| | ● ᠨᠠᠷᠠᠨᠠ᠂ ᠡᠷᠳᠡᠨᠢᠬᠦᠦ | | ︽ᠬᠥᠳᠡᠭᠡ ᠶᠢᠨ ᠠᠶᠢᠯ ᠤᠳ ᠤᠨ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠠᠳᠠᠯᠢ ᠦᠭᠡᠢ ᠪᠠᠶᠢᠨᠠ︾᠂ ︽ | ᠠᠮᠢᠳᠤ ᠪᠠᠷ ᠨᠢ ᠪᠥᠭᠡᠮ ᠪᠥᠭᠡᠮ ᠢᠶᠠᠷ ᠪᠣᠷᠣᠯᠠᠭᠤᠯᠬᠤ ᠳᠤ ᠦᠨᠡ ᠨᠢ ᠤᠴᠢᠷ ᠦᠭᠡᠢ ᠳᠣᠣᠷᠠ ᠪᠣᠯᠴᠢᠬᠠᠯᠠ︾᠂ ︽ | ᠮᠠᠯ ᠢᠶᠠᠨ ᠨᠢᠲᠤᠯᠤᠭᠠᠳ ᠬᠡᠰᠡᠭᠯᠡᠵᠦ ᠬᠤᠳᠠᠯᠳᠤᠪᠠᠯ ᠣᠯᠵᠠᠪᠤᠷᠢ ᠲᠠᠢ ᠴᠦ ᠪᠣᠯᠪᠠ ᠤᠤ︖︾᠂ ︽ᠬᠠᠰᠢᠯᠠ | ᠬᠥᠳᠡᠭᠡ ᠨᠤᠲᠤᠭ ᠤᠨ ᠮᠠᠯ ᠤᠨ ᠮᠢᠬᠠ ᠠᠮᠲᠠᠲᠠᠢ︾᠂ ︽ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠪᠠᠭᠤᠷᠠᠯᠠ︾ ᠵᠡᠷᠭᠡ ᠶᠠᠷᠢᠶᠠ | ᠨᠢ ᠬᠥᠮᠥᠰ ᠤᠨ ᠡᠪᠦᠯ ᠤᠨ ᠠᠮᠲᠠ ᠭᠠᠷᠭᠠᠬᠤ ᠴᠠᠭ ᠤᠯᠠᠷᠢᠯ ᠤᠨ ᠬᠠᠮᠤᠭ ᠤᠨ ᠬᠠᠯᠠᠭᠤᠨ ᠵᠣᠭᠤᠭ ᠪᠣᠯᠵᠤ᠂ | ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠬᠠᠩᠰᠢ ᠨᠢ ᠬᠥᠮᠥᠰ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ ᠪᠠᠶᠢᠯᠠ᠃ ᠮᠠᠯ ᠤᠨ ᠮᠢᠬᠠ ᠪᠠᠨ | ᠥᠨᠳᠥᠷ ᠦᠨᠡ ᠳᠤ ᠬᠦᠷᠭᠡᠬᠦ ᠨᠢ ᠮᠠᠯᠴᠢᠳ ᠤᠨ ᠰᠠᠨᠠᠭᠠᠰᠢᠷᠠᠵᠤ ᠪᠠᠶᠢᠭᠠ ᠲᠣᠮᠣ ᠠᠰᠠᠭᠤᠳᠠᠯ᠂ ᠮᠥᠨ ᠴᠦ | ᠲᠡᠳᠡᠨᠡᠷ ᠤᠨ ᠪᠦᠲᠦᠨ ᠵᠢᠯ ᠤᠨ ᠬᠢᠨᠢ ᠭᠦᠳᠡᠯᠮᠣᠷᠢ ᠶᠢᠨ ᠡᠷᠴᠢ ᠶᠢ ᠴᠢᠩᠭᠠᠯᠠᠬᠤ ᠬᠦᠴᠦ ᠪᠤᠯᠳᠠᠭ᠃ ᠲᠡᠶᠢᠨ ᠬᠦ | ᠰᠣᠷᠪᠤᠯᠵᠢᠯᠠᠬᠴᠢ ᠣᠯᠠᠨ ᠠᠰᠠᠭᠤᠳᠠᠯ ᠳᠤ ᠵᠣᠷᠢᠭᠤᠯᠤᠨ ᠬᠥᠳᠡᠭᠡ ᠶᠢᠨ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠬᠠᠩᠰᠢ ᠪᠠ | ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠬᠠᠩᠰᠢ ᠶᠢᠨ ᠲᠤᠬᠠᠢ ᠣᠶᠢᠯᠠᠭᠠᠵᠤ ᠰᠤᠷᠪᠤᠯᠵᠢᠯᠠᠭᠰᠠᠨ ᠶᠤᠮ᠃ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠪᠠᠶᠠᠨ᠋ᠠ᠋ᠭᠤᠯᠠ ᠭᠠᠴᠠᠭᠠᠨ ᠤ ᠮᠠᠰᠢᠳᠠᠯᠠᠢ᠄ ︽ | ᠠᠯᠠᠱᠠ ᠶᠢᠨ ᠬᠤᠶᠢᠲᠤ ᠪᠡᠶᠡ ᠪᠠᠷ ᠰᠡᠷᠭᠡ ᠵᠢᠩ ᠪᠦᠷᠢ ᠳᠡᠭᠡᠨ 40 ᠲᠥᠭᠦᠷᠢᠭ᠂ ᠢᠷᠭᠡ ᠵᠢᠩ ᠪᠦᠷᠢ ᠳᠡᠭᠡᠨ 35 - | 38 ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ ᠵᠢᠩ ᠪᠦᠷᠢ ᠳᠡᠭᠡᠨ 33 ᠲᠥᠭᠦᠷᠢᠭ᠂ ᠡᠮᠡ ᠢᠮᠠᠭᠠ ᠵᠢᠩ ᠪᠦᠷᠢ ᠳᠡᠭᠡᠨ 35 | ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠡᠮᠦᠨᠡ ᠪᠡᠶᠡ ᠪᠠᠷ ᠰᠡᠷᠭᠡ ᠵᠢᠩ ᠪᠦᠷᠢ ᠳᠡᠭᠡᠨ 38 ᠲᠥᠭᠦᠷᠢᠭ᠂ ᠢᠷᠭᠡ ᠵᠢᠩ | ᠪᠦᠷᠢ ᠳᠡᠭᠡᠨ 33 ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ ᠵᠢᠩ ᠪᠦᠷᠢ ᠳᠡᠭᠡᠨ 30 ᠲᠥᠭᠦᠷᠢᠭ᠂ ᠡᠮᠡ ᠢᠮᠠᠭᠠ ᠵᠢᠩ | ᠪᠦᠷᠢ ᠳᠡᠭᠡᠨ 32 ᠲᠥᠭᠦᠷᠢᠭ ᠲᠤ ᠬᠦᠷᠴᠦ ᠪᠠᠶᠢᠨᠠ︾ ᠭᠡᠵᠦ ᠪᠠᠶᠢᠪᠠ᠃ ᠮᠠᠰᠢᠳᠠᠯᠠᠢ ᠶᠢᠨ ᠬᠢᠨ 2019 | ᠣᠨ ᠠᠴᠠ ᠳᠠᠭᠢᠵᠣ ᠮᠠᠯᠵᠢᠭᠰᠠᠨ ᠠᠴᠠ ᠨᠠᠭᠠᠰᠢ ᠥᠪᠡᠷ ᠢᠶᠠᠨ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ | ︽ᠪᠠᠷᠠᠭᠤᠨ ᠦᠵᠦᠭᠦᠷ ᠤᠨ ᠮᠠᠯᠵᠢᠯ ᠤᠨ ᠳᠠᠯᠠᠪᠡᠢ︾ ᠶᠢ ᠭᠠᠷᠭᠠᠵᠤ᠂ ᠬᠠᠭᠠᠰ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠬᠠᠭᠠᠰ | ᠬᠠᠰᠢᠶᠠᠯᠠᠨ ᠲᠡᠵᠢᠭᠡᠬᠦ ᠮᠠᠶ᠋ᠢᠭ ᠢᠶᠠᠷ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠬᠢᠷᠢ ᠪᠠᠷ ᠮᠠᠯᠵᠢᠭᠰᠠᠭᠠᠷ ᠢᠷᠡᠵᠡᠢ᠃ ︽ᠨᠢᠳᠤᠨᠤᠨ | ᠮᠠᠨᠠᠶᠢᠬᠢᠨ 237 ᠮᠠᠯ ᠬᠤᠳᠠᠯᠳᠤᠵᠠᠢ᠂ ᠡᠭᠦᠨ ᠠᠴᠠ ᠭᠠᠳᠠᠨᠠ 50 ᠮᠠᠯ ᠤᠨ ᠮᠢᠬᠠ ᠶᠢ ᠬᠠᠳᠠᠭᠠᠵᠣ | ᠬᠤᠳᠠᠯᠳᠤᠭᠰᠠᠨ᠃ ᠥᠨᠥ ᠵᠢᠯ ᠣᠳᠣᠬᠠᠨ ᠪᠤᠯᠳᠠᠯᠠ ᠨᠢᠭᠡᠨᠲᠡ 200 ᠮᠠᠯ ᠬᠤᠳᠠᠯᠳᠤᠵᠤ᠂ ᠵᠢᠯ ᠤᠨ ᠡᠴᠦᠰ | ᠪᠤᠯᠳᠠᠯᠠ ᠪᠣᠷᠣᠯᠠᠭᠤᠯᠤᠨᠠ᠃ ᠮᠠᠨᠠᠶᠢᠬᠢᠨ ᠰᠡᠷᠭᠡ ᠶᠢ ᠵᠢᠩ ᠪᠦᠷᠢ ᠳᠤ 40 ᠲᠥᠭᠦᠷᠢᠭ᠂ ᠢᠷᠭᠡ ᠶᠢ ᠵᠢᠩ ᠪᠦᠷᠢ ᠳᠤ | 35 ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ ᠶᠢ ᠵᠢᠩ ᠪᠦᠷᠢ ᠳᠤ 33 ᠲᠥᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠤ ᠪᠠᠶᠢᠨᠠ᠃ ᠨᠢᠳᠤᠨᠤᠨ | ᠪᠡᠯᠴᠢᠭᠡᠷ ᠥᠩ ᠲᠠᠢ ᠪᠠᠶᠢᠭᠰᠠᠨ᠂ ᠥᠨᠥ ᠵᠢᠯ ᠭᠠᠩᠳᠠᠭᠰᠠᠨ ᠠᠴᠠ ᠮᠠᠯᠴᠢᠳ ᠡᠪᠡᠰᠦ ᠪᠣᠷᠳᠤᠭᠠ ᠠᠪᠬᠤ᠂ | ᠮᠠᠯ ᠢᠶᠠᠨ ᠴᠥᠭᠡᠳᠬᠡᠬᠦ ᠵᠡᠷᠭᠡ ᠰᠢᠯᠲᠠᠭᠠᠨ ᠢᠶᠠᠷ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠨᠢᠳᠤᠨᠤᠨ ᠢ ᠪᠤᠳᠣᠪᠠᠯ ᠳᠣᠣᠷᠠ ᠪᠣᠯᠵᠠᠢ | ︾ ᠭᠡᠵᠦ ᠮᠠᠰᠢᠳᠠᠯᠠᠢ ᠶᠠᠷᠢᠨᠠ᠃ ᠮᠠᠰᠢᠳᠠᠯᠠᠢ ᠠᠩᠬᠠ ᠨᠢ ᠮᠢᠬᠠᠨ ᠤ ᠬᠤᠨᠢ ᠲᠡᠵᠢᠭᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠪᠡᠯᠴᠢᠭᠡᠷ | ᠣᠰᠣᠨ ᠳᠤᠨᠢ ᠲᠣᠬᠢᠷᠠᠬᠤ ᠦᠭᠡᠢ᠂ ᠣᠨᠳᠣᠷᠣᠬᠤ ᠨᠣᠷᠮᠠ ᠨᠢ ᠳᠣᠣᠷᠠ ᠪᠣᠯᠤᠭᠰᠠᠨ ᠢᠶᠠᠷ ᠳᠠᠭᠠᠭᠠᠴᠠ ᠰᠠᠶᠢᠲᠠᠢ | ᠣᠷᠣᠨ ᠨᠤᠲᠤᠭ ᠤᠨ ᠮᠠᠯ ᠢ ᠳᠠᠭᠢᠵᠣ ᠬᠠᠭᠠᠰ ᠪᠡᠯᠴᠢᠭᠡᠷᠯᠡᠨ ᠬᠠᠭᠠᠰ ᠬᠠᠰᠢᠶᠠᠯᠠᠨ ᠲᠡᠵᠢᠭᠡᠵᠦ ᠪᠣᠷᠣᠯᠠᠭᠤᠯᠤᠭᠰᠠᠭᠠᠷ | ᠢᠷᠡᠵᠡᠢ᠃ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠴᠣᠭᠲᠤᠬᠦ᠋ᠷᠢᠶᠡ ᠰᠤᠮᠤᠨ ᠤ ᠮᠠᠯᠴᠢᠨ ᠰᠢᠶᠧ ᠮᠥᠩᠬᠡᠪᠠᠶᠠᠷ᠄ ︽ᠡᠨᠡ | ᠵᠢᠯ ᠤᠨ ᠬᠤᠷᠠ ᠪᠣᠷᠣᠭᠠᠨ ᠣᠷᠣᠭᠰᠠᠨ ᠴᠠᠭ ᠨᠢ ᠠᠳᠠᠯᠢ ᠦᠭᠡᠢ᠂ ᠵᠠᠷᠢᠮ ᠭᠠᠵᠠᠷ ᠥᠩ ᠲᠠᠢ ᠮᠠᠯ ᠤᠨ ᠲᠠᠷᠭᠤ | ᠬᠦᠴᠦ ᠰᠠᠶᠢᠨ ᠪᠣᠯᠬᠤᠷ ᠮᠠᠯ ᠤᠨ ᠮᠢᠬᠠ ᠦᠨᠡ ᠳᠤ ᠬᠦᠷᠴᠦ ᠪᠠᠶᠢᠨᠠ᠂ ᠵᠠᠷᠢᠮ ᠭᠠᠵᠠᠷ ᠤᠨ ᠪᠡᠯᠴᠢᠭᠡᠷ ᠨᠢ | ᠬᠠᠪᠤᠷ ᠲᠠᠭᠠᠨ ᠰᠠᠶᠢᠨ᠂ ᠵᠣᠨ ᠪᠤᠯᠬᠤ ᠳᠤ ᠭᠠᠩᠳᠠᠭᠠᠳ ᠮᠠᠯ ᠲᠡᠩᠬᠡᠭᠡ ᠠᠪᠴᠤ ᠴᠢᠳᠠᠬᠤ ᠦᠭᠡᠢ᠂ ᠵᠠᠷᠢᠮ | ᠭᠠᠵᠠᠷ ᠲᠤ ᠪᠦᠲᠦᠨ ᠵᠢᠯ ᠢᠶᠠᠷ ᠪᠣᠷᠣᠭᠠᠨ ᠦᠭᠡᠢ᠂ ᠨᠠᠮᠤᠷ ᠣᠷᠣᠢ ᠪᠣᠷᠣᠭᠠᠨ ᠣᠷᠣᠬᠤ ᠪᠠᠷ ᠮᠠᠯ ᠲᠠᠷᠭᠤ ᠬᠦᠴᠦ | ᠠᠪᠴᠤ ᠴᠢᠳᠠᠬᠤ ᠦᠭᠡᠢ ᠡᠪᠦᠯ ᠪᠣᠯᠵᠤ ᠪᠠᠶᠢᠨᠠ᠃ ᠡᠶᠢᠮᠦ ᠪᠠᠷ ᠮᠠᠯ ᠴᠦᠭᠡᠳᠡᠢ ᠨᠢ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠪᠠᠷ | ᠲᠡᠩᠬᠡᠷᠡᠭᠦᠯᠦᠭᠡᠳ ᠪᠣᠷᠣᠯᠠᠭᠤᠯᠤᠨᠠ᠂ ᠮᠠᠯ ᠣᠯᠠᠨᠲᠠᠢ ᠨᠢ ᠠᠷᠠᠯᠵᠢᠶᠠᠴᠢᠨ ᠳᠤ ᠪᠥᠭᠡᠮ ᠢᠶᠠᠷ ᠳᠣᠣᠷᠠ ᠦᠨᠡ ᠪᠠᠷ | ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠨᠠ᠂ ᠮᠠᠯᠴᠢᠳ ᠴᠦ ᠠᠷᠭᠠ ᠦᠭᠡᠢ ᠪᠠᠶᠢᠨᠠ︾ ᠭᠡᠵᠦ ᠮᠠᠯᠴᠢᠨ ᠠᠶᠢᠯ ᠤᠳ ᠤᠨ ᠮᠠᠯ ᠤᠨ | ᠮᠢᠬᠠᠨ ᠤ ᠦᠨᠡ ᠠᠳᠠᠯᠢ ᠦᠭᠡᠢ ᠪᠠᠶᠢᠭᠠ ᠲᠤᠬᠠᠢ ᠡᠶᠢᠨ ᠬᠦ ᠤᠴᠢᠷᠯᠠᠨᠠ᠃ | ᠡᠵᠡᠨᠡ ᠬᠤᠰᠢᠭᠤᠨ ᠤ ᠳ᠋ᠦᠩᠹᠧᠩ ᠪᠠᠯᠭᠠᠰᠤᠨ ᠤ ᠭᠤᠷᠣᠨᠠᠢ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ ᠨᠠᠰᠤᠨᠪᠠᠭᠠᠲᠤᠷ᠄ | ︽ᠣᠶᠢᠷᠠ ᠳᠤ ᠲᠡᠭᠷᠢ ᠬᠦᠢᠲᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠮᠠᠨ ᠤ ᠡ᠊ᠡᠳᠡᠭᠢ ᠶᠢᠨ ᠮᠠᠯᠴᠢᠳ ᠴᠦ ᠮᠠᠯ ᠢᠶᠠᠨ ᠪᠣᠷᠣᠯᠠᠭᠤᠯᠵᠤ | ᠶᠠᠭᠠᠷᠠᠯᠳᠤᠨᠠ᠃ ᠰᠡᠷᠭᠡ ᠶᠢᠨ ᠮᠢᠬᠠ ᠵᠢᠩ ᠪᠦᠷᠢ ᠳᠤ 38 - 40 ᠲᠥᠭᠦᠷᠢᠭ᠂ ᠢᠷᠭᠡ ᠶᠢᠨ ᠮᠢᠬᠠ ᠵᠢᠩ | ᠪᠦᠷᠢ ᠳᠤ 35 ᠲᠥᠭᠦᠷᠢᠭ ᠲᠤ ᠬᠦᠷᠴᠦ ᠪᠠᠶᠢᠨᠠ᠃ ᠮᠠᠯ ᠤᠨ ᠤᠭᠤᠴᠠ ᠳᠣᠰ ᠲᠠᠭᠠᠨ ᠦᠨᠡ ᠥᠭᠴᠦ ᠠᠪᠳᠠᠭ᠂ | ᠨᠢᠭᠡ ᠤᠭᠤᠴᠠ ᠨᠢ 1000 - 1500 ᠲᠥᠭᠦᠷᠢᠭ ᠲᠤ ᠭᠦᠷᠳᠡᠭ᠃ ᠪᠦᠬᠦᠯᠢ ᠮᠠᠯ ᠬᠤᠳᠠᠯᠳᠤᠨ ᠠᠪᠤᠪᠠᠯ | ᠠᠰᠢᠭᠲᠠᠢ ᠶᠤᠮ ᠤᠤ ᠳ᠋ᠠ᠃ ᠨᠢᠳᠤᠨᠤᠨ ᠢ ᠪᠤᠳᠣᠪᠠᠯ ᠡᠨᠡ ᠵᠢᠯ ᠤᠨ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠵᠢᠭᠠᠬᠠᠨ | ᠪᠠᠭᠤᠷᠠᠵᠠᠢ᠃ ᠪᠡᠯᠴᠢᠭᠡᠷ ᠭᠠᠩᠳᠠᠵᠤ᠂ ᠮᠠᠯᠴᠢᠳ ᠲᠡᠮᠡᠭᠡ ᠮᠠᠯ ᠢᠶᠠᠨ ᠲᠡᠵᠢᠭᠡᠨ᠂ ᠡᠪᠡᠰᠦ ᠪᠣᠷᠳᠤᠭᠠ ᠠᠪᠬᠤ | ᠱᠠᠭᠠᠷᠳᠠᠯᠭᠠ ᠪᠠᠷ ᠣᠯᠠᠨ ᠮᠠᠯ ᠲᠠᠢ ᠠᠶᠢᠯ ᠨᠢ ᠳᠣᠩ ᠳᠣᠣᠷᠠ ᠦᠨᠡ ᠪᠠᠷ ᠪᠥᠭᠡᠮ ᠢᠶᠠᠷ ᠬᠤᠳᠠᠯᠳᠤᠬᠤ | ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ ᠮᠠᠯᠴᠢᠳ ᠤᠨ ᠳᠤᠮᠳᠠ ᠠᠵᠤ ᠠᠮᠢᠳᠤᠷᠠᠯ ᠳᠠᠭᠠᠨ ᠡᠪᠯᠢᠭ ᠲᠤᠷᠰᠢᠯᠭᠠ ᠲᠠᠢ ᠨᠢᠭᠡ ᠨᠢ | ᠮᠠᠯ ᠢᠶᠠᠨ ᠨᠢᠲᠤᠯᠤᠭᠠᠳ ᠰᠠᠯᠭᠠᠵᠤ ᠬᠤᠳᠠᠯᠳᠤᠭᠠᠳ ᠣᠯᠵᠠᠪᠤᠷᠢ ᠲᠠᠢ ᠶᠠᠪᠤᠵᠤ ᠪᠠᠶᠢᠭᠠ ᠨᠢ ᠪᠠᠰᠠ ᠪᠠᠶᠢᠨᠠ᠂ | ᠨᠡᠶᠢᠭᠡᠮ ᠤᠨ ᠣᠯᠠᠨ ᠬᠥᠮᠥᠰ ᠤᠨ ᠤᠷᠤᠰᠬᠠᠯ ᠢ ᠳᠠᠭᠠᠵᠣ ᠪᠥᠭᠡᠮ ᠢᠶᠠᠷ ᠬᠤᠳᠠᠯᠳᠤᠬᠤ ᠨᠢᠭᠡ ᠨᠢ ᠵᠢᠭᠠᠬᠠᠨ ᠠᠯᠳᠠᠵᠤ | ᠪᠠᠶᠢᠭᠠ ᠴᠦ ᠶᠤᠮ ᠪᠣᠯᠪᠠ ᠤᠤ︾ ᠭᠡᠪᠡ᠃ | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠳᠠᠢ ᠶᠢᠨ ᠵᠢᠷᠠᠨ ᠪᠠᠯᠭᠠᠰᠤᠨ ᠳᠠᠬᠢ ︽ᠶᠢᠣ ᠰᠢᠶᠠᠩ ᠮᠠᠯᠵᠢᠬᠤ | ᠣᠷᠣᠨ ᠤ ᠮᠠᠯ ᠤᠨ ᠮᠢᠬᠠ︾ ᠶᠢᠨ ᠳᠡᠯᠭᠡᠭᠦᠷ ᠤᠨ ᠡᠵᠡᠨᠳᠡᠨ ᠼᠡᠷᠡᠨᠼᠣᠣ᠄ ︽ᠮᠠᠨ ᠤ ᠳᠡᠯᠭᠡᠭᠦᠷ ᠨᠢ ᠬᠥᠳᠡᠭᠡ ᠶᠢᠨ | ᠴᠣᠯ ᠪᠠᠶᠢᠭᠠᠯᠢᠯᠢᠭ ᠮᠠᠯ ᠤᠨ ᠮᠢᠬᠠ ᠬᠤᠳᠠᠯᠳᠤᠳᠠᠭ᠂ ᠰᠡᠷᠭᠡ ᠵᠢᠩ ᠪᠦᠷᠢ ᠳᠤ 40 ᠲᠥᠭᠦᠷᠢᠭ᠂ ᠡᠮᠡ ᠢᠮᠠᠭᠠ | ᠵᠢᠩ ᠪᠦᠷᠢ ᠳᠤ 35 ᠲᠥᠭᠦᠷᠢᠭ᠂ ᠢᠷᠭᠡ ᠵᠢᠩ ᠪᠦᠷᠢ ᠳᠤ 38 ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ ᠵᠢᠩ ᠪᠦᠷᠢ ᠳᠤ 30- | 33 ᠲᠥᠭᠦᠷᠢᠭ ᠤᠨ ᠦᠨᠡ ᠪᠠᠷ ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠨᠠ︾ ᠭᠡᠵᠦ ᠪᠠᠶᠢᠪᠠ᠃ ᠠᠮᠲᠠᠨ ᠤ ᠮᠢᠬᠠ ᠭᠠᠷᠭᠠᠬᠤ ᠪᠣᠯᠪᠠᠯ | ᠮᠠᠯᠴᠢᠳ ᠮᠠᠯ ᠢᠶᠠᠨ ᠪᠣᠷᠣᠯᠠᠭᠤᠯᠬᠤ ᠭᠡᠳ ᠶᠠᠭᠠᠷᠠᠵᠤ᠂ ᠵᠠᠬᠠ ᠶᠢᠨ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠬᠠᠩᠰᠢ | ᠬᠡᠯᠪᠡᠯᠵᠡᠯᠲᠡ ᠲᠠᠢ ᠪᠤᠯᠳᠠᠭ᠃ ᠲᠡᠭᠦᠨ ᠤ ᠬᠠᠮᠤᠭ ᠭᠤᠣᠯ ᠰᠢᠯᠲᠠᠭᠠᠨ ᠨᠢ ᠮᠠᠯᠴᠢᠳ ᠮᠠᠯ ᠤᠨ ᠮᠢᠬᠠ ᠪᠠᠨ ᠭᠠᠳᠠᠭᠰᠢ | ᠭᠠᠷᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠵᠤ᠂ ᠬᠡᠳᠦᠨ ᠮᠠᠯ ᠢᠶᠠᠨ ᠨᠢᠲᠤᠯᠤᠭᠠᠳ ᠪᠣᠷᠣᠯᠠᠭᠤᠯᠬᠤ ᠳᠤ ᠭᠠᠷᠬᠤ ᠦᠭᠡᠢ ᠪᠣᠯ | ᠰᠠᠨᠳᠤᠷᠤᠭᠠᠳ ᠦᠨᠡ ᠪᠠᠨ ᠳᠣᠣᠷᠠ ᠪᠣᠯᠭᠠᠭᠠᠳ ᠬᠤᠷᠳᠤᠬᠠᠨ ᠪᠣᠷᠣᠯᠠᠭᠤᠯᠵᠤ ᠳᠠᠭᠤᠰᠬᠠᠳᠠᠭ ᠦᠵᠡᠭᠳᠡᠯ ᠲᠠᠢ᠃ | ᠠᠷᠭᠠ ᠤᠬᠠᠭᠠᠨ ᠰᠡᠳᠦᠵᠦ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠶᠢ ᠥᠨᠳᠥᠷ ᠪᠤᠯᠭᠠᠬᠤ ᠨᠢ ᠮᠠᠯᠴᠢᠳ ᠤᠨ ᠪᠠᠰᠠ ᠨᠢᠭᠡᠨ | ᠰᠢᠯᠭᠠᠯᠲᠠ ᠪᠣᠯᠵᠠᠢ᠃ | ᠠᠯᠳ᠋ᠬᠠᠤᠪᠤᠭᠠ᠂ ᠪᠠᠶᠠᠨᠨᠢᠷᠣᠭᠤᠨ᠂ ᠥᠯᠵᠡᠢ᠂ᠢᠩᠭᠡᠨ᠂ ᠣᠯᠠᠨᠪᠤᠯᠠᠭ᠂ ᠬᠤᠩᠭᠤᠷᠡᠦ᠋ᠯᠣᠩ᠂ ᠴᠡᠩᠭᠡᠯ᠂ | ᠳᠦᠭᠦᠮ ᠵᠡᠷᠭᠡ ᠬᠤᠶᠢᠲᠤ ᠪᠡᠶᠡ ᠶᠢᠨ ᠬᠥᠳᠡᠭᠡ ᠶᠢᠨ ᠢᠷᠭᠡ ᠰᠡᠷᠭᠡ ᠶᠢᠨ ᠮᠢᠬᠠ ᠵᠢᠩ ᠪᠦᠷᠢ ᠳᠤ 43 - 45 | ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ᠂ ᠡᠮᠡ ᠢᠮᠠᠭᠠ ᠶᠢᠨ ᠮᠢᠬᠠ ᠵᠢᠩ ᠪᠦᠷᠢ ᠳᠤ 35 - 40 ᠲᠥᠭᠦᠷᠢᠭ ᠲᠤ ᠬᠦᠷᠴᠦ | ᠪᠠᠶᠢᠨᠠ᠃ ᠰᠣᠷᠪᠤᠯᠵᠢᠯᠠᠬᠴᠢ ᠠᠯᠠᠱᠠ ᠠᠶᠢᠮᠠᠭ ᠤᠨ ᠬᠥᠭᠵᠢᠭᠦᠯᠦᠯᠲᠡ ᠪᠠ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠵᠥᠪᠯᠡᠯ ᠠᠴᠠ | ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ 12 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠤᠨ | ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ 24.94 ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠪᠠᠶᠠᠨᠬᠤᠲᠠ ᠶᠢᠨ ᠬᠤᠸᠠ ᠶᠤᠸᠠᠨ | ᠬᠤᠳᠠᠯᠳᠤᠭᠠᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠢᠷᠭᠡ ᠰᠡᠷᠭᠡ ᠵᠢᠩ ᠪᠦᠷᠢ ᠳᠤ 33ᠲᠥᠭᠦᠷᠢᠭ᠂ ᠡᠮᠡ ᠬᠤᠨᠢ᠂ ᠡᠮᠡ | ᠢᠮᠠᠭᠠ ᠵᠢᠩ ᠪᠦᠷᠢ ᠳᠡᠭᠡᠨ 24 ᠲᠥᠭᠦᠷᠢᠭ ᠲᠤ ᠬᠦᠷᠴᠦ ᠪᠠᠶᠢᠨᠠ᠃ ᠪᠠᠶᠠᠨᠬᠤᠲᠠ ᠳᠠᠬᠢ ︽ᠨᠤᠲᠤᠭ ᠤᠨ ᠭᠠᠭ᠋ᠠᠢ | ᠦᠬᠡᠷ ᠬᠤᠨᠢ ᠲᠠᠬᠢᠶᠠᠨ ᠮᠢᠬᠠ︾ ᠶᠢᠨ ᠳᠡᠯᠭᠡᠭᠦᠷ ᠨᠢ ᠪᠠᠶᠠᠨᠨᠢᠷᠣᠭᠤᠨ ᠪᠠ ᠰᠢᠯᠢᠭᠤᠣᠯ ᠤᠨ ᠬᠥᠳᠡᠭᠡᠨ ᠤ ᠮᠠᠯ ᠤᠨ | ᠮᠢᠬᠠ ᠶᠢ ᠣᠷᠣᠭᠤᠯᠵᠤ ᠬᠤᠳᠠᠯᠳᠤᠳᠠᠭ᠃ ᠡᠵᠡᠨᠳᠡᠨ ᠯᠢ ᠣᠪᠣᠭᠲᠤ᠄ ︽ᠮᠠᠨ ᠤ ᠳᠡᠯᠭᠡᠭᠦᠷ ᠤᠨ ᠢᠷᠭᠡ ᠵᠢᠩ | ᠪᠦᠷᠢ ᠳᠤ 35 - 36 ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠡᠮᠡ ᠬᠤᠨᠢ ᠵᠢᠩ ᠪᠦᠷᠢ ᠳᠤ 25 - 26 ᠲᠥᠭᠦᠷᠢᠭ ᠲᠤ | ᠬᠦᠷᠴᠦ ᠪᠤᠢ᠃ ᠨᠢᠳᠤᠨᠤᠨ ᠠᠴᠠ ᠨᠢᠭᠡ ᠲᠥᠭᠦᠷᠢᠭ ᠵᠥᠷᠢᠵᠦ ᠪᠠᠶᠢᠨᠠ︾ ᠭᠡᠵᠦ ᠪᠠᠶᠢᠪᠠ᠃ | |