| | ᠰᠣᠷᠪᠤᠯᠵᠢᠯᠠᠬᠴᠢ ᠨᠡᠷᠡᠨᠡ᠂ ᠡᠷᠳᠡᠨᠢᠬᠦᠦ | | ᠠᠯᠠᠱᠠ ᠨᠤᠲᠤᠭ ᠲᠤ 12 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠦ ᠪᠠᠶᠢᠭᠠ ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠨᠢ | ᠮᠥᠨᠬᠦ ᠵᠢᠯ ᠵᠢᠯ ᠤᠨ ᠥᠩᠭᠡ ᠪᠠᠷ ᠢᠶᠠᠨ ᠶᠠᠪᠤᠭᠳᠠᠵᠤ ᠪᠠᠶᠢᠬᠤ ᠳᠤ ᠠᠷᠤ ᠳᠤᠨᠢ ᠥᠩᠭᠡ ᠭᠡᠷᠡᠯ ᠭᠡᠶᠢᠭᠦᠯᠵᠦ ᠶᠠᠪᠤᠭᠠ | ᠨᠢᠭᠡ ᠪᠦᠯᠦᠭ ᠬᠥᠮᠥᠰ ᠤᠨ ᠳᠣᠲᠣᠷᠠᠬᠢ ᠴᠡᠪᠡᠷᠯᠡᠭᠴᠢ ᠮᠠᠨᠢ ᠲᠡᠶᠢᠮᠦ ᠯᠠ ᠨᠢᠭᠡᠨ ︽ᠵᠠᠩ︾ ᠢᠶᠠᠷ ᠢᠶᠠᠨ | ᠭᠦᠨᠳᠣᠳᠭᠡᠯᠳᠡᠢ ᠠᠵᠢᠯᠯᠠᠵᠤ ᠶᠠᠪᠤᠨᠠ᠃ | ᠥᠷᠯᠥᠭᠡ ᠶᠢᠨ 6 ᠴᠠᠭ ᠢᠶᠠᠷ ᠬᠥᠮᠥᠰ ᠲᠤᠭ ᠨᠣᠶᠢᠷ ᠲᠠᠭᠠᠨ ᠠᠮᠲᠠᠲᠠᠶᠢᠬᠠᠨ ᠪᠠᠶᠢᠬᠤ ᠳᠤ ᠶᠧ ᠶᠢᠨ ᠱᠠᠨ | ᠪᠣᠰᠴᠤ ᠨᠢᠭᠤᠷ ᠭᠠᠷ ᠢᠶᠠᠨ ᠤᠬᠢᠶᠠᠨ᠂ ᠬᠤᠭᠤᠯᠠ ᠤᠮᠳᠠ ᠪᠠᠨ ᠢᠳᠡᠴᠢᠬᠡᠭᠡᠳ ᠠᠵᠢᠯ ᠳᠠᠭᠠᠨ ᠭᠠᠷᠤᠯᠠ᠃ ᠡᠨᠡ | ᠨᠢ ᠲᠡᠭᠦᠨ ᠤ ᠠᠵᠢᠯ ᠤᠨ ᠬᠢᠨᠢ ᠵᠤᠷᠰᠢᠯ᠃ ᠶᠧ ᠶᠢᠨ ᠱᠠᠨ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠤᠲᠠ ᠶᠢᠨ | ᠦᠵᠡᠮᠵᠢ ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢ ᠪᠠᠲᠤᠯᠠᠬᠤ ᠲᠥᠪ ᠤᠨ ᠰᠢᠨᠡ ᠬᠤᠲᠠ ᠲᠣᠭᠤᠷᠢᠭ ᠤᠨ | ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠳᠠᠷᠤᠭᠠ ᠪᠣᠯᠣᠨᠠ᠃ ︽9 ᠰᠠᠷᠠ ᠶᠢᠨ 27 ᠤ | ᠡᠳᠦᠷ ᠠᠴᠠ ᠪᠢᠳᠠᠨ ᠤ ᠡᠩᠨᠡᠭᠡᠨ ᠤ ᠬᠢᠨ 20 ᠭᠠᠷᠤᠢ ᠲᠡᠷᠭᠡ 30 ᠭᠠᠷᠤᠢ ᠬᠥᠮᠥᠨ ᠠᠷᠪᠠᠭᠠᠳ ᠮᠠᠶᠢᠬᠠᠨ ᠢᠶᠠᠨ | ᠠᠪᠴᠤ ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠳᠤ ᠣᠴᠢᠵᠤ ᠠᠵᠢᠯᠯᠠᠵᠤ ᠡᠬᠢᠯᠡᠨ᠂ 10 ᠰᠠᠷᠠ ᠶᠢᠨ 5 ᠤ ᠡᠳᠦᠷ | ᠪᠤᠯᠲᠠᠯᠠ ᠠᠵᠢᠯᠯᠠᠬᠤ ᠪᠣᠯᠣᠨᠠ᠃ ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠤ ᠳᠠᠯᠠᠪᠡᠢ ᠳᠠᠬᠢ ᠪᠢᠳᠠᠨ ᠳᠤ | ᠬᠤᠪᠢᠶᠠᠷᠢᠯᠠᠭᠰᠠᠨ ᠭᠠᠵᠠᠷ ᠢᠶᠠᠨ ᠭᠤᠷᠪᠠᠨ ᠪᠦᠯᠦᠭ ᠬᠤᠪᠢᠶᠠᠭᠠᠳ ᠲᠣᠰ ᠲᠣᠰ ᠲᠠᠭᠠᠨ ᠬᠠᠷᠢᠭᠤᠴᠠᠵᠤ ᠪᠤᠢ᠂ ᠪᠢ | ᠮᠠᠨ ᠤ ᠬᠥᠮᠥᠰ ᠢᠶᠠᠨ ᠳᠠᠭᠠᠭᠤᠯᠵᠤ ᠳᠥᠷᠪᠡᠨ ᠬᠡᠰᠡᠭ ᠭᠠᠵᠠᠷ ᠤᠨ ᠠᠷᠢᠭᠤᠨ ᠴᠡᠪᠡᠷ ᠢ ᠪᠠᠲᠤᠯᠠᠵᠤ ᠣᠷᠴᠢᠨ | ᠲᠣᠭᠤᠷᠢᠨ ᠤ ᠬᠤᠭ ᠨᠣᠪᠰᠢ ᠶᠢ ᠴᠡᠪᠡᠷᠯᠡᠨ ᠬᠠᠶᠠᠵᠤ ᠪᠠᠶᠢᠨᠠ︾ ᠭᠡᠵᠦ ᠶᠧ ᠶᠢᠨ ᠱᠠᠨ ᠡᠨᠡ ᠵᠢᠯ ᠤᠨ ᠠᠵᠢᠯ ᠢᠶᠠᠨ | ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠶᠢᠳᠠᠯ ᠢᠶᠠᠨ ᠶᠠᠷᠢᠯᠠ᠃ | ᠶᠧ ᠶᠢᠨ ᠱᠠᠨ ᠠᠯᠠᠱᠠ ᠨᠤᠲᠤᠭ ᠲᠤ ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠡᠷᠭᠢᠯᠡᠭᠳᠡᠵᠣ ᠶᠠᠪᠤᠭᠳᠠᠭᠠᠳ | ᠢᠷᠡᠭᠰᠡᠨ 12 ᠵᠢᠯ ᠤᠨ ᠲᠤᠷᠰᠢ ᠴᠤᠭᠯᠠᠭᠠᠨ ᠤ ᠲᠠᠯᠠᠪᠠᠢ ᠶᠢᠨ ᠠᠷᠢᠭᠤᠨ ᠴᠡᠪᠡᠷ ᠢ ᠬᠠᠮᠠᠭᠠᠯᠠᠭᠴᠢ ᠪᠣᠯᠣᠭᠰᠠᠭᠠᠷ | ᠢᠷᠠᠵᠠᠢ᠃ ᠠᠯᠠᠱᠠ ᠨᠤᠲᠤᠭ ᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠤᠨ ᠲᠦᠷᠭᠡᠨ ᠬᠥᠭᠵᠢᠯᠲᠡ ᠶᠢ ᠳᠠᠭᠠᠯᠳᠤᠨ᠂ | ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠮᠡᠲᠦ ᠠᠵᠢᠯᠯᠠᠭᠠᠨ ᠳᠤ ᠶᠧ ᠶᠢᠨ ᠱᠠᠨ ᠤ ᠪᠠᠷᠠ ᠲᠠᠰᠤᠷᠠᠭᠠ ᠦᠭᠡᠢ᠃ ᠣᠷᠴᠢᠨ | ᠲᠣᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢ ᠪᠠᠲᠤᠯᠠᠬᠤ ᠡᠭᠦᠷᠭᠡ ᠨᠡᠩ ᠬᠠᠲᠠᠭᠤ ᠪᠡᠷᠬᠡ ᠪᠣᠯᠬᠤ ᠦᠶᠡ ᠳᠤ᠂ ᠶᠧ ᠶᠢᠨ ᠱᠠᠨ | ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢ ᠪᠠᠲᠤᠯᠠᠬᠤ ᠨᠢᠭᠡᠳᠦᠭᠡᠷ ᠹᠷᠣᠨᠲ ᠲᠤ ᠠᠵᠢᠯᠯᠠᠵᠤ᠂ ᠣᠷᠴᠢᠨ | ᠲᠣᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠤᠨ ᠪᠠᠲᠤᠯᠠᠭᠠ ᠶᠢᠨ ᠠᠵᠢᠯ ᠢ ᠪᠦᠷᠢᠨ ᠲᠡᠭᠦᠯᠳᠡᠷ ᠬᠢᠵᠦ᠂ ᠠᠵᠢᠯᠯᠠᠭᠠ | ᠳᠠᠭᠤᠰᠲᠠᠯᠠ ᠬᠢᠭᠰᠡᠭᠡᠷ ᠢᠷᠠᠵᠠᠢ᠃ ᠶᠧ ᠶᠢᠨ ᠱᠠᠨ᠂ ᠠᠩᠬᠠ ᠡᠬᠢᠯᠡᠬᠦ ᠳᠤ ᠲᠡᠷᠡᠪᠡᠷ ᠠᠵᠢᠯᠲᠠᠨ ᠲᠠᠢ ᠪᠠᠨ ᠬᠠᠮᠲᠤ | ᠡᠯᠡᠰᠦᠨ ᠬᠤᠲᠣᠭᠤᠷ ᠠᠴᠠ ᠬᠤᠭ ᠲᠡᠭᠦᠭᠡᠳ ᠡᠭᠦᠷᠴᠦ ᠭᠠᠷᠭᠠᠳᠠᠭ ᠪᠠᠶᠢᠭᠰᠠᠨ᠂ ᠣᠳᠣ ᠮᠠᠰᠢᠨ ᠲᠥᠬᠦᠭᠡᠷᠦᠮᠵᠢ | ᠰᠠᠶᠢᠨ ᠪᠣᠯᠵᠤ᠂ ᠬᠤᠭ ᠡᠭᠦᠷᠬᠦ ᠤᠴᠢᠷ ᠦᠭᠡᠢ᠂ ᠲᠡᠷᠡ ᠮᠥᠷᠲᠡᠭᠡᠨ ᠡᠯᠡ ᠪᠠᠶᠢᠭᠤᠯᠭᠠ ᠨᠢᠭᠡᠴᠢ ᠶᠢᠨ ᠬᠢᠨ | ᠬᠠᠮᠲᠤᠷᠠᠨ ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠵᠢᠯ ᠳᠤ ᠬᠠᠪᠰᠤᠷᠴᠤ ᠳᠡᠮᠵᠢᠬᠦ ᠪᠤᠯᠣᠬᠰᠠᠨ ᠠᠴᠠ ᠠᠵᠢᠯ ᠤᠨ ᠳᠠᠷᠤᠭᠠᠰᠤ | ᠲᠡᠶᠢᠮᠦ ᠬᠦᠨᠳᠦ ᠪᠢᠰᠢ ᠪᠣᠯᠵᠠᠢ᠃ ᠲᠡᠭᠢᠪᠡᠯ ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠮᠢ ᠠᠬᠤᠢ ᠶᠢ ᠬᠠᠮᠠᠭᠠᠯᠠᠬᠤ ᠤᠬᠠᠭᠤᠯᠭᠠ | ᠰᠣᠷᠳᠠᠯᠴᠢᠯᠠᠭᠠ ᠶᠢ ᠶᠡᠬᠡᠪᠡᠷ ᠬᠢᠭᠰᠡᠨ ᠠᠴᠠ ᠵᠤᠭᠠᠴᠠᠭᠰᠠᠳ ᠤᠨ ᠦᠵᠡᠯᠲᠡ ᠲᠠᠨᠢᠯᠲᠠ ᠶᠡᠭᠡ ᠬᠤᠪᠢᠷᠠᠯᠲᠠ | ᠭᠠᠷᠤᠭᠰᠠᠨ ᠪᠠᠶᠢᠨᠠ᠃ ᠬᠡᠳᠦᠶᠢᠪᠡᠷ ᠡᠳᠦᠷ ᠪᠦᠷᠢ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠨ ᠶᠠᠳᠠᠷᠠᠳᠠᠭ ᠪᠣᠯᠪᠠᠴᠤ ᠤᠯᠠᠨ | ᠪᠦᠭᠦᠳᠡᠭᠡᠷ ᠪᠢᠳᠠᠨ ᠤ ᠠᠵᠢᠯ ᠢ ᠬᠦᠨᠳᠦᠳᠬᠡᠨ ᠦᠵᠡᠬᠦ ᠪᠤᠯᠣᠬᠰᠠᠨ ᠳᠤ ᠰᠡᠳᠬᠢᠯ ᠮᠢᠨᠢ ᠳᠣᠩ ᠳᠤᠯᠠᠭᠠᠬᠠᠨ | ᠪᠠᠶᠢᠳᠠᠭ ᠠ᠋ ᠭᠡᠨᠡ᠃ | ᠪᠠᠭᠠᠲᠤᠷᠴᠤᠳ ᠤᠨ ᠴᠤᠭᠯᠠᠭᠠᠨ ᠳᠤ ᠰᠦᠯᠵᠢᠯᠳᠦᠬᠦ ᠲᠡᠷᠭᠡ ᠣᠨᠤᠭᠠ᠂ ᠬᠥᠮᠥᠨ ᠵᠣᠨ ᠤ ᠬᠥᠯ ᠳᠤ | ᠬᠠᠶᠠᠭᠳᠠᠬᠤ ᠬᠤᠭ ᠨᠣᠪᠰᠢ ᠶᠢ ᠴᠡᠪᠡᠷᠯᠡᠬᠦ ᠭᠡᠳ ᠮᠣᠩᠭᠢᠨᠠᠬᠰᠠᠨ ᠴᠡᠪᠡᠷᠯᠡᠭᠴᠢᠳ ᠮᠠᠨᠢ ᠥᠷᠯᠥᠭᠡ ᠡᠷᠲᠡ ᠠᠴᠠ | ᠣᠷᠣᠢ ᠪᠦᠷᠦᠢ ᠪᠤᠯᠲᠠᠯᠠ ᠪᠡᠶᠡ ᠪᠠᠨ ᠴᠢᠯᠡᠲᠡᠯᠡ ᠠᠵᠢᠯᠯᠠᠬᠤ ᠨᠢ ᠠᠯᠠᠱᠠᠴᠤᠳ ᠤᠨ ᠢᠶᠠᠨ ᠬᠦᠨᠳᠦᠳᠬᠡᠯ ᠬᠠᠶᠢᠷᠠ ᠶᠢ | ᠣᠯᠵᠤ ᠶᠠᠪᠤᠬᠤ ᠨᠢ ᠵᠦᠢᠲᠡᠢ ᠪᠢᠯᠡ᠃ ᠲᠡᠳᠡ ᠪᠣᠯ ᠨᠤᠲᠤᠭ ᠣᠷᠣᠨ ᠢᠶᠠᠨ ᠭᠡᠶᠢᠭᠦᠯᠦᠭᠴᠢ᠂ ᠬᠥᠮᠥᠨ ᠠᠷᠠᠳ ᠤᠨ | ᠬᠠᠮᠠᠭᠠᠯᠠᠭᠴᠢ ᠨᠢ ᠶᠤᠮ᠃ | |