| ᠪᠢᠳᠠ — ᠬᠥᠮᠥᠨ ᠭᠡᠭᠴᠢ ᠢᠵᠢᠯᠢᠬᠡᠨ ᠬᠠᠷᠠ ᠲᠡᠷᠢᠭᠦᠲᠡᠨ᠂ ᠪᠣᠳᠣᠯᠭᠠ ᠰᠡᠳᠬᠢᠬᠦᠢ ᠪᠠᠷ ᠢᠶᠠᠨ ᠪᠡᠶᠡ ᠪᠠᠨ | ᠵᠠᠬᠢᠷᠴᠤ ᠪᠣᠰᠤᠭᠠ ᠶᠠᠪᠤᠳᠠᠭ᠂ ᠪᠣᠯᠪᠠᠰᠤᠨ ᠢ ᠪᠦᠲᠦᠭᠡᠳᠡᠭ ᠳᠡᠭᠡᠳᠦ ᠳᠡᠰ ᠤᠨ ︽ᠠᠮᠢᠲᠠᠨ︾ ᠡ᠃ ᠤᠳᠤᠮ | ᠤᠭᠰᠠᠭᠠ ᠶᠠᠰᠤ ᠴᠢᠰᠤ ᠢᠯᠭᠠᠯ ᠦᠭᠡᠢ ᠬᠥᠮᠥᠨ ᠭᠡᠳᠡᠭ ᠨᠢᠭᠡ ᠯᠡ ᠨᠡᠷᠡ ᠶᠢᠨ ᠡᠮᠦᠨᠡ ᠠᠴᠠ ᠬᠥᠮᠥᠨ | ᠬᠥᠮᠥᠨ ᠳᠡᠭᠡᠨ ᠬᠠᠶᠢᠷᠠᠲᠠᠢ ᠪᠠᠶᠢᠬᠤ ᠯᠡ ᠤᠴᠢᠷᠲᠠᠢ᠃ ᠴᠢᠨᠠᠭᠰᠢᠯᠠᠨ ᠬᠥᠮᠥᠨ ᠪᠢᠳᠠ ᠣᠷᠣᠰᠢᠨ ᠠᠮᠢᠳᠤᠷᠠᠵᠤ | ᠪᠠᠶᠢᠭᠠ ᠥᠷᠥ ᠶᠢᠨ ᠭᠠᠭᠴᠠ ᠤᠰᠤᠨ ᠴᠡᠩᠬᠡᠷ ᠪᠥᠮᠪᠥᠷᠴᠡᠭ ᠳᠡᠭᠡᠷᠡ ᠠᠮᠢ ᠨᠢᠭᠡᠲᠡᠢ ᠭᠡᠮᠡᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ | ᠠᠮᠢᠲᠠᠨ ᠭᠤᠣᠯᠲᠠᠨ ᠡᠪᠡᠰᠦ ᠨᠠᠪᠴᠢᠨ ᠳᠠᠭᠠᠨ ᠬᠦᠷᠲᠡᠯᠡ ᠡᠭᠡᠯᠢᠲᠡᠢ ᠪᠠᠶᠢᠬᠤ ᠤᠴᠢᠷᠲᠠᠢ ᠶᠤᠮ᠃ | ᠰᠡᠭᠦᠯ ᠤᠨ ᠡᠳᠦᠷ ᠤᠳ ᠲᠤ ᠦᠬᠠᠨ ᠳᠤ ᠭᠠᠷᠤᠭᠰᠠᠨ ᠬᠢᠵᠢᠭ ᠠᠴᠠ ᠪᠣᠯᠵᠤ ᠡᠳᠦᠷ ᠲᠤ ᠵᠠᠭᠤᠭᠠᠳ ᠬᠥᠮᠥᠨ | ᠠᠮᠢ ᠪᠠᠨ ᠠᠯᠳᠠᠵᠤ ᠪᠠᠶᠢᠨᠠ᠃ ᠡᠨᠡ ᠴᠢᠨᠢ ᠶᠠᠭᠤ ᠪᠣᠯᠣᠭᠠᠳ ᠪᠠᠶᠢᠨᠠ︕ ᠬᠥᠮᠥᠰ ᠡ︖ ᠬᠤᠷᠢᠨ ᠨᠢᠭᠡᠳᠦᠭᠡᠷ | ᠵᠠᠭᠤᠨ ᠤ ᠳᠣᠷᠣᠨᠠᠳᠠᠬᠢᠨ ᠤ ᠡᠩᠬᠡ ᠲᠠᠶᠢᠪᠤᠩ ︽ᠨᠠᠯᠠᠶᠢᠵᠤ︾᠂ ᠬᠥᠭᠵᠢᠯ ︽ᠪᠤᠴᠠᠯᠤᠭᠰᠠᠨ︾ ᠤᠯᠤᠰ ᠣᠷᠣᠨ ᠳᠤ | ᠮᠠᠨᠢ ᠲᠦᠭᠰᠢᠭᠦᠷᠢ ᠶᠢᠨ ᠲᠤᠤᠨᠢᠯ ᠳᠠᠭᠤᠷᠢᠰᠴᠤ᠂ ᠬᠥᠮᠥᠨ ᠤ ᠠᠯᠠᠭ ᠦᠷᠡ᠂ ᠬᠡᠦᠬᠡᠳ ᠤᠨ ᠡᠬᠡ ᠂ ᠠᠶᠢᠯ ᠤᠨ | ᠲᠤᠯᠭᠠᠭᠤᠷᠢ᠂ ᠡᠷᠦᠬᠡ ᠶᠢᠨ ᠡᠵᠡᠳ ᠢ ᠡᠳᠦᠷ ᠪᠣᠯᠭᠠᠨ ᠵᠠᠭᠤᠭᠠᠳ ᠢ ᠡᠪᠡᠳᠴᠢᠨ ᠬᠢᠵᠢᠭ ᠠᠪᠤᠭᠠᠳ ᠶᠠᠪᠤᠵᠤ | ᠪᠠᠶᠢᠨᠠ ᠰᠢᠦ᠃ ᠮᠡᠳᠡᠭᠡᠵᠢ ᠲᠡᠳᠡ ᠲᠠᠷᠢ ᠦᠨᠦᠷᠲᠦᠭᠰᠡᠨ ᠳᠠᠶᠢᠨ ᠤ ᠲᠠᠯᠠᠪᠠᠢ ᠳᠤ ᠬᠤᠷᠳᠤᠨ ᠫᠤᠤ ᠬᠥᠨᠥᠭᠡᠯᠲᠦ | ᠵᠡᠪᠰᠡᠭ ᠤᠨ ᠡᠮᠦᠨᠡ ᠡᠬᠡ ᠣᠷᠣᠨ᠂ ᠠᠷᠠᠳ ᠲᠦᠮᠡᠨ ᠤ ᠪᠠᠨ ᠬᠠᠯᠬᠠᠪᠴᠢ ᠪᠠᠮᠪᠠᠢ ᠪᠣᠯᠵᠤ᠂ ᠳᠠᠷᠬᠠᠨ | ᠬᠢᠯᠢ ᠶᠢᠨ ᠢᠶᠠᠨ ᠳᠡᠭᠡᠰᠦᠨ ᠳᠡᠭᠡᠷᠡ ᠳᠠᠶᠢᠰᠤᠨ ᠲᠠᠢ ᠲᠤᠯᠤᠯᠳᠤᠵᠤ ᠤᠨᠠᠭᠠ ᠦᠭᠡᠢ᠂ ᠲᠡᠳᠡ ᠤᠴᠢᠷ ᠢᠶᠠᠨ | ᠮᠡᠳᠡᠭᠰᠡᠨ ᠰᠠᠬᠢᠯᠭᠠ ᠶᠢ ᠵᠥᠷᠢᠴᠡᠵᠦ᠂ ᠤᠯᠤᠰ ᠤᠨ ᠬᠠᠤᠯᠢ ᠶᠢ ᠲᠡᠷᠰᠯᠡᠨ᠂ ᠡᠷᠡᠭᠦᠦ ᠶᠢᠨ ᠲᠠᠶᠢᠰᠠᠨ ᠳᠤ | ᠴᠠᠭᠠᠵᠠᠯᠠᠭᠤᠯᠵᠤ ᠴᠦ ᠦᠭᠡᠢ᠃ ᠬᠠᠷᠢᠨ ᠤᠯᠠᠭᠠᠨ ᠬᠤᠭᠤᠯᠠᠢ ᠳᠠᠭᠠᠨ ᠳᠡᠶᠢᠯᠳᠡᠭᠰᠡᠨ᠂ ᠤᠯᠤᠰ ᠲᠦᠮᠡᠨ ᠠᠴᠠ | ᠣᠨᠳᠣᠣ ᠤᠷᠰᠢᠭ ᠤᠨ ᠮᠠᠭᠤ ᠳᠤᠷᠠ ᠰᠣᠨᠢᠷᠬᠠᠯ ᠳᠠᠭᠠᠨ ᠠᠪᠲᠠᠵᠤ᠂ ᠢᠳᠡᠵᠦ ᠬᠡᠯᠡ ᠳᠠᠪᠠᠭᠤᠯᠬᠤ ᠪᠠᠶᠢᠲᠤᠭᠠᠢ᠂ | ᠬᠡᠯᠡᠵᠦ ᠴᠢᠬᠢ ᠳᠠᠪᠠᠭᠤᠯᠵᠤ ᠪᠣᠯᠣᠰᠢ ᠦᠭᠡᠢ ᠬᠡᠭᠡᠷᠡ ᠶᠢᠨ ᠬᠡᠴᠡᠭᠦᠦ ᠠᠮᠢᠲᠠᠳ ᠢ ᠢᠳᠡᠵᠦ᠂ ᠬᠢᠵᠢᠭ ᠡᠪᠡᠳᠴᠢᠨ ᠢ | ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠲᠡᠳᠡᠭᠡᠷ ︽ᠬᠥᠮᠥᠨ ᠠᠮᠢᠲᠠᠳ︾ ᠤᠨ ᠬᠠᠷᠠᠰᠠᠯᠲᠤ ᠦᠢᠯᠡ ᠶᠢᠨ ᠬᠢᠨᠢ ᠬᠠᠷᠠ ᠨᠢᠭᠦᠯ ᠳᠤ | ᠥᠷᠲᠥᠵᠤ᠂ ᠬᠠᠶᠢᠷᠠᠨ ᠠᠮᠢ ᠪᠠᠨ ᠥᠭᠴᠦ ᠪᠠᠶᠢᠨᠠ᠃ | ᠨᠡᠶᠢᠭᠡᠮ ᠵᠢᠷᠤᠮ ᠤᠨ ᠪᠣᠯᠪᠠᠰᠤᠨ ᠢ ᠪᠦᠲᠦᠭᠡᠭᠰᠡᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠮᠠᠨᠢ ᠳᠠᠯᠠᠨ ᠵᠢᠯ | ᠥᠭᠡᠳᠡᠯᠡᠨ ᠳᠠᠪᠰᠢᠵᠤ᠂ ᠠᠷᠪᠠᠨ ᠳᠥᠷᠪᠡᠨ ᠳ᠋ᠦᠩᠰᠢᠭᠤᠷ ᠠᠷᠠᠳ ᠲᠦᠮᠡᠨ ᠢᠶᠠᠨ ᠬᠤᠪᠴᠠᠰᠤᠨ ᠳᠤ ᠨᠢ᠂ | ᠬᠤᠭᠤᠯᠠᠨ ᠳᠤ ᠨᠢ ᠵᠥᠪ ᠪᠣᠯᠭᠠᠭᠰᠠᠨ ᠡ᠃ ᠲᠡᠷᠡ ᠮᠥᠷᠲᠡᠭᠡᠨ ᠲᠡᠭᠦᠨ ᠠᠴᠠ ᠳᠠᠪᠠᠭᠤᠯᠤᠭᠠᠳ᠂ ᠠᠮᠢᠳᠤᠷᠠᠯ ᠳᠠᠭᠠᠨ | ᠠᠶᠢᠯ ᠤᠨ ᠴᠢᠷᠠᠢ ᠬᠠᠷᠠᠬᠤ ᠦᠭᠡᠢ ᠴᠢᠨᠡᠭᠡᠯᠢᠭ ᠪᠣᠯᠭᠠᠶᠠ ᠭᠡᠵᠤ ᠠᠷᠭᠠ ᠪᠦᠬᠦᠨ ᠢ ᠰᠦᠪᠡᠭᠴᠢᠯᠡᠨ ᠠᠵᠢᠯᠯᠠᠵᠤ | ᠪᠠᠶᠢᠭᠠ ᠥᠨᠥᠳᠥᠷ ᠤᠨ ᠳᠤᠮᠳᠠᠳᠤ ᠣᠯᠣᠰ ᠤᠨ ᠠᠷᠠᠳ ᠲᠦᠮᠡᠨ ᠢ ᠬᠤᠨᠤᠭ ᠤᠨ ᠬᠤᠭᠤᠯᠠ ᠨᠢ ᠬᠤᠪᠣᠷᠳᠠᠵᠤ | ᠬᠤᠣᠷ ᠲᠠᠢ ᠠᠮᠢᠲᠠᠨ ᠢ ᠢᠳᠡᠯᠡ ᠭᠡᠬᠦ ᠳᠤ ᠬᠤᠷᠸᠠ ᠶᠢᠨ ᠬᠥᠮᠥᠨ ᠢᠲᠡᠭᠡᠬᠦ ᠦᠭᠡᠢ᠃ ᠲᠡᠭᠡᠭᠡᠳ ᠶᠠᠭᠤ ᠪᠣᠯᠪᠠ | ᠭᠡᠬᠦ ᠪᠠᠷ ᠬᠡᠭᠡᠷᠡ ᠶᠢᠨ ᠠᠮᠢᠲᠠᠨ ᠢ ᠬᠡᠳᠦᠨ ᠵᠣᠭᠤᠰ ᠪᠣᠯᠭᠠᠵᠤ ᠬᠠᠷᠮᠠᠨ ᠳᠠᠭᠠᠨ ᠬᠢᠶᠡ ᠭᠡᠰᠡᠨ ᠬᠡᠲᠦᠷᠬᠡᠢ | ᠤᠯᠠᠶᠢᠷᠠᠭᠰᠠᠨ ᠰᠢᠨᠤᠯ ᠪᠠ ᠢᠳᠡᠵᠦ ᠡᠳ᠋ᠯᠡᠵᠦ ᠪᠣᠯᠬᠤ ᠪᠣᠯᠬᠤ ᠦᠭᠡᠢ ᠪᠠᠨ ᠮᠡᠳᠡᠬᠦ ᠦᠭᠡᠢ᠂ ᠢᠴᠢᠵᠦ ᠠᠶᠤᠬᠤ ᠶᠢ | ᠮᠠᠷᠲᠠᠭᠰᠠᠨ᠂ ᠢᠲᠡᠭᠡᠯ ᠪᠢᠰᠢᠷᠡᠯ ᠠᠴᠠ ᠵᠠᠶᠢᠳᠠᠭᠰᠠᠨ ᠲᠡᠶᠢᠮᠦ ᠬᠦ᠋ ᠨᠢᠭᠡ ᠪᠦᠯᠦᠭ ᠬᠥᠮᠥᠰ ᠤᠨ ᠬᠠᠷᠠ ᠨᠢᠭᠦᠯᠲᠦ | ᠠᠵᠢᠯᠯᠠᠭᠠ ᠠᠴᠠ ᠪᠣᠯᠵᠤ᠂ ᠤᠯᠤᠰ ᠨᠡᠶᠢᠭᠡᠮ ᠳᠤ ᠲᠦᠭᠰᠢᠭᠦᠷᠢ ᠪᠣᠯᠵᠤ᠂ ᠠᠷᠠᠳ ᠢᠷᠭᠡᠳ ᠤᠨ ᠠᠮᠢ ᠳᠤ | ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠪᠢᠳᠠ ᠤᠯᠤᠰ ᠣᠷᠣᠨ ᠠᠷᠠᠳ ᠲᠦᠮᠡᠨ ᠤ ᠪᠠᠨ ᠡᠳ᠋ ᠤᠨ ᠵᠠᠰᠠᠭ ᠢ ᠬᠥᠭᠵᠢᠭᠦᠯᠵᠦ᠂ ᠤᠰᠤ ᠴᠠᠰᠤ ᠰᠢᠭ᠋ | ᠮᠥᠩᠭᠦ ᠵᠣᠭᠤᠰ ᠬᠡᠷᠡᠭᠯᠡᠲᠡᠯᠡ ᠪᠠᠶᠠᠵᠢᠭᠤᠯᠤᠯᠠ ᠭᠡᠳ ᠠᠮᠢᠳᠤ ᠪᠠᠶᠠᠨ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠠᠮᠢ ᠠᠬᠤᠢ ᠶᠢ ᠡᠪᠳᠡᠵᠦ | ᠂ ᠠᠮᠢᠲᠠᠨ ᠭᠤᠣᠯᠲᠠᠨ ᠢ ᠨᠢ ᠠᠯᠠᠵᠤ᠂ ᠠᠴᠢ ᠶᠢ ᠨᠢ ᠰᠠᠨᠠᠬᠤ ᠦᠭᠡᠢ᠂ ᠠᠮᠢ ᠪᠠᠨ ᠯᠡ ᠪᠣᠷᠳᠣᠳᠠᠭ ︽ᠠᠮᠢᠲᠠᠨ︾ | ᠠᠷᠪᠢᠵᠢᠭᠤᠯᠵᠤ ᠪᠠᠶᠢᠪᠠᠯ᠂ ᠥᠨᠥᠳᠥᠷ ᠤᠨ ᠰᠢᠭ᠋ ᠦᠬᠦᠯ ᠭᠡᠳᠡᠭ ᠶᠠᠭᠤᠮᠠ ᠡᠳᠦᠷ ᠤᠨ ᠲᠤᠭᠠ ᠪᠠᠷ ᠡᠭᠦᠳᠡ ᠶᠢ ᠨᠢ | ᠲᠣᠭᠰᠢᠵᠤ ᠪᠠᠶᠢᠬᠤ ᠪᠣᠯᠣᠨᠠ᠃ ᠲᠡᠶᠢᠮᠦ ᠶᠢᠨ ᠤᠴᠢᠷ᠂ ᠪᠢᠳᠠ ᠣᠶᠣᠨ ᠰᠠᠨᠠᠭᠠᠨ ᠤ ᠲᠠᠯᠠ ᠪᠠᠷ ᠬᠥᠮᠥᠨ ᠤ | ᠲᠥᠯᠥᠭᠡ ᠬᠥᠮᠥᠨ ᠪᠠᠶᠢᠬᠤ ᠂ ᠠᠮᠢ᠂ ᠠᠮᠢᠲᠠᠨ ᠤ ᠲᠥᠯᠥᠭᠡ ︽ᠬᠥᠮᠦᠯᠢᠭ︾ ᠪᠠᠶᠢᠬᠤ ᠶᠢᠨ ᠤᠬᠠᠭᠠᠨ ᠢᠶᠠᠨ ︽ | ᠪᠠᠶᠠᠵᠢᠭᠤᠯᠵᠤ︾᠂ ᠥᠪᠡᠷ ᠤᠨ ᠢᠶᠠᠨ ᠪᠦᠬᠦ ᠦᠢᠯᠡ ᠠᠵᠢᠯᠯᠠᠭᠠ ᠳᠠᠭᠠᠨ ᠬᠢᠨᠠᠯᠲᠠ ᠲᠠᠯᠪᠢᠨ ᠲᠤᠩᠭᠠᠵᠤ᠂ | ᠬᠤᠣᠷ ᠤᠨ ᠦᠨᠳᠦᠰᠦ ᠪᠣᠯᠣᠭᠰᠠᠨ ︽ᠮᠥᠩᠭᠦᠨ ᠤ ᠰᠢᠨᠤᠯ︾ ᠳᠠᠭᠠᠨ ︽ᠬᠠᠵᠠᠭᠠᠷ ᠴᠢᠳᠦᠷ︾ ᠳᠠᠭᠠᠷᠠᠭᠤᠯᠵᠤ᠂ | ᠡᠬᠡ ᠪᠣᠯᠣᠭᠰᠠᠨ ᠡᠷᠳᠡᠨᠢᠲᠦ ᠪᠠᠶᠠᠨ ᠪᠠᠶᠢᠭᠠᠯᠢ ᠳᠠᠭᠠᠨ᠂ ᠡᠵᠡᠨ ᠤ ᠶᠣᠰᠣᠭᠠᠷ ᠵᠡᠷᠭᠡᠴᠡᠨ ᠣᠷᠣᠰᠢᠬᠤ ᠠᠮᠢᠲᠠᠨ | ᠭᠤᠣᠯᠲᠠᠨ᠂ ᠡᠪᠡᠰᠦ ᠤᠷᠭᠤᠮᠠᠯ ᠪᠦᠬᠦᠨ ᠢᠶᠠᠨ ᠬᠢᠮᠠᠭᠠᠳᠠᠨ ᠬᠠᠶᠢᠷᠠᠯᠠᠵᠤ᠂ ᠰᠠᠩᠬᠦᠦ ᠶᠢᠨ ᠠᠷᠪᠢᠨ ᠪᠠᠶᠠᠯᠢᠭ ᠪᠠ | ᠰᠠᠨᠠᠭᠠ ᠰᠡᠳᠬᠢᠯ ᠤᠨ ᠠᠷᠢᠭᠤᠨ ᠰᠠᠩ ᠢᠶᠠᠨ ᠴᠠᠭ ᠦᠷᠭᠦᠯᠵᠢ ᠴᠡᠨᠡᠭᠯᠡᠨ ︽ᠴᠢᠨᠡᠭᠡᠯᠢᠭᠵᠢᠭᠦᠯᠵᠦ︾᠂ ᠬᠥᠮᠥᠨ ᠤ | ᠮᠥᠨ ᠴᠢᠨᠠᠷ ᠢ ᠬᠠᠷᠠᠭᠤᠯᠬᠤ ᠬᠠᠶᠢᠷᠠ ᠲᠠᠢ ᠨᠠᠶᠢᠷ ᠲᠠᠢ ᠠᠮᠢᠳᠤᠷᠠᠵᠤ ᠶᠠᠪᠤᠵᠠᠭᠠᠶᠠ᠃ | ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠣᠩᠭᠤᠯ ᠷᠠᠳᠢᠣ᠋ ᠰᠦᠯᠵᠢᠶᠡ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |