ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠤᠩᠭᠤᠯ ᠠᠳᠠᠭᠠᠷᠬᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/3
ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ         ᠨᠡᠷ᠎ᠡ ᠶᠢ ᠨᠢ ᠰᠤᠨᠤᠰᠬᠤ ᠳᠤ ᠯᠠ ᠲᠤᠳᠤᠷᠬᠠᠢ ᠪᠠᠶᠢᠭ᠎ᠠ ᠪᠢᠵᠡ᠃  ᠮᠤᠩᠭᠤᠯ ᠬᠡᠮᠡᠬᠦ ᠲᠤᠳᠤᠳᠬᠠᠯ ᠲᠠᠢ ᠡᠨᠡᠬᠦ ᠠᠳᠠᠭᠠᠷᠬᠠᠯ ᠪᠣᠯ ᠮᠤᠩᠭᠤᠯ ᠬᠦᠮᠦᠨ ᠳᠤ ᠯᠠ ᠪᠠᠶᠢᠳᠠᠭ ᠢᠮ ᠲᠠᠮᠠᠭ᠎ᠠ ᠭᠡᠮᠡᠷ ᠢᠯᠡ ᠳᠤᠳᠣ ᠦᠪᠡᠷᠮᠢᠴᠡ ᠵᠠᠩ ᠴᠢᠨᠡᠷ ᠤᠨ ᠢᠯᠡᠷᠡᠯ ᠤᠨ ᠨᠢᠭᠡ ᠨᠢ ᠮᠥᠨ ᠬᠡᠬᠦ ᠳᠤ ᠨᠢᠬᠡ ᠶᠡᠭᠡ ᠬᠢᠯᠢᠰᠳᠡᠬᠦ ᠦᠭᠡᠢ ᠪᠠᠶᠢᠬ᠎ᠠ᠃ ᠨᠡᠩ ᠲᠤᠪᠴᠢ ᠪᠠᠷ ᠲᠤᠳᠤᠷᠬᠠᠶᠢᠯᠠᠬᠤ ᠶᠤᠮ ᠪᠣᠯ᠂ ᠮᠤᠩᠭᠤᠯ ᠮᠤᠩᠭᠤᠯ ᠤᠨ ᠬᠤᠭᠤᠷᠤᠨᠳᠤ ᠢᠯᠡᠬᠦᠦ ᠬᠤᠷᠴᠠ ᠲᠤᠳᠤ ᠲᠤᠰᠬᠠᠯ ᠢᠶᠠᠨ ᠤᠯᠳᠠᠭ ᠠᠳᠠᠭᠠᠷᠬᠠᠯ ᠢ ᠬᠡᠯᠡᠵᠦ ᠪᠠᠶᠢᠭ᠎ᠠ ᠯᠠ ᠶᠤᠮ ᠳ᠋ᠠ᠃   ᠮᠤᠩᠭᠤᠯ ︽ᠤᠪᠤᠭ︾᠎ ᠲᠠᠢ ᠠᠳᠠᠭᠠᠷᠬᠠᠯ ᠪᠣᠯ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠭᠠᠠ ᠳᠤ ᠶᠡᠭᠡ ᠴᠦ ᠪᠠᠭ᠎ᠠ ᠴᠦ ᠭᠡᠰᠡᠡ ᠪᠦᠷ ᠶᠠᠮᠠᠷ ᠨᠢᠭᠡᠡ ᠴᠠᠭ ᠲᠤ᠂ ᠶᠠᠮᠠᠷ ᠨᠢᠭᠡᠡ ᠭᠠᠵᠠᠷ ᠲᠤ ᠶᠠᠮᠠᠷ ᠨᠢᠭᠡ ᠬᠡᠮᠵᠢᠶ᠎ᠡ ᠪᠠᠷ ᠰᠡᠭᠦᠳᠡᠷ ᠰᠢᠭ ᠲᠠᠭᠠᠵᠦ ᠯᠠ ᠪᠠᠶᠢᠳᠠᠭ ︽ᠨᠠᠶᠢᠳᠡᠯᠢᠭ ᠡᠪᠡᠳᠴᠢᠨ︾ ᠶᠤᠮ᠃ ᠡᠨᠡ ︽ᠡᠪᠡᠳᠴᠢᠨ︾ ᠬᠡᠵᠢᠶ᠎ᠡ ᠡᠬᠢᠯᠡᠭᠰᠡᠡ ᠢ ᠬᠡᠡ ᠴᠦ ᠮᠡᠳᠡᠬᠦ ᠦᠭᠡᠢ᠂ ᠬᠡᠵᠢᠶ᠎ᠡ ᠲᠠᠭᠤᠰᠬᠤ ᠶᠢ ᠪᠠᠰᠠ ᠬᠡᠡ ᠴᠦ ᠪᠠᠳᠤᠯᠠᠵᠦ ᠴᠢᠳᠠᠬᠤ ᠦᠭᠡᠢ᠃ ᠮᠡᠳᠡᠷᠡᠭᠰᠡᠡ ᠴᠦ ᠲᠡᠷᠡ ᠮᠡᠳᠡᠷᠡᠬᠦ ᠦᠭᠡᠢ ᠴᠦ ᠲᠡᠷᠡ ᠮᠤᠩᠭᠤᠯ ᠬᠦᠮᠦᠨ ᠤ ᠲᠤᠯᠤᠭᠠᠢ ᠵᠡᠭᠦᠭᠰᠡᠡ ᠪᠤᠯᠭᠠᠠ ᠳᠤ ᠪᠠᠷᠤᠭ ᠤᠷᠤᠰᠢᠵᠦ ᠪᠠᠶᠢᠳᠠᠭ ᠪᠤᠭᠰᠢᠭᠰᠠᠠ ︽ᠡᠪᠡᠳᠴᠢᠨ︾ ᠪᠢᠯᠡ᠃ ᠳᠡᠯᠡᠬᠡᠢ ᠶᠢᠨ ᠠᠯᠢ ᠨᠢᠭᠡ ᠦᠨᠳᠦᠰᠦᠳᠡᠡ ᠳᠤ ᠵᠠᠪᠠᠯ ᠬᠡᠳᠦᠨ ᠨᠤᠭᠳᠠᠭᠰᠠᠠ ᠦᠪᠡᠷᠮᠢᠴᠠ ︽ᠡᠪᠡᠳᠴᠢᠨ︾ ᠭᠡᠵᠤ ᠪᠠᠶᠢᠳᠠᠭ ᠪᠣᠯ ᠠᠳᠠᠭᠠᠷᠬᠠᠯ ᠨᠢ ᠮᠠᠠ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠡ ᠤ ᠵᠠᠯᠬᠠᠭᠤ ᠬᠦᠯᠴᠦᠬᠦᠦ᠂ ᠪᠦᠯᠭᠦᠮᠳᠡᠯ ᠪᠠᠷᠤᠭᠳᠠᠢ ᠮᠡᠳᠣ ᠶᠢᠨ ᠡᠳᠡᠭᠡᠷᠡᠰᠢ ᠦᠭᠡᠢ ︽ᠡᠪᠡᠳᠴᠢᠨ︾᠎ ᠤ ᠪᠠᠭ ᠲᠤ ᠵᠦᠢ ᠶᠤᠰᠤᠭᠠᠷ ᠤᠷᠤᠨ᠎ᠠ ᠭᠡᠳᠡᠭ ᠲᠤ ᠪᠢ ᠭᠤᠷᠪᠠᠯᠵᠢᠨ ᠤ ᠪᠠᠳᠤᠶᠤᠰᠤ ᠳᠤ ᠡᠷᠡᠭᠡᠯᠵᠡᠯ ᠲᠦᠷᠦᠳᠡᠭ ᠦᠭᠡᠢ ᠰᠢᠭ ᠡᠷᠡᠭᠡᠯᠵᠡᠬᠦ ᠦᠭᠡᠢ ᠪᠠᠶᠢᠨ᠎ᠠ᠃   ᠬᠤᠶᠠᠷ ᠮᠤᠩᠭᠤᠯ ᠲᠠᠮᠤ ᠶᠢᠨ ᠲᠤᠭᠤᠭᠠᠠ ᠳᠤ ᠤᠨᠠᠵᠠᠢ᠃ ᠲᠡᠭᠡᠭᠡᠳ ᠨᠢᠭᠡ ᠨᠢ ᠬᠠᠭ᠋ᠠᠵᠦ ᠴᠠᠴᠦᠵᠦ ᠮᠦᠯᠬᠦᠵᠦ ᠲᠠᠳᠠᠭᠰᠠᠭᠠᠷ ᠪᠠᠶᠢᠵᠦ ᠲᠤᠭᠤᠭᠠᠠ ᠤ ᠠᠮᠰᠠᠷ ᠠᠷᠠᠢ ᠭᠡᠵᠤ ᠪᠠᠷᠢᠵᠦ ᠠᠪᠤᠭᠠᠳ ᠭᠠᠷᠬᠤ ᠭᠡᠬᠦ ᠳᠤ ᠨᠦᠭᠦᠬᠡ ᠨᠢ ︽ᠨᠠᠮᠠᠢᠢ ᠬᠠᠶᠠᠴᠢᠬᠠᠭᠠᠳ ᠴᠢ ᠭᠠᠷᠬᠤ ᠰᠠᠨᠠᠭ᠎ᠠ ᠲᠠᠢ᠃ ᠪᠢ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠠ ᠴᠠᠭ ᠲᠤ ᠴᠢ ᠭᠠᠷᠤᠨ᠎ᠠ ᠭᠡᠵᠤ ᠰᠠᠨᠠᠭ᠎ᠠ ᠪᠠᠨ ᠬᠤᠷᠢᠶᠠ᠂᠂᠂︾ ᠭᠡᠳ ᠬᠦᠯ ᠠᠴᠠ ᠨᠢ ᠤᠭᠵᠠ ᠲᠠᠳᠠᠠ ᠤᠨᠠᠭᠠᠪᠠ᠃ ᠲᠡᠭᠡᠭᠡᠳ ᠨᠦᠭᠦᠭᠡᠳᠡᠬᠢ ᠨᠢ ᠴᠢᠳᠠᠠ ᠶᠠᠳᠠᠠ ᠮᠦᠯᠬᠦᠵᠦ ᠲᠡᠳᠡᠡ ᠪᠠᠶᠢᠵᠦ ᠲᠤᠭᠤᠭᠠᠠ ᠤ ᠠᠮᠰᠠᠷ ᠠᠴᠠ ᠪᠠᠷᠢᠵᠦ ᠠᠪᠬᠤ ᠳᠤ ᠰᠠᠶ᠋ᠢ ᠲᠠᠳᠠᠭᠳᠠᠵᠦ ᠤᠨᠠᠭᠰᠠᠠ ᠲᠡᠷᠡ ᠨᠢ ︽ᠪᠢ ᠭᠠᠷᠬᠤ ᠭᠡᠬᠦ ᠳᠤ ᠴᠢ ᠶᠠᠭᠠᠬᠢᠵᠦ ᠨᠠᠮᠠᠢᠢ ᠲᠠᠳᠠᠵᠦ ᠤᠨᠠᠭᠠᠭᠰᠠᠠ᠃ ᠪᠢ ᠭᠠᠷᠴᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠠ ᠴᠠᠭ ᠲᠤ ᠴᠢ ᠴᠦ ᠭᠡᠰᠡᠡ ᠭᠤᠷᠢ ᠪᠠᠨ ᠲᠠᠳᠠ︾ ᠭᠡᠳ ᠪᠠᠰᠠ ᠦᠨᠦᠬᠢ ᠎ ᠲᠠᠢ ᠪᠠᠨ ᠠᠳᠠᠯᠢ ᠬᠦᠯ ᠠᠴᠠ ᠨᠢ ᠲᠠᠳᠠᠵᠦ ᠤᠷᠤᠭᠤᠯᠪᠠ᠃ ᠡᠶᠢᠮᠦ ᠮᠡᠳᠣ ᠪᠠᠷ ᠨᠢᠭᠡ ᠨᠢᠭᠡ ᠪᠠᠨ ᠳᠠᠳᠠᠵᠦ ᠤᠨᠠᠭᠠᠠ ᠨᠤᠴᠤᠯᠳᠤᠭᠰᠠᠭᠠᠷ ᠪᠠᠶᠢᠭᠠᠳ ᠬᠡᠡ ᠨᠢ ᠴᠦ ᠭᠠᠷᠴᠤ ᠴᠢᠳᠠᠭᠰᠠᠠ ᠦᠭᠡᠢ ᠬᠤᠶᠠᠭᠤᠯᠠ ᠪᠠᠨ ᠦᠬᠦᠵᠦ ᠲᠠᠭᠤᠰᠤᠭᠰᠠᠠ ᠭᠡᠳᠡᠭ᠃ ᠡᠨᠡ ᠪᠣᠯ ︽ᠲᠠᠮᠤ ᠶᠢᠨ ᠲᠤᠭᠤᠭᠠᠠ ᠤ ᠦᠯᠢᠭᠡᠷ︾ ᠮᠥᠨ᠃ ᠮᠥᠨ ᠴᠦ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠢ ᠦᠯᠢᠭᠡᠷ ᠤᠨ ᠬᠡᠯᠪᠡᠷᠢ ᠪᠠᠷ ᠬᠦᠨ ᠤᠬᠠᠭᠠᠯᠢᠭ ᠦᠵᠡᠭᠦᠯᠦᠭᠰᠡᠡ ᠬᠡᠷᠡᠭ᠃ ᠡᠨᠡ ︽ᠲᠠᠮᠤ ᠶᠢᠨ ᠲᠤᠭᠤᠭᠠᠠ ᠤ ᠦᠯᠢᠭᠡᠷ︾᠎ ᠠᠴᠠ ᠤᠯᠠᠠ ᠵᠦᠢᠯ ᠢ ᠴᠠᠭᠠᠰᠢ ᠨᠢ ᠤᠷᠭᠤᠭᠤᠯᠤᠨ ᠪᠤᠳᠤᠵᠦ ᠪᠤᠯᠬᠤ ᠮᠡᠳᠣ᠃ ᠬᠡᠷᠪᠡ ᠨᠢᠭᠡ ᠨᠢ ᠤᠷᠢᠳᠠᠪᠠᠷ ︽ᠲᠠᠮᠤ ᠶᠢᠨ ᠲᠤᠭᠤᠭᠠᠠ︾᠎ ᠠᠴᠠ ᠭᠠᠷᠤᠭᠠᠳ ᠠᠪᠤᠪᠠᠯ ᠨᠦᠭᠦᠭᠡ ᠪᠠᠨ ᠠᠪᠤᠷᠠᠵᠦ ᠪᠤᠯᠬᠤ ᠶᠤᠮ᠃ ᠡᠰᠡᠪᠡᠯ ᠨᠢᠭᠡ ᠨᠢᠭᠡ ᠪᠠᠨ ᠡᠷᠭᠦᠵᠦ ᠲᠦᠯᠬᠢᠨ ︽ᠲᠤᠭᠤᠭᠠᠠ︾᠎ ᠠᠴᠠ ᠭᠠᠷᠭᠠᠪᠠᠯ ᠡᠷᠭᠢᠭᠡᠳ ᠲᠡᠷᠡ ᠨᠢ ᠨᠦᠭᠦᠬᠡ ᠎ ᠪᠠᠨ ᠠᠪᠤᠷᠠᠵᠦ ᠪᠤᠯᠬᠤ ᠪᠠᠶᠢᠭᠰᠠᠠ᠃ ᠲᠡᠭᠡᠪᠡᠯ ᠬᠤᠶᠠᠭᠤᠯᠠ ᠠᠪᠤᠷᠠᠭᠳᠠᠴᠢᠬᠠᠬᠤ ᠪᠤᠯᠤᠮᠵᠢ ᠲᠠᠢ ᠪᠠᠶᠢᠭᠰᠠᠠ᠃ ᠲᠤᠩ ᠦᠭᠡᠢ ᠳᠡᠭᠡᠨ ᠨᠢᠭᠡ ᠨᠢ ᠶᠠᠭᠠᠬᠢᠭᠰᠠᠠ ᠴᠦ ᠠᠮᠢᠳᠣ ᠭᠠᠷᠬᠤ ᠪᠦᠷᠢᠨ ᠪᠤᠯᠤᠮᠵᠢ ᠲᠠᠢ ᠪᠠᠶᠢᠵᠠᠢ᠃ ᠭᠡᠳᠡᠯ᠎ᠡ ︽ᠪᠢ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠴᠢ ᠴᠦ ᠭᠡᠰᠡᠡ ᠭᠠᠷᠴᠤ ᠪᠤᠯᠬᠤ ᠦᠭᠡᠢ︾ ᠭᠡᠰᠡᠡ ᠠᠳᠠᠭᠠᠷᠬᠠᠯ ᠤᠨ ᠬᠠᠷᠠᠯᠭᠠᠠ ᠰᠡᠳᠬᠢᠴᠡ ᠠᠴᠠ ᠰᠢᠯᠳᠠᠭᠠᠯᠠᠵᠦ ᠡᠪ ᠨᠢᠭᠡᠳᠦᠯ ᠦᠭᠡᠢ᠂ ᠬᠠᠮᠵᠢᠯᠴᠠᠭ᠎ᠠ ᠲᠤᠰᠠᠯᠠᠯᠴᠠᠭᠠᠠ ᠤ ᠤᠬᠠᠮᠰᠠᠷ ᠦᠭᠡᠢ ᠮᠡᠳᠣ ᠎ ᠶᠢᠨ ᠠᠯᠢ ᠤᠯᠠᠠ ᠮᠠᠭᠤ ᠮᠠᠭᠤᠬᠠᠢ ᠲᠤᠳᠤᠭᠠᠳᠤ ᠮᠥᠨ ᠴᠢᠨᠡᠷ ᠨᠢ ᠲᠤᠳᠤᠷᠠᠠ ᠭᠠᠷᠴᠤ ᠢᠷᠡᠭᠡᠳ ᠡᠶᠢᠮᠦ ᠡᠮᠭᠡᠨᠢᠯᠳᠤ ᠦᠷ᠎ᠡ ᠳ᠋ᠦᠩ ᠳᠤ ᠬᠦᠷᠦᠭᠰᠡᠡ ᠠᠵᠢ᠃ ︽ᠲᠠᠮᠤ ᠶᠢᠨ ᠲᠤᠭᠤᠭᠠᠠ ᠤ ᠦᠯᠢᠭᠡᠷ︾ ᠦᠨᠦᠳᠦᠷ ᠪᠢᠳᠡᠡ ᠤ ᠠᠮᠢᠳᠤᠷᠠᠯ ᠠᠬᠤᠢ ᠳᠤ ᠲᠠᠬᠢᠨ ᠲᠠᠪᠳᠠᠠ ᠬᠡᠷᠡᠭᠵᠢᠭᠰᠡᠭᠡᠷ ᠦᠭᠡᠢ ᠭᠡᠵᠢ ᠤᠤ⁈    ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠤᠨ ᠬᠠᠮᠤᠭ ᠤᠨ ᠢᠯᠡᠷᠬᠡᠢ ᠤᠨᠴᠠᠯᠢᠭ ᠤᠨ ᠨᠢᠭᠡ ᠨᠢ ᠪᠤᠯ ᠨᠢᠭᠡᠡ ᠤ ᠪᠠᠨ ᠦᠩᠭᠡ ᠲᠠᠢ ᠦᠭᠡᠳᠡ ᠲᠠᠢ ᠶᠠᠪᠤᠬᠤ ᠶᠢ ᠦᠵᠡᠵᠦ ᠲᠡᠪᠴᠢᠳᠡᠭ ᠦᠭᠡᠢ᠃ ᠬᠡᠡ ᠨᠢ ᠮᠠᠨᠳᠤᠵᠦ ᠪᠠᠳᠠᠷᠠᠵᠦ ᠡᠬᠢᠯᠡᠪᠡᠯ ᠲᠡᠭᠦᠨ ᠢ ᠎ ᠪᠠᠨ ᠦᠯᠦ ᠲᠤᠭᠤᠮᠰᠠᠷᠯᠠᠠ ᠵᠦᠢᠯ ᠪᠦᠷᠢ ᠶᠢᠨ ᠠᠷᠭ᠎ᠠ ᠪᠠᠷ ᠲᠡᠭᠡᠭᠡᠳᠡᠵᠦ ᠤᠨᠠᠭᠠᠬᠤ ᠶᠢ ᠤᠷᠤᠯᠳᠤᠬᠤ ᠪᠦᠭᠡᠳ ᠴᠢᠨᠠᠭᠰᠢᠯᠠᠪᠠᠯ ᠨᠡᠷ᠎ᠡ ᠲᠦᠷᠦ ᠶᠢ ᠨᠢ ᠲᠤᠭᠤᠭᠰᠢ ᠨᠢ ᠬᠢᠵᠦ ᠲᠤᠷᠤᠮᠵᠢᠯᠡᠡ ᠭᠤᠳᠤᠭᠠᠳᠠᠭ᠃ ᠨᠢᠭᠡᠡ ᠤ ᠪᠠᠨ ᠭᠡᠷᠡᠯ ᠭᠡᠭᠡ ᠤᠷᠤᠭᠤ ᠨᠤᠯᠮᠤᠵᠦ᠂ ᠤᠷᠮ᠎ᠠ ᠵᠤᠷᠢᠭ ᠤᠨ ᠬᠢᠨᠢ ᠭᠠᠯ ᠳᠤ ᠬᠠᠷ᠎ᠠ ᠤᠰᠤ ᠰᠠᠴᠤᠵᠦ᠂ ᠤᠷᠤᠭᠰᠢᠯᠠᠬᠤ ᠵᠠᠮ ᠲᠡᠭᠡᠷ᠎ᠡ ᠨᠢ ᠬᠦᠨᠳᠡᠯᠡᠡ ᠮᠤᠳᠤ ᠬᠠᠶᠠᠵᠦ᠂ ᠦᠪᠡᠷ ᠠᠴᠠ ᠪᠠᠨ ᠲᠤᠤᠷ᠎ᠡ ᠯᠠ ᠪᠠᠶᠢᠯᠭᠠᠬᠤ ᠶᠢ ᠬᠢᠴᠢᠶᠡᠩᠭᠦᠶᠢᠯᠡᠡ ᠵᠢᠳᠬᠦᠳᠡᠭ ᠪᠢᠯᠡ᠃ ᠲᠡᠭᠦᠨ ᠲᠠᠢ ᠮᠦᠷᠦ ᠵᠡᠷᠭᠡᠴᠡᠵᠦ᠂ ᠨᠡᠷ᠎ᠡ ᠲᠡᠩᠴᠡᠬᠦ ᠶᠢ ᠬᠦᠯᠢᠴᠡᠡ ᠲᠡᠰᠪᠦᠷᠢᠯᠡᠵᠦ ᠦᠯᠦ ᠴᠢᠳᠠᠨ᠎ᠠ᠃ ᠨᠡᠩ ᠴᠦ ᠲᠡᠬᠦᠨ ᠠᠴᠠ ᠲᠠᠪᠠᠵᠦ ᠭᠠᠷᠬᠤ ᠶᠤᠮ ᠪᠣᠯ ᠠᠳᠠᠭᠠᠷᠬᠠᠯ ᠤᠨ ᠭᠠᠯ ᠳᠠᠭᠠᠨ ᠡᠷᠪᠡᠬᠡᠢ ᠮᠡᠳᠣ ᠰᠢᠳᠠᠵᠦ᠂ ᠵᠠᠷᠠᠭ᠎ᠠ ᠵᠠᠯᠭᠢᠭᠰᠠᠠ ᠰᠢᠭ᠋ ᠲᠤᠳᠤᠷ ᠨᠢ ᠠᠷᠵᠠᠭᠠᠨᠠᠵᠦ᠂ ᠪᠠᠶᠢᠵᠦ ᠰᠠᠭᠤᠬᠤ ᠪᠠᠨ ᠤᠯᠵᠦ ᠶᠠᠳᠠᠠ ᠪᠠᠷᠤᠭ ᠪᠤᠭᠤᠵᠦ ᠦᠬᠦᠬᠦ ᠳᠤ ᠬᠦᠷᠦᠨ᠎ᠡ᠃   ᠠᠨᠳᠠ ᠨᠠᠶᠢᠵᠠ ᠶᠢᠨ ᠢᠶᠠᠨ ᠠᠮᠵᠢᠯᠳᠠ ᠤᠯᠤᠯᠳᠠ ᠳᠤ ᠵᠠᠷᠢᠮ ᠨᠢ ᠨᠢᠭᠤᠷᠤᠨ ᠲᠡᠭᠡᠷ᠎ᠡ ᠨᠢ ︽ᠪᠠᠶᠠᠷ ᠬᠦᠷᠭᠡᠶ᠎ᠡ︕᠂᠂᠂︾ ᠡᠨᠡ ᠲᠡᠷᠡ ᠭᠡᠵᠤ ᠤᠷᠮ᠎ᠠ ᠶᠢᠨ ᠦᠭᠡ ᠰᠢᠳᠡᠵᠦ᠂ ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠴᠤᠪᠤᠭᠤᠯᠵᠦ᠂ ᠭᠠᠷ ᠠᠳᠬᠤᠨ ᠰᠤᠶᠢᠳ ᠪᠤᠯᠳᠠᠭ ᠴᠦ ᠲᠤᠳᠤᠷ᠎ᠠ ᠪᠠᠨ ᠬᠠᠷᠢᠨ ︽ᠴᠢ ᠮᠢᠨᠦ ᠬᠠᠵᠠᠭᠤ ᠳᠤ ᠡᠰᠡᠬᠦᠯ᠎ᠡ ᠬᠡᠡ ᠬᠡᠡ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠶᠠᠭᠤ ᠶᠤᠮ ᠪᠤᠢ᠂ ᠴᠢ ᠬᠤᠯᠠ ᠶᠠᠪᠤᠬᠤ ᠦᠭᠡᠢ᠃ ᠴᠢᠮᠠᠢᠢ ᠳ᠋ᠠ᠂᠂᠂᠂︾ ᠬᠡᠮᠡᠡ ᠠᠷᠠᠭ᠎ᠠ ᠰᠢᠳᠦ ᠎ ᠪᠠᠨ ᠦᠢᠷᠡᠳᠡᠯ᠎ᠡ ᠵᠠᠭᠤᠵᠦ᠂ ᠦᠵᠡᠡ ᠶᠠᠳᠠᠵᠦ ᠪᠠᠶᠢᠳᠠᠭ ᠢ ᠨᠢᠭᠤᠬᠤ ᠶᠠᠭᠤᠨ᠃ ᠲᠡᠭᠡᠭᠡᠳ ᠪᠠᠰᠠ ᠪᠤᠯᠤᠭ᠎ᠠ ᠦᠭᠡᠢ᠂ ᠪᠦᠷ ᠬᠦᠮᠦᠨ ᠠᠴᠠ ᠲᠠᠯᠳᠠᠭᠤᠷ ᠭᠠᠵᠠᠷ ᠤᠷᠤᠳᠠᠯ᠎ᠠ ᠨᠢ ᠮᠠᠭᠤᠯᠠᠵᠦ᠂ ᠦ ᠰᠡᠪ ᠬᠠᠶᠢᠵᠦ᠂ ᠬᠡᠯᠡ ᠠᠮᠠ ᠪᠠᠨ ᠰᠡᠳᠡᠷᠡᠳᠡᠯ᠎ᠡ ᠪᠢᠯᠡᠭᠦᠳᠡᠵᠦ᠂ ᠠᠯᠳᠠᠷ ᠨᠡᠷ᠎ᠡ ᠶᠢ ᠨᠢ ᠪᠠᠭᠠᠰᠤᠳᠠᠵᠦ ᠪᠠᠶᠢᠵᠦ ᠰᠠᠨᠠᠭ᠎ᠠ ᠰᠡᠳᠬᠢᠯ ᠢᠶᠠᠨ ᠲᠦᠷ ᠴᠦ ᠭᠡᠰᠡᠡ ᠠᠭᠤᠵᠢᠷᠠᠭᠤᠯᠵᠦ ᠠᠪᠳᠠᠭ ᠪᠠᠶᠢᠨ᠎ᠠ᠃ ᠠᠢ︕ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠡ ᠭᠡᠵᠢ ᠁   ᠶᠡᠷᠤᠨᠢ ᠠᠳᠠᠭᠠᠷᠬᠠᠯ ᠭᠡᠳᠡᠭ ᠪᠣᠯ ᠴᠢᠳᠬᠦᠷ ᠱᠦᠭᠯᠡᠭᠰᠡᠡ ᠠᠳᠬᠠᠭ ᠰᠡᠳᠬᠢᠯ ᠮᠥᠨ᠃ ᠠᠳᠬᠠᠭ ᠰᠡᠳᠬᠢᠯ ᠭᠡᠳᠡᠭ ᠨᠢ ᠪᠤᠰᠤᠳ ᠤᠨ ᠰᠠᠶᠢᠨ ᠰᠠᠶᠢᠬᠠᠠ ᠢ ᠦᠵᠡᠡ ᠶᠠᠳᠠᠳᠠᠭ ᠦᠴᠦᠬᠡᠡ ᠴᠦ ᠪᠠᠭᠳᠠᠭᠠᠮᠵᠢ ᠦᠭᠡᠢ ᠰᠡᠳᠬᠢᠯ ᠢ ᠬᠡᠯᠡᠵᠦ ᠪᠠᠶᠢᠭ᠎ᠠ ᠶᠤᠮ᠃ ᠡᠶᠢᠮᠦ ᠠᠳᠬᠠᠭ ᠰᠡᠳᠬᠢᠯ ᠲᠠᠢ ᠬᠦᠮᠦᠰ ᠦᠷᠦᠭᠡᠯ ᠪᠤᠰᠤᠳ ᠤᠨ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠠᠯᠳᠠᠷ ᠭᠠᠪᠢᠶ᠎ᠠ ᠶᠢ ᠬᠦᠯᠢᠶᠡᠡ ᠵᠦᠪᠰᠢᠶᠡᠷᠡᠬᠦ ᠲᠤᠷ᠎ᠡ ᠦᠭᠡᠢ ᠪᠠᠶᠢᠳᠠᠭ᠃ ᠦᠪᠡᠷ ᠲᠡᠭᠡᠨ ᠪᠠᠶᠢᠬᠤ ᠦᠭᠡᠢ ᠵᠦᠢᠯ ᠢ ᠪᠤᠰᠤᠳ ᠲᠤ ᠪᠠᠶᠢᠬᠤ ᠶᠢ ᠬᠦᠯᠢᠴᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠦᠪᠡᠷ ᠲᠡᠭᠡᠨ ᠤᠯᠵᠦ ᠴᠢᠳᠠᠭ᠎ᠠ ᠦᠭᠡᠢ ᠶᠠᠭᠤᠮ᠎ᠠ ᠦᠭᠡᠷ᠎ᠡ ᠪᠤᠰᠤᠳ ᠤᠯᠴᠢᠬᠠᠭᠰᠠᠠ ᠪᠠᠶᠢᠪᠠᠯ ᠴᠢᠨᠦ ᠶᠠᠭᠤᠮ᠎ᠠ ᠶᠢ ᠦᠷᠢᠰᠦᠭᠡᠳ ᠪᠤᠯᠢᠶᠠᠭᠠᠳ ᠠᠪᠤᠴᠢᠬᠠᠭᠰᠠᠠ ᠰᠢᠭ᠋ ᠠᠭᠤᠷᠯᠠᠠ ᠲᠡᠪᠬᠡᠴᠡᠵᠦ᠂ ᠰᠡᠳᠬᠢᠯ ᠨᠢ ᠬᠤᠭᠤᠰᠤᠳᠠᠵᠦ ᠰᠠᠨᠠᠭ᠎ᠠ ᠰᠡᠳᠬᠢᠯ ᠢᠶᠠᠷ ᠤᠨᠠᠵᠦ ᠡᠬᠢᠯᠡᠳᠡᠭ ᠠᠵᠢ᠃ ᠶᠠᠮᠠᠷᠪᠠ ᠵᠦᠢᠯ ᠢ ᠪᠦᠷ ᠠᠪ ᠠᠳᠠᠯᠢᠬᠠᠠ ᠤᠯᠬᠤ ᠡᠰᠡᠪᠡᠯ ᠴᠢᠮ᠎ᠠ ᠠᠴᠠ ᠲᠤᠳᠠᠭᠤ ᠯᠠ ᠤᠯᠵᠦ ᠪᠠᠶᠢᠪᠠᠯ ᠲᠡᠬᠦᠨ ᠤ ᠰᠡᠳᠬᠢᠯ ᠰᠠᠶ᠋ᠢ ᠲᠡᠩᠴᠡᠪᠦᠷᠢ ᠲᠠᠢ ᠪᠠᠶᠢᠳᠠᠯ ᠳᠤ ᠪᠠᠶᠢᠵᠦ ᠴᠢᠳᠠᠳᠠᠭ ᠪᠠᠶᠢᠨ᠎ᠠ᠃ ᠨᠢᠭᠡ ᠪᠠᠶᠢᠭᠤᠯᠤᠯᠭ᠎ᠠ ᠶᠢᠨ ᠬᠠᠮᠳᠤᠷᠠᠠ ᠠᠵᠢᠯᠯᠠᠭᠰᠠᠳ ᠳᠣᠳᠣᠷ᠎ᠠ ᠠᠴᠠ ᠨᠢᠭᠡ ᠬᠤᠶᠠᠷ ᠨᠢ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠭᠠᠷᠳᠠᠵᠦ ᠂ ᠲᠠᠷᠤᠭ᠎ᠠ ᠲᠠᠭᠠᠭᠠᠮᠠᠯ ᠤᠨ ᠢᠶᠠᠨ ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠬᠦᠷᠳᠠᠯ᠎ᠠ ᠭᠡᠵᠤ ᠪᠤᠳᠤᠶ᠎ᠠ᠃ ᠲᠡᠭᠡᠪᠡᠯ ᠪᠤᠰᠤᠳ ᠨᠢ ᠲᠡᠷᠡ ᠳᠤᠤᠷ᠎ᠠ ᠪᠠᠨ ᠴᠢᠷᠠᠢ ᠨᠢ ᠴᠢᠷᠠᠢ ᠪᠢᠰᠢ ᠪᠤᠯᠵᠦ ᠲᠠᠪᠤᠭᠤᠯᠠ ᠭᠤᠷᠪᠠᠭᠤᠯᠠ ᠨᠡᠶᠢᠯᠡᠭᠡᠳ ᠵᠢᠪ ᠵᠤᠪ ᠲᠠᠳᠠᠭᠠᠳ ᠡᠬᠢᠯᠡᠨ᠎ᠡ᠃ ᠲᠡᠭᠡᠭᠳ ᠵᠤᠭᠰᠤᠬᠤ ᠦᠭᠡᠢ᠂ ᠪᠦᠷ ᠬᠤᠤᠷᠠᠠ ᠦᠭᠡ ᠰᠠᠴᠦᠵᠦ᠂ ᠠᠵᠢᠯ ᠠᠮᠢᠳᠤᠷᠠᠯ ᠠᠭᠠᠰᠢ ᠵᠠᠩ ᠎ ᠠᠴᠠ ᠨᠢ ᠦ ᠰᠡᠪ ᠡᠷᠢᠨ ᠦᠩᠭᠡᠯᠵᠡᠵᠦ᠂ ᠦᠯᠦ ᠦᠢᠰᠢᠶᠠᠬᠤ ᠲᠦᠷᠢ ᠡᠰᠭᠡᠭᠦ ᠨᠢ ᠡᠨᠡᠬᠦᠬᠡᠡ ᠤ ᠬᠡᠷᠡᠭ᠃   ᠠᠵᠢᠭᠯᠠᠭᠠᠳ ᠪᠠᠶᠢᠬᠤ ᠳᠤ᠂ ᠠᠪᠢᠶᠠᠰ ᠴᠢᠳᠠᠯ ᠠᠵᠢᠯ ᠮᠡᠷᠭᠡᠵᠢᠯ ᠤᠶᠢᠷᠠᠯᠴᠠᠭ᠎ᠠ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤ ᠪᠤᠶᠦ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠭᠠᠷᠠᠭᠠᠭᠰᠠᠠ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠢᠯᠡᠬᠦᠦ ᠤᠷᠤᠰᠢᠳᠠᠭ ᠮᠡᠳᠣ᠃ ︽ᠮᠡᠷᠭᠡᠵᠢᠯ ᠨᠢᠭᠡᠳᠡᠡ ᠦᠰᠳᠡᠡ ᠪᠠᠶᠢᠳᠠᠭ︾ ᠭᠡᠰᠡᠡ ᠬᠢᠳᠡᠳ ᠤᠨ ᠦᠭᠡ ᠦᠨᠡᠡ ᠪᠤᠯᠤᠯᠳᠠᠢ᠃ ᠲᠤᠳᠤᠷᠠᠭᠤᠯᠵᠦ ᠬᠡᠯᠡᠪᠡᠯ᠂ ᠮᠠᠯᠴᠢᠨ ᠮᠠᠯᠴᠢᠨ ᠤ ᠬᠤᠭᠤᠷᠤᠨᠳᠤ᠂ ᠲᠠᠷᠤᠭ᠎ᠠ ᠳᠠᠷᠤᠭ᠎ᠠ ᠶᠢᠨ ᠬᠤᠭᠤᠷᠤᠨᠳᠤ᠂ ᠵᠤᠬᠢᠶᠠᠯᠴᠢ ᠵᠤᠬᠢᠶᠠᠯᠴᠢ ᠶᠢᠨ ᠬᠤᠭᠤᠷᠤᠨᠳᠣ᠂ ᠲᠠᠭᠤᠴᠢ ᠳᠠᠭᠤᠴᠢ ᠶᠢᠨ ᠬᠤᠭᠤᠷᠤᠨᠳᠤ᠂ ᠪᠠᠶᠠᠠ ᠪᠠᠶᠠᠠ ᠤ ᠬᠤᠭᠤᠷᠤᠨᠳᠣ᠂ ᠪᠦᠬᠡᠴᠢᠨ ᠪᠦᠬᠡᠴᠢᠨ ᠤ ᠬᠤᠭᠤᠷᠤᠨᠳᠤ᠂᠂᠂ ᠭᠡᠬᠦ ᠮᠡᠳᠤᠴᠢᠯᠡᠡ᠃ ᠠᠯᠳᠠᠷᠳᠤ ᠪᠦᠬᠡᠴᠢᠨ ᠲᠠᠢ ᠨᠡᠷᠡᠳᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠲᠤᠮᠣ ᠲᠠᠭᠤᠴᠢᠨ ᠲᠠᠢ ᠪᠠᠶᠠᠠ ᠮᠠᠯᠴᠢᠨ ᠠᠳᠠᠭᠠᠷᠬᠠᠭᠠᠳ ᠤᠨᠠᠬᠤ ᠨᠢ ᠶᠠᠭᠤ ᠯᠠ ᠪᠤᠯ ᠃ ᠨᠡᠩ ᠴᠦ ᠡᠵᠡᠡ ᠬᠠᠭᠠᠠ ᠲᠠᠢ ᠭᠤᠶᠢᠷᠠᠨᠴᠢ ᠠᠳᠠᠭᠠᠷᠬᠠᠨ᠎ᠠ ᠭᠡᠵᠤ ᠲᠠᠩᠴᠦ ᠨᠢᠭᠡ ᠪᠠᠶᠢᠬᠤ ᠦᠭᠡᠢ ᠳ᠋ᠠ᠃ ᠲᠡᠭᠡᠪᠡᠯ ᠢᠯᠠᠭ᠎ᠠ ᠠᠷᠰᠯᠠᠠ ᠲᠠᠢ ᠠᠳᠠᠭᠠᠷᠬᠠᠭᠰᠠᠠ ᠬᠡᠷᠡᠭ ᠪᠤᠯᠬᠤ ᠪᠢᠵᠡ᠃ ᠲᠡᠶᠢᠮᠦ ᠠᠴᠠ ᠠᠳᠠᠭᠠᠷᠬᠠᠯ ᠭᠡᠳᠡᠭ ᠪᠣᠯ ᠦᠪᠡᠷ ᠢ ᠪᠠᠨ ᠪᠤᠰᠤᠳ ᠲᠠᠢ ᠲᠡᠩᠳᠡᠭᠦᠦ ᠶᠡᠭᠡ ᠵᠢᠱᠢᠵᠦ ᠠᠳᠠᠯᠢᠳᠬᠠᠭᠰᠠᠠ ᠠᠴᠠ ᠡᠭᠦᠳᠦᠯ ᠲᠠᠢ ᠠᠵᠢ᠃   ᠪᠢ ᠨᠢᠭᠡ ᠤᠳᠠᠭ᠎ᠠ ᠮᠤᠩᠭᠤᠯ ᠤᠯᠤᠰ ᠤᠨ ᠨᠡᠷ᠎ᠡ ᠳᠤ ᠭᠠᠷᠤᠭᠰᠠᠠ ᠲᠠᠭᠤᠴᠢᠨ ᠠᠴᠠ ᠪᠠᠰᠠ ᠨᠢᠭᠡ ᠨᠡᠷ᠎ᠡ ᠳᠤ ᠭᠠᠷᠤᠭᠰᠠᠠ ᠮᠢᠨᠦ ᠪᠢᠰᠢᠷᠡᠵᠦ ᠰᠢᠳᠦᠳᠡᠭ ᠲᠠᠭᠤᠴᠢᠨ ᠤ ᠲᠤᠬᠠᠢ ᠠᠰᠠᠭᠤᠬᠤ ᠳᠤ ︽ᠠ᠂ ᠲᠡᠶᠢᠮᠦ ᠲᠠᠭᠤᠴᠢᠨ ᠪᠠᠶᠢᠭ᠎ᠠ ᠶᠤᠮ ᠤᠤ᠂ ᠪᠢ ᠮᠡᠳᠡᠬᠦ ᠦᠭᠡᠢ ᠶᠤᠮ ᠪᠠᠶᠢᠨ᠎ᠠ︾ ᠭᠡᠵᠤ ᠪᠢᠯᠡ᠃ ᠠᠷᠠᠳ ᠲᠦᠮᠡᠡ ᠤ ᠲᠠᠨᠢᠯ ᠲᠠᠰᠦᠯ ᠪᠤᠯᠤᠭᠰᠠᠠ ᠲᠠᠭᠤᠴᠢᠨ ᠢ ᠮᠡᠳᠡᠬᠦ ᠦᠭᠡᠢ ᠤᠴᠢᠷ ᠶᠠᠭᠠᠭᠢᠭᠰᠠᠠ ᠴᠦ ᠦᠭᠡᠢ ᠶᠤᠮ᠃ ᠡᠨᠡ ᠪᠣᠯ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠤᠨ ᠪᠠᠷᠢᠨ ᠲᠠᠯᠪᠢᠨ ᠵᠢᠱᠢᠶ᠎ᠠ᠃ ᠡᠶᠢᠮᠦᠷᠡᠬᠦᠦ ᠵᠢᠱᠢᠶ᠎ᠡ ᠵᠦᠩᠳᠡᠭᠡᠡ᠃ ᠨᠢᠭᠡ ᠲᠤᠪᠤᠴᠠᠭ ᠤᠨ ᠬᠤᠶᠠᠷ ᠲᠠᠯ᠎ᠠ ᠳᠤ ᠰᠠᠭᠤᠭᠰᠠᠠ ᠬᠤᠶᠠᠷ ᠮᠤᠩᠭᠤᠯ ᠮᠠᠯᠴᠢᠨ ᠠᠶᠢᠯ ᠪᠠᠶᠢᠵᠠᠢ ᠭᠡᠵᠤ ᠪᠤᠳᠤᠶ᠎ᠠ᠃ ᠠᠵᠢᠯᠴᠢ ᠭᠦᠳᠡᠯᠮᠦᠷᠢᠴᠢ ᠠᠭᠠᠯᠢ ᠰᠠᠶᠢᠳᠠᠢ ᠵᠡᠬᠦᠨ ᠠᠶᠢᠯ ᠤᠨ ᠬᠢᠨᠢ ᠮᠠᠯ ᠰᠦᠷᠦᠭ ᠨᠢ ᠦᠨᠢᠷ ᠦᠳᠬᠡᠡ ᠦᠰᠦᠭᠡᠳ ᠬᠦᠷᠦᠩᠭᠡ ᠮᠦᠩᠭᠦ ᠲᠠᠢ ᠪᠤᠯᠤᠭᠠᠳ ᠬᠦᠮᠦᠨ ᠬᠠᠷ᠎ᠠ ᠢᠯᠡᠬᠦᠦ ᠰᠢᠭ ᠤᠷᠤᠵᠦ ᠭᠠᠷᠤᠭᠠᠳ ᠢᠷᠡᠪᠡᠯ ᠵᠠᠯᠬᠠᠭᠤ ᠮᠦᠷᠳᠡᠭᠡᠡ ᠵᠠᠩ ᠪᠠᠷᠤᠭᠳᠠᠢ ᠪᠠᠷᠠᠭᠤᠨ ᠠᠶᠢᠯ ᠨᠢ ᠱᠤᠷᠤᠨ ᠲᠡᠭᠡᠷ᠎ᠡ ᠰᠠᠭᠤᠭᠰᠠᠠ ᠰᠢᠭ᠋ ᠰᠠᠭᠤᠵᠦ ᠲᠡᠰᠬᠦ ᠪᠠᠨ ᠪᠠᠶᠢᠭᠠᠳ ᠢᠷᠡᠨ᠎ᠡ᠃ ᠲᠡᠭᠦᠨ ᠎ ᠠᠴᠠ ᠪᠤᠯᠵᠦ ᠡᠯᠳᠡᠪ ᠴᠤᠤ ᠲᠠᠷᠠᠭᠠᠵᠦ᠂ ᠮᠠᠭᠤ ᠮᠠᠭᠤᠬᠠᠢ ᠦᠭᠡ ᠪᠠᠷ ᠪᠤᠯᠠᠵᠦ ᠡᠬᠢᠯᠡᠬᠦ ᠨᠢ ᠡᠨᠡᠦᠬᠡᠡ ᠳᠤ᠃ ᠬᠡᠷᠪᠡ ᠲᠡᠷᠡ ᠪᠠᠶᠠᠠ ᠠᠶᠢᠯ ᠨᠢ ᠦᠭᠡᠷ᠎ᠡ ᠦᠨᠳᠦᠰᠦᠳᠡᠡ ᠪᠠᠶᠢᠭᠰᠠᠠ ᠪᠣᠯ ᠲᠡᠷᠡ ᠴᠦ ᠲᠡᠶᠢᠮᠦ ᠪᠠᠶᠢᠬᠤ ᠶᠤᠰᠤᠳᠠᠢ ᠭᠡᠰᠡᠡ ᠰᠢᠭ ᠶᠠᠮᠠᠷ ᠴᠦ ᠦᠭᠡ ᠲᠠᠭᠤᠨ ᠦᠭᠡᠢ ᠬᠦᠯᠢᠶᠠᠠ ᠵᠦᠪᠰᠢᠶᠡᠷᠡᠬᠦ ᠪᠤᠯᠤᠨ᠎ᠠ ᠭᠡᠳᠡᠭ ᠲᠤ ᠮᠦᠷᠦᠢ ᠲᠠᠯᠪᠢᠬᠤ ᠳᠤ ᠪᠡᠯᠡᠡ ᠪᠠᠶᠢᠨ᠎ᠠ᠃ ᠮᠠᠠ ᠤ ᠤᠷᠠᠠ ᠪᠦᠳᠦᠭᠡᠯᠴᠢ ᠬᠡᠳᠦᠶᠢᠪᠡᠷ ᠴᠦᠬᠡᠡ ᠪᠤᠯᠪᠠᠴᠦ ᠡᠬᠦᠨ ᠠᠴᠠ ᠭᠠᠳᠠᠭᠤᠷ ᠪᠠᠶᠢᠵᠦ ᠴᠢᠳᠠᠳᠠᠭ ᠦᠭᠡᠢ ᠨᠢ ᠬᠠᠴᠢᠷᠬᠠᠯᠳᠠᠢ ᠪᠠᠰᠠ ᠬᠠᠷᠠᠮᠰᠠᠯᠳᠠᠢ᠃ ᠬᠡᠡ ᠨᠢᠭᠡ ᠨᠢ ᠦᠨᠡᠨᠬᠦ ᠰᠠᠶᠢᠨ ᠪᠦᠳᠦᠭᠡᠯ ᠲᠤᠭᠤᠷᠪᠢᠵᠦ᠂ ᠶᠠᠮᠠᠷ ᠨᠢᠭᠡᠨ ᠲᠤᠮᠤ ᠱᠠᠩ ᠲᠤᠰᠴᠦ᠂ ᠤᠩᠰᠢᠭᠴᠢ ᠰᠢᠬᠦᠮᠵᠢᠯᠡᠭᠴᠢ ᠶᠢᠨ ᠲᠠᠯᠠᠷᠬᠠᠯ ᠲᠠᠭᠠᠰᠢᠶᠠᠯ ᠬᠦᠯᠢᠶᠡᠵᠦ᠂ ᠤᠯᠠᠠ ᠰᠠᠶᠢᠬᠠᠠ ᠰᠢᠳᠦᠨ ᠪᠢᠰᠢᠷᠡᠭᠴᠢ ᠲᠠᠢ ᠪᠤᠯᠤᠭᠠᠳ ᠢᠷᠡᠬᠦ ᠶᠤᠮ ᠪᠣᠯ ᠨᠦᠬᠦᠭᠡ ᠦᠶᠡᠷᠬᠡᠵᠦ ᠰᠦᠢᠳ ᠪᠤᠯᠳᠠᠭ ᠪᠠᠶᠢᠭᠰᠠᠠ ᠨᠠᠶᠢᠵᠠ ᠨᠦᠬᠦᠳ ᠤᠨ ᠬᠢᠨᠢ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠨᠢ ︽ᠪᠤᠴᠠᠯᠵᠦ ᠪᠤᠯᠬᠢᠯᠠᠵᠦ︾ ᠡᠬᠢᠯᠡᠬᠦ ᠪᠦᠭᠡᠳ ᠲᠡᠭᠦᠨ ᠠᠴᠠ ᠨᠢᠭᠡ ᠯᠠ ᠮᠡᠳᠡᠬᠦ ᠳᠤ ᠬᠦᠨᠳᠡᠶᠢᠷᠡᠭᠡᠳ ᠵᠠᠶᠢᠳᠠᠭᠠᠳ ᠤᠴᠢᠨ᠎ᠠ᠃ ᠶᠠᠭ ᠯᠠ ᠲᠠᠭᠦᠨ ᠎ ᠤ ᠶᠠᠭᠤᠮ᠎ᠠ ᠶᠢ ᠶᠤᠰᠤ ᠪᠤᠰᠤ ᠪᠠᠷ ᠴᠦᠯᠮᠦᠭᠡᠳ ᠠᠪᠤᠴᠢᠬᠠᠭᠰᠠᠠ ᠮᠡᠳᠣ᠃ ᠲᠡᠭᠡᠭᠡᠳ ᠪᠤᠳᠤᠬᠤ ᠳᠤ ᠵᠠᠷᠢᠮ ᠦᠶᠡᠰ ᠨᠦᠬᠦᠷ ᠤᠨ ᠴᠢᠨᠠᠷ ᠵᠤᠪᠠᠭ᠋ᠤ ᠴᠠᠭ ᠲᠤ ᠪᠢᠰᠢ ᠬᠠᠷᠢᠨ ᠵᠢᠷᠭᠠᠬᠤ ᠴᠠᠭ ᠲᠤ ᠲᠠᠨᠢᠭᠳᠠᠳᠠᠭ ᠰᠠᠨᠵᠠᠢ᠃ ︽ᠠᠳᠠᠭᠠᠷᠬᠠᠯ ᠎ ᠤᠨ ᠬᠤᠤᠷ ᠴᠢᠰᠦᠨ ᠳᠤᠨᠢ ᠰᠢᠩᠭᠡᠵᠦ ᠰᠣᠳᠠᠰᠤ ᠪᠠᠷ ᠨᠢ ᠬᠦᠶᠦᠵᠦ ᠪᠠᠶᠢᠭ᠎ᠠ ᠵᠢᠷᠦᠬᠡ ᠠᠨᠳᠠ ᠨᠦᠬᠦᠷ ᠤᠨ ᠰᠡᠳᠬᠢᠯ ᠎ ᠢᠶᠠᠷ ᠬᠡᠵᠢᠶ᠎ᠡ ᠴᠦ ᠴᠤᠬᠢᠯᠠᠬᠤ ᠦᠭᠡᠢ︾᠃ ᠨᠠᠶᠢᠵᠠ ᠨᠦᠬᠦᠳ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠠ ᠳᠤ ᠤᠷᠮ᠎ᠠ ᠲᠡᠳᠬᠦᠬᠦ ᠭᠠᠯ ᠲᠠᠢ ᠦᠭᠡ ᠬᠡᠯᠡᠬᠦ ᠦᠭᠡᠢ ᠮᠦᠷᠳᠡᠯ᠎ᠡ ᠪᠠᠨ ᠬᠠᠷᠢᠨ ᠠᠳᠠᠭᠠᠷᠬᠠᠭᠠᠳ ᠠᠷᠵᠠᠭᠠᠨᠠᠭᠠᠳ ᠪᠠᠶᠢᠪᠠᠯ ᠤᠯᠠᠠ ᠤ ᠢᠳᠡᠬᠡᠯ ᠰᠡᠳᠬᠢᠯ ᠠᠴᠠ ᠠᠯᠳᠠᠷᠠᠵᠦ᠂ ᠭᠠᠭᠴᠠᠭᠠᠷᠳᠠᠬᠤ ᠭᠠᠩᠰᠠᠷᠠᠬᠤ ᠶᠢᠨ ᠱᠠᠯᠪᠠᠭ ᠲᠤ ᠤᠨᠠᠬᠤ ᠠᠴᠠ ᠵᠠᠶᠢᠯᠠᠬᠤ ᠦᠭᠡᠢ ᠰᠢᠦ ᠳ᠋ᠠ᠃   ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠤᠨ ᠪᠠᠰᠠ ᠨᠢᠭᠡ ᠮᠠᠭᠤᠬᠠᠢ ᠲᠠᠯ᠎ᠠ ᠪᠣᠯ ᠬᠡᠨ ᠨᠢᠭᠡᠡ ᠳᠤ ᠠᠳᠠᠭᠠᠷᠬᠠᠭᠠᠳ ᠬᠦᠴᠦᠷᠡᠬᠦ ᠦᠭᠡᠢ ᠪᠣᠯ ᠦᠭᠡᠷ᠎ᠡ ᠪᠤᠰᠤᠳ ᠦᠨᠳᠦᠰᠦᠳᠡᠡ ᠤ ᠡᠮᠦᠨ᠎ᠡ ᠡᠰᠡᠭᠦᠯ᠎ᠡ ᠡᠷᠬᠡ ᠰᠦᠷᠳᠡᠡ ᠤ ᠡᠮᠦᠨ᠎ᠡ ᠡᠪᠦᠳᠦᠭ ᠰᠦᠬᠦᠷᠡᠡ ᠳᠤᠯᠢᠭᠠᠨᠠᠵᠦ᠂ ᠦᠮᠦᠭ ᠲᠦᠰᠢᠭ ᠢᠶᠠᠨ ᠤᠯᠵᠦ ᠠᠪᠤᠭᠠᠳ ᠡᠷᠬᠢᠭᠡᠳ ᠡᠯᠢᠭᠡ ᠨᠢᠭᠡᠳᠡᠡ ︵ᠨᠠᠶᠢᠵᠠ ᠨᠦᠬᠦᠳ︶᠎ ᠢᠶᠠᠨ ᠨᠤᠬᠤᠴᠢᠨ ᠲᠠᠷᠤᠵᠦ᠂ ᠨᠤᠬᠠᠢ ᠮᠡᠳᠣ ᠬᠡᠮᠬᠡᠵᠦ᠂ ︽ᠰᠡᠳᠬᠢᠯ ᠤᠨ ᠲᠠᠭᠠᠰᠢᠶᠠᠯ︾ ᠠᠪᠴᠦ᠂ ᠲᠦᠷ ᠵᠠᠭᠤᠷ᠎ᠠ ᠴᠦ ᠭᠡᠰᠡᠡ ᠬᠤᠭᠤᠰᠤᠨ ᠨᠡᠷᠡᠯᠬᠡᠭ ᠵᠠᠩ ᠢᠶᠠᠨ ︽ᠲᠠᠶᠢᠪᠤᠰᠢᠷᠠᠭᠤᠯᠵᠦ︾ ᠠᠮᠵᠢᠳᠠᠭ ᠦᠵᠡᠭᠳᠡᠯ ᠡᠷᠳᠡᠡ ᠠᠴᠠ ᠡᠳᠦᠭᠡ ᠪᠤᠯᠳᠠᠯ᠎ᠠ ᠪᠠᠶᠢᠵᠦ ᠯᠠ ᠪᠠᠶᠢᠭᠰᠠᠠ ᠵᠦᠢᠯ᠃ ᠡᠨᠡ ᠪᠣᠯ ᠲᠡᠪᠴᠢᠵᠦ ᠪᠤᠯᠤᠰᠢ ᠦᠭᠡᠢ ᠠᠳᠠᠭ ᠎ ᠤᠨ ᠴᠢᠨᠡᠷ ᠶᠤᠮ᠃  ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠪᠣᠯ ᠮᠠᠠ ᠤ ᠦᠨᠳᠦᠰᠦᠳᠡᠡ ᠤ ᠲᠤᠮᠤᠬᠠᠠ ᠰᠤᠯᠠ ᠲᠠᠯ᠎ᠠ ᠶᠤᠮ᠃ ᠡᠨᠡ ᠬᠦ ᠰᠤᠯᠠ ᠲᠠᠯ᠎ᠠ ᠎ ᠨᠢ ᠰᠠᠨᠠᠭ᠎ᠠ ᠮᠠᠭᠤᠳᠠᠢ ᠵᠠᠷᠢᠮ ᠬᠦᠮᠦᠰ ᠲᠤ ᠤᠪᠵᠢᠩ ᠠᠰᠢᠭᠯᠠᠭᠳᠠᠵᠦ᠂ ᠮᠠᠠ ᠤ ᠮᠤᠩᠭᠤᠯ ᠤᠨ ᠲᠤᠳᠤᠭᠠᠳᠣ ᠡᠪ ᠨᠢᠭᠡᠳᠦᠯ ᠤᠨ ᠭᠠᠩᠨᠠᠭᠠᠰᠦ ᠬᠠᠷᠠᠳᠠᠢ ᠰᠤᠯᠠᠷᠠᠵᠦ᠂ ᠬᠦᠮᠦᠨ ᠤ ᠢᠳᠡᠰᠢ ᠨᠤᠬᠠᠢ ᠶᠢᠨ ᠬᠡᠪᠳᠡᠰᠢ ᠪᠤᠯᠵᠦ ᠢᠷᠡᠭᠰᠡᠡ ᠲᠡᠦᠬᠡ ᠶᠢᠨ ᠰᠤᠷᠭᠠᠮᠵᠢ ᠪᠢᠳᠡᠡ ᠳᠤ ᠴᠢᠮᠠᠯᠠᠬᠤ ᠪᠠᠷ ᠦᠭᠡᠢ ᠠᠷᠪᠢᠨ ᠪᠠᠶᠢᠭ᠎ᠠ ᠰᠢᠦ ᠳ᠋ᠠ᠃ ᠡᠨᠡ ᠨᠢ ︽ᠬᠤᠶᠠᠷ ᠲᠠᠰ ᠨᠢᠭᠡ ᠢᠳᠡᠰᠢ ᠪᠤᠯᠢᠶᠠᠯᠳᠤᠪᠠᠯ ᠬᠤᠭᠤᠷᠤᠨᠳᠦ ᠠᠴᠠ ᠨᠢ ᠬᠤᠩ ᠬᠡᠷᠢᠶ᠎ᠡ ᠵᠠᠪᠰᠢᠨ᠎ᠠ︾ ᠭᠡᠳᠡᠭ ᠤᠨ ᠦᠯᠢᠭᠡᠷ ᠪᠤᠯᠠᠢ᠃ ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ᠂ ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠢ ᠵᠦᠭᠡᠷ ᠨᠢᠭᠡ ᠦᠨᠳᠦᠰᠦᠳᠡᠡ ᠤ ᠵᠠᠩ ᠴᠢᠨᠡᠷ ᠤᠨ ᠢᠯᠡᠷᠡᠯ ᠲᠡᠳᠦᠢ ᠬᠡᠮᠡᠡ ᠪᠠᠰᠦᠵᠦ ᠦᠯᠦ ᠪᠤᠯᠤᠨ᠎ᠠ᠃ ᠪᠢ ᠵᠠᠷᠢᠮ ᠳᠠᠭᠠᠨ ᠡᠷᠡᠭᠡᠯᠵᠡᠯ ᠲᠦᠷᠦᠳᠡᠭ ᠶᠤᠮ᠃ ᠮᠠᠠ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠡ ᠴᠤᠬᠤᠮ ᠠᠭᠤᠵᠢᠮ ᠰᠡᠳᠬᠢᠯ ᠲᠠᠢ ᠠᠭᠤᠤᠴᠢ ᠪᠠᠭᠳᠠᠭᠠᠮᠵᠢᠳᠠᠢ ᠦᠨᠳᠦᠰᠦᠳᠡᠡ ᠮᠥᠨ ᠤᠤ ︖ ᠬᠡᠷᠪᠡ ᠮᠥᠨ ᠪᠣᠯ ᠨᠢᠭᠡᠡ ᠤ ᠪᠠᠨ ᠭᠡᠷᠡᠯ ᠭᠡᠭᠡ ᠲᠠᠢ ᠲᠠᠯ᠎ᠠ ᠶᠢ ᠶᠠᠭᠠᠭᠢᠭᠠᠳ ᠪᠠᠭᠳᠠᠭᠠᠵᠦ ᠪᠠᠭ᠋ᠠᠷᠬᠠᠵᠦ ᠴᠢᠳᠠᠬᠤ ᠦᠭᠡᠢ ᠦᠨᠦ ᠶᠢ ᠬᠦᠷᠦᠭᠰᠡᠡ ᠶᠤᠮ ᠪᠤᠢ⁈   ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠭᠡᠳᠡᠭ ᠡᠨᠡ ᠤᠵᠢᠭ ︽ᠡᠪᠡᠳᠴᠢᠨ︾ ᠴᠠᠭ ᠦᠶ᠎ᠡ ᠶᠢᠨ ᠬᠦᠭᠵᠢᠯ ᠲᠡᠪᠰᠢᠯ ᠢ ᠲᠠᠭᠠᠯᠳᠤᠨ ᠤᠯᠠᠮ ᠲᠠᠭᠠᠮᠵᠢᠷᠠᠭᠠᠳ ᠪᠠᠶᠢᠬᠤ ᠰᠢᠭ᠋᠃ ᠨᠢᠭᠡᠡ ᠤ ᠪᠠᠨ ᠮᠦᠩᠭᠦ ᠵᠤᠭᠤᠰ ᠲᠠᠢ ᠪᠤᠯᠤᠭᠰᠠᠠ ᠢ᠂ ᠵᠡᠷᠭᠡ ᠵᠢᠩᠰᠡ ᠨᠡᠮᠡᠭᠳᠡᠭᠰᠡᠡ ᠢ᠂ ᠠᠯᠳᠠᠷ ᠨᠡᠷ᠎ᠡ ᠮᠠᠨᠳᠤᠭᠰᠠᠠ ᠢ᠂ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠭᠰᠠᠠ ᠢ ᠦᠯᠦ ᠲᠤᠭᠤᠮᠰᠤᠷᠯᠠᠬᠤ ᠴᠢᠨᠠᠭᠰᠢᠯᠠᠪᠠᠯ ᠦᠵᠡᠡ ᠶᠠᠳᠠᠵᠦ᠂ ᠠᠳᠠᠭᠠᠷᠬᠠᠯ ᠤᠨ ᠦᠨᠡᠰᠦ ᠪᠠᠷ ᠪᠤᠯᠠᠵᠦ ᠪᠠᠶᠢᠳᠠᠭ ᠢ ᠲᠠ ᠪᠦᠬᠦᠨ ᠨᠠᠳᠠ ᠮᠠᠳᠣ ᠪᠠᠷ ᠬᠡᠯᠡᠬᠦᠯᠬᠦ ᠦᠭᠡᠢ ᠲᠡᠷᠭᠡᠳᠡ ᠠᠴᠠ ᠠᠪᠤᠭᠠᠳ ᠲᠡᠯᠡᠬᠡᠢ ᠲᠦᠬᠦᠷᠡᠩ ᠬᠠᠷᠠᠵᠦ ᠪᠤᠢ ᠪᠠᠶᠢᠯᠭᠦᠢ᠃ ᠭᠡᠬᠦ ᠳᠡᠭᠡᠨ ᠮᠤᠩᠭᠤᠯ ᠬᠦᠮᠦᠨ ᠪᠦᠭᠦᠳᠡᠭᠡᠷ ᠢᠶᠠᠨ ᠲᠡᠶᠢᠮᠦ ᠪᠢᠰᠢ ᠯᠡ ᠳ᠋ᠡ᠃ ᠬᠡᠡ ᠨᠢᠬᠡᠡ ᠤ ᠪᠠᠨ ᠠᠯᠳᠠᠷ ᠭᠠᠪᠢᠶ᠎ᠠ ᠶᠢ ᠴᠠᠭ ᠢᠶᠠᠨ ᠤᠯᠵᠦ ᠦᠨᠡᠯᠡᠵᠦ ᠴᠢᠳᠠᠳᠠᠭ ᠦᠭᠡᠢ ᠨᠢ ᠮᠠᠠ ᠤ ᠮᠤᠩᠭᠤᠯᠴᠤᠳ ᠤᠨ ᠬᠡᠪᠰᠢᠭᠰᠡᠡ ᠲᠤᠮᠤ ᠠᠯᠳᠠᠭ᠎ᠠ ᠭᠡᠯᠳᠡᠢ᠃ ᠶᠡᠷᠦᠨᠢ ᠮᠤᠩᠭᠤᠯᠴᠤᠳ ᠪᠣᠯ ᠨᠢᠭᠡ ᠶᠢ ᠪᠠᠨ ᠲᠤᠭᠤᠵᠦ ᠠᠯᠳᠠᠭᠰᠠᠠ ᠬᠦᠮᠦᠰ᠃ ᠡᠨᠡ ᠪᠣᠯ ᠠᠮᠠᠷᠬᠠᠠ ᠵᠠᠳᠠᠷᠠᠵᠦ ᠰᠠᠷᠨᠢᠳᠠᠭ ᠤᠨ ᠬᠦᠳᠡᠯᠦᠰᠢ ᠦᠭᠡᠢ ᠤᠷᠢᠳᠡᠯ ᠨᠦᠬᠦᠴᠡᠯ ᠰᠢᠦ ᠳ᠋ᠡ᠃ ︽ᠦᠯᠦᠰᠦᠭᠰᠡᠡ ᠦᠶ᠎ᠡ ᠳᠡᠭᠡᠨ ᠴᠠᠳᠬᠤᠯᠠᠩ ᠳᠤ ᠪᠤᠤ ᠠᠳᠠᠭᠠᠷᠬ᠎ᠠ᠂ ᠴᠠᠳᠬᠤᠯᠠᠩ ᠦᠶ᠎ᠡ ᠳᠡᠭᠡᠨ ᠦᠯᠦᠰᠭᠦᠯᠡᠩ ᠢ ᠪᠤᠤ ᠮᠠᠷᠳᠠ︾ ᠭᠡᠰᠡᠡ ᠪᠤᠭᠤᠷᠤᠯ ᠰᠤᠷᠭᠠᠯ ᠢ ᠳᠠᠩᠳᠠ ᠰᠠᠨᠠᠵᠦ ᠶᠠᠪᠤᠯᠳᠠᠢ ᠪᠠᠶᠢᠨ᠎ᠠ᠃   ᠮᠤᠩᠭᠤᠯ ᠠᠳᠠᠭᠠᠷᠬᠠᠯ ᠭᠡᠳᠡᠭ ᠡᠨᠡ ︽ᠡᠪᠡᠳᠴᠢᠨ︾ ᠪᠠᠷᠤᠭ ᠮᠤᠩᠭᠤᠯ ᠬᠦᠮᠦᠨ ᠤ ᠴᠢᠰᠦ ᠮᠢᠬᠠᠠ ᠳᠤ ᠬᠦᠨ ᠪᠠᠳᠣ ᠰᠢᠩᠭᠡᠭᠰᠡᠡ ᠪᠦᠭᠡᠳ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠭᠧᠨ ᠳᠤᠨᠢ ᠴᠦ ᠬᠦᠷᠳᠡᠯ᠎ᠡ ᠰᠢᠩᠭᠡᠭᠰᠡᠡ ᠪᠠᠶᠢᠵᠦ ᠮᠡᠳᠡᠬᠦ ᠪᠤᠯᠬᠤᠷ ᠲᠡᠶᠢᠮᠦ ᠬᠢᠯᠪᠠᠷᠬᠠᠠ ︽ᠲᠠᠮᠤ ᠶᠢᠨ ᠲᠤᠭᠤᠭᠠᠠ ᠤ ᠦᠯᠢᠭᠡᠷ︾᠎ ᠠᠴᠠ ᠪᠠᠨ ︽ᠠᠶᠠᠷᠯᠠᠠ ᠰᠠᠯᠵᠦ︾ ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠬ᠎ᠠ᠃ ᠡᠨᠡ ︽ᠡᠪᠡᠳᠴᠢᠨ︾᠎ ᠢ ᠪᠢᠳᠡ ᠡᠷᠳᠡᠨᠢ ᠰᠣᠪᠣᠳ ᠰᠢᠭ᠋᠂ ᠡᠳ᠋ ᠬᠦᠷᠦᠩᠭᠡ ᠰᠢᠭ ᠨᠠᠨᠳᠢᠩᠨᠠᠠ ᠬᠠᠳᠠᠭᠠᠯᠠᠵᠦ᠂ ᠦᠪᠯᠡᠵᠦ ᠵᠠᠯᠭᠠᠮᠵᠢᠯᠠᠭᠠᠳ ᠪᠠᠶᠢᠪᠠᠯ ᠰᠠᠶᠢᠨ ᠤ ᠪᠠᠷ᠎ᠠ ᠬᠠᠷᠠᠬᠤ ᠳᠤ ᠬᠦᠴᠢᠷᠳᠡᠵᠦ ᠮᠠᠳᠠᠨ᠎ᠡ᠃ ᠠᠳᠠᠭ᠎ᠠ ᠵᠢᠳᠦᠭᠡ ᠭᠡᠳᠡᠭ ᠪᠣᠯ ᠰᠢᠨᠦᠯ ᠲᠠᠢ ᠠᠳᠠᠯᠢᠬᠠᠠ ᠠᠷᠪᠠᠠ ᠬᠠᠷ᠎ᠠ ᠨᠢᠬᠦᠯ ᠤᠨ ᠨᠢᠭᠡ ᠶᠤᠮ᠃ ᠠᠷᠪᠠᠠ ᠬᠠᠷ᠎ᠠ ᠨᠢᠭᠦᠯ ᠲᠡᠭᠡᠭᠡᠭᠰᠡᠡ ᠦᠨᠳᠦᠰᠦᠳᠡᠡ ᠶᠠᠭᠠᠭᠢᠵᠦ ᠴᠦ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠶᠢᠵᠦ ᠴᠢᠳᠠᠬᠤ ᠪᠢᠯᠡ ᠳ᠋ᠡ᠃   ᠠᠳᠠᠭᠠᠷᠬᠠᠯ ᠪᠣᠯ ᠠᠳᠠᠭ ᠤᠨ ᠮᠠᠭᠤ ᠡᠨᠧᠷᠭᠢ ᠶᠤᠮ᠃ ᠦᠪᠡᠷ ᠲᠤ ᠴᠦ᠂ ᠦᠷᠦᠭᠡᠯ ᠳᠤ ᠴᠦ ᠪᠦᠷ ᠮᠠᠭᠤ ᠪᠠᠷ ᠲᠤᠰᠳᠠᠭ᠃ ᠲᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠬᠦᠮᠦᠨ ᠲᠠᠯ᠎ᠠ ᠰᠢᠭ᠋ ᠢᠶᠠᠨ ᠠᠭᠤᠵᠢᠮ ᠲᠡᠨᠢᠭᠡᠷ᠂ ᠲᠡᠭᠷᠢ ᠰᠢᠭ ᠢᠶᠠᠨ ᠴᠡᠯᠮᠡᠭ ᠠᠷᠢᠭᠤᠨ᠂ ᠴᠢᠨ᠋ᠸ᠎ᠠ ᠰᠢᠭ᠋ ᠢᠶᠠᠨ ᠪᠠᠳᠣ ᠪᠦᠯᠬᠦᠮᠳᠡᠯ ᠲᠠᠢ᠂ ᠴᠢᠯᠠᠭᠤ ᠰᠢᠭ᠋ ᠢᠶᠠᠨ ᠲᠤᠳᠤᠭᠠᠳᠤ ᠨᠢᠭ᠌ᠳᠡᠷᠡᠯ ᠲᠠᠢ᠂ ᠨᠢᠭᠡ ᠨᠢᠭᠡᠡ ᠤ ᠪᠠᠨ ᠦᠭᠡᠳᠡᠷᠡᠭ ᠰᠠᠶᠢᠬᠠᠠ ᠢ ᠪᠢᠳᠡᠬᠡᠢ ᠬᠡᠯᠡ ᠮᠠᠭᠤ ᠮᠠᠭᠤᠬᠠᠢ ᠶᠢ ᠨᠢ ᠴᠦ ᠠᠭᠤᠴᠢᠯᠠᠠ ᠪᠠᠭᠳᠠᠭᠠᠵᠦ ᠶᠠᠪᠤᠬᠤ ᠰᠠᠨ᠃   ᠵᠤᠬᠢᠶᠠᠯ ᠤᠨ ᠢᠶᠠᠨ ᠲᠡᠭᠦᠰᠭᠡᠯ ᠳᠤ ︽ᠦᠨᠳᠦᠷ ᠲᠤ ᠦᠰᠢᠶᠡᠯᠡᠡ ᠲᠤᠤᠷᠠᠳᠤ ᠶᠢ ᠲᠤᠷᠤᠮᠵᠢᠯᠠᠬᠤ᠂ ᠦᠪᠡᠷ ᠎ ᠲᠡᠭᠡᠨ ᠲᠡᠩᠴᠡᠬᠦᠦ ᠳᠤ ᠠᠳᠠᠭᠠᠷᠬᠠᠬᠤ ᠶᠢ ᠲᠡᠪᠴᠢᠨ ᠦᠷᠭᠡᠡ ᠤᠯᠠᠠ ᠳᠤ ᠲᠤᠰᠠᠳᠠᠢ ᠰᠡᠳᠬᠢᠯ ᠢ ᠡᠭᠦᠰᠭᠡᠪᠡᠯ ᠦᠨᠦ ᠪᠠ ᠡᠳᠦᠭᠡ ᠬᠤᠶᠠᠷ ᠲᠤ ᠮᠠᠰᠢ ᠰᠠᠶᠢᠨ︾ ᠬᠡᠮᠡᠭᠰᠡᠡ ᠬᠠᠯᠬ᠎ᠠ ᠶᠢᠨ ᠽᠠᠶ᠎ᠠ ᠪᠠᠨᠳᠢᠳᠠ ᠯᠤᠪᠰᠠᠩᠫᠧᠷᠯᠠᠢ ᠶᠢᠨ ᠨᠠᠨᠳᠢᠨ ᠰᠣᠷᠭᠠᠯ ᠢ ᠢᠮᠠᠭᠳᠠ ᠤᠴᠢᠷᠯᠠᠠ ᠰᠠᠨᠠᠵᠦ ᠶᠠᠪᠤᠬᠤ ᠳᠤ ᠢᠯᠡᠭᠦᠳᠡᠬᠦ ᠦᠭᠡᠢ ᠭᠡᠳᠡᠭ ᠢ ᠬᠡᠯᠡᠶ᠎ᠡ︕             ᠲᠡᠮᠦᠷ ᠡᠮ᠎ᠡ ᠲᠠᠦᠯᠠᠢ ᠵᠢᠯ ᠤᠨ ᠵᠤᠨ ᠤ ᠠᠳᠠᠭ ᠰᠠᠷ᠎ᠠ ᠶᠢᠨ ᠰᠢᠷ᠎ᠠ ᠬᠤᠯᠤᠭᠠᠨ᠎ᠠ ᠡᠳᠦᠷ ︵ᠳᠠᠸᠠ ᠭᠠᠷᠠᠭ︶ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠢᠷᠡᠨ
ᠠᠯᠠᠱᠠ ᠬᠠᠶᠢᠷᠠᠬᠠᠨ ᠮᠢᠨᠢ
ᠪᠤᠯᠵᠤᠭᠠᠨ ᠤ ᠵᠢᠭᠠᠬᠠᠨ ᠠᠮᠠᠷᠠᠭ
ᠰᠦᠪᠸᠢ ᠮᠢᠨᠢ
ᠴᠡᠩᠬᠡᠷ ᠭᠤᠪᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号