| | ᠸᠠᠩ ᠰᠢᠶᠣᠣ ᠮᠢᠩ | ᠠᠯᠠᠭ ᠬᠤᠷᠸᠠ ᠭᠡᠵᠦ ᠠᠮᠠᠨ ᠲᠠᠷᠨᠢ ᠮᠡᠲᠦ ᠡᠳᠦᠷᠵᠢᠨ ᠶᠠᠷᠢᠵᠤ ᠥᠭᠦᠯᠡᠯᠳᠦᠭᠰᠡᠭᠡᠷ ᠢᠷᠡᠭᠰᠡᠨ | ᠪᠢᠳᠡᠨ ᠤ ᠪᠥᠮᠪᠥᠷᠴᠡᠭ ᠠᠷᠪᠢᠨ ᠥᠩᠭᠡ ᠪᠠᠷ ᠨᠠᠶᠢᠷᠠᠵᠤ ᠪᠦᠷᠢᠯᠳᠦᠭᠰᠡᠨ ᠶᠤᠮ᠃ ᠴᠠᠭᠠᠨ ᠡᠭᠦᠯᠡ᠂ ᠨᠣᠭᠤᠭᠠᠨ | ᠲᠠᠯᠠ᠂ ᠴᠠᠰᠤᠲᠤ ᠣᠢ᠂ ᠬᠥᠬᠡ ᠲᠡᠭᠷᠢ᠂ ᠰᠢᠷᠭᠠᠯ ᠮᠠᠩᠬᠠ ᠁ ᠭᠡᠵᠦ ᠶᠠᠭᠤᠮᠠ ᠪᠣᠯᠭᠠᠨ ᠥᠪᠡᠷ ᠤᠨ ᠢᠶᠠᠨ | ᠲᠣᠭᠲᠠᠭᠰᠠᠨ ᠥᠩᠭᠡ ᠵᠢᠭᠠᠭᠰᠠᠨ ᠵᠢᠰᠦᠮ ᠲᠠᠢ᠃ ᠲᠡᠷᠡᠴᠢᠯᠡᠨ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠬᠤᠲᠠ ᠰᠠᠭᠤᠷᠢᠨ ᠢᠶᠠᠨ | ᠭᠦᠷᠲᠡᠯᠡ ᠥᠩᠭᠡ ᠪᠤᠲᠤᠬ ᠢᠶᠠᠷ ᠴᠢᠮᠡᠵᠦ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠳᠠᠬᠤ ᠨᠢ ᠮᠠᠰᠢ ᠰᠣᠨᠢᠷᠬᠠᠯᠲᠠᠢ᠃ ᠮᠢᠨᠤᠬᠢ ᠠᠮᠢ | ᠵᠢᠭᠤᠵᠤ ᠠᠮᠢᠳᠤᠷᠠᠯ ᠰᠡᠬᠦᠭᠰᠡᠨ ᠬᠤᠲᠠ ᠶᠢ ︽ᠭᠦᠭᠡᠬᠤᠲᠠ︾ ᠭᠡᠵᠦ ᠨᠡᠷᠡᠯᠡᠨ ᠳᠠᠭᠤᠳᠠᠬᠤ ᠳᠤ ᠮᠠᠨᠠᠶᠢᠬᠢᠨ ᠤ ᠵᠠᠷᠢᠮ | ᠨᠢ ᠪᠠᠰᠠ ᠪᠣᠷᠣᠬᠤᠲᠠ᠂ ᠤᠯᠠᠭᠠᠨᠬᠤᠲᠠ᠂ ᠰᠢᠷᠠᠲᠠᠯᠠ ᠭᠡᠵᠦ ᠠᠳᠠᠯᠢ ᠪᠤᠰᠤ ᠥᠩᠭᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠬᠤᠲᠠ | ᠪᠠᠯᠭᠠᠳ ᠲᠤ ᠠᠵᠤ ᠳᠦᠷᠦᠳᠡᠭ ᠭᠡᠯᠲᠡᠢ᠃ | ᠥᠩᠭᠡ ᠭᠡᠵᠦ ᠰᠡᠷᠡᠯ ᠤᠨ ᠲᠤᠰᠬᠠᠯ᠃ ︽ᠠᠯᠢᠪᠠ ᠶᠠᠭᠤᠮᠠᠨ ᠤ ᠵᠢᠰᠦ ᠶᠢ ᠥᠩᠭᠡ ᠬᠡᠮᠡᠮᠦᠢ︾ ᠭᠡᠵᠦ | ︽ᠬᠤᠷᠢᠨ ᠨᠢᠭᠡᠲᠦ ᠲᠠᠶᠢᠯᠪᠤᠷᠢ ᠲᠣᠯᠢ︾ ᠳᠤ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠨᠢ ᠪᠤᠢ᠃ ᠤᠯᠠᠭᠠᠨ᠂ ᠨᠣᠭᠤᠭᠠᠨ᠂ ᠬᠥᠬᠡ᠂ | ᠰᠢᠷᠠ ᠁ ᠭᠡᠬᠦᠴᠢᠯᠡᠨ ᠥᠩᠭᠡ ᠶᠢ ᠠᠳᠠᠯᠢ ᠪᠤᠰᠤ ᠲᠦᠷᠦᠯ ᠳᠤ ᠠᠩᠭᠢᠯᠠᠵᠤ ᠪᠤᠯᠬᠤ ᠪᠥᠭᠡᠳ ᠣᠷᠴᠢᠯᠠᠩ ᠤᠨ | ᠵᠠᠢ ᠳᠤ ᠣᠷᠣᠰᠢᠨ ᠬᠥᠯᠵᠢᠬᠦ ᠠᠮᠢᠲᠠᠨ ᠭᠤᠣᠯᠲᠠᠨ ᠠᠴᠠ ᠡᠬᠢᠯᠡᠭᠡᠳ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠤᠯᠠᠷᠢᠯ ᠭᠦᠷᠲᠡᠯᠡ | ᠣᠷᠴᠢᠨ ᠲᠣᠭᠤᠷᠢᠨ ᠲᠠᠢ ᠪᠠᠨ ᠡᠪᠯᠡᠨ ᠵᠣᠬᠢᠴᠠᠯᠳᠤᠵᠤ᠂ ᠥᠪᠡᠷ ᠥᠪᠡᠷ ᠤᠨ ᠢᠶᠠᠨ ᠥᠩᠭᠡ ᠪᠤᠲᠤᠬ᠂ ᠦᠵᠡᠮᠵᠢ | ᠵᠢᠰᠦᠮ ᠢᠶᠠᠷ ᠢᠯᠭᠠᠷᠠᠳᠠᠭ ᠵᠢᠮᠡ ᠲᠠᠢ᠃ ᠲᠡᠭᠡᠭᠦ ᠳᠡᠭᠡᠨ ᠪᠢᠳᠡ ᠣᠷᠣᠰᠢᠨ ᠨᠤᠲᠤᠭᠰᠢᠭᠰᠠᠨ ᠠᠮᠢ ᠠᠬᠤᠢ ᠣᠷᠴᠢᠨ | ᠲᠣᠭᠤᠷᠢᠨ ᠢᠶᠠᠨ ᠥᠩᠭᠡ ᠪᠤᠲᠤᠬ ᠢᠶᠠᠷ ᠦᠯᠢᠳᠬᠡᠵᠦ᠂ ᠤᠷᠠᠨ ᠵᠢᠷᠤᠭ ᠢᠶᠠᠷ ᠢᠯᠡᠳᠬᠡᠬᠦ ᠶᠤᠮ ᠪᠣᠯ ᠯᠠᠪᠲᠠᠢ | ᠥᠩᠭᠡ ᠢᠯᠭᠠᠷᠠᠵᠤ ᠪᠤᠲᠤᠬ ᠨᠡᠶᠢᠴᠡᠭᠰᠡᠨ ᠡᠲᠡᠭᠡᠳ ᠭᠤᠴᠣ ᠦᠵᠡᠮᠵᠢ ᠪᠠᠶᠢᠯᠭᠦᠢ ᠭᠡᠵᠦ ᠪᠢ ᠬᠠᠶᠠ ᠲᠥᠰᠥᠭᠡᠯᠡᠳᠡᠭ | ᠃ ᠡᠨᠡ ᠵᠢᠷᠤᠭ ᠲᠤ ᠬᠥᠬᠡ ᠣᠭᠲᠠᠷᠭᠤᠢ ᠴᠡᠯᠡᠶᠢᠨ᠂ ᠬᠥᠪᠥᠩ ᠴᠠᠭᠠᠨ ᠡᠭᠦᠯᠡᠰ ᠭᠦᠪᠦᠯᠵᠡᠵᠦ᠂ ᠠᠭᠤᠯᠠ ᠤᠰᠤ ᠨᠢ | ᠬᠥᠬᠡᠮᠳᠦᠭ ᠨᠣᠭᠤᠭᠠᠨ᠂ ᠠᠭᠤᠳᠠᠮ ᠲᠠᠯᠠ ᠨᠢ ᠲᠠᠩᠰᠤᠬ ᠨᠣᠭᠤᠭᠠᠨ᠂ ᠠᠵᠤ ᠠᠮᠢᠳᠤᠷᠠᠯ ᠨᠢ ᠠᠮᠢᠵᠢᠷᠠᠯ ᠤᠨ | ᠨᠣᠭᠤᠭᠠᠨ ᠥᠩᠭᠡ ᠪᠠᠷ ᠪᠢᠯᠬᠠᠵᠤ᠂ ᠠᠲᠠᠷ ᠬᠡᠭᠡᠷᠡ ᠶᠢᠨ ᠴᠡᠴᠡᠭᠡᠰ ᠤᠯᠠᠭᠠᠨ ᠶᠠᠭᠠᠨ ᠭᠡᠵᠦ ᠡᠯᠳᠡᠪ ᠥᠩᠭᠡ ᠪᠠᠷ | ᠢᠯᠭᠠᠷᠠᠭᠰᠠᠨ ᠪᠠᠶᠢᠵᠤ ᠲᠠᠭᠠᠷᠠᠬᠤ ᠶᠤᠮ᠃ | ᠣᠳᠣᠲᠠᠢ ᠲᠡᠭᠷᠢ ᠣᠷᠴᠢᠵᠤ᠂ ᠤᠤᠯ ᠥᠩᠭᠡ ᠪᠤᠲᠤᠬ ᠴᠦ ᠥᠭᠡᠷᠡᠲᠦᠵᠦ ᠬᠤᠪᠢᠷᠠᠳᠠᠭ᠃ ᠴᠠᠭ ᠤᠨ | ᠡᠷᠬᠡ ᠪᠠᠷ ᠰᠢᠨᠡ ᠵᠦᠢᠯ ᠬᠠᠭᠤᠴᠢᠷᠠᠬᠤ ᠳᠤ ᠤᠯᠠᠷᠢᠯ ᠤᠨ ᠵᠢᠮᠡ ᠪᠠᠷ ᠥᠩᠭᠡ ᠪᠠᠭᠤᠷᠠᠨ ᠪᠤᠲᠤᠬ ᠬᠤᠯᠲᠣᠷᠠᠬᠤ ᠶᠢ | ᠬᠡᠨ ᠴᠦ ᠬᠤᠷᠢᠭᠯᠠᠵᠤ ᠡᠰᠡ ᠴᠢᠳᠠᠨᠠ᠃ ᠡᠪᠡᠢ ᠬᠥᠭᠡᠷᠦᠬᠦᠢ᠂ ᠳᠡᠯᠭᠡᠷ ᠵᠣᠨ ᠤ ᠴᠠᠭ ᠲᠤ ᠲᠡᠨᠵᠢ ᠵᠣ ᠶᠢ ᠪᠦᠷᠬᠦᠨ | ᠤᠯᠠᠭᠠᠨ ᠶᠠᠭᠠᠨ ᠰᠢᠷᠠ ᠭᠡᠵᠦ ᠥᠩᠭᠡ ᠠᠯᠠᠭᠯᠠᠨ ᠳᠡᠯᠭᠡᠷᠡᠭᠰᠡᠨ ᠴᠡᠴᠡᠭᠡᠰ ᠨᠢᠭᠡ ᠯᠡ ᠰᠥᠨᠢ ᠶᠢᠨ ᠨᠠᠮᠤᠷ ᠤᠨ | ᠬᠤᠩᠭᠤᠷ ᠰᠠᠯᠬᠢᠨ ᠳᠤ ᠨᠠᠪᠴᠢ ᠨᠠᠮᠠᠭᠠ ᠰᠢᠷᠠᠯᠠᠨ ᠬᠤᠪᠠᠭ᠋ᠠᠶᠢᠷᠠᠬᠤ ᠨᠢ ᠶᠠᠭᠤᠲᠠᠢ ᠡᠮᠭᠡᠨᠢᠯᠲᠡᠢ᠃ ᠰᠡᠷᠭᠦᠯᠡᠩ ᠵᠠᠯᠠᠭᠤ | ᠨᠠᠰᠣᠨ ᠳᠠᠭᠠᠨ ᠣᠮᠣᠭᠯᠠᠩ ᠢᠳᠡᠷᠡᠭᠦᠨ ᠭᠠᠯᠭᠢᠭᠤᠯᠵᠤ ᠶᠠᠪᠤᠭᠰᠠᠨ ᠴᠣᠭᠯᠢᠭ ᠬᠦᠦᠴᠦᠦᠯ ᠭᠤᠸᠠᠯᠢᠭ ᠬᠡᠦᠬᠡᠨᠴᠦᠳ | ᠨᠢᠭᠡ ᠮᠡᠳᠡᠬᠦ ᠳᠤ ᠨᠠᠰᠣᠨ ᠤ ᠡᠷᠬᠡ ᠪᠠᠷ ᠬᠠᠷᠠ ᠦᠰᠦᠨ ᠳᠤᠨᠢ ᠴᠠᠭᠠᠨ ᠬᠢᠷᠠᠭᠤ ᠤᠨᠠᠵᠤ᠂ ᠦᠰᠦ ᠴᠠᠶᠢᠵᠤ ᠵᠢᠰᠦ | ᠦᠷᠴᠢᠢᠨ ᠡᠪᠦᠭᠡᠷᠡᠵᠦ ᠬᠥᠭᠰᠢᠷᠡᠬᠦ ᠨᠢ ᠪᠠᠰᠠ ᠶᠠᠮᠠᠷ ᠶᠡᠭᠡ ᠭᠤᠨᠢᠶᠠᠯᠲᠠᠢ ᠠᠵᠢ᠃ ᠡᠶᠢᠨ ᠬᠦ ᠥᠩᠭᠡ ᠭᠡᠵᠦ | ᠣᠷᠣᠰᠢᠯ ᠤᠨ ᠵᠢᠰᠦ᠂ ᠣᠷᠴᠢᠯ ᠤᠨ ᠵᠢᠮᠡ ᠪᠤᠶᠤ᠃ | ᠥᠩᠭᠡ ᠪᠠᠭᠤᠷᠠᠵᠤ ᠵᠢᠰᠦ ᠭᠤᠨᠳᠠᠬᠤ ᠨᠢ ᠦᠨᠡᠨ ᠲᠤᠯᠠ ᠡᠷᠬᠢᠮᠯᠡᠵᠦ ᠬᠠᠮᠠᠭᠠᠯᠠᠬᠤ ᠨᠢ ᠵᠦᠢᠲᠡᠢ᠃ | ᠡᠭᠦᠨ ᠢ ᠣᠳᠣᠬᠠᠨ ᠤ ᠬᠠᠯᠠᠮᠰᠢᠯ ᠪᠣᠯᠤᠭᠰᠠᠨ ᠦᠭᠡ ᠪᠠᠷ ᠣᠨᠣᠭᠠᠵᠤ ᠶᠠᠷᠢᠪᠠᠯ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨ ᠢ | ᠬᠠᠮᠠᠭᠠᠯᠠᠵᠤ᠂ ᠪᠣᠬᠢᠷᠳᠤᠯ ᠦᠭᠡᠢ ᠶᠢ ᠡᠷᠭᠢᠮᠯᠡᠭᠦ ᠭᠡᠰᠡᠨ ᠤᠳᠬᠠ ᠲᠠᠢ᠃ ᠥᠪᠡᠷ ᠥᠪᠡᠷ ᠤᠨ ᠬᠢ ᠪᠠᠷ ᠢᠶᠠᠨ | ᠥᠩᠭᠡ ᠪᠤᠯᠢᠶᠠᠯᠳᠤᠨ ᠪᠠᠲᠠᠷᠠᠨ ᠳᠡᠯᠭᠡᠷᠡᠪᠡᠯ ᠰᠠᠶ᠋ᠢ ᠡᠬᠡ ᠪᠠᠶᠢᠭᠠᠯᠢ ᠥᠨᠢᠷ ᠲᠠᠩᠰᠤᠬ᠂ ᠥᠭᠭᠢᠶᠡᠮᠦᠷᠴᠢ ᠭᠠᠩᠭᠠᠩ | ᠪᠤᠯᠲᠠᠬ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ︽ᠠᠭᠠᠷ ᠲᠡᠭᠷᠢ ᠮᠢᠨᠢ ᠴᠡᠩᠬᠡᠷ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠰᠠᠢ᠂ ᠠᠭᠤᠳᠠᠮ ᠲᠠᠯᠠ ᠮᠢᠨᠢ | ᠨᠣᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠰᠠᠢ ᠁︾ ᠭᠡᠰᠡᠨ ᠨᠢ ᠵᠦᠪᠭᠡᠨ ᠳᠠᠭᠤᠤ ᠲᠡᠳᠦᠢ ᠪᠢᠰᠢ ᠲᠤᠩᠭᠠᠯᠠᠭ ᠦᠨᠡᠨ | ᠪᠣᠯᠵᠤ᠂ ︽ᠬᠥᠬᠡᠮᠳᠦᠭ ᠨᠣᠭᠤᠭᠠᠨ ᠠᠭᠤᠯᠠ ᠤᠰᠤ︾ ᠭᠡᠳᠡᠭ ᠨᠢ ᠤᠷᠢᠶᠠ ᠪᠤᠰᠤ᠂ ᠬᠠᠷᠢᠨ ᠬᠡᠵᠢᠶᠡ ᠬᠠᠮᠢᠭᠠ ᠴᠦ | ᠭᠡᠰᠡᠨ ᠬᠠᠷᠠᠭᠳᠠᠳᠠᠭ ᠦᠵᠡᠮᠵᠢ ᠪᠤᠯᠬᠤ ᠶᠤᠮ᠃ | |