| | ᠮᠠᠩᠬᠠᠨ ᠨᠤᠳᠤᠭ ᠡᠯᠡᠰᠤᠨ ᠲᠠᠯᠠᠢ ᠬᠡᠵᠤ ᠬᠥᠷᠢᠶᠡᠳᠥ ᠶᠤᠮ | ᠮᠠᠩᠨᠤᠭ ᠲᠤᠷᠭᠠᠨ ᠲᠡᠯᠡᠬᠡᠢ ᠶᠢᠨ ᠵᠤᠯᠠᠢ ᠬᠡᠵᠤ ᠬᠥᠷᠢᠶᠡᠳᠥ ᠶᠤᠮ | ᠮᠠᠯ ᠤᠨ ᠮᠥᠷ᠂ ᠪᠤᠳᠤᠭᠤᠨ ᠪᠤᠶᠢᠯᠠᠭᠠ ᠴᠤ ᠲᠠᠨᠳᠡ ᠪᠠᠶᠢᠳᠠᠭ ᠶᠤᠮ | ᠮᠠᠯᠴᠢᠨ ᠮᠤᠩᠭᠤᠯ ᠤᠨ ᠮᠢᠨᠢ ᠲᠤᠯᠭᠠ ᠶᠢᠨ ᠭᠠᠯ ᠴᠤ ᠲᠠᠨᠳᠠ ᠲᠥᠷᠡᠯᠵᠡᠳᠡᠭ ᠶᠤᠮ | ᠲᠥᠷᠪᠡᠨ ᠴᠠᠭ ᠤᠨ ᠮᠤᠩᠭᠤᠯ ᠤᠨ ᠨᠡᠬᠦᠳᠡᠯ ᠲᠡᠨᠳᠡ ᠪᠠᠶᠢᠳᠠᠭ ᠶᠤᠮ | ᠲᠥᠷᠥᠬᠡ ᠵᠢᠬᠢᠭᠰᠡᠨ ᠮᠤᠩᠭᠤᠯ ᠤᠨ ᠬᠥᠪᠡᠬᠦᠳ ᠲᠡᠨᠳᠡ ᠠᠴᠠ ᠠᠯᠬᠤᠭᠰᠠᠨ ᠶᠤᠮ | ᠲᠡᠮᠡᠭᠡ ᠲᠠᠢ ᠭᠤᠪᠢ ᠬᠡᠵᠤ ᠤᠤᠯ ᠠᠴᠠ ᠠᠯᠳᠠᠷᠰᠢᠭᠰᠠᠨ ᠨᠤᠳᠤᠭ ᠶᠤᠮ | ᠲᠡᠭᠷᠢᠯᠢᠭ ᠲᠡᠬᠡᠳᠥᠰ ᠤᠨ ᠮᠢᠨᠢ ᠬᠠᠯᠠᠭᠤᠨ ᠰᠢᠷᠤᠢ ᠲᠡᠨᠳᠡ ᠠᠮᠢᠰᠬᠤᠳᠠᠭ ᠶᠤᠮ | ᠵᠠᠬᠠ ᠥᠬᠡᠢ ᠵᠢᠷᠠᠨ ᠬᠡᠵᠤ ᠬᠥᠷᠢᠶᠡᠳᠥ ᠠᠴᠠ ᠴᠠᠭᠠᠰᠢ ᠨᠢ ᠪᠠᠶᠢᠳᠠᠭ ᠶᠤᠮ | ᠵᠠᠭ ᠤᠨ ᠬᠥᠬᠡ ᠰᠢᠭᠤᠢ ᠴᠤ ᠲᠡᠨᠳᠡ ᠮᠠᠨᠠᠯᠵᠠᠳᠠᠭ ᠶᠤᠮ ᠬᠠᠮᠢᠭᠠ ᠠᠴᠠ ᠬᠠᠷᠠᠭᠰᠠᠨ ᠴᠤ | ᠬᠠᠷᠠᠭᠠ ᠠᠯᠳᠠᠮᠠ ᠨᠤᠳᠤᠭ ᠶᠤᠮ | ᠬᠠᠮᠢᠭᠠ ᠶᠠᠪᠤᠭᠰᠠᠨ ᠴᠤ | ᠬᠠᠶᠢᠷᠠ ᠶᠢ ᠪᠤᠯᠢᠶᠠᠮᠠᠷ ᠤᠷᠤᠨ ᠶᠤᠮ | ᠪᠠᠭᠠ ᠨᠠᠰᠤ᠂ ᠪᠤᠳᠤᠭᠤᠨ ᠲᠠᠭᠤᠨ ᠮᠢᠨᠢ ᠲᠡᠨᠳᠡ ᠰᠢᠩᠬᠡᠭᠰᠡᠨ ᠶᠤᠮ | ᠪᠠᠯᠴᠢᠷ ᠤᠢ ᠪᠢᠯᠢᠭ ᠤᠨ ᠵᠤᠯᠠ ᠮᠢᠨᠢ ᠲᠡᠨᠳᠡ ᠠᠴᠠ ᠬᠡᠷᠡᠯᠳᠥᠭᠰᠡᠨ ᠶᠤᠮ | ᠬᠥᠰᠡᠯ ᠢᠳᠡᠬᠡᠯ ᠤᠨ ᠮᠢᠨᠢ ᠠᠯᠳᠠᠨ ᠬᠠᠷᠭᠤᠢ ᠲᠡᠨᠳᠡ ᠠᠴᠠ ᠲᠠᠪᠢᠰᠥᠭᠳᠡᠭᠰᠡᠨ ᠶᠤᠮ | ᠬᠥᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠮᠤᠷᠤᠢ ᠵᠥᠷᠢᠭ ᠴᠤ ᠲᠡᠨᠳᠡ ᠠᠴᠠ ᠡᠬᠢᠯᠡᠭᠰᠡᠨ ᠶᠤᠮ ᠁ | ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠬᠤᠷᠮᠤᠢ ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠬᠥᠷᠢᠶᠡᠳᠥ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ | ᠪᠠᠳᠠᠭ ᠰᠢᠯᠥᠭ ᠢᠶᠠᠷ ᠤᠶᠠᠩᠭᠠᠯᠠᠵᠤ ᠪᠢᠴᠢᠬᠦᠶᠡ ᠰᠡᠳᠬᠢᠯ ᠨᠢᠬᠡ ᠰᠡᠷᠬᠦᠬᠦᠢ | ᠡᠬᠡ ᠨᠤᠳᠤᠭ ᠤᠨ ᠮᠢᠨᠢ ᠡᠷᠳᠡᠨᠢᠳᠥ ᠰᠢᠷᠤᠢ ᠬᠥᠷᠢᠶᠡᠳᠥ ᠶᠤᠮ | ᠡᠯᠢᠬᠡᠨ ᠬᠠᠶᠢᠷᠠ ᠬᠥᠷᠡᠩ ᠵᠢᠷᠥᠬᠡ ᠮᠢᠨᠢ ᠲᠡᠰᠢ ᠪᠠᠨ ᠤᠪᠤᠯᠵᠠᠬᠤ ᠶᠤᠮ | ᠬᠥᠷᠢᠶᠡᠳᠥ ᠬᠡᠵᠤ ᠬᠥᠬᠡ ᠮᠤᠩᠭᠤᠯ ᠤᠨ ᠤᠩᠭᠤᠨ ᠲᠠᠷᠬᠠᠨ ᠪᠠᠶᠢᠭᠠᠯᠢ ᠶᠤᠮ | ᠬᠥᠷᠢᠶᠡᠳᠥ ᠬᠡᠵᠤ ᠬᠥᠳᠡᠭᠡ ᠨᠤᠳᠤᠭ ᠤᠨ ᠮᠠᠯᠴᠢᠨ ᠠᠷᠠᠳ ᠤᠨ ᠮᠢᠨᠢ | ᠬᠡᠶᠢᠮᠤᠷᠢ ᠶᠢᠨ ᠰᠢᠳᠥᠬᠡᠨᠳᠥ ᠤᠷᠤᠨ ᠶᠤᠮ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |