| | | ᠰᠡᠴᠡᠨ︶ ᠨᠠᠮᠤᠷ ᠤᠨ ᠳᠤᠮᠳᠠᠴᠢ ᠪᠣᠯᠵᠤ ᠰᠡᠷᠢᠭᠦᠦ ᠣᠷᠣᠬᠤ ᠶᠢ ᠳᠠᠭᠠᠯᠳᠤᠨ ᠡᠯᠡ ᠭᠠᠵᠠᠷ ᠤᠨ ᠮᠠᠯᠴᠢᠳ | ᠴᠤ ᠡᠪᠡᠰᠦ ᠪᠣᠷᠳᠤᠭᠠ ᠪᠠᠨ ᠣᠷᠣᠭᠤᠯᠤᠨ ᠡᠪᠦᠯ ᠬᠠᠪᠤᠷ ᠢ ᠲᠤᠭᠤᠯᠬᠤ ᠪᠡᠯᠡᠳᠬᠡᠯ ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠵᠤ | ᠡᠬᠢᠯᠡᠯᠡ᠃ ᠣᠶᠢᠷᠠ ᠶᠢᠨ ᠡᠳᠦᠷ᠂ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠨᠢᠷᠤᠭᠤᠨ ᠰᠤᠮᠤᠨ ᠤ ᠬᠠᠷᠠᠮᠠᠬᠳᠠᠢ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠡᠷᠳᠡᠨᠢᠠ᠋ᠭᠤᠯᠠ᠂ ᠴᠢᠨᠳᠠᠮᠤᠨᠢ᠂ ᠪᠢᠯᠢᠭᠲᠦ ᠶᠢᠨ ᠬᠢᠨ ᠬᠠᠮᠲᠤᠷᠠᠨ ᠾᠧᠨᠠᠨ ᠮᠤᠵᠢ ᠠᠴᠠ ᠨᠢᠭᠡ | ᠲᠡᠷᠭᠡ ᠯᠣᠬᠠᠱᠧᠩ ᠤᠨ ᠡᠪᠡᠰᠦ ᠣᠷᠣᠭᠤᠯᠤᠭᠰᠠᠨ ᠨᠢ ᠡᠭᠦᠳᠡᠨ ᠭᠠᠳᠠᠨᠠ ᠬᠦᠷᠴᠦ ᠢᠷᠠᠯᠠ᠃ ᠮᠠᠯᠴᠢᠳ | ᠬᠥᠳᠡᠯᠮᠦᠷᠢ ᠬᠦᠴᠦᠨ ᠬᠤᠮᠰᠠ ᠬᠥᠳᠡᠭᠡ ᠨᠤᠲᠤᠭ ᠲᠤ ᠬᠡᠳᠦᠨ ᠠᠷᠪᠠᠨ ᠲᠣᠨ ᠡᠪᠡᠰᠦ ᠪᠠᠭᠤᠯᠭᠠᠵᠤ ᠥᠭᠬᠦ | ᠬᠥᠯᠥᠰᠦᠨ ᠠᠵᠢᠯᠴᠢᠨ ᠣᠯᠳᠠᠬᠤ ᠦᠭᠡᠢ ᠳᠦᠩᠭᠢᠨᠡᠵᠦ ᠪᠠᠶᠢᠬᠤ ᠦᠶᠡ ᠳᠤ ᠬᠠᠷᠠᠮᠠᠬᠳᠠᠢ ᠭᠠᠴᠠᠭᠠᠨ ᠤ ᠨᠠᠮ ᠤᠨ | ᠡᠭᠦᠷ ᠤᠨ ᠨᠠᠮ ᠤᠨ ᠭᠡᠰᠢᠭᠦᠳ ᠪᠠ ᠤᠯᠠᠨ ᠲᠦᠮᠡᠨ ᠤ ᠦᠢᠯᠡᠴᠢᠯᠡᠭᠡᠨ ᠤ ᠲᠥᠪ᠂ ᠰᠢᠨᠡ ᠴᠠᠭ ᠦᠶᠡ ᠶᠢᠨ | ᠪᠣᠯᠪᠠᠰᠤᠨ ᠤ ᠦᠢᠯᠡᠳᠦᠯᠭᠡ ᠶᠢᠨ ᠥᠷᠲᠡᠭᠡ᠂ ᠭᠠᠷᠮᠠᠭᠠᠢ ᠡᠮᠡᠭᠲᠡᠶᠢᠴᠦᠳ ᠤᠨ ᠰᠠᠶᠢᠨ ᠳᠤᠷᠠ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ | ᠠᠩᠭᠢ ᠶᠢᠨ ᠬᠢᠨ ᠬᠠᠮᠲᠤᠷᠠᠨ ᠨᠢᠭᠡᠨ ᠤᠳᠠᠭᠠᠨ ᠤ ᠰᠠᠶᠢᠨ ᠲᠤᠷᠠᠴᠤᠳ ᠤᠨ ᠦᠢᠯᠡᠴᠢᠯᠡᠭᠡᠨ ᠤ ᠠᠵᠢᠯᠯᠠᠭᠠ ᠶᠢ | ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ᠪᠣᠯᠣᠯᠠ᠃ | ᠠᠴᠢᠶᠠᠨ ᠤ ᠮᠠᠰᠢᠨ ᠳᠡᠭᠡᠷᠡ ᠣᠪᠣᠭᠠᠯᠠᠭᠰᠠᠨ ᠠᠭᠤᠯᠠ ᠰᠢᠭ᠋ ᠥᠨᠳᠥᠷ ᠡᠪᠡᠰᠦ ᠨᠠᠶᠢᠳᠠ 33 ᠲᠣᠨ ᠪᠤᠢ᠃ | ᠮᠠᠯᠴᠢᠨ ᠡᠷᠳᠡᠨᠢᠠ᠋ᠭᠤᠯᠠ᠂ ᠴᠢᠨᠳᠠᠮᠤᠨᠢ᠂ ᠪᠢᠯᠢᠭᠲᠦ ᠶᠢᠨ ᠬᠡᠳᠦᠨ ᠬᠥᠳᠡᠯᠮᠦᠷᠢ ᠬᠦᠴᠦᠨ ᠠᠴᠠ ᠭᠠᠳᠠᠨᠠ ᠰᠠᠶᠢᠨ | ᠲᠤᠷᠠᠴᠤᠳ ᠤᠨ ᠦᠢᠯᠡᠴᠢᠯᠡᠭᠡᠨ ᠤ ᠠᠩᠭᠢ ᠶᠢᠨ ᠠᠷᠪᠠᠭᠠᠳ ᠬᠥᠮᠥᠨ ᠰᠤᠨᠤᠮᠠ ᠨᠢᠭᠡ ᠡᠳᠦᠷ ᠶᠠᠳᠠᠷᠠᠯᠲᠠᠢ | ᠠᠵᠢᠯᠯᠠᠵᠤ ᠪᠠᠶᠢᠭᠠᠳ ᠭᠤᠷᠪᠠᠨ ᠠᠶᠢᠯ ᠤᠨ ᠡᠪᠡᠰᠦ ᠶᠢ ᠨᠢ ᠲᠣᠭᠲᠠᠭᠰᠠᠨ ᠭᠠᠵᠠᠷ ᠲᠤ ᠪᠠᠭᠤᠯᠭᠠᠵᠤ ᠪᠠᠷᠠᠯᠠ᠃ | ᠮᠠᠯᠴᠢᠨ ᠡᠷᠳᠡᠨᠢᠠ᠋ᠭᠤᠯᠠ ᠶᠢᠨ ᠬᠢᠨ ᠬᠠᠷᠠᠮᠠᠬᠳᠠᠢ ᠭᠠᠴᠠᠭᠠᠨ ᠤ ᠬᠤᠶᠢᠲᠤ ᠭᠥᠪᠡᠭᠡ ᠤᠰᠤᠨ ᠳᠤ | ᠰᠠᠭᠤᠷᠢᠰᠢᠳᠠᠭ᠃ ᠬᠠᠪᠤᠷ ᠠᠴᠠ ᠨᠠᠭᠠᠰᠢ ᠲᠡᠳᠡᠨ ᠤ ᠨᠤᠲᠤᠭ ᠢᠶᠠᠷ ᠭᠠᠭᠴᠠᠬᠠᠨ ᠤᠳᠠᠭᠠᠨ ᠤ ᠪᠠᠭᠠ ᠪᠣᠷᠣᠭᠠᠨ | ᠣᠷᠣᠵᠤ᠂ ᠮᠠᠯ ᠤᠨᠤᠭᠠ ᠨᠢ ᠨᠢᠭᠡᠯᠡ ᠤᠳᠠᠭᠠ ᠨᠣᠭᠤᠭᠠᠯᠠᠵᠤ᠂ ᠣᠲᠣ ᠬᠤᠲᠠ ᠪᠠᠷ ᠨᠢ ᠲᠡᠵᠢᠭᠡᠬᠦ ᠬᠡᠮᠵᠢᠶᠡᠨ ᠳᠤ | ᠬᠦᠷᠴᠡᠢ᠃ ᠡᠨᠡ ᠤᠳᠠᠭᠠ ᠲᠡᠷᠡ 380 ᠤᠭᠤᠲᠠ ᠯᠣᠬᠠᠱᠧᠩ ᠤᠨ ᠡᠪᠡᠰᠦ ᠣᠷᠣᠭᠤᠯᠵᠤ᠂ ᠬᠤᠶᠠᠷ ᠲᠦᠮᠡ | ᠭᠠᠷᠤᠢ ᠲᠥᠭᠦᠷᠢᠭ ᠵᠠᠷᠤᠴᠠᠭᠤᠯᠪᠠ᠃ ᠲᠡᠷᠡᠪᠡᠷ ︽ᠬᠠᠭᠤᠴᠢᠨ ᠤ ᠬᠥᠮᠥᠰ ᠭᠠᠩ ᠲᠠᠢ ᠵᠢᠯ ᠢ ᠨᠡᠬᠡᠢ ᠴᠢᠷᠪᠡᠴᠦ | ᠨᠠᠭᠠᠯᠳᠤᠬᠤ ᠶᠠᠭᠤᠮᠠ ᠦᠭᠡᠢ ᠭᠡᠳᠡᠭ ᠪᠠᠶᠢᠨᠠ ᠯᠠᠢ᠃ ᠡᠨᠡ ᠵᠢᠯ ᠮᠠᠨ ᠤ ᠡ᠊ᠨᠳᠡ ᠶᠠᠭ ᠡᠶᠢᠮᠦ ᠶᠡᠭᠡ ᠭᠠᠩ ᠭᠠᠴᠢᠭ | ᠪᠣᠯᠣᠭᠠᠳ ᠪᠠᠶᠢᠨᠠ᠃ 380 ᠤᠭᠤᠲᠠ ᠡᠪᠡᠰᠦ ᠶᠢ 300 ᠮᠠᠯ ᠳᠤ ᠨᠢᠭᠡ ᠰᠠᠷᠠ ᠯᠠ ᠲᠡᠵᠢᠭᠡᠵᠦ ᠭᠦᠢᠴᠡᠨᠡ᠃ | ᠥᠨᠥ ᠵᠢᠯ ᠤᠨ ᠭᠠᠩ ᠤᠨ ᠪᠠᠶᠢᠳᠠᠯ ᠢᠶᠠᠷ ᠪᠣᠯ ᠪᠠᠰᠠ ᠬᠡᠳᠦᠨ ᠤᠳᠠᠭᠠ ᠡᠪᠡᠰᠦ ᠤᠷᠤᠭᠤᠯᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ | ᠪᠠᠶᠢᠨᠠ︾ ᠭᠡᠵᠦ ᠪᠠᠶᠢᠪᠠ᠃ | ︵ᠰᠡᠴᠡᠨ ᠰᠡᠭᠦᠳᠡᠷᠯᠡᠪᠡ︶ | | |