ᠶᠧᠪᠡᠩ ᠤᠨ ᠨᠠᠶᠢᠷᠠᠯᠭᠠ ᠳᠤ᠂ ᠰᠢᠬᠢᠷ ᠤᠨ ᠠᠯᠺᠣᠣᠯ ︵糖醇︶ ᠨᠢ ᠨᠢᠰᠢᠩᠭᠦ ᠶᠢᠨ ᠰᠢᠬᠢᠷ ᠢ ᠪᠦᠷᠢᠮᠦᠰᠦᠨ | ᠣᠷᠣᠯᠠᠵᠤ᠂ ᠬᠠᠷᠢᠨ ᠬᠡᠳᠦ ᠥᠨᠳᠥᠷ ᠰᠢᠬᠢᠷ ᠤᠨ ᠠᠯᠺᠣᠣᠯ ᠤᠨ ᠠᠭᠤᠯᠤᠭᠳᠠᠴᠠ ᠲᠠᠢ ᠪᠠᠶᠢᠳᠠᠭ᠃ | ᠰᠢᠬᠢᠷ ᠤᠨ ᠠᠯᠺᠣᠣᠯ ᠪᠣᠯ ᠬᠠᠮᠤᠭ ᠤᠨ ᠦᠷᠭᠦᠯᠵᠢ ᠬᠠᠷᠠᠭᠳᠠᠳᠠᠭ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠡᠯᠪᠡᠷᠢ ᠶᠢᠨ ᠣᠷᠣᠯᠠᠬᠤ | ᠰᠢᠬᠢᠷ ᠮᠥᠨ᠂ ᠭᠡᠪᠡᠴᠦ ᠬᠡᠲᠦᠷᠡᠲᠡᠯᠡ ᠢᠳᠡᠪᠡᠯ ᠪᠠᠭᠠᠰᠤ ᠠᠯᠳᠠᠵᠤ ᠮᠡᠳᠡᠨᠡ᠃ ᠰᠢᠬᠢᠷ ᠤᠨ ᠠᠯᠺᠣᠣᠯ ᠪᠦᠳᠦᠭᠦᠨ | ᠭᠡᠳᠡᠰᠦᠨ ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠰᠢᠩᠭᠡᠭᠡᠯᠲᠡ ᠮᠠᠭᠤ ᠠᠴᠠ ᠪᠣᠯᠵᠣ᠂ ᠭᠡᠳᠡᠰᠦᠨ ᠤ ᠬᠥᠨᠳᠡᠶ ᠳᠤ ᠦᠯᠡᠳᠡᠵᠦ | ᠂ ᠨᠢᠭᠡ ᠲᠠᠯᠠ ᠪᠠᠷ ᠢᠰᠬᠡᠵᠦ ᠬᠡᠶ ᠪᠡᠶᠡᠲᠦ ᠡᠭᠦᠰᠭᠡᠨᠡ᠂ ᠨᠥᠭᠦᠭᠡ ᠲᠠᠯᠠ ᠪᠠᠷ ᠲᠡᠳᠡᠭᠡᠷ ᠨᠢ ᠪᠠᠰᠠ ᠭᠡᠳᠡᠰᠦᠨ ᠤ | ᠳᠣᠲᠣᠷᠠᠬᠢ ᠨᠡᠪᠴᠢᠯᠲᠡ ᠶᠢᠨ ᠳᠠᠷᠤᠯᠲᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠭᠡᠳᠡᠰᠦᠨ ᠤ ᠡᠰ ᠤᠨ ᠳᠣᠲᠣᠷᠠᠬᠢ ᠤᠰᠤ ᠶᠢ | ᠭᠠᠳᠠᠷ ᠲᠠᠯᠠ ᠶᠢᠨ ᠨᠡᠪᠴᠢᠯᠲᠡ ᠶᠢᠨ ᠳᠠᠷᠤᠯᠲᠠ ᠠᠴᠠ ᠪᠣᠶ ᠪᠣᠯᠤᠭᠰᠠᠨ ᠥᠳᠬᠡᠴᠡ ᠶᠢᠨ ᠱᠠᠲᠤᠴᠠ ᠳᠤ ︽ | ᠰᠣᠷᠣᠭᠳᠠᠨ︾ ᠭᠠᠷᠭᠠᠨᠠ ᠭᠡᠵᠡᠶ᠃ ᠡᠳᠡᠭᠡᠷ ᠢᠯᠡᠭᠦᠴᠡ ᠤᠰᠤ ᠨᠢ ᠪᠠᠭᠠᠰᠤ ᠶᠢ ᠰᠢᠩᠭᠡᠨ ᠪᠣᠯᠭᠠᠵᠤ ᠰᠠᠭᠤᠯᠭᠠᠨᠠ᠃ | | ᠰᠢᠬᠢᠷ ᠤᠨ ᠠᠯᠺᠣᠣᠯ ᠠᠴᠠ ᠪᠣᠯᠤᠭᠰᠠᠨ ᠨᠡᠪᠴᠢᠯᠲᠡ ᠶᠢᠨ ᠴᠢᠨᠠᠷᠲᠠᠶ ᠰᠠᠭᠤᠯᠭᠠᠬᠤ ᠶᠢ ᠠᠷᠭᠠᠴᠠᠬᠤ ᠳᠤ᠂ ᠵᠥᠪᠬᠡᠨ | ᠢᠳᠡᠭᠡᠨ ᠴᠡᠭᠡᠷᠯᠡᠵᠦ᠂ ᠰᠢᠬᠢᠷ ᠤᠨ ᠠᠯᠺᠣᠣᠯ ᠢ ᠪᠦᠷᠢᠮᠦᠰᠦᠨ ᠭᠠᠳᠠᠭᠰᠢᠯᠠᠭᠤᠯᠬᠤ ᠶᠢ ᠬᠦᠯᠢᠶᠡᠪᠡᠯ᠂ ᠰᠠᠭᠤᠯᠭᠠᠬᠤ | ᠰᠢᠨᠵᠢ ᠲᠡᠮᠳᠡᠭ ᠨᠢ ᠪᠦᠷᠢᠮᠦᠰᠦᠨ ᠠᠷᠢᠯᠵᠤ᠂ ᠬᠠᠯᠳᠠᠪᠤᠷᠢᠯᠠᠯ ᠠᠴᠠ ᠪᠣᠯᠤᠭᠰᠠᠨ ᠰᠠᠭᠤᠯᠭᠠᠬᠤ᠂ ᠢᠳᠡᠭᠡᠨ | ᠴᠡᠭᠡᠷᠯᠡᠬᠦ ᠨᠢ ᠬᠡᠷᠡᠭ ᠦᠭᠡᠢ ᠶᠤᠮ᠃ ᠰᠠᠭᠤᠯᠭᠠᠬᠤ᠂ ᠰᠢᠬᠢᠷ ᠤᠨ ᠠᠯᠺᠣᠣᠯ ᠠᠴᠠ ᠪᠣᠯᠵᠤ ᠦᠷᠭᠦᠯᠵᠢ | ᠲᠣᠬᠢᠶᠠᠯᠳᠤᠳᠠᠭ ᠳᠠᠭᠠᠭᠠᠬᠤ ᠦᠭᠡᠢ ᠡᠪᠡᠳᠴᠢᠨ ᠤ ᠰᠢᠨᠵᠢ ᠲᠡᠮᠳᠡᠭ ᠠᠴᠠ ᠭᠠᠳᠠᠨᠠ ᠪᠠᠰᠠ ᠬᠡᠢ ᠭᠠᠷᠭᠠᠬᠤ ᠨᠢ | ᠨᠡᠮᠡᠭᠳᠡᠬᠦ᠂ ᠭᠡᠳᠡᠰᠦ ᠬᠥᠭᠡᠭᠡᠬᠦ ᠵᠡᠷᠭᠡ ᠰᠢᠨᠵᠢ ᠲᠡᠮᠳᠡᠭ ᠲᠠᠢ᠃ | ᠰᠢᠩᠭᠡᠭᠡᠯᠲᠡ ᠶᠢᠨ ᠴᠢᠳᠠᠪᠤᠷᠢ ᠳᠣᠷᠣᠢ ᠪᠤᠶᠤ ᠭᠡᠳᠡᠰᠦᠨ ᠤ ᠠᠵᠢᠯᠯᠠᠭᠠ ᠶᠢᠨ ᠡᠪᠡᠳᠴᠢᠨ ᠲᠠᠢ ᠬᠥᠮᠦᠨ᠂ | ᠵᠢᠱᠢᠶᠡᠯᠡᠪᠡᠯ ᠭᠡᠳᠡᠰᠦᠨ ᠤ ᠠᠮᠠᠷᠬᠠᠨ ᠬᠥᠭᠡᠷᠬᠦ ᠬᠤᠷᠠᠮᠠᠯ ᠬᠡᠮ ᠲᠠᠢ ᠡᠪᠡᠳᠴᠢᠲᠡᠨ ᠠᠯᠢ ᠴᠢᠳᠠᠬᠤ ᠪᠠᠷ ᠰᠢᠬᠢᠷ ᠤᠨ | ᠠᠯᠺᠣᠣᠯ ᠢ ᠪᠠᠭᠠ ᠢᠳᠡᠪᠡᠯ ᠵᠣᠬᠢᠨᠠ᠃ | ᠬᠠᠮᠤᠭ ᠰᠢᠨᠡ ᠰᠤᠳᠤᠯᠭᠠᠨ ᠤ ᠦᠷᠡ ᠳ᠋ᠦᠩ ᠠᠴᠠ ᠦᠵᠡᠪᠡᠯ᠂ ᠵᠡᠷᠯᠢᠭ ᠠᠯᠢᠮᠠ ᠶᠢᠨ ᠰᠢᠬᠢᠷ ᠤᠨ ᠠᠯᠺᠣᠣᠯ᠂ | ᠮᠣᠳᠣᠨ ᠰᠢᠬᠢᠷ ᠤᠨ ᠠᠯᠺᠣᠣᠯ᠂ ᠪᠤᠭᠤᠳᠠᠢ ᠶᠢᠨ ᠨᠠᠬᠢᠶᠠᠨ ᠰᠢᠬᠢᠷ ᠤᠨ ᠠᠯᠺᠣᠣᠯ ᠢ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠨᠢᠭᠡ | ᠯᠡ ᠤᠳᠠᠭᠠ ᠳᠤ ᠠᠷᠪᠠᠨ ᠬᠡᠳᠦᠨ ᠭᠷᠠᠮ ᠢ ᠢᠳᠡᠪᠡᠯ ᠰᠠᠭᠤᠯᠭᠠᠵᠤ ᠮᠡᠳᠡᠨᠡ᠂ ᠬᠠᠷᠢᠨ ᠮᠠᠰᠢ ᠣᠯᠠᠨ ᠤᠮᠳᠠᠭᠠᠨ ᠳᠤ | ᠪᠦᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠤᠯᠠᠭᠠᠨ ᠬᠥᠪᠳᠥ ᠶᠢᠨ ᠰᠢᠬᠢᠷ ᠤᠨ ᠠᠯᠺᠣᠣᠯ ᠢ ᠶᠡᠷᠦ ᠳᠡᠭᠡᠨ ᠲᠠᠪᠢ ᠵᠢᠷᠠᠨ ᠭᠷᠠᠮ ᠢ | ᠢᠳᠡᠪᠡᠯ ᠰᠠᠶ᠋ᠢ ᠰᠠᠭᠤᠯᠭᠠᠵᠤ ᠮᠡᠳᠡᠨᠡ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |