| ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠲᠠᠬᠢᠯᠭᠠ ᠳᠤ ᠠᠶᠢᠯ ᠡᠷᠦᠬᠡ ᠶᠢᠨ ᠲᠠᠬᠢᠯᠭᠠ᠂ ᠠᠯᠪᠠᠨ ᠲᠠᠬᠢᠯᠭᠠ᠂ ᠰᠦᠮᠡ | ᠭᠡᠶᠢᠳ ᠤᠨ ᠲᠠᠬᠢᠯᠭᠠ ᠭᠡᠬᠦ ᠭᠤᠷᠪᠠᠨ ᠵᠦᠢᠯ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠠᠶᠢᠯ ᠡᠷᠦᠬᠡ ᠶᠢᠨ ᠭᠠᠯ ᠲᠠᠬᠢᠯᠭᠠ | ᠠᠶᠢᠯ ᠡᠷᠦᠬᠡ ᠶᠢᠨ ᠲᠠᠬᠢᠯᠭᠠ ᠨᠢ ᠲᠤᠳᠤᠷᠠ ᠪᠠᠨ ᠲᠠᠶᠢᠵᠢ ᠨᠠᠷ ᠤᠨ ᠲᠠᠬᠢᠯᠭᠠ᠂ ᠬᠠᠷᠠᠴᠤ ᠠᠶᠢᠯ ᠤᠨ ᠲᠠᠬᠢᠯᠭᠠ | ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠬᠳᠠᠳᠠᠭ᠃ ᠲᠠᠶᠢᠵᠢ ᠶᠢᠨ ᠭᠠᠯ ᠲᠠᠬᠢᠯᠭᠠ ᠭᠡᠪᠡᠯ᠂ ᠴᠢᠩᠬᠢᠰ ᠤᠨ ᠠᠯᠳᠠᠨ ᠤᠷᠤᠭ ᠤᠨ | ᠤᠳᠤᠮ ᠪᠤᠷᠵᠢᠬᠢᠨ ᠤᠪᠤᠭ ᠤᠨ ᠠᠶᠢᠯ ᠤᠳ ᠤᠨ ᠭᠠᠯ ᠲᠠᠬᠢᠯᠭᠠ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠠᠴᠠ ᠪᠤᠢ | ᠪᠤᠯᠤᠬᠰᠠᠨ ᠤᠯᠠᠨ ᠴᠢᠭᠤᠯᠭᠠᠨ ᠬᠤᠰᠢᠭᠤᠳ ᠤᠨ ᠸᠠᠩ ᠬᠦᠩ ᠤᠨ ᠠᠶᠢᠯ ᠭᠡᠷ ᠤᠨ ᠭᠠᠯ ᠤᠨ ᠲᠠᠬᠢᠯᠭᠠ ᠨᠢ ᠴᠤ | ᠡᠭᠦᠨ ᠳᠤ ᠪᠠᠭᠳᠠᠨᠠ᠃ ᠬᠤᠰᠢᠭᠤᠨ ᠸᠠᠩ ᠨᠠᠷ ᠤᠨ ᠭᠠᠯ ᠲᠠᠬᠢᠯᠭᠠ ᠨᠢ ᠠᠯᠪᠠᠨ ᠲᠠᠬᠢᠯᠭᠠ ᠪᠢᠰᠢ ᠶᠤᠮ᠃ | ᠬᠤᠶᠠᠷ᠂ ᠠᠯᠪᠠᠨ ᠤ ᠭᠠᠯ ᠲᠠᠬᠢᠯᠭᠠ | ᠭᠠᠯ ᠲᠠᠬᠢᠬᠤ ᠪᠦᠬᠦ᠋ᠢᠯᠡ ᠦᠢᠯᠡ ᠶᠢ ᠲᠦᠷᠦ ᠠᠴᠠ ᠪᠡᠯᠡᠳᠭᠡᠵᠦ ᠲᠠᠬᠢᠳᠠᠭ ᠲᠠᠬᠢᠯᠭᠠ᠃ ᠡᠭᠦᠨ ᠢ ᠪᠠᠰᠠ ᠲᠦᠷᠦ | ᠶᠢᠨ ᠭᠠᠯ ᠲᠠᠬᠢᠯᠭᠠ ᠭᠡᠳᠡᠭ᠃ ᠡᠶᠢᠮᠦ ᠲᠠᠬᠢᠯᠭᠠ ᠳᠤ ᠮᠤᠩᠭᠤᠯ ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠦᠶᠡ ᠳᠤ ᠲᠤᠭᠳᠠᠭᠠᠵᠤ | ᠬᠡᠳᠦᠨ ᠵᠠᠭᠤᠨ ᠤᠨ ᠢᠶᠠᠷ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠴᠢᠩᠬᠢᠰ ᠤᠨ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤᠨ ᠤ ᠭᠤᠯᠤᠮᠳᠠ ᠶᠢᠨ | ᠲᠠᠬᠢᠯᠭᠠ᠂ ᠪᠦᠬᠡ ᠪᠡᠯᠭᠦᠳᠡᠢ᠂ ᠬᠠᠪᠤᠳᠤ ᠬᠠᠰᠠᠷ᠂ ᠦᠭᠡᠳᠡᠢ᠂ ᠲᠤᠯᠤᠢ᠂ ᠡᠰᠢ ᠬᠠᠳᠤᠨ ᠤ ᠭᠤᠯᠤᠮᠳᠠ ᠶᠢᠨ | ᠲᠠᠬᠢᠯᠭᠠ ᠵᠡᠷᠭᠡ ᠪᠠᠭᠳᠠᠨᠠ᠃ | ᠠᠯᠪᠠᠨ ᠲᠠᠬᠢᠯᠭᠠ ᠨᠢ ᠠᠶᠢᠯ ᠬᠡᠷ ᠤᠨ ᠲᠠᠬᠢᠯᠭᠠ ᠠᠴᠠ ᠢᠯᠭᠠᠭᠳᠠᠬᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ | ᠲᠠᠬᠢᠯᠭᠠ ᠲᠠᠪᠢᠭ ᠤᠨ ᠶᠤᠰᠤ ᠶᠢ ᠮᠤᠩᠭᠤᠯ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠤᠬᠳᠠᠭᠠᠵᠤ᠂ ᠲᠠᠬᠢᠯᠭᠠ ᠳᠤ ᠤᠩᠰᠢᠬᠤ | ᠦᠴᠢᠭ ᠢᠷᠦᠭᠡᠯ ᠨᠢ ᠴᠤ ᠲᠤᠰ ᠲᠤᠰ ᠲᠤᠨᠢ ᠪᠢᠴᠢᠭᠰᠡᠨ ︽ᠠᠯᠳᠠᠨ ᠤᠷᠳᠤᠨ ᠤ ᠭᠤᠯᠤᠮᠳᠠ ᠶᠢᠨ ᠦᠴᠢᠭ︾᠂ | ︽ᠡᠰᠢ ᠬᠠᠳᠤᠨ ᠤ ᠭᠤᠯᠤᠮᠳᠠ ᠶᠢᠨ ᠦᠴᠢᠭ︾᠂ ︽ᠪᠦᠬᠡ ᠪᠡᠯᠭᠦᠳᠡᠢ ᠶᠢᠨ ᠭᠤᠯᠤᠮᠳᠠ ᠶᠢᠨ ᠦᠴᠢᠭ︾ ᠭᠡᠬᠦ | ᠮᠡᠳᠦ ᠰᠤᠳᠤᠷ ᠪᠢᠴᠢᠭ ᠲᠠᠢ ᠪᠦᠭᠡᠳ ︽ᠭᠤᠯᠤᠮᠳᠠ ᠲᠦᠭᠡᠨᠡᠭᠦ ᠲᠠᠷᠤᠮᠵᠢ ︵ᠲᠡᠰ ᠲᠠᠷᠠᠭᠠ︶︾ ᠭᠡᠬᠦ ᠰᠤᠳᠤᠷ | ᠲᠠᠢ᠂ ᠪᠠᠰᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠷᠠ ᠠᠴᠠ ᠲᠡᠰᠭᠡᠨ ᠴᠤᠭᠯᠠᠭᠤᠯᠤᠬᠰᠠᠨ ᠲᠠᠬᠢᠯᠭᠠ ᠲᠠᠪᠢᠭ ᠦᠢᠯᠡᠳᠦᠭᠴᠢ | ᠲᠤᠰᠬᠠᠢ ᠠᠯᠪᠠᠳᠤ ᠬᠦᠮᠦᠰ ᠲᠠᠢ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠰᠦᠮᠡ ᠭᠡᠶᠢᠳ ᠤᠨ ᠭᠠᠯ ᠲᠠᠬᠢᠯᠭᠠ | ᠯᠠᠮᠠ ᠨᠠᠷ ᠲᠤᠭᠠᠩ ᠷᠠᠰᠠᠩ ᠳᠠᠭᠠᠨ ᠬᠤᠷᠠᠯ ᠬᠤᠷᠠᠵᠤ ᠲᠠᠬᠢᠳᠠᠭ ᠭᠠᠯ ᠤᠨ ᠲᠠᠬᠢᠯᠭᠠ᠃ ᠲᠦᠪᠡᠳ ᠤᠨ ᠰᠦᠮᠡ | ᠭᠡᠶᠢᠳ ᠲᠤ ᠭᠠᠯ ᠲᠠᠬᠢᠳᠠᠭ ᠵᠠᠩᠰᠢᠯ ᠦᠭᠡᠢ᠂ ᠬᠠᠷᠢᠨ ᠮᠤᠩᠭᠤᠯ ᠰᠦᠮᠡ ᠭᠡᠶᠢᠳ ᠲᠤ ᠯᠠ ᠭᠠᠯ ᠲᠠᠬᠢᠳᠠᠭ᠃ | ᠯᠤᠪᠰᠠᠩᠴᠦ᠋ᠯᠳᠤᠮ ᠤᠨ ︽ᠴᠠᠭᠠᠨ ᠠᠭᠤᠯᠠ ᠰᠦᠮᠡ ᠬᠢᠭᠡᠳ ᠲᠡᠭᠦᠨ ᠤ ᠬᠤᠷᠠᠯ ᠨᠤᠮ ᠤᠨ ᠲᠦᠷᠢᠮ︾ ᠳᠤ᠄ ︽ | ᠰᠠᠷᠠ ᠰᠠᠷᠠ ᠬᠤᠶᠠᠷ ᠦᠶᠡ ᠰᠠᠬᠢᠭᠤᠯᠰᠤᠨᠠ ᠪᠠᠯᠢᠩ ᠡᠷᠬᠦᠬᠦ ᠬᠤᠷᠠᠯ᠂ ᠤᠪᠤᠭᠠ ᠲᠠᠬᠢᠬᠤ ᠬᠤᠷᠠᠯ᠂ ᠡᠪᠦᠯ ᠤᠨ | ᠶᠡᠭᠡ ᠪᠠᠯᠢᠩ ᠬᠢᠬᠦ ᠬᠤᠷᠠᠯ᠂ ᠭᠠᠯ ᠲᠠᠬᠢᠬᠤ ᠬᠤᠷᠠᠯ︾ ᠭᠡᠵᠦ ᠪᠢᠴᠢᠭᠰᠡᠨ ᠢᠶᠠᠷ ᠦᠵᠡᠬᠦ ᠳᠤ ᠴᠤ ᠰᠦᠮᠡ ᠭᠡᠶᠢᠳ | ᠨᠢ ᠭᠠᠯ ᠲᠠᠬᠢᠯᠭᠠᠨ ᠤ ᠬᠤᠷᠠᠯ ᠲᠠᠢ ᠪᠠᠶᠢᠭᠰᠠᠨ ᠨᠢ ᠢᠯᠡᠷᠭᠡᠢ ᠶᠤᠮ᠃ ᠮᠤᠩᠭᠤᠯ ᠯᠠᠮᠠ ᠤᠯᠠᠨ ᠪᠠᠶᠢᠭᠰᠠᠨ | ᠪᠡᠭᠡᠵᠢᠩ ᠤᠨ ᠨᠠᠶᠢᠷᠠᠯᠳᠤ ᠨᠠᠶᠢᠷᠠᠮᠳᠠᠬᠤ ᠬᠡᠶᠢᠳ ︵ᠶᠦᠩ ᠾᠧ ᠭᠦᠩ︶ ᠲᠤ ᠪᠠᠰᠠ ᠭᠠᠯ ᠲᠠᠬᠢᠳᠠᠭ᠃ | ᠰᠦᠮᠡ ᠭᠡᠶᠢᠳ ᠨᠢ ᠤᠷᠤᠰᠢᠵᠤ ᠪᠦᠬᠦᠢ ᠭᠠᠵᠠᠷ ᠨᠤᠳᠤᠭ ᠤᠨ ᠢᠶᠠᠨ ᠵᠠᠩᠰᠢᠯ ᠢᠶᠠᠷ ᠬᠤᠷᠢᠨ ᠭᠤᠷᠪᠠᠨ᠂ ᠬᠤᠷᠢᠨ | ᠲᠦᠷᠪᠡᠨ ᠤ ᠠᠯᠢ ᠨᠢᠭᠡᠨ ᠳᠤᠨᠢ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃ ᠵᠠᠷᠢᠮ ᠭᠡᠶᠢᠳ ᠨᠢ ᠭᠠᠯ ᠢᠶᠠᠨ ᠲᠡᠮᠡᠭᠡ᠂ ᠢᠮᠠᠭᠠᠨ ᠤ | ᠡᠪᠴᠢᠭᠦᠦ ᠪᠠᠷ ᠲᠠᠬᠢᠳᠠᠭ᠂ ᠤᠷᠠᠳ ᠤᠨ ᠮᠡᠷᠭᠡᠨ ᠭᠡᠭᠡᠨ ᠤ ᠰᠦᠮᠡ ᠨᠢ ᠦᠭᠡᠷ ᠤᠨ ᠡᠪᠴᠢᠭᠦᠦ ᠪᠠᠷ ᠲᠠᠬᠢᠳᠠᠭ᠃ | ᠨᠠᠶᠢᠷᠠᠯᠳᠤ ᠨᠠᠶᠢᠷᠠᠮᠳᠠᠬᠤ ᠬᠡᠶᠢᠳ ᠤᠨ ᠯᠠᠮᠠ ᠨᠠᠷ ᠮᠡᠳᠠᠩ ᠪᠠ ᠨᠠᠷᠢᠮᠤ ᠶᠢᠨ ᠡᠪᠡᠰᠦ ᠶᠢ ᠭᠠᠯ ᠳᠤ ᠡᠷᠬᠦᠨ ᠮᠦᠷᠬᠦᠵᠦ | ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |