| ᠠᠶᠠᠨ ᠵᠠᠮ ᠬᠤᠯᠠ᠂ ᠪᠡᠷᠭᠡ ᠪᠠᠷᠲᠠᠭᠠ ᠠᠷᠪᠢᠨ᠂ ᠠᠴᠢᠶᠠ ᠬᠦᠰᠭᠡ ᠬᠦᠨᠳᠣ ᠨᠦᠰᠡᠷ᠂ ᠴᠠᠭ ᠵᠠᠢ ᠣᠳᠠᠭᠠᠨ | ᠦᠷᠬᠦᠯᠵᠢᠯᠡᠬᠦ ᠲᠣᠯᠠ ᠠᠶᠠᠨ ᠤ ᠳᠡᠮᠡᠭᠡ ᠪᠠᠨ ᠰᠠᠶᠢᠲᠣᠷ ᠰᠢᠯᠢᠵᠣ᠂ ᠠᠶᠠᠨ ᠵᠠᠮ ᠤᠨ ᠢᠯᠭᠤᠮ ᠰᠢᠯᠣᠭᠤᠨ ᠢ | ᠪᠠᠳᠣᠯᠠᠬᠤ ᠨᠢ ᠨᠢᠭᠡᠨ ᠴᠢᠬᠤᠯᠠ ᠠᠵᠢᠯ ᠪᠣᠯᠳᠠᠭ᠃ ᠠᠶᠠᠨ ᠤ ᠲᠡᠮᠡᠭᠡᠨ ᠳᠤ ᠢᠳᠡᠷ ᠵᠠᠯᠠᠭᠤ ᠠᠲᠠᠳ ᠢᠶᠠᠷ | ᠭᠤᠣᠯᠯᠠᠵᠣ᠂ ᠬᠠᠮᠤᠭ ᠪᠠᠭᠠ ᠨᠢ ᠲᠦᠨᠡᠨ ᠲᠠᠶᠢᠯᠤᠭ᠂ ᠬᠠᠮᠤᠭ ᠬᠦᠭᠰᠢᠨ ᠳᠡᠭᠡᠨ ᠰᠢᠳᠣ ᠬᠢᠷᠪᠢᠭᠰᠡᠨ ᠠᠲᠠ᠂ ᠪᠠᠰᠠ | ᠠᠰᠠᠮᠠᠨ᠂ ᠪᠦᠭᠡᠷᠡᠳᠡᠩ᠂ ᠡᠷᠡᠮᠡᠭ ᠢᠩᠭᠡ᠂ ᠰᠣᠪᠠᠢ ᠢᠩᠭᠡ ᠶᠢ ᠴᠦ ᠰᠢᠯᠢᠵᠣ ᠪᠠᠷᠢᠬᠤ ᠪᠦᠭᠡᠳ ᠴᠠᠭ ᠵᠢᠯ ᠦᠩ | ᠲᠠᠢ᠂ ᠲᠠᠷᠭᠤ ᠬᠦᠴᠣ ᠰᠠᠶᠢᠨ ᠲᠣᠭᠲᠠᠭᠰᠠᠨ ᠵᠢᠯ ᠬᠠᠶᠢᠮᠠᠯ ᠢᠩᠭᠡ ᠶᠢ ᠴᠦ ᠨᠠᠮᠣᠷ ᠤᠨ ᠠᠶᠠᠨ ᠳᠤ ᠪᠠᠷᠢᠳᠠᠭ᠃ | ᠬᠠᠷᠢᠨ ᠮᠠᠶᠢᠭᠠ᠂ ᠪᠣᠷᠪᠢ ᠪᠠᠨ ᠬᠠᠪᠢᠷᠳᠠᠭ᠂ ᠬᠢᠮᠦᠰᠣ ᠲᠠᠪᠠᠭ ᠰᠣᠯᠠ᠂ ᠴᠡᠭᠡᠵᠢ ᠮᠠᠭᠤᠲᠠᠢ᠂ ᠳᠡᠯᠡᠩ ᠬᠦᠬᠦ ᠲᠠᠢ | ᠲᠡᠮᠡᠭᠡ ᠶᠢ ᠠᠶᠠᠨ ᠳᠤ ᠪᠠᠷᠢᠳᠠᠭ ᠦᠭᠡᠢ ᠪᠢᠯᠡ᠃ ᠲᠡᠮᠡᠭᠡᠨ ᠠᠶᠠᠨ ᠶᠡᠷᠦ ᠳᠡᠭᠡᠨ ᠡᠪᠣᠯ ᠤᠨ ᠡᠬᠢᠨ ᠠᠴᠠ ᠡᠬᠢᠯᠡᠳᠡᠭ | ᠲᠣᠯᠠ ᠠᠶᠠᠨ ᠤ ᠲᠡᠮᠡᠭᠡ ᠪᠠᠨ ᠨᠢᠭᠡᠳᠦᠯᠲᠠᠢ ᠣᠰᠣᠯᠠᠵᠣ ᠪᠠᠷᠢᠭᠠᠳ 5 ᠡᠳᠦᠷ ᠠᠴᠠ ᠴᠢᠨᠠᠭᠰᠢ ᠣᠶᠠᠵᠣ ᠰᠦᠢᠳᠠᠭ᠃ | ᠭᠡᠬᠦ ᠳᠡᠭᠡᠨ ᠮᠦᠨ ᠡᠳᠦᠷ ᠪᠦᠷᠢ ᠠᠮᠠᠨ ᠵᠠᠪᠠᠭᠠ ᠶᠢ ᠨᠢ ᠭᠠᠷᠭᠠᠳᠠᠭ᠃ ᠠᠶᠠᠨ ᠤ ᠲᠡᠮᠡᠭᠡ ᠪᠠᠨ ᠰᠠᠶᠢᠲᠦᠷ | ᠰᠣᠶᠢᠭᠠᠳ ᠠᠶᠠᠨ ᠳᠤ ᠡᠬᠢᠯᠡᠵᠣ ᠭᠠᠷᠳᠠᠭ᠃ ᠠᠶᠠᠨ ᠳᠤ ᠭᠠᠷᠣᠭᠰᠠᠨ ᠤ ᠪᠠᠨ ᠲᠠᠷᠣᠢ 5 — 8 ᠡᠳᠦᠷ ᠤᠨ | ᠳᠠᠷᠠᠭᠠ ᠳᠠᠬᠢᠨ ᠲᠡᠮᠡᠭᠡ ᠪᠠᠨ ᠠᠮᠠᠷᠠᠭᠠᠵᠤ ᠣᠰᠣᠯᠠᠭᠠᠳ ᠣᠰᠣᠨ ᠰᠦᠢᠯ ᠢ ᠨᠢ ᠲᠠᠯᠪᠢᠳᠠᠭ᠃ ᠠᠶᠠᠨ ᠲᠡᠮᠡᠭᠡᠨ ᠤ | ᠣᠶᠠᠭᠠ ᠰᠦᠢᠯᠭᠠ᠂ ᠣᠰᠣᠨ ᠰᠦᠢᠯ ᠨᠢ ᠪᠦᠷ ᠲᠡᠮᠡᠭᠡᠨ ᠤ ᠲᠠᠷᠭᠤ ᠬᠦᠴᠣ ᠬᠠᠳᠠᠭᠠᠯᠠᠬᠤ᠂ ᠬᠢᠮᠦᠰᠣ ᠳᠠᠪᠠᠭ ᠢ | ᠪᠠᠬᠢᠵᠢᠬᠦᠯᠬᠦ᠂ ᠴᠢᠳᠠᠯ ᠰᠢᠨᠳᠠᠰᠤ ᠶᠢ ᠰᠠᠶᠢᠵᠢᠷᠠᠭᠤᠯᠵᠣ᠂ ᠨᠡᠩ ᠴᠢᠨᠠᠭᠰᠢᠯᠠᠨ ᠲᠣᠰᠣᠩᠭᠤᠷᠠᠵᠣ ᠬᠠᠮᠠᠭᠤᠷᠠᠬᠤ ᠠᠴᠠ | ᠰᠡᠷᠭᠡᠶᠢᠯᠡᠵᠣ ᠴᠢᠳᠠᠬᠤ ᠲᠣᠯᠠ ᠲᠣᠩ ᠴᠢᠬᠤᠯᠠ ᠠᠵᠢᠯ ᠤᠨ ᠨᠢᠭᠡ ᠪᠣᠯᠳᠠᠭ᠃ ᠠᠶᠠᠨ ᠤ ᠲᠡᠮᠡᠭᠡᠨ ᠤ ᠠᠩᠬᠠᠨ ᠤ | ᠣᠰᠣᠨ ᠰᠦᠢᠯ ᠢ ᠨᠢ ᠲᠠᠯᠪᠢᠭᠰᠠᠨ ᠠᠴᠠ ᠬᠤᠶᠢᠰᠢ 5 — 7 ᠡᠳᠣᠷ ᠲᠤ ᠨᠢᠭᠡ ᠣᠳᠠᠭᠠ ᠣᠰᠣᠯᠠᠳᠠᠭ᠃ ᠬᠡᠬᠦ | ᠳᠡᠭᠡᠨ ᠣᠰᠣᠯᠠᠬᠤ ᠠᠴᠠ ᠪᠠᠨ ᠡᠮᠣᠨᠡ ᠨᠢᠭᠡ ᠡᠳᠦᠷ ᠲᠡᠮᠡᠭᠡ ᠪᠠᠨ ᠪᠦᠬᠦᠨ ᠢ ᠠᠮᠠᠷᠠᠭᠠᠵᠣ ᠢᠳᠡᠰᠢᠯᠡᠭᠦᠯᠳᠡᠭ᠃ | ᠡᠮᠨᠢᠭ ᠲᠡᠮᠡᠭᠡ ᠠᠶᠠᠨ ᠳᠤ ᠶᠠᠪᠣᠬᠤ ᠳᠤ ᠵᠠᠪᠠᠯ ᠣᠷᠢᠳ ᠢᠶᠠᠷ ᠬᠦᠳᠦᠯᠵᠣ ᠬᠠᠮᠠᠷ ᠢ ᠨᠢ ᠳᠠᠰᠬᠠᠬᠤ ᠴᠢᠬᠤᠯᠠ ᠲᠠᠢ | ᠪᠠᠶᠢᠳᠠᠭ᠃ |