᠬᠢᠬᠤ ᠦᠶ᠎ᠠ ᠳᠤ ᠭᠠᠯ ᠤᠨ ᠬᠠᠶᠢᠴᠢ ᠶᠢ ᠢᠯᠠ ᠲᠠᠯᠪᠢᠬᠤ ᠦᠭᠡᠢ ᠡᠷᠭᠡᠪᠰᠢ ᠨᠢᠭᠤᠵᠤ ᠲᠠᠯᠪᠢᠳᠠᠭ᠂ ᠭᠠᠯ ᠤᠨ ᠪᠤᠷᠬᠠᠨ ᠰᠤᠴᠢᠨ᠎ᠠ ᠬᠡᠭᠦ᠃ ᠭᠠᠯ ᠲᠠᠬᠢᠬᠰᠠᠨ ᠤ ᠲᠠᠷᠠᠭᠠᠬᠢ ᠭᠤᠷᠪᠠᠨ ᠡᠳᠤᠷ ᠢ ︽ᠭᠠᠯ ᠤᠨ ᠴᠡᠭᠡᠷ ᠡᠳᠤᠷ︾ ᠬᠡᠨ᠎ᠠ᠂ ᠶᠠᠮᠠᠷᠪᠠ ᠶᠠᠭᠤᠮ᠎ᠠ ᠶᠢ ᠪᠤᠰᠤᠳ ᠲᠤ ᠦᠭᠭᠦ ᠪᠤᠶᠤ ᠭᠡᠷ ᠲᠡᠷᠭᠡ᠂ ᠬᠦᠷᠢᠶ᠎ᠠ ᠬᠠᠰᠢᠶᠠᠨ ᠤ ᠬᠤᠭ ᠯᠠᠢ ᠪᠠᠨ ᠴᠤ ᠭᠠᠳᠠᠬᠰᠢ ᠭᠠᠷᠭᠠᠳᠠᠭ ᠦᠭᠡᠢ ᠂ ᠭᠠᠯ ᠤᠨ ᠬᠡᠰᠢᠭ ᠵᠠᠶᠢᠯᠠᠨ᠎ᠠ ᠬᠡᠭᠦ᠃ ᠤᠨᠴᠠᠭᠠᠢ ᠤᠴᠢᠷ ᠢᠶᠠᠷ ᠪᠤᠰᠤᠳ ᠲᠤ ᠶᠠᠭᠤᠮ᠎ᠠ ᠦᠭᠭᠦ ᠴᠢᠬᠤᠯᠠᠳᠠᠢ ᠪᠤᠯ ᠭᠠᠳᠠᠨᠠᠬᠢ ᠰᠡᠪᠡ ᠳᠤ ᠰᠡᠮᠡᠭᠡᠷ ᠬᠢᠵᠤ ᠲᠠᠯᠪᠢᠬᠤ ᠳᠤ ᠠᠪᠠᠴᠢᠬᠤ ᠬᠦᠮᠤᠨ ᠨᠢ ᠦᠭᠡ ᠲᠠᠭᠤ ᠦᠭᠡᠢ ᠠᠪᠴᠤ ᠶᠠᠪᠤᠳᠠᠭ᠃
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠪᠴᠠᠰᠣ ᠬᠤᠨᠠᠷ ᠤᠨ ᠣᠷᠳᠣ ᠶᠢᠨ ᠨᠢᠭᠡᠴᠢ
ᠮᠣᠩᠭᠤᠯ ᠴᠡᠭᠡᠷ ᠤᠨ ᠲᠠᠶᠢᠯᠪᠤᠷᠢ
ᠮᠣᠩᠭᠤᠯᠴᠤᠳ ᠤᠨ ᠠᠪᠤ ᠡᠵᠢ ᠪᠠᠨ ᠬᠦᠨᠳᠦᠯᠡᠬᠦ ᠶᠣᠰᠣᠨ
ᠮᠣᠩᠭᠤᠯ ᠭᠡᠷ ᠤᠨ ᠤᠷᠲᠤ ᠶᠢᠨ ᠨᠢᠭᠡᠴᠢ
ᠮᠣᠩᠭᠤᠯᠴᠣᠳ ᠤᠨ ᠡᠭᠡ ᠪᠠᠶᠢᠭᠠᠯᠢ ᠠᠮᠢᠳᠡᠡ ᠠᠷᠢᠶᠡᠳᠡᠡ ᠤ ᠳᠤᠬᠠᠢ ᠴᠡᠭᠡᠷ ᠶᠣᠰᠣᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号