ᠠᠶᠠᠭᠠ ᠰᠤᠩᠭᠤᠬᠤ᠄ ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠬᠤ ᠠᠶᠠᠭᠠ ᠱᠠᠭᠠᠵᠠᠩ ᠨᠢ ᠡᠷᠭᠡᠪᠡᠰᠢ ᠴᠠᠪᠠᠷ ᠮᠦᠷᠳᠡᠭᠡᠨ | ᠡᠮᠳᠠᠷᠴᠤ ᠬᠤᠯᠳᠤᠷᠴᠤ ᠰᠠᠪᠳᠤᠵᠦ ᠴᠠᠪ ᠭᠠᠷᠤᠭᠰᠠᠨ ᠦᠭᠡᠢ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠤᠬᠢᠶᠠᠵᠦ ᠴᠠᠪᠠᠷᠯᠡᠭᠰᠡᠨ ᠦᠭᠡᠢ᠂ | ᠡᠰᠠᠬᠦᠯᠠ ᠡᠮᠳᠡᠷᠡᠭᠡᠢ᠂ ᠴᠠᠪ ᠲᠠᠢ ᠠᠶᠠᠭᠠ ᠱᠠᠭᠠᠵᠠᠩ ᠲᠤ ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠵᠦ ᠦᠭᠭᠦ ᠶᠢ ᠪᠤᠰᠤᠳ ᠢ | ᠬᠦᠨᠳᠦᠳᠬᠡᠬᠦ ᠦᠭᠡᠢ᠂ ᠪᠡᠯᠭᠡ ᠳᠠᠮᠪᠡᠷᠡᠯ ᠦᠭᠡᠢ ᠭᠡᠮᠡᠨ ᠦᠵᠡᠳᠡᠭ᠃ | ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠬᠤ᠄ ᠭᠡᠨ ᠳᠤ ᠴᠤ ᠪᠤᠯᠤᠭᠰᠠᠨ᠂ ᠴᠠᠢ ᠱᠦᠯᠦ᠂ ᠬᠤᠭᠤᠯᠠ ᠪᠤᠳᠠᠭᠠ ᠠᠶᠠᠭᠠᠯᠠᠬᠤ ᠳᠠᠭᠠᠨ | ᠭᠡᠳᠦᠷᠭᠡᠢ ᠳᠦᠭᠦᠷᠳᠡᠯᠡ ᠪᠢᠯᠬᠠᠳᠠᠯᠠ ᠠᠶᠠᠭᠠᠯᠠᠬᠤ ᠪᠤᠶᠤ ᠳᠤᠮᠳᠠᠭᠤᠷ ᠠᠶᠠᠭᠠᠯᠠᠳᠠᠭ ᠦᠭᠡᠢ᠃ | ᠬᠤᠭᠤᠯᠠ ᠴᠠᠢ ᠨᠠᠮᠠᠬᠦ᠄ ᠠᠬᠠᠮᠠᠳ ᠨᠠᠰᠤᠳᠠᠳ ᠪᠤᠶᠤ ᠭᠡᠶᠢᠴᠢᠨ ᠵᠤᠴᠢᠳ ᠲᠤ ᠬᠤᠭᠤᠯᠠ ᠴᠠᠢ ᠨᠠᠮᠠᠵᠦ ᠳᠠᠬᠢᠨ | ᠠᠶᠠᠭᠠᠯᠠᠬᠤ ᠪᠦᠷᠢ ᠠᠶᠠᠭᠠ ᠶᠢ ᠨᠢ ᠳᠤᠰᠤᠨ ᠠᠪᠤᠭᠠᠳ ᠬᠤᠭᠤᠯᠠ ᠴᠠᠢ ᠪᠠᠨ ᠨᠠᠮᠡᠭᠰᠡᠨ ᠤ ᠳᠠᠷᠠᠭᠠ ᠳᠠᠬᠢᠨ | ᠭᠠᠷᠳᠠᠭᠤᠯᠵᠦ ᠦᠭᠭᠦᠨᠡ᠃ ᠰᠢᠭᠤᠳ ᠭᠠᠷ ᠳᠡᠭᠡᠷᠡ ᠨᠢ ᠳᠤᠰᠤᠭᠤᠯᠤᠨ ᠠᠶᠠᠭᠠᠯᠠᠳᠠᠭ ᠦᠭᠡᠢ᠃ | ᠠᠶᠠᠭᠠ ᠪᠠᠷᠢᠬᠤ᠂ ᠳᠤᠰᠬᠤ᠂ ᠭᠠᠷᠳᠠᠭᠤᠯᠬᠤ᠄ ᠮᠤᠩᠭᠤᠯᠴᠤᠳ ᠪᠠᠷᠠᠭᠤᠨ ᠭᠠᠷ ᠪᠤᠯ ᠵᠦᠪ ᠭᠠᠷ᠂ ᠵᠠᠬᠦᠨ ᠭᠠᠷ | ᠪᠤᠯ ᠰᠣᠯᠣᠭᠠᠢ ᠭᠠᠷ ᠭᠡᠵᠦ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠠᠯᠢᠪᠠ ᠶᠠᠭᠤᠮᠠ ᠶᠢ ᠤᠯᠠᠩᠬᠢ ᠳᠠᠭᠠᠨ ᠵᠦᠪ | ᠭᠠᠷ ᠢᠶᠠᠷ ᠢᠶᠠᠨ ᠤᠷᠢᠳᠴᠢᠯᠠᠨ ᠪᠠᠷᠢᠵᠦ ᠳᠤᠰᠳᠠᠭ᠃ ᠬᠤᠭᠤᠯᠠ ᠴᠠᠢ ᠠᠶᠠᠭᠠᠯᠠᠵᠦ ᠪᠤᠰᠤᠳ ᠲᠤ ᠭᠠᠷᠳᠠᠭᠤᠯᠬᠤ | ᠪᠤᠶᠤ ᠪᠤᠰᠤᠳ ᠤᠨ ᠠᠶᠠᠭᠠ ᠶᠢ ᠳᠤᠰᠬᠤ ᠳᠠᠭᠠᠨ ᠴᠤ ᠴᠦᠮ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠦ ᠭᠠᠷᠳᠠᠭᠤᠯᠵᠦ᠂ | ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠳᠤᠰᠴᠤ ᠠᠪᠳᠠᠭ᠃ ᠵᠠᠬᠦᠨ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠦ ᠭᠠᠷᠳᠠᠭᠤᠯᠬᠤ ᠪᠤᠶᠤ ᠳᠤᠰᠴᠤ | ᠠᠪᠳᠠᠭ ᠦᠭᠡᠢ᠃ ᠬᠤᠭᠤᠯᠠ ᠴᠠᠢ᠂ ᠪᠤᠳᠠᠭᠠ ᠱᠦᠯᠦ ᠠᠶᠠᠭᠠᠯᠠᠬᠤ ᠳᠠᠭᠠᠨ᠂ ᠵᠡᠬᠦᠨ ᠭᠠᠷ ᠲᠠᠭᠠᠨ ᠠᠶᠠᠭᠠ ᠪᠠᠨ | ᠪᠠᠷᠢᠵᠦ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠰᠢᠨᠠᠭᠠ᠂ ᠳᠠᠪᠤᠷᠠ ᠪᠠᠨ ᠪᠠᠷᠢᠨ ᠬᠤᠭᠤᠯᠠ ᠴᠠᠢ ᠪᠠᠨ ᠬᠢᠵᠦ ᠠᠶᠠᠭᠠᠯᠠᠳᠠᠭ᠃ | ᠬᠤᠭᠤᠯᠠ ᠴᠠᠢ᠂ ᠪᠤᠳᠠᠭᠠ ᠱᠦᠯᠦ ᠪᠠᠨ ᠬᠢᠵᠦ ᠠᠶᠠᠭᠠᠯᠠᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠭᠠᠷ ᠢᠶᠠᠨ ᠰᠤᠯᠢᠨ ︵ᠵᠡᠬᠦᠨ | ᠭᠠᠷ ᠲᠠᠬᠢ ᠠᠶᠠᠭᠠ ᠪᠠᠨ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠰᠤᠯᠢᠨ ᠪᠠᠷᠢᠵᠦ︶ ᠠᠶᠠᠭᠠ ᠪᠠᠨ ᠦᠭᠳᠡᠭ᠃ | ︽ᠲᠠ ᠠᠶᠠᠭᠠ ᠪᠠᠨ ᠳᠠᠨᠳᠠ ᠳᠠᠯᠪᠢᠴᠢᠬᠠ᠂ ᠪᠢ ᠴᠠᠢ ᠨᠠᠮᠠᠵᠦ ᠦᠭᠭᠦᠶᠡ︾ ᠭᠡᠵᠦ ᠪᠤᠯᠬᠤ ᠦᠭᠡᠢ᠃ ᠠᠶᠠᠭᠠ ᠶᠢ | ᠨᠢ ᠳᠤᠰᠤᠨ ᠠᠪᠴᠦ ᠵᠠᠬᠦᠨ ᠭᠠᠷ ᠲᠠᠭᠠᠨ ᠪᠠᠷᠢᠭᠠᠳ ᠴᠠᠢ ᠪᠠᠨ ᠨᠡᠮᠡᠭᠡᠳ᠂ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠰᠤᠯᠢᠨ | ᠪᠠᠷᠢᠵᠦ ᠭᠡᠶᠢᠴᠢᠨ ᠵᠤᠴᠢᠨ ᠳᠤ ᠥᠭᠳᠡᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |