ᠡᠪᠡᠳᠴᠢᠨ ᠤ ᠲᠣᠳᠣᠷᠬᠠᠶᠢᠯᠠᠯᠲᠠ | ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ ᠡᠪᠡᠳᠴᠢᠨ ᠢᠶᠠᠷ ᠪᠣᠭ ᠮᠠᠯ ᠠᠴᠠ ᠭᠠᠳᠠᠨᠠ ᠪᠥᠬᠦᠩ ᠂ ᠬᠠᠷᠠ ᠰᠡᠭᠦᠯᠲᠦ ᠂ ᠴᠠᠭᠠᠨ ᠵᠡᠭᠡᠷᠡ ᠂ | ᠠᠷᠭᠠᠯᠢ ᠂ ᠶᠠᠩᠭᠢᠷ ᠵᠡᠷᠭᠡ ᠨᠡᠯᠢᠶᠡᠳ ᠬᠡᠳᠦᠨ ᠲᠥᠷᠥᠯ ᠤᠨ ᠵᠡᠷᠯᠢᠭ ᠠᠮᠢᠲᠠᠳ ᠡᠪᠡᠳᠴᠢᠯᠡᠨᠡ ᠃ ᠦᠬᠡᠷ ᠂ ᠲᠡᠮᠡᠭᠡ | ᠪᠠᠶᠢᠭᠠᠯᠢ ᠶᠢᠨ ᠪᠣᠯᠣᠨ ᠲᠤᠷᠰᠢᠯᠲᠠ ᠶᠢᠨ ᠨᠥᠬᠦᠴᠡᠯ ᠳᠤ ᠬᠠᠯᠳᠠᠪᠤᠷᠢᠯᠠᠵᠤ ᠪᠣᠯᠣᠨᠠ ᠃ ᠭᠡᠪᠡᠴᠦ ᠡᠳᠡᠭᠡᠷ ᠠᠮᠢᠲᠠᠳ | ᠡᠪᠡᠳᠴᠢᠨ ᠤ ᠰᠡᠭᠦᠯ ᠤᠨ ᠲᠡᠭᠡᠭᠡᠭᠴᠢ ᠭᠡᠵᠦ ᠦᠵᠡᠳᠡᠭ ᠃ ᠡᠪᠡᠳᠴᠢᠨ ᠤ ᠬᠠᠯᠳᠠᠪᠤᠷᠢ ᠠᠪᠤᠭᠰᠠᠨ ᠦᠬᠡᠷ ᠰᠢᠨᠵᠢ | ᠲᠡᠮᠳᠡᠭ ᠦᠵᠡᠭᠦᠯᠦᠭᠰᠡᠨ ᠲᠣᠬᠢᠶᠠᠯᠳᠤᠯ ᠪᠠᠶᠢᠬᠤ ᠦᠭᠡᠢ ᠴᠦ ᠰᠠᠷᠯᠤᠭ ᠢᠯᠡᠷᠬᠡᠢ ᠡᠪᠡᠳᠴᠢᠯᠡᠭᠰᠡᠨ ᠲᠣᠬᠢᠶᠠᠯᠳᠤᠯ | ᠪᠠᠶᠢᠳᠠᠭ ᠃ ᠠᠹᠷᠢᠺᠠ ᠳᠤ ᠨᠢᠭᠡ ᠪᠥᠬᠦᠲᠦ ᠲᠡᠮᠡᠭᠡᠨ ᠳᠤ ᠡᠮᠨᠡᠯ ᠵᠦᠢ ᠶᠢᠨ ᠢᠯᠡᠷᠬᠡᠢ ᠰᠢᠨᠵᠢ ᠲᠡᠮᠳᠡᠭ ᠲᠠᠢ | ᠲᠣᠬᠢᠶᠠᠯᠳᠤᠯ ᠴᠥᠭᠡᠨ ᠦᠭᠡᠢ ᠭᠠᠷᠤᠭᠰᠠᠨ ᠪᠠᠶᠢᠳᠠᠭ ᠴᠦ ᠬᠤᠶᠠᠷ ᠪᠥᠬᠦᠲᠦ ᠲᠡᠮᠡᠭᠡᠨ ᠳᠤ ᠤᠭ ᠡᠪᠡᠳᠴᠢᠨ ᠤ | ᠰᠢᠨᠵᠢ ᠲᠡᠮᠳᠡᠭ ᠦᠵᠡᠭᠦᠯᠵᠦ ᠡᠪᠡᠳᠴᠢᠯᠡᠭᠦᠯᠦᠭᠰᠡᠨ ᠮᠡᠳᠡᠭᠡ ᠪᠠᠶᠢᠬᠤ ᠦᠭᠡᠢ ᠃ ᠦᠬᠡᠷ ᠂ ᠲᠡᠮᠡᠭᠡ ᠨᠢ ᠪᠤᠰᠤᠳ | ᠮᠡᠳᠡᠷᠡᠮᠡᠲᠡᠭᠡᠢ ᠠᠮᠢᠲᠠᠳ ᠲᠤ ᠸᠢᠷᠦ᠋ᠰ ᠤᠨ ᠬᠠᠯᠳᠠᠪᠤᠷᠢ ᠲᠠᠷᠠᠭᠠᠳᠠᠭ ᠦᠭᠡᠢ ᠭᠡᠵᠦ ᠦᠵᠡᠳᠡᠭ ᠃ ᠬᠠᠷᠢᠨ ᠰᠠᠯᠠᠭᠠ | ᠲᠤᠭᠤᠷᠠᠶᠢᠲᠠᠨ ᠵᠡᠷᠯᠢᠭ ᠠᠮᠢᠲᠠᠨ ᠢ ᠭᠠᠷᠰᠢᠭᠤᠯᠤᠨ ᠲᠡᠵᠢᠭᠡᠬᠦ ᠦᠶᠡ ᠳᠤ ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ ᠡᠪᠡᠳᠴᠢᠨ ᠢᠶᠠᠷ | ᠡᠪᠡᠳᠴᠢᠯᠡᠬᠦ ᠨᠢ ᠡᠯᠪᠡᠭ ᠲᠣᠬᠢᠶᠠᠯᠳᠤᠳᠠᠭ ᠃ ᠵᠡᠷᠯᠢᠭ ᠠᠮᠢᠲᠠᠳ ᠤᠨ ᠳᠤᠮᠳᠠᠬᠢ ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ | ᠡᠪᠡᠳᠴᠢᠨ ᠤ ᠲᠠᠯᠠ ᠪᠠᠷ ᠨᠠᠷᠢᠪᠴᠢᠯᠠᠭᠰᠠᠨ ᠰᠤᠳᠤᠯᠭᠠ ᠪᠠᠶᠢᠳᠠᠭ ᠦᠭᠡᠢ ᠴᠦ ᠣᠯᠠᠨ ᠲᠥᠷᠥᠯ ᠤᠨ ᠵᠡᠷᠯᠢᠭ | ᠠᠮᠢᠲᠠᠳ ᠡᠪᠡᠳᠴᠢᠯᠡᠳᠡᠭ ᠪᠣᠯᠬᠤ ᠨᠢ ᠲᠣᠭᠲᠠᠭᠠᠭᠳᠠᠭᠰᠠᠨ ᠃ ᠬᠠᠯᠳᠠᠪᠤᠷᠢ ᠠᠪᠤᠭᠰᠠᠨ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ | ᠠᠮᠢᠲᠠᠳ ᠲᠠᠢ ᠵᠡᠷᠯᠢᠭ ᠠᠮᠢᠲᠠᠨ ᠬᠠᠮᠲᠤ ᠪᠡᠯᠴᠢᠬᠦ ᠂ ᠤᠰᠤᠲᠤ ᠴᠡᠭ ᠣᠷᠴᠢᠮ ᠤᠨ ᠰᠢᠭᠤᠳ ᠬᠠᠪᠢᠳᠠᠯ ᠤᠨ | ᠵᠠᠮ ᠢᠶᠠᠷ ᠬᠠᠯᠳᠠᠪᠤᠷᠢ ᠳᠠᠮᠵᠢᠳᠠᠭ ᠭᠡᠵᠦ ᠦᠵᠡᠳᠡᠭ | ᠬᠠᠯᠳᠠᠪᠤᠷᠢ ᠶᠢᠨ ᠡᠬᠢ ᠡᠭᠦᠰᠪᠦᠷᠢ ᠂ ᠳᠠᠮᠵᠢᠬᠤ ᠵᠠᠮ | ᠡᠪᠡᠳᠴᠢᠨ ᠤ ᠸᠢᠷᠦ᠋ᠰ ᠤᠨ ᠬᠠᠯᠳᠠᠪᠤᠷᠢ ᠶᠡᠬᠡᠪᠴᠢᠯᠡᠨ ᠣᠶᠢᠷᠠ ᠬᠠᠪᠢᠳᠠᠯ ᠢᠶᠠᠷ ᠳᠠᠮᠵᠢᠨᠠ ᠃ ᠬᠠᠯᠳᠠᠪᠤᠷᠢ | ᠠᠮᠢᠰᠬᠤᠯ ᠤᠨ ᠵᠠᠮ ᠢ ᠢᠯᠡᠭᠦᠦ ᠭᠡᠮᠲᠦᠭᠡᠨᠡ ᠃ ᠬᠠᠯᠳᠠᠪᠤᠷᠢ ᠶᠢᠨ ᠨᠢᠭᠤᠴᠠ ᠦᠶᠡ ᠳᠤ ᠸᠢᠷᠦ᠋ᠰ ᠨᠢ ᠨᠢᠰᠤ ᠂ | ᠨᠤᠤᠬᠠ ᠂ ᠰᠢᠯᠦᠰᠦ ᠂ ᠰᠢᠭᠡᠰᠦ ᠂ ᠪᠠᠭᠠᠰᠤ ᠪᠠᠷ ᠭᠠᠳᠠᠭᠰᠢᠯᠠᠨᠠ ᠃ ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ ᠡᠪᠡᠳᠴᠢᠨ ᠢᠶᠠᠷ | ᠡᠪᠡᠳᠴᠢᠯᠡᠭᠡᠳ ᠡᠳᠡᠭᠡᠷᠡᠭᠰᠡᠨ ᠮᠠᠯ ᠸᠢᠷᠦ᠋ᠰ ᠲᠡᠭᠡᠭᠡᠭᠴᠢ ᠪᠣᠯᠳᠠᠭ ᠦᠭᠡᠢ ᠭᠡᠳᠡᠭ ᠢ ᠦᠨᠳᠦᠰᠦᠨ ᠳᠤ ᠪᠠᠨ ᠬᠦᠯᠢᠶᠡᠨ | ᠵᠥᠪᠰᠢᠶᠡᠷᠡᠳᠡᠭ ᠃ ᠢᠮᠠᠭᠠ ᠶᠢ ᠪᠡᠯᠴᠢᠭᠡᠷ ᠢᠶᠠᠷ ᠮᠠᠯᠯᠠᠵᠤ ᠪᠠᠶᠢᠭᠠ ᠦᠶᠡ ᠳᠤ ᠤᠭ ᠸᠢᠷᠦ᠋ᠰ ᠲᠠᠷᠬᠠᠬᠤ ᠂ | ᠬᠠᠳᠠᠭᠠᠯᠠᠭᠳᠠᠬᠤ ᠨᠥᠬᠦᠴᠡᠯ ᠪᠤᠢ ᠪᠣᠯᠳᠠᠭ ᠭᠡᠵᠦ ᠦᠵᠡᠳᠡᠭ ᠃ ᠮᠥᠨ ᠣᠯᠠᠨ ᠤᠯᠤᠰ ᠤᠨ ᠲᠤᠷᠰᠢᠯᠭᠠ ᠠᠴᠠ | ᠬᠠᠷᠠᠬᠤ ᠳᠤ ᠠᠮᠢᠳᠤ ᠮᠠᠯ ᠤᠨ ᠮᠠᠶᠢᠮᠠᠢ ᠂ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠭᠴᠢᠳ ᠬᠠᠯᠳᠠᠪᠤᠷᠢ ᠲᠠᠷᠬᠠᠬᠤ ᠳᠤ ᠨᠥᠯᠥᠭᠡ ᠲᠠᠢ | ᠪᠣᠯᠬᠤ ᠨᠢ ᠪᠠᠲᠤᠯᠠᠭᠳᠠᠭᠰᠠᠨ ᠃ ᠲᠤᠬᠠᠶᠢᠯᠠᠪᠠᠯ ᠠᠮᠢᠳᠤ ᠮᠠᠯ ᠤᠨ ᠡᠷᠢᠯᠲᠡ ᠬᠡᠷᠡᠭᠴᠡᠭᠡ ᠶᠡᠬᠡᠰᠦᠭᠰᠡᠨ ᠦᠶᠡ ᠳᠤ | ᠬᠠᠯᠳᠠᠪᠤᠷᠢ ᠲᠠᠢ ᠮᠠᠯ ᠢ ᠡᠷᠡᠭᠦᠯ ᠪᠦᠰᠡ ᠨᠤᠲᠤᠭ ᠲᠤ ᠬᠤᠳᠠᠯᠳᠤᠭᠠᠯᠠᠬᠤ ᠡᠷᠡᠰᠳᠦᠯ ᠨᠡᠮᠡᠭᠳᠡᠳᠡᠭ ᠪᠠᠶᠢᠨᠠ ᠃ ᠪᠣᠭ | ᠮᠠᠯ ᠤᠨ ᠮᠢᠯᠵᠠᠩ ᠡᠪᠡᠳᠴᠢᠨ ᠤ ᠬᠠᠯᠳᠠᠪᠤᠷᠢ ᠲᠠᠷᠬᠠᠬᠤ ᠳᠤ ᠳᠠᠷᠠᠭᠠᠬᠢ ᠬᠦᠴᠦᠨ ᠵᠦᠢᠯᠡᠰ ᠨᠥᠯᠥᠭᠡᠯᠡᠨᠡ ᠃ | ᠡᠭᠦᠨ ᠳᠤ ᠄ | ᠬᠠᠯᠳᠠᠪᠤᠷᠢ ᠲᠠᠷᠬᠠᠬᠤ ᠭᠤᠣᠯ ᠵᠠᠮ ᠨᠢ ᠣᠶᠢᠷᠠ ᠶᠢᠨ ᠬᠠᠪᠢᠲᠠᠯ ᠂ | ᠬᠠᠯᠳᠠᠪᠤᠷᠢ ᠲᠠᠢ ᠪᠣᠯᠣᠨ ᠡᠷᠡᠭᠦᠯ ᠮᠠᠯ ᠢ ᠨᠢᠭᠡ ᠬᠠᠰᠢᠶᠠ ᠬᠤᠷᠢᠶᠠᠨ ᠳᠤ ᠬᠤᠲᠠᠯᠠᠭᠤᠯᠬᠤ ᠂ ᠨᠢᠭᠡ ᠭᠠᠵᠠᠷ ᠠᠴᠠ | ᠤᠰᠤᠯᠠᠬᠤ ᠂ ᠪᠡᠯᠴᠢᠭᠡᠷ ᠲᠤ ᠬᠠᠮᠲᠤ ᠬᠠᠷᠢᠭᠤᠯᠬᠤ ᠂ | ᠬᠡᠪᠲᠡᠷᠢ ᠪᠠᠭᠤᠴᠠ ᠂ ᠲᠡᠵᠢᠭᠡᠯ ᠂ ᠤᠰᠤ ᠂ ᠬᠤᠵᠢᠷ ᠤᠨ ᠣᠩᠭᠤᠴᠠ ᠂ | ᠵᠢᠵᠢᠭ ᠬᠡᠮᠵᠢᠶᠡᠨ ᠤ ᠪᠤᠯᠠᠭ ᠂ ᠱᠠᠩᠳᠠ ᠂ ᠭᠠᠷ ᠬᠤᠳᠳᠤᠭ ᠂ ᠪᠠᠭᠠᠬᠠᠨ ᠬᠡᠮᠵᠢᠶᠡᠨ ᠤ ᠴᠠᠰᠤ ᠂ ᠮᠥᠰᠥᠨ ᠤ ᠡᠬᠢ | ᠡᠭᠦᠰᠪᠦᠷᠢ ᠂ | ᠪᠣᠷᠤᠭᠠ ᠦᠶᠡ ᠳᠤ ᠪᠣᠯᠣᠨ ᠴᠢᠭᠢᠭᠯᠢᠭ ᠶᠡᠬᠡᠲᠡᠢ ᠣᠷᠴᠢᠨ ᠳᠤ ᠡᠪᠡᠳᠴᠢᠨ ᠤ ᠭᠠᠷᠤᠯᠲᠠ ᠨᠡᠮᠡᠭᠳᠡᠨᠡ ᠃ | ᠬᠠᠯᠳᠠᠪᠤᠷᠢ ᠲᠠᠢ ᠮᠠᠯ ᠢ ᠡᠷᠡᠭᠦᠯ ᠪᠦᠰᠡ ᠳᠤ ᠠᠪᠴᠢᠷᠠᠬᠤ ᠂ | ᠮᠠᠯ ᠤᠨ ᠬᠢᠨᠠᠯᠲᠠ ᠦᠭᠡᠢ ᠣᠲᠣᠷ ᠨᠡᠭᠦᠳᠡᠯ ᠂ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠂ | ᠬᠠᠯᠳᠠᠪᠤᠷᠢ ᠲᠠᠢ ᠮᠠᠯ ᠢ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠢᠶᠠᠷ ᠵᠥᠭᠡᠭᠡᠬᠦ ᠂ | ᠦᠷᠡᠵᠢᠯ ᠤᠨ ᠮᠠᠯ ᠢ ᠬᠠᠷᠠᠭᠠ ᠬᠢᠨᠠᠯᠲᠠ ᠦᠭᠡᠢ ᠰᠢᠯᠵᠢᠭᠦᠯᠬᠦ ᠂ ᠠᠰᠢᠭᠯᠠᠬᠤ ᠶᠤᠮ ᠃ | ᠡᠮᠨᠡᠯ ᠵᠦᠢ ᠶᠢᠨ ᠰᠢᠨᠵᠢ ᠲᠡᠮᠳᠡᠭ | ᠡᠨᠡ ᠦᠶᠡ ᠳᠤ ᠮᠠᠯ ᠂ ᠠᠮᠢᠲᠠᠨ 4-10 ᠬᠤᠨᠤᠭ ᠤᠨ ᠳᠣᠲᠣᠷᠠ ᠦᠬᠦᠵᠦ ᠪᠣᠯᠣᠨᠠ ᠃ ᠬᠠᠯᠠᠭᠤᠷᠠᠵᠤ | ᠡᠬᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠡᠮᠨᠡᠯ ᠵᠦᠢ ᠶᠢᠨ ᠰᠢᠨᠵᠢ ᠲᠡᠮᠳᠡᠭ 3-5 ᠬᠤᠨᠤᠭ ᠤᠨ ᠳᠣᠲᠣᠷᠠ ᠶᠡᠬᠡᠪᠴᠢᠯᠡᠨ | ᠢᠯᠡᠷᠡᠨᠡ ᠃ ᠡᠪᠡᠳᠴᠢᠨ ᠳᠠᠭᠠᠭᠠᠮᠵᠢᠷᠠᠬᠤ ᠲᠤᠰᠤᠮ ᠰᠠᠯᠢᠰᠤᠲᠤ ᠪᠦᠷᠬᠦᠭᠦᠯ ᠳᠤ ᠴᠢᠰᠤ ᠶᠡᠬᠡᠰᠴᠦ ᠂ ᠨᠢᠰᠤ | ᠭᠤᠭᠤᠵᠢᠵᠤ ᠂ ᠲᠡᠵᠢᠭᠡᠯ ᠤᠨ ᠳᠤᠷᠠᠰᠢᠯ ᠦᠭᠡᠶ ᠪᠣᠯᠵᠤ ᠴᠢᠴᠠᠭᠠ ᠠᠯᠳᠠᠨᠠ ᠃ ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ | ᠡᠪᠡᠳᠴᠢᠨ ᠤ ᠬᠤᠷᠤᠤ ᠴᠢᠨᠠᠷ ᠥᠨᠳᠥᠷ ᠲᠠᠢ ᠸᠢᠷᠦ᠋ᠰ ᠤᠨ ᠬᠠᠯᠳᠠᠪᠤᠷᠢ ᠶᠢᠨ ᠦᠶᠡ ᠳᠤ ᠠᠭᠤᠰᠬᠢᠨ ᠳᠤ ᠴᠢᠰᠤ | ᠶᠡᠬᠡᠳᠡᠯᠲᠡ ᠪᠣᠯᠵᠤ ᠬᠠᠪᠤᠩᠨᠠᠬᠤ ᠪᠠ 7 ᠬᠤᠨᠤᠭ ᠤᠨ ᠳᠣᠲᠣᠷᠠ ᠦᠬᠦᠳᠡᠭ ᠃ ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ | ᠡᠰᠡᠷᠭᠦ ᠪᠠᠷ ᠢᠶᠠᠨ ᠪᠤᠶᠤ ᠤᠳᠠᠭᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠤᠵᠢᠭ ᠬᠠᠯᠳᠠᠪᠤᠷᠢ ᠪᠣᠯᠬᠤ ᠪᠥᠭᠡᠳ ᠶᠠᠪᠤᠭᠠᠨ ᠳᠤ ᠪᠠᠨ | ᠠᠭᠤᠰᠬᠢᠨ ᠤ ᠭᠤᠯᠣᠮᠲᠠ ᠳᠤ ᠦᠷᠪᠢᠰᠦᠯ ᠢᠶᠠᠷ ᠬᠦᠨᠳᠦᠷᠡᠵᠦ ᠪᠣᠯᠣᠨᠠ ᠃ ᠡᠶᠢᠮᠦ ᠠᠮᠢᠲᠠᠨ ᠰᠠᠷᠠ ᠠᠴᠠ ᠳᠡᠭᠡᠭᠰᠢ | ᠬᠤᠭᠤᠴᠠᠭᠠ ᠪᠠᠷ ᠠᠮᠢᠳᠤ ᠪᠠᠶᠢᠨᠠ ᠃ ᠰᠢᠮᠡᠭᠴᠢ ᠶᠡᠬᠡᠲᠡᠢ ᠂ ᠲᠡᠵᠢᠭᠡᠯ ᠤᠨ ᠳᠤᠲᠠᠭᠳᠠᠯ ᠳᠤ ᠣᠷᠣᠭᠰᠠᠨ ᠠᠮᠢᠲᠠᠨ | ᠬᠠᠯᠳᠠᠪᠤᠷᠢ ᠠᠪᠤᠪᠠᠯ ᠬᠦᠨᠳᠦᠷᠡᠵᠦ ᠤᠯᠠᠮ ᠢᠶᠠᠷ ᠦᠬᠦᠵᠦ ᠪᠣᠯᠣᠨᠠ ᠃ ᠪᠣᠭ ᠮᠠᠯ ᠤᠨ ᠮᠢᠯᠵᠠᠩ ᠡᠪᠡᠳᠴᠢᠨ ᠢᠶᠠᠷ | ᠲᠠᠶᠢᠪᠤᠩ ᠪᠦᠰᠡ ᠨᠤᠲᠤᠭ ᠤᠨ ᠮᠠᠯ ᠰᠦᠷᠦᠭ ᠲᠤ ᠬᠠᠯᠳᠠᠪᠤᠷᠢ ᠲᠠᠢ ᠮᠠᠯ ᠂ ᠠᠮᠢᠲᠠᠨ ᠨᠡᠶᠢᠯᠡᠭᠦᠯᠬᠦ ᠦᠶᠡ ᠳᠤ ᠬᠡᠲᠦ | ᠴᠣᠴᠢᠮᠠᠭ ᠬᠡᠯᠪᠡᠷᠢ ᠶᠡᠬᠡᠪᠴᠢᠯᠡᠨ ᠲᠣᠬᠢᠶᠠᠯᠳᠤᠬᠤ ᠪᠠ ᠥᠨᠳᠥᠷ ᠬᠠᠯᠠᠭᠤᠷᠠᠵᠤ ᠪᠣᠭᠤᠨᠢ ᠬᠤᠭᠤᠴᠠᠭᠠᠨ ᠳᠤ ᠦᠬᠦᠨᠡ ᠃ | ᠡᠪᠡᠳᠴᠢᠨ ᠤ ᠬᠡᠯᠪᠡᠷᠢ ᠠᠴᠠ ᠬᠠᠮᠢᠶᠠᠷᠤᠭᠠᠳ ᠡᠮᠨᠡᠯ ᠵᠦᠢ ᠶᠢᠨ ᠳᠣᠣᠷᠠᠬᠢ ᠰᠢᠨᠵᠢ ᠲᠡᠮᠳᠡᠭ ᠤᠳ ᠢᠯᠡᠷᠡᠨᠡ ᠃ | ᠡᠪᠡᠳᠴᠢᠨ ᠤ ᠨᠢᠭᠤᠴᠠ ᠦᠶᠡ ᠄ 3-10 ᠬᠤᠨᠤᠭ ᠂ ᠶᠡᠬᠡᠩᠬᠢ ᠲᠣᠬᠢᠶᠠᠯᠳᠤᠯ ᠳᠤ 10 ᠬᠤᠨᠤᠭ ᠪᠠᠶᠢᠳᠠᠭ ᠃ | ᠪᠡᠶᠡ ᠶᠢᠨ ᠬᠠᠯᠠᠭᠤᠨ \ 40-41°C \ ᠬᠦᠷᠴᠦ ᠣᠭᠵᠣᠮ ᠶᠡᠬᠡᠰᠴᠦ ᠂ 3-5 ᠬᠤᠨᠤᠭ ᠦᠷᠭᠦᠯᠵᠢᠯᠡᠨ | ᠬᠠᠯᠠᠭᠤᠷᠠᠬᠤ ᠂ ᠨᠣᠮᠦ᠋ᠢᠷᠠᠬᠤ ᠂ ᠤᠰᠤ ᠲᠡᠵᠢᠭᠡᠯ ᠠᠴᠠ ᠭᠠᠷᠬᠤ ᠂ ᠨᠢᠯᠪᠤᠰᠤ ᠶᠡᠭᠡ ᠪᠠᠷ ᠭᠤᠭᠤᠵᠢᠵᠤ | ᠠᠭᠠᠵᠢᠮ ᠳᠤ ᠪᠠᠨ ᠨᠤᠤᠬᠠᠲᠠᠵᠤ ᠨᠢᠳᠦᠨ ᠤ ᠳᠣᠣᠷᠠᠳᠤ ᠪᠤᠯᠤᠩ ᠦᠷᠪᠢᠰᠦᠨᠡ ᠃ ᠬᠠᠯᠠᠭᠤᠷᠠᠵᠤ ᠡᠬᠢᠯᠡᠭᠰᠡᠨ ᠠᠴᠠ | ᠬᠤᠶᠢᠰᠢ 4-5 ᠬᠤᠨᠤᠭ ᠤᠨ ᠳᠣᠲᠣᠷᠠ ᠪᠤᠶᠢᠯᠠ ᠨᠢ ᠤᠯᠠᠶᠢᠵᠤ ᠂ ᠠᠮᠠᠨ ᠤ ᠬᠥᠨᠳᠡᠢ ᠳᠤ ᠰᠢᠷᠬᠠᠯᠠᠭᠠᠲᠤ ᠭᠡᠮᠲᠦᠯ | ᠡᠭᠦᠰᠬᠦ ᠪᠠ ᠠᠮᠠᠨ ᠤ ᠦᠷᠪᠢᠰᠦᠯ ᠶᠠᠪᠤᠭᠳᠠᠬᠤ ᠂ ᠠᠮᠠ ᠨᠢ ᠡᠪ ᠦᠭᠡᠢ ᠂ ᠦᠮᠡᠬᠡᠢ ᠦᠨᠦᠷ ᠲᠠᠢ ᠪᠣᠯᠬᠤ ᠵᠡᠷᠭᠡ | ᠭᠤᠣᠯ ᠭᠡᠮᠲᠦᠯ ᠤᠳ ᠢᠯᠡᠷᠡᠨᠡ ᠃ ᠬᠤᠶᠠᠷᠳᠠᠭᠴᠢ ᠬᠠᠯᠳᠠᠪᠤᠷᠢ ᠠᠴᠠ ᠰᠢᠯᠲᠠᠭᠠᠯᠠᠵᠤ ᠦᠷᠪᠢᠰᠦᠯ ᠦᠷᠭᠦᠯᠵᠢᠯᠡᠨᠡ ᠃ | ᠨᠢᠰᠤ ᠭᠤᠭᠤᠵᠢᠬᠤ ᠡᠬᠢᠨ ᠦᠶᠡ ᠳᠤ ᠤᠰᠤᠷᠬᠠᠭ ᠪᠠᠶᠢᠭᠰᠠᠨ ᠢᠶᠠᠨ ᠰᠠᠯᠢᠰᠤᠷᠬᠠᠭ ᠂ ᠢᠳᠡᠭᠡ ᠲᠠᠢ ᠪᠣᠯᠵᠤ | ᠬᠤᠪᠢᠷᠠᠨᠠ ᠃ ᠳᠣᠣᠷᠠᠳᠤ ᠤᠷᠤᠭᠤᠯ ᠤᠨ ᠳᠣᠲᠣᠷᠠ ᠲᠠᠯᠠ ᠂ ᠪᠤᠶᠢᠯᠠ ᠦᠷᠪᠢᠰᠴᠦ ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠬᠡᠯᠡ | ᠰᠠᠵᠢᠵᠤ ᠤᠨᠵᠢᠬᠤ ᠨᠢ ᠪᠤᠢ ᠃ ᠨᠢᠳᠦᠨ ᠤ ᠰᠠᠯᠢᠰᠤᠲᠤ ᠦᠷᠪᠢᠰᠬᠦ ᠪᠠ ᠵᠣᠪᠬᠢ ᠲᠣᠳᠣ ᠤᠯᠠᠭᠠᠨ ᠥᠩᠭᠡ ᠲᠠᠢ | ᠪᠣᠯᠣᠨᠠ ᠃ ᠤᠰᠤᠷᠬᠠᠭ ᠂ ᠴᠢᠰᠤ ᠲᠠᠢ ᠬᠠᠷᠠ ᠨᠣᠭᠤᠭᠠᠨ ᠴᠢᠴᠠᠭᠠ ᠠᠯᠳᠠᠬᠤ ᠶᠠᠪᠤᠳᠠᠯ ᠡᠪᠡᠳᠴᠢᠨ ᠤ ᠬᠤᠵᠢᠭᠤ | ᠱᠠᠲᠤᠨ ᠳᠤ ᠲᠣᠬᠢᠶᠠᠯᠳᠤᠳᠠᠭ ᠃ ᠴᠢᠴᠠᠭᠠ ᠨᠢ ᠪᠥᠭᠰᠡᠨ ᠪᠡᠶᠡ ᠶᠢ ᠨᠡᠯᠦᠩᠬᠡᠢ ᠳᠤ ᠨᠢ ᠪᠦᠷᠬᠦᠳᠡᠭ ᠣᠨᠴᠠᠯᠢᠭ ᠲᠠᠢ ᠃ | | ᠬᠠᠮᠠᠷ ᠠᠴᠠ ᠭᠠᠷᠬᠤ ᠤᠰᠤᠷᠬᠠᠭ ᠰᠢᠩᠭᠡᠨ ᠭᠤᠭᠤᠵᠢᠳᠠᠰᠤ ᠨᠢ ᠰᠠᠯᠢᠰᠤᠷᠬᠠᠭ ᠢᠳᠡᠭᠡ ᠲᠠᠢ ᠪᠣᠯᠬᠤ ᠪᠠ | ᠴᠠᠭᠠᠰᠢᠳᠠ ᠬᠠᠮᠠᠷ ᠤᠨ ᠨᠦᠬᠡᠨ ᠳᠤ ᠪᠠᠷᠢᠴᠠᠯᠳᠤᠨ ᠬᠠᠲᠠᠵᠤ ᠂ ᠪᠢᠲᠡᠭᠦᠷᠡᠭᠰᠡᠨ ᠠᠴᠠ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠮᠠᠯ ᠳᠤ | ᠠᠮᠢᠰᠬᠤᠯ ᠳᠠᠪᠴᠢᠳᠠᠬᠤ ᠰᠢᠨᠵᠢ ᠢᠯᠡᠷᠡᠨ ᠂ ᠰᠠᠯᠢᠰᠤᠷᠬᠠᠭ ᠢᠳᠡᠭᠡᠲᠦ ᠭᠤᠭᠤᠵᠢᠳᠠᠰᠤ 14 ᠬᠦᠷᠲᠡᠯᠡ ᠬᠤᠨᠤᠭ ᠤᠨ | ᠲᠤᠷᠰᠢ ᠦᠷᠭᠦᠯᠵᠢᠯᠡᠨ ᠭᠠᠷᠤᠨᠠ ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |