| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠬᠠᠪᠤᠳᠤ ᠬᠠᠰᠠᠷ ᠤᠨ ᠮᠡᠨᠳᠥᠯᠡᠭᠰᠡᠨ840 ᠵᠢᠯ ᠤᠨ ᠤᠢ ᠳᠤ ᠵᠤᠷᠢᠭᠤᠯᠪᠠ | ᠬᠠᠪᠤᠳᠤ ᠬᠠᠰᠠᠷ ᠤᠨ ᠥᠷᠡ ᠰᠠᠳᠤᠨ ᠲᠠ ᠪᠥᠭᠦᠨ ᠰᠤᠨᠤᠰᠤᠮᠤ︕ | ᠬᠠᠪᠤᠳᠤ ᠬᠠᠰᠠᠷ 840 ᠨᠠᠰᠤ ᠲᠠᠢ | ᠬᠠᠮᠤᠭ ᠮᠤᠩᠭᠤᠯ ᠤᠨ ᠲᠤᠷᠠᠰᠤᠯ ᠤᠨ ᠭᠥᠭᠡ ᠲᠡᠭᠷᠢ ᠳᠤ | ᠬᠠᠷᠪᠤᠵᠤ ᠨᠠᠮᠨᠠᠬᠤ ᠨᠤᠮᠤ ᠰᠠᠭᠠᠳᠠᠭ ᠲᠠᠢ ᠪᠠᠨ ᠱᠤᠤᠭᠢᠨ ᠢᠰᠭᠢᠷᠥᠩᠭᠡᠨ ᠪᠠᠶᠢᠨᠠᠮ | ᠡᠭᠢᠯᠡᠪᠡᠰᠥ ᠡᠭᠢᠯᠡᠳᠥᠭᠡᠢ︕ | ᠥᠭᠡᠯᠥᠨ ᠡᠭᠡ ᠶᠢᠨ ᠢᠶᠠᠨ ᠰᠥ ᠶᠢ ᠴᠡᠭᠡᠵᠢ ᠶᠢ ᠨᠢ ᠤᠩᠭᠤᠶᠢᠳᠠᠯᠠ ᠰᠢᠮᠡᠵᠥ | ᠥᠨᠳᠥᠷ ᠴᠡᠩᠭᠡᠷ ᠠᠯᠳᠠᠢ ᠠᠴᠠ ᠪᠠᠨ ᠡᠷᠡ ᠶᠢᠨ ᠭᠡᠶᠢᠮᠥᠷᠢ ᠠᠳᠢᠰᠯᠠᠵᠤ | ᠲᠡᠯᠢᠭᠦᠨ ᠪᠤᠯᠳᠤᠭ ᠤᠨ ᠲᠡᠨᠵᠢᠨᠡ ᠴᠡᠴᠡᠭ ᠴᠠᠴᠤᠯᠠᠨ ᠢᠨᠢᠶᠡᠵᠥ | ᠲᠡᠷᠭᠡᠭᠰᠡᠨ ᠮᠤᠷᠢᠳ ᠰᠢᠭ᠋ ᠤᠨᠤᠨ ᠤ ᠤᠰᠤᠨ ᠳᠤ ᠲᠡᠪᠡᠯ ᠲᠠᠢ ᠪᠠᠨ ᠤᠮᠪᠠᠵᠤ | ᠲᠡᠭᠡᠭᠦᠷ ᠭᠠᠳᠤᠯᠬᠤ ᠰᠢᠪᠠᠭᠤᠳ ᠢ ᠤᠨᠤᠭᠠ ᠲᠠᠭᠠᠷᠠᠭᠤᠯᠤᠨ ᠨᠠᠮᠨᠠᠵᠤ | ᠲᠡᠯ ᠲᠠᠢ ᠰᠠᠯᠭᠢᠨ ᠲᠡᠭᠡᠷᠡ ᠢᠰᠭᠢᠷᠥᠭᠰᠡᠨ ᠲᠡᠭᠡᠷᠡᠩᠭᠦᠢ ᠨᠢᠭᠡᠨ ᠭᠥᠥ ᠥᠰᠴᠡᠢ | ᠲᠡᠷᠡ ᠬᠠᠪᠤᠳᠤ ᠬᠠᠰᠠᠷ ᠪᠠᠶᠢᠯᠠ᠃ | ᠲᠠᠩᠰᠤᠭ ᠨᠠᠯᠠᠭᠠᠷ ᠨᠤᠳᠤᠭ ᠲᠠᠭᠠᠨ ᠶᠢᠰᠥᠨ ᠰᠢᠷᠭᠠ ᠪᠠᠨ ᠬᠠᠷᠢᠭᠤᠯᠵᠤ | ᠲᠠᠶᠢᠴᠢᠭᠤᠳ ᠤᠨ ᠨᠡᠭᠡᠯ ᠲᠠᠢ ᠬᠠᠷᠪᠤᠯᠳᠤᠨ ᠲᠡᠮᠥᠵᠢᠨ ᠠᠬᠠ ᠪᠠᠨ ᠰᠢᠪᠡᠭᠡᠯᠡᠵᠥ | ᠲᠠᠶᠢᠨ ᠤ ᠨᠢᠭᠡᠨ ᠤᠳᠤᠨ ᠲᠠᠬᠤᠨ ᠲᠤᠤᠷᠡ ᠥᠰᠴᠤ ᠪᠠᠶᠢᠭᠰᠠᠨ ᠢ | ᠲᠠᠩᠴᠢ ᠲᠡᠷᠡ ᠥᠶᠡ ᠶᠢᠨ ᠬᠢᠨ ᠲᠥᠰᠥᠭᠡᠯᠡᠭᠡ ᠥᠭᠡᠢ ᠪᠠᠶᠢᠭᠰᠠᠨ ᠪᠠᠶᠢᠬᠠ | ᠭᠤᠭᠤᠳ ᠮᠠᠩᠭᠢᠷ ᠢᠶᠠᠷ ᠥᠯ ᠵᠠᠯᠭᠠᠵᠤ ᠥᠰᠥᠭᠰᠡᠨ ᠥᠨᠥᠴᠢᠨ ᠭᠥᠪᠡᠭᠦᠨ | ︽ᠭᠤᠷᠪᠡᠨ ᠥᠭᠡᠷ ᠢᠶᠠᠷ ᠵᠢᠳᠭᠦᠭᠦᠯᠪᠡᠴᠤ ᠭᠤᠯᠵᠢᠢᠬᠤ ᠥᠭᠡᠢ︾ ᠡᠷᠡ ᠪᠤᠯᠪᠠ | ᠭᠤᠴᠢᠨ ᠠᠶᠢᠮᠠᠭ ᠢᠶᠠᠨ ᠬᠤᠷᠢᠶᠠᠬᠤ ᠳᠤ ᠢᠯᠳᠤᠨ ᠤ ᠢᠷ ᠲᠡᠭᠡᠷᠡ ᠰᠢᠨᠠᠯᠵᠤ | ᠭᠤᠨᠳᠠᠭᠰᠠᠨ ᠮᠤᠩᠭᠤᠯ ᠢᠶᠠᠨ ᠲᠡᠩᠭᠡᠷᠡᠭᠦᠯᠭᠦ ᠳᠤ ᠲᠠᠶᠢᠨ ᠤ ᠭᠠᠯ ᠲᠡᠭᠡᠷᠡ ᠱᠤᠩᠭᠤᠯᠠᠪᠠ | ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠤᠨ ᠢᠶᠠᠨ ᠤᠨᠢ ᠶᠢ ᠨᠢ ᠰᠥᠭᠦᠷᠡᠭᠡᠯ ᠥᠭᠡᠢ ᠲᠤᠳᠤᠮᠳᠠᠵᠤ | ᠶᠢᠰᠥᠭᠡᠢ ᠪᠠᠭᠠᠳᠤᠷ ᠤᠨ ᠠᠰᠠᠭᠠᠭᠰᠠᠨ ᠭᠠᠯ ᠢ ᠰᠢᠷᠤᠢ ᠤᠨᠠᠭᠠᠯ ᠥᠭᠡᠢ ᠮᠠᠨᠠᠵᠤ | ᠶᠢᠰᠥᠨ ᠵᠥᠭ ᠤᠨ ᠲᠠᠶᠢᠰᠤᠨ ᠲᠠᠢ ᠨᠢᠳᠤ ᠴᠠᠪᠴᠢᠯ ᠥᠭᠡᠢ ᠬᠠᠳᠬᠤᠯᠳᠣᠵᠣ | ᠶᠡᠭᠡ ᠬᠠᠷᠠ ᠲᠤᠭᠰᠢᠨ ᠲᠡᠭᠷᠢ ᠳᠤ ᠲᠥᠷᠢᠮᠡᠭᠡᠢ ᠵᠤᠷᠢᠭ ᠢᠶᠠᠨ ᠪᠢᠯᠡᠭᠦᠳᠡᠵᠥ | ᠲᠡᠮᠥᠵᠢᠨ ᠠᠬᠠ ᠲᠠᠢ ᠪᠠᠨ ᠲᠥᠷᠥᠭᠡ ᠬᠠᠷᠰᠢᠭᠤᠯᠣᠨ ᠲᠡᠯᠡᠭᠡᠢ ᠡᠪᠭᠡᠵᠥ | ᠲᠤᠯᠭᠠ ᠶᠢᠨ ᠢᠶᠠᠨ ᠲᠤᠭᠤᠷᠢᠨ ᠳᠤ ᠲᠥᠷᠥ ᠶᠢᠨ ᠤᠯᠪᠤᠭ ᠬᠤᠪᠢᠶᠠᠯᠴᠠᠨ ᠰᠠᠭᠠᠳᠠᠵᠤ | ᠪᠤᠳᠠᠷᠠᠭᠰᠠᠨ ᠤᠯᠤᠰ ᠢᠶᠠᠨ ᠴᠤᠭᠯᠠᠭᠤᠯᠬᠤ ᠳᠤ ᠪᠤᠤ ᠶᠢᠨ ᠨᠢᠭᠡᠨ ᠰᠤᠮᠤ ᠪᠤᠯᠵᠤ | ᠬᠠᠭᠠᠴᠠᠭᠰᠠᠨ ᠤᠯᠤᠰ ᠢᠶᠠᠨ ᠬᠠᠮᠳᠣᠳᠬᠠᠬᠤ ᠳᠤ ᠬᠠᠭᠠᠨ ᠤ ᠨᠢᠭᠡᠨ ᠲᠤᠭ ᠪᠤᠯᠵᠤ | ᠭᠠᠭᠴᠠᠬᠠᠨ ᠬᠠᠰᠭᠢᠷᠬᠤ ᠳᠤ ᠭᠠᠯᠳᠤ ᠠᠭᠤᠯᠠ ᠤᠨᠳᠠᠷᠠᠵᠤ ᠪᠠᠶᠢᠪᠠ | ᠭᠠᠩ ᠰᠡᠯᠡᠮᠡ ᠪᠠᠨ ᠲᠠᠯᠠᠶᠢᠬᠤ ᠳᠤ ᠭᠠᠯᠵᠠᠭᠤ ᠲᠠᠶᠢᠰᠤᠨ ᠨᠤᠷᠠᠵᠤ ᠪᠠᠶᠢᠪᠠ | ᠮᠡᠯᠡᠭᠡᠢ ᠠᠯᠠᠭ ᠤᠷᠴᠢᠯᠠᠩ ᠳᠤ ᠮᠡᠯᠮᠡᠢ ᠲᠡᠭᠦᠰ ᠲᠠᠪᠭᠢᠵᠤ ᠶᠠᠪᠤᠪᠠ | ᠮᠤᠩᠭᠤᠯ ᠤᠨ ᠴᠤᠬᠤᠷ ᠵᠠᠶᠠᠭᠠ ᠶᠢ ᠰᠠᠬᠠᠯ ᠲᠠᠢ ᠪᠠᠨ ᠬᠠᠮᠳᠤ ᠢᠮᠡᠷᠴᠤ ᠪᠠᠶᠢᠪᠠ | ᠲᠡᠪᠡᠯ ᠳᠡᠭᠡᠨ ᠪᠠᠭᠳᠠᠭᠰᠠᠨ ᠬᠠᠰᠠᠷ | ᠲᠡᠯᠡᠭᠡᠢ ᠪᠠᠭᠳᠠᠬᠤ ᠥᠭᠡᠢ ᠲᠠᠶᠢᠴᠢᠨ ᠪᠠᠶᠢᠭᠰᠠᠨ ᠶᠤᠮ | ᠲᠡᠭᠡᠳᠥᠰ ᠲᠡᠭᠡᠨ ᠡᠷᠭᠦᠭᠰᠡᠨ ᠲᠠᠩᠭᠠᠷᠢᠭ ᠢᠶᠠᠨ | ᠲᠡᠭᠷᠢ ᠶᠢᠨ ᠵᠤᠯᠠᠢ ᠳᠤ ᠨᠠᠷᠠ ᠰᠢᠭ᠋ ᠪᠢᠴᠢᠭᠯᠡᠭᠰᠡᠨ ᠶᠤᠮ | ᠭᠥᠯᠥᠭ ᠲᠡᠭᠡᠷᠡ ᠲᠤᠭᠳᠠᠭᠰᠠᠨ ᠬᠠᠰᠠᠷ | ᠭᠥᠷᠥᠰᠥᠳᠤ ᠳᠤ ᠲᠤᠭᠳᠠᠬᠤ ᠥᠭᠡᠢ ᠢᠰᠭᠢᠷᠴᠤ ᠶᠠᠪᠤᠭᠰᠠᠨ ᠶᠤᠮ | ᠭᠥᠳᠥᠰᠥᠨ ᠳᠤ ᠪᠤᠭᠤᠯᠳᠠᠳᠠᠢ ᠤᠮᠤᠭ | ᠭᠥᠯᠢᠶᠡᠰᠥᠨ ᠳᠤ ᠪᠤᠭᠤᠭᠳᠠᠬᠤ ᠥᠭᠡᠢ ᠲᠤᠶᠢᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ | ᠪᠤᠷᠬᠠᠨ ᠬᠠᠯᠳᠤᠨ ᠤ ᠴᠢᠯᠠᠭᠤᠨ ᠳᠤ ᠤᠩᠭᠤᠨ ᠰᠥᠨᠡᠰᠥ ᠪᠠᠨ ᠰᠢᠪᠰᠢᠵᠥ | ᠪᠤᠷᠤᠭᠤ ᠨᠤᠮᠳᠠᠨ ᠪᠥᠭᠦᠨ ᠢ ᠪᠢᠯᠴᠠ ᠲᠠᠷᠤᠨ ᠭᠢᠰᠭᠢᠯᠡᠭᠰᠡᠨ | ᠪᠥᠷᠳᠡ ᠴᠢᠨ᠋ᠸᠠ ᠶᠢᠨ ᠭᠡᠷᠴᠡᠭᠡᠢ ᠪᠠᠷᠳᠠᠮ ᠭᠢᠯᠢᠩ ᠪᠠᠶᠢᠯᠠ | ᠪᠥᠭᠦᠳᠡ ᠭᠥᠭᠡ ᠮᠤᠩᠭᠤᠯ ᠤᠨ ᠡᠷᠡ ᠲᠠᠩᠬᠠᠢ ᠪᠠᠭᠠᠳᠤᠷ ᠪᠠᠶᠢᠯᠠ | ᠥᠭᠦᠯᠡᠪᠡᠰᠥ ᠥᠭᠦᠯᠡᠳᠥᠭᠡᠢ︕ | ᠥᠯᠡᠪᠡᠰᠥ ᠥᠯᠡᠳᠥᠭᠡᠢ︕ | ᠥᠭᠰᠥᠵᠥ ᠤᠷᠤᠭᠤᠳᠠᠭᠰᠠᠨ ᠠᠯᠳᠠᠨ ᠤᠷᠤᠭ ᠤᠨ ᠲᠡᠤᠭᠡᠨᠡ | ᠥᠪᠡᠷ ᠤᠨ ᠵᠠᠢ ᠪᠠᠨ ᠡᠵᠡᠯᠡᠨ ᠥᠯᠡᠳᠡᠭᠰᠡᠨ | ᠥᠷᠯᠥᠭ ᠪᠤᠭᠤᠷᠤᠯ ᠲᠤᠮᠤᠭᠳᠤ ᠪᠠᠭᠠᠳᠤᠷ ᠲᠠᠭᠠᠨ | ︽ᠥᠴᠢᠯ ᠢ ᠥᠴᠢᠨ᠂ ᠴᠠᠴᠤᠯᠢ ᠶᠢ ᠴᠠᠴᠤᠪᠠ ᠡ︕︾ ᠪᠢ | ᠬᠠᠨ ᠲᠡᠭᠷᠢ | ᠬᠠᠪᠤᠳᠤ ᠬᠠᠰᠠᠷ ᠮᠢᠨᠢ ᠡ︕ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |