ᠬᠠᠷᠰᠢᠯ ᠤᠨ ᠦᠶᠡ ᠳᠤ ᠬᠠᠮᠠᠷ ᠪᠢᠲᠡᠭᠦᠷᠡᠬᠦ ᠂ ᠤᠰᠤᠷᠬᠠᠭ ᠨᠢᠰᠤ ᠭᠤᠭᠤᠵᠢᠬᠤ ᠂ ᠬᠠᠮᠠᠷ ᠂ ᠲᠠᠩᠨᠠᠢ ᠂ ᠴᠢᠬᠢᠨ ᠳᠣᠲᠣᠷᠠ | ᠵᠠᠭᠠᠲᠤᠨᠠᠬᠤ ᠂ ᠨᠠᠶᠢᠲᠠᠭᠠᠯᠭᠠᠬᠤ ᠵᠡᠷᠭᠡ ᠬᠠᠮᠠᠷ ᠤᠨ ᠰᠢᠨᠵᠢ ᠨᠦᠭᠦᠳ ᠢᠯᠡᠷᠡᠳᠡᠭ ᠃ ᠨᠢᠳᠦᠨ ᠤ ᠵᠣᠪᠬᠢ ᠶᠢᠨ ᠬᠠᠷᠰᠢᠯ ᠲᠠᠢ | ᠬᠠᠮᠲᠤ ᠢᠯᠡᠷᠡᠬᠦ ᠨᠢ ᠡᠯᠪᠡᠭ ᠪᠠᠶᠢᠳᠠᠭ ᠃ ᠡᠨᠡ ᠦᠶᠡ ᠳᠤ ᠳᠡᠭᠡᠷᠡᠬᠢ ᠰᠢᠨᠵᠢ ᠲᠡᠮᠳᠡᠭ ᠤᠳ ᠳᠡᠭᠡᠷᠡ ᠨᠡᠮᠡᠭᠳᠡᠨ ᠨᠢᠳᠦ | ᠵᠠᠭᠠᠲᠤᠨᠠᠬᠤ ᠂ ᠤᠯᠠᠶᠢᠬᠤ ᠂ ᠨᠢᠯᠪᠤᠰᠤ ᠭᠤᠭᠤᠵᠢᠬᠤ ᠂ ᠵᠣᠪᠬᠢ ᠬᠠᠪᠤᠳᠬᠤ ᠵᠡᠷᠭᠡ ᠰᠢᠨᠵᠢ ᠨᠦᠭᠦᠳ ᠭᠠᠷᠳᠠᠭ ᠃ | ᠤᠯᠠᠷᠢᠯ ᠤᠨ ᠪᠤᠰᠤ ᠬᠠᠷᠰᠢᠯ ᠨᠢ ᠭᠡᠷ ᠠᠬᠤᠢ ᠶᠢᠨ ᠲᠣᠭᠤᠰᠣᠨ ᠤ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠤᠳ ᠂ ᠰᠢᠪᠠᠵᠢ ᠂ ᠠᠮᠢᠲᠠᠨ ᠤ | ᠬᠤᠴᠢᠭᠤᠷ ᠡᠳ᠋ ᠂ ᠮᠥᠭᠦᠨᠴᠢᠷ ᠵᠡᠷᠭᠡ ᠠᠭᠠᠷ ᠲᠤ ᠲᠠᠷᠬᠠᠭᠰᠠᠨ ᠢᠶᠠᠷ ᠬᠠᠮᠠᠷ ᠪᠣᠯᠣᠨ ᠨᠢᠳᠦᠨ ᠳᠤ ᠳᠡᠭᠡᠷᠡ ᠪᠠᠭᠤᠵᠤ ᠬᠠᠷᠰᠢᠯ | ᠡᠭᠦᠰᠬᠡᠳᠡᠭ ᠃ ᠡᠨᠡ ᠬᠦ ᠬᠠᠮᠠᠷ — ᠵᠣᠪᠬᠢ ᠶᠢᠨ ᠬᠠᠷᠰᠢᠯ ᠨᠢ ᠶᠠᠮᠠᠷ ᠨᠢᠭᠡᠨ ᠤᠯᠠᠷᠢᠯ ᠲᠠᠢ ᠬᠤᠯᠪᠣᠭᠠ ᠦᠭᠡᠢ ᠪᠥᠭᠡᠳ | ᠪᠦᠲᠦᠨ ᠵᠢᠯ ᠲᠣᠭᠤᠷᠢᠨ ᠦᠷᠭᠦᠯᠵᠢᠯᠡᠵᠦ ᠪᠣᠯᠳᠠᠭ ᠃ ᠤᠯᠠᠷᠢᠯ ᠤᠨ ᠪᠤᠰᠤ ᠬᠠᠷᠰᠢᠯ ᠡᠭᠦᠰᠬᠡᠳᠡᠭ ᠦᠨᠳᠦᠰᠦᠨ | ᠰᠢᠯᠲᠠᠭᠠᠨ ᠨᠤᠭᠤᠳ ᠄ | ᠭᠡᠷ ᠤᠨ ᠲᠣᠭᠤᠰᠣᠨ ᠤ ᠬᠠᠴᠢᠭ — ᠡᠩ ᠤᠨ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠪᠠᠷ ᠦᠭᠡᠢ ︵ᠲᠣᠮᠣ ᠨᠢ 0.3 ᠮᠢᠯᠢᠮᠧᠲᠷ ︶ | ᠵᠢᠵᠢᠭ ᠬᠠᠴᠢᠭ ᠤᠳ ᠲᠠᠰᠤᠯᠭᠠᠨ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠤ ᠪᠡᠶᠡ ᠶᠢᠨ ᠬᠡᠰᠡᠭ ᠤᠳ ᠂ ᠢᠯᠭᠠᠳᠠᠰᠤ ᠨᠢ | ᠠᠮᠢᠰᠬᠤᠯ ᠤᠨ ᠵᠠᠮ ᠢᠶᠠᠷ ᠨᠡᠪᠲᠡᠷᠡᠵᠦ ᠬᠠᠷᠰᠢᠯ ᠡᠭᠦᠰᠬᠡᠳᠡᠭ ᠃ ᠡᠳᠡᠭᠡᠷ ᠵᠢᠵᠢᠭ ᠬᠠᠴᠢᠭ ᠤᠳ ᠨᠢ ᠬᠥᠮᠥᠨ ᠤ ᠠᠷᠠᠰᠤ ᠠᠴᠠ | ᠭᠤᠤᠵᠢᠵᠤ ᠤᠨᠠᠬᠤ ᠬᠤᠭᠵᠢᠷᠠᠤ ᠦᠰᠦᠨ ᠤ ᠬᠠᠭ ᠵᠡᠷᠭᠡ ᠪᠠᠷ ᠬᠤᠭᠤᠯᠠᠯᠠᠳᠠᠭ ᠤᠴᠢᠷ ᠠᠴᠠ ᠣᠷᠣᠨ ᠤ ᠬᠡᠷᠡᠭᠰᠡᠯ ᠂ | ᠳᠡᠷᠡ ᠶᠢᠨ ᠤᠭᠤᠲᠠ ᠂ ᠭᠤᠳᠣᠰ ᠂ ᠬᠡᠪᠢᠰ ᠂ ᠬᠡᠪᠢᠰᠡᠨᠴᠢᠷ ᠂ ᠵᠥᠭᠡᠯᠡᠨ ᠲᠠᠪᠢᠯᠭᠠ ᠳᠡᠭᠡᠷᠡ ᠲᠠᠷᠬᠠᠵᠤ ᠠᠮᠢᠳᠤᠷᠠᠳᠠᠭ ᠃ | ᠠᠭᠤᠯᠬᠤ ᠶᠢᠨ ᠬᠠᠴᠢᠭ — ᠬᠡᠳᠦ ᠬᠡᠳᠦᠨ ᠲᠥᠷᠥᠯ ᠤᠨ ᠵᠢᠵᠢᠭᠬᠡᠨ ᠵᠢᠵᠢᠭ ᠬᠠᠴᠢᠭ ᠤᠳ ᠪᠠᠶᠢᠳᠠᠭ ᠃ ᠶᠡᠬᠡᠪᠴᠢᠯᠡᠨ | ᠠᠭᠤᠯᠬᠤ ᠂ ᠵᠣᠭᠤᠷᠢ ᠂ ᠨᠣᠮ ᠤᠨ ᠰᠠᠩ ᠂ ᠵᠡᠷᠭᠡ ᠶᠠᠭᠤᠮᠠ ᠬᠠᠳᠠᠭᠠᠯᠠᠵᠤ ᠠᠭᠤᠯᠳᠠᠭ ᠭᠠᠵᠠᠷ ᠤᠨ ᠲᠣᠭᠤᠰᠣᠨ ᠳᠤ | ᠠᠮᠢᠳᠤᠷᠠᠳᠠᠭ ᠃ ᠠᠭᠤᠯᠬᠤ ᠂ ᠵᠣᠭᠤᠷᠢ ᠪᠣᠯᠣᠨ ᠨᠣᠮ ᠤᠨ ᠰᠠᠩ ᠤᠨ ᠠᠵᠢᠯᠴᠢᠳ ᠢᠯᠡᠭᠦᠦ ᠲᠠᠢ ᠡᠪᠡᠳᠴᠢᠯᠡᠳᠡᠭ ᠃ ᠮᠥᠨ | ᠡᠨᠡ ᠲᠥᠷᠥᠯ ᠤᠨ ᠵᠢᠵᠢᠭ ᠬᠠᠴᠢᠭ ᠤᠳ ᠮᠡᠳᠡᠷᠡᠭᠰᠢᠭᠰᠡᠨ ᠬᠥᠮᠦᠰ ᠬᠠᠭᠤᠴᠢᠷᠠᠭᠰᠠᠨ ᠨᠣᠮ ᠂ ᠰᠣᠨᠢᠨ ᠤᠩᠰᠢᠬᠤ ᠵᠡᠷᠭᠡ ᠳᠤ | ᠬᠠᠷᠰᠢᠯ ᠨᠢ ᠬᠥᠳᠡᠯᠳᠡᠭ ᠃ | ᠠᠮᠢᠲᠠᠨ ᠤ ᠬᠤᠴᠢᠭᠤᠷ ᠡᠳ᠋ — ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠠᠮᠢᠲᠠᠳ ᠢᠯᠠᠩᠭᠤᠶᠠ ᠨᠣᠬᠠᠢ ᠂ ᠮᠤᠤᠷ ᠤᠨ ᠦᠰᠦ ᠂ ᠬᠠᠭ ᠂ | ᠬᠤᠭᠵᠢᠷᠠᠤ ᠂ ᠰᠢᠯᠦᠰᠦ ᠂ ᠰᠢᠭᠡᠰᠦᠨ ᠤ ᠤᠷᠭᠠ ᠨᠤᠭᠤᠳ ᠬᠠᠷᠰᠢᠯ ᠲᠥᠷᠥᠭᠦᠯᠳᠡᠭ ᠃ ᠮᠥᠨ ᠲᠤᠷᠰᠢᠯᠲᠠ ᠶᠢᠨ ᠲᠠᠰᠤᠭ ᠤᠨ | ᠴᠠᠭᠠᠨ ᠬᠤᠯᠤᠭᠠᠨᠠ ᠂ ᠬᠠᠷᠬᠠ ᠂ ᠲᠠᠤᠯᠠᠢ ᠵᠡᠷᠭᠡ ᠠᠮᠢᠲᠠᠨ ᠤ ᠬᠠᠭ ᠂ ᠬᠤᠭᠵᠢᠷᠠᠤ ᠂ ᠰᠢᠭᠡᠰᠦ ᠨᠢ ᠬᠠᠷᠰᠢᠯ ᠲᠥᠷᠥᠭᠦᠯᠳᠡᠭ | ᠪᠥᠭᠡᠳ ᠶᠡᠬᠡᠪᠴᠢᠯᠡᠨ ᠲᠤᠷᠰᠢᠯᠲᠠ ᠶᠢᠨ ᠲᠠᠰᠤᠭ ᠤᠨ ᠠᠵᠢᠯᠴᠢᠳ ᠬᠠᠷᠰᠢᠯ ᠲᠠᠢ ᠪᠣᠯᠳᠠᠭ ᠃ | ᠦᠶᠡ ᠬᠥᠯᠲᠡᠨ — ᠪᠢᠳᠠᠨ ᠤ ᠠᠮᠢᠳᠤᠷᠠᠯ ᠤᠨ ᠣᠷᠴᠢᠨ ᠳᠤ ᠥᠷᠭᠡᠨ ᠲᠠᠷᠬᠠᠭᠰᠠᠨ ᠦᠶᠡ ᠬᠥᠯᠲᠡᠨ ᠪᠣᠯ ᠵᠣᠣᠮᠠ | ᠪᠠᠶᠢᠳᠠᠭ ᠃ ᠵᠣᠣᠮᠠ ᠶᠢᠨ ᠢᠯᠭᠠᠳᠠᠰᠤ ᠂ ᠪᠡᠶᠡ ᠶᠢᠨ ᠬᠡᠰᠡᠭ ᠤᠳ ᠨᠢ ᠭᠡᠷ ᠠᠬᠤᠢ ᠶᠢᠨ ᠲᠣᠭᠤᠰᠣᠨ ᠤ ᠬᠠᠮᠲᠤ | ᠠᠮᠢᠰᠬᠤᠯ ᠤᠨ ᠵᠠᠮ ᠢᠶᠠᠷ ᠨᠡᠪᠲᠡᠷᠡᠵᠦ ᠬᠠᠷᠰᠢᠯ ᠲᠥᠷᠥᠭᠦᠯᠳᠡᠭ ᠃ | ᠮᠥᠭᠦᠨᠴᠢᠷ — ᠲᠠᠰᠤᠯᠭᠠᠨ ᠤ ᠪᠣᠯᠣᠨ ᠭᠠᠳᠠᠭᠠ ᠣᠷᠴᠢᠨ ᠳᠤ ᠤᠷᠭᠤᠳᠠᠭ ᠮᠥᠭᠦ ᠬᠠᠷᠰᠢᠯ ᠲᠥᠷᠥᠭᠦᠯᠳᠡᠭ ᠃ ᠴᠢᠭᠢᠭᠯᠢᠭ ᠂ | ᠬᠠᠷᠠᠩᠭᠤᠢ ᠂ ᠠᠭᠠᠷᠵᠢᠯᠲᠠ ᠮᠠᠭᠤᠲᠠᠢ ᠭᠠᠵᠠᠷ ᠲᠤ ᠮᠥᠭᠦᠨᠴᠢᠷ ᠤᠷᠭᠤᠳᠠᠭ ᠃ ᠡᠶᠢᠮᠦ ᠠᠴᠠ ᠨᠣᠷᠣᠭᠰᠠᠨ ᠬᠠᠨᠠ ᠶᠢᠨ | ᠴᠠᠭᠠᠰᠤ ᠂ ᠤᠬᠢᠶᠠᠯᠭᠠ᠂ ᠵᠣᠷᠯᠣᠩ ᠂ ᠭᠠᠯ ᠲᠣᠭᠤᠭᠠᠨ ᠤ ᠥᠷᠥᠭᠡᠨ ᠳᠤ ᠶᠡᠬᠡᠪᠴᠢᠯᠡᠨ ᠤᠷᠭᠤᠵᠤ ᠲᠠᠰᠤᠯᠭᠠᠨ ᠤ ᠠᠭᠠᠷ ᠲᠤ | ᠲᠠᠷᠬᠠᠨ ᠬᠠᠷᠰᠢᠯ ᠲᠥᠷᠥᠭᠦᠯᠳᠡᠭ ᠃ ᠮᠥᠭᠦᠨᠴᠢᠷ ᠨᠢ ᠬᠡᠮᠵᠢᠶᠡ ᠪᠠᠷ ᠮᠠᠰᠢ ᠵᠢᠵᠢᠭ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠠᠭᠠᠷ ᠲᠤ | ᠲᠠᠷᠬᠠᠬᠤ ᠴᠢᠳᠠᠪᠤᠷᠢ ᠬᠠᠷᠢᠴᠠᠩᠭᠤᠢ ᠥᠨᠳᠥᠷ ᠪᠣᠯᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |