| | | ᠡᠷᠳᠡᠨᠢᠠ᠋ᠭᠤᠯᠠ᠂ ᠡᠷᠳᠡᠨᠢᠬᠦᠦ | | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠵᠠᠲᠠᠢ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠶᠢᠨ | ᠡᠵᠡᠨ ᠨᠠᠷᠠᠨᠴᠡᠴᠡᠭ ᠨᠢᠭᠡ ᠵᠠᠬᠠ ᠬᠥᠬᠡ ᠥᠩᠭᠡ ᠶᠢᠨ ᠴᠢᠰᠴᠡᠦ ᠲᠡᠷᠯᠢᠭ ᠢ ᠬᠠᠳᠠᠭᠠᠯᠠᠵᠤ ᠪᠠᠶᠢᠳᠠᠭ᠃ ︽ᠡᠨᠡ | ᠲᠡᠷᠯᠢᠭ ᠢ ᠨᠠᠭᠠ ᠡᠮᠡᠭᠡ ᠮᠢᠨᠢ ᠵᠠᠯᠠᠭᠤ ᠳᠠᠭᠠᠨ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠤᠳᠤ ᠪᠤᠳᠤᠪᠠᠯ ᠪᠠᠷᠤᠭ ᠵᠠᠭᠤᠨ | ᠵᠢᠯ ᠤᠨ ᠲᠡᠦᠬᠡ ᠲᠠᠢ ᠪᠣᠯᠵᠤ ᠪᠠᠶᠢᠬᠠ᠃ 1978 ᠣᠨ ᠳᠤ᠂ ᠨᠠᠮᠠᠶᠢ ᠠᠷᠪᠠᠨ ᠭᠤᠷᠪᠠᠲᠠᠢ ᠪᠠᠶᠢᠬᠤ ᠳᠤ ᠲᠣᠮᠣ | ᠪᠣᠯᠣᠭᠠᠳ ᠡᠮᠦᠰ ᠭᠡᠵᠦ ᠨᠠᠭᠠ ᠡᠮᠡᠭᠡ ᠮᠢᠨᠢ ᠥᠭᠭᠦᠭᠰᠡᠨ᠃ ᠡᠨᠡ ᠲᠡᠷᠯᠢᠭ ᠢ ᠪᠢ ᠳᠥᠴᠢᠭᠡᠳ ᠵᠢᠯ ᠬᠠᠳᠠᠭᠠᠯᠠᠵᠤ᠂ | ᠬᠤᠱᠣᠳ ᠲᠡᠷᠯᠢᠭ ᠤᠨ ᠲᠤᠬᠠᠢ ᠤᠯᠠᠨ ᠠᠷᠪᠢᠨ ᠶᠠᠭᠤᠮᠠ ᠶᠢ ᠮᠡᠳᠡᠵᠦ ᠣᠶᠢᠯᠠᠭᠠᠭᠰᠠᠨ ᠶᠤᠮ᠃ ᠮᠥᠨ ᠴᠦ ᠡᠨᠡ | ᠲᠡᠷᠯᠢᠭ ᠲᠠᠢ ᠬᠤᠯᠪᠤᠭᠠ ᠲᠠᠢ ᠦᠯᠢᠭᠡᠷ ᠤᠴᠢᠷ ᠤᠳ ᠨᠠᠮᠠᠶᠢ ᠦᠢᠯᠡ ᠤᠲᠠᠰᠤᠨ ᠤ ᠠᠵᠢᠯ ᠳᠤ ᠳᠤᠷᠠᠲᠠᠢ ᠪᠣᠯᠭᠠᠨ᠂ | ᠬᠤᠵᠢᠮ ᠨᠢ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠠᠵᠢᠯ ᠢ ᠡᠷᠭᠢᠯᠡᠵᠦ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ | ᠳᠡᠰ ᠤᠨ ᠠᠯᠠᠱᠠ ᠬᠤᠱᠣᠳ ᠵᠠᠰᠠᠯ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠪᠤᠯᠬᠤ ᠵᠠᠮ ᠳᠤ | ᠣᠷᠣᠭᠤᠯᠤᠭᠰᠠᠨ ᠶᠤᠮ︾ ᠭᠡᠵᠦ ᠲᠡᠷᠯᠢᠭ ᠢᠶᠠᠨ ᠡᠪᠬᠡᠬᠦ ᠶᠢᠨ ᠳᠠᠭᠠᠤ ᠶᠠᠷᠢᠨᠠ᠃ | ᠨᠠᠷᠠᠨᠴᠡᠴᠡᠭ ᠪᠠᠭᠠ ᠠᠴᠠ ᠪᠠᠨ ᠨᠠᠭᠠ ᠡᠮᠡᠭᠡ ᠶᠢᠨ ᠢᠶᠠᠨ ᠬᠠᠵᠠᠭᠤ ᠳᠤ ᠥᠰᠦᠭᠰᠡᠨ ᠪᠠᠶᠢᠵᠠᠢ᠃ ᠨᠠᠭᠠ | ᠡᠮᠡᠭᠡ ᠨᠢ ᠶᠡᠭᠡ ᠤᠷᠠᠨ ᠬᠥᠮᠥᠨ᠂ ᠬᠤᠪᠴᠠᠰᠤ ᠬᠤᠨᠠᠷ ᠱᠠᠬᠠᠢ ᠭᠤᠳᠤᠯ ᠢᠶᠠᠨ ᠪᠦᠷ ᠥᠪᠡᠷ ᠲᠡᠭᠡᠨ ᠡᠰᠬᠡᠵᠦ | ᠣᠶᠣᠳᠠᠭ ᠮᠥᠷᠲᠡᠭᠡᠨ ᠴᠡᠴᠡᠭ ᠰᠠᠶᠢᠬᠠᠨ ᠬᠠᠳᠬᠤᠳᠠᠭ ᠭᠡᠨᠡ᠃ ᠨᠠᠷᠠᠨᠴᠡᠴᠡᠭ ᠤᠳᠤ ᠴᠦ ᠭᠡᠰᠡᠨ ᠨᠠᠰᠤᠲᠠᠨ ᠤ | ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ ᠣᠶᠣᠭᠰᠠᠨ ᠬᠦᠬᠦᠷ ᠤᠨ ᠲᠡᠯᠢᠩ᠂ ᠰᠢᠷᠢᠭᠰᠡᠨ ᠭᠤᠳᠤᠯ ᠤᠨ ᠵᠤᠯᠤᠭ ᠢ ᠨᠢ | ᠬᠠᠳᠠᠭᠠᠯᠠᠵᠤ ᠪᠤᠢ᠃ ᠨᠠᠷᠠᠨᠴᠡᠴᠡᠭ ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠬᠥᠮᠥᠰ ᠪᠦᠷ ᠰᠢᠨᠡ ᠴᠠᠭ ᠤᠨ ᠣᠬᠤᠷ ᠬᠤᠪᠴᠠᠰᠤ | ᠡᠮᠦᠰᠳᠡᠭ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠳᠠᠯᠠ ᠭᠦᠷᠦᠭᠰᠡᠨ ᠨᠠᠭᠠ ᠡᠮᠡᠭᠡ ᠨᠢ ᠬᠠᠷᠢᠨ ᠵᠢᠯ ᠤᠨ ᠳᠦᠷᠪᠡᠨ ᠤᠯᠠᠷᠢᠯ ᠳᠤ | ᠲᠡᠷᠯᠢᠭ ᠡᠮᠦᠰᠳᠡᠭ ᠲᠤᠭᠠ ᠲᠠᠢ ᠬᠡᠳᠦᠨ ᠨᠠᠰᠤᠲᠠᠨ ᠤ ᠨᠢᠭᠡ ᠪᠠᠶᠢᠵᠠᠢ᠃ ︽ᠲᠡᠷᠯᠢᠭ ᠭᠡᠭᠴᠢ ᠰᠠᠯᠬᠢ ᠵᠢᠪᠠᠷ | ᠬᠦᠢᠲᠡᠨ ᠬᠠᠯᠠᠭᠤᠨ ᠠᠴᠠ ᠠᠶᠤᠬᠤ ᠦᠭᠡᠢ ᠰᠠᠶᠢᠬᠠᠨ ᠬᠤᠪᠴᠠᠰᠤ᠃ ᠬᠤᠴᠢᠪᠠᠯ ᠭᠦᠨᠵᠢᠯᠡ᠂ ᠬᠡᠲᠦᠷᠡᠪᠡᠯ ᠳᠡᠪᠡᠯ᠂ | ᠮᠣᠩᠭᠤᠯ ᠬᠥᠮᠥᠨ ᠲᠡᠷᠯᠢᠭ ᠲᠠᠢ ᠪᠠᠨ ᠪᠠᠶᠢᠭᠰᠠᠨ ᠴᠠᠭ ᠲᠤ ᠬᠡᠭᠡᠷᠡ ᠭᠠᠳᠠᠨᠠ ᠬᠤᠨᠣᠭᠰᠠᠨ ᠴᠤ ᠠᠵᠢᠷᠠᠬᠤ ᠦᠭᠡᠢ | ᠶᠤᠮ ᠭᠡᠵᠦ ᠨᠠᠰᠤ ᠪᠠᠷ ᠢᠶᠠᠨ ᠬᠠᠵᠢᠷ ᠭᠦᠵᠢᠷ ᠠᠵᠢᠯ ᠬᠢᠵᠦ ᠶᠠᠪᠤᠭᠰᠠᠨ ᠡᠮᠡᠭᠡ ᠮᠢᠨᠢ ᠠᠷᠭᠠᠯ ᠬᠤᠷᠮᠣᠶᠢᠯᠠᠭᠠᠳ | ᠶᠠᠪᠤᠬᠤ ᠵᠠᠭᠤᠷᠠ ᠪᠠᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠨᠢ ᠤᠳᠤ ᠴᠦ ᠭᠡᠰᠡᠨ ᠰᠠᠨᠠᠭᠳᠠᠬᠤ ᠶᠤᠮ︾ ᠭᠡᠵᠦ ᠨᠠᠷᠠᠨᠴᠡᠴᠡᠭ ᠨᠠᠭᠠ | ᠡᠮᠡᠭᠡ ᠪᠠᠨ ᠳᠤᠷᠠᠰᠤᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ︽ᠨᠠᠭᠠ ᠡᠮᠡᠭᠡ ᠣᠶᠣᠳᠠᠯ ᠣᠶᠣᠵᠤ ᠪᠠᠶᠢᠬᠤ ᠳᠤ ᠪᠢ ᠬᠠᠵᠠᠭᠤ ᠳᠤᠨᠢ ᠰᠠᠭᠤᠭᠠᠳ᠂ ᠰᠢᠳᠡᠬᠦ᠂ | ᠱᠠᠭᠯᠠᠬᠤ᠂ ᠭᠦᠪᠦᠷᠳᠡᠭᠦ᠂ ᠰᠢᠷᠢᠬᠦ᠂ ᠬᠠᠳᠬᠤᠬᠤ ᠭᠡᠬᠦᠴᠢᠯᠡᠨ ᠤᠯᠠᠨ ᠣᠶᠣᠳᠠᠯ ᠢ ᠨᠢ ᠭᠠᠶᠢᠬᠠᠨ᠂ ᠨᠢᠭᠡ | ᠮᠡᠳᠡᠬᠦ ᠳᠤ ᠨᠠᠭᠠ ᠡᠮᠡᠭᠡ ᠲᠠᠢ ᠨᠠᠭᠠᠯᠳᠤᠭᠠᠳ ᠣᠴᠢᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ ᠴᠠᠭᠠᠰᠢ ᠪᠠᠨ ᠰᠠᠭᠤ ᠭᠡᠵᠦ ᠨᠠᠭᠠ | ᠡᠮᠡᠭᠡ ᠲᠦᠪᠡᠭᠰᠢᠶᠡᠵᠦ ᠪᠠᠶᠢᠭᠰᠠᠨ ᠨᠢ ᠴᠡᠭᠡᠵᠢᠯᠡᠭᠳᠡᠵᠦ ᠪᠠᠶᠢᠨᠠ᠃ ᠬᠤᠵᠢᠮ ᠨᠢ ᠨᠠᠭᠠ ᠡᠮᠡᠭᠡ︿ᠡᠨᠡ ᠬᠡᠦᠬᠡᠳ | ᠣᠶᠣᠳᠠᠯ ᠳᠤ ᠳᠤᠷᠠᠲᠠᠢ ᠶᠤᠮ ᠪᠠᠶᠢᠨᠠ﹀ᠭᠡᠳ ᠪᠠᠭᠠ ᠪᠠᠭᠠ ᠪᠠᠷ ᠵᠢᠭᠠᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠪᠢ ᠠᠷᠪᠠᠨ | ᠭᠤᠷᠪᠠᠲᠠᠢ ᠳᠠᠭᠠᠨ ᠲᠡᠭᠦᠨ ᠤ ᠡᠰᠬᠡᠭᠰᠡᠨ ᠥᠮᠥᠳᠦ ᠶᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠠᠳ ᠣᠶᠣᠵᠤ ᠭᠠᠷᠭᠠᠳᠠᠭ ᠪᠣᠯᠤᠭᠰᠠᠨ᠃ | ᠨᠠᠭᠠ ᠡᠮᠡᠭᠡ ᠳᠤ ᠭᠤᠷᠪᠠ ᠳᠦᠷᠪᠡᠨ ᠲᠡᠷᠯᠢᠭ ᠲᠠᠢ ᠪᠠᠶᠢᠭᠰᠠᠨ ᠴᠦ ᠬᠡᠵᠢᠶᠡᠳᠡ ᠬᠠᠭᠤᠴᠢᠨ ᠲᠡᠷᠯᠢᠭ ᠢᠶᠠᠨ ᠰᠣᠯᠢᠵᠤ | ᠡᠮᠦᠰᠳᠡᠭ ᠪᠠᠶᠢᠯᠠ᠃ ᠡᠨᠡ ᠬᠥᠬᠡ ᠲᠡᠷᠯᠢᠭ ᠨᠢ ᠰᠢᠨᠡᠪᠲᠦᠷ ᠪᠣᠯᠬᠤᠷ ᠬᠡᠵᠢᠶᠡᠳᠡ ᠠᠪᠳᠠᠷᠠ ᠶᠢᠨ ᠳᠣᠣᠷᠠ ᠪᠠᠨ | ᠬᠠᠳᠠᠭᠠᠯᠠᠵᠤ ᠲᠠᠯᠪᠢᠳᠠᠭ᠃ ᠪᠢ ᠲᠡᠷᠯᠢᠭ ᠡᠮᠦᠰᠴᠦ ᠦᠵᠡᠬᠦ ᠰᠠᠨ ᠭᠡᠵᠦ ᠳᠤᠷᠠᠯᠠᠳᠠᠭ ᠪᠣᠯᠬᠤᠷ ᠪᠡᠶᠡ ᠪᠠᠨ | ᠳᠠᠭᠠᠭᠠᠵᠤ ᠬᠤᠪᠴᠠᠰᠤ ᠣᠶᠣᠵᠤ ᠰᠤᠷᠤᠬᠰᠠᠨ ᠢ ᠮᠢᠨᠢ ᠵᠣᠷᠢᠭᠵᠢᠭᠤᠯᠵᠤ᠂ ᠬᠠᠶᠢᠷᠠᠲᠠᠢ ᠲᠡᠷᠯᠢᠭ ᠢᠶᠠᠨ ᠱᠠᠩᠨᠠᠵᠤ | ᠥᠭᠭᠦᠭᠰᠡᠨ ᠶᠤᠮ᠃ ᠳᠡᠷᠡ ᠦᠶᠡ ᠳᠤ ᠤᠬᠠᠭᠠ ᠦᠭᠡᠢ ᠪᠠᠶᠠᠷᠯᠠᠭᠰᠠᠨ᠂ ᠭᠡᠪᠡᠴᠦ ᠪᠢ ᠡᠨᠡ ᠬᠦ ᠬᠤᠱᠣᠳ | ᠪᠦᠰᠡᠭᠦᠢ ᠲᠡᠷᠯᠢᠭ ᠢ ᠬᠠᠶᠢᠷᠠᠯᠠᠭᠠᠳ ᠡᠮᠦᠰᠦᠭᠡᠳᠦᠢ᠂ ᠬᠠᠷᠢᠨ ᠬᠤᠵᠢᠮ ᠲᠡᠭᠦᠨ ᠢ ᠳᠠᠭᠤᠷᠢᠶᠠᠯᠭᠠᠨ᠂ ᠥᠪᠡᠷ ᠲᠡᠭᠡᠨ | ᠤᠯᠠᠨ ᠵᠠᠬᠠ ᠲᠡᠷᠯᠢᠭ ᠬᠢᠵᠦ ᠡᠮᠦᠰᠦᠶᠡ ᠭᠡᠵᠦ ᠪᠤᠳᠤᠭᠠᠳ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠭᠰᠠᠨ ᠪᠢᠯᠡ︾ ᠭᠡᠵᠦ | ᠨᠠᠷᠠᠨᠴᠡᠴᠡᠭ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠤᠴᠢᠷ ᠢᠶᠠᠨ ᠳᠡᠯᠭᠡᠬᠦ ᠳᠤ ᠨᠢᠳᠦ ᠨᠢ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠵᠠᠶᠢᠷᠲᠤᠨᠠ᠃ | | ︽ᠣᠨ ᠵᠢᠯ ᠥᠩᠭᠡᠷᠡᠨ᠂ ᠨᠡᠶᠢᠭᠡᠮ ᠤᠯᠠᠮ ᠠᠴᠠ ᠤᠯᠠᠮ ᠬᠥᠭᠵᠢᠯᠡ᠃ ᠨᠠᠶᠠᠭᠠᠳ ᠣᠨ ᠤ ᠡᠬᠢ | ᠪᠠᠷ ᠠᠪᠤ ᠡᠵᠢ ᠨᠢᠭᠡ ᠣᠶᠣᠳᠠᠯ ᠤᠨ ᠮᠠᠰᠢᠨ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠶᠤᠮ᠃ ᠳᠡᠷᠡ ᠦᠶᠡ ᠳᠤ ᠪᠢ ᠣᠶᠣᠳᠠᠯ ᠤᠨ | ᠮᠠᠰᠢᠨ ᠢ ᠬᠡᠷᠡᠭᠯᠡᠵᠦ ᠰᠤᠷᠤᠬᠰᠠᠨ᠂ ᠬᠡᠳᠦᠶᠢᠪᠡᠷ ᠠᠷᠪᠠᠨ ᠳᠤᠯᠤᠭᠠ ᠨᠠᠢᠮᠠ ᠲᠠᠢ ᠪᠠᠶᠢᠭᠰᠠᠨ ᠴᠦ ᠭᠡᠷ ᠤᠨ | ᠬᠥᠮᠥᠰ ᠤᠨ ᠢᠶᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠪᠦᠷ ᠣᠶᠣᠵᠤ ᠦᠭᠳᠡᠭ ᠪᠠᠶᠢᠯᠠ᠃ ᠮᠠᠰᠢᠨ ᠣᠶᠣᠳᠠᠯ ᠳᠡᠷᠢ ᠲᠡᠭᠰᠢ | ᠪᠤᠯᠪᠠᠴᠤ ᠳᠡᠷᠡ ᠦᠶᠡ ᠶᠢᠨ ᠬᠥᠮᠥᠨ ᠤ ᠭᠠᠷ ᠣᠶᠣᠳᠠᠯ ᠢ ᠪᠢ ᠤᠳᠤ ᠪᠤᠯᠳᠠᠯᠠ ᠪᠢᠰᠢᠷᠡᠬᠦ ᠶᠤᠮ᠃ ᠡᠨᠡ ᠵᠠᠬᠠ | ᠲᠡᠷᠯᠢᠭ ᠢᠶᠠᠷ ᠠᠪᠴᠤ ᠬᠡᠯᠡᠪᠡᠯ ᠣᠶᠣᠳᠠᠯ ᠨᠢ ᠮᠠᠰᠢᠨ ᠣᠶᠣᠳᠠᠯ ᠰᠢᠭ᠋ ᠲᠡᠭᠰᠢ ᠰᠠᠶᠢᠬᠠᠨ ᠵᠢᠷᠠᠯᠵᠡᠵᠦ ᠬᠠᠷᠠᠭᠳᠠᠨᠠ᠃ | ᠲᠡᠷᠯᠢᠭ ᠢ ᠳᠠᠪᠬᠤᠷ ᠨᠢᠳᠦ ᠭᠠᠷᠭᠠᠨ ᠣᠶᠣᠭᠰᠠᠨ ᠪᠠᠶᠢᠪᠠ᠂ ᠡᠨᠡ ᠬᠦ ᠣᠶᠣᠳᠠᠯ ᠨᠢ ᠤᠳᠤ ᠪᠦᠷ ᠬᠠᠷᠠᠭᠳᠠᠬᠤ ᠦᠭᠡᠢ | ᠪᠣᠯᠵᠠᠢ᠃ ᠴᠢᠰᠴᠡᠦ ᠪᠥᠰ ᠢᠶᠠᠷ ᠭᠠᠳᠠᠷᠯᠠᠵᠤ᠂ ᠭᠠᠷ ᠢᠶᠠᠷ ᠨᠡᠬᠡᠭᠰᠡᠨ ᠪᠥᠰ ᠢᠶᠠᠷ ᠳᠣᠲᠣᠷᠯᠠᠭᠰᠠᠨ ᠡᠨᠡ ᠲᠡᠷᠯᠢᠭ ᠣᠨ | ᠰᠠᠷᠠ ᠶᠢ ᠭᠡᠷᠡᠴᠢᠯᠡᠬᠦ ᠶᠤᠮ ᠪᠢᠯᠡ︾ ᠬᠡᠮᠡᠨ ᠲᠡᠷᠯᠢᠭ ᠢᠶᠠᠨ ᠨᠠᠨᠳᠢᠩᠨᠠᠨ ᠢᠯᠪᠢᠬᠦ ᠳᠤ ᠡᠷᠲᠡ ᠤᠵᠤᠭᠤᠷ ᠤᠨ ᠤᠯᠠᠨ | ᠰᠠᠶᠢᠬᠠᠨ ᠳᠤᠷᠠᠳᠬᠠᠯ ᠨᠢ ᠭᠦᠪᠦᠷᠡᠵᠦ ᠪᠠᠶᠢᠯᠠ᠃ | ᠨᠠᠷᠠᠨᠴᠡᠴᠡᠭ ᠬᠤᠵᠢᠮ ᠨᠢ ᠬᠤᠳᠠ ᠣᠷᠣᠵᠤ ᠠ᠊ · ᠪᠦᠷᠢᠨ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ | ᠳᠡᠯᠭᠡᠭᠦᠷ ᠲᠤ ᠠᠵᠢᠯᠯᠠᠨ᠂ ᠮᠣᠩᠭᠤᠯ ᠲᠡᠷᠯᠢᠭ ᠡᠰᠬᠡᠵᠦ ᠣᠶᠣᠬᠤ ᠲᠤᠬᠠᠢ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠵᠦ ᠡᠬᠢᠯᠡᠵᠡᠢ᠃ | ᠳᠡᠷᠡ᠄ ︽ᠠ᠊ · ᠪᠦᠷᠢᠨ ᠪᠠᠭᠰᠢ ᠶᠢᠨ ᠵᠢᠯᠣᠭᠤᠳᠤᠯᠭᠠ ᠪᠠᠷ ᠠᠯᠠᠱᠠ ᠶᠢᠨ ᠬᠤᠱᠣᠳ᠂ ᠲᠣᠷᠭᠤᠳ᠂ ᠬᠠᠯᠬᠠ᠂ | ᠭᠦᠢᠪᠦᠷᠢ ᠶᠢᠨ ᠢᠰᠯᠠᠮ ᠰᠢᠳᠦᠯᠭᠡᠳᠦ ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠢ ᠣᠶᠣᠵᠤ ᠰᠤᠷᠤᠬᠰᠠᠨ᠃ ᠠᠯᠠᠱᠠ | ᠬᠤᠱᠣᠳ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠲᠤᠬᠠᠢ ᠨᠡᠩ ᠶᠡᠭᠡ ᠣᠶᠢᠯᠠᠭᠠᠯᠲᠠ ᠲᠠᠢ ᠪᠣᠯᠵᠤ᠂ ᠤᠳᠤ ᠶᠢᠨ ᠠᠵᠢᠯ | ᠦᠢᠯᠡᠰ ᠢᠶᠠᠨ ᠡᠷᠭᠢᠯᠡᠭᠦ ᠳᠤ ᠰᠠᠭᠤᠷᠢ ᠲᠠᠢ ᠪᠣᠯᠤᠭᠰᠠᠨ ᠶᠤᠮ᠃ ᠮᠥᠨ ᠴᠦ ᠡᠨᠡ ᠦᠶᠡ ᠳᠤ ᠪᠢ ᠥᠪᠡᠷ ᠢᠶᠠᠨ | ᠲᠡᠷᠯᠢᠭ ᠡᠰᠬᠡᠵᠦ ᠣᠶᠣᠵᠤ ᠰᠤᠷᠬᠤ ᠰᠠᠨ ᠭᠡᠰᠡᠨ ᠪᠠᠭᠠ ᠶᠢᠨ ᠬᠦᠰᠡᠯ ᠢᠶᠠᠨ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠵᠠᠢ︾ ᠭᠡᠵᠦ | ᠵᠠᠩᠭᠢᠷᠬᠠᠨᠠ᠃ | ᠨᠠᠷᠠᠨᠴᠡᠴᠡᠭ 2008 ᠣᠨ ᠳᠤ᠂ ᠠᠵᠠᠲᠠᠢ ᠮᠣᠩᠭᠤᠯ ᠬᠤᠪᠴᠠᠰᠤᠨ ᠤ ᠣᠶᠣᠳᠠᠯ ᠤᠨ ᠭᠠᠵᠠᠷ ᠢᠶᠠᠨ | ᠭᠠᠷᠭᠠᠵᠤ᠂ 2017 ᠣᠨ ᠳᠤ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠵᠠᠲᠠᠢ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ | ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠤᠮᠫᠠᠨᠢ ᠶᠢ ᠪᠠᠶᠢᠭᠤᠯᠤᠨ᠂ ︽ᠠᠵᠠᠲᠠᠢ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ︾ ᠲᠠᠸᠠᠷ ᠤᠨ | ᠲᠡᠮᠳᠡᠭ ᠢ ᠳᠠᠩᠰᠠᠯᠠᠭᠤᠯᠵᠠᠢ᠃ ᠺᠤᠮᠫᠠᠨᠢ ᠨᠢ ᠣᠲᠣ 280 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠳᠠᠯᠠᠪᠠᠢ ᠪᠦᠬᠦᠢ ᠬᠤᠱᠣᠳ | ᠬᠤᠪᠴᠠᠰᠤ ᠵᠠᠰᠠᠯ ᠣᠶᠣᠬᠤ ᠰᠠᠭᠤᠷᠢᠨ᠂ 200 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠳᠠᠯᠠᠪᠠᠢ ᠪᠦᠬᠦᠢ ᠪᠣᠯᠪᠠᠰᠤᠷᠠᠯ ᠤᠨ | ᠰᠠᠭᠤᠷᠢᠨ᠂ 15 ᠪᠠᠶᠢᠩᠭᠤ ᠶᠢᠨ ᠠᠵᠢᠯᠲᠠᠨ ᠲᠠᠢ ᠪᠣᠯᠵᠤ ᠬᠥᠭᠵᠢᠵᠡᠢ᠃ ᠣᠶᠣᠳᠠᠯ ᠤᠨ ᠮᠠᠰᠢᠨ᠂ ᠭᠦᠪᠡᠭᠡ | ᠳᠠᠷᠤᠬᠤ ᠮᠠᠰᠢᠨ᠂ ᠴᠡᠴᠡᠭ ᠬᠠᠳᠬᠤᠬᠤ ᠮᠠᠰᠢᠨ᠂ ᠢᠯᠡᠦᠷᠳᠡᠭᠦ ᠮᠠᠰᠢᠨ ᠭᠡᠬᠦᠴᠢᠯᠡᠨ ᠪᠦᠭᠦ ᠶᠠᠭᠤᠮᠠ ᠮᠠᠰᠢᠨᠴᠢᠯᠠᠵᠤ᠂ | ᠵᠢᠷᠤᠭ ᠲᠥᠯᠥᠪᠯᠡᠭᠡ ᠪᠠᠨ ᠺᠤᠮᠫᠢᠦ᠋ᠲ᠋ᠧᠷ ᠳᠡᠭᠡᠷᠡ ᠤᠷᠠᠯᠠᠬᠤ ᠪᠣᠯᠵᠠᠢ᠃ ᠳᠡᠷᠡ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ | ᠲᠤᠬᠠᠢ ᠨᠣᠮ ᠰᠤᠳᠤᠷ ᠬᠤᠳᠠᠯᠳᠤᠨ ᠠᠪᠴᠤ᠂ ᠠᠯᠠᠱᠠ ᠶᠢᠨ ᠬᠤᠱᠣᠳ ᠤᠯᠠᠮᠵᠢᠯᠠᠯᠲᠤ ᠬᠤᠪᠴᠠᠰᠤ ᠵᠠᠰᠠᠯ ᠢ ᠤᠯᠠᠮ | ᠴᠢᠨᠠᠭᠰᠢᠳᠠ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠵᠦ ᠰᠤᠳᠤᠯᠤᠨ᠂ ᠤᠯᠠᠮᠵᠢᠯᠠᠯᠲᠤ ᠬᠤᠪᠴᠠᠰᠤ ᠵᠠᠰᠠᠯ ᠪᠠ ᠤᠳᠤ ᠦᠶᠡ ᠶᠢᠨ | ᠡᠯᠧᠮᠧᠨ᠋ᠲ ᠢ ᠠᠭᠤᠰᠤᠯᠴᠠᠭᠤᠯᠤᠭᠠᠳ᠂ ᠵᠢᠷᠤᠵᠤ ᠲᠥᠯᠥᠪᠯᠡᠭᠰᠡᠨ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠨᠢ | ᠨᠡᠶᠢᠭᠡᠮ ᠳᠤ ᠮᠡᠳᠡᠷᠡᠭᠳᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠺᠤᠮᠫᠠᠨᠢ ᠪᠠᠨ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠨᠠᠭᠠᠰᠢ᠂ ᠠᠯᠠᠱᠠ | ᠬᠤᠱᠣᠳ ᠤᠯᠠᠮᠵᠢᠯᠠᠯᠲᠤ ᠬᠤᠪᠴᠠᠰᠤ ᠵᠠᠰᠠᠯ ᠵᠢᠴᠢ ᠬᠤᠱᠣᠳ ᠮᠠᠶ᠋ᠢᠭ ᠤᠨ ᠲᠠᠶᠢᠰᠠᠨ ᠤᠷᠠᠯᠢᠭ ᠤᠨ ᠲᠡᠷᠯᠢᠭ᠂ | ᠦᠢᠯᠡᠴᠢᠯᠡᠭᠡᠨ ᠤ ᠬᠤᠪᠴᠠᠰᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠪᠴᠠᠰᠤ ᠶᠢ ᠵᠢᠷᠤᠵᠤ ᠲᠥᠰᠥᠪᠯᠡᠨ᠂ ᠨᠠᠶᠢᠳᠠ ᠪᠠᠷᠤᠭ 1 | ᠲᠦᠮᠡ ᠬᠦᠷᠬᠦ ᠲᠡᠷᠯᠢᠭ ᠣᠶᠣᠵᠠᠢ᠃ ᠣᠶᠢᠷᠠ ᠶᠢᠨ ᠵᠢᠯ ᠳᠤ ᠳᠡᠷᠡ 50 ᠭᠠᠷᠤᠢ ᠱᠠᠪᠢ ᠬᠥᠮᠥᠵᠢᠭᠦᠯᠵᠦ᠂ | ᠲᠡᠳᠡᠨᠡᠷ ᠤᠨ ᠣᠯᠠᠩᠬᠢ ᠨᠢ ᠮᠠᠯᠵᠢᠬᠤ ᠪᠠᠨ ᠵᠣᠭᠰᠣᠭᠠᠭᠰᠠᠨ ᠮᠠᠯᠴᠢᠨ᠂ ᠬᠤᠲᠠ ᠶᠢᠨ ᠠᠵᠢᠯ ᠤᠨ ᠪᠠᠶᠢᠷᠢ ᠠᠴᠠ ᠪᠠᠨ | ᠪᠠᠭᠤᠭᠰᠠᠳ ᠪᠠ ᠵᠡᠮᠳᠡᠭᠴᠦᠳ ᠢᠶᠠᠷ ᠭᠤᠣᠯᠯᠠᠵᠤ᠂ ᠵᠠᠷᠢᠮ ᠨᠢ ᠨᠢᠭᠡᠨᠲᠡ ᠪᠡᠶᠡ ᠪᠠᠨ ᠳᠠᠭᠠᠭᠠᠬᠤ ᠪᠣᠯᠤᠭᠰᠠᠨ ᠪᠤᠶᠤ | ᠣᠶᠣᠳᠠᠯ ᠤᠨ ᠭᠠᠵᠠᠷ ᠭᠠᠷᠭᠠᠨ᠂ ᠥᠪᠡᠷ ᠤᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠡᠷᠭᠢᠯᠡᠭᠦ ᠪᠣᠯᠵᠠᠢ᠃ ᠣᠶᠢᠷᠠ ᠶᠢᠨ ᠵᠢᠯ ᠳᠤ᠂ | ᠺᠤᠮᠫᠠᠨᠢ ᠨᠢ ᠬᠤᠪᠢ ᠬᠥᠮᠥᠨ ᠪᠠ ᠪᠠᠶᠢᠭᠤᠯᠭᠠ ᠨᠢᠭᠡᠴᠢ ᠶᠢᠨ ᠲᠡᠷᠯᠢᠭ ᠣᠶᠣᠬᠤ ᠵᠠᠬᠢᠶᠠᠯᠠᠭᠠ ᠶᠢ ᠵᠢᠯ ᠪᠦᠷᠢ ᠪᠠᠷᠤᠭ | ᠮᠢᠩᠭᠠ ᠭᠠᠷᠤᠢ ᠳᠤᠰᠴᠦ᠂ ᠳᠡᠳᠡ ᠡᠳᠦᠷ ᠰᠥᠨᠢ ᠦᠭᠡᠢ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ᠃ | ᠨᠢᠭᠡ ᠵᠠᠬᠠ ᠴᠢᠰᠴᠡᠦ ᠲᠡᠷᠯᠢᠭ ᠠᠴᠠ ᠤᠯᠠᠨ ᠰᠠᠶᠢᠬᠠᠨ ᠦᠯᠢᠭᠡᠷ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠨᠠ᠃ | 2017 ᠣᠨ ᠳᠤ ᠨᠠᠷᠠᠨᠴᠡᠴᠡᠭ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠳᠡᠰ ᠤᠨ ᠠᠯᠠᠱᠠ ᠬᠤᠱᠣᠳ ᠵᠠᠰᠠᠯ ᠤᠨ | ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠪᠣᠯᠵᠠᠢ᠃ | ᠣᠶᠢᠷᠠ ᠶᠢᠨ ᠵᠢᠯ ᠳᠤ᠂ ᠨᠠᠷᠠᠨᠴᠡᠴᠡᠭ ᠤᠷᠢᠳ ᠬᠤᠵᠢᠳ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ 70 | ᠵᠢᠯ ᠤᠨ ᠤᠢ ᠶᠢ ᠪᠡᠯᠭᠡᠯᠡᠬᠦ ᠠᠯᠠᠱᠠ ᠠᠶᠢᠮᠠᠭ ᠤᠨ ᠲᠥᠯᠥᠭᠡᠯᠡᠭᠴᠢᠳ ᠤᠨ ᠠᠩᠭᠢ ᠶᠢᠨ ᠬᠤᠪᠴᠠᠰᠤ ᠵᠠᠰᠠᠯ᠂ ︽ | ᠠᠯᠠᠱᠠ ᠬᠤᠷᠢᠮ︾ ᠤᠨ ᠲᠣᠭᠯᠠᠭᠴᠢᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠵᠡᠷᠭᠡ ᠲᠣᠮᠣ ᠬᠡᠮᠵᠢᠶᠡᠨ ᠤ ᠠᠵᠢᠯᠯᠠᠭᠠ ᠶᠢᠨ | ᠬᠤᠪᠴᠠᠰᠤ ᠵᠠᠰᠠᠯ ᠢ ᠬᠠᠷᠢᠭᠤᠴᠠᠨ ᠬᠢᠭᠰᠡᠨ ᠪᠥᠭᠡᠳ ᠪᠦᠭᠦ ᠤᠯᠤᠰ᠂ ᠪᠦᠭᠦ ᠣᠷᠣᠨ ᠤ ᠮᠣᠩᠭᠤᠯ ᠬᠤᠪᠴᠠᠰᠤ | ᠵᠠᠰᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠣᠯᠠᠨᠲᠠ ᠣᠷᠣᠯᠴᠠᠨ ᠱᠠᠩᠨᠠᠭᠳᠠᠵᠤ᠂ ᠠᠯᠠᠱᠠ ᠮᠣᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ | ᠦᠢᠯᠡᠰ ᠤᠨ ᠬᠥᠭᠵᠢᠯᠲᠡ ᠳᠤ ᠥᠪᠡᠷ ᠤᠨ ᠭᠡᠰᠡᠨ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠨᠠᠷᠠᠨᠴᠡᠴᠡᠭ᠄ | ︽ᠠᠵᠤ ᠠᠬᠤᠢ ᠨᠡᠶᠢᠭᠡᠮ ᠬᠥᠭᠵᠢᠭᠡᠳ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠮᠠᠰᠢ ᠵᠢᠷᠭᠠᠯᠲᠠᠢ ᠪᠣᠯᠵᠠᠢ᠃ ᠮᠢᠨᠤ ᠪᠠᠭᠠ ᠳᠤ | ᠬᠠᠶᠠ ᠨᠢᠭᠡ ᠨᠠᠰᠤᠲᠠᠢ ᠬᠥᠮᠥᠨ ᠲᠡᠷᠯᠢᠭ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠪᠣᠯ ᠤᠳᠤ ᠬᠥᠭᠰᠢᠨ ᠵᠠᠯᠠᠭᠤ ᠦᠭᠡᠢ | ᠲᠡᠷᠯᠢᠭ ᠢᠶᠠᠷ ᠢᠶᠠᠨ ᠭᠤᠶᠣᠯᠠᠬᠤ ᠪᠣᠯᠵᠤ᠂ ᠳᠦᠷᠪᠡᠨ ᠤᠯᠠᠷᠢᠯ ᠤᠨ ᠶᠠᠩᠵᠤ ᠪᠦᠷᠢ ᠶᠢᠨ ᠥᠩᠭᠡ᠂ ᠶᠠᠩᠵᠤ | ᠪᠦᠷᠢ ᠶᠢᠨ ᠪᠥᠰ ᠪᠠᠷᠠᠭᠠ᠂ ᠶᠠᠩᠵᠤ ᠪᠦᠷᠢ ᠶᠢᠨ ᠭᠡᠯᠪᠡᠷᠢ ᠮᠠᠶ᠋ᠢᠭ ᠢ ᠰᠣᠩᠭᠤᠵᠤ ᠲᠡᠷᠯᠢᠭ ᠬᠢᠯᠭᠡᠨ ᠡᠮᠦᠰᠳᠡᠭ | ᠪᠣᠯᠣᠯᠠ᠃ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠨᠢ ᠦᠨᠳᠦᠰᠦᠲᠡᠨ ᠤ ᠣᠶᠤᠨ ᠤᠬᠠᠭᠠᠨ ᠪᠣᠯᠣᠨ ᠵᠣᠷᠢᠭ ᠰᠠᠨᠠᠭᠠ | ᠶᠢᠨ ᠲᠥᠯᠥᠭᠡᠯᠡᠯ ᠪᠣᠯᠬᠤᠷ᠂ ᠠᠷᠠᠳ ᠤᠯᠠᠨ ᠤ ᠦᠶᠡ ᠤᠯᠠᠷᠢᠨ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ ᠪᠣᠳᠠᠰ ᠤᠨ ᠪᠤᠰᠤ | ᠰᠣᠶᠣᠯ ᠤᠨ ᠥᠪ ᠬᠥᠷᠥᠩᠭᠡ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ ᠠᠯᠠᠱᠠ ᠬᠤᠱᠣᠳ ᠬᠤᠪᠴᠠᠰᠤ ᠵᠠᠰᠠᠯ ᠪᠣᠯ ᠳᠠᠷᠤᠢ | ᠲᠡᠳᠡᠭᠡᠷ︿ᠦᠨᠡᠲᠦ ᠡᠷᠳᠡᠨᠢ﹀ ᠶᠢᠨ ᠨᠢᠭᠡ ᠨᠢ ᠮᠥᠨ᠃ ᠪᠢ ᠲᠡᠭᠦᠨ ᠢ ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ ᠶᠠᠪᠤᠬᠤ ᠶᠢ ᠨᠠᠰᠤᠨ ᠤ | ᠬᠥᠭᠡᠭᠡᠴᠡᠯᠳᠦᠯ ᠢᠶᠠᠨ ᠪᠤᠯᠭᠠᠬᠰᠠᠨ ᠳᠠᠭᠠᠨ ᠣᠮᠣᠭᠰᠢᠵᠤ ᠪᠠᠶᠢᠨᠠ᠃ ᠡᠶᠢᠮᠦ ᠳᠡᠭᠡᠨ ᠴᠢᠰᠴᠡᠦ ᠲᠡᠷᠯᠢᠭ ᠠᠴᠠ | ᠣᠯᠣᠭᠰᠠᠨ ᠤᠶᠤᠨ ᠮᠡᠳᠡᠷᠡᠮᠵᠢ ᠪᠠᠨ ᠨᠡᠩ ᠤᠯᠠᠨ ᠲᠡᠷᠯᠢᠭ ᠲᠤ ᠠᠭᠤᠰᠬᠠᠨ᠂ ᠠᠯᠠᠱᠠ ᠬᠤᠱᠣᠳ ᠬᠤᠪᠴᠠᠰᠤ | ᠵᠠᠰᠠᠯ ᠤᠨ ᠰᠣᠶᠣᠯ ᠢᠶᠠᠨ ᠤᠯᠠᠨ ᠤ ᠬᠠᠷᠠᠭᠠᠨ ᠳᠤ ᠲᠠᠨᠢᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ ᠶᠠᠪᠤᠨᠠ︾ ᠭᠡᠵᠦ ᠢᠲᠡᠭᠡᠯ | ᠳᠦᠭᠦᠷᠡᠩ ᠶᠠᠷᠢᠵᠤ ᠪᠠᠶᠢᠯᠠ᠃ | | |