| ᠵᠣᠣ ᠢᠦᠢ ᠰᠢᠨ᠂ ᠡᠷᠳᠡᠨᠢᠬᠦᠦ | | | | ᠠᠯᠲᠠᠨ ᠨᠠᠮᠤᠷ ᠤᠨ ᠠᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠂ ᠤᠨᠳᠤᠷᠤᠯᠲᠤ ᠪᠠᠯᠭᠠᠰᠤᠨ ᠤ 6000 ᠮᠤ᠋ ᠤᠯᠠᠭᠠᠨ ᠴᠢᠯᠢ | ᠡᠯᠪᠡᠭ ᠬᠤᠷᠢᠶᠠᠯᠲᠠ ᠣᠯᠵᠤ᠂ ᠲᠠᠷᠢᠶᠠᠯᠠᠩᠴᠢᠳ ᠴᠠᠭ ᠬᠤᠭᠤᠴᠠᠭᠠ ᠲᠠᠢ ᠤᠷᠤᠯᠳᠤᠨ ᠤᠷᠭᠤᠴᠠ ᠪᠠᠨ ᠬᠤᠷᠢᠶᠠᠵᠤ ᠂ | ᠪᠣᠷᠣᠯᠠᠭᠤᠯᠭᠠ ᠳᠤ ᠭᠠᠷᠭᠠᠵᠤ ᠂ ᠲᠠᠷᠢᠶᠠᠯᠠᠩ ᠤᠨ ᠲᠠᠯᠠᠪᠠᠢ ᠳᠤ ᠤᠨᠠᠭᠰᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠬᠤ ᠵᠠᠪ ᠦᠭᠡᠢ | ᠶᠠᠭᠠᠷᠠᠯᠳᠤᠨᠠ᠃ | | | | | ᠴᠢᠯᠢ ᠶᠢᠨ ᠲᠠᠷᠢᠶᠠᠯᠠᠯᠲᠠ ᠨᠢ ᠬᠤᠷᠳᠤᠨ ᠦᠷᠡ ᠳ᠋ᠦᠩ ᠳᠤ ᠬᠦᠷᠭᠡᠳᠡᠭ ᠦᠷᠡ ᠠᠰᠢᠭ ᠲᠠᠢ ᠬᠥᠳᠡᠭᠡ ᠠᠵᠤ | ᠠᠬᠤᠢ ᠶᠢᠨ ᠰᠠᠯᠪᠤᠷᠢ ᠪᠥᠭᠡᠳ ᠬᠥᠳᠡᠯᠮᠦᠷᠢ ᠶᠡᠭᠡ ᠱᠠᠭᠠᠷᠳᠠᠳᠠᠭ ᠃ ᠦᠷᠡᠵᠢᠭᠦᠯᠭᠡ ᠂ ᠲᠠᠷᠢᠬᠤ ᠂ ᠠᠷᠠᠴᠢᠯᠠᠭᠠ ᠂ | ᠤᠷᠭᠤᠴᠠ ᠬᠤᠷᠢᠶᠠᠯᠲᠠ ᠭᠡᠬᠦ ᠮᠡᠲᠦ ᠪᠦᠬᠦ ᠦᠶᠡ ᠱᠠᠲᠤᠨ ᠳᠤ ᠬᠥᠳᠡᠯᠮᠦᠷᠢ ᠬᠡᠷᠡᠭᠲᠡᠢ ᠃ ᠢᠩᠭᠢᠭᠰᠡᠨ ᠢᠶᠠᠷ | ᠡᠮᠡᠭᠲᠡᠶᠢᠴᠦᠳ ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠪᠣᠯᠣᠨ ᠠᠵᠢᠯ ᠬᠢᠬᠦ ᠪᠣᠯᠣᠮᠵᠢ ᠦᠭᠡᠢ ᠪᠠᠯᠭᠠᠰᠤᠨ ᠤ ᠢᠷᠭᠡᠳ ᠠᠵᠢᠯ ᠲᠠᠢ | ᠪᠣᠯᠵᠤ ᠪᠠᠶᠢᠨᠠ ᠃ ︽ᠮᠠᠨ ᠤ ᠭᠡᠷ ᠤᠨ ᠭᠠᠵᠠᠷ ᠲᠦᠷᠢᠶᠡᠰᠦᠯᠡᠭᠳᠡᠵᠦ᠂ ᠲᠦᠷᠢᠶᠡᠰᠦ ᠶᠢᠨ ᠮᠥᠩᠭᠦ ᠣᠯᠳᠠᠭ ᠂ ᠮᠥᠨ | ᠡᠳᠦᠷ ᠪᠦᠷᠢ ᠭᠡᠷ ᠤᠨ ᠢᠶᠠᠨ ᠣᠶᠢᠷᠠᠯᠴᠠᠭᠠ ᠠᠵᠢᠯᠯᠠᠵᠤ ᠂ 200 ᠭᠠᠷᠤᠢ ᠲᠥᠭᠦᠷᠢᠭ ᠤᠨ ᠣᠷᠣᠯᠭᠠ ᠣᠯᠳᠠᠭ ︾ | ᠬᠡᠮᠡᠨ ᠨᠢᠭᠡᠨ ᠪᠠᠯᠭᠠᠰᠤᠨ ᠤ ᠢᠷᠭᠡᠨ ᠪᠠᠶᠠᠷᠲᠠᠢ ᠪᠠᠷ ᠬᠡᠯᠡᠯᠡ ᠃ | | | | | ︽ᠡᠨᠡ ᠵᠢᠯ ᠪᠢ 1000 ᠵᠢᠩ ᠴᠢᠯᠢ ᠲᠠᠷᠢᠶᠠᠯᠠᠬᠤ ᠦᠷᠡ ᠶᠢ ᠰᠣᠩᠭᠤᠵᠤ ᠂ ᠣᠨ ᠤ ᠡᠬᠢ ᠪᠠᠷ ᠨᠢᠭᠡᠨ | ᠺᠣᠮᠫᠠᠨᠢ ᠲᠠᠢ ᠭᠡᠷᠡ ᠪᠠᠶᠢᠭᠤᠯᠵᠤ ᠂ ᠪᠣᠷᠣᠯᠠᠭᠤᠯᠭᠠ ᠳᠤ ᠰᠠᠨᠠᠭᠠ ᠵᠣᠪᠠᠭ᠋ᠤ ᠵᠦᠢᠯ ᠦᠭᠡᠢ ᠂ ᠵᠥᠪᠬᠡᠨ ᠴᠢᠯᠢ ᠶᠢᠨ | ᠴᠢᠨᠠᠷ ᠂ ᠤᠷᠭᠤᠴᠠ ᠶᠢ ᠬᠠᠩᠭᠠᠬᠤ ᠯᠡ ᠬᠡᠷᠡᠭᠲᠡᠢ ᠃ ᠪᠢ 250 ᠮᠤ᠋ ᠲᠠᠯᠠᠪᠠᠢ ᠳᠤ ᠴᠢᠯᠢ ᠲᠠᠷᠢᠭᠰᠠᠨ ᠂ ᠨᠢᠭᠡ ᠮᠤ᠋ ᠨᠢ | 2000 ᠺᠢᠯᠣᠭ᠍ᠷᠠᠮ ᠤᠷᠭᠤᠴᠠ ᠥᠭᠳᠡᠭ ᠂ ᠦᠨᠡ ᠨᠢ 1.35 ᠲᠥᠭᠦᠷᠢᠭ \ ᠵᠢᠩ ᠪᠥᠭᠡᠳ ᠰᠡᠭᠦᠯ ᠤᠨ ᠦᠶᠡ ᠳᠤ | ᠦᠨᠡ ᠥᠰᠬᠦ ᠬᠠᠨᠳᠤᠯᠭᠠ ᠲᠠᠢ ᠪᠠᠶᠢᠨᠠ ︾ ᠭᠡᠵᠦ ᠪᠠᠶᠠᠨᠬᠥ᠋ᠳᠡᠭᠡ ᠭᠠᠴᠠᠭᠠᠨ ᠤ ᠲᠠᠷᠢᠶᠠᠯᠠᠩᠴᠢ ᠯᠢᠦ ᠷᠦᠩ ᠰᠢᠶᠠᠨ | ᠶᠠᠷᠢᠵᠠᠢ ᠃ | | | | | ᠴᠢᠯᠢ ᠶᠢᠨ ᠲᠠᠯᠠᠪᠠᠢ ᠳᠤ ᠥᠨᠳᠥᠷ ᠨᠠᠷᠢᠪᠴᠢᠯᠠᠯ ᠲᠠᠢ ᠪᠠᠶᠢᠷᠢᠰᠢᠯ ᠤᠨ ᠰᠢᠰᠲ᠋ᠧᠮ ᠢᠶᠠᠷ ᠲᠣᠨᠣᠭᠯᠠᠭᠳᠠᠭᠰᠠᠨ | ᠠᠦ᠋ᠲ᠋ᠣᠮᠠᠲ ᠬᠤᠷᠢᠶᠠᠭᠴᠢ ᠮᠠᠰᠢᠨ ᠨᠤᠭᠤᠳ ᠨᠢ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠠᠵᠢᠯᠯᠠᠭᠠ ᠶᠢ ᠣᠷᠣᠯᠠᠨ ᠂ ᠴᠢᠯᠢ ᠶᠢ | ᠬᠤᠷᠢᠶᠠᠬᠤ ᠂ ᠲᠡᠭᠡᠭᠡᠪᠦᠷᠢᠯᠡᠬᠦ ᠂ ᠪᠠᠭᠲᠠᠭᠠᠬᠤ ᠂ ᠡᠪᠡᠰᠦ ᠬᠠᠶᠠᠭᠳᠠᠯ ᠪᠣᠯᠪᠠᠰᠤᠷᠠᠭᠤᠯᠬᠤ ᠭᠡᠬᠦ ᠮᠡᠲᠦ ᠠᠵᠢᠯ ᠤᠳ ᠢ | ᠬᠢᠵᠦ ᠭᠦᠢᠴᠡᠳᠬᠡᠳᠡᠭ ᠃ ᠡᠨᠡ ᠨᠢ ᠬᠥᠳᠡᠯᠮᠦᠷᠢ ᠶᠢ ᠶᠡᠬᠡᠬᠡᠨ ᠬᠥᠩᠭᠡᠪᠴᠢᠯᠡᠵᠦ ᠂ ᠪᠦᠲᠦᠭᠡᠮᠵᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠳᠡᠭ ᠃ | | ᠬᠠᠪᠰᠤᠷᠤᠯᠴᠠᠨ ᠬᠥᠭᠵᠢᠬᠦ ᠬᠤᠷᠰᠢᠶᠠᠵᠢᠯ ᠨᠢ ᠣᠶᠢᠷᠠᠯᠴᠠᠭᠠᠬᠢ ᠭᠠᠴᠠᠭᠠ ᠠᠴᠠ ᠴᠢᠯᠢ ᠶᠢ ᠬᠤᠳᠠᠯᠳᠤᠨ | ᠠᠪᠴᠤ ᠂ ᠡᠰᠡᠪᠡᠯ ᠰᠢᠨᠡᠬᠡᠨ ᠪᠠᠶᠢᠳᠠᠯ ᠢᠶᠠᠷ ᠡᠰᠡᠪᠡᠯ ᠵᠢᠩ ᠤᠨ ᠬᠡᠮᠵᠢᠶᠡ ᠪᠠᠷ ᠰᠠᠪᠠᠯᠠᠵᠤ ᠂ ᠬᠠᠲᠠᠭᠠᠵᠤ ᠂ ᠬᠠᠭᠤᠷᠠᠢ | ᠴᠢᠯᠢ ᠪᠣᠯᠭᠠᠨ ᠦᠢᠯᠡᠳᠪᠦᠷᠢᠯᠡᠵᠦ ᠂ ᠠᠩᠬᠠᠨ ᠱᠠᠲᠤᠨ ᠤ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠬᠢᠳᠡᠭ ᠃ ᠡᠨᠡ ᠬᠦ ᠦᠢᠯᠡ | ᠶᠠᠪᠤᠴᠠ ᠨᠢ ᠨᠡᠮᠡᠯᠲᠡ ᠠᠰᠢᠭ ᠥᠭᠴᠦ ᠂ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠰᠢᠭ ᠣᠷᠣᠯᠭᠠ ᠶᠢ 30% ᠬᠦᠷᠲᠡᠯᠡ | ᠨᠡᠮᠡᠭᠳᠡᠭᠦᠯᠳᠡᠭ ᠪᠠᠶᠢᠨᠠ ᠃ | | | | | ᠰᠡᠭᠦᠯ ᠤᠨ ᠵᠢᠯ ᠤᠳ ᠲᠤ ᠤᠨᠳᠤᠷᠤᠯᠲᠤ ᠪᠠᠯᠭᠠᠰᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ︽ᠱᠦᠵᠢ ᠶᠢᠨ ᠲᠥᠰᠥᠯ ︾ | ᠬᠥᠲᠥᠯᠪᠦᠷᠢ ᠶᠢ ᠬᠡᠷᠡᠭᠵᠢᠭᠦᠯᠵᠦ ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢ ᠰᠡᠷᠭᠦᠭᠡᠬᠦ ᠳᠤ ᠲᠦᠯᠬᠢᠴᠡ ᠥᠭᠴᠦ ᠪᠠᠶᠢᠨᠠ ᠃ ︽ | ᠭᠠᠴᠠᠭᠠᠨ ᠤ ᠵᠥᠪᠯᠡᠯ + ᠭᠡᠷ ᠪᠦᠯᠢ ᠶᠢᠨ ᠲᠠᠷᠢᠶᠠᠯᠠᠩ + ᠬᠤᠷᠰᠢᠶᠠᠵᠢᠯ ︾ ᠵᠠᠭᠪᠤᠷ ᠢ ᠬᠡᠷᠡᠭᠵᠢᠭᠦᠯᠵᠦ ᠂ ᠴᠢᠯᠢ | ᠲᠡᠷᠢᠶᠠᠯᠠᠯᠲᠠ ᠶᠢ ᠰᠤᠷᠲᠠᠯᠴᠢᠯᠠᠨ ᠂ ᠣᠷᠣᠯᠭᠠ ᠨᠡᠮᠡᠭᠳᠡᠭᠦᠯᠬᠦ ᠳᠤ ᠲᠣᠮᠣᠬᠠᠨ ᠠᠮᠵᠢᠯᠲᠠ ᠭᠠᠷᠭᠠᠵᠤ ᠪᠠᠶᠢᠨᠠ ᠃ | ᠪᠠᠶᠠᠨᠬᠥ᠋ᠳᠡᠭᠡ ᠭᠠᠴᠠᠭᠠ ᠨᠢ ᠬᠠᠮᠲᠤ ᠶᠢᠨ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠲᠠᠷᠢᠶᠠᠯᠠᠩᠴᠢᠳ ᠲᠤ ᠲᠦᠷᠢᠶᠡᠰᠦᠯᠡᠭᠦᠯᠦᠭᠰᠡᠨ ᠢᠶᠠᠷ | ᠵᠢᠯ ᠪᠦᠷᠢ 71 ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠣᠷᠣᠯᠭᠠ ᠣᠯᠬᠤ ᠪᠣᠯᠣᠮᠵᠢ ᠲᠠᠢ ᠪᠣᠯᠣᠭᠰᠠᠨ ᠃ | | | | | ᠤᠨᠳᠤᠷᠤᠯᠲᠤ ᠪᠠᠯᠭᠠᠰᠤᠨ ᠥᠪᠡᠷ ᠤᠨ ᠨᠥᠭᠡᠴᠡ ᠪᠣᠯᠣᠮᠵᠢ ᠪᠠᠨ ᠲᠦᠰᠢᠭᠯᠡᠨ ᠂ ᠬᠦᠨᠡᠰᠦ ᠨᠣᠭᠤᠭᠠᠨ ᠤ | ᠪᠦᠲᠦᠭᠡᠭᠳᠡᠬᠦᠨ ᠤ ᠨᠡᠶᠢᠯᠡᠭᠦᠯᠦᠯᠲᠡ ᠶᠢ ᠲᠣᠭᠲᠠᠪᠤᠷᠢᠲᠠᠢ ᠪᠠᠶᠢᠯᠭᠠᠵᠤ ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠪᠦᠲᠦᠴᠡ | ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠠᠵᠢᠯ ᠢ ᠬᠢᠵᠦ ᠭᠦᠢᠴᠡᠳᠬᠡᠵᠦ ᠪᠠᠶᠢᠨᠠ ᠃ ᠡᠨᠡ ᠵᠢᠯ ᠨᠡᠶᠢᠲᠡ | 6000 ᠮᠤ᠋ ᠲᠠᠯᠠᠪᠠᠢ ᠳᠤ ᠴᠢᠯᠢ ᠲᠠᠷᠢᠶᠠᠯᠠᠵᠤ ᠂ 4200 ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠣᠷᠣᠯᠭᠠ ᠣᠯᠬᠤ | ᠤᠷᠢᠳᠴᠢᠯᠠᠭᠰᠠᠨ ᠲᠣᠭᠠᠴᠠᠭᠠ ᠲᠠᠢ ᠪᠠᠶᠢᠨᠠ ᠃ ᠴᠢᠯᠢ ᠶᠢᠨ ᠲᠠᠷᠢᠶᠠᠯᠠᠯᠲᠠ ᠨᠢ ᠤᠨᠳᠤᠷᠤᠯᠲᠤ ᠪᠠᠯᠭᠠᠰᠤᠨ ᠤ | ᠲᠠᠷᠢᠶᠠᠯᠠᠩᠴᠢᠳ ᠤᠨ ᠴᠢᠨᠡᠭᠡᠯᠢᠭᠵᠢᠬᠦ ᠭᠤᠣᠯ ᠰᠠᠯᠪᠤᠷᠢ ᠨᠤᠭᠤᠳ ᠤᠨ ᠨᠢᠭᠡ ᠪᠣᠯᠵᠤ ᠪᠠᠶᠢᠨᠠ ᠃ | ᠴᠢᠯᠢ᠄ ᠯᠠᠵᠢᠶᠣᠣ | | | |