| ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ — | ᠰᠠᠪᠬᠠ ᠲᠠᠯᠪᠤᠷ᠄ ᠰᠠᠪᠬᠠ ᠭᠡᠳᠡᠭ ᠨᠢ ᠠᠶᠠᠭᠠ ᠰᠠᠪᠠ ᠲᠤᠲᠤᠷᠠ ᠠᠴᠠ ᠶᠠᠭᠤᠮᠠ ᠴᠢᠮᠬᠢᠵᠦ ᠠᠪᠬᠤ ᠳᠤ ᠬᠡᠷᠡᠭᠯᠡᠬᠦ | ᠡᠳ᠋ᠯᠡᠮᠤᠰᠢ ᠪᠣᠯᠬᠤ ᠶᠤᠮ᠃ ᠡᠨᠡ ᠬᠦ ᠡᠳ᠋ᠯᠡᠮᠤᠰᠢ ᠶᠢ ᠳᠤᠷᠠ ᠶᠢᠨ ᠨᠢᠭᠡ ᠨᠠᠷᠢᠨ ᠮᠣᠳᠤ ᠪᠠᠷ ᠲᠦᠭᠡ ᠬᠢᠷᠢ ᠲᠠᠢ | ᠤᠷᠲᠤ ᠪᠠᠷ ᠬᠤᠶᠠᠷ ᠠᠩᠭᠢᠯᠠᠵᠤ ᠬᠢᠵᠦ ᠣᠷᠬᠢᠳᠠᠭ ᠪᠠ ᠨᠤᠭᠤᠭᠠ ᠴᠠᠭᠠ᠂ ᠱᠦᠯᠦ ᠲᠠᠢ ᠪᠤᠳᠠᠭᠠ ᠢᠳᠡᠬᠦ ᠳᠤ | ᠣᠯᠠᠨ ᠬᠡᠷᠡᠭᠯᠡᠳᠡᠭ᠃ ᠦᠩᠭᠡᠷᠡᠭᠰᠡᠨ ᠳᠤ ᠭᠠᠷ ᠲᠤ ᠬᠠᠷᠭᠤᠯᠳᠤᠭᠰᠠᠨ ᠮᠣᠳᠤ ᠪᠠᠷ ᠬᠢᠵᠦ ᠣᠷᠬᠢᠳᠠᠭ ᠪᠠᠶᠢᠭᠰᠠᠨ | ᠪᠣᠯᠪᠠᠯ ᠣᠳᠤ ᠬᠠᠷᠢᠨ ᠪᠠᠽᠠᠷ ᠰᠠᠪᠬᠠ ᠭᠠᠷᠴᠤ᠂ ᠲᠡᠮᠦᠷ᠂ ᠬᠤᠯᠤᠰᠤ᠂ ᠬᠤᠪᠠ᠂ ᠮᠣᠳᠤ ᠮᠡᠲᠦ ᠣᠯᠠᠨ ᠵᠦᠢᠯ ᠢᠶᠠᠷ | ᠬᠢᠭᠰᠡᠨ ᠡᠯᠳᠡᠪ ᠶᠠᠩᠵᠦ ᠶᠢᠨ ᠰᠠᠪᠬᠠ ᠣᠯᠠᠨ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ ᠡᠨᠡ ᠡᠳ᠋ᠯᠡᠯ ᠢ ᠵᠠᠷᠢᠮ ᠭᠠᠵᠠᠷ ᠤᠨ ᠬᠦᠮᠦᠰ ︽ | ᠰᠠᠪᠬᠠᠳ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ | ᠮᠠᠯᠴᠢᠨ ᠭᠠᠵᠠᠷ ᠤᠨ ᠤᠯᠤᠰ ᠪᠠᠲᠤ ᠪᠠᠬᠢ ᠶᠢ ᠨᠢ ᠪᠣᠳᠤᠯᠬᠢᠯᠠᠵᠤ ᠲᠠᠪᠢᠯᠬᠠᠢ ᠮᠣᠳᠤ ᠪᠠᠷ ᠰᠠᠪᠬᠠ ᠬᠢᠵᠤ ᠵᠠᠷᠤᠬᠤ | ᠨᠢ ᠣᠯᠠᠨ ᠪᠠᠶᠢᠳᠠᠭ᠃ ᠲᠠᠪᠢᠯᠬᠠᠢ ᠮᠣᠳᠤᠨ ᠨᠢ ᠬᠠᠲᠠᠭᠤ ᠪᠣᠯᠳᠠᠭ ᠲᠤᠯᠠ ᠮᠢᠯᠠᠭᠠ ᠶᠢᠨ ᠡᠰᠢ ᠴᠤ ᠬᠢᠳᠡᠭ ᠪᠠᠶᠢᠯᠠ᠃ | ᠲᠡᠪᠢᠯᠬᠠᠢ ᠪᠠᠷ ᠰᠠᠪᠬᠠ ᠬᠢᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠨᠢᠭᠡ ᠲᠦᠭᠡ ᠬᠢᠷᠢᠲᠡᠢ ᠨᠠᠷᠢᠨ ᠲᠠᠪᠢᠯᠬᠠᠢ ᠬᠡᠷᠴᠢᠵᠦ ᠠᠪᠤᠭᠠᠳ | ᠲᠡᠭᠦᠨ ᠤ ᠪᠠᠨ ᠭᠤᠷᠪᠠᠨ ᠤ ᠨᠢᠭᠡ ᠬᠡᠰᠡᠭ ᠤᠨ ᠲᠣᠷᠣᠰᠦ ᠶᠢ ᠬᠤᠰᠤᠵᠤ ᠬᠠᠶᠠᠳᠠᠭ ᠪᠠ ᠪᠠᠭᠠ ᠰᠠᠭᠠ ᠨᠠᠷᠢᠯᠠᠵᠤ | ᠵᠣᠷᠤᠳᠠᠭ᠃ ᠲᠡᠭᠡᠭᠡᠳ ᠲᠡᠷᠡ ᠬᠦ ᠵᠣᠷᠤᠵᠤ ᠵᠠᠰᠠᠭᠰᠠᠨ ᠨᠠᠷᠢᠨ ᠲᠠᠯᠠ ᠶᠢ ᠨᠢ ᠦᠵᠦᠭᠦᠷ ᠬᠢᠵᠤ᠂ ᠲᠤᠷᠤᠰᠤᠲᠠᠢ | ᠲᠠᠯᠠ ᠪᠠᠷ ᠨᠢ ᠪᠠᠷᠢᠭᠤᠯ ᠬᠢᠳᠡᠭ᠃ | ᠦᠩᠭᠡᠷᠡᠭᠰᠡᠨ ᠳᠤ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠤᠯᠤᠰ ︵ᠬᠦᠮᠦᠰ︶ ᠵᠠᠭᠠᠨ ᠤ ᠶᠠᠰᠤᠨ ᠰᠠᠪᠬᠠ ᠪᠤᠶᠤ ᠮᠦᠩᠭᠦ ᠪᠠᠷ | ᠴᠢᠮᠡᠭᠰᠡᠨ ᠲᠡᠮᠡᠭᠡᠨ ᠤ ᠶᠠᠰᠤᠨ ᠰᠠᠪᠬᠠ ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠡᠢ᠃ ᠵᠠᠭᠠᠨ ᠤ ᠶᠠᠰᠤᠨ ᠰᠠᠪᠬᠠ ᠬᠡᠷᠡᠭᠯᠡᠬᠦ ᠶᠢᠨ ᠤᠴᠢᠷ | ᠪᠣᠯᠪᠠᠯ ᠡᠶᠢᠮᠦ ᠰᠠᠪᠬᠠ ᠶᠢ ᠬᠤᠣᠷᠠ ᠲᠠᠢ ᠢᠳᠡᠭᠡᠨ ᠳᠤ ᠲᠦᠷᠦᠪᠡᠯ ᠬᠦᠬᠡᠷᠡᠵᠦ ᠮᠡᠳᠡᠭᠳᠡᠳᠡᠭ ᠶᠤᠮ ᠭᠡᠳᠡᠭ᠃ | ᠡᠶᠢᠮᠦ ᠠᠴᠠ ᠬᠢᠲᠤᠭᠠ ᠶᠢᠨ ᠭᠡᠷ ︵ᠬᠤᠢ︶ ᠲᠤ ᠵᠠᠭᠠᠨ ᠤ ᠰᠠᠪᠬᠠ ᠵᠡᠭᠦᠵᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠶᠡᠷᠦ ᠶᠢᠨ ᠦᠶᠡ ᠳᠤ ᠰᠠᠪᠬᠠ ᠪᠠᠷ ᠬᠦᠮᠦᠨ ᠵᠢᠭᠠᠬᠤ᠂ ᠠᠮᠠᠨ ᠳᠠᠭᠠᠨ ᠰᠠᠪᠬᠠ ᠵᠠᠭᠤᠵᠤ ᠰᠠᠭᠤᠬᠤ᠂ ᠰᠠᠪᠬᠠ ᠪᠠᠷ | ᠠᠶᠠᠭᠠ ᠰᠠᠪᠠ ᠴᠣᠬᠢᠬᠤ᠂ ᠰᠠᠪᠬᠠ ᠶᠢ ᠬᠤᠲᠤ ᠪᠤᠳᠠᠭᠠᠨ ᠲᠤᠲᠤᠷᠠ ᠭᠤᠵᠤᠶᠢᠯᠭᠠᠵᠤ ᠲᠠᠯᠪᠢᠬᠤ᠂ ᠠᠳᠡ ᠲᠡᠨᠳᠡ | ᠴᠦᠬᠡᠯᠳᠡᠬᠦ ︵ᠰᠢᠳᠡᠬᠦ︶ ᠮᠡᠲᠦ ᠦᠢᠯᠡ ᠶᠢ ᠴᠡᠭᠡᠷᠯᠡᠳᠡᠭ᠃ | ᠲᠠᠯᠪᠤᠷ ︵ᠬᠠᠯᠪᠠᠭᠠ︶ ᠨᠢ ᠬᠡᠯᠪᠡᠷᠢ ᠪᠠᠶᠢᠳᠠᠯ ᠤᠨ ᠲᠠᠯᠠ ᠪᠠᠷ ᠮᠠᠯ ᠤᠨ ᠲᠠᠯᠤ ᠲᠠᠢ ᠠᠳᠠᠯᠢ ᠳᠠᠯᠪᠠᠭᠠᠷ ᠪᠠᠶᠢᠳᠠᠭ | ᠲᠤᠨᠢ ᠲᠡᠶᠢᠭᠡᠵᠦ ᠨᠡᠷᠡᠯᠡᠭᠰᠡᠨ ᠰᠢᠭ ᠪᠣᠳᠤᠭᠳᠠᠳᠠᠭ᠃ ᠡᠭᠦᠨ ᠢ ︽ᠬᠠᠯᠪᠠᠭᠠ︾᠂ ︽ᠤᠬᠤᠭᠤᠷ︾᠂ ︽ᠬᠠᠰᠢᠭ︾ | ᠂ ︽ᠬᠠᠯᠪᠠᠭᠤᠷ︾ ᠭᠡᠬᠦ ᠮᠡᠲᠦ ᠪᠠᠷ ᠨᠤᠲᠤᠭ ᠨᠤᠲᠤᠭ ᠲᠤ ᠠᠳᠠᠯᠢ ᠦᠭᠡᠢ ᠨᠡᠷᠡᠯᠡᠳᠡᠭ᠃ ᠡᠨᠡ ᠨᠢ ᠬᠤᠲᠤ | ᠬᠤᠭᠤᠯᠠ ᠢᠳᠡᠬᠦ ᠳᠤ ᠪᠠ ᠡᠮ ᠲᠠᠩ᠂ ᠲᠠᠯᠬᠠ ᠰᠦᠭ ︵ᠠᠮᠤ︶ ᠮᠡᠲᠦ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠢ ᠬᠤᠳᠬᠤᠵᠤ | ᠠᠪᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠵᠦᠢᠯ ᠪᠣᠯᠬᠤ ᠶᠤᠮ᠃ ᠬᠢᠯᠭᠡᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠳᠤᠨᠢ ᠦᠨᠳᠦᠰᠦᠯᠡᠵᠦ ︽ᠮᠣᠳᠤᠨ ᠲᠠᠯᠪᠤᠷ | ︾᠂ ︽ᠲᠡᠮᠦᠷ ᠲᠠᠯᠪᠤᠷ︾᠂ ︽ᠵᠡᠰ ᠲᠠᠯᠪᠤᠷ︾᠂ ︽ᠮᠦᠩᠭᠦᠨ ᠲᠠᠯᠪᠤᠷ︾᠂ ︽ᠬᠤᠪᠠ ᠲᠠᠯᠪᠤᠷ︾ ᠭᠡᠬᠦ | ᠮᠡᠲᠦ ᠪᠠᠷ ᠣᠯᠠᠨ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ ᠪᠦᠭᠡᠳ ᠶᠡᠭᠡ ᠪᠠᠭᠠ ᠶᠢᠨ ᠬᠤᠪᠢ ᠳᠤ ᠬᠠᠷᠢᠴᠠᠩᠭᠤᠢ ᠪᠠᠷ ︽ᠪᠦᠳᠦᠭᠦᠨ | ᠲᠠᠯᠪᠤᠷ︾᠂ ︽ᠪᠢᠴᠢᠬᠠᠨ ᠲᠠᠯᠪᠤᠷ︾ ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠡᠶᠢᠮᠦ ᠡᠳ᠋ᠯᠡᠮᠤᠰᠢ ᠶᠢ ᠠᠶᠠᠭᠠ ᠲᠠᠪᠠᠭ | ᠳᠣᠲᠤᠷᠠ ᠠᠴᠠ ᠰᠢᠩᠭᠡᠨ ᠪᠡᠶᠡᠲᠦ ᠶᠠᠭᠤᠮᠠ ᠶᠢ ᠠᠪᠴᠦ ᠢᠳᠡᠵᠦ᠂ ᠴᠠᠢ ᠳᠤ ᠲᠣᠰᠤ ᠲᠠᠯᠪᠢᠬᠤ᠂ ᠡᠮ ᠲᠠᠩ | ᠤᠤᠭᠤᠬᠤ ᠳᠤ ᠪᠠ ᠰᠢᠨᠡ ᠠᠴᠠ ᠬᠤᠲᠤ ᠬᠤᠭᠤᠯᠠ ᠪᠠᠨ ᠪᠠᠷᠢᠵᠤ ᠢᠳᠡᠵᠦ ᠪᠠᠶᠢᠬᠤ ᠪᠠᠭᠠ ᠬᠦᠪᠡᠭᠦᠳ ᠬᠡᠷᠡᠭᠯᠡᠳᠡᠭ | ᠶᠤᠮ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |