| | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠠᠵᠦ ᠤᠶᠢᠯᠡᠳᠪᠦᠷᠢ ᠪᠠ ᠮᠡᠳᠡᠭᠡ ᠵᠠᠩᠬᠢᠴᠢᠯᠠᠯᠳᠠ ᠶᠢᠨ ᠲᠤᠪᠴᠢᠶᠠ ᠠᠴᠠ | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ ᠪᠠᠶᠠᠨᠬᠤᠳᠠ ᠪᠠᠯᠭᠠᠰᠤᠨ ᠤ ᠵᠠᠬᠠ ᠲᠡᠯᠬᠡᠬᠦᠷ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠡᠳ᠋ ᠪᠤᠳᠠᠰ ᠤᠨ | ᠬᠠᠩᠭᠠᠯᠭᠠ ᠬᠦᠢᠴᠡᠳ ᠪᠠᠶᠢᠵᠦ᠂ ᠪᠠᠷᠠᠭᠠᠨ ᠤ ᠦᠨᠡ ᠬᠠᠩᠰᠢ ᠴᠤ ᠲᠤᠭᠳᠠᠭᠤᠨ ᠢᠶᠠᠨ ᠪᠠᠳᠤᠯᠠᠵᠦ ᠪᠠᠶᠢᠨᠠ᠃ | 10 ᠰᠠᠷᠠ ᠶᠢᠨ 21 ᠤ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭᠴᠢ ᠪᠠᠶᠠᠨᠬᠤᠳᠠ ᠪᠠᠯᠭᠠᠰᠤᠨ ᠤ ᠸᠠᠨ ᠰᠢᠶᠠᠩ ᠴᠧᠩ ᠳᠠᠬᠢ | ᠰᠢᠨ ᠯᠢᠶᠡᠨ ᠰᠢᠨ ᠬᠡᠳᠦ ᠲᠡᠯᠭᠡᠬᠦᠷ ᠲᠤ ᠬᠦᠷᠬᠦ ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠡᠳᠦᠷ ᠲᠤᠳᠤᠮ ᠤᠨ ᠭᠡᠷᠡᠭᠯᠡᠭᠡᠨ ᠤ | ᠲᠠᠯᠪᠢᠭᠤᠷ ᠲᠤ ᠡᠳ᠋ ᠪᠠᠷᠠᠭᠠ ᠲᠦᠬᠦᠷᠡᠩ ᠦᠷᠦᠭᠳᠡᠵᠦ᠂ ᠡᠯᠡ ᠲᠡᠮᠳᠡᠭᠳᠦ ᠬᠦᠨᠡᠰᠦ ᠲᠤᠳᠤᠷᠭᠠ᠂ ᠲᠤᠰᠤ᠂ | ᠲᠦᠬᠦᠮ ᠬᠤᠭᠤᠯᠠ᠂ ᠮᠢᠬᠠ᠂ ᠦᠨᠳᠡᠭᠡ ᠵᠡᠷᠭᠡ ᠲᠦᠷᠦᠯ ᠵᠦᠢᠯ ᠪᠦᠷᠢᠨ ᠲᠠᠯᠪᠢᠭᠤᠷ ᠲᠦᠬᠦᠷᠡᠩ ᠬᠠᠷᠠᠭᠳᠠᠵᠦ | ᠪᠠᠶᠢᠯᠠ᠃ ᠲᠠᠯᠪᠢᠭᠤᠷ ᠪᠤᠯᠭᠠᠨ ᠲᠡᠭᠡᠷᠡ ᠪᠤᠳᠠᠳᠠᠢ ᠦᠨᠡ ᠬᠠᠳᠠᠵᠦ᠂ ᠬᠡᠷᠡᠭᠯᠡᠭᠴᠢᠳ ᠠᠮᠠᠪᠴᠢ ᠪᠠᠨ ᠵᠡᠬᠦᠬᠡᠳ ᠡᠮᠬᠢ | ᠲᠢᠭᠯᠢᠮ ᠲᠠᠢ ᠪᠠᠷ ᠪᠠᠷᠠᠭᠠ ᠪᠠᠨ ᠰᠤᠩᠭᠤᠨ ᠠᠪᠴᠠᠭᠠᠵᠦ ᠪᠠᠶᠢᠯᠠ᠃ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠠᠵᠦ ᠤᠶᠢᠯᠡᠳᠪᠦᠷᠢ ᠪᠠ ᠮᠡᠳᠡᠭᠡ ᠵᠠᠩᠬᠢᠴᠢᠯᠠᠯᠳᠠ ᠶᠢᠨ ᠲᠤᠪᠴᠢᠶᠠ ᠶᠢᠨ | ᠪᠦᠷᠢᠳᠭᠡᠭᠰᠡᠨ ᠢᠶᠠᠷ᠂ 20 ᠤ ᠡᠳᠦᠷ ᠪᠤᠯᠳᠠᠯᠠ ᠪᠠᠶᠠᠨᠬᠤᠳᠠ ᠶᠢᠨ 1 ᠨᠤᠭᠤᠭᠠ ᠵᠢᠮᠢᠰ ᠢ ᠪᠦᠭᠡᠮ ᠢᠶᠠᠷ | ᠪᠤᠷᠤᠯᠠᠭᠤᠯᠬᠤ ᠲᠡᠯᠬᠡᠬᠦᠷ᠂ 6 ᠲᠤᠮᠤ ᠬᠡᠪᠴᠢᠶᠡᠨ ᠤ ᠬᠡᠳᠦ ᠲᠡᠯᠭᠡᠬᠦᠷ ᠤᠨ ᠨᠦᠬᠡᠴᠡᠯᠡᠭᠰᠡᠨ ᠲᠦᠬᠦᠮ ᠭᠤᠯᠢᠷ | ᠪᠠᠷᠤᠭ 13.2 ᠲᠦᠮᠡᠨ ᠤᠭᠤᠳᠠ ︵ᠰᠠᠪᠠ︶︔ ᠨᠦᠬᠡᠴᠡᠯᠡᠭᠰᠡᠨ ᠯᠤᠩᠬᠤ ᠲᠠᠢ ᠤᠰᠤ ᠪᠠᠷᠤᠭ 28.1 ᠲᠦᠮᠡᠨ | ᠯᠤᠩᠬᠤ︔ ᠬᠢᠮᠠ 3.3 ᠲᠦᠮᠡᠨ ᠰᠢᠷᠭᠡᠭ︔ ᠲᠤᠳᠤᠷᠭᠠ᠂ ᠭᠤᠯᠢᠷ ᠤᠨ ᠬᠠᠳᠠᠭᠠᠯᠠᠭᠳᠠᠴᠠ 93 ᠲᠤᠨ᠂ | ᠨᠤᠭᠤᠭᠠ ᠵᠢᠮᠢᠰ ᠤᠨ ᠡᠳᠦᠷ ᠪᠦᠷᠢ ᠶᠢᠨ ᠤᠷᠤᠭᠤᠯᠬᠤ ᠬᠡᠮᠵᠢᠶᠠ 57.37 ᠲᠤᠨ᠂ ᠨᠦᠭᠡᠴᠡᠯᠡᠭᠰᠡᠨ ᠬᠡᠮᠵᠢᠶᠡ 4. | 21 ᠲᠤᠨ︔ ᠬᠤᠰᠢᠭᠤᠨ ᠤ ᠬᠦᠢᠳᠡᠨ ᠬᠦᠮᠦᠷᠭᠡ ᠶᠢᠨ ᠭᠠᠭ᠋ᠠᠢ ᠶᠢᠨ ᠮᠢᠬᠠ ᠶᠢᠨ ᠨᠦᠬᠡᠴᠡᠯᠡᠭᠰᠡᠨ ᠬᠡᠮᠵᠢᠶᠡ 16 | ᠲᠤᠨ ᠠᠴᠠ ᠲᠡᠭᠡᠭᠰᠢ᠂ ᠢᠳᠡᠭᠡᠨ ᠤ ᠲᠤᠰᠤ 18.28 ᠲᠤᠨ᠂ ᠢᠳᠡᠭᠡᠨ ᠤ ᠲᠠᠪᠤᠰᠤ 3.74 ᠲᠤᠨ ᠪᠡᠯᠡᠳᠭᠡᠯ | ᠲᠠᠢ ᠪᠤᠢ᠃ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠺᠠᠢ ᠶᠤᠸᠠᠨ ᠬᠡᠳᠦ ᠲᠡᠯᠬᠡᠬᠦᠷ ᠤᠨ ᠲᠠᠷᠤᠭᠠ ᠯᠢᠦ ᠯᠢ ᠯᠢ᠄ ︽ᠤᠳᠤᠬᠠᠨ | ᠳᠤ ᠮᠠᠨ ᠤ ᠲᠡᠯᠬᠡᠬᠦᠷ ᠤᠨ ᠮᠢᠬᠠ ᠲᠤᠰᠤ᠂ ᠬᠦᠨᠠᠰᠦ ᠲᠤᠳᠤᠷᠭᠠ ᠵᠢᠴᠢ ᠪᠤᠰᠤᠳ ᠢᠳᠡᠭᠡᠨ ᠤ ᠵᠤᠶᠢᠯᠡᠰ ᠪᠦᠷ | ᠬᠠᠩᠭᠠᠯᠭᠠ ᠬᠦᠢᠴᠡᠳ ᠪᠠᠶᠢᠨᠠ᠃ ᠢᠳᠡᠰᠢᠨ ᠨᠤᠭᠤᠭᠠ ᠶᠢ ᠴᠤ ᠭᠠᠳᠠᠨᠠ ᠠᠴᠠ ᠴᠠᠭ ᠢ ᠠᠮᠵᠢᠭᠤᠯᠤᠨ | ᠤᠷᠤᠭᠤᠯᠵᠦ ᠪᠤᠢ᠃ ᠦᠨᠡ ᠬᠠᠩᠰᠢ ᠶᠢᠨ ᠲᠠᠯᠠ ᠪᠠᠷ ᠠᠯᠢ ᠴᠤ ᠡᠳ᠋ ᠪᠠᠷᠠᠭᠠ ᠨᠢ ᠬᠢᠵᠢᠭ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ | ᠠᠴᠠ ᠪᠤᠯᠵᠦ ᠬᠡᠯᠪᠡᠯᠵᠡᠯᠳᠡ ᠭᠠᠷᠬᠤ ᠪᠤᠯᠤᠮᠵᠢ ᠦᠭᠡᠢ᠃ ᠢᠳᠡᠰᠢᠨ ᠨᠤᠭᠤᠭᠠ ᠨᠢ ᠵᠠᠬᠠ ᠲᠡᠯᠬᠡᠬᠦᠷ ᠤᠨ ᠪᠠᠶᠢᠳᠠᠯ᠂ | ᠤᠯᠠᠷᠢᠯ ᠰᠤᠯᠢᠭᠰᠠᠨ ᠪᠠᠶᠢᠳᠠᠯ ᠠᠴᠠ ᠪᠠᠭᠠ ᠬᠡᠮᠵᠢᠶᠡᠨ ᠤ ᠲᠤᠬᠢᠷᠠᠭᠤᠯᠤᠯᠳᠠ ᠭᠠᠷᠬᠤ ᠪᠤᠯᠤᠮᠵᠢ ᠪᠠᠶᠢᠪᠠᠴᠤ | ᠦᠩᠭᠡᠷᠡᠭᠰᠡᠨ ᠵᠢᠯ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠲᠡᠮᠡᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠬᠤ ᠦᠭᠡᠢ︾ ᠬᠡᠵᠦ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ | ᠶᠠᠷᠢᠯᠠ᠃ | ᠲᠠᠷᠠᠭᠠ ᠠᠯᠬᠤᠮ ᠳᠤ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠠᠵᠦ ᠤᠶᠢᠯᠡᠳᠪᠦᠷᠢ ᠪᠠ ᠮᠡᠳᠡᠭᠡ ᠵᠠᠩᠬᠢᠴᠢᠯᠠᠯᠳᠠ | ᠶᠢᠨ ᠲᠤᠪᠴᠢᠶᠠ ᠦᠷᠬᠦᠯᠵᠢᠯᠡᠨ ᠲᠤᠮᠤ ᠬᠡᠪᠴᠢᠶᠡᠨ ᠤ ᠲᠡᠯᠭᠡᠬᠦᠷ ᠤᠨ ᠬᠢᠵᠢᠭ ᠢ ᠰᠡᠷᠬᠡᠶᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯ ᠵᠢᠴᠢ | ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠡᠳᠦᠷ ᠲᠤᠳᠤᠮ ᠤᠨ ᠭᠡᠷᠡᠭᠯᠡᠭᠡᠨ ᠤ ᠵᠤᠶᠢᠯᠡᠰ ᠤᠨ ᠬᠠᠩᠭᠠᠯᠭᠠ ᠶᠢᠨ ᠠᠵᠢᠯ ᠢ ᠰᠠᠶᠢᠳᠤᠷ | ᠠᠳᠬᠤᠵᠦ᠂ ᠬᠢᠵᠢᠭ ᠢ ᠰᠡᠷᠬᠡᠶᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯ ᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠢ ᠪᠡᠶᠡᠯᠡᠬᠦᠯᠬᠦ ᠶᠢᠨ ᠲᠠᠭᠠᠤ | ᠳᠤ ᠪᠦᠬᠦ ᠠᠶᠢᠮᠠᠭ ᠲᠤ ᠡᠳ᠋ ᠪᠤᠳᠠᠰ ᠤᠨ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡ ᠶᠢᠨ ᠲᠠᠯᠠ ᠶᠢᠨ ᠵᠦᠷᠢᠴᠡᠯ ᠡᠬᠦᠰᠬᠡᠬᠦ ᠦᠭᠡᠢ | ᠪᠠᠶᠢᠬᠤ ᠶᠢ ᠪᠠᠳᠤᠯᠠᠬᠤ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠬᠤ ᠪᠤᠯᠤᠨᠠ᠃ | | |