| ᠲᠣᠭᠤᠭᠠ ᠶᠢ ᠭᠠᠯ ᠳᠡᠭᠡᠷᠡ ᠲᠠᠯᠪᠢᠬᠤ ᠳᠤ ᠪᠠᠨ ᠡᠭᠦᠳᠡ ᠤᠷᠤᠭᠤ ᠪᠤᠶᠤ ᠤᠷᠢᠳᠤ ᠵᠦᠭ ᠤᠷᠤᠭᠤ ᠬᠠᠵᠠᠭᠠᠢ | ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ ᠲᠣᠭᠤᠭᠠ ᠶᠢ ᠬᠤᠶᠢᠲᠤ ᠵᠦᠭ ᠤᠷᠤᠭᠤ ᠦᠯᠦ ᠶᠠᠯᠢᠭ ᠬᠡᠯᠲᠡᠭᠡᠢ ᠲᠠᠯᠪᠢᠨᠠ ᠃ | ᠤᠰᠤ ᠪᠤᠴᠠᠯᠤᠭᠰᠠᠨ ᠤ ᠳᠠᠷᠠᠭᠠ ᠢᠳᠡᠭᠡ ᠂ ᠰᠦ ᠬᠢᠬᠦ ᠪᠥᠭᠡᠳ ᠲᠦᠷᠦᠭᠦᠯᠡᠵᠦ ᠳᠠᠪᠤᠰᠤ ᠬᠢᠵᠦ ᠪᠣᠯᠬᠤ ᠦᠭᠡᠢ ᠃ | ᠤᠴᠢᠷ ᠨᠢ ᠦᠭᠡᠶᠢᠷᠡᠵᠦ ᠬᠤᠭᠤᠰᠤᠷᠠᠨᠠ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ | ᠴᠠᠢ ᠠᠶᠠᠭᠠᠯᠠᠬᠤ ᠳᠤ ᠪᠠᠨ ᠳᠠᠩᠬᠤ ᠶᠢᠨ ᠴᠣᠷᠭᠤ ᠪᠣᠯᠣᠨ ᠬᠠᠯᠠᠭᠤᠨ ᠰᠠᠪᠠᠨ ᠤ ᠠᠮᠠ ᠶᠢ ᠡᠭᠦᠳᠡ ᠤᠷᠤᠭᠤ | ᠬᠠᠷᠠᠭᠤᠯᠬᠤ ᠦᠭᠡᠢ ᠂ ᠨᠠᠷᠠ ᠵᠥᠪ ᠡᠷᠭᠢᠭᠦᠯᠭᠡ ᠲᠠᠢ ᠠᠶᠠᠭᠠᠯᠠᠳᠠᠭ ᠃ | ᠥᠷᠯᠥᠭᠡ ᠴᠢᠨᠠᠭᠰᠠᠨ ᠡᠬᠢᠨ ᠤ ᠴᠠᠢ ᠶᠢᠨ ᠳᠡᠭᠡᠵᠢ ᠡᠷᠭᠦᠬᠦ ᠳᠤ ᠪᠠᠨ ᠲᠣᠯᠣᠭᠠᠢ ᠨᠢᠴᠦᠭᠦᠨ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠨᠡ ᠃ | | ᠴᠠᠢ ᠪᠠᠷ ᠳᠠᠶᠢᠯᠠᠬᠤ ᠳᠤ ᠪᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠠᠶᠠᠭᠠ ᠲᠠᠢ ᠴᠠᠢ ᠪᠠᠨ ᠪᠠᠷᠢᠵᠤ ᠵᠡᠭᠦᠨ ᠭᠠᠷ ᠢᠶᠠᠷ ᠪᠠᠷᠠᠭᠤᠨ | ᠭᠠᠷ ᠤᠨ ᠲᠣᠬᠤᠢ ᠶᠢ ᠳᠡᠮᠵᠢᠨ ᠬᠦᠨᠳᠦᠳᠬᠡᠯ ᠲᠠᠢ ᠪᠠᠷᠢᠬᠤ ᠡᠰᠡᠪᠡᠯ ᠬᠤᠶᠠᠷ ᠭᠠᠷ ᠢᠶᠠᠷ ᠠᠶᠠᠭᠠ ᠲᠠᠢ ᠴᠠᠢ ᠶᠢ | ᠪᠠᠷᠢᠨᠠ ᠃ | ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠬᠤ᠂ ᠲᠠᠪᠠᠭᠯᠠᠬᠤ ᠳᠠᠭᠠᠨ ᠬᠠᠨᠴᠤᠢ ᠰᠢᠮᠠᠯᠠᠬᠤ᠂ ᠬᠤᠷᠮᠣᠢ ᠰᠢᠭᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠬᠠᠨᠴᠤᠢ ᠪᠠᠨ ᠨᠤᠭᠤᠯᠤᠭᠰᠠᠨ ᠪᠣᠯ ᠪᠠᠭᠤᠯᠭᠠᠬᠤ ᠂ ᠠᠶᠠᠭᠠᠨ ᠤ ᠠᠮᠠᠰᠠᠷ ᠳᠡᠭᠡᠷᠡ ᠬᠤᠷᠤᠭᠤ ᠪᠠᠨ ᠳᠠᠪᠠᠭᠤᠯᠬᠤ ᠦᠭᠡᠢ | ᠪᠠᠷᠢᠬᠤ ᠂ ᠦᠰᠦ ᠭᠡᠵᠢᠭᠡ ᠪᠠᠨ ᠵᠠᠳᠠᠭᠠᠶᠢᠯᠠᠵᠤ ᠴᠠᠶᠢᠨ ᠳᠡᠭᠡᠭᠦᠷ ᠰᠡᠪᠢᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠰᠦ ᠪᠠᠷ ᠰᠦᠯᠡᠬᠦ ᠶᠢᠨ ᠡᠮᠦᠨᠡ ᠵᠠᠪᠠᠯ ᠳᠤᠬᠤᠨ ᠳᠤ ᠪᠠᠨ ᠬᠦᠷᠭᠡᠬᠦ ᠤᠴᠢᠷᠲᠠᠢ ᠃ ᠢᠩᠭᠢᠭᠰᠡᠨ ᠢᠶᠠᠷ ᠡᠯᠳᠡᠪ ᠬᠡᠯᠡ | ᠠᠮᠠ ᠂ ᠬᠠᠷᠢᠶᠠᠯ ᠢ ᠠᠷᠢᠭᠤᠰᠬᠠᠳᠠᠭ ᠬᠡᠮᠡᠨ ᠦᠵᠡᠳᠡᠭ ᠪᠠᠶᠢᠨᠠ ᠃ | ᠴᠠᠢ ᠶᠢᠨ ᠢᠳᠡᠭᠡ ᠶᠢ ᠳᠡᠭᠡᠭᠰᠢ ᠵᠠᠯᠠᠬᠤ ᠬᠡᠷᠡᠭᠲᠡᠢ ᠪᠥᠭᠡᠳ ᠴᠢᠨᠠᠭᠰᠠᠨ ᠳᠠᠩᠬᠤ ᠲᠠᠢ ᠴᠠᠢ ᠶᠢ ᠵᠤᠤᠬᠠᠨ ᠤ ᠪᠠᠨ | ᠬᠤᠶᠢᠨᠠ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ ᠃ | ᠠᠶᠢᠯ ᠳᠤ ᠣᠷᠣᠭᠠᠳ ᠡᠵᠡᠳ ᠠᠴᠠ ᠡᠷᠭᠦᠨ ᠪᠠᠷᠢᠭᠰᠠᠨ ᠢᠳᠡᠭᠡ᠂ ᠴᠠᠢ ᠠᠴᠠ ︵ᠪᠡᠯᠡᠳᠬᠡᠭᠰᠡᠨ︶ ᠠᠮᠰᠠᠬᠤ ᠦᠭᠡᠢ | ᠭᠠᠷᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ ᠮᠥᠨ ᠬᠥᠮᠦᠨ ᠴᠠᠢ ᠬᠢᠵᠦ ᠥᠭᠬᠦ ᠳᠤ ᠠᠮᠰᠠᠬᠤ ᠦᠭᠡᠢ ᠪᠠᠷ ᠰᠢᠷᠡᠭᠡᠨ ᠳᠤ ᠲᠠᠯᠪᠢᠵᠤ | ᠪᠣᠯᠳᠠᠭ ᠦᠭᠡᠢ᠃ | ᠠᠮᠠᠰᠠᠷ ᠨᠢ ᠡᠮᠲᠡᠷᠬᠡᠢ ᠠᠶᠠᠭᠠᠨ ᠳᠤ ᠴᠠᠢ ᠤᠮᠳᠠ ᠬᠢᠵᠦ ᠠᠯᠢᠪᠠ ᠬᠥᠮᠥᠨ ᠳᠤ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠢᠶᠠᠨ ᠬᠥᠮᠥᠷᠢᠵᠦ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠴᠠᠢ ᠤᠮᠳᠠ ᠠᠶᠠᠭᠠᠯᠠᠨ ᠬᠥᠮᠥᠨ ᠳᠤ ᠪᠠᠷᠢᠬᠤ ᠳᠠᠭᠠᠨ ᠠᠮᠠᠰᠠᠷ ᠢ ᠨᠢ ᠬᠤᠷᠤᠭᠤ ᠪᠠᠷ ᠢᠶᠠᠨ | ᠳᠠᠷᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠢ ᠠᠮᠠᠰᠠᠷ ᠠᠴᠠ ᠨᠢ ᠴᠢᠮᠬᠢᠵᠦ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠬᠠᠷᠰᠢᠭᠤᠯᠤᠨ ᠳᠤᠤᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠲᠠᠢ ᠴᠠᠢ ᠶᠢ ᠭᠡᠷ ᠳᠣᠲᠣᠷᠠ ᠠᠴᠠ ᠡᠭᠦᠳᠡ ᠪᠠᠷ ᠭᠠᠳᠠᠭᠰᠢ ᠴᠠᠴᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠ ᠱᠠᠭᠠᠵᠠᠩ ᠤᠨ ᠢᠷᠤᠭᠠᠷ ᠲᠤ ᠦᠯᠡᠳᠡᠭᠰᠡᠨ ᠢᠳᠡᠬᠦ᠂ ᠤᠤᠭᠤᠬᠤ ᠶᠠᠭᠤᠮᠠ ᠶᠢ ᠠᠶᠠᠭᠠᠨ ᠠᠴᠠ ᠨᠢ | ᠰᠢᠭᠤᠳ ᠠᠰᠬᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠᠨ ᠳᠠᠭᠠᠨ ᠰᠢᠪᠬᠠᠷᠤᠤ ᠦᠯᠡᠳᠡᠭᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠠᠶᠠᠭᠠᠨ ᠳᠤ ᠴᠠᠢ ᠬᠢᠬᠦ ᠳᠡᠭᠡᠨ ᠪᠢᠯᠬᠠᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ ᠴᠠᠢ ᠶᠢ ᠠᠶᠠᠭᠠᠨ ᠳᠤ ᠬᠡᠲᠦ ᠳᠦᠭᠦᠷᠭᠡᠵᠦ ᠬᠢᠪᠡᠯ | ᠪᠤᠶᠠᠨ ᠬᠡᠰᠢᠭ ᠠᠰᠬᠠᠷᠠᠨᠠ ᠭᠡᠳᠡᠭ ᠃ | ᠵᠣᠴᠢᠨ ᠳᠤ ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠬᠤ ᠳᠠᠭᠠᠨ ᠠᠰᠬᠠᠵᠤ ᠴᠢᠳᠬᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠵᠣᠴᠢᠨ ᠳᠤ ᠠᠷᠤ ᠲᠠᠯᠠ ᠠᠴᠠ ᠨᠢ ᠲᠠᠪᠠᠭ ᠤᠨ ᠢᠳᠡᠭᠡ᠂ ᠴᠠᠢ᠂ ᠵᠣᠭᠤᠭ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠰᠦ ᠲᠠᠢ ᠴᠠᠢ ᠳᠤ ᠮᠢᠬᠠ ᠬᠥᠰᠬᠦᠯᠡᠵᠦ ᠢᠳᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠬᠤᠰᠤᠮ ᠳᠡᠭᠡᠷᠡ ᠴᠠᠢ ᠬᠢᠵᠦ ᠤᠤᠭᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠬᠢᠷᠠᠮᠠ ᠬᠢᠬᠦ ᠳᠡᠭᠡᠨ ᠰᠦᠨ ᠳᠡᠭᠡᠷᠡ ᠤᠰᠤ ᠡᠬᠢᠯᠡᠨ ᠬᠢᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠴᠠᠢ ᠨᠦᠳᠦᠬᠦ ᠳᠡᠭᠡᠨ ᠲᠣᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠬᠤ᠂ ᠪᠠᠷᠢᠬᠤ ᠳᠠᠭᠠᠨ ᠭᠠᠭᠴᠠ ᠭᠠᠷ ᠢᠶᠠᠷ ᠥᠭᠬᠦ᠂ ᠠᠪᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ | ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠬᠤ ᠳᠠᠭᠠᠨ ᠬᠠᠯᠪᠠᠭᠠ᠂ ᠰᠢᠨᠠᠭᠠᠨ ᠤ ᠠᠮᠠᠰᠠᠷ ᠢ ᠪᠤᠷᠤᠭᠤ ᠲᠡᠰᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠬᠤ | ᠶᠢ ᠴᠡᠭᠡᠷᠯᠡᠳᠡᠭ ᠃ | ᠴᠠᠢ ᠶᠢ ᠤᠤᠭᠤᠬᠤ ᠪᠣᠯᠣᠨ ᠬᠥᠮᠥᠨ ᠠᠴᠠ ᠠᠪᠬᠤ ᠂ ᠬᠥᠮᠥᠨ ᠳᠤ ᠥᠭᠬᠦ ᠳᠤ ᠪᠠᠨ ᠠᠶᠠᠭᠠᠨ ᠤ ᠠᠮᠠᠰᠠᠷ ᠢ | ᠬᠤᠷᠤᠭᠤᠨ ᠤ ᠥᠨᠳᠡᠭᠡ ᠪᠠᠨ ᠳᠠᠪᠠᠭᠤᠯᠤᠨ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠭᠡᠷ ᠤᠨ ᠡᠵᠡᠨ ᠳᠤ ᠴᠠᠢ ᠶᠢᠨ ᠳᠡᠭᠡᠵᠢ ᠪᠠᠨ ᠥᠭᠭᠦᠯ ᠦᠭᠡᠢ ᠪᠠᠷ ᠵᠣᠴᠢᠨ ᠪᠣᠯᠣᠨ ᠪᠤᠰᠤᠳ ᠬᠥᠮᠥᠨ ᠳᠤ ᠥᠭᠪᠡᠯ | ᠭᠡᠷ ᠤᠨ ᠡᠵᠡᠨ ᠤ ᠬᠡᠰᠢᠭ ᠢ ᠲᠠᠷᠬᠠᠭᠠᠭᠰᠠᠨ ᠬᠡᠷᠡᠭ ᠂ ᠬᠡᠶᠢᠮᠣᠷᠢ ᠣᠯᠵᠠ ᠨᠢ ᠳᠣᠷᠣᠶᠢᠲᠠᠨᠠ ᠭᠡᠵᠦ ᠦᠵᠡᠳᠡᠭ ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |