| | ᠰᠤᠷᠪᠤᠯᠵᠢᠯᠠᠬᠴᠢ ᠰᠡᠴᠡᠨ ᠂ ᠡᠷᠳᠡᠨᠢᠬᠦᠦ | | ᠶᠡᠷᠦᠨᠢ ᠪᠠᠭᠠᠴᠤᠳ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠨᠠᠰᠤᠲᠠᠶᠢᠴᠤᠳ ᠢᠶᠠᠨ ᠠᠰᠠᠷᠠᠬᠤ ᠨᠢ ᠳᠤᠮᠳᠠᠳᠤ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠰᠢᠯᠢᠳᠡᠭ ᠰᠠᠶᠢᠬᠠᠨ ᠵᠠᠩ ᠰᠤᠷᠲᠠᠯ᠂ ᠮᠥᠨᠴᠦ ᠬᠥᠮᠥᠨ ᠪᠣᠯᠵᠤ ᠶᠠᠪᠤᠬᠤ ᠶᠢᠨ ᠶᠣᠰᠣᠨ ᠪᠢᠯᠡ᠃ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠢᠩᠭᠡᠨ ᠰᠤᠮᠤᠨ ᠤ ᠭᠥᠪᠡᠭᠡ ᠭᠠᠴᠠᠭᠠᠨ ᠤ ᠡᠬᠡᠯ ᠵᠢᠷ ᠤᠨ ᠮᠠᠯᠴᠢᠨ ᠤᠯᠠᠭᠠᠨᠴᠡᠴᠡᠭ | ᠬᠡᠳᠦᠨ ᠠᠷᠪᠠᠨ ᠵᠢᠯ ᠢ ᠨᠢᠭᠡᠯᠡ ᠵᠠᠩ ᠢᠶᠠᠷ ᠥᠩᠭᠡᠷᠡᠭᠦᠯᠵᠦ᠂ ᠨᠠᠰᠤᠨ ᠥᠨᠳᠥᠷ ᠪᠤᠯᠤᠬᠰᠠᠨ ᠬᠠᠳᠠᠮ ᠠᠪᠤ ᠡᠵᠢ᠂ | ᠠᠪᠠᠭᠠ ᠠᠪᠤ ᠵᠢᠴᠢ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ ᠢᠶᠠᠨ ᠬᠤᠶᠠᠷ ᠭᠤᠣᠨᠢ ᠨᠠᠰᠤᠲᠠᠨ ᠢ ᠠᠰᠠᠷᠠᠵᠤ ᠳᠣᠳᠣᠮᠳᠠᠨ᠂ ᠨᠢᠭᠡᠨ | ᠠᠵᠠ ᠵᠢᠷᠭᠠᠯ ᠲᠠᠢ ︽ᠲᠣᠮᠣ ᠭᠡᠷ ᠪᠦᠯᠢ︾ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠤᠯᠠᠨ ᠤ ᠳᠤᠮᠳᠠ ᠠᠮᠠ ᠳᠠᠮᠵᠢᠨ | ᠱᠠᠭᠰᠢᠭᠳᠠᠵᠤ᠂ ᠡᠬᠡᠯ ᠶᠡᠷᠦᠮᠳᠡᠭ ᠮᠠᠯᠴᠢᠨ ᠪᠦᠰᠡᠭᠦᠢ ᠤᠯᠠᠨ ᠤ ᠳᠤᠮᠳᠠ ᠪᠠᠨ ᠳᠠᠭᠤᠷᠢᠶᠠᠯ ᠪᠣᠯᠣᠯᠠ᠃ | ᠤᠯᠠᠭᠠᠨᠴᠡᠴᠡᠭ 1984 ᠣᠨ ᠤ 1 ᠰᠠᠷᠠ ᠳᠤ ᠴᠡᠷᠡᠨᠶ᠋ᠢᠰᠢ ᠲᠠᠢ ᠬᠠᠨᠢ ᠶᠢᠨ ᠵᠠᠶᠠᠭᠠ ᠪᠠᠨ ᠬᠤᠯᠪᠣᠨ ᠠᠶᠢᠯ | ᠭᠡᠷ ᠪᠣᠯᠵᠠᠢ᠃ ᠮᠥᠨ ᠬᠤᠷᠢᠮᠯᠠᠭᠰᠠᠨ ᠴᠠᠭ ᠠᠴᠠ ᠡᠬᠢᠯᠡᠵᠦ ᠬᠠᠳᠠᠮ ᠡᠵᠢ ᠠᠪᠤ ᠪᠣᠯᠣᠨ ᠠᠪᠠᠭᠠ ᠠᠪᠤ ᠪᠠᠨ | ᠠᠰᠠᠷᠠᠬᠤ ᠬᠠᠷᠠᠭᠠᠯᠵᠠᠬᠤ ᠡᠭᠦᠷᠭᠡ ᠶᠢ ᠳᠠᠭᠠᠭᠠᠵᠤ ᠠᠪᠤᠪᠠ᠃ ᠲᠡᠷᠡ ᠭᠡᠷ ᠲᠤ ᠪᠠᠶᠢᠭᠠ ᠭᠤᠷᠪᠠᠨ ᠪᠤᠭᠤᠷᠤᠯ ᠢᠶᠠᠨ | ᠬᠠᠷᠠᠭᠠᠯᠵᠠᠬᠤ ᠠᠴᠠ ᠭᠠᠳᠠᠨᠠ ᠭᠡᠷ ᠠᠴᠠ ᠨᠢ ᠣᠶᠢᠷᠠᠬᠠᠨ ᠰᠠᠭᠤᠷᠢᠰᠢᠳᠠᠭ ᠨᠤᠷᠳᠤᠭ ᠪᠣᠯᠣᠨ ᠰᠢᠷᠠᠬᠦᠦ ᠨᠠᠰᠤᠲᠠᠨ ᠢ | ᠦᠷᠡ ᠰᠠᠳᠤ ᠦᠭᠡᠢ ᠬᠡᠮᠡᠨ ᠦᠷᠦᠪᠳᠤᠵᠦ ᠠᠵᠤ ᠠᠮᠢᠳᠤᠷᠠᠯ ᠢ ᠨᠢ ᠬᠠᠷᠠᠭᠠᠯᠵᠠᠵᠤ ᠡᠬᠢᠯᠡᠪᠡ᠃ ᠨᠡᠯᠢᠶᠡᠳ ᠤᠯᠠᠨ | ᠵᠢᠯ ᠤᠨ ᠡᠮᠦᠨᠡᠬᠢ ᠤᠴᠢᠷ ᠰᠠᠨ᠃ ᠤᠯᠠᠭᠠᠨᠴᠡᠴᠡᠭ ᠤᠨ ᠬᠠᠳᠠᠮ ᠡᠵᠢ ᠪᠣᠯᠣᠨ ᠰᠢᠷᠠᠬᠦᠦ ᠨᠠᠰᠤᠲᠠᠨ ᠤ ᠤᠤᠯ ᠠᠴᠠ | ᠬᠠᠷᠠᠭᠠ ᠮᠠᠭᠤᠳᠠᠵᠤ ᠪᠠᠶᠢᠭᠰᠠᠨ ᠨᠢᠳᠦ ᠨᠢ ᠭᠡᠨᠡᠳᠲᠡ ᠰᠢᠷᠬᠠᠯᠠᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠤᠯᠠᠭᠠᠨᠴᠡᠴᠡᠭ ᠰᠠᠨᠳᠤᠷᠴᠤ | ᠬᠤᠶᠠᠷ ᠨᠠᠰᠤᠲᠠᠨ ᠢ ᠳᠠᠭᠠᠭᠤᠯᠤᠨ ᠭᠠᠵᠠᠷ ᠪᠣᠯᠭᠠᠨ ᠳᠤ ᠡᠮᠴᠢᠯᠡᠭᠡ ᠬᠢᠵᠦ ᠰᠠᠶᠢᠨ ᠠᠷᠠᠴᠢᠯᠠᠵᠤ ᠳᠣᠳᠣᠮᠳᠠᠭᠰᠠᠨ ᠤ | ᠠᠴᠢ ᠪᠠᠷ ᠬᠤᠶᠠᠷ ᠨᠠᠰᠤᠲᠠᠨ ᠤ ᠨᠢᠳᠦ ᠨᠢ ᠮᠠᠰᠢ ᠬᠤᠷᠳᠤᠨ ᠢᠯᠠᠷᠢᠰᠢᠵᠠᠢ᠃ | ᠤᠯᠠᠭᠠᠨᠴᠡᠴᠡᠭ ᠴᠡᠷᠡᠨᠶ᠋ᠢᠰᠢ ᠲᠠᠢ ᠬᠤᠷᠢᠮᠯᠠᠭᠠᠳ ᠤᠳᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠭᠥᠪᠡᠭᠡ ᠭᠠᠴᠠᠭᠠᠨ ᠤ | ᠪᠠᠶᠢᠷᠢ ᠪᠡᠯᠴᠢᠭᠡᠷ ᠪᠠ ᠮᠠᠯ ᠰᠦᠷᠦᠭ ᠢ ᠡᠷᠦᠭᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠬᠤ ᠠᠵᠢᠯ ᠶᠠᠪᠤᠭᠳᠠᠯᠠ᠃ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠪᠠᠷᠢᠮᠵᠢᠶᠠ ᠪᠠᠷ ᠤᠯᠠᠭᠠᠨᠴᠡᠴᠡᠭ ᠤᠨ ᠬᠢᠨ 10 ᠲᠡᠮᠡᠭᠡ᠂ 80 ᠪᠤᠭ ᠮᠠᠯ ᠲᠠᠢ᠂ ᠭᠤᠷᠪᠠᠨ ᠰᠢᠪᠠᠷ | ᠪᠠᠶᠢᠰᠢᠩ ᠬᠤᠪᠢᠳᠠᠵᠤ ᠣᠯᠵᠠᠢ᠃ ᠨᠣᠣᠰᠣ ᠨᠣᠣᠯᠣᠭᠤᠷ ᠤᠨ ᠦᠨᠡ ᠬᠠᠩᠰᠢ ᠳᠣᠣᠷᠠ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠳᠤ | ᠠᠮᠠ ᠪᠦᠯᠢ ᠤᠯᠠᠨ ᠲᠠᠢ ᠲᠡᠳᠡᠨᠡᠶᠢᠬᠢᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠡᠲᠡᠭᠡᠷ ᠨᠢ ᠨᠢᠭᠡ ᠭᠡᠷ ᠤᠨ ᠬᠢᠨ ᠤ ᠠᠵᠤ | ᠠᠮᠢᠳᠤᠷᠠᠯ ᠳᠤ ᠨᠡᠮᠡᠷᠢ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠢᠳᠡᠵᠦ ᠡᠮᠦᠰᠬᠦ ᠪᠠᠷ ᠳᠤᠲᠠᠬᠤ ᠤᠴᠢᠷ ᠵᠥᠩᠳᠡᠭᠡᠨ ᠯᠠ ᠪᠠᠶᠢᠯᠠ | ᠃ ᠳᠡᠭᠡᠬᠦ ᠳᠤ ᠤᠯᠠᠭᠠᠨᠴᠡᠴᠡᠭ ᠥᠪᠡᠷ ᠤᠨ ᠠᠵᠢᠯᠴᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ | ᠲᠠᠲᠠᠵᠤ᠂ ᠬᠥᠭᠰᠢᠴᠦᠦᠯ ᠢᠶᠠᠨ ᠢᠳᠡᠵᠦ ᠡᠮᠦᠰᠬᠦ ᠪᠠᠷ ᠳᠤᠲᠠᠭᠤᠯᠬᠤ ᠦᠭᠡᠢ ᠠᠪᠴᠤ ᠶᠠᠪᠤᠪᠠ᠃ ᠤᠯᠤᠰ ᠣᠷᠣᠨ ᠤ | ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢᠨ ᠳᠡᠮᠵᠢᠯᠭᠡ ᠪᠠ ᠠᠵᠤ ᠠᠬᠤᠢ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠶᠢ ᠳᠠᠭᠠᠯᠳᠤᠨ | ᠤᠯᠠᠭᠠᠨᠴᠡᠴᠡᠭ ᠴᠤ ᠨᠥᠬᠦᠷ ᠲᠠᠢ ᠪᠠᠨ ᠬᠡᠯᠡᠯᠴᠡᠵᠦ ᠪᠠᠶᠢᠭᠠᠳ ᠦᠢᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠶᠢᠨ ᠠᠷᠭᠠ | ᠬᠡᠯᠪᠡᠷᠢ ᠪᠠᠨ ᠬᠤᠪᠢᠷᠠᠭᠤᠯᠵᠤ᠂ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ ᠡᠭᠦᠯᠳᠡᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠨᠤᠲᠤᠭ ᠣᠷᠣᠨ ᠤ | ᠣᠨᠴᠠᠯᠢᠭᠲᠤ ᠴᠠᠭᠠᠨ ᠢᠲᠡᠭᠡ ᠪᠤᠯᠪᠠᠰᠤᠷᠠᠭᠤᠯᠵᠦ ᠪᠣᠷᠣᠯᠠᠭᠤᠯᠬᠤ ᠵᠡᠷᠭᠡ ᠠᠷᠭᠠ ᠪᠠᠷ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ | ᠥᠭᠡᠳᠡ ᠲᠠᠲᠠᠭᠰᠠᠨ ᠢᠶᠠᠷ ᠲᠡᠳᠡᠨ ᠤ ᠠᠮᠢᠳᠤᠷᠠᠯ ᠴᠤ ᠤᠳᠠᠯ ᠦᠭᠡᠢ ᠥᠭᠡᠳᠡ ᠲᠠᠢ ᠥᠩᠭᠡ ᠲᠠᠢ ᠪᠣᠯᠵᠤ᠂ ᠥᠷᠢ | ᠰᠢᠷᠢ ᠪᠠᠨ ᠪᠥᠬᠦᠨ ᠢ ᠲᠥᠯᠥᠵᠦ ᠪᠠᠷᠠᠭᠰᠠᠨ ᠪᠥᠭᠡᠳ ᠪᠠᠰᠠ ᠰᠢᠨᠡᠬᠡᠨ ᠲᠣᠭᠤᠰᠬᠠᠨ ᠪᠠᠶᠢᠰᠢᠩ ᠪᠠᠷᠢᠵᠤ ᠲᠥᠪᠬᠢᠨᠡᠪᠡ | ᠃ | ᠪᠦᠰᠡᠭᠦᠢ ᠬᠥᠮᠥᠨ ᠠᠶᠢᠯ ᠭᠡᠷ ᠤᠨ ᠬᠠᠭᠠᠰ ᠲᠤᠯᠭᠠᠭᠤᠷᠢ ᠭᠡᠳᠡᠭ ᠢ ᠤᠯᠠᠭᠠᠨᠴᠡᠴᠡᠭ ᠤᠨ ᠪᠡᠶᠡ | ᠳᠡᠭᠡᠷᠡ ᠠᠴᠠ ᠣᠯᠵᠤ ᠬᠠᠷᠠᠵᠤ ᠪᠣᠯᠬᠤ ᠶᠤᠮ᠃ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠲᠡᠷᠡ ︽ᠬᠥᠳᠡᠯᠮᠦᠷᠢ ᠪᠠᠷ ᠥᠭᠡᠳᠡᠯᠡᠳᠡᠭ | ᠦᠭᠡᠢ ᠠᠮᠢᠳᠤᠷᠠᠯ ᠪᠠᠶᠢᠳᠠᠭ ᠦᠭᠡᠢ︾ ᠭᠡᠰᠡᠨ ᠵᠣᠷᠢᠭ ᠰᠠᠨᠠᠭᠠ ᠪᠠᠷ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠲᠠᠲᠠᠬᠤ ᠶᠢᠨ | ᠳᠠᠭᠠᠤ 5 ᠨᠠᠰᠤᠲᠠᠨ ᠢ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠭᠰᠠᠭᠠᠷ ᠨᠢᠭᠡ ᠮᠡᠳᠡᠬᠦᠨᠡ ᠬᠡᠳᠦᠨ ᠠᠷᠪᠠᠨ ᠵᠢᠯ ᠢ ᠠᠷᠤ ᠳᠠᠭᠠᠨ | ᠣᠷᠬᠢᠯᠠ᠃ 1990 ᠣᠨ ᠠᠴᠠ 2011 ᠣᠨ ᠤ ᠬᠤᠭᠤᠷᠣᠨᠳᠤ ᠲᠡᠭᠦᠨ ᠤ 4 ᠪᠤᠭᠤᠷᠤᠯ ᠨᠢ ᠠᠷᠤ | ᠠᠷᠤ ᠠᠴᠠ ᠪᠠᠨ ᠶᠢᠷᠲᠢᠨᠴᠦ ᠶᠢᠨ ᠮᠥᠩᠬᠡ ᠪᠤᠰᠤ ᠶᠢ ᠦᠵᠡᠵᠦ᠂ ᠣᠲᠣ ᠲᠡᠭᠦᠨ ᠤ ᠳᠡᠷᠭᠡᠳᠡ ᠰᠢᠷᠠᠬᠦᠦ ᠨᠠᠰᠤᠲᠠᠨ | ᠯᠠ ᠨᠥᠬᠦᠳ ᠪᠣᠯᠵᠤ ᠪᠤᠢ᠃ ︽ᠪᠤᠭᠤᠷᠤᠯ ᠤᠨ ᠪᠤᠶᠠᠨ ᠳᠤᠨᠳᠠᠷᠠᠰᠢ ᠦᠭᠡᠢ ᠭᠡᠳᠡᠭ ᠶᠤᠮ᠃ ᠨᠠᠰᠤᠲᠠᠢ | ᠪᠤᠭᠤᠷᠤᠯᠴᠤᠳ ᠮᠢᠨᠢ ᠪᠦᠷ ᠯᠠ ᠠᠮᠤᠷ ᠵᠢᠷᠭᠠᠯᠲᠠᠢ ᠥᠲᠡᠯᠦᠭᠡ ᠨᠠᠰᠤ ᠪᠠᠨ ᠥᠩᠭᠡᠷᠡᠭᠦᠯᠬᠦ ᠶᠢ ᠬᠦᠰᠡᠵᠦ ᠪᠠᠶᠢᠳᠠᠭ᠃ | ᠲᠡᠳᠡᠨᠡᠷ ᠢ ᠪᠠᠨ ᠤᠷᠳᠤ ᠨᠠᠰᠤᠯᠠᠭᠤᠯᠵᠤ ᠤᠳᠠᠭᠠᠨ ᠵᠢᠷᠭᠠᠭᠤᠯᠬᠤ ᠯᠠ ᠪᠣᠯ ᠪᠤᠶᠠᠨᠲᠠᠢ ᠰᠠᠶᠢᠬᠠᠨ ᠶᠠᠪᠤᠳᠠᠯ ᠶᠤᠮ︾ | ᠭᠡᠵᠦ ᠤᠯᠠᠭᠠᠨᠴᠡᠴᠡᠭ ᠶᠠᠷᠢᠯᠠ᠃ | ︽ᠠᠮᠤᠷ ᠠᠮᠤᠷ ᠠᠴᠠ ᠰᠡᠳᠬᠢᠯ ᠰᠠᠨᠠᠭᠠᠨ ᠤ ᠠᠮᠤᠷ︾ ᠭᠡᠳᠡᠭ ᠤᠨ ᠤᠴᠢᠷ ᠤᠯᠠᠭᠠᠨᠴᠡᠴᠡᠭ ᠦᠨᠡᠬᠡᠷ ᠨᠢᠭᠡ | ᠨᠠᠰᠤ ᠪᠠᠨ ᠨᠢᠭᠡᠯᠡ ᠡᠳᠦᠷ ᠮᠡᠲᠦ ᠥᠪᠡᠷ ᠤᠨ ᠬᠠᠳᠠᠮ ᠡᠵᠢ ᠠᠪᠤ᠂ ᠠᠪᠠᠭᠠ ᠠᠪᠤ ᠪᠠᠨ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠨ᠂ | ᠥᠲᠡᠯᠬᠦ ᠶᠢᠨ ᠬᠢᠨᠢ ᠦᠵᠦᠭᠦᠷ ᠲᠤ ᠦᠷᠡ ᠰᠠᠳᠤ ᠶᠢᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢ ᠪᠦᠷᠢᠨ ᠦᠵᠡᠭᠦᠯᠦᠭᠰᠡᠨ ᠢᠶᠠᠷ ᠦᠯᠦ | ᠪᠠᠷᠠᠮ ᠴᠢᠰᠤ ᠮᠢᠬᠠᠨ ᠤ ᠬᠠᠷᠢᠴᠠᠭᠠ ᠦᠭᠡᠢ ᠠᠶᠢᠯ ᠰᠠᠭᠠᠬᠠᠯᠲᠠ ᠰᠠᠭᠤᠭᠰᠠᠨ ᠬᠤᠶᠠᠷ ᠨᠠᠰᠤᠲᠠᠨ ᠢ ᠴᠤ ᠠᠪᠤ | ᠡᠵᠢ ᠪᠠᠨ ᠮᠡᠲᠦ ᠬᠡᠳᠦᠨ ᠠᠷᠪᠠᠨ ᠵᠢᠯ ᠢᠶᠠᠷ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠵᠤ ᠢᠷᠡᠭᠰᠡᠨ ᠦᠢᠯᠡ ᠶᠠᠪᠤᠳᠠᠯ ᠨᠢ ᠦᠨᠡᠬᠡᠷ | ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠬᠥᠳᠡᠯᠭᠡᠮᠡ ᠠᠵᠢ᠃ ᠲᠡᠷᠡ ᠮᠠᠨᠢ ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ︽ᠨᠠᠰᠤᠲᠠᠶᠢᠴᠤᠳ ᠢ | ᠬᠦᠨᠳᠦᠯᠡᠵᠦ᠂ ᠨᠠᠰᠤᠲᠠᠶᠢᠴᠤᠳ ᠢ ᠬᠠᠶᠢᠷᠠᠯᠠᠵᠤ᠂ ᠨᠠᠰᠤᠲᠠᠶᠢᠴᠤᠳ ᠢ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ︾ ᠤᠯᠠᠮᠵᠢᠯᠠᠯᠳᠤ | ᠰᠠᠶᠢᠬᠠᠨ ᠵᠠᠩ ᠰᠤᠷᠲᠠᠯ ᠢ ᠥᠪᠡᠷ ᠤᠨ ᠪᠣᠳᠠᠲᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠬᠠᠷᠠᠭᠤᠯᠤᠯᠠ᠃ ᠲᠡᠳᠡᠨᠡᠶᠢᠬᠢᠨ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ︽ᠪᠣᠯᠪᠠᠰᠤᠨ ᠭᠡᠷ ᠪᠦᠯᠢ︾ ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ ᠤᠯᠠᠨ ᠤᠳᠠᠭᠠ ᠬᠦᠷᠲᠡᠵᠦ᠂ | ᠤᠯᠠᠭᠠᠨᠴᠡᠴᠡᠭ ᠴᠤ ᠨᠠᠢᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠶᠣᠰᠣ | ᠰᠤᠷᠲᠠᠬᠤᠨ ᠤ ᠵᠢᠱᠢᠶᠡᠴᠢ ᠪᠠᠷ ᠰᠣᠩᠭᠤᠭᠳᠠᠵᠠᠢ᠃ | ᠠᠴᠢᠯᠠᠯ ᠬᠠᠶᠢᠷᠠ ᠶᠢᠨ ᠬᠦᠴᠦᠨ ᠳᠤ ᠠᠮᠢᠳᠤᠷᠠᠯ ᠠᠶᠠᠨᠳᠠᠭᠠᠨ ᠥᠭᠡᠳᠡᠯᠡᠨ ᠮᠠᠨᠳᠤᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ | ᠪᠢᠵᠡ⁈ ᠠᠰᠢᠳᠠ ᠠᠵᠠ ᠵᠢᠷᠭᠠᠯ ᠢᠶᠠᠷ ᠪᠢᠯᠬᠠᠵᠤ ᠪᠠᠶᠢᠲᠤᠭᠠᠢ︕ | | | |