| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | | | | ᠪᠢ ᠵᠡᠭᠦᠳᠥᠯᠡᠵᠥ ᠪᠠᠶᠢᠭᠠ ᠠᠵᠢ᠄ | | | ᠭᠠᠵᠠᠷ ᠲᠠᠭᠠᠭᠠᠬᠤ ᠦᠭᠡᠢ ᠪᠠᠶᠠᠨ ᠴᠠᠳᠬᠤᠯᠠᠩ ᠪᠠᠶᠢᠬᠤ ᠶᠤᠮ | ᠭᠠᠷᠴᠤ ᠤᠷᠤᠬᠤ ᠳᠠᠭᠠᠨ ᠭᠥᠯ ᠰᠢᠷᠤᠶᠢᠳᠠᠬᠤ ᠦᠭᠡᠢ ᠶᠠᠪᠤᠬᠤ ᠶᠤᠮ | ᠪᠠᠶᠢᠰᠢᠩ ᠭᠡᠷ ᠢᠶᠠᠨ ᠠᠯᠮᠠᠰ ᠡᠷᠳᠡᠨᠢ ᠢᠶᠠᠷ ᠪᠤᠰᠬᠠᠭᠰᠠᠨ ᠪᠠᠶᠢᠬᠤ ᠶᠤᠮ | ᠪᠠᠶᠢᠨ ᠪᠠᠶᠢᠨ ᠠᠯᠳᠠ ᠪᠠᠷ ᠭᠤᠯᠭᠢᠭᠠᠳ ᠭᠡᠪᠳᠡᠵᠥ ᠪᠠᠶᠢᠬᠤ ᠶᠤᠮ | ᠭᠢᠮᠡᠯ ᠴᠡᠴᠡᠭ ᠤᠨ ᠥᠵᠡᠰᠭᠦᠯᠡᠩ ᠮᠡᠳᠤ | ᠭᠡᠳᠥᠢ ᠴᠦ ᠶᠤᠮ ︵ᠪᠤᠤ ᠮᠡᠳᠡ︶ ᠨᠢᠭᠡ ᠯᠡ ᠤᠯᠠᠨ ᠥᠭᠢᠳ ᠤᠳ | ᠭᠥᠭᠦ ᠲᠡᠯᠡᠩ ᠢᠶᠠᠨ ᠪᠤᠮᠪᠠᠯᠵᠠᠭᠤᠯᠤᠨ ᠶᠢᠰᠥᠨᠳᠡ ᠮᠤᠰᠭᠢᠷᠴᠤ | ᠭᠡᠩᠭᠡᠷᠭᠡ ᠴᠠᠩ ᠨᠥᠷᠵᠢᠭᠢᠨᠡᠭᠦᠯᠥᠨ ᠨᠠᠳᠠ ᠤᠷᠤᠭᠤ ᠲᠠᠭᠠᠷᠢᠨᠠᠮ | ᠬᠤᠭᠤᠷᠤᠨᠳᠤ ᠪᠠᠨ ᠲᠡᠮᠡᠴᠡᠯᠳᠤᠨ ᠤᠷᠠᠯᠴᠠᠵᠤ | ᠬᠤᠷᠤᠨ ᠥᠭᠡ ᠪᠠᠷ ᠨᠢᠭᠡ ᠶᠢ ᠪᠠᠨ ︽ᠪᠤᠤᠳᠠᠨ ᠠᠯᠠᠵᠤ︾ | ᠭᠢᠮᠥᠰᠥ ᠪᠠᠷ ᠨᠢᠭᠡ ᠶᠢ ᠪᠠᠨ ᠴᠢᠴᠢᠨ ᠤᠨᠠᠭᠠᠵᠤ | ᠬᠤᠷᠤᠭᠤ ᠪᠠᠷ ︽ᠨᠥᠭᠦᠭᠡᠳᠡᠭᠢ︾ ᠪᠠᠨ ᠪᠥᠯᠢᠨ ᠥᠳᠥᠭᠡᠵᠥ | ᠨᠠᠳᠠ ᠲᠠᠢ ᠨᠠᠭᠠᠯᠳᠤᠵᠤ ᠨᠠᠭᠠᠯᠢᠩᠬᠠᠶᠢᠳᠠᠬᠤ ᠭᠡᠮᠡᠨ | ᠨᠠᠭᠠᠳᠤᠮ ᠤᠨ ᠮᠤᠷᠢᠳ ᠰᠢᠭ᠋ ᠢᠷᠡᠵᠥ ᠶᠠᠪᠤᠨᠠ | ᠤᠷᠢᠨ ᠲᠠᠴᠢᠶᠠᠩᠭᠤᠢ ᠳᠤ ᠲᠡᠪᠴᠢᠶᠡᠷᠢ ᠠᠯᠳᠠᠨ | ᠤᠯᠠᠭᠠᠨ ᠨᠢᠴᠥᠭᠦᠨ ᠥᠭᠢᠳ ᠲᠤ ᠤᠬᠠᠭᠠᠨ ᠠᠯᠳᠠᠵᠤ | ᠤᠯᠠᠩᠭᠠᠰᠤᠭᠰᠠᠨ ᠪᠤᠬᠠ ᠰᠢᠭ᠋ ᠪᠢ ᠤᠪᠤᠯᠵᠠᠵᠤ ᠭᠡᠪᠳᠡᠨᠡᠮ | | | ᠪᠢ ᠵᠡᠭᠦᠳᠥᠯᠡᠵᠥ ᠪᠠᠶᠢᠭᠠ ᠠᠵᠢ᠄ ᠁ | | | ᠨᠢᠭᠡ ᠥᠭᠢᠨ ᠥᠷᠢᠰᠥᠯᠳᠥᠭᠴᠢ ᠪᠠᠨ ᠪᠥᠷᠢᠨ ᠢᠯᠠᠭᠠᠳ | ᠨᠢᠮᠭᠡᠨ ᠲᠤᠳᠤᠭᠤᠵᠢ ᠪᠠᠨ ᠰᠢᠪᠳᠤ ᠲᠠᠳᠠᠨ | ᠨᠢᠰᠥᠭᠡᠳ ᠤᠷᠤᠵᠤ ᠢᠷᠡᠯᠡ᠂ ᠥᠷᠥᠭᠡᠨ ᠳᠤ ᠮᠢᠨᠢ | ᠨᠢᠰᠥᠩᠭᠦ ᠶᠢᠨ ᠰᠢᠭᠡᠷ ᠰᠢᠭ ᠨᠠᠭᠠᠯᠳᠤᠭᠠᠳ ᠥᠭᠭᠦᠯᠡ | ᠴᠢᠪᠠᠭᠠ ᠰᠢᠭ᠋ ᠤᠷᠤᠭᠤᠯ ᠢᠶᠠᠷ ᠢᠶᠠᠨ ᠨᠠᠮᠠᠢᠢ | ᠵᠢᠮᠢᠰᠥᠨ ᠤ ᠰᠢᠭᠦᠰᠥ ᠰᠢᠭ ᠰᠢᠮᠡᠵᠥ | ᠨᠢᠭᠡ ᠭᠠᠷ ᠢᠶᠠᠨ ᠮᠥᠩᠭᠦ ᠲᠠᠢ ᠬᠠᠷᠮᠠᠨ ᠤᠷᠤᠭᠤ | ᠨᠥᠭᠦᠭᠡ ᠭᠠᠷ ᠢᠶᠠᠨ ︽ᠭᠠᠯ︾ ᠲᠠᠢ ᠰᠠᠯᠳᠠᠭᠠ ᠤᠷᠤᠭᠤ ᠰᠢᠷᠭᠤᠭᠤᠯᠵᠤ ᠤᠷᠭᠢᠯᠠ | ᠨᠢᠭᠡᠮᠥᠰᠥᠨ ᠪᠢ ᠤᠬᠠᠭᠠᠨ ᠠᠯᠳᠠᠵᠤ ᠤᠷᠭᠢᠪᠠ ᠁ | | | ᠪᠢ ᠵᠡᠭᠦᠳᠥᠯᠡᠵᠥ ᠪᠠᠶᠢᠭᠠ ᠠᠵᠢ᠄ | | | ᠡᠷᠳᠡᠨᠢ ᠶᠢᠨ ᠪᠠᠶᠢᠰᠢᠩ ᠡᠷᠢᠶᠡᠨ ᠥᠭᠢᠳ ᠶᠠᠭᠤ ᠴᠦ ᠠᠯᠠᠭᠠ | ᠡᠭᠡ ᠠᠴᠠ ᠲᠥᠷᠥᠮᠡ ᠱᠠᠯᠳᠠᠩ ᠪᠡᠶᠡ ᠠᠴᠠ ᠥᠭᠡᠷᠡ ᠥᠯᠡᠳᠡᠭᠰᠡᠨ ᠶᠠᠭᠤᠮᠠ ᠠᠯᠠᠭᠠ | ᠡᠭᠡᠷ ᠲᠠᠳᠠᠵᠤ ᠡᠴᠢᠭᠡ ᠲᠡᠭᠷᠢ ᠪᠠᠨ ᠲᠠᠭᠤᠳᠠᠬᠤ ᠠᠴᠠ ᠥᠭᠡᠷᠡ ᠬᠠᠷᠢᠭᠤ ᠠᠯᠠᠭᠠ | ᠡᠯᠡᠰᠥᠨ ᠲᠡᠭᠡᠷᠡ ᠲᠥᠷᠥᠭᠦᠯᠭᠡ ᠪᠠᠨ ᠬᠠᠷᠠᠨ ᠢᠨᠴᠠᠭᠯᠠᠨ ᠭᠡᠪᠳᠡᠵᠥ ᠪᠠᠶᠢᠨᠠ | ᠡ︕ ᠮᠥᠩᠭᠦᠨ ᠤ ᠱᠤᠯᠤᠮ ᠤᠳ | ᠡ︕ ᠥᠩᠭᠡᠨ ᠤ ᠰᠢᠨᠤᠭ ᠤᠳ | | | ᠤᠮ ᠮᠠᠨᠢ ᠪᠠᠳ ᠮᠢ ᠬᠤᠮ | ᠪᠢ ᠵᠡᠭᠦᠳᠥᠯᠡᠭᠰᠡᠨ ᠠᠵᠢ︕ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |