| | ᠢᠳᠡᠭᠡ ᠤᠮᠳᠠᠭᠠᠨ ᠢ ᠵᠣᠬᠢᠴᠠᠭᠤᠯᠬᠤ ᠶᠢᠨ ᠤᠴᠢᠷ᠂ ᠢᠳᠡᠭᠡ ᠤᠮᠳᠠᠭᠠᠨ ᠢ ᠲᠡᠩᠴᠡᠭᠦᠯᠬᠦ᠂ ᠡᠪᠦᠯ ᠤᠨ | ᠤᠯᠠᠷᠢᠯ ᠳᠤ ᠵᠣᠬᠢᠮᠵᠢᠲᠠᠢ ᠢᠳᠡᠭᠡ ᠶᠢ ᠬᠡᠷᠬᠢᠨ ᠰᠤᠩᠭᠤᠬᠤ᠂ ᠵᠢᠷᠭᠤᠭᠠᠨ ᠠᠮᠢᠲᠠᠨ ᠤ ᠭᠦᠶᠦᠳᠡᠯ᠂ ᠦᠯᠦ | ᠵᠣᠬᠢᠯᠳᠤᠬᠤ ᠢᠳᠡᠭᠡ ᠵᠡᠷᠭᠡ ᠶᠢ ᠴᠥᠮ ᠬᠡᠷᠬᠢᠨ ᠠᠩᠬᠠᠷᠬᠤ ᠲᠤᠬᠠᠢ ᠥᠭᠦᠯᠡᠬᠦ ᠪᠣᠯᠤᠨᠠ᠃ ᠡᠭᠦᠨ ᠳᠤ᠄ | ᠢᠳᠡᠭᠡ ᠤᠮᠳᠠᠭᠠ ᠶᠢ ᠲᠡᠩᠴᠡᠭᠦᠯᠪᠡᠯ ᠵᠣᠬᠢᠨᠠ᠃ ᠬᠤᠭᠤᠯᠠ ᠤᠮᠳᠠ ᠶᠢ ᠲᠡᠩᠴᠡᠭᠦᠯᠬᠦ ᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠢ | ᠲᠤᠬᠢᠷᠠᠭᠤᠯᠬᠤ ᠯᠤᠭᠠ ᠠᠳᠠᠯᠢ ᠣᠮᠲᠣᠭᠠᠶᠢᠯᠠᠵᠤ ᠦᠯᠦ ᠪᠣᠯᠬᠤ ᠵᠦᠢᠯ ᠶᠤᠮ᠃ ᠬᠤᠭᠤᠯᠠ ᠤᠮᠳᠠᠨ ᠤ ᠰᠢᠮᠡ | ᠲᠡᠵᠢᠭᠡᠯ ᠭᠦᠢᠴᠡᠳ᠂ ᠬᠦᠨᠳᠦ ᠬᠥᠩᠭᠡᠨ᠂ ᠴᠢᠨᠠᠷ ᠲᠡᠩᠴᠡᠪᠦᠷᠢᠲᠡᠢ ᠪᠣᠯ ᠲᠠᠪᠤᠨ ᠴᠤᠯᠤ ᠬᠦᠴᠦᠷᠬᠡᠭᠵᠢᠨ᠂ | ᠵᠢᠷᠭᠤᠭᠠᠨ ᠰᠠᠪᠠ ᠲᠠᠶᠢᠪᠤᠰᠢᠷᠠᠨ᠂ ᠭᠠᠯ ᠤᠨ ᠢᠯᠴᠢ ᠪᠠᠳᠠᠷᠠᠵᠦ᠂ ᠳᠤᠷᠠᠰᠢᠯ ᠠᠮᠤᠷ᠂ ᠡᠷᠬᠡᠲᠡᠨ ᠲᠣᠳᠣᠷᠬᠠᠢ᠂ | ᠲᠠᠮᠢᠷ ᠬᠦᠴᠦ ᠨᠡᠮᠡᠭᠳᠡᠨ᠂ ᠥᠳᠬᠡᠨ ᠰᠢᠩᠭᠡᠨ ᠮᠥᠷ ᠬᠡᠮ ᠳᠡᠭᠡᠨ ᠪᠣᠯᠵᠤ᠂ ᠤᠷᠤᠭᠤ ᠠᠷᠢᠯᠭᠠᠭᠴᠢ ᠬᠡᠢ ᠠᠮᠤᠷ | ᠬᠦᠶᠦᠨ᠂ ᠪᠡᠶᠡ ᠬᠥᠩᠭᠡᠳᠡᠨ᠂ ᠴᠤᠭ ᠪᠠᠳᠠᠷᠠᠩᠭᠤᠢ ᠪᠣᠯᠬᠤ ᠪᠢᠯᠡ᠃ | ᠢᠳᠡᠵᠦ ᠪᠠᠶᠢᠭᠠᠳ ᠤᠰᠤ ᠤᠤᠭᠤᠪᠠᠯ ᠮᠢᠬᠠ ᠮᠠᠷᠢᠶᠠ ᠲᠡᠩᠴᠡᠭᠦᠦ ᠪᠣᠯᠬᠤ᠂ ᠬᠤᠭᠤᠯᠠᠨ ᠤ ᠰᠡᠭᠦᠯ ᠢᠶᠠᠷ ᠤᠰᠤ | ᠤᠤᠭᠤᠪᠠᠯ ᠮᠠᠷᠢᠶᠠᠯᠠᠭᠤᠯᠬᠤ᠂ ᠢᠳᠡᠭᠡᠨ ᠤ ᠡᠮᠦᠨᠡ ᠤᠰᠤ ᠤᠤᠭᠤᠪᠠᠯ ᠬᠠᠲᠠᠩᠭᠢᠷ ᠪᠣᠯᠤᠨᠠ᠃ | ᠡᠪᠦᠯ ᠰᠢᠷᠠ ᠤᠰᠤᠨ ᠤ ᠰᠦᠪᠡ ᠬᠠᠭᠠᠭᠳᠠᠵᠤ᠂ ᠬᠡᠢ ᠪᠠᠷ ᠭᠠᠯ ᠤᠨ ᠬᠦᠴᠦ ᠶᠢ ᠲᠡᠭᠦᠰ ᠪᠠᠳᠠᠷᠠᠭᠤᠯᠬᠤ ᠲᠤᠯᠠ | ᠢᠳᠡᠭᠡ ᠪᠠᠭᠠᠳᠠᠪᠠᠯ ᠲᠠᠮᠢᠷ ᠬᠠᠰᠤᠭᠳᠠᠨᠠ᠃ ᠡᠶᠢᠮᠦ ᠠᠴᠠ ᠭᠤᠣᠯᠳᠠᠭᠤ ᠠᠮᠲᠠᠯᠢᠭ᠂ ᠢᠰᠬᠦᠯᠡᠩ᠂ ᠳᠠᠪᠤᠰᠤᠯᠢᠭ ᠢ | ᠭᠤᠣᠯ ᠪᠣᠯᠭᠠᠨ ᠮᠣᠩᠭᠤᠯ ᠠᠮᠤ᠂ ᠠᠶᠢᠷᠠᠭ᠂ ᠴᠠᠭᠠ᠂ ᠦᠬᠡᠷ ᠤᠨ ᠮᠢᠬᠠ ᠢᠳᠡᠪᠡᠯ ᠵᠣᠬᠢᠨᠠ᠃ | ᠡᠪᠦᠯ ᠤᠨ ᠠᠳᠠᠭ ᠬᠠᠪᠤᠷ ᠤᠨ ᠤᠯᠠᠷᠢᠯ ᠤᠨ ᠡᠬᠢᠨ ᠳᠤ ᠪᠠᠳᠭᠠᠨ ᠬᠡᠩᠬᠦᠳᠡᠭ ᠳᠣᠲᠣᠷ ᠬᠤᠷᠠᠵᠤ᠂ ᠬᠠᠪᠤᠷ ᠤᠨ | ᠨᠠᠷᠠᠨ ᠤ ᠡᠯᠴᠢ ᠪᠠᠷ ᠬᠥᠳᠡᠯᠵᠦ᠂ ᠬᠤᠳᠣᠭᠤᠳᠣᠨ ᠤ ᠡᠯᠴᠢ ᠪᠠᠭᠤᠷᠠᠬᠤ ᠲᠤᠯᠠ ᠭᠠᠰᠢᠭᠤᠨ᠂ ᠡᠬᠡᠭᠦᠨ ᠠᠮᠲᠠ ᠶᠢ | ᠭᠤᠣᠯᠯᠠᠵᠤ᠂ ᠪᠤᠭᠤᠳᠠᠢ᠂ ᠲᠠᠷᠠᠭ᠂ ᠰᠢᠷᠠ ᠲᠣᠰᠣ᠂ ᠬᠤᠨᠢᠨ ᠤ ᠮᠢᠬᠠ ᠢᠳᠡᠪᠡᠯ ᠵᠣᠬᠢᠨᠠ᠃ ᠲᠡᠵᠢᠭᠡᠯ ᠤᠨ | ᠴᠠᠭ ᠲᠤ ᠨᠠᠷᠠᠨ ᠤ ᠢᠯᠴᠢ ᠮᠠᠰᠢ ᠬᠠᠯᠠᠭᠤᠨ ᠪᠣᠯᠵᠤ᠂ ᠪᠡᠶᠡ ᠶᠢᠨ ᠬᠦᠴᠦ ᠶᠢ ᠪᠠᠭᠤᠷᠠᠭᠤᠯᠬᠤ ᠲᠤᠯᠠ ᠠᠮᠲᠠᠯᠢᠭ᠂ | ᠬᠥᠩᠭᠡᠨ᠂ ᠲᠣᠰᠣᠯᠢᠭ᠂ ᠰᠡᠷᠢᠭᠦᠨ ᠢ ᠭᠤᠣᠯᠳᠠᠭᠤᠯᠵᠤ᠂ ᠴᠠᠭᠠᠨ ᠢᠳᠡᠭᠡ ᠢᠯᠡᠭᠦᠦ ᠢᠳᠡᠵᠦ᠂ ᠰᠠᠭᠠᠭ᠂ ᠨᠣᠭᠤᠭᠠᠨ | ᠪᠤᠷᠴᠠᠭ ᠢᠳᠡᠪᠡᠯ ᠵᠣᠬᠢᠨᠠ᠃ | ᠦᠯᠦ ᠵᠣᠬᠢᠯᠳᠤᠬᠤ ᠢᠳᠡᠭᠡ ᠤᠮᠳᠠᠭᠠᠨ ᠢ ᠠᠩᠬᠠᠷᠪᠠᠯ ᠵᠣᠬᠢᠨᠠ᠃ ᠡᠨᠡ ᠨᠢ ᠨᠠᠶᠢᠷᠠᠭᠤᠯᠤᠭᠰᠠᠨ ᠬᠤᠣᠷ ᠪᠢᠯᠡ᠃ | ᠵᠢᠭᠠᠰᠤᠨ ᠤ ᠮᠢᠬᠠ ᠰᠦ ᠲᠠᠢ ᠦᠯᠦ ᠵᠣᠬᠢᠯᠳᠤᠬᠤ᠂ ᠰᠢᠷᠠ ᠲᠣᠰᠣ᠂ ᠱᠥᠯᠦᠨ ᠤ ᠲᠣᠰᠣ᠂ ᠢᠳᠡᠮᠡᠭᠴᠡ ᠬᠦᠢᠲᠡᠨ | ᠤᠰᠤ ᠤᠤᠭᠤᠪᠠᠯ ᠭᠡᠳᠡᠰᠦ ᠵᠠᠩᠭᠢᠷᠠᠬᠤ᠂ ᠲᠦᠷᠦᠭᠦᠦ ᠢᠳᠡᠭᠰᠡᠨ ᠰᠢᠩᠭᠡᠭᠡ ᠦᠭᠡᠢ ᠪᠠᠶᠢᠬᠤ ᠳᠤ ᠨᠡᠮᠡᠵᠦ ᠢᠳᠡᠬᠦ᠂ | ᠳᠠᠳᠤᠭᠠ ᠦᠭᠡᠢ ᠢᠳᠡᠭᠡ ᠶᠢ ᠨᠢᠭᠡ ᠳᠣᠣᠷᠠ ᠶᠡᠭᠡ ᠪᠠᠷ ᠢᠳᠡᠬᠦ ᠵᠡᠷᠭᠡ ᠴᠥᠮ ᠬᠤᠣᠷ ᠲᠠᠢ᠃ ᠮᠢᠬᠠ ᠴᠢᠨᠠᠭᠠᠳ | ᠥᠩᠭᠡ ᠦᠯᠦ ᠬᠤᠪᠢᠷᠠᠪᠠᠯ ᠢᠳᠡᠵᠦ ᠦᠯᠦ ᠪᠣᠯᠬᠤ᠃ ᠬᠤᠨᠢᠨ ᠤ ᠮᠢᠬᠠ ᠶᠢ ᠰᠢᠬᠢᠷ ᠲᠠᠢ ᠢᠳᠡᠪᠡᠯ ᠬᠤᠳᠣᠭᠤᠳᠣ | ᠭᠡᠮᠲᠦᠵᠦ ᠪᠥᠭᠡᠯᠵᠢᠨᠡ᠃ | ᠵᠢᠷᠮᠦᠰᠦᠨ ᠪᠦᠰᠡᠭᠦᠢ ᠢᠮᠠᠭᠠᠨ ᠤ ᠮᠢᠬᠠ ᠶᠡᠭᠡ ᠢᠳᠡᠬᠦ ᠨᠢ ᠵᠣᠬᠢᠮᠵᠢ ᠦᠭᠡᠢ᠃ | ᠡᠬᠡ ᠰᠤᠷᠪᠤᠯᠵᠢ᠄ ︽ᠮᠣᠩᠭᠤᠯ ᠤᠨ ᠢᠳᠡᠭᠡᠨ ᠲᠣᠪᠴᠢᠶᠠ︾ | |