ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠠᠭᠤᠳᠠᠯ ᠤᠨ ᠶᠣᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/11/8
ᠬᠡᠷ ᠤᠨ ᠡᠵᠡᠨ ᠤ ᠰᠠᠭᠤᠳᠠᠯ ᠳᠤ ᠤᠯᠪᠤᠭ᠂ ᠰᠢᠷᠳᠡᠭ ᠳᠠᠪᠢᠰᠦᠭᠰᠡᠨ ᠪᠠᠶᠢᠬᠤ ᠪᠦᠬᠡᠳ ᠡᠷᠦᠬᠡ ᠶᠢᠨ ᠳᠡᠷᠢᠬᠦᠯᠡᠭᠴᠢ ︽ᠵᠠᠪᠢᠯᠭ᠎ᠠ︾ ᠬᠡᠮᠡᠨ ᠨᠠᠷᠠᠯᠡᠭᠳᠡᠳᠡᠭ ᠰᠠᠭᠤᠳᠠᠯ ᠤᠨ ᠬᠡᠯᠪᠡᠷᠢ ᠪᠠᠷ ᠰᠠᠭᠤᠨ᠎ᠠ᠃ ᠬᠤᠶᠠᠷ ᠡᠪᠤᠳᠦᠭ ᠨᠤᠭᠤᠯᠤᠨ᠂ ᠦᠯᠮᠡᠢ ᠵᠦᠷᠢᠬᠦᠯᠵᠤ ᠬᠦᠯ ᠢ ᠳᠠᠷᠤᠵᠤ ᠰᠠᠭᠤᠬᠤ᠂ ᠮᠦᠨ ᠦᠯᠮᠡᠢ ᠪᠠᠷ ᠵᠦᠷᠢᠬᠦᠯᠳᠡᠭᠰᠡᠨ ᠬᠦᠯ ᠢ ᠳᠠᠷᠤᠬᠤ ᠦᠬᠡᠢ ᠪᠠᠷ ᠰᠠᠭᠤᠳᠠᠯ ᠤᠨ ᠬᠡᠰᠡᠭ ᠢᠶᠠᠷ ︵ᠦᠬᠡᠵᠡᠭ ᠢᠶᠠᠷ︶ ᠰᠢᠭᠤᠳ ᠰᠢᠷᠳᠡᠭ ᠲᠤ ᠳᠤᠯᠤᠨ ᠰᠠᠭᠤᠬᠤ ᠰᠠᠭᠤᠳᠠᠯ ᠶᠤᠮ᠃ ᠡᠨᠡ ᠵᠠᠪᠢᠯᠭ᠎ᠠ ᠰᠠᠭᠤᠳᠠᠯ ᠳᠤ ᠵᠦᠪᠬᠡᠨ ᠬᠡᠷ ᠤᠨ ᠡᠵᠡᠨ ᠳᠡᠳᠤᠢ ᠦᠬᠡᠢ ᠦᠨᠳᠤᠷ ᠨᠠᠰᠤᠳᠡᠨ᠂ ᠯᠠᠮᠠ ᠬᠤᠸᠠᠷᠠᠭ ᠳᠡᠷᠢᠬᠦᠳᠡᠨ ᠠᠶᠢᠯ ᠳᠤ ᠵᠤᠴᠢᠯᠠᠨ ᠵᠤᠴᠢᠳ ᠤᠨ ᠰᠠᠭᠤᠳᠠᠯ ᠳᠤ ᠰᠠᠭᠤᠬᠤ ᠳᠠᠭᠠᠨ ᠰᠠᠭᠤᠳᠠᠭ ᠤᠯᠠᠮᠵᠢᠯᠡᠯᠳᠤ ᠰᠠᠭᠤᠳᠠᠯ ᠪᠤᠯᠤᠨ᠎ᠠ᠃ ᠠᠷᠣ ᠬᠠᠯᠬ᠎ᠠ ᠶᠢᠨ ᠵᠠᠷᠢᠮ ᠨᠤᠳᠤᠭ ᠢᠶᠠᠷ ᠤᠭ ᠰᠠᠭᠤᠳᠠᠯ ᠢ ︽ᠵᠠᠮᠢᠯᠠᠭᠠᠢ︾᠂ ︽ᠵᠠᠪᠢᠯᠬᠤ︾ ᠬᠡᠵᠤ ᠨᠡᠷᠡᠯᠡᠳᠡᠭ ᠪᠠᠶᠢᠪᠠ᠃ ᠬᠡᠷ ᠤᠨ ᠡᠵᠡᠭᠳᠡᠢ ᠶᠢᠨ ᠰᠠᠭᠤᠳᠠᠯ ᠪᠤᠯᠤᠨ ᠬᠡᠷ ᠤᠨ ᠵᠡᠬᠦᠨ᠂ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠰᠠᠭᠤᠬᠤ ᠬᠦᠮᠦᠰ ᠤᠨ ᠰᠠᠭᠤᠬᠤ ᠰᠠᠭᠤᠳᠠᠯ ᠨᠢ ᠮᠦᠨ ᠵᠠᠩᠰᠢᠯ ᠶᠤᠰᠤᠭᠠᠷ ᠳᠤᠳᠤᠷᠬᠠᠢ ᠪᠠᠶᠢᠵᠠᠢ᠃ ᠬᠡᠷ ᠤᠨ ᠪᠠᠷᠠᠭᠤᠨ᠂ ᠵᠡᠬᠦᠨ ᠳᠠᠯ᠎ᠠ ᠳᠤ ᠰᠠᠭᠤᠭᠴᠢᠳ ᠨᠢ ︽ᠴᠤᠮᠴᠤᠶᠢᠨ︾᠂ ︽ᠴᠤᠮᠪᠤᠶᠢᠨ︾ ︵ᠪᠤᠬᠢᠷᠬᠤ︶ ᠰᠠᠭᠤᠬᠤ ᠨᠢ ᠶᠤᠰᠤᠳᠠᠢ ᠠᠵᠢ᠃ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠰᠠᠭᠤᠬᠤ ᠬᠦᠮᠦᠨ ᠵᠡᠬᠦᠨ ᠡᠪᠤᠳᠦᠭ ᠢ ᠪᠤᠬᠢᠷᠤᠨ ︵ᠨᠤᠭᠤᠯᠤᠨ︶ ᠳᠠᠷᠤᠵᠤ᠂ ᠪᠠᠷᠠᠭᠤᠨ ᠬᠦᠯ ᠎ ᠢᠶᠠᠨ ᠴᠤᠮᠴᠤᠶᠢᠯᠭᠠᠨ ᠰᠠᠭᠤᠨ᠎ᠠ᠃ ᠵᠡᠬᠦᠨ ᠳᠠᠯ᠎ᠠ ᠳᠤ ᠰᠠᠭᠤᠭ᠎ᠠ ᠪᠤᠯ ᠪᠠᠷᠠᠭᠤᠨ ᠡᠪᠤᠳᠦᠭ ᠢᠶᠠᠨ ᠨᠤᠭᠤᠯᠤᠨ ᠵᠡᠬᠦᠨ ᠬᠦᠯ ᠢᠶᠠᠨ ᠴᠤᠮᠴᠤᠶᠢᠯᠭᠠᠨ᠎ᠠ᠃ ᠡᠨᠡ ᠰᠠᠭᠤᠳᠠᠯ ᠢᠶᠠᠷ ᠬᠡᠷ ᠤᠨ ᠡᠵᠡᠭᠳᠡᠢ᠂ ᠡᠮᠡᠭᠳᠡᠶᠢᠴᠤᠳ᠂ ᠳᠦᠷᠤ ᠶᠢᠨ ᠬᠠᠷ᠎ᠠ ᠬᠦᠮᠦᠨ ᠪᠤᠯᠤᠨ ᠵᠠᠯᠠᠭᠤᠴᠤᠳ ᠰᠠᠭᠤᠳᠠᠭ ᠵᠠᠩᠰᠢᠯ ᠨᠠᠶᠢᠳᠠ ᠠᠷᠣ ᠬᠠᠯᠬ᠎ᠠ ᠳᠠᠶᠠᠭᠠᠷ ᠳᠦᠬᠡᠮᠡᠯ ᠳᠡᠯᠬᠡᠷᠡᠵᠡᠢ᠃ ᠬᠡᠷ ᠤᠨ ᠡᠵᠡᠨ᠂ ᠡᠵᠡᠭᠳᠡᠢ ᠪᠤᠯᠤᠨ᠂ ᠵᠤᠴᠢᠳ ᠬᠡᠶᠢᠴᠢᠳ ᠤᠨ ᠰᠠᠭᠤᠳᠠᠭ ᠡᠳᠡᠬᠡᠷ ᠰᠠᠭᠤᠳᠠᠯ ᠠᠴᠠ ᠭᠠᠳᠠᠨ᠎ᠠ ᠬᠡᠷ ᠲᠤ ᠰᠠᠭᠤᠬᠤ᠂ ᠳᠦᠷ ᠵᠠᠭᠤᠷ᠎ᠠ ᠰᠠᠭᠤᠬᠤ ᠬᠡᠳᠤ ᠬᠡᠳᠤᠨ ᠶᠠᠩᠵᠤ ᠶᠢᠨ ᠰᠠᠭᠤᠳᠠᠯ ᠪᠠᠶᠢᠵᠠᠢ᠃ ︽ᠬᠦᠯ ᠵᠢᠬᠢᠵᠤ ᠰᠠᠭᠤᠬᠤ︾ — ᠳᠠᠪᠢᠰᠬᠡᠷ᠂ ᠰᠢᠷᠳᠡᠭ ᠳᠡᠬᠡᠷ᠎ᠡ ᠬᠤᠶᠠᠷ ᠬᠦᠯ ᠢᠶᠠᠨ ᠰᠢᠯᠦᠭᠤᠨ ᠵᠢᠬᠢᠵᠤ᠂ ᠴᠢᠬᠡ ᠰᠠᠭᠤᠬᠤ ᠬᠡᠯᠪᠡᠷᠢ ᠶᠤᠮ᠃ ᠠᠷᠣ ᠬᠠᠯᠬ᠎ᠠ ᠳᠤ ᠡᠨᠡ ᠰᠠᠭᠤᠳᠠᠯ ᠢ ︽ᠠᠮᠠᠷᠠᠵᠤ ᠰᠠᠭᠤᠬᠤ︾ ᠰᠠᠭᠤᠳᠠᠯ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠳᠡᠶᠢᠮᠤ ᠠᠴᠠ ᠴᠤ ᠡᠨᠡ ᠰᠠᠭᠤᠬᠤ ᠬᠡᠯᠪᠡᠷᠢ ᠪᠠᠷ ᠶᠠᠩᠪᠠᠴᠢᠯᠠᠨ ᠨᠢᠯᠬ᠎ᠠ ᠬᠡᠤᠬᠡᠳ ᠢ ᠰᠠᠭᠤᠯᠭᠠᠳᠠᠭ ᠪᠠᠶᠢᠪᠠ᠃ ︽ᠰᠦᠬᠦᠷᠬᠦ ᠰᠠᠭᠤᠳᠠᠯ︾ — ᠬᠤᠶᠠᠷ ᠡᠪᠤᠳᠦᠭ ᠢᠶᠠᠨ ᠳᠤᠳᠤᠭᠰᠢ ᠨᠢ ᠨᠤᠭᠤᠯᠤᠨ ᠳᠠᠷᠤᠵᠤ ᠰᠠᠭᠤᠬᠤ ᠰᠠᠭᠤᠳᠠᠯ᠃ ᠬᠤᠰᠢᠭᠤ ᠨᠤᠶᠠᠳ᠂ ᠳᠦᠰᠢᠮᠡᠳ᠂ ᠶᠠᠬᠡᠰ ᠳᠡᠬᠡᠳᠤᠰ ᠤᠨ ᠦᠷᠬᠦᠬᠡ ᠬᠡᠷ ᠲᠤ ᠪᠤᠯᠤᠨ ᠳᠡᠳᠡᠨ ᠤ ᠳᠡᠷᠬᠡᠳᠡ ᠬᠠᠷᠠᠴᠤ ᠠᠷᠠᠳ ᠰᠦᠬᠦᠷᠦᠨ ᠰᠠᠭᠤᠬᠤ ᠶᠤᠰᠤ ᠪᠠᠶᠢᠭᠰᠠᠨ ᠪᠦᠬᠡᠳ ᠡᠬᠦᠨ ᠢ ᠬᠠᠮᠤᠭ ᠤᠨ ᠬᠦᠨᠳᠤᠳᠬᠡᠯ ᠢᠯᠡᠷᠬᠡᠶᠢᠯᠡᠭᠰᠡᠨ ᠰᠠᠭᠤᠳᠠᠯ ᠬᠡᠵᠤ ᠦᠵᠡᠳᠡᠭ ᠪᠠᠶᠢᠵᠠᠢ᠃ ᠳᠡᠶᠢᠮᠤ ᠠᠴᠠ ᠠᠶᠢᠯ ᠳᠤ ᠤᠷᠤᠭᠰᠠᠨ ᠬᠦᠮᠦᠨ ᠳᠤ ᠤᠯᠪᠤᠭ ᠳᠠᠯᠪᠢᠵᠤ ᠦᠭᠬᠦ ᠳᠤ ᠡᠬᠢᠯᠡᠨ ᠰᠦᠬᠦᠷᠴᠤ ᠰᠠᠭᠤᠵᠤ ᠪᠠᠶᠢᠭᠠᠳ ᠬᠡᠷ ᠤᠨ ᠡᠵᠡᠭᠳᠡᠢ ᠢ ᠴᠠᠢ ᠠᠶᠠᠭᠠᠯᠠᠨ ᠦᠭᠬᠦ ᠳᠤ ᠨᠢ ᠬᠤᠶᠠᠷ ᠭᠠᠷᠳᠠᠨ ᠠᠪᠴᠤ ᠡᠮᠤᠨ᠎ᠡ ᠪᠠᠨ ᠳᠠᠯᠪᠢᠴᠢᠬᠠᠭᠠᠳ ᠰᠠᠭᠤᠳᠠᠯ ᠢᠶᠠᠨ ᠰᠤᠯᠢᠨ ᠴᠤᠮᠴᠤᠶᠢᠬᠤ᠂ ᠵᠠᠪᠢᠯᠬᠤ ᠰᠠᠭᠤᠳᠠᠯ ᠢᠶᠠᠷ ᠰᠠᠭᠤᠬᠤ ᠤᠯᠠᠮᠵᠢᠯᠠᠯᠳᠤ ᠶᠤᠰᠤ ᠴᠤ ᠪᠠᠶᠢᠭᠰᠠᠨ ᠠᠵᠢ᠃ ︽ᠶᠠᠪᠠᠭᠠᠨ ᠰᠠᠭᠤᠬᠤ︾ — ᠡᠪᠤᠳᠦᠭ ᠢᠶᠠᠨ ᠨᠤᠭᠤᠯᠤᠨ ᠬᠤᠶᠠᠷ ᠬᠦᠯ ᠤᠨ ᠬᠤᠭᠤᠷᠤᠨᠳᠤ ᠵᠠᠢ ᠲᠠᠢ ᠪᠠᠷ ᠤᠯᠠ ᠳᠠᠬᠡᠷ᠎ᠡ ᠳᠤᠯᠭᠠᠭᠤᠷᠢᠯᠠᠨ ᠰᠠᠭᠤᠬᠤ ᠰᠠᠭᠤᠳᠠᠯ ᠶᠤᠮ᠃ ᠡᠨᠡ ᠰᠠᠭᠤᠳᠠᠯ ᠢ ︽ᠬᠠᠭᠠᠰ ᠪᠤᠰᠤᠭ᠎ᠠ ᠰᠠᠭᠤᠬᠤ︾ ᠴᠤ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠡᠶᠢᠮᠤ ᠰᠠᠭᠤᠳᠠᠯ ᠢᠶᠠᠷ ᠤᠷᠤᠨ ᠬᠡᠷ ᠲᠤ ᠰᠠᠭᠤᠬᠤ ᠶᠢ ᠵᠤᠬᠢᠰ ᠦᠬᠡᠢ ᠬᠡᠮᠡᠨ ᠦᠵᠡᠳᠡᠭ᠃ ︽ᠪᠦᠷᠬᠦᠳ ᠤᠨ ᠰᠠᠭᠤᠳᠠᠯ︾ — ᠠᠷᠣ ᠬᠠᠯᠬ᠎ᠠ ᠶᠢᠨ ᠵᠠᠷᠢᠮ ᠨᠤᠳᠤᠭ ᠲᠤ ᠶᠠᠪᠠᠭᠠᠨ ᠰᠠᠭᠤᠬᠤ ᠶᠢ ᠢᠩᠬᠢᠵᠤ ᠨᠡᠷᠡᠯᠡᠳᠡᠭ᠃ ᠪᠦᠷᠬᠦᠳ ᠤᠨ ᠰᠠᠭᠤᠳᠠᠯ ᠢ ᠢᠩᠬᠢᠵᠤ ᠨᠠᠷᠠᠯᠡᠳᠡᠭ᠃ ᠪᠦᠷᠬᠦᠳ ᠤᠨ ᠰᠠᠭᠤᠳᠠᠯ ᠨᠢ ᠶᠠᠪᠠᠭᠠᠨ ᠰᠠᠭᠤᠬᠤ ᠎ ᠲᠠᠢ ᠠᠳᠠᠯᠢ ᠪᠤᠯᠪᠠᠴᠤ ᠡᠪᠤᠳᠦᠭ ᠢᠶᠠᠷ ᠨᠤᠭᠤᠯᠤᠭᠰᠠᠨ ᠬᠤᠶᠠᠷ ᠬᠦᠯ ᠤᠨ ᠬᠤᠭᠤᠷᠤᠨᠳᠤ ᠵᠠᠢ ᠦᠬᠡᠢ᠂ ᠨᠡᠶᠢᠯᠡᠬᠦᠯᠵᠤ ᠰᠠᠭᠤᠳᠠᠭ ᠢᠶᠠᠷ ᠢᠶᠠᠨ ᠢᠯᠭᠠᠭ᠎ᠠ ᠲᠠᠢ ᠶᠤᠮ᠃ ᠡᠨᠡ ᠰᠠᠭᠤᠳᠠᠯ ᠨᠢ ᠳᠦᠷ ᠵᠠᠭᠤᠷ᠎ᠠ ᠰᠠᠭᠤᠬᠤ ᠬᠡᠯᠪᠡᠷᠢ ᠪᠤᠯᠤᠨ᠎ᠠ᠃ ︽ᠰᠦᠬᠦᠳᠬᠦ︾ — ᠬᠤᠶᠠᠷ ᠡᠪᠤᠳᠦᠭ ᠢᠶᠠᠷ ᠢᠶᠠᠨ ᠳᠤᠯᠤᠨ ᠪᠤᠬᠢᠷᠴᠤ᠂ ᠰᠦᠬᠦᠷᠤᠨ ᠰᠠᠭᠤᠬᠤ ᠰᠠᠭᠤᠳᠠᠯ ᠢ ᠨᠠᠷᠠᠯᠠᠨ᠎ᠠ᠃ ᠨᠤᠶᠠᠳ ᠳᠡᠬᠡᠳᠤᠰ ᠤᠨ ᠠᠮᠤᠷ ᠠᠮᠤᠭᠤᠯᠠᠩ ᠢ ᠠᠶᠢᠯᠠᠳᠬᠠᠨ ᠬᠦᠨᠳᠤᠳᠬᠡᠯ ᠦᠵᠡᠬᠦᠯᠵᠤ ︽ᠰᠦᠬᠦᠳᠦᠨ︾ ᠶᠤᠰᠤᠯᠠᠬᠤ ᠬᠡᠯᠪᠡᠷᠢ ᠶᠤᠮ᠃ ᠠᠷᠠᠳ ᠤᠯᠠᠨ ᠤ ᠳᠤᠮᠳᠠ ︽ᠰᠦᠬᠦᠳᠬᠦ︾ ᠰᠠᠭᠤᠳᠠᠯ ᠨᠢ ᠳᠠᠳᠦᠶᠢᠯᠡᠨ ᠤᠯᠠᠮᠵᠢᠯᠠᠭᠳᠠᠭ᠎ᠠ ᠦᠬᠡᠢ ᠪᠠᠶᠢᠨ᠎ᠠ᠃ ︽ᠬᠦᠯ ᠠᠴᠢᠬᠤ︾ — ᠡᠳ᠋ ᠶᠠᠭᠤᠮᠠᠨ ᠳᠡᠬᠡᠷ᠎ᠡ ᠰᠠᠨᠳᠠᠶᠢᠯᠠᠨ ᠰᠠᠭᠤᠵᠤ ᠨᠢᠬᠡ ᠬᠦᠯ ᠢᠶᠠᠨ ᠨᠦᠬᠦᠬᠡ ᠬᠦᠯ ᠳᠡᠬᠡᠷ᠎ᠡ ᠪᠠᠨ ᠳᠤᠬᠤᠨ ᠰᠠᠭᠤᠬᠤ ᠶᠢ ᠡᠶᠢᠨᠬᠦ ᠨᠠᠷᠠᠯᠡᠬᠦ ᠪᠦᠬᠡᠳ ᠠᠷᠣ ᠬᠠᠯᠬᠠᠴᠤᠳ ᠤᠨ ᠳᠤᠮᠳᠠ ᠬᠡᠪᠰᠢᠯ ᠪᠤᠯᠤᠭ᠎ᠠ ᠦᠬᠡᠢ ᠰᠠᠭᠤᠳᠠᠯ ᠶᠤᠮ᠃ ︽ᠰᠡᠬᠦᠵᠢᠯᠳᠡᠵᠤ ᠰᠠᠭᠤᠬᠤ︾ — ᠬᠦᠮᠦᠨ ᠪᠠᠶ᠎ᠠ ᠶᠢᠨ ᠠᠯᠢ ᠨᠢᠬᠡ ᠳᠠᠯ᠎ᠠ ᠪᠠᠷ ᠬᠠᠭᠠᠰ ᠬᠠᠵᠠᠭᠤᠯᠳᠠᠨ ᠰᠡᠬᠦᠵᠢ ᠬᠡᠰᠡᠭ ᠢᠶᠠᠷ ᠢᠶᠠᠨ ᠳᠠᠷᠤᠵᠤ᠂ ᠳᠡᠪᠢᠰᠬᠡᠷ ᠲᠤ ᠳᠤᠬᠤᠶᠢᠯᠳᠠᠨ ᠳᠤᠯᠵᠤ ᠰᠠᠭᠤᠬᠤ ᠬᠡᠯᠪᠡᠷᠢ᠃ ᠰᠡᠬᠦᠵᠢᠯᠳᠡᠬᠦ ᠨᠢ ᠬᠡᠷ ᠲᠤ ᠵᠤᠬᠢᠰ ᠦᠬᠡᠢ ᠳᠤ ᠳᠤᠭᠠᠴᠠᠭᠳᠠᠬᠤ ᠪᠠ ᠵᠠᠯᠠᠭᠤᠴᠤᠳ ᠳᠤᠮᠳᠠ ᠴᠡᠬᠡᠷᠯᠡᠬᠦ ᠶᠤᠰᠤᠨ ᠤ ᠨᠢᠬᠡ ᠪᠠᠶᠢᠪᠠ᠃ ᠡᠬᠦᠨ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠡᠷᠦᠬᠡ ᠬᠡᠷ ᠤᠨ ᠬᠡᠰᠢᠬᠦᠳ ᠪᠤᠯᠤᠨ ᠭᠠᠳᠠᠨ᠎ᠠ ᠶᠢᠨ ᠵᠤᠴᠢᠳ ᠬᠡᠶᠢᠴᠢᠳ ᠤᠨ ᠬᠡᠷ ᠤᠷᠤᠨ ᠳᠤ ᠮᠦᠷᠳᠡᠵᠤ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠵᠠᠷᠢᠮ ᠬᠤᠷᠢᠭ᠎ᠠ ᠴᠡᠬᠡᠷ ᠠᠴᠠ ᠳᠤᠷᠠᠳᠪᠠᠯ᠄ ᠪᠠᠭᠠᠨ᠎ᠠ ᠳᠦᠰᠢᠵᠤ ᠵᠤᠭᠰᠤᠬᠤ᠂ ᠬᠠᠭᠠᠯᠭ᠎ᠠ ᠠᠯᠳᠠᠯᠠᠬᠤ᠂ ᠪᠤᠱᠤᠭᠠᠨ ᠳᠡᠬᠡᠷ᠎ᠡ ᠰᠠᠭᠤᠬᠤ᠂ ᠬᠢᠰᠬᠢᠬᠦ᠂ ᠳᠦᠯᠡᠬᠡᠨ ᠤ ᠠᠷᠤᠭ ᠰᠠᠨᠳᠠᠶᠢᠯᠠᠨ ᠰᠠᠭᠤᠬᠤ᠂ ᠶᠠᠪᠠᠭᠠᠨ ᠰᠠᠭᠤᠵᠤ ᠢᠳᠡᠵᠤ ᠤᠤᠭᠤᠬᠤ᠂ ᠭᠠᠷ ᠰᠠᠯᠭᠠᠪᠴᠢᠯᠠᠨ ᠬᠡᠪᠳᠡᠬᠦ᠂ ᠬᠦᠯ ᠠᠴᠢᠨ ᠬᠡᠪᠳᠡᠬᠦ᠂ ᠬᠡᠪᠳᠡᠭᠡ ᠪᠠᠷ ᠢᠳᠡᠵᠤ ᠤᠤᠭᠤᠬᠤ ᠶᠢ ᠴᠡᠬᠡᠷᠯᠡᠵᠤ ᠪᠠᠶᠢᠭᠰᠠᠨ ᠨᠢ ᠮᠤᠩᠭᠤᠯᠴᠤᠳ ᠤᠷᠤᠨ ᠬᠡᠷ ᠤᠨ ᠬᠢ ᠪᠠᠨ ᠳᠤᠳᠤᠷ᠎ᠠ ᠰᠠᠬᠢᠨ ᠪᠠᠷᠢᠮᠳᠠᠯᠠᠵᠤ ᠢᠷᠡᠭᠰᠡᠨ ᠬᠡᠪ ᠵᠠᠩᠰᠢᠯ᠂ ᠶᠤᠰᠤ ᠭᠤᠷᠢᠮ ᠪᠦᠬᠡᠳ ᠡᠳᠡᠬᠡᠷ ᠨᠢ ᠤᠭ ᠲᠠᠭᠠᠨ ᠤᠷᠤᠨ ᠬᠡᠷ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠳᠡᠬᠡᠳᠦᠯᠡᠬᠦ᠂ ᠦᠳᠡᠬᠦᠰ᠂ ᠠᠬᠠᠮᠠᠳ ᠨᠠᠰᠤᠳᠠᠨ ᠢᠶᠠᠨ ᠪᠤᠯᠤᠨ ᠨᠡᠶᠢᠬᠡᠮ ᠤᠨ ᠬᠡᠰᠢᠬᠦᠳ ᠬᠠᠷᠢᠯᠴᠠᠨ ᠪᠠᠶ᠎ᠠ ᠪᠠᠶ᠎ᠠ ᠪᠠᠨ ᠬᠦᠨᠳᠦᠳᠬᠡᠬᠦ‍ ᠳᠢᠭ ᠶᠤᠰᠤᠨ ᠤ ᠦᠨᠳᠤᠷ ᠰᠤᠶᠤᠯ ᠲᠠᠢ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨ᠎ᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠪᠴᠠᠰᠣ ᠬᠤᠨᠠᠷ ᠤᠨ ᠣᠷᠳᠣ ᠶᠢᠨ ᠨᠢᠭᠡᠴᠢ
ᠮᠣᠩᠭᠤᠯ ᠴᠡᠭᠡᠷ ᠤᠨ ᠲᠠᠶᠢᠯᠪᠤᠷᠢ
ᠮᠣᠩᠭᠤᠯᠴᠤᠳ ᠤᠨ ᠠᠪᠤ ᠡᠵᠢ ᠪᠠᠨ ᠬᠦᠨᠳᠦᠯᠡᠬᠦ ᠶᠣᠰᠣᠨ
ᠮᠣᠩᠭᠤᠯ ᠭᠡᠷ ᠤᠨ ᠤᠷᠲᠤ ᠶᠢᠨ ᠨᠢᠭᠡᠴᠢ
ᠮᠣᠩᠭᠤᠯᠴᠣᠳ ᠤᠨ ᠡᠭᠡ ᠪᠠᠶᠢᠭᠠᠯᠢ ᠠᠮᠢᠳᠡᠡ ᠠᠷᠢᠶᠡᠳᠡᠡ ᠤ ᠳᠤᠬᠠᠢ ᠴᠡᠭᠡᠷ ᠶᠣᠰᠣᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号