| ᠲ᠊ · ᠨᠠᠶᠠᠨᠲᠠᠢ | | | ᠴᠡᠴᠡᠭᠡᠰ ᠨᠢ ᠮᠢᠰᠢᠶᠡᠭᠰᠡᠨ ᠠᠮᠤᠭᠤᠯᠠᠩ ᠲᠠᠯᠠ ᠪᠠᠨ | ᠬᠠᠪᠤᠷ ᠢᠶᠠᠷ ᠡᠮᠵᠢᠵᠤ ᠪᠦᠲᠦᠨ ᠵᠢᠷᠤᠳᠠᠭ | ᠪᠤᠳᠤᠭᠤᠨ ᠤ ᠲᠤᠷᠭᠠᠨ ᠤᠷᠤᠭᠤᠯ ᠰᠢᠭ᠋ ᠨᠠᠷᠠ ᠶᠢ | ᠲᠤᠭᠤᠨᠤᠨ ᠳᠡᠭᠡᠷᠡ ᠪᠠᠨ ᠮᠠᠨᠳᠤᠭᠤᠯᠵᠤ ᠵᠢᠷᠤᠳᠠᠭ | ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠬᠠᠯᠢᠭᠤᠷᠠᠬᠤ ᠵᠡᠭᠡᠰᠦ ᠶᠢ | ᠨᠠᠮᠤᠷ ᠲᠠᠢ ᠨᠢ ᠪᠦᠵᠢᠭᠯᠡᠭᠦᠯᠵᠤ ᠵᠢᠷᠤᠳᠠᠭ | ᠲᠤᠤᠷᠠᠢ ᠨᠢ ᠰᠢᠷᠭᠠᠯᠳᠤᠬᠤ ᠠᠯᠳᠠᠩᠬᠠᠨ ᠭᠤᠪᠢ ᠶᠢ | ᠲᠣᠩᠭᠤᠴᠢᠭᠰᠠᠨ ᠵᠡᠷᠭᠡᠯᠭᠡᠨ ᠳᠤᠮᠳᠠ ᠨᠢ ᠵᠢᠷᠤᠳᠠᠭ | ᠬᠦᠰᠡᠯ ᠢᠶᠠᠨ ᠰᠢᠪᠰᠢᠵᠤ ᠴᠢᠳᠠᠭᠠ ᠦᠭᠡᠢ ᠬᠠᠪᠤᠷ ᠢ | ᠰᠡᠳᠬᠢᠯ ᠳᠤ ᠪᠠᠨ ᠯᠠ ᠵᠢᠷᠤᠵᠤ ᠪᠦᠲᠦᠭᠡᠳᠡᠭ | ᠨᠠᠳᠠ ᠳᠤ ᠴᠦ ᠬᠡᠯᠡᠭᠡ ᠦᠭᠡᠢ ᠨᠢᠭᠤᠴᠠ ᠪᠠᠨ | ᠰᠠᠯᠬᠢᠨ ᠤ ᠤᠷᠤᠭᠤᠯ ᠳᠡᠭᠡᠷᠡ ᠳᠡᠳᠡ ᠵᠢᠷᠤᠳᠠᠭ | ᠲᠠᠩᠴᠤ ᠡᠷᠲᠡ ᠦᠩᠭᠡᠷᠡᠭᠰᠡᠨᠨᠠᠮᠤᠷ ᠢ | ᠨᠠᠪᠴᠢᠰ ᠢᠶᠠᠨ ᠲᠡᠪᠡᠷᠢᠵᠤ ᠪᠠᠶᠢᠬᠤ ᠪᠠᠷ ᠨᠢ ᠵᠢᠷᠤᠳᠠᠭ | ᠳᠠᠩᠳᠠ ᠡᠷᠲᠡ ᠪᠤᠴᠠᠳᠠᠭ ᠰᠢᠪᠠᠭᠤᠳ ᠢ | ᠨᠠᠮᠤᠷ ᠢᠶᠠᠨ ᠦᠭᠡᠶᠢᠯᠡᠵᠦ ᠪᠠᠶᠢᠬᠤ ᠪᠠᠷ ᠨᠢ ᠵᠢᠷᠤᠳᠠᠭ | ᠮᠡᠯᠳᠡᠯᠵᠡᠭᠰᠡᠨ ᠬᠠᠶᠢᠯ ᠤᠨ ᠤᠰᠤᠨ ᠳᠤ | ᠮᠡᠯᠮᠡᠷᠡᠭᠰᠡᠨ ᠤᠳᠤᠳ ᠰᠡᠷᠢᠬᠦᠴᠡᠵᠦ ᠪᠠᠶᠢᠬᠤ ᠪᠠᠷ ᠵᠢᠷᠤᠳᠠᠭ | ᠠᠭᠠᠬᠢᠮᠠ ᠵᠤᠨ ᠤ ᠴᠡᠴᠡᠭ ᠢ | ᠠᠮᠢᠰᠬᠤᠵᠤ ᠪᠠᠶᠢᠬᠤ ᠪᠠᠷ ᠵᠢᠷᠤᠳᠠᠭ | ᠢᠰᠡᠬᠡᠢ ᠴᠠᠭᠠᠨ ᠡᠪᠦᠯ ᠢ | ᠴᠠᠰᠦ ᠨᠢ ᠬᠠᠶᠠᠯᠠᠵᠤ ᠪᠠᠶᠢᠬᠤ ᠪᠠᠷ ᠵᠢᠷᠤᠳᠠᠭ | ᠴᠠᠩ ᠲᠠᠢ ᠮᠦᠩᠭᠦᠨ ᠮᠤᠲᠤ ᠶᠢ | ᠴᠠᠯ ᠪᠤᠭᠤᠷᠤᠯ ᠪᠤᠯᠭᠠᠵᠤ ᠵᠢᠷᠤᠳᠠᠭ | ᠠᠶᠤᠩᠭᠠ ᠲᠠᠢ ᠨᠢᠵᠢᠭᠢᠨᠡᠵᠤ ᠢᠷᠡᠭᠰᠡᠨ ᠵᠤᠨ ᠢ | ᠠᠨᠢᠷ ᠭᠦᠮᠬᠡᠨ᠂ ᠨᠢᠭᠡ ᠯᠠ ᠠᠮᠢᠰᠬᠤᠭᠠ ᠪᠠᠷ ᠵᠢᠷᠤᠳᠠᠭ | ᠠᠯᠤᠰ ᠢ ᠴᠢᠩᠨᠠᠨ ᠤᠷᠭᠤᠬᠤ ᠡᠪᠡᠰᠦ ᠲᠠᠢ ᠨᠢ ᠬᠠᠮᠲᠦ | ᠠᠭᠤᠯᠠ ᠡᠭᠦᠯᠡ ᠬᠤᠶᠠᠷ ᠢ ᠦᠨᠦᠰᠦᠯᠳᠦᠭᠦᠯᠵᠤ ᠵᠢᠷᠤᠳᠠᠭ | ᠲᠤᠯᠢ ᠮᠦᠩᠭᠦᠨ ᠡᠪᠦᠯ ᠤᠨ ᠵᠢᠷᠤᠭ ᠢ | ᠤᠷᠲᠤ ᠶᠢᠨ ᠳᠠᠭᠤᠨ ᠳᠤ ᠪᠦᠯᠢᠶᠡᠰᠴᠦ ᠪᠠᠶᠢᠬᠤ ᠳᠤ ᠨᠢ ᠵᠢᠷᠤᠳᠠᠭ | ᠭᠤᠪᠢ ᠪᠠᠨ ᠬᠠᠷᠠᠵᠤ ᠰᠡᠷᠢᠭᠦᠴᠡᠳᠡᠭ ᠲᠡᠮᠡᠭᠡᠳ ᠢ | ᠤᠰᠤᠨ ᠳᠠᠭᠠᠨ ᠳᠡᠷᠭᠡᠭᠡᠳ ᠢᠷᠡᠵᠦ ᠪᠠᠶᠢᠬᠤ ᠳᠤ ᠨᠢ ᠵᠢᠷᠤᠳᠠᠭ | ᠡᠷᠭᠢᠵᠦ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠴᠠᠭ ᠢ | ᠡᠭᠡᠰᠢᠭᠯᠡᠩᠲᠦ ᠮᠡᠳᠡᠷᠡᠮᠵᠢ ᠶᠢᠨ ᠳᠡᠯᠭᠡᠴᠡᠨ ᠳᠡᠭᠡᠷᠡ ᠵᠢᠷᠦᠯᠠ | ᠡᠭᠡᠯ ᠮᠢᠨᠦ ᠵᠢᠷᠤᠭᠰᠠᠨ ᠵᠢᠷᠤᠭ ᠭᠡᠵᠤ | ᠬᠠᠷᠠ ᠪᠤᠷᠤ ᠠᠮᠢᠳᠤᠷᠠᠯ ᠤᠨ ᠲᠠᠳᠠᠯᠪᠤᠷᠢ ᠶᠤᠮ | | | ᠨᠡᠷᠡ᠄ ᠲ᠊ · ᠨᠠᠶᠠᠨᠲᠠᠢ | ᠨᠤᠲᠤᠭ᠄ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠳᠠᠢ ᠰᠤᠮᠤᠨ ᠤ ᠲᠤᠭᠯᠢ ᠭᠠᠴᠠᠭᠠ | ᠤᠳᠤ ᠶᠢᠨ ᠬᠠᠶ᠋ᠢᠭ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠᠨ ᠤ | ︿︿ᠦᠨᠢᠷ ᠴᠡᠴᠡᠭ﹀﹀ ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠤ ︿︿ᠳᠡᠯᠡᠬᠡᠢ ᠶᠢᠨ ᠤᠳᠬᠠ ᠵᠤᠬᠢᠶᠠᠯ﹀﹀ ᠰᠡᠳᠬᠦᠯ ᠤᠨ | ᠨᠠᠶᠢᠷᠠᠭᠤᠯᠬᠤ ᠬᠡᠯᠳᠡᠰ | ᠤᠳᠠᠰᠦ᠄ 15204839633 ~ 17800601903 |