ᠤᠳᠤᠮᠰᠢᠵᠤ ᠴᠢᠳᠠᠭᠰᠠᠨ ᠤᠨᠠᠭᠠᠨ ᠵᠢᠷᠤᠭᠠ ᠮᠣᠷᠢᠨ ᠤ ᠶᠠᠪᠤᠳᠠᠯ ᠢ ᠨᠢ ᠠᠬᠢᠭᠤᠯᠤᠨ ᠲᠣᠭᠲᠠᠭᠠᠵᠤ ᠂ ᠪᠠᠭᠠ | ᠵᠠᠯᠠᠭᠤ ᠠᠳᠤᠭᠤᠨ ᠳᠤ ᠵᠢᠷᠤᠭᠠ ᠶᠠᠪᠤᠳᠠᠯ ᠣᠷᠣᠭᠤᠯᠵᠤ᠂ ᠬᠤᠷᠳᠣᠨ ᠵᠢᠷᠤᠭᠠ ᠬᠦᠯᠦᠭ ᠢ ᠰᠢᠨᠵᠢᠨ ᠳᠠᠨᠢᠵᠣ᠂ | ᠰᠠᠶᠢᠬᠠᠨ ᠣᠶᠠᠵᠣ ᠰᠦᠢᠵᠦ ᠬᠤᠷᠳᠣᠯᠠᠭᠤᠯᠳᠠᠭ ᠮᠡᠳᠡᠯᠭᠡ ᠠᠪᠢᠶᠠᠰ ᠢᠶᠠᠷ ᠢᠶᠠᠨ ᠣᠯᠠᠨ ᠳᠤ ᠪᠠᠨ ᠬᠦᠨᠳᠦᠯᠡᠭᠳᠡᠵᠦ | ᠭᠠᠶᠢᠬᠠᠭᠳᠠᠭᠰᠠᠨ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠤᠨᠳᠤᠷᠤᠯᠳᠤ ᠪᠠᠯᠭᠠᠰᠤᠨ ᠤ ᠠᠯᠳᠠᠨᠴᠢᠯᠠᠭᠤ ᠠᠴᠠ ᠵᠢᠷᠤᠭᠠ ᠮᠣᠷᠢ | ᠳᠠᠷᠤᠬᠤ ᠠᠷᠭᠠ ᠤᠬᠠᠭᠠᠨ᠂ ᠲᠤᠭᠤᠯᠵᠤ ᠥᠩᠭᠡᠷᠡᠭᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠲᠤᠬᠠᠢ ᠬᠥᠭᠡᠷᠦᠯᠳᠦᠭᠰᠡᠨ ᠪᠢᠯᠡ | ᠃ | | | ᠠᠯᠲᠠᠨᠴᠢᠯᠠᠭᠤ ᠭᠤᠸᠠᠢ ᠪᠣᠯ ᠠᠷᠪᠠᠨ ᠳᠣᠯᠣᠭᠠᠨ ᠨᠠᠰᠣᠨ ᠠᠴᠠ ᠪᠠᠨ ᠪᠠᠷᠢᠭᠠᠳᠠ ᠶᠢᠨ ᠬᠠᠮᠳᠣ ᠶᠢᠨ ᠠᠳᠣᠭᠤᠨ | ᠰᠦᠷᠦᠭ ᠢ ᠬᠠᠷᠢᠭᠤᠯᠵᠣ ᠬᠤᠷᠳᠣᠨ ᠮᠣᠷᠢᠨ ᠤ ᠬᠦᠯᠦᠰᠣ ᠶᠢ ᠠᠪᠴᠣ ᠣᠶᠠᠵᠣ ᠰᠣᠷᠢᠵᠣ ᠡᠬᠢᠯᠡᠬᠦ ᠳᠡᠭᠡᠨ | ᠳᠡᠭᠡᠳᠦᠰ ᠠᠴᠠ ᠣᠯᠠᠮᠵᠢᠯᠠᠭᠰᠠᠨ ᠳᠣᠷᠰᠢᠯᠭᠠ ᠶᠢ ᠦᠪᠯᠡᠨ ᠬᠠᠳᠠᠭᠠᠯᠠᠵᠣ᠂ ᠠᠬᠠᠮᠠᠳ ᠣᠶᠠᠭᠠᠴᠢᠳ ᠤᠨ ᠡᠷᠳᠡᠮ ᠢ | ᠰᠢᠨᠵᠢᠨ ᠰᠣᠷᠴᠣ᠂ ᠴᠢᠨᠠᠭᠰᠢᠳᠠ ᠬᠤᠷᠠᠮᠳᠣᠭᠤᠯᠣᠨ ᠪᠣᠯᠪᠠᠰᠣᠷᠠᠭᠤᠯᠣᠭᠰᠠᠭᠠᠷ ᠪᠠᠶᠢᠵᠣ ᠮᠣᠷᠢᠨ ᠳᠤ ᠵᠢᠷᠤᠭᠠ | ᠰᠤᠷᠭᠠᠨ ᠵᠥᠪ ᠰᠠᠶᠢᠬᠠᠨ ᠡᠳ᠋ᠯᠡᠳᠡᠭ ᠬᠠᠰᠢᠷ ᠮᠠᠯᠴᠢᠨ ᠪᠣᠯᠣᠨᠠ᠃ | | | | ᠠᠯᠳᠠᠨᠴᠢᠯᠠᠭᠤ ᠭᠤᠸᠠᠢ ᠬᠤᠷᠳᠤᠨ ᠮᠣᠷᠢ᠂ ᠵᠢᠷᠤᠭᠠ ᠮᠤᠷᠢ ᠰᠢᠨᠵᠢᠨ ᠳᠠᠨᠢᠬᠤ ᠳᠠᠭᠠᠨ ᠰᠠᠶᠢᠨ᠂ ᠢᠯᠠᠩᠭᠤᠶᠠ | ᠵᠢᠷᠤᠭᠠ ᠮᠤᠷᠢ ᠲᠠᠰᠬᠠᠬᠤ ᠳᠠᠭᠠᠨ ᠡᠷᠳᠡᠮ ᠲᠠᠢ᠃ ᠵᠢᠷᠤᠭᠠ ᠰᠠᠭᠤᠯᠭᠠᠬᠤ ᠮᠡᠷᠭᠡᠵᠢᠯ ᠢ ᠠᠯᠳᠠᠨᠴᠢᠯᠠᠭᠤ ᠶᠠᠷᠣᠨᠢ | ᠦᠪᠡᠷ ᠤᠨ ᠤᠷᠠ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠵᠣ᠂ ᠤᠷᠤᠯᠳᠤᠭᠰᠠᠭᠠᠷ ᠤᠳᠦ ᠪᠤᠯᠵᠦ ᠪᠠᠶᠢᠭᠠ ᠠᠵᠢ᠃ ᠲᠡᠷᠡ | ᠲᠤᠬᠠᠢ ᠪᠠᠨ ᠠᠯᠳᠠᠨᠴᠢᠯᠠᠭᠤ᠄ ︽ᠮᠣᠷᠢᠨ ᠳᠤ ᠡᠪ ᠭᠡᠵᠣ ᠪᠤᠢ᠂ ᠡᠨᠡᠬᠦ ᠡᠪ ᠢ ᠮᠣᠷᠢᠨ ᠳᠤ ᠲᠠᠰᠬᠠᠬᠤ ᠨᠢ ᠬᠠᠮᠤᠭ | ᠴᠢᠬᠤᠯᠠ᠃ ᠵᠢᠷᠤᠭᠠ ᠰᠣᠷᠭᠠᠬᠤ ᠳᠤ ᠬᠠᠮᠤᠭ ᠪᠠᠭᠠ ᠳᠠᠭᠠᠨ 60 ᠡᠳᠣᠷ ᠢᠶᠠᠷ᠂ ᠬᠠᠮᠤᠭ ᠶᠡᠭᠡ ᠳᠡᠭᠡᠨ ᠬᠠᠭᠠᠰ | ᠵᠢᠯ ᠢᠶᠠᠷ ᠳᠠᠷᠣᠵᠣ ᠰᠣᠷᠭᠠᠳᠠᠭ︾ ᠬᠡᠵᠦ ᠪᠠᠶᠢᠬᠰᠠᠨ ᠪᠢᠯᠡ᠃ ︽ᠮᠠᠯᠴᠢᠨ ᠬᠦᠮᠣᠨ ᠮᠢᠩᠭᠠᠨ ᠮᠡᠷᠭᠡᠵᠢᠯ ᠲᠠᠢ︾ | ᠭᠡᠳᠡᠭ ᠢᠶᠠᠷ ᠠᠯᠳᠠᠨᠴᠢᠯᠠᠭᠤ ᠶᠢᠨ ᠭᠠᠭᠴᠠᠬᠦ ᠵᠢᠷᠤᠭᠠ ᠳᠠᠷᠣᠬᠤ ᠮᠡᠷᠭᠡᠵᠢᠯ ᠢ ᠶᠡᠷᠦᠨᠢ ᠲᠡᠶᠢᠮᠦ ᠠᠮᠠᠷᠬᠠᠨ ᠢᠶᠠᠷ | ᠡᠵᠡᠮᠰᠢᠵᠣ ᠴᠢᠳᠠᠳᠠᠭ ᠦᠭᠡᠢ᠃ ᠵᠢᠷᠤᠭᠠ ᠮᠣᠷᠢᠨ ᠳᠤ ᠣᠨᠠᠭᠠᠨ ᠵᠢᠷᠤᠭᠠ ︵ᠳᠦᠷᠦᠯᠬᠢ ᠵᠢᠷᠤᠭᠠ︶᠂ ᠳᠠᠷᠣᠭᠰᠠᠨ | ᠵᠢᠷᠤᠭᠠ ︵ᠳᠠᠭᠠ ᠠᠴᠠ ᠨᠢ ᠳᠠᠷᠣᠬᠤ︶ ᠭᠡᠵᠣ ᠪᠠᠶᠢᠳᠠᠭ᠂ ᠮᠥᠨ ᠴᠦ ᠳᠠᠷᠣᠵᠣ ᠴᠢᠳᠠᠳᠠᠭ ᠦᠭᠡᠢ ᠵᠢᠷᠤᠭᠠ ᠮᠣᠷᠢ᠂ | ᠶᠠᠪᠣᠭ ᠦᠭᠡᠢ ᠬᠤᠨᠢᠨ ᠵᠢᠷᠤᠭᠠ ᠭᠡᠵᠣ ᠴᠦ ᠪᠠᠶᠢᠳᠠᠭ᠃ ᠳᠡᠷᠠ ᠮᠠᠨᠢ ᠭᠤᠴᠢᠭᠠᠳ ᠮᠣᠷᠢ ᠶᠢ ᠪᠣᠰᠣᠳ ᠲᠤ | ᠬᠠᠪᠰᠣᠷᠴᠣ ᠳᠠᠷᠣᠵᠣ ᠰᠣᠷᠭᠠᠨ᠂ ᠦᠪᠡᠷ ᠤᠨ ᠢᠶᠠᠨ ᠬᠤᠷᠢ ᠬᠦᠷᠬᠦ ᠮᠣᠷᠢ ᠪᠠᠨ ᠵᠢᠷᠤᠭᠠ ᠰᠣᠷᠭᠠᠭᠰᠠᠨ ᠠᠵᠢ᠃ ︽ | ᠮᠣᠷᠢ ᠭᠡᠵᠣ ᠦᠨᠡᠭᠡᠷ ᠡᠩᠬᠦᠷᠡᠢ ᠠᠮᠢᠳᠠᠨ᠂ ᠰᠦᠢᠯᠭᠠ᠂ ᠳᠡᠵᠢᠭᠡᠯ ᠢ ᠨᠢ ᠴᠠᠭ ᠳᠣᠬᠠᠢ ᠳᠤᠨᠢ ᠦᠭᠬᠦ ᠭᠡᠷᠡᠭᠳᠡᠢ᠂ | ᠨᠡᠩ ᠴᠦ ᠵᠢᠷᠤᠭᠠ ᠮᠣᠷᠢ ᠪᠠᠨ ᠠᠷᠠᠴᠢᠯᠠᠵᠣ ᠳᠣᠳᠣᠮᠳᠠᠬᠤ ᠳᠤ ᠡᠪᠡᠰᠣ ᠶᠢ ᠨᠢ ᠪᠠᠭᠠ ᠪᠠᠭᠠ ᠪᠠᠷ ᠦᠭᠴᠣ | ᠬᠤᠷᠳᠣᠴᠠ ᠶᠢ ᠨᠢ ᠬᠠᠳᠠᠭᠠᠯᠠᠨᠠ᠃ ᠦᠷᠯᠦᠭᠡ ᠡᠪᠡᠰᠦ ᠲᠡᠵᠢᠭᠡᠯ ᠥᠭᠭᠦᠭᠰᠡᠨ ᠤ ᠬᠠᠭᠠᠰ ᠴᠠᠭ ᠤᠨ ᠳᠠᠷᠠᠭᠠ | ᠡᠳ᠋ᠯᠡᠪᠡᠯ ᠵᠣᠬᠢᠰᠳᠠᠢ᠃ ᠵᠢᠷᠤᠭᠠ ᠰᠤᠷᠭᠠᠭᠴᠢ ᠪᠤᠶᠤ ᠤᠨᠤᠭᠠᠴᠢ ᠨᠢ ᠵᠠᠪᠠᠯ ᠵᠢᠩ ᠶᠡᠬᠡᠲᠡᠢ ᠬᠥᠮᠥᠨ ᠪᠠᠶᠢᠪᠠᠯ | ᠲᠣᠬᠢᠷᠠᠮᠵᠢᠲᠠᠢ︾ ᠭᠡᠯᠡ᠃ ᠠᠯᠲᠠᠨᠴᠢᠯᠠᠭᠤ ᠶᠢᠨ ᠳᠠᠷᠤᠭᠰᠠᠨ ᠵᠢᠷᠤᠭᠠ ᠮᠣᠷᠢ ᠨᠢ ᠬᠦᠬᠡᠨᠠᠭᠤᠷ᠂ ᠰᠢᠨᠵᠢᠶᠠᠩ᠂ | ᠭᠠᠨᠰᠣ ᠵᠡᠷᠭᠡ ᠭᠠᠵᠠᠷ ᠨᠣᠳᠤᠭ ᠤᠨ ᠬᠦᠮᠣᠰ ᠲᠤ ᠪᠣᠷᠣᠯᠠᠭᠤᠯᠤᠭᠳᠠᠵᠤ᠂ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠬᠥᠮᠥᠰ | ᠳᠡᠬᠦᠨ ᠤ ᠳᠠᠷᠤᠭᠰᠠᠨ ᠮᠣᠷᠢ ᠶᠢ ᠵᠠᠯᠭᠠᠪᠠᠷ ᠳᠠᠰᠬᠠᠵᠤ ᠳᠣᠳᠣᠮᠳᠠᠨ᠂ ᠴᠠᠭᠠᠰᠢ ᠪᠠᠨ ᠰᠧᠴᠤᠸᠠᠨ᠂ ᠲᠦᠪᠡᠳ ᠵᠡᠷᠭᠡ | ᠭᠠᠵᠠᠷ ᠣᠷᠣᠨ ᠳᠤ ᠬᠡᠳᠦᠨ ᠲᠦᠮᠡ᠂ ᠠᠷᠪᠠᠨ ᠬᠡᠳᠦᠨ ᠲᠦᠮᠡ ᠪᠠᠷ ᠪᠣᠷᠣᠯᠠᠭᠤᠯᠳᠠᠭ ᠨᠢ᠂ ᠲᠠᠪᠤᠨ ᠬᠤᠰᠢᠭᠤ | ᠮᠠᠯ ᠢᠶᠠᠨ ᠲᠠᠪᠠ ᠲᠤᠬᠠ ᠶᠢ ᠨᠢ ᠣᠯᠵᠤ ᠵᠥᠪ ᠰᠠᠶᠢᠬᠠᠨ ᠳᠣᠳᠣᠮᠳᠠᠳᠠᠭ ᠶᠤᠮ ᠪᠣᠯ ᠥᠪᠡᠷ ᠥᠪᠡᠷ ᠤᠨ ᠭᠡᠰᠡᠨ | ᠥᠨᠳᠥᠷ ᠣᠨᠤᠭᠠ ᠲᠠᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠠᠢ ᠪᠥᠭᠡᠳ ᠠᠯᠳᠠᠨᠴᠢᠯᠠᠭᠤ ᠭᠤᠸᠠᠢ ᠶᠢᠨ ᠵᠢᠷᠤᠭᠠ ᠰᠣᠷᠭᠠᠬᠤ | ᠮᠡᠷᠭᠡᠵᠢᠯ ᠨᠢ ᠵᠢᠷᠤᠭᠠ ᠮᠣᠷᠢᠲᠠᠳ ᠤᠨ ᠵᠠᠬᠠ ᠳᠤ ᠤᠷᠠ ᠮᠡᠷᠭᠡᠵᠢᠯ ᠤᠨ ᠨᠡᠷᠡ ᠲᠥᠷᠥ ᠪᠠᠨ ᠨᠢᠭᠡᠨᠲᠡ ᠲᠣᠳᠣᠷᠬᠠᠢ | ᠲᠠᠮᠠᠭᠠᠯᠠᠭᠰᠠᠨ ᠠᠵᠢ᠃ | | | | | ᠠᠯᠳᠠᠨᠴᠢᠯᠠᠭᠤ ᠭᠤᠸᠠᠢ ︽ᠳᠠᠯᠠ ᠨᠣᠳᠤᠭ ᠤᠨ ᠮᠣᠷᠢᠳᠡᠨ︾ ᠬᠡᠮᠡᠬᠦ ᠰᠡᠶᠢᠬᠠᠨ ᠴᠣᠯᠠ ᠶᠢ ᠬᠦᠷᠳᠡᠵᠣ ᠶᠠᠪᠣᠭᠰᠠᠨ | ᠭᠠᠷᠮᠠᠭᠠᠢ ᠠᠳᠤᠭᠤᠴᠢᠨ᠂ ᠮᠥᠨ ᠴᠦ ᠣᠶᠢᠷᠠ ᠬᠠᠪᠢ ᠶᠢᠨ ᠮᠠᠯᠴᠢᠨ ᠳᠦᠮᠡᠨ ᠤ ᠪᠠᠨ ᠳᠣᠮᠳᠠᠬᠢ ᠰᠢᠯᠢᠳᠡᠭ | ᠣᠶᠠᠭᠠᠴᠢ ᠶᠣᠮᠰᠠᠨ᠃ ᠳᠡᠷᠡᠪᠡᠷ 1997 ᠣᠨ ᠠᠴᠠ ᠨᠠᠭᠠᠰᠢ ᠬᠦᠭᠡᠨᠠᠭᠤᠷ᠂ ᠭᠠᠨᠰᠣ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠡᠯᠡ | ᠭᠠᠵᠠᠷ ᠨᠣᠳᠤᠭ ᠤᠨ ᠨᠠᠶᠢᠷ ᠴᠣᠭᠯᠠᠭᠠᠨ ᠢᠶᠠᠷ ᠶᠠᠪᠣᠵᠣ᠂ ᠬᠤᠷᠢᠭᠠᠳ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠵᠢᠯ ᠪᠣᠯᠭᠠᠨ ᠳᠤ | ᠳᠣᠯᠤᠭᠠ ᠨᠠᠢᠮᠠᠨ ᠣᠳᠠᠭᠠ ᠪᠠᠷ ᠭᠠᠳᠠᠭᠰᠢ ᠭᠠᠷᠴᠣ᠂ ᠨᠡᠶᠢᠳᠡ ᠵᠠᠭᠤ ᠭᠠᠷᠦᠢ ᠣᠷᠣᠯᠳᠣᠭᠠᠨ ᠳᠤ ᠤᠷᠤᠯᠴᠠᠵᠤ | ᠦᠡᠭᠭᠡᠷᠠᠵᠠᠢ᠃ ᠡᠬᠦᠨ ᠤ ᠳᠣᠳᠣᠷᠠ ᠬᠤᠰᠢᠭᠤ ᠨᠠᠶᠢᠷ ᠲᠤ ᠳᠣᠯᠤᠭᠠ ᠣᠳᠠᠭᠠ ᠳᠡᠷᠢᠬᠦᠯᠡᠵᠣ ᠪᠠᠶᠢᠭᠰᠠᠨ ᠬᠢᠯᠠᠯᠵᠠᠮᠠ | ᠠᠮᠵᠢᠯᠳᠠ ᠲᠠᠢ ᠶᠤᠮ᠃ ᠲᠡᠷᠡ ᠦᠪᠡᠷ ᠤᠨ ᠢᠶᠠᠨ ᠠᠩᠬᠠᠨ ᠤ ᠠᠳᠣᠭᠤ ᠲᠠᠢ ᠪᠣᠯᠣᠭᠰᠠᠨ ᠴᠠᠭ ᠠᠴᠠ ᠡᠬᠢᠯᠡᠵᠣ | ᠠᠳᠣᠭᠤᠨ ᠠᠴᠠ ᠶᠡᠷᠣᠨᠢ ᠵᠠᠶᠢᠳᠠᠭᠠ ᠦᠭᠡᠢ ᠶᠠᠪᠣᠵᠣ᠂ ᠬᠦᠭᠡᠨᠠᠭᠤᠷ᠂ ᠭᠠᠨᠰᠣ ᠠᠴᠠ ᠳᠣᠰᠬᠠᠢ ᠠᠵᠢᠷᠭᠠ ᠭᠡᠬᠦᠣ | ᠬᠤᠳᠠᠯᠳᠣᠨ ᠠᠪᠴᠣ ᠠᠳᠣᠭᠤ ᠪᠠᠨ ᠠᠳᠤᠭᠤᠯᠠᠵᠤ ᠦᠰᠭᠡᠭᠡᠳ ᠢᠷᠡᠵᠡᠢ᠃ ᠬᠠᠮᠤᠭ ᠭᠤᠣᠯ ᠨᠢ ᠮᠣᠷᠢ ᠰᠠᠶᠢᠨ | ᠰᠢᠨᠵᠢᠳᠡᠭ ᠬᠦᠮᠣᠨ ᠲᠤᠯᠨ ᠬᠠᠷᠢ ᠬᠤᠯᠠ ᠠᠴᠠ ᠰᠠᠶᠢᠨ ᠡᠬᠦᠯᠳᠠᠷ ᠤᠨ ᠮᠣᠷᠢ ᠶᠢ ᠳᠣᠰᠬᠠᠢ ᠰᠣᠩᠭᠤᠨ ᠠᠪᠴᠢᠷᠠᠵᠣ᠂ | ᠦᠪᠡᠷ ᠤᠨ ᠢᠶᠠᠨ ᠠᠳᠣᠭᠤᠨ ᠤ ᠡᠬᠦᠯᠳᠡᠷ ᠢ ᠰᠠᠶᠢᠵᠢᠷᠠᠭᠤᠯᠵᠣ᠂ ᠬᠤᠷᠳᠣᠨ ᠬᠦᠯᠦᠭ ᠭᠠᠷᠳᠠᠭ ᠰᠦᠷᠦᠭ ᠪᠣᠯᠭᠠᠵᠣ | ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠣᠳᠣ ᠪᠣᠯᠬᠤ ᠳᠤ ᠣᠨᠠᠭᠠᠨ ᠵᠢᠷᠤᠭᠠ ᠮᠣᠷᠢᠳ ᠨᠢ ᠠᠷᠪᠢᠳᠴᠣ᠂ ᠵᠢᠷᠤᠭᠠ ᠳᠠᠷᠣᠵᠣ | ᠰᠣᠷᠭᠠᠬᠤ ᠲᠠᠯᠠ ᠪᠠᠷ ᠲᠡᠶᠢᠮᠤ ᠴᠦ ᠶᠡᠭᠡ ᠬᠦᠴᠢᠷᠳᠡᠳᠡᠭ ᠦᠭᠡᠢ ᠪᠣᠯᠣᠭᠰᠠᠨ ᠪᠠᠶᠢᠯᠠ᠃ | | | | ᠠᠯᠳᠠᠨᠴᠢᠯᠠᠭᠤ ᠭᠤᠸᠠᠢ ︽ᠮᠣᠷᠢ ᠲᠠᠢ ᠨᠢᠭᠡᠨ ᠪᠠᠭᠤᠵᠤ ᠬᠠᠷᠠᠮᠠᠷ᠂ ᠶᠠᠪᠠᠭᠠᠨ ᠨᠢᠭᠡᠨ ᠰᠠᠭᠤᠵᠤ ᠱᠠᠭᠰᠢᠮᠠᠷ︾ | ᠰᠠᠶᠢᠬᠠᠨ ᠵᠢᠷᠤᠭᠠ ᠮᠣᠷᠢ ᠳᠠᠷᠤᠵᠤ ᠳᠠᠰᠬᠠᠨ᠂ ᠨᠡᠷᠡ ᠲᠠᠢ ᠠᠯᠳᠠᠷ ᠲᠠᠢ ᠪᠣᠯᠣᠭᠰᠠᠨ ᠢᠶᠠᠷ᠂ ᠬᠤᠯᠠ ᠣᠶᠢᠷᠠ ᠶᠢᠨ | ᠬᠦᠮᠣᠰ ᠳᠠᠩᠳᠠ ᠳᠡᠬᠦᠨ ᠠᠴᠠ ᠵᠢᠷᠤᠭᠠ ᠮᠣᠷᠢ ᠬᠤᠳᠠᠯᠳᠣᠨ ᠠᠪᠬᠤ ᠪᠣᠶᠣ ᠮᠣᠷᠢ ᠪᠠᠨ ᠦᠭᠴᠣ ᠵᠢᠷᠤᠭᠠ | ᠰᠤᠷᠭᠠᠬᠤ ᠶᠢ ᠨᠠᠶᠢᠳᠠᠳᠠᠭ ᠪᠠᠶᠢᠨᠠ᠃ ᠠᠯᠲᠠᠨᠴᠢᠯᠠᠭᠤ ᠭᠤᠸᠠᠢ ᠵᠢᠷᠤᠭᠠ ᠮᠣᠷᠢ ᠪᠠᠨ 16000 ᠳᠦᠬᠦᠷᠢᠭ ᠤᠨ | ᠰᠠᠶᠢᠨ ᠦᠨᠡ ᠳᠤ ᠬᠦᠷᠭᠡᠵᠣ ᠴᠢᠳᠠᠭᠰᠠᠨ ᠪᠦᠬᠡᠳ ᠦᠷᠢᠶᠡ ᠪᠠᠨ 8000 — 10000 ᠳᠦᠬᠦᠷᠢᠭ᠂ | ᠪᠠᠶᠢᠳᠠᠰᠣ ᠪᠠᠨ 5000 — 6000 ᠳᠦᠬᠦᠷᠢᠭ ᠤᠨ ᠦᠨᠡ ᠳᠤ ᠬᠦᠷᠭᠡᠨ᠂ ᠣᠨᠠᠭᠠᠨ ᠵᠢᠷᠤᠭᠠ ᠪᠠᠨ 8000 | ᠳᠦᠬᠦᠷᠢᠭ ᠢᠶᠠᠷ ᠰᠢᠭᠤᠳ ᠬᠤᠳᠠᠯᠳᠣᠳᠠᠭ ᠠᠵᠢ᠃ ᠡᠳᠡᠬᠡᠷ ᠪᠦᠬᠦᠨ ᠨᠢ ᠠᠳᠣᠭᠤ ᠮᠠᠯ ᠤᠨ ᠠᠴᠢ ᠪᠣᠶᠠᠨ᠂ ᠮᠦᠨ | ᠴᠦ ᠳᠡᠬᠦᠨ ᠤ ᠠᠵᠢᠯᠴᠢ ᠬᠦᠳᠡᠯᠮᠣᠷᠢᠴᠢ᠂ ᠭᠠᠷᠮᠠᠭᠠᠢ ᠴᠢᠳᠠᠮᠠᠭᠠᠢ ᠰᠣᠷᠴᠣ ᠰᠣᠳᠣᠯᠬᠤ ᠵᠠᠩ ᠠᠷᠠᠨᠰᠢᠨ᠂ ᠣᠳᠠᠭᠠᠨ | ᠵᠢᠯ ᠢᠶᠠᠷ ᠬᠢᠭᠰᠡᠭᠡᠷ ᠢᠷᠡᠭᠰᠡᠨ ᠡᠷᠳᠡᠮ ᠴᠢᠳᠠᠪᠤᠷᠢ ᠶᠢᠨ ᠬᠢᠨᠢ ᠦᠷᠠ ᠦᠭᠭᠦᠬᠡᠵᠢ ᠪᠠᠶᠢᠯᠠ᠃ ᠳᠡᠷᠡ ᠮᠠᠨᠢ ᠠᠳᠣᠭᠤᠨ | ᠰᠣᠶᠣᠯ ᠢᠶᠠᠨ ᠳᠡᠭᠡᠳᠦᠯᠡᠨ᠂ ᠣᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠪᠠᠷ ᠬᠢᠴᠢᠶᠡᠨ ᠵᠢᠳᠭᠦᠵᠦ᠂ ᠠᠵᠣ ᠠᠬᠤᠢ ᠨᠡᠶᠢᠭᠡᠮ ᠤᠨ | ᠬᠤᠷᠴᠠ ᠰᠢᠷᠦᠬᠦᠨ ᠦᠷᠢᠰᠦᠯᠳᠦᠬᠡᠨ ᠤ ᠲᠤᠮᠳᠠ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠣᠷᠠᠯ ᠳᠠᠭᠠᠨ ᠣᠯᠠᠮᠵᠢᠯᠠᠯ ᠰᠢᠨᠡᠴᠢᠯᠡᠯ ᠲᠠᠢ | ᠰᠢᠨᠡ ᠠᠷᠭᠠ ᠣᠬᠠᠭᠠᠨ ᠢ ᠵᠤᠷᠢᠳᠡᠢ ᠰᠦᠪᠡᠭᠴᠢᠯᠡᠨ᠂ ᠦᠪᠡᠷ ᠤᠨ ᠬᠡᠰᠡᠨ ᠠᠵᠣ ᠠᠬᠤᠢ ᠶᠢᠨ ᠣᠷᠣᠯᠭᠠ ᠪᠠᠷ ᠢᠶᠠᠨ | ᠠᠳᠠᠯ ᠠᠮᠢᠳᠣᠷᠠᠯ ᠢᠶᠠᠨ ᠬᠡᠶᠢᠮᠣᠷᠢ ᠲᠠᠢ ᠴᠤᠬᠴᠠᠯᠠᠵᠦ ᠶᠠᠪᠤᠨᠠᠮ᠃ | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |