| ᠭᠡᠳᠡᠰᠦ ᠪᠤᠶᠤ ᠨᠠᠷᠢᠨ ᠭᠡᠳᠡᠰᠦᠨ ᠤ ᠬᠡᠰᠡᠭ ᠲᠤ ᠪᠣᠯᠪᠠᠰᠤᠷᠠᠵᠤ ᠵᠠᠳᠠᠷᠠᠭᠰᠠᠨ ᠬᠤᠭᠤᠯᠠ ᠲᠡᠵᠢᠭᠡᠯ ᠤᠨ ᠪᠣᠳᠠᠰ ᠤᠨ ᠰᠢᠮᠡ | ᠰᠢᠭᠦᠰᠦ ᠰᠢᠮᠡᠭᠳᠡᠨ ᠴᠢᠰᠤᠨ ᠳᠤ ᠣᠷᠣᠬᠤ ᠪᠥᠭᠡᠳ ᠡᠨᠡ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠷᠭᠦᠯᠵᠢᠯᠡᠨᠡ ᠃ ᠡᠨᠡ ᠬᠡᠰᠡᠭ ᠲᠤ | ᠳᠡᠭᠡᠷᠡ ᠠᠴᠠ ᠪᠦᠷᠢᠨ ᠪᠣᠯᠪᠠᠰᠤᠷᠠᠭᠠ ᠦᠭᠡᠢ ᠣᠷᠣᠵᠤ ᠢᠷᠡᠭᠰᠡᠨ ᠬᠤᠭᠤᠯᠠ ᠲᠡᠵᠢᠭᠡᠯ ᠤᠨ ᠦᠯᠡᠳᠡᠭᠳᠡᠯ ᠨᠢ ᠴᠣᠴᠢᠷᠤᠭᠠᠬᠤ | ᠨᠥᠯᠥᠭᠡ ᠦᠵᠡᠭᠦᠯᠬᠦ ᠳᠤ ᠭᠡᠳᠡᠰᠦ ᠬᠦᠴᠦᠲᠡᠢ ᠮᠤᠰᠬᠢᠷᠠᠵᠤ ᠪᠠᠵᠠᠯᠠᠵᠤ ᠡᠪᠡᠳᠬᠦ ᠪᠤᠶᠤ ᠰᠢᠩᠭᠡᠨ ᠢᠶᠠᠷ ᠭᠦᠶᠦᠯᠭᠡᠳᠡᠭ ᠃ ᠡᠨᠡ | ᠪᠠᠶᠢᠳᠠᠯ ᠪᠠᠶᠢᠩᠭᠤ ᠳᠠᠪᠲᠠᠭᠳᠠᠭᠠᠳ ᠪᠠᠶᠢᠪᠠᠯ ᠭᠡᠳᠡᠰᠦᠨ ᠤ ᠥᠩᠭᠦᠷ ᠲᠣᠭᠲᠠᠬᠤ ᠪᠠᠨ ᠪᠣᠯᠢᠵᠤ ᠂ ᠠᠷᠬᠠᠭ ᠴᠢᠨᠠᠷᠲᠠᠢ ᠭᠡᠳᠡᠰᠦ | ᠭᠦᠶᠦᠯᠭᠡᠬᠦ ᠡᠪᠡᠳᠴᠢᠨ ᠪᠣᠯᠵᠤ ᠂ ᠲᠤᠷᠠᠵᠤ ᠡᠴᠡᠨ ᠂ ᠶᠠᠳᠠᠷᠠᠵᠤ ᠰᠤᠯᠢᠳᠠᠬᠤ ᠰᠢᠯᠲᠠᠭᠠᠨ ᠪᠣᠯᠣᠨᠠ | — ᠬᠤᠭᠤᠯᠠ ᠤᠮᠳᠠ ᠲᠣᠬᠢᠷᠠᠬᠤ ᠪᠠᠨ ᠪᠣᠯᠢᠬᠤ ᠨᠢ ᠶᠠᠭᠤ ᠲᠠᠢ ᠬᠤᠯᠪᠣᠭᠠᠲᠠᠢ ᠪᠤᠢ ︖ | — ᠪᠡᠶᠡ ᠶᠢᠨ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠰᠤᠯᠠᠷᠠᠵᠤ ᠂ ᠬᠤᠳᠣᠭᠤᠳᠣ ᠭᠡᠳᠡᠰᠦᠨ ᠤ ᠵᠠᠮ ᠤᠨ ᠬᠡᠪ ᠤᠨ ᠦᠢᠯᠡ | ᠠᠵᠢᠯᠯᠠᠭᠠ ᠠᠯᠳᠠᠭᠳᠠᠭᠰᠠᠨ ᠠᠴᠠ ᠬᠤᠭᠤᠯᠠ ᠤᠮᠳᠠ ᠲᠣᠬᠢᠷᠠᠬᠤ ᠪᠠᠨ ᠪᠣᠯᠢᠳᠠᠭ ᠃ ᠡᠨᠡ ᠦᠶᠡ ᠳᠤ ᠭᠡᠳᠡᠰᠦ ᠪᠠᠶᠢᠩᠭᠤ | ᠬᠤᠷᠵᠢᠭᠢᠨᠠᠨ ᠳᠤᠤᠭᠠᠷᠴᠤ ᠂ ᠳᠦᠭᠦᠷᠴᠦ ᠂ ᠳᠣᠭᠤᠭᠰᠢ ᠪᠠᠨ ᠦᠮᠡᠬᠡᠢ ᠤᠩᠭᠠᠰᠤ ᠭᠠᠷᠤᠨᠠ | — ᠭᠡᠳᠡᠰᠦ ᠳᠣᠲᠣᠷᠠ ᠬᠢᠮᠤᠷᠠᠬᠤ ᠥᠭᠡᠷᠡ ᠶᠠᠮᠠᠷ ᠰᠢᠯᠲᠠᠭᠠᠨ ᠪᠠᠶᠢᠳᠠᠭ ᠪᠤᠢ ︖ | — ᠭᠡᠳᠡᠰᠦ ᠶᠢ ᠬᠢᠮᠤᠷᠠᠭᠠᠬᠤ ᠪᠠᠰᠠ ᠨᠢᠭᠡ ᠰᠢᠯᠲᠠᠭᠠᠨ ᠪᠣᠯ ᠰᠢᠮᠡᠭᠴᠢ ᠬᠤᠷᠣᠬᠠᠢ ᠶᠢᠨ ᠬᠠᠯᠳᠠᠪᠤᠷᠢ ᠶᠤᠮ ᠃ ᠰᠢᠮᠡᠭᠴᠢ | ᠬᠤᠷᠣᠬᠠᠢ ᠨᠢ ᠶᠡᠬᠡᠪᠴᠢᠯᠡᠨ ᠡᠨᠡ ᠬᠡᠰᠡᠭ ᠲᠤ ᠳᠡᠭᠡᠭᠡ ᠪᠠᠨ ᠰᠢᠭᠢᠳᠬᠡᠨ ᠰᠣᠷᠣᠭᠤᠯ ᠢᠶᠠᠷ ᠬᠠᠮᠤᠭ ᠰᠢᠮᠡ ᠲᠡᠵᠢᠭᠡᠯᠲᠦ | ᠪᠣᠳᠠᠰ ᠢ ᠨᠢ ᠰᠣᠷᠣᠵᠤ ᠪᠠᠶᠢᠳᠠᠭ ᠤᠴᠢᠷ ᠭᠡᠳᠡᠰᠦ ᠰᠢᠷᠬᠠᠯᠠᠬᠤ ᠂ ᠴᠢᠰᠤ ᠠᠯᠳᠠᠬᠤ ᠂ ᠴᠢᠰᠤ ᠪᠠᠭᠠᠳᠠᠬᠤ ᠂ ᠲᠦᠭᠵᠢᠷᠡᠯ | ᠡᠭᠦᠰᠬᠦ ᠂ ᠲᠤᠷᠠᠵᠤ ᠡᠴᠡᠬᠦ ᠂ ᠭᠡᠳᠡᠰᠦ ᠡᠪᠡᠳᠬᠦ ᠬᠠᠷᠰᠢᠯ ᠤᠨ ᠰᠢᠨᠵᠢ ᠬᠠᠪᠰᠤᠷᠤᠨ ᠭᠠᠷᠴᠤ ᠪᠣᠯᠬᠤ ᠲᠠᠯᠠ ᠲᠠᠢ ᠃ | — ᠬᠤᠭᠤᠯᠠᠨ ᠤ ᠬᠤᠣᠷᠳᠠᠯᠭᠠ ᠲᠤᠰᠬᠤ ᠨᠢ ᠭᠡᠳᠡᠰᠦ ᠳᠣᠲᠣᠷᠠ ᠪᠠᠶᠢᠩᠭᠤ ᠬᠢᠮᠤᠷᠠᠬᠤ ᠰᠢᠯᠲᠠᠭᠠᠨ ᠪᠣᠯᠬᠤ ᠤᠤ ︖ | — ᠬᠤᠭᠤᠯᠠᠨ ᠤ ᠬᠤᠷᠴᠠ ᠬᠤᠣᠷᠳᠠᠯᠭᠠ ᠨᠢ ᠭᠡᠳᠡᠰᠦ ᠬᠤᠳᠣᠭᠤᠳᠤᠨ ᠤ ᠳᠣᠲᠣᠭᠠᠳᠤ ᠣᠷᠴᠢᠨ ᠢ ᠡᠷᠡᠰ | ᠥᠭᠡᠷᠡᠴᠢᠯᠡᠳᠡᠭ ᠃ ᠡᠨᠡ ᠦᠶᠡ ᠳᠤ ᠢᠯᠭᠠᠷᠠᠭᠰᠠᠨ ᠬᠤᠣᠷ ᠤᠨ ᠨᠥᠯᠥᠭᠡ ᠪᠠᠷ ᠭᠡᠳᠡᠰᠦ ᠬᠦᠴᠦᠲᠡᠢ ᠠᠭᠰᠢᠬᠤ ᠂ ᠡᠪᠡᠳᠬᠦ | ᠡᠰᠡᠪᠡᠯ ᠰᠠᠵᠢᠵᠤ ᠮᠡᠳᠡᠭᠡ ᠠᠯᠳᠠᠨ ᠰᠤᠯᠠ ᠤᠰᠤ ᠪᠠᠷ ᠭᠦᠶᠦᠯᠭᠡᠬᠦ ᠬᠦᠷᠲᠡᠯᠡ ᠬᠦᠨᠳᠦᠷᠡᠵᠦ ᠂ ᠪᠡᠶᠡ ᠮᠠᠬᠠᠪᠤᠳ ᠤᠰᠤ | ᠦᠭᠡᠶᠢᠵᠢᠨ ᠬᠤᠣᠷᠳᠠᠯᠭᠠ ᠤᠯᠠᠮ ᠭᠦᠨᠵᠡᠭᠡᠶᠢᠷᠡᠬᠦ ᠰᠢᠯᠲᠠᠭᠠᠨ ᠪᠣᠯᠳᠠᠭ ᠃ | — ᠳᠡᠭᠡᠷᠡᠬᠢ ᠡᠪᠡᠳᠴᠢᠨ ᠨᠦᠭᠦᠳ ᠭᠡᠳᠡᠰᠦᠨ ᠤ ᠠᠷᠬᠠᠭ ᠰᠢᠨᠵᠢ ᠲᠠᠢ ᠡᠪᠡᠳᠴᠢᠨ ᠤ ᠰᠠᠭᠤᠷᠢ ᠪᠣᠯᠬᠤ ᠮᠠᠭᠠᠳᠯᠠᠯ ᠲᠠᠢ | ᠦᠦ ︖ | — ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠰᠢᠯᠲᠠᠭᠠᠨ ᠨᠤᠭᠤᠳ ᠨᠢ ᠶᠠᠪᠤᠭᠠᠨ ᠳᠤ ᠪᠠᠨ ᠭᠡᠳᠡᠰᠦ ᠪᠠᠶᠢᠩᠭᠤ ᠳᠦᠭᠦᠷᠬᠦ ᠂ ᠭᠦᠶᠦᠯᠭᠡᠬᠦ ᠂ | ᠪᠠᠶᠢᠨ ᠪᠠᠶᠢᠨ ᠲᠦᠭᠵᠢᠷᠡᠬᠦ ᠵᠡᠷᠭᠡ ᠠᠷᠬᠠᠭ ᠰᠢᠨᠵᠢ ᠲᠠᠢ ᠡᠪᠡᠳᠴᠢᠨ ᠤ ᠰᠠᠭᠤᠷᠢ ᠰᠢᠯᠲᠠᠭᠠᠨ ᠪᠣᠯᠣᠨᠠ ᠃ ᠡᠶᠢᠮᠦ ᠠᠴᠠ | ᠬᠤᠪᠢ ᠶᠢᠨ ᠠᠷᠢᠭᠤᠨ ᠴᠡᠪᠡᠷ ᠤᠨ ᠳᠢᠭᠯᠢᠮ ᠂ ᠬᠤᠭᠤᠯᠠᠨ ᠤ ᠵᠥᠪ ᠳᠢᠭᠯᠢᠮ ᠨᠢ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠬᠡᠪ ᠮᠠᠶ᠋ᠢᠭ ᠠᠴᠠ | ᠬᠠᠮᠢᠶᠠᠷᠴᠤ ᠤᠶᠠᠯᠳᠤᠭᠠ ᠲᠠᠢ ᠪᠠᠶᠢᠬᠤ ᠨᠢ ᠴᠢᠬᠤᠯᠠ ᠪᠣᠯᠬᠤ ᠶᠢ ᠣᠶᠢᠯᠠᠭᠠᠵᠤ ᠪᠠᠶᠢᠭᠠ ᠪᠠᠶᠢᠬᠠ ᠭᠡᠵᠦ ᠨᠠᠶᠢᠳᠠᠵᠤ ᠪᠠᠶᠢᠨᠠ ᠃ | | — ᠭᠡᠳᠡᠰᠦ ᠪᠠᠶᠢᠩᠭᠤ ᠳᠦᠭᠦᠷᠳᠡᠭ ᠪᠣᠯᠴᠢᠬᠠᠪᠠᠯ ᠶᠠᠭᠠᠬᠢᠬᠤ ᠪᠤᠢ ︖ | — ᠨᠢᠭᠡᠨᠲᠡ ᠭᠡᠳᠡᠰᠦ ᠪᠠᠶᠢᠩᠭᠤ ᠳᠦᠭᠦᠷᠳᠡᠭ ᠪᠣᠯᠣᠭᠰᠠᠨ ᠪᠣᠯ ᠡᠮᠴᠢ ᠶᠢᠨ ᠬᠢᠨᠠᠯᠲᠠ ᠳᠤ ᠲᠤᠭᠤᠰᠢᠲᠠᠢ ᠡᠮᠴᠢᠯᠡᠭᠦᠯᠬᠦ ᠠᠴᠠ | ᠭᠠᠳᠠᠨᠠ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠬᠤᠭᠤᠯᠠ ᠴᠠᠢ ᠪᠠᠨ ᠴᠠᠭ ᠤᠨ ᠬᠤᠪᠢᠶᠠᠷᠢ ᠶᠢᠨ ᠳᠠᠭᠠᠤ ᠢᠳᠡᠵᠦ ᠤᠤᠭᠤᠵᠤ ᠬᠡᠪᠰᠢᠬᠦ | ᠬᠡᠷᠡᠭᠲᠡᠢ ᠃ | — ᠬᠤᠭᠤᠯᠠᠨ ᠤ ᠳᠢᠭᠯᠢᠮ ᠤᠨ ᠬᠤᠪᠢ ᠳᠤ ᠁ | — ᠬᠤᠭᠤᠯᠠᠨ ᠤ ᠳᠢᠭᠯᠢᠮ ᠤᠨ ᠬᠤᠪᠢ ᠳᠤ ᠭᠡᠪᠡᠯ ᠬᠡᠲᠦ ᠶᠡᠭᠡ ᠢᠳᠡᠬᠦ ᠂ ᠢᠯᠠᠩᠭᠤᠶᠠ ᠬᠡᠲᠦ ᠶᠡᠭᠡ ᠥᠯᠥᠰᠴᠦ | ᠪᠠᠶᠢᠭᠠ ᠳᠤ ᠭᠡᠨᠡᠳᠲᠡ ᠶᠡᠭᠡ ᠢᠳᠡᠬᠦ ᠠᠴᠠ ᠲᠠᠲᠠᠭᠠᠯᠵᠠᠬᠤ ᠬᠡᠷᠡᠭᠲᠡᠢ ᠃ | — ᠡᠶᠢᠮᠦ ᠦᠶᠡ ᠳᠤ ᠶᠠᠮᠠᠷ ᠶᠠᠮᠠᠷ ᠬᠦᠨᠡᠰᠦᠨ ᠤ ᠵᠦᠢᠯ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠬᠡᠷᠡᠭᠲᠡᠢ ᠪᠤᠢ ︖ | — ᠬᠡᠲᠦ ᠬᠦᠢᠲᠡᠨ ᠂ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠴᠢᠨᠠᠷ ᠢᠶᠠᠨ ᠠᠯᠳᠠᠭᠰᠠᠨ ᠬᠤᠭᠤᠯᠠ ᠬᠦᠨᠡᠰᠦ ᠂ ᠢᠰᠯᠡᠭ ᠶᠡᠬᠡᠲᠡᠢ ᠮᠠᠨᠵᠢᠨ ᠂ | ᠬᠦᠷᠡᠩ ᠮᠠᠨᠵᠢᠨ ᠂ ᠯᠤᠤᠪᠠᠩ ᠂ ᠬᠤᠯᠤᠤ ᠂ ᠠᠯᠢᠮᠠ ᠭᠡᠬᠦ ᠮᠡᠲᠦ ᠶᠢᠨ ᠨᠣᠭᠤᠭᠠ ᠵᠢᠮᠢᠰ ᠢ ᠲᠦᠭᠦᠬᠡᠢ ᠪᠠᠷ ᠢᠳᠡᠬᠦ ᠂ ᠬᠦᠢᠲᠡᠨ | ᠰᠦ ᠂ ᠬᠡᠶᠢᠵᠢᠭᠦᠯᠦᠭᠰᠡᠨ ᠤᠰᠤ ᠤᠮᠳᠠᠭᠠ ᠤᠤᠭᠤᠬᠤ ᠂ ᠭᠡᠳᠡᠰᠦ ᠬᠤᠳᠣᠭᠤᠳᠤ ᠪᠠᠨ ᠳᠠᠭᠠᠷᠠᠭᠤᠯᠬᠤ ᠵᠡᠷᠭᠡ ᠠᠴᠠ ᠪᠠᠶᠢᠩᠭᠤ | ᠵᠠᠶᠢᠯᠠᠰᠬᠢᠵᠦ ᠪᠠᠶᠢᠪᠠᠯ ᠡᠳᠡᠭᠡᠷᠡᠬᠦ ᠳᠤ ᠬᠢᠯᠪᠠᠷ ᠪᠣᠯᠣᠨᠠ ᠃ | — ᠭᠡᠳᠡᠰᠦ ᠪᠠᠶᠢᠩᠭᠤ ᠳᠦᠭᠦᠷᠳᠡᠭ ᠪᠣᠯᠣᠭᠰᠠᠨ ᠦᠶᠡ ᠳᠤ ᠶᠠᠮᠠᠷ ᠬᠤᠭᠤᠯᠠ ᠬᠦᠨᠡᠰᠦᠨ ᠠᠴᠠ ᠪᠣᠯᠭᠤᠮᠵᠢᠯᠠᠬᠤ ᠶᠣᠰᠣᠲᠠᠢ | ᠪᠤᠢ ︖ | — ᠬᠠᠪᠤᠷ ᠡᠷᠲᠡ ᠬᠤᠨᠢᠨ ᠤ ᠰᠦ ᠲᠠᠷᠠᠭ ᠤᠤᠭᠤᠬᠤ ᠂ ᠭᠡᠳᠡᠰᠦᠨ ᠤ ᠰᠢᠨᠡ ᠱᠥᠯᠥ ᠤᠤᠭᠤᠬᠤ ᠂ ᠮᠥᠨ ᠤᠮᠳᠠᠨ ᠤ | ᠤᠰᠤ ᠰᠣᠯᠢᠭᠳᠠᠬᠤ ᠳᠤ ᠬᠦᠷᠲᠡᠯᠡ ᠬᠡᠶᠢᠷᠬᠡᠵᠦ ᠬᠢᠮᠤᠷᠠᠳᠠᠭ ᠲᠤᠯᠠ ᠪᠣᠯᠭᠤᠮᠵᠢ ᠲᠠᠢ ᠪᠠᠶᠢᠬᠤ ᠳᠤ ᠢᠯᠡᠭᠦᠳᠡᠬᠦ ᠦᠭᠡᠢ ᠃ | — ᠭᠡᠷ ᠤᠨ ᠨᠥᠬᠦᠴᠡᠯ ᠳᠤ ᠶᠠᠮᠠᠷ ᠡᠮᠴᠢᠯᠡᠭᠡ ᠂ ᠭᠠᠮ ᠬᠢᠪᠡᠯ ᠵᠣᠬᠢᠯᠲᠠᠢ ᠪᠤᠢ ︖ | — ᠭᠡᠷ ᠤᠨ ᠨᠥᠬᠦᠴᠡᠯ ᠳᠤ ᠭᠡᠳᠡᠰᠦ ᠂ ᠬᠡᠪᠡᠯᠢ ᠂ ᠤᠭᠤᠴᠠ ᠨᠢᠷᠤᠭᠤ ᠪᠠᠨ ᠬᠤᠨᠢᠨ ᠤ ᠰᠡᠭᠦᠯ ᠤᠨ ᠲᠣᠰᠣ ᠪᠠᠷ | ᠲᠣᠰᠣᠯᠠᠵᠤ ᠂ ᠪᠦᠯᠢᠶᠡᠨ ᠵᠢᠩ ᠲᠠᠯᠪᠢᠬᠤ ᠂ ᠪᠦᠯᠢᠶᠡᠨ ᠲᠣᠰᠣᠯᠢᠭ ᠨᠦᠮᠵᠦᠭ ᠲᠠᠢ ᠬᠤᠭᠤᠯᠠ ᠤᠮᠳᠠ ᠬᠡᠷᠡᠭᠯᠡᠵᠦ ᠂ ᠳᠢᠭᠯᠢᠮ | ᠰᠠᠶᠢᠨ ᠰᠠᠬᠢᠬᠤ ᠨᠢ ᠲᠤᠰᠠᠲᠠᠢ ᠃ ᠭᠡᠳᠡᠰᠦ ᠬᠤᠳᠣᠭᠤᠳᠤᠨ ᠤ ᠡᠮᠭᠡᠭ ᠥᠭᠡᠷᠡᠴᠢᠯᠡᠯᠲᠡ ᠶᠢ ᠮᠣᠩᠭᠤᠯ ᠡᠮ ᠲᠠᠩ ᠂ | ᠤᠯᠠᠮᠵᠢᠯᠠᠯᠲᠤ ᠲᠥᠭᠡᠨᠡ ᠵᠠᠰᠠᠯ ᠂ ᠪᠠᠷᠢᠶᠠ ᠵᠠᠰᠠᠯ ᠂ ᠵᠢᠩ ᠪᠢᠩᠨᠡᠭᠦᠷ ᠂ ᠷᠠᠰᠢᠶᠠᠨ ᠰᠢᠪᠠᠷ ᠡᠮᠴᠢᠯᠡᠭᠡ ᠂ ᠰᠢᠷᠭᠢᠭᠡᠭᠰᠡᠨ ᠤᠰᠤ ᠪᠠᠷ | ᠡᠮᠴᠢᠯᠡᠵᠦ ᠪᠣᠯᠣᠨᠠ ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |