| | ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠲᠡᠬᠡᠷᠡ ᠮᠥᠩᠬᠡ ᠲᠡᠭᠷᠢ ᠶᠢ | ᠲᠡᠪᠰᠢ ᠶᠢᠨ ᠴᠢᠨᠡᠬᠡᠨ ᠪᠥᠬᠦᠢ ᠠᠴᠠ | ᠲᠤᠤᠷᠠ ᠡᠯᠢᠬᠡᠨ ᠡᠬᠡ ᠶᠢ | ᠡᠷᠬᠡᠢ ᠴᠢᠨᠡᠬᠡᠨ ᠪᠥᠬᠦᠢ ᠠᠴᠠ | ᠰᠥᠮᠪᠥᠷ ᠶᠡᠭᠡ ᠠᠭᠤᠯᠨ ᠶᠢ | ᠲᠤᠪᠤ ᠴᠢᠨᠡᠬᠡᠨ ᠪᠥᠬᠦᠢ ᠠᠴᠠ | ᠰᠥᠨ ᠠᠨᠠᠪᠠᠳ ᠲᠠᠯᠠᠢ ᠶᠢ | ᠱᠠᠯᠴᠢᠭ ᠲᠡᠳᠥᠢ ᠪᠥᠬᠦᠢ ᠠᠴᠠ | ᠡᠬᠦᠳᠡᠨ ᠵᠠᠶᠠᠭᠠᠭᠰᠠᠨ ᠭᠠᠯ ᠭᠠᠯᠢᠬᠠᠨ ᠡᠬᠡ ᠳᠡᠭᠡᠨ | ᠥᠬᠡᠬᠦ ᠲᠤᠰᠤ ᠶᠢ ᠡᠷᠬᠦᠨᠡᠮ | ᠡᠰᠥᠭ ᠲᠤᠰᠤ ᠲᠠᠷᠠᠰᠤ ᠶᠢ ᠲᠤᠰᠤᠭᠠᠨᠠᠮ | ᠥᠬᠡᠳᠡ ᠶᠡᠭᠡ ᠪᠤᠶᠠᠨ ᠤ ᠲᠤᠮᠳᠠ | ᠥᠨᠢᠳᠡ ᠵᠢᠷᠭᠠᠨ ᠰᠠᠭᠤᠳᠤᠭᠠᠢ︕ | ᠬᠠᠩᠭᠠᠢ ᠬᠠᠨ ᠶᠢ ᠲᠤᠪᠤ ᠲᠡᠳᠥᠢ ᠪᠥᠬᠦᠢ ᠠᠴᠠ | ᠬᠠᠳᠤᠨ ᠲᠠᠯᠠᠢ ᠶᠢ ᠱᠠᠯᠴᠢᠭ ᠲᠡᠳᠥᠢ ᠪᠥᠬᠦᠢ ᠠᠴᠠ | ᠬᠠᠶᠢᠯᠠᠰᠤᠨ ᠮᠤᠳᠤ ᠶᠢ ᠨᠠᠶᠢᠯᠵᠠᠭᠤᠷ ᠪᠥᠬᠦᠢ ᠠᠴᠠ | ᠬᠠᠨ ᠭᠠᠷᠤᠳᠢ ᠶᠢ ᠲᠡᠭᠳᠡᠬᠡᠬᠡᠢ ᠪᠥᠬᠦᠢ ᠠᠴᠠ | ᠬᠠᠭᠠᠨ ᠴᠢᠩᠬᠢᠰ ᠤᠨ ᠲᠠᠬᠢᠭᠰᠠᠨ | ᠬᠠᠳᠤᠨ ᠡᠬᠡ ᠶᠢᠨ ᠥᠯᠢᠶᠡᠭᠰᠡᠨ | ᠬᠠᠶᠢᠷ ᠴᠢᠯᠠᠭᠤᠨ ᠡᠬᠡ ᠳᠤ | ᠬᠠᠳᠠ ᠲᠡᠮᠥᠷ ᠡᠴᠢᠬᠡᠳᠥ | ᠴᠢᠩ ᠴᠢᠯᠠᠭᠤᠨ ᠡᠬᠡ ᠳᠤ | ᠴᠡᠩᠬᠡᠯ ᠲᠡᠮᠥᠷ ᠡᠴᠢᠬᠡᠳᠥ | ᠡᠬᠦᠯᠡᠨ ᠮᠡᠳᠥ ᠤᠨᠢᠶᠠᠷᠳᠤ | ᠡᠳᠥᠷ ᠮᠡᠳᠥ ᠢᠯᠴᠢᠳᠥ | ᠲᠤᠷᠭᠠᠨ ᠴᠢᠷᠠᠶᠢᠳᠤ | ᠲᠤᠰᠤᠨ ᠠᠮᠢᠳᠤ | ᠥᠷᠬᠡᠨ ᠴᠢᠷᠠᠶᠢᠳᠤ | ᠥᠬᠡᠬᠦᠨ ᠠᠮᠢᠳᠤ | ᠬᠠᠳᠠᠭᠤ ᠶᠢ ᠤᠶᠠᠷᠠᠭᠤᠯᠤᠭᠴᠢ | ᠬᠠᠷᠠᠩᠭᠤᠢ ᠶᠢ ᠬᠡᠶᠢᠬᠦᠯᠥᠭᠴᠢ | ᠬᠡᠬᠡᠨ ᠴᠢᠨᠠᠷᠳᠤ ᠬᠡᠷᠡᠯ ᠢᠯᠴᠢᠳᠥ | ᠭᠠᠯ ᠭᠠᠯᠢᠬᠠᠨ ᠡᠬᠡ ᠳᠡᠭᠡᠨ | ᠥᠬᠡᠬᠦ ᠲᠤᠰᠤ ᠡᠷᠬᠦᠨᠡᠮ | ᠡᠰᠥᠭ ᠲᠠᠷᠠᠰᠤ ᠶᠢ ᠲᠤᠰᠤᠭᠠᠨᠠᠮ | ᠥᠬᠡᠳᠡᠯᠡᠬᠦ ᠶᠡᠭᠡ ᠵᠢᠷᠭᠠᠯᠠᠩ | ᠥᠨᠢᠳᠡ ᠤᠷᠤᠰᠢᠬᠤ ᠪᠤᠯᠳᠤᠭᠠᠢ︕ | ᠲᠠᠶᠠᠩ ᠬᠠᠨ ᠢ ᠲᠤᠪᠤ ᠪᠥᠬᠦᠢ ᠠᠴᠠ | ᠲᠠᠯᠠᠢ ᠲᠠᠩᠬᠢᠰ ᠶᠢ ᠱᠠᠯᠴᠢᠭ ᠪᠥᠬᠦᠢ ᠠᠴᠠ | ᠲᠠᠭᠠᠷᠢ ᠬᠠᠷᠴᠠᠭᠠᠢ ᠶᠢ ᠵᠤᠯᠵᠠᠭᠠ ᠪᠥᠬᠦᠢ ᠠᠴᠠ | ᠲᠠᠷᠠᠭᠠᠢ ᠲᠠᠬᠢ ᠶᠢ ᠢᠰᠢᠬᠡ ᠪᠥᠬᠦᠢ ᠠᠴᠠ | ᠬᠠᠯᠠᠭᠤᠨ ᠭᠤᠯᠤᠮᠳᠠ ᠳᠤᠷ ᠤᠷᠤᠰᠢᠨ | ᠬᠠᠮᠤᠭ ᠲᠤᠷ ᠵᠠᠶᠠᠭᠠᠭᠰᠠᠨ | ᠭᠠᠯ ᠭᠠᠯᠢᠬᠠᠨ ᠡᠬᠡ ᠳᠡᠭᠡᠨ | ᠬᠠᠷᠠ ᠠᠷᠢᠬᠢ ᠶᠢ ᠠᠶᠠᠭᠠ ᠪᠠᠷ ᠲᠤᠰᠤᠭᠠᠵᠤ | ᠬᠠᠯᠢᠮ ᠥᠬᠡᠬᠦ ᠶᠢ ᠠᠯᠠᠭᠠ ᠪᠠᠷ ᠡᠷᠬᠦᠵᠥ | ᠥᠯᠵᠡᠶᠢᠳᠥ ᠡᠨᠡ ᠡᠳᠥᠷ | ᠥᠨᠡᠰᠥ ᠶᠢ ᠴᠢᠨᠢ ᠲᠠᠭᠤᠳᠠᠬᠤ | ᠥᠰᠬᠦ ᠠᠴᠠ ᠪᠠᠨ ᠲᠤᠷᠠᠳᠬᠠᠬᠤ | ᠥᠨᠡᠨ ᠰᠢᠯᠳᠠᠭᠠᠨ ᠶᠠᠭᠤ ᠪᠤᠢ ᠬᠡᠪᠡᠯ | ᠨᠠᠭᠤᠷ ᠲᠤᠷ ᠵᠤᠭᠰᠤᠬᠤ | ᠤᠯᠠᠨ ᠰᠢᠷᠭᠠ ᠠᠳᠤᠭᠤ ᠲᠠᠢ ᠪᠤᠯᠭᠠᠮᠤ | ᠨᠤᠳᠤᠭ ᠢᠶᠠᠨ ᠬᠠᠶᠢᠷᠠᠯᠠᠬᠤ | ᠤᠮᠤᠭᠳᠤ ᠴᠢᠬᠢᠷᠠᠭ ᠬᠥᠪᠡᠬᠦᠳ ᠲᠠᠢ ᠪᠤᠯᠭᠠᠮᠤ | ᠵᠠᠳᠠᠭᠠᠢ ᠲᠤᠷ ᠤᠰᠤᠯᠠᠬᠤ | ᠬᠤᠨ ᠴᠠᠭᠠᠨ ᠬᠤᠨᠢᠳ ᠲᠠᠢ ᠪᠤᠯᠭᠠᠮᠤ | ᠵᠠᠩ ᠰᠠᠶᠢᠳᠠᠢ ᠬᠤᠩᠭᠤᠷ ᠴᠡᠴᠡᠨ | ᠥᠬᠢᠳ ᠲᠠᠢ ᠪᠤᠯᠭᠠᠮᠤ | ᠬᠠᠯᠠᠭᠤᠨ ᠠᠮᠢ ᠶᠢ ᠮᠢᠨᠢ ᠮᠥᠩᠬᠡ ᠪᠤᠯᠭᠠᠵᠤ | ᠬᠠᠷᠠᠶᠢᠵᠤ ᠪᠤᠷᠤᠶᠢᠬᠤ ᠥᠮᠴᠢ ᠶᠢ ᠡᠩᠬᠡ ᠪᠤᠯᠭᠠᠵᠤ | ᠬᠠᠶᠢᠷᠠᠯᠠᠬᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠮᠢᠨᠢ | ᠬᠠᠩᠭᠠᠢ ᠵᠤ ᠶᠢ ᠪᠥᠷᠬᠦᠨ | ᠭᠠᠳᠠᠨᠠ ᠪᠠᠶᠢᠬᠤ ᠮᠠᠯ ᠮᠢᠨᠢ | ᠭᠠᠯᠠᠭᠤ ᠮᠡᠳᠥ ᠥᠰᠬᠡᠵᠥ | ᠭᠠᠭ᠋ᠠᠢ ᠮᠡᠳᠥ ᠲᠠᠷᠭᠤᠯᠠᠵᠤ | ᠭᠠᠵᠠᠷ ᠤᠰᠤ ᠶᠢ ᠪᠥᠷᠬᠦᠬᠦ ᠪᠤᠯᠳᠤᠭᠠᠢ︕ | ᠬᠤᠷᠮᠤᠢ ᠮᠢᠨᠢ ᠬᠤᠳᠤᠭ ᠲᠠᠢ ᠪᠤᠯᠭᠠᠳᠤᠭᠠᠢ | ᠲᠤᠬᠤᠢ ᠶᠢ ᠮᠢᠨᠢ ᠲᠤᠰᠤ ᠲᠠᠢ ᠪᠤᠯᠳᠤᠭᠠᠢ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕ | ᠠᠯᠳᠠᠳᠤ ᠶᠢ ᠡᠵᠡᠯᠡᠵᠥ ᠠᠮᠳᠠᠳᠤ ᠶᠢ ᠢᠳᠡᠵᠥ | ᠠᠰᠢᠳᠠ ᠶᠢᠨ ᠵᠢᠷᠭᠠᠯᠠᠩ ᠤᠨ ᠲᠤᠮᠳᠠ ᠠᠬᠤ ᠪᠤᠯᠳᠤᠭᠠᠢ | ᠰᠥᠮᠪᠥᠷ ᠠᠭᠤᠯᠨ ᠮᠡᠳᠥ ᠪᠠᠳᠤ ᠭᠤᠯᠤᠮᠳᠠ | ᠰᠥᠨ ᠲᠠᠯᠠᠢ ᠮᠡᠳᠥ ᠪᠠᠶᠠᠨ ᠬᠥᠷᠥᠩᠬᠡ ᠲᠠᠢ ᠪᠤᠯᠭᠠᠮᠤ | ᠲᠠᠰᠤᠷᠬᠠᠢ ᠶᠢ ᠮᠢᠨᠢ ᠵᠠᠯᠭᠠᠵᠤ | ᠲᠠᠮᠳᠤᠷᠬᠠᠢ ᠶᠢ ᠮᠢᠨᠢ ᠨᠥᠬᠦᠬᠦ | ᠥᠬᠡᠶᠢᠷᠡᠭᠰᠡᠨ ᠢ ᠮᠢᠨᠢ ᠪᠠᠶᠠᠵᠢᠭᠤᠯᠵᠤ | ᠥᠷᠡᠭᠳᠡᠭᠰᠡᠨ ᠢ ᠮᠢᠨᠢ ᠤᠯᠭᠤᠵᠤ | ᠲᠤᠮᠳᠠ ᠶᠢ ᠮᠢᠨᠢ ᠲᠥᠬᠦᠷᠬᠡᠵᠥ | ᠲᠤᠳᠠᠭᠤ ᠶᠢ ᠨᠢ ᠬᠥᠢᠴᠡᠬᠡᠬᠦ | ᠮᠡᠬᠦᠰ ᠶᠢ ᠲᠡᠭᠵᠢᠷᠡᠬᠦᠯᠵᠥ | ᠲᠡᠬᠦᠰ ᠪᠥᠷᠢᠨ ᠪᠤᠯᠭᠠᠮᠤ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕ | ᠬᠥᠷᠥᠩᠬᠡ ᠶᠢᠨ ᠡᠯᠪᠡᠭ ᠪᠠᠶᠠᠨ ᠴᠤᠭᠯᠠᠷᠠᠬᠤ | ᠬᠥᠪᠴᠢᠨ ᠲᠠᠶᠠᠭᠠᠷ ᠡᠩᠬᠡ ᠵᠢᠷᠭᠠᠳᠤᠭᠠᠢ︕ | ᠵᠤᠭᠳᠤᠷ ᠶᠡᠬᠡᠳᠥ ᠪᠤᠤᠷᠠ | ᠲᠤᠭᠤᠯᠭᠠ ᠶᠡᠬᠡᠳᠥ ᠪᠤᠬᠠ | ᠲᠠᠭᠤ ᠶᠡᠬᠡᠳᠥ ᠨᠤᠬᠠᠢ | ᠲᠡᠯ ᠶᠡᠬᠡᠳᠥ ᠠᠵᠢᠷᠭᠠ | ᠲᠡᠯᠡᠩ ᠶᠡᠬᠡᠳᠥ ᠥᠨᠢᠶᠡ | ᠬᠤᠯᠪᠤᠭᠠ ᠡᠪᠡᠷᠳᠥ ᠥᠬᠡᠷ | ᠬᠤᠩᠭᠤ ᠰᠠᠶᠢᠳᠠᠢ ᠬᠡᠬᠦᠥ | ᠲᠠᠩᠬᠢᠭᠰᠠᠨ ᠲᠠᠭᠠ | ᠢᠬᠢᠷᠯᠡᠭᠰᠡᠨ ᠢᠰᠢᠬᠡ | ᠪᠡᠶᠡᠵᠢᠭᠰᠡᠨ ᠪᠢᠷᠠᠭᠤ | ᠲᠥᠯᠵᠢᠭᠰᠡᠨ ᠲᠥᠯᠬᠡ | ᠪᠤᠶᠢᠯᠠᠭᠰᠠᠨ ᠪᠤᠳᠤᠭᠤ | ᠴᠢᠨᠳᠠᠮᠤᠨᠢ ᠢᠶᠠᠷ ᠪᠥᠬᠡᠯᠵᠢᠭᠰᠡᠨ | ᠴᠠᠭᠠᠨ ᠬᠤᠯᠤᠭᠠᠨᠠ | ᠡᠷᠳᠡᠨᠢ ᠪᠠᠷ ᠪᠥᠬᠡᠯᠵᠢᠭᠰᠡᠨ | ᠡᠷᠳᠡᠨᠢᠳᠤ ᠲᠤᠭᠤᠰ | ᠡᠨᠡ ᠪᠥᠬᠦᠨ ᠡᠷᠬᠢᠮ ᠵᠥᠢᠯᠡᠰ | ᠡᠳ᠋ ᠤᠨ ᠬᠡᠰᠢᠭ ᠤᠷᠤᠰᠢᠬᠤ ᠪᠤᠯᠳᠤᠭᠠᠢ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕ | ᠳ᠋᠊᠂᠂ ᠵᠢᠮᠪᠠᠵᠠᠮᠰᠤ ᠶᠢᠨ ᠢᠷᠥᠬᠡᠯ ᠮᠠᠭᠳᠠᠭᠠᠯ ᠤᠨ ᠤᠶᠠᠩᠭᠠᠯᠠᠯ ᠠᠴᠠ ᠪᠠᠭᠤᠯᠪᠠ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |