ᠪᠣᠷᠴᠠ ᠲᠠᠢ ᠴᠠᠢ | ᠬᠠᠷᠠ ᠴᠠᠢ ᠴᠢᠨᠠᠵᠤ ᠳᠠᠷᠠᠭᠠ ᠨᠢ ᠰᠦᠯᠡᠭᠡᠳ ᠳᠠᠬᠢᠨ ᠪᠤᠴᠠᠯᠭᠠᠨᠠ᠃ ᠢᠩᠭᠢᠭᠡᠳ ᠴᠠᠢ ᠪᠠᠨ ᠥᠭᠡᠷᠡ ᠰᠠᠪᠠᠨ ᠳᠤ | ᠱᠦᠭᠦᠵᠦ ᠶᠡᠭᠦᠯᠡᠭᠡᠳ ᠲᠣᠭᠤᠭᠠ ᠶᠢ ᠰᠠᠶᠢᠲᠤᠷ ᠴᠡᠪᠡᠷᠯᠡᠵᠦ ᠬᠠᠯᠠᠭᠠᠨᠠ᠃ ᠰᠢᠷᠠ ᠪᠤᠶᠤ ᠴᠠᠭᠠᠨ ᠪᠤᠳᠠᠭᠠ ᠶᠢ | ᠰᠡᠭᠦᠯ ᠤᠨ ᠥᠭᠡᠬᠦ ᠲᠠᠢ ᠬᠠᠮᠲᠤ ᠲᠣᠭᠤᠭᠠᠨ ᠳᠤ ᠬᠢᠵᠦ ᠬᠠᠭᠤᠷᠠᠭᠠᠳ ᠳᠡᠭᠡᠷᠡ ᠠᠴᠠ ᠨᠢ ᠱᠦᠭᠦᠭᠰᠡᠨ ᠴᠠᠢ ᠪᠠᠨ | ᠬᠢᠨᠡ᠃ ᠡᠭᠦᠨ ᠳᠡᠭᠡᠷᠡ ᠪᠠᠨ ᠨᠢᠮᠭᠡᠨ ᠬᠥᠰᠬᠦᠯᠡᠭᠰᠡᠨ ᠰᠡᠭᠦᠯ᠂ ᠭᠤᠳᠣᠭᠤᠷ ᠪᠣᠷᠴᠠ᠂ ᠪᠣᠭ ᠮᠠᠯ ᠤᠨ ᠬᠠᠲᠠᠭᠠᠭᠰᠠᠨ | ᠬᠠᠪᠢᠷᠭᠠ᠂ ᠡᠰᠡᠪᠡᠯ ᠭᠤᠷᠭᠤᠤᠯᠳᠠᠢ ᠨᠡᠮᠡᠵᠦ ᠬᠤᠵᠢᠷ᠂ ᠳᠠᠪᠤᠰᠤ ᠪᠠᠷ ᠠᠮᠲᠠ ᠲᠣᠬᠢᠷᠠᠭᠤᠯᠤᠨ ᠨᠢᠭᠡ ᠤᠳᠠᠭᠠ | ᠣᠷᠭᠢᠲᠠᠯᠠ ᠪᠣᠴᠠᠯᠭᠠᠨᠠ᠃ ᠡᠨᠡ ᠴᠠᠢ ᠶᠢ ᠠᠶᠠᠭᠠᠯᠠᠬᠤ ᠳᠠᠭᠠᠨ ᠪᠤᠳᠠᠭᠠ ᠪᠠᠨ ᠱᠦᠭᠦᠵᠦ ᠠᠶᠠᠭᠠᠨ ᠳᠤ ᠬᠢᠭᠡᠳ | ᠡᠷᠴᠢᠮ ᠰᠡᠭᠦᠯ᠂ ᠦᠵᠦᠮ ᠬᠠᠪᠢᠷᠭᠠ ᠳᠡᠭᠡᠷᠡ ᠨᠢ ᠴᠠᠢ ᠳᠦᠭᠦᠷᠭᠡᠭᠡᠳ ᠴᠠᠭᠠᠨ ᠲᠣᠰᠣ ᠨᠡᠮᠡᠨᠡ᠃ | ᠬᠤᠷᠭᠠᠰᠣ ᠲᠠᠢ ᠴᠠᠢ | ᠰᠢᠷᠡᠮᠦᠨ ᠲᠣᠭᠤᠭᠠᠨ ᠳᠤ ᠤᠰᠤ ᠪᠠᠨ ᠪᠤᠴᠠᠯᠭᠠᠵᠤ ᠢᠳᠡᠭᠡ ᠨᠡᠮᠡᠭᠡᠳ ᠪᠤᠴᠠᠯᠭᠠᠵᠤ ᠢᠳᠡᠭᠡᠰᠢᠭᠦᠯᠦᠨᠡ᠃ ᠳᠠᠷᠠᠭᠠ | ᠨᠢ ᠰᠦ ᠪᠠᠷ ᠰᠦᠯᠡᠵᠦ ᠪᠠᠭᠤᠯᠲᠠ ︵ᠴᠠᠢ ᠶᠢᠨ ᠬᠤᠵᠢᠷ︶ ᠰᠢᠷᠠ ᠲᠣᠰᠣ ᠨᠡᠮᠡᠭᠡᠳ ᠲᠣᠰᠣ ᠪᠠᠨ ᠵᠠᠳᠠᠷᠠᠵᠤ | ᠠᠭᠤᠰᠲᠠᠯᠠ ᠣᠯᠠᠨ ᠤᠳᠠᠭᠠ ᠰᠠᠮᠤᠷᠴᠤ ᠪᠤᠴᠠᠯᠭᠠᠨᠠ᠃ ᠴᠠᠢ ᠳᠠᠭᠠᠨ ᠬᠤᠨᠢᠨ ᠤ ᠬᠤᠶᠢᠬᠠᠯᠠᠵᠤ ᠬᠢᠷᠪᠣᠰᠣᠯᠠᠭᠰᠠᠨ | ᠭᠤᠳᠣᠩ ᠰᠡᠭᠦᠯ᠂ ᠡᠰᠡᠪᠡᠯ ᠰᠢᠭᠢᠷᠡ ᠬᠢᠵᠦ ᠪᠤᠴᠠᠯᠭᠠᠭᠰᠠᠨ ᠴᠠᠢ ᠶᠢ ᠬᠤᠷᠭᠠᠰᠣ ᠲᠠᠢ ᠴᠠᠢ ᠭᠡᠨᠡ᠃ | ᠴᠥᠴᠥᠬᠡᠢ ᠲᠠᠢ ᠴᠠᠢ | ᠭᠤᠷᠪᠠᠨ ᠯᠢᠲᠷ ᠤᠰᠤ᠂ 50 ᠭᠷᠡᠮ ᠴᠠᠢ ᠶᠢᠨ ᠢᠳᠡᠭᠡ᠂ 30 ᠭᠷᠡᠮ ᠠᠶᠢᠷᠠᠭ ᠤᠨ ᠲᠣᠰᠣ᠂ ᠲᠦᠭᠦᠬᠡᠢ ᠰᠦᠨ ᠤ | ᠴᠦᠴᠦᠭᠡᠢ᠂ ᠬᠤᠵᠢᠷ ᠲᠤᠰ ᠪᠦᠷᠢ 10 ᠭᠷᠡᠮ ᠢ ᠳᠠᠩᠬᠤ ᠪᠤᠶᠤ ᠲᠣᠭᠤᠭᠠᠨ ᠳᠤ ᠦᠢᠵᠦ ᠬᠢᠭᠡᠳ ᠰᠠᠮᠣᠷᠬᠤ ᠦᠭᠡᠢ | ᠪᠠᠷ ᠴᠢᠨᠠᠵᠤ ᠪᠣᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠬᠠᠯᠠᠭᠤᠨ ᠢᠶᠠᠷ ᠠᠶᠠᠭᠠᠯᠠᠨ ᠴᠦᠴᠦᠬᠡᠢ ᠬᠤᠯᠢᠵᠤ ᠤᠤᠭᠤᠨᠠ᠃ | ᠥᠳᠬᠡᠨ ᠰᠦ ᠲᠠᠢ ᠴᠠᠢ | ᠤᠰᠤ᠂ ᠢᠳᠡᠭᠡ ᠶᠢ ᠲᠠᠭᠠᠷᠠᠭᠤᠯᠤᠨ ᠬᠦᠴᠦᠲᠡᠢ ᠭᠠᠯ ᠢᠶᠠᠷ ᠬᠠᠷᠠ ᠴᠠᠢ ᠪᠤᠴᠠᠯᠭᠠᠵᠤ ᠰᠢᠭᠠᠷᠤ ᠶᠢ ᠨᠢ ᠱᠦᠭᠦᠭᠡᠳ | ᠰᠦ ᠪᠠᠷ ᠥᠳᠬᠡᠨ ᠰᠦᠯᠡᠵᠦ᠂ ᠠᠬᠢᠭᠤᠬᠠᠨ ᠰᠢᠷᠠ ᠲᠣᠰᠣ ᠨᠡᠮᠡᠨ ᠣᠯᠠᠨ ᠤᠳᠠᠭᠠ ᠰᠠᠮᠤᠷᠴᠤ ᠦᠶᠡ ᠦᠶᠡ | ᠣᠷᠭᠢᠲᠠᠯᠠ ᠪᠤᠴᠠᠯᠭᠠᠨᠠ᠃ ᠳᠠᠪᠤᠰᠤ᠂ ᠬᠤᠵᠢᠷ ᠢᠶᠠᠷ ᠠᠮᠲᠠ ᠲᠣᠬᠢᠷᠠᠭᠤᠯᠤᠨᠠ᠃ | ᠴᠠᠭᠠᠨ ᠲᠣᠰᠣ ᠲᠠᠢ ᠴᠠᠢ | ᠲᠣᠭᠤᠭᠠᠨ ᠳᠤ ᠤᠰᠤ ᠪᠠᠨ ᠬᠠᠯᠠᠭᠠᠵᠤ ᠳᠡᠭᠡᠷᠡ ᠨᠢ ᠰᠠᠶᠢᠲᠤᠷ ᠨᠤᠨᠳᠠᠭᠯᠠᠭᠰᠠᠨ ᠴᠠᠢ ᠶᠢᠨ ᠢᠳᠡᠭᠡ ᠨᠡᠮᠡᠵᠦ | ᠢᠳᠡᠭᠡᠰᠢᠲᠡᠯᠡ ᠪᠤᠴᠠᠯᠭᠠᠨᠠ᠃ ᠳᠠᠷᠠᠭᠠ ᠨᠢ ᠴᠠᠢ ᠪᠠᠨ ᠥᠭᠡᠷᠡ ᠰᠠᠪᠠᠨ ᠳᠤ ᠱᠦᠭᠦᠵᠦ ᠶᠡᠭᠦᠯᠡᠨᠡ᠃ ᠴᠡᠪᠡᠷᠯᠡᠭᠰᠡᠨ | ᠲᠣᠭᠤᠭᠠᠨ ᠳᠤ ᠰᠦ ᠪᠠᠨ ᠬᠢᠵᠦ ᠪᠤᠴᠠᠯᠭᠠᠭᠠᠳ ᠳᠡᠭᠡᠷᠡ ᠠᠴᠠ ᠨᠢ ᠬᠠᠷᠠ ᠴᠠᠢ ᠪᠠᠨ ᠬᠢᠵᠦ ᠳᠠᠬᠢᠨ | ᠪᠤᠴᠠᠯᠭᠠᠬᠤ ᠳᠠᠭᠠᠨ ᠳᠠᠪᠤᠰᠤ᠂ ᠠᠶᠢᠷᠠᠭ ᠤᠨ ᠴᠠᠭᠠᠨ ᠲᠣᠰᠣ ᠨᠡᠮᠡᠵᠦ ᠣᠯᠠᠨ ᠳᠠᠬᠢᠨ ᠰᠠᠮᠤᠷᠤᠨᠠ᠃ | ᠪᠤᠳᠠᠭᠠ ᠲᠠᠢ ᠴᠠᠢ | ᠴᠡᠪᠡᠷ ᠤᠭᠤᠲᠠᠨ ᠳᠤ ᠪᠤᠶᠤ ᠰᠠᠮᠪᠠᠢ ᠳᠤ ᠪᠣᠭᠤᠵᠤ ᠪᠢᠲᠡᠭᠦᠯᠡᠭᠰᠡᠨ ᠴᠠᠢ ᠶᠢᠨ ᠢᠳᠡᠭᠡ ᠶᠢ ᠰᠢᠷᠠ ᠪᠤᠳᠠᠭᠠ ᠲᠠᠢ | ᠬᠠᠮᠲᠤ ᠤᠰᠤᠨ ᠳᠤ ᠬᠢᠵᠦ ᠪᠤᠴᠠᠯᠭᠠᠨᠠ᠃ ᠳᠠᠷᠠᠭᠠ ᠨᠢ ᠰᠦ ᠪᠠᠷ ᠰᠦᠯᠡᠵᠦ ᠬᠤᠵᠢᠷ᠂ ᠰᠢᠷᠠ ᠲᠣᠰᠣ ᠪᠠᠷ ᠠᠮᠲᠠ | ᠲᠣᠬᠢᠷᠠᠭᠤᠯᠤᠨᠠ᠃ ᠠᠶᠠᠭᠠᠯᠠᠬᠤ ᠶᠢᠨ ᠡᠮᠦᠨᠡᠬᠡᠨ ᠳᠠᠩᠬᠤ ᠪᠠᠨ ᠰᠡᠭᠰᠦᠷᠴᠦ ᠰᠢᠷᠠ ᠪᠤᠳᠠᠭᠠ ᠶᠢ ᠴᠠᠢ ᠳᠤ | ᠲᠠᠷᠬᠠᠭᠠᠭᠠᠳ ᠠᠶᠠᠭᠠᠯᠠᠨᠠ᠃ ᠳᠠᠷᠢᠭᠠᠩᠭᠠ ᠨᠤᠲᠤᠭ ᠤᠨ ᠬᠢᠨ ᠴᠠᠢ ᠶᠢᠨ ᠬᠢ ᠪᠠᠨ ᠪᠤᠳᠠᠭᠠ ᠶᠢ ᠱᠦᠭᠦᠵᠦ | ᠠᠪᠤᠭᠠᠳ ᠪᠤᠷᠴᠠᠭ᠂ ᠨᠤᠨᠳᠠᠭ ᠡᠭᠡᠵᠡᠭᠡᠢ᠂ ᠬᠤᠷᠤᠳ᠂ ᠦᠷᠦᠮᠡ ᠲᠠᠢ ᠬᠤᠯᠢᠵᠤ ᠢᠳᠡᠬᠦ ᠳᠤᠷᠠᠲᠠᠢ᠃ ᠴᠠᠲᠠᠨ ᠴᠠᠢ | ᠵᠣᠳᠣ ᠮᠣᠳᠣᠨ ᠤ ᠬᠤᠯᠳᠠᠰᠣ ᠶᠢ ᠰᠠᠶᠢᠨ ᠬᠠᠲᠠᠭᠠᠭᠠᠳ ᠨᠠᠷᠢᠨ ᠬᠠᠭᠤᠷᠠᠢ ᠪᠠᠷ ᠦᠷᠦᠵᠦ ᠨᠣᠨᠲᠠᠭᠯᠠᠭᠰᠠᠨ ᠤ ᠳᠠᠷᠠᠭᠠ | ᠰᠢᠭᠰᠢᠵᠦ ᠤᠰᠤᠨ ᠳᠠᠭᠠᠨ ᠬᠢᠵᠦ ᠰᠠᠮᠣᠷᠳᠠᠭ᠃ ᠴᠠᠢ ᠪᠤᠴᠠᠯᠵᠤ ᠬᠤᠸᠠ ᠶᠠᠭᠠᠨ ᠥᠩᠭᠡ ᠲᠠᠢ ᠪᠣᠯᠣᠭᠰᠠᠨ ᠤ | ᠳᠠᠷᠠᠭᠠ ᠴᠠ ᠶᠢᠨ ᠰᠦ ᠪᠠᠷ ᠰᠦᠯᠡᠵᠦ ᠰᠠᠮᠣᠷᠣᠭᠠᠳ ᠬᠤᠵᠢᠷ ᠨᠡᠮᠡᠵᠦ ᠦᠷᠭᠦᠯᠵᠢᠯᠡᠭᠦᠯᠦᠨ ᠪᠤᠴᠠᠯᠭᠠᠨᠠ᠃ ᠡᠶᠢᠮᠦ | ᠴᠠᠢ ᠬᠤᠳᠣᠭᠤᠳᠤᠨ ᠤ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠰᠠᠶᠢᠨ᠂ ᠴᠢᠰᠤᠨ ᠤ ᠳᠠᠷᠤᠯᠲᠠ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ᠂ | ᠪᠡᠶᠡ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ᠂ ᠬᠢᠮᠤᠷᠠᠯ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ᠃ | ᠰᠡᠯᠡᠩᠭᠡ ᠶᠢᠨ ᠪᠣᠷᠣ ᠴᠠᠢ | ᠰᠢᠷᠡᠮᠦᠨ ᠲᠣᠭᠤᠭᠠᠨ ᠳᠤ ᠰᠢᠷᠠ ᠲᠣᠰᠣ᠂ ᠳᠠᠪᠤᠰᠤ᠂ ᠴᠠᠢ ᠶᠢᠨ ᠢᠳᠡᠭᠡ᠂ ᠭᠤᠯᠢᠷ ᠬᠠᠮᠲᠤᠳᠬᠠᠨ ᠬᠢᠵᠦ ᠪᠠᠭᠠ | ᠵᠡᠷᠭᠡ ᠬᠠᠭᠤᠷᠠᠭᠰᠠᠨ ᠤ ᠳᠠᠷᠠᠭᠠ ᠤᠰᠤ ᠨᠡᠮᠡᠵᠦ ᠰᠠᠮᠤᠷᠤᠨ ᠪᠤᠴᠠᠯᠭᠠᠨᠠ᠃ ᠬᠤᠨᠢᠨ ᠤ ᠨᠢᠮᠭᠡᠨ ᠬᠢᠷᠣᠭᠰᠠᠨ | ᠲᠦᠭᠦᠬᠡᠢ ᠰᠡᠭᠦᠯ ᠠᠴᠠ ᠬᠡᠷᠴᠢᠮ ᠢ ᠠᠶᠠᠭᠠᠨ ᠳᠠᠭᠠᠨ ᠬᠢᠵᠦ ᠳᠡᠭᠡᠷᠡ ᠠᠴᠠ ᠨᠢ ᠪᠣᠴᠠᠯᠣᠮᠠᠭᠠᠢ ᠬᠠᠯᠠᠭᠤᠨ ᠴᠠᠢ | ᠨᠡᠮᠡᠭᠡᠳ ᠢᠵᠢᠯ ᠬᠡᠮᠵᠢᠶᠡᠨ ᠤ ᠠᠮᠠᠰᠠᠷ ᠲᠠᠢ ᠠᠶᠠᠭᠠ ᠪᠠᠷ ᠬᠥᠮᠥᠷᠢᠨ ᠲᠠᠭᠯᠠᠵᠤ 2-3 ᠮᠢᠨᠦ᠋ᠲ ᠣᠷᠴᠢᠮ | ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠤᠤᠭᠤᠬᠤ ᠳᠤ ᠪᠡᠶᠡ ᠶᠢᠨ ᠠᠯᠵᠢᠶᠠᠯ ᠲᠠᠶᠢᠯᠣᠭᠳᠠᠳᠠᠭ᠃ | ᠭᠤᠪᠢ ᠶᠢᠨ ᠴᠠᠢ | ᠰᠢᠷᠠ ᠪᠤᠳᠠᠭᠠ ᠶᠢ ᠰᠠᠶᠢᠲᠤᠷ ᠴᠡᠪᠡᠷᠯᠡᠵᠦ ᠳᠡᠪᠳᠦᠭᠡᠭᠰᠡᠨ ᠤ ᠳᠠᠷᠠᠭᠠ ᠰᠡᠪᠡᠷᠡᠭᠡᠵᠦ ᠨᠦᠳᠦᠨᠡ᠃ ᠡᠭᠦᠨ ᠢ ᠪᠠᠨ | ᠬᠠᠯᠠᠭᠠᠭᠰᠠᠨ ᠰᠢᠷᠠ ᠲᠣᠰᠣᠨ ᠳᠤ ᠪᠠᠭᠠ ᠵᠡᠷᠭᠡ ᠬᠠᠭᠤᠷᠠᠭᠰᠠᠨ ᠤ ᠳᠠᠷᠠᠭᠠ ᠱᠦᠭᠦᠭᠰᠡᠨ ᠬᠠᠷᠠ ᠴᠠᠢ ᠪᠠᠨ ᠱᠦᠭᠦᠵᠦ | ᠬᠢᠭᠡᠳ ᠨᠢᠮᠭᠡᠨ ᠵᠦᠰᠦᠭᠰᠡᠨ ᠮᠢᠬᠠ ᠨᠡᠮᠡᠵᠦ ᠪᠣᠯᠲᠠᠯᠠ ᠨᠢ ᠪᠤᠴᠠᠯᠭᠠᠨᠠ᠃ ᠮᠢᠬᠠ᠂ ᠪᠤᠳᠠᠭᠠ ᠪᠣᠯᠬᠤ ᠦᠶᠡ ᠳᠤ | ᠳᠠᠪᠤᠰᠤ᠂ ᠬᠤᠵᠢᠷ ᠢᠶᠠᠷ ᠠᠮᠲᠠ ᠲᠣᠬᠢᠷᠠᠭᠤᠯᠤᠨ ᠰᠦ ᠪᠠᠷ ᠰᠦᠯᠡᠵᠦ ᠣᠷᠭᠢᠲᠠᠯᠠ ᠪᠤᠴᠠᠯᠭᠠᠨᠠ᠃ ᠴᠠᠢ ᠪᠡᠯᠡᠨ | ᠪᠣᠯᠣᠮᠠᠭᠴᠠ ᠰᠢᠷᠠ ᠲᠣᠰᠣ ᠨᠡᠮᠡᠵᠦ ᠰᠠᠮᠣᠷᠣᠭᠠᠳ ᠬᠠᠯᠠᠭᠤᠨ ᠢᠶᠠᠷ ᠨᠢ ᠠᠶᠠᠭᠠᠯᠠᠨᠠ᠃ ᠭᠤᠪᠢ ᠨᠤᠲᠤᠭ ᠲᠤ | ᠵᠠᠭᠰᠠᠭᠠᠯ ᠬᠡᠮᠡᠬᠦ ᠪᠤᠲᠠᠯᠢᠭ ᠤᠷᠭᠤᠮᠠᠯ ᠢ ᠴᠠᠢ ᠳᠤ ᠴᠢᠨᠠᠵᠤ ᠤᠤᠭᠤᠬᠤ ᠠᠴᠠ ᠭᠠᠳᠠᠨᠠ ᠴᠣᠯᠢᠬᠡᠷ ᠤᠨ ᠭᠤᠯᠢᠷ ᠢ | ᠰᠢᠷᠠ ᠲᠣᠰᠣᠨ ᠳᠤ ᠬᠠᠭᠤᠷᠴᠤ ᠳᠡᠭᠡᠷᠡ ᠠᠴᠠ ᠨᠢ ᠱᠦᠭᠦᠭᠰᠡᠨ ᠴᠠᠢ ᠪᠠᠨ ᠬᠢᠵᠦ ᠬᠦᠴᠦᠲᠡᠢ ᠭᠠᠯ ᠢᠶᠠᠷ | ᠪᠣᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠰᠦᠯᠡᠵᠦ ᠬᠤᠵᠢᠷ ᠢᠶᠠᠷ ᠠᠮᠲᠠ ᠲᠣᠬᠢᠷᠠᠭᠤᠯᠤᠨ ᠤᠤᠭᠤᠳᠠᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |