| | ● ᠰᠡᠴᠡᠨ᠂ ᠡᠷᠳᠡᠨᠢᠬᠦᠦ | | ᠡᠪᠦᠯ ᠤᠨ ᠠᠮᠲᠠ ᠪᠠᠨ ᠭᠠᠷᠭᠠᠵᠤ ᠶᠠᠭᠠᠷᠠᠭᠰᠠᠨ ᠠᠬᠠ ᠮᠢᠨᠢ᠄ ︽ᠴᠢᠮᠠᠳᠤ ᠨᠢᠭᠡ ᠮᠠᠯ ᠶᠠᠪᠤᠭᠤᠯᠤᠭᠰᠠᠨ᠂ | ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ ᠨᠢ ᠬᠤᠶᠢᠬᠠᠯᠠᠵᠤ ᠠᠮᠵᠢᠭᠠ ᠦᠭᠡᠢ ᠰᠢᠤ︾ ᠭᠡᠰᠡᠨ ᠵᠠᠬᠢᠶᠠ ᠢᠷᠡᠭᠦᠯᠦᠯᠡ᠃ ᠬᠥᠳᠡᠭᠡ ᠳᠤ | ᠪᠣᠯ ᠵᠢᠭᠠᠯ ᠵᠢᠭᠤᠯ ᠲᠦᠯᠡᠭᠡ ᠣᠪᠣᠭᠠᠯᠠᠴᠢᠬᠠᠭᠠᠳ ᠪᠡᠯᠡᠨ ᠳᠣᠣᠷᠠ ᠨᠢ ᠬᠤᠶᠢᠬᠠᠯᠠᠴᠢᠬᠠᠳᠠᠭ ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ | ᠬᠤᠲᠠ ᠭᠠᠵᠠᠷ ᠲᠤ ᠦᠨᠡᠬᠡᠷ ᠶᠠᠭᠠᠬᠢᠬᠤ ᠶᠢᠨ ᠴᠤ ᠠᠷᠭᠠ ᠦᠭᠡᠢ᠃ ᠠᠷᠭᠠ ᠪᠤᠰᠤ ︽ᠲᠣᠯᠣᠭᠠᠢ ᠰᠢᠭᠢᠷᠡ | ᠬᠤᠶᠢᠬᠠᠯᠠᠳᠠᠭ ᠬᠥᠮᠥᠨ︾ ᠡᠷᠢᠭᠰᠡᠨ ᠢᠶᠠᠷ ᠰᠠᠶ᠋ᠢ ᠬᠤᠲᠠ ᠭᠠᠵᠠᠷ ᠲᠤᠰᠬᠠᠢ ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ | ᠠᠵᠢᠯ ᠡᠷᠭᠢᠯᠡᠳᠡᠭ ᠬᠥᠮᠥᠨ ᠤᠯᠠᠨ ᠪᠠᠶᠢᠳᠠᠭ ᠢ ᠣᠯᠵᠤ ᠮᠡᠳᠡᠯᠡ᠃ | ᠳᠤᠯᠠᠭᠠᠨ ᠰᠠᠭᠤᠭᠠᠯᠢ ᠲᠣᠭᠤᠷᠢᠭ ᠤᠨ ᠪᠠᠷᠠᠭᠤᠨ ᠡᠭᠦᠳᠡᠨᠡ ᠪᠠᠶᠢᠷᠢᠯᠠᠭᠠ ᠲᠠᠩᠰᠤᠭ ᠨᠤᠲᠤᠭ ᠮᠣᠩᠭᠤᠯ | ᠬᠤᠭᠤᠯᠠᠨ ᠭᠡᠷ ᠤᠨ ᠡᠵᠡᠨᠳᠡᠨ ᠵᠢᠷᠠᠨᠲᠠᠢ ᠪᠣᠯ ᠬᠤᠲᠠ ᠳᠤ ᠣᠷᠣᠵᠤ ᠬᠤᠭᠤᠯᠠᠨ ᠭᠡᠷ ᠡᠷᠭᠢᠯᠡᠭᠡᠳ ᠠᠷᠪᠠᠨ ᠵᠢᠯ ᠤᠨ | ᠨᠢᠭᠤᠷ ᠦᠵᠡᠵᠦ ᠪᠠᠶᠢᠭᠠ ᠬᠥᠮᠥᠨ᠃ ᠬᠤᠭᠤᠯᠠᠨ ᠭᠡᠷ ᠨᠢ ᠵᠠᠢ ᠪᠠᠭᠠᠲᠠᠢ ᠴᠤ ᠬᠤᠷᠢᠭᠠᠳ ᠬᠥᠮᠥᠨ ᠤ ᠵᠣᠴᠢᠯᠠᠭᠠ | ᠬᠢᠵᠦ᠂ ᠪᠠᠰᠠ ᠬᠤᠲᠠ ᠶᠢᠨ ᠬᠥᠮᠥᠰ ᠲᠤ ᠤᠭᠤᠴᠠ ᠰᠢᠭᠦᠰᠦ ᠴᠢᠨᠠᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠭᠠᠳ ᠣᠨ ᠤᠳᠠᠵᠠᠢ᠃ | ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠠᠴᠠ ᠲᠠᠨᠢᠯ ᠤᠯᠤᠰ ᠤᠳ ᠨᠢ ᠮᠠᠯ ᠤᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠪᠠᠨ ᠴᠤ ᠠᠪᠴᠢᠷᠠᠵᠤ | ᠥᠭᠲᠡᠭ ᠢᠶᠠᠷ ᠠᠭᠠᠵᠢᠮ ᠢᠶᠠᠷ ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠵᠤ ᠥᠭᠬᠦ ᠦᠢᠯᠡᠴᠢᠯᠡᠭᠡᠨ ᠤ ᠠᠵᠢᠯ ᠢ ᠴᠤ ᠳᠠᠭᠠᠭᠠᠵᠤ | ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠶᠠᠮᠠᠷᠪᠠ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠭᠰᠡᠨ ᠴᠤ ᠤᠳᠠᠭᠠᠨ ᠳᠠᠭᠠᠭᠠᠮᠠᠭᠠᠢ ᠬᠢᠬᠦ ᠭᠡᠷᠡᠭᠳᠡᠢ᠃ | ᠢᠯᠠᠩᠭᠤᠶᠠ ᠬᠤᠭᠤᠯᠠᠨ ᠭᠡᠷ ᠡᠷᠭᠢᠯᠡᠭᠦ ᠳᠤ ᠬᠡᠳᠦᠨ ᠡᠳᠦᠷ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠭᠡᠳ ᠬᠡᠳᠦᠨ ᠡᠳᠦᠷ ᠡᠭᠦᠳᠡ ᠪᠠᠨ | ᠬᠠᠭᠠᠵᠤ ᠪᠣᠯᠬᠤ ᠦᠭᠡᠢ ᠶᠢ ᠵᠢᠷᠠᠨᠲᠠᠢ ᠮᠡᠳᠡᠳᠡᠭ ᠪᠣᠯᠬᠤᠷ 10 ᠵᠢᠯ ᠳᠤ ᠨᠡᠯᠢᠶᠡᠳ ᠤᠯᠠᠨ ᠬᠠᠭᠤᠴᠢᠨ ᠵᠣᠴᠢᠨ ᠲᠠᠢ | ᠪᠣᠯᠵᠤ᠂ ᠵᠢᠯ ᠳᠡᠭᠡᠨ 600 ᠭᠠᠷᠤᠢ ᠤᠭᠤᠴᠠ ᠴᠢᠨᠠᠵᠤ᠂ ᠵᠢᠯ ᠤᠨ ᠳᠥᠷᠪᠡᠨ ᠤᠯᠠᠷᠢᠯ ᠠᠯᠳᠠᠯ ᠦᠭᠡᠢ ᠲᠣᠯᠣᠭᠠᠢ | ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠳᠠᠭ ᠢᠶᠠᠷ ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ ᠠᠵᠢᠯ ᠠᠴᠠ ᠵᠢᠯ ᠳᠡᠭᠡᠨ | ᠬᠤᠶᠠᠷ ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠴᠡᠪᠡᠷ ᠣᠷᠣᠯᠭᠠ ᠣᠯᠳᠠᠭ ᠪᠠᠶᠢᠨᠠ᠃ ︽ᠨᠢᠭᠡ ᠮᠠᠯ ᠤᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ | ᠬᠤᠶᠢᠬᠠᠯᠠᠬᠤ ᠳᠤ 20 ᠲᠥᠭᠦᠷᠢᠭ᠂ ᠮᠠᠨᠠᠶᠢᠬᠢᠨ ᠨᠣᠣᠰᠣ ᠦᠰᠦ ᠶᠢ ᠨᠢ ᠰᠠᠶᠢᠬᠠᠨ ᠴᠡᠪᠡᠷ ᠠᠷᠢᠯᠭᠠᠵᠤ᠂ ᠤᠬᠢᠶᠠᠵᠤ | ᠥᠭᠲᠡᠭ ᠪᠣᠯᠬᠤᠷ ᠵᠣᠴᠢᠨ ᠲᠠᠰᠤᠷᠠᠳᠠᠭ ᠦᠭᠡᠢ᠂ ᠡᠨᠡ ᠠᠵᠢᠯ ᠢ ᠬᠢᠭᠡᠳ ᠭᠠᠷ ᠵᠠᠷᠤᠯᠭᠠ ᠪᠠᠨ ᠣᠯᠬᠤ ᠴᠤ ᠪᠣᠯ | ᠰᠠᠨᠠᠭᠠ ᠠᠮᠠᠷ ᠰᠢᠤ︾ ᠭᠡᠵᠦ ᠵᠢᠷᠠᠨᠲᠠᠢ ᠲᠠᠨᠢᠯᠴᠠᠭᠤᠯᠤᠯᠠ᠃ ᠲᠡᠭᠦᠨ ᠤ ᠶᠠᠷᠢᠬᠤ ᠪᠠᠷ ᠬᠤᠲᠠ ᠳᠤ ᠰᠠᠭᠤᠭᠠ | ᠵᠠᠯᠠᠭᠤᠴᠤᠳ ᠮᠠᠯ ᠤᠨ ᠮᠢᠬᠠ ᠪᠠᠨ ᠦᠶᠡᠯᠡᠵᠦ ᠡᠪᠳᠡᠬᠦ ᠠᠵᠢᠯ ᠢ ᠬᠢᠵᠦ ᠴᠢᠳᠠᠬᠤ ᠦᠭᠡᠢ᠂ ᠵᠠᠷᠢᠮ ᠳᠠᠭᠠᠨ ᠪᠦᠲᠦᠨ | ᠮᠠᠯ ᠤᠨ ᠮᠢᠬᠠ ᠪᠠᠨ ᠠᠪᠴᠢᠷᠠᠵᠤ ᠲᠡᠭᠦᠨ ᠢᠶᠠᠷ ᠦᠶᠡᠯᠡᠵᠦ ᠰᠠᠯᠭᠠᠭᠤᠯᠬᠤ ᠠᠵᠢᠯ ᠬᠢᠯᠭᠡᠳᠡᠭ ᠬᠥᠮᠥᠨ ᠴᠤ ᠵᠢᠯ ᠠᠴᠠ | ᠵᠢᠯ ᠣᠯᠠᠰᠢᠷᠠᠵᠤ ᠪᠤᠢ ᠭᠡᠨᠡ᠃ | ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ ᠨᠢ ᠦᠨᠡᠨᠳᠡᠭᠡᠨ ᠤᠯᠠᠷᠢᠯ ᠤᠨ ᠴᠢᠨᠠᠷᠲᠠᠢ ᠠᠵᠢᠯ ᠶᠤᠮ᠃ ᠵᠢᠯ | ᠪᠣᠯᠭᠠᠨ ᠤ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠬᠤᠲᠠ ᠶᠢᠨ ᠬᠥᠮᠥᠰ ᠡᠪᠦᠯ ᠤᠨ ᠠᠮᠲᠠ ᠪᠠᠨ ᠪᠡᠯᠡᠳᠴᠦ | ᠡᠬᠢᠯᠡᠬᠦ ᠳᠤ ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠬᠤ ᠠᠵᠢᠯ ᠴᠤ ᠬᠥᠭᠵᠢᠶᠡᠨ ᠳᠡᠭᠡᠨ ᠣᠷᠣᠵᠤ᠂ ᠤᠯᠠᠨ ᠬᠥᠮᠥᠰ ᠡᠨᠡᠬᠦ | ᠲᠤᠭᠢᠶᠠᠯ ᠢ ᠠᠮᠵᠢᠭᠤᠯᠤᠨ ᠪᠠᠭᠠ ᠰᠠᠭᠠ ᠣᠷᠣᠯᠭᠠ ᠣᠯᠳᠠᠭ ᠪᠠᠶᠢᠨᠠ᠃ ᠡᠲᠡᠭᠡᠷ ᠬᠥᠮᠥᠰ ᠤᠨ ᠨᠢᠭᠡ ᠨᠢ ᠪᠣᠯ ᠯᠢ | ᠹᠠ ᠯᠢᠨ ᠪᠣᠯᠣᠨᠠ᠃ ᠡᠨᠡ ᠵᠢᠯ ᠳᠠᠯᠠ ᠶᠢᠨ ᠪᠠᠷᠠ ᠬᠠᠷᠠᠵᠤ ᠪᠠᠶᠢᠭᠠ ᠯᠢ ᠹᠠ ᠯᠢᠨ ᠬᠤᠸᠠ ᠶᠤᠸᠠᠨ ᠰᠢᠨ ᠼᠦᠨ | ᠬᠤᠷᠢᠶᠠᠯᠠᠯ ᠳᠤ ᠰᠠᠭᠤᠳᠠᠭ ᠪᠣᠯᠬᠤᠷ 11 ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠮᠠᠰᠢᠨ ᠳᠡᠭᠡᠷᠡ ᠪᠠᠨ ᠲᠣᠯᠣᠭᠠᠢ ᠰᠢᠭᠢᠷᠡ | ᠬᠤᠶᠢᠬᠠᠯᠠᠬᠤ ᠲᠣᠨᠤᠭ ᠲᠥᠬᠦᠭᠡᠷᠦᠮᠵᠢ ᠪᠠᠨ ᠠᠴᠢᠭᠠᠳ ᠠᠵᠢᠯ ᠳᠠᠭᠠᠨ ᠭᠠᠷᠳᠠᠭ᠃ ᠵᠠᠷᠢᠮ ᠳᠠᠭᠠᠨ ᠭᠠᠭᠴᠠ ᠬᠤᠶᠠᠷ | ᠲᠣᠯᠣᠭᠠᠢ ᠬᠤᠶᠢᠬᠠᠯᠠᠬᠤ ᠠᠵᠢᠯ ᠲᠠᠭᠠᠷᠠᠨᠠ᠃ ᠬᠠᠶᠠ ᠪᠠᠰᠠ ᠲᠠᠪᠤ ᠵᠢᠷᠭᠤᠭᠠᠨ ᠲᠣᠯᠣᠭᠠᠢ ᠬᠤᠶᠢᠬᠠᠯᠠᠬᠤ ᠠᠵᠢᠯ | ᠢᠷᠡᠨᠡ᠃ ︽ᠵᠦᠭᠡᠷ ᠰᠠᠭᠤᠬᠤ ᠪᠠᠷ ᠵᠦᠯᠭᠦᠵᠦ ᠰᠠᠭᠤᠶᠠ︾ ᠭᠡᠰᠡᠨ ᠪᠤᠳᠤᠯ ᠲᠠᠢ ᠯᠢ ᠹᠠ ᠯᠢᠨ ᠴᠢᠳᠠᠯ ᠬᠥᠷᠥᠭᠰᠡᠨ | ᠴᠠᠭ ᠲᠤ ᠨᠢᠭᠡ ᠶᠠᠭᠤᠮᠠ ᠬᠢᠵᠦ ᠯᠠ ᠪᠠᠶᠢᠶᠠ ᠭᠡᠰᠡᠨ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠡᠨᠡᠬᠦ ᠠᠵᠢᠯ ᠢ ᠬᠢᠭᠡᠳ ᠭᠤᠷᠪᠠᠨ ᠵᠢᠯ ᠤᠨ | ᠨᠢᠭᠤᠷ ᠦᠵᠡᠵᠦ᠂ ᠵᠢᠯ ᠪᠣᠯᠭᠠᠨ ᠬᠤᠶᠠᠷ ᠰᠠᠷᠠ ᠬᠢᠷᠢᠲᠡᠢ ᠠᠵᠢᠯᠯᠠᠭᠠᠳ 6000 — 7000 ᠲᠥᠭᠦᠷᠢᠭ ᠤᠨ | ᠴᠡᠪᠡᠷ ᠣᠷᠣᠯᠭᠠ ᠣᠯᠳᠠᠭ ᠠᠵᠢ᠃ ︽ᠡᠨᠡ ᠠᠵᠢᠯ ᠢ ᠬᠢᠬᠦ ᠳᠤ ᠶᠠᠭᠤᠨ ᠲᠡᠷᠢᠭᠦᠨ ᠳᠤ ᠠᠮᠤᠷ ᠲᠦᠪᠰᠢᠨ ᠢ | ᠠᠩᠬᠠᠷᠤᠨᠠ᠃ ᠳᠠᠷᠠᠭᠠᠯᠠᠪᠠᠯ ᠠᠷᠢᠭᠤᠨ ᠴᠡᠪᠡᠷ ᠢ ᠬᠢᠴᠢᠶᠡᠬᠦ ᠭᠡᠷᠡᠭᠳᠡᠢ᠂ ᠬᠤᠲᠠ ᠭᠠᠵᠠᠷ ᠪᠣᠯᠬᠤᠷ ᠲᠣᠯᠣᠭᠠᠢ | ᠬᠤᠶᠢᠬᠠᠯᠠᠭᠰᠠᠨ ᠬᠤᠭ ᠢᠶᠠᠨ ᠪᠤᠳᠠᠷᠠᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠶᠡᠭᠡ ᠬᠢᠴᠢᠶᠡᠬᠦ ᠭᠡᠷᠡᠭᠳᠡᠢ ᠰᠢᠤ︾ ᠭᠡᠵᠦ ᠲᠣᠯᠣᠭᠠᠢ | ᠬᠤᠶᠢᠬᠠᠯᠠᠬᠤ ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠭᠰᠠᠨ ᠯᠢ ᠹᠠ ᠯᠢᠨ ᠶᠠᠷᠢᠨᠠ᠃ ᠲᠡᠷᠡ ᠤᠤᠯ ᠨᠢ ᠮᠠᠰᠢᠨ ᠲᠡᠷᠭᠡ ᠵᠠᠰᠠᠬᠤ | ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠣᠯᠠᠩᠬᠢ ᠳᠠᠭᠠᠨ ᠬᠦᠴᠢᠯᠲᠥ᠋ᠷᠥᠭᠴᠢ ᠪᠠᠷ ᠲᠣᠯᠣᠭᠠᠢ ᠰᠢᠭᠢᠷᠡ ᠬᠤᠶᠢᠬᠠᠯᠠᠳᠠᠭ᠃ | ᠭᠦᠴᠢᠯᠳᠦᠷᠦᠭᠴᠢ ᠶᠢ ᠠᠰᠢᠭᠯᠠᠬᠤ ᠳᠤ ᠶᠠᠭᠠᠬᠢᠵᠤ ᠨᠡᠭᠡᠭᠡᠵᠦ ᠬᠠᠭᠠᠬᠤ ᠨᠢ ᠪᠦᠷ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠪᠣᠯᠬᠤᠷ | ᠲᠡᠭᠦᠨ ᠤ ᠬᠤᠪᠢ ᠳᠤ ᠠᠮᠤᠷ ᠲᠦᠪᠰᠢᠨ ᠪᠣᠯ ᠬᠠᠮᠤᠭ ᠤᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠣᠯᠳᠠᠭ ᠠᠵᠢ᠃ ᠠᠷᠪᠠᠨ ᠬᠡᠳᠦᠨ | ᠮᠢᠨᠦ᠋ᠲ ᠪᠣᠯᠣᠯ ᠦᠭᠡᠢ ᠨᠢᠭᠡ ᠮᠠᠯ ᠤᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠶᠢ ᠬᠤᠶᠢᠬᠠᠯᠠᠭᠠᠳ ᠪᠠᠷᠠᠭᠠᠴᠢᠬᠠᠯᠠ᠃ | ᠬᠥᠳᠡᠭᠡ ᠠᠴᠠ ᠠᠪᠴᠢᠷᠠᠭᠰᠠᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠪᠠᠨ ᠬᠤᠶᠢᠬᠠᠯᠠᠭᠤᠯᠬᠤ ᠵᠠᠭᠤᠷᠠ ᠳᠥᠭᠦᠮᠬᠡᠨ ᠰᠣᠷᠪᠤᠯᠵᠢᠯᠠᠭᠠ | ᠠᠪᠤᠭᠰᠠᠨ ᠪᠢ ᠬᠤᠶᠢᠬᠠᠯᠠᠭᠤᠯᠤᠭᠰᠠᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠪᠠᠨ ᠰᠠᠪᠠᠯᠠᠬᠤ ᠵᠠᠭᠤᠷᠠ ᠬᠤᠲᠠ ᠭᠠᠵᠠᠷ ᠭᠡᠳᠡᠭ ᠴᠢᠨᠢ | ᠬᠥᠳᠡᠯᠪᠡᠯ ᠵᠣᠭᠤᠰ ᠬᠡᠷᠡᠭᠰᠡᠬᠦ ᠭᠠᠵᠠᠷ ᠪᠣᠯᠪᠠᠴᠤ ᠴᠢᠷᠮᠠᠶᠢᠯᠭᠠ ᠰᠢᠮᠳᠠᠯᠭᠠ ᠪᠠᠶᠢᠭᠰᠠᠨ ᠴᠠᠭ ᠲᠤ ᠬᠤᠲᠠ ᠭᠠᠵᠠᠷ ᠲᠤ | ᠬᠥᠳᠡᠯᠵᠦ ᠯᠠ ᠪᠠᠶᠢᠪᠠᠯ ᠵᠣᠭᠤᠰ ᠮᠥᠩᠭᠦ ᠶᠢ ᠠᠮᠠᠷᠬᠠᠨ ᠣᠯᠵᠤ ᠪᠣᠯᠬᠤ ᠶᠤᠮ ᠪᠠᠶᠢᠨᠠ ᠭᠡᠳᠡᠭ ᠢ ᠤᠬᠠᠭᠠᠷᠠᠯᠠ᠃ | |