| | ● ᠰᠡᠴᠡᠨ᠂ ᠡᠷᠳᠡᠨᠢᠬᠦᠦ | | ᠣᠷᠴᠢᠮᠬᠠᠨ ᠮᠠᠨ ᠤ ᠣᠷᠣᠨ ᠤ ᠪᠠᠷᠠᠭᠤᠨ ᠲᠤᠯᠤᠭᠠᠨ ᠠᠶᠢᠮᠠᠭ ᠬᠤᠳᠠ ᠶᠢᠨ ᠭᠤᠷᠪᠠᠳᠤᠭᠠᠷ | ᠤᠳᠠᠭᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠪᠠᠶᠠᠨᠬᠤᠲᠠ ᠳᠤ ᠶᠠᠪᠤᠭᠳᠠᠵᠤ᠂ ᠥᠪᠥᠷ | ᠮᠣᠩᠭᠤᠯ ᠤᠨ ᠭᠦᠭᠡᠬᠤᠳᠠ᠂ ᠪᠤᠭᠤᠲᠤ᠂ ᠣᠷᠳᠣᠰ᠂ ᠦᠬᠠᠢ᠂ ᠪᠠᠶᠠᠨᠨᠠᠭᠤᠷ᠂ ᠤᠯᠠᠭᠠᠨᠴᠠᠪ᠂ ᠰᠢᠯᠢ ᠶᠢᠨ ᠭᠤᠣᠯ᠂ | ᠠᠯᠠᠱᠠ ᠵᠡᠷᠭᠡ ᠠᠶᠢᠮᠠᠭ ᠬᠤᠳᠠ ᠶᠢᠨ 240 ᠭᠠᠷᠤᠢ ᠬᠠᠷᠪᠤᠭᠠᠴᠢᠳ ᠤᠷᠤᠯᠴᠠᠵᠦ᠂ ᠡᠷᠡᠬᠡᠢ ᠶᠢᠨ ᠮᠡᠷᠭᠡᠨ᠂ ᠰᠡᠴᠡᠨ | ᠤᠬᠠᠭᠠᠨ ᠢᠶᠠᠨ ᠰᠢᠯᠭᠠᠵᠤ ᠰᠣᠷᠢᠭᠰᠠᠨ ᠰᠠᠶᠢᠬᠠᠨ ᠨᠠᠭᠠᠳᠤᠮ ᠪᠣᠯᠣᠯᠠ᠃ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠨᠢᠭᠡ ᠲᠦᠷᠦᠯ ᠪᠣᠯᠤᠭᠰᠠᠨ ᠰᠤᠷ ᠬᠠᠷᠪᠤᠯᠲᠠ ᠨᠢ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠡᠷᠡ ᠴᠢᠳᠠᠯ᠂ ᠡᠷᠡᠬᠡᠢ ᠶᠢᠨ ᠮᠡᠷᠭᠡᠨ ᠢ ᠰᠢᠯᠭᠠᠬᠤ ᠲᠡᠳᠦᠢ ᠦᠭᠡᠢ ᠰᠡᠴᠡᠨ ᠮᠡᠷᠭᠡᠨ ᠤᠬᠠᠭᠠᠨ | ᠪᠢᠯᠢᠭ ᠢ ᠰᠣᠷᠢᠭᠰᠠᠨ ᠲᠠᠮᠢᠷ ᠤᠨ ᠲᠦᠷᠦᠯ ᠪᠣᠯᠬᠤᠷ ᠠᠷᠠᠳ ᠤᠯᠠᠨ ᠤ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠵᠤ᠂ ᠦᠶᠡ ᠲᠠᠮᠵᠢᠨ | ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃ ᠨᠤᠮᠤ ᠰᠤᠮᠤ ᠨᠢ ᠡᠷᠲᠡ ᠳᠡᠭᠡᠳᠦ ᠣᠪᠣᠭ ᠪᠠᠶᠢᠭᠤᠯᠤᠯ ᠤᠨ ᠦᠶᠡ ᠳᠤ | ᠠᠩ ᠠᠩᠨᠠᠭᠤᠷ ᠤᠨ ᠪᠤᠶᠤ ᠴᠡᠷᠢᠭ ᠲᠠᠶᠢᠨ ᠤ ᠵᠡᠷ ᠵᠡᠪᠰᠡᠭ ᠪᠠᠶᠢᠭᠰᠠᠨ ᠪᠣᠯ ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠠᠴᠠ | ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠮᠥᠷᠥᠶᠢᠴᠡᠭᠡᠨ ᠤ ᠨᠢᠭᠡᠨ ᠵᠦᠢᠯ ᠤᠨ ᠬᠡᠷᠡᠭᠯᠡᠯ ᠪᠣᠯᠵᠤ ᠬᠡᠷᠡᠭᠴᠡᠭᠡ ᠨᠢ ᠤᠯᠠᠮ ᠢᠶᠠᠷ | ᠥᠷᠭᠡᠵᠢᠭᠰᠡᠭᠡᠷ ᠢᠷᠡᠵᠡᠢ᠃ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠪᠠᠨ ᠰᠤᠷᠴᠤ ᠤᠯᠠᠮᠵᠢᠯᠠᠬᠤ ᠬᠥᠮᠥᠨ ᠡᠳᠦᠷ ᠢᠷᠡᠬᠦᠶᠡ | ᠣᠯᠠᠰᠢᠷᠠᠭᠰᠠᠨ ᠨᠢ ᠡᠨᠡ ᠬᠦ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠨᠢ ᠬᠥᠮᠥᠨ ᠤ ᠪᠡᠶᠡ ᠮᠠᠬᠠᠪᠤᠳ ᠢ ᠳᠠᠪᠲᠠᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠤᠶᠤ ᠰᠡᠳᠬᠢᠯ ᠢᠶᠠᠨ ᠴᠢᠩᠭᠠᠯᠠᠬᠤ ᠳᠤ ᠢᠳᠡᠪᠬᠢ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠭᠠ ᠶᠢᠨ ᠤᠴᠢᠷ ᠪᠢᠵᠡ᠃ | ᠡᠶᠢᠨ ᠬᠦ ᠲᠤᠰ ᠤᠳᠠᠭᠠᠨ ᠤ ᠨᠠᠶᠢᠷ ᠲᠤ ᠢᠷᠡᠯᠴᠡᠭᠰᠡᠨ ᠭᠠᠵᠠᠷ ᠭᠠᠵᠠᠷ ᠤᠨ ᠨᠠᠭᠠᠳᠤᠮᠴᠢᠨ ᠠᠴᠠ ᠶᠠᠭᠠᠬᠢᠭᠠᠳ ᠰᠤᠷ | ᠬᠠᠷᠪᠤᠭᠠ ᠬᠡᠮᠡᠬᠦ ᠤᠯᠠᠮᠵᠢᠯᠠᠯᠲᠤ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠲᠠᠢ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠣᠯᠤᠭᠰᠠᠨ | ᠲᠤᠬᠠᠢ᠂ ᠮᠥᠨᠴᠦ ᠰᠤᠷ ᠬᠠᠷᠪᠤᠭᠠ ᠰᠤᠷᠤᠬᠰᠠᠨ ᠠᠴᠠ ᠨᠠᠭᠠᠰᠢᠬᠢ ᠪᠡᠶᠡ ᠰᠡᠳᠬᠢᠴᠡ ᠶᠢᠨ ᠲᠠᠯᠠ ᠶᠢᠨ | ᠬᠤᠪᠢᠷᠠᠯᠲᠠ ᠶᠢ ᠨᠢ ᠰᠤᠷᠪᠤᠯᠵᠢᠯᠠᠨ ᠲᠡᠮᠳᠡᠭᠯᠡᠵᠦ ᠪᠢᠯᠡ᠃ | ᠣᠷᠳᠣᠰ ᠬᠤᠳᠠ ᠶᠢᠨ ᠦᠦᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ᠤ ᠮᠠᠯᠴᠢᠨ ᠬᠠᠰᠮᠥ᠋ᠷᠡᠨ - ᠰᠤᠷ | ᠬᠠᠷᠪᠤᠭᠠ ᠰᠤᠷᠤᠬᠰᠠᠨ ᠠᠴᠠ ᠦᠶᠡ ᠭᠡᠰᠢᠭᠦᠦ ᠡᠪᠡᠳᠬᠦ ᠬᠠᠭᠤᠴᠢ ᠡᠳᠡᠭᠡᠷᠡᠯᠡ | 2022 ᠣᠨ ᠤ ᠵᠤᠨ᠂ ᠬᠠᠰᠮᠥ᠋ᠷᠡᠨ ᠭᠠᠴᠠᠭᠠᠨ ᠤ ᠨᠠᠭᠠᠳᠤᠮ ᠳᠡᠭᠡᠷᠡ ᠰᠤᠷ ᠬᠠᠷᠪᠤᠭᠠ ᠶᠢᠨ | ᠤᠷᠤᠯᠳᠤᠭᠠᠨ ᠬᠢᠨᠡ ᠭᠡᠬᠦ ᠰᠤᠷᠠᠭ ᠲᠤᠭᠤᠯᠤᠭᠠᠳ ᠤᠳᠠᠭᠠᠨ ᠵᠢᠯ ᠲᠣᠭᠤᠰᠣᠨ ᠳᠤ ᠳᠠᠷᠤᠭᠳᠠᠵᠤ ᠬᠡᠪᠲᠡᠭᠰᠡᠨ ᠨᠤᠮᠤ | ᠰᠤᠮᠤ ᠪᠠᠨ ᠠᠪᠤᠭᠠᠳ ᠰᠣᠷᠢᠵᠤ ᠡᠬᠢᠯᠡᠵᠡᠢ᠃ ᠰᠤᠷ ᠬᠠᠷᠪᠤᠭᠠ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ ᠴᠠᠭ ᠠᠴᠠ ᠡᠨᠡ ᠬᠦ | ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠳᠤ ᠤᠨᠴᠠᠭᠠᠢ ᠳᠤᠷᠠ ᠪᠠᠬᠠ ᠲᠠᠢ ᠪᠣᠯᠵᠤ᠂ ᠭᠡᠷ ᠤᠨ ᠭᠠᠳᠠᠨᠠ ᠪᠠᠨ ᠫᠠᠢ ᠪᠠᠨ ᠪᠣᠰᠬᠠᠵᠤ | ᠠᠪᠤᠭᠠᠳ ᠵᠠᠪ ᠯᠠ ᠪᠣᠯᠪᠠᠯ ᠰᠤᠮᠤ ᠬᠠᠷᠪᠤᠵᠤ ᠪᠣᠯᠪᠠᠰᠤᠷᠠᠨᠠ᠃ ᠭᠠᠶᠢᠬᠠᠯᠲᠠᠢ ᠨᠢ ᠵᠢᠯ ᠵᠠᠪᠳᠤᠭᠤ ᠪᠣᠯᠪᠠᠰᠤᠷᠠᠭᠠᠳ | ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠤᠤᠯ ᠳᠠᠭᠠᠨ ᠪᠦᠲᠦᠨ ᠰᠥᠨᠢ ᠪᠠᠷ ᠤᠨᠲᠠᠭᠤᠯᠬᠤ ᠦᠭᠡᠢ ᠡᠪᠡᠳᠦᠭᠡᠳ ᠪᠠᠶᠢᠭᠰᠠᠨ ᠬᠤᠶᠠᠷ | ᠮᠥᠷᠥᠨ ᠤ ᠬᠠᠭᠤᠴᠢ ᠡᠪᠡᠳᠴᠢᠨ ᠨᠢ ᠪᠦᠷᠢᠮᠦᠰᠦᠨ ᠡᠳᠡᠭᠡᠷᠡᠵᠡᠢ᠃ ︽ᠤᠤᠯ ᠳᠠᠭᠠᠨ ᠤᠨᠲᠠᠬᠤ ᠳᠠᠭᠠᠨ ᠵᠠᠪᠠᠯ | ᠨᠢᠮᠭᠡᠨ ᠬᠤᠪᠴᠠᠰᠤ ᠲᠠᠢ ᠤᠨᠲᠠᠳᠠᠭ ᠪᠠᠶᠢᠭᠰᠠᠨ᠃ ᠦᠭᠡᠢ ᠪᠣᠯ ᠵᠢᠭᠠᠬᠠᠨ ᠵᠢᠪᠠᠷ ᠠᠪᠤᠪᠠᠯ ᠬᠦᠵᠦᠭᠦᠦ᠂ ᠮᠥᠷᠥ | ᠳᠠᠯᠤ ᠬᠥᠰᠢᠵᠦ ᠡᠪᠡᠳᠦᠭᠡᠳ ᠤᠨᠲᠠᠭᠤᠯᠳᠠᠭ ᠦᠭᠡᠢ ᠪᠠᠶᠢᠯᠠ᠃ ᠤᠳᠤ ᠪᠣᠯ ᠲᠡᠶᠢᠮᠤ ᠬᠡᠷᠡᠭᠴᠡᠭᠡ ᠦᠭᠡᠢ ᠪᠣᠯᠤᠭᠰᠠᠨ | ᠂ ᠪᠦᠷᠢᠮᠦᠰᠦᠨ ᠡᠳᠡᠭᠡᠷᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠥᠯ ᠭᠠᠷ ᠪᠦᠷ ᠤᠤᠯ ᠠᠴᠠ ᠪᠠᠨ ᠬᠥᠩᠭᠡᠷᠡᠵᠡᠢ᠃ ᠨᠤᠮᠤ | ᠬᠠᠷᠪᠤᠬᠤ ᠴᠢᠨᠢ ᠡᠪᠡᠳᠴᠢᠨ ᠵᠠᠰᠠᠳᠠᠭ ᠶᠤᠮ ᠪᠠᠶᠢᠨᠠ︾ ᠭᠡᠵᠦ ᠬᠠᠰᠮᠥ᠋ᠷᠡᠨ ᠶᠠᠷᠢᠨᠠ᠃ | ᠬᠠᠰᠮᠥ᠋ᠷᠡᠨ ᠤ ᠬᠤᠪᠢ ᠳᠤ ᠨᠤᠮᠤ ᠰᠤᠮᠤ ᠪᠠᠨ ᠠᠭᠰᠠᠵᠤ ᠤᠷᠤᠯᠳᠤᠭᠠᠨ ᠤ ᠲᠠᠯᠠᠪᠠᠢ ᠳᠤ ᠭᠠᠷᠬᠤ | ᠪᠣᠯᠤᠭᠰᠠᠨ ᠨᠢ ᠬᠠᠮᠤᠭ ᠤᠨ ᠶᠡᠭᠡ ᠪᠠᠶᠠᠷᠯᠠᠭᠤᠰᠢᠲᠠᠢ ᠤᠴᠢᠷ᠃ ᠬᠤᠶᠠᠷ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠨᠡᠯᠢᠶᠡᠳ ᠰᠠᠶᠢᠨ ᠬᠠᠷᠪᠤᠭᠠᠴᠢ ᠪᠣᠯᠵᠤ᠂ ᠨᠢᠳᠤᠨᠤᠨ ᠵᠢᠯ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠬᠥᠪᠡᠭᠡᠲᠦ ᠰᠢᠷᠠ | ᠬᠤᠰᠢᠭᠤᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠴᠣᠯᠠ ᠣᠯᠭᠤᠬᠤ ᠤᠷᠤᠯᠳᠤᠭᠠᠨ ᠳᠤ ︽ᠡᠷᠡᠬᠡᠢ ᠮᠡᠷᠭᠡᠨ︾ ᠬᠠᠷᠪᠤᠭᠠᠴᠢ ᠶᠢᠨ | ᠴᠣᠯᠠ ᠭᠥᠷᠳᠡᠭᠰᠡᠨ ᠪᠠᠶᠢᠨᠠ᠃ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠠᠳᠠᠭᠠᠳᠤ ᠶᠠᠪᠤᠳᠠᠯ ᠤᠨ ᠠᠯᠪᠠᠨ ᠭᠡᠷ ᠤᠨ ᠨᠠᠮ ᠤᠨ | ᠳᠤᠭᠤᠶᠢᠯᠠᠩ ᠤᠨ ᠱᠦᠵᠢ᠂ ᠡᠷᠭᠢᠯᠡᠭᠴᠢ ᠬᠠᠰᠪᠠᠭᠠᠨᠠ - ᠰᠤᠷ ᠬᠠᠷᠪᠤᠭᠠ ᠨᠢ ᠨᠠᠰᠤ ᠠᠭᠰᠢᠷᠠᠭᠰᠠᠨ ᠬᠥᠮᠥᠰ ᠤᠨ | ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠬᠠᠮᠤᠭ ᠤᠨ ᠰᠠᠶᠢᠨ ᠲᠠᠮᠢᠷ | 2020 ᠣᠨ ᠠᠴᠠ ᠰᠤᠷ ᠬᠠᠷᠪᠤᠭᠠ ᠭᠡᠬᠦ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠢ ᠰᠤᠷᠴᠤ ᠪᠣᠯᠪᠠᠰᠤᠷᠠᠵᠤ | ᠡᠬᠢᠯᠡᠭᠰᠡᠨ ᠬᠠᠰᠪᠠᠭᠠᠨᠠ ᠶᠢᠨ ᠬᠤᠪᠢ ᠳᠤ ᠰᠤᠷ ᠬᠠᠷᠪᠤᠭᠠ ᠨᠢ ᠨᠢᠭᠡᠨᠲᠡ ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠳᠤ ᠲᠤᠲᠠᠭᠳᠠᠵᠤ | ᠪᠣᠯᠣᠰᠢ ᠦᠭᠡᠢ ᠵᠦᠢᠯ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠬᠥᠳᠡᠭᠡ ᠰᠤᠮᠤᠨ ᠳᠤ ᠠᠯᠪᠠᠯᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠥᠷᠯᠥᠭᠡ | ᠦᠳᠡᠰᠢ ᠶᠢᠨ ᠵᠠᠪ ᠢᠶᠠᠷ ᠰᠠᠭᠰᠤᠨ ᠪᠥᠮᠪᠦᠭᠡ᠂ ᠠᠯᠠᠭᠠᠳᠠᠬᠤ ᠪᠥᠮᠪᠦᠭᠡ ᠲᠣᠭᠯᠠᠵᠤ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠳᠠᠪᠲᠠᠨ | ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠬᠤᠳᠠ ᠭᠠᠵᠠᠷ ᠠᠯᠪᠠᠯᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠡᠨᠡ ᠬᠦ ᠵᠤᠷᠰᠢᠯ ᠨᠢ | ᠡᠪᠳᠡᠭᠳᠡᠵᠦ᠂ ᠡᠳᠦᠷᠵᠢᠨ ᠭᠡᠷ᠂ ᠪᠠᠶᠢᠭᠤᠯᠭᠠ ᠶᠢᠨ ᠬᠤᠭᠤᠷᠣᠨᠳᠤ ᠶᠠᠭᠠᠷᠠᠭᠠᠳ ᠨᠢᠭᠡ ᠮᠡᠳᠡᠬᠦᠨᠡ ᠬᠥᠳᠡᠯᠭᠡᠭᠡᠨ | ᠳᠤᠲᠠᠵᠤ ᠦᠶᠡ ᠭᠡᠰᠢᠭᠦᠦ ᠨᠢ ᠡᠪᠡᠳᠦᠨ᠂ ᠠᠰᠠᠷ ᠮᠠᠴᠤᠬᠤ ᠳᠤ ᠴᠤ ᠡᠪᠡᠳᠦᠭ ᠨᠢ ᠵᠢᠮᠵᠢᠭᠢᠨᠡᠨ ᠡᠪᠡᠳᠬᠦ ᠪᠣᠯᠵᠠᠢ᠃ | ᠢᠩᠭᠢᠭᠡᠳ ᠯᠠ ᠵᠠᠪᠠᠯ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠬᠡᠷᠡᠭᠲᠡᠢ ᠪᠣᠯᠤᠭᠰᠠᠨ ᠢ ᠮᠡᠳᠡᠵᠦ᠂ | ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠶᠢ ᠰᠣᠩᠭᠤᠵᠤ ᠰᠤᠷᠴᠠᠢ᠃ ︽ᠰᠤᠷ ᠬᠠᠷᠪᠤᠬᠤ ᠨᠢ ᠤᠷᠠᠨ ᠪᠢᠴᠢᠯᠭᠡ ᠪᠢᠴᠢᠬᠦ ᠲᠠᠢ | ᠠᠳᠠᠯᠢᠬᠠᠨ᠃ ᠨᠢᠭᠡ ᠳᠤ ᠰᠡᠳᠬᠢᠯ ᠢᠶᠠᠨ ᠲᠣᠭᠲᠠᠭᠤᠨ ᠪᠠᠶᠢᠯᠭᠠᠨᠠ᠂ ᠪᠢᠷ ᠢᠶᠠᠨ ᠰᠠᠨᠳᠤᠷᠴᠤ ᠪᠠᠭᠤᠯᠭᠠᠪᠠᠯ ᠦᠰᠦᠭ | ᠰᠠᠶᠢᠬᠠᠨ ᠪᠤᠯᠳᠠᠭ ᠦᠭᠡᠢ ᠶᠢᠨ ᠶᠣᠰᠣ ᠪᠠᠷ ᠰᠠᠶᠢᠨ ᠭᠦᠨ ᠠᠮᠢᠰᠬᠤᠭᠠ ᠠᠪᠤᠭᠠᠳ ᠪᠦᠭᠦ ᠠᠩᠬᠠᠷᠤᠯ ᠢᠶᠠᠨ | ᠲᠥᠪᠯᠡᠷᠡᠭᠦᠯᠵᠦ ᠨᠢᠭᠡ ᠯᠠ ᠠᠮᠢᠰᠬᠤᠭᠠ ᠪᠠᠷ ᠦᠰᠦᠭ ᠢᠶᠠᠨ ᠪᠢᠴᠢᠵᠦ ᠭᠠᠷᠭᠠᠨᠠ᠃ ᠪᠠᠰᠠ ᠨᠢᠭᠡ ᠨᠢ ᠵᠠᠪᠠᠯ ᠶᠣᠰᠣ | ᠭᠤᠷᠢᠮ ᠢ ᠨᠢ ᠲᠠᠭᠠᠨᠠ᠃ ᠶᠠᠭᠠᠬᠢᠵᠤ ᠵᠤᠬᠰᠤᠬᠤ᠂ ᠬᠦᠴᠦ ᠪᠠᠨ ᠵᠣᠬᠢᠴᠠᠭᠤᠯᠬᠤ᠂ ᠭᠠᠷ ᠢᠶᠠᠨ ᠶᠠᠭᠠᠬᠢᠵᠤ | ᠲᠡᠨᠢᠢᠯᠭᠡᠬᠦ᠂ ᠲᠡᠩᠴᠡᠭᠦᠷᠢ ᠪᠠᠨ ᠬᠡᠷᠬᠢᠨ ᠣᠯᠬᠤ᠂ ᠰᠤᠮᠤ ᠪᠠᠨ ᠶᠠᠭᠠᠬᠢᠵᠤ ᠲᠠᠯᠪᠢᠬᠤ ᠠᠯᠢ ᠠᠯᠢᠨ ᠢ ᠨᠢ ᠴᠤ ᠵᠥᠪ | ᠤᠨᠤᠪᠴᠢᠳᠠᠢ ᠬᠢᠬᠦ ᠬᠡᠷᠡᠭᠲᠡᠢ᠃ ᠡᠰᠡᠪᠡᠯ ᠤᠨᠤᠭᠠ ᠲᠠᠭᠠᠷᠠᠬᠤ ᠦᠭᠡᠢ᠂ ᠪᠣᠯᠪᠠᠰᠤᠷᠠᠭᠠᠳ ᠯᠠ ᠪᠠᠶᠢᠪᠠᠯ ᠳᠡᠭᠡᠭᠰᠢᠯᠡᠬᠦ | ᠨᠢ ᠬᠤᠷᠳᠤᠨ᠂ ᠤᠨᠤᠭᠠ ᠴᠤ ᠮᠡᠷᠭᠡᠨ ᠪᠣᠯᠣᠨᠠ︾ ᠭᠡᠵᠦ ᠬᠠᠰᠪᠠᠭᠠᠨᠠ ᠶᠠᠷᠢᠨᠠ᠃ | ᠲᠡᠭᠦᠨ ᠤ ︽ᠬᠠᠷᠪᠤᠬᠤ ᠲᠤᠰᠤᠮ ᠢᠶᠠᠨ ᠳᠤᠷᠠ ᠪᠠᠬᠠ ᠲᠠᠢ ᠪᠣᠯᠣᠨᠠ᠃ ᠠᠮᠢᠳᠤᠷᠠᠯ ᠴᠤ ᠤᠳᠬᠠ | ᠠᠭᠤᠯᠭᠠ ᠲᠡᠭᠦᠯᠳᠡᠷ ᠪᠣᠯᠣᠨᠠ︾ ᠭᠡᠰᠡᠨ ᠶᠠᠷᠢᠶᠠ ᠠᠴᠠ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠳᠤ ᠮᠠᠰᠢ ᠪᠠᠬᠠ ᠲᠠᠢ | ᠪᠣᠯᠤᠭᠰᠠᠨ ᠢ ᠮᠡᠳᠡᠵᠦ ᠪᠤᠯᠬᠤ ᠶᠤᠮ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠪᠡᠶᠡ ᠶᠢᠨ ᠡ᠊ᠨᠳᠡ ᠲᠡᠨᠳᠡ ᠡᠪᠡᠳᠳᠡᠭ ᠡᠪᠡᠳᠴᠢᠨ ᠨᠢ | ᠡᠳᠡᠭᠡᠷᠡᠵᠦ᠂ ᠪᠡᠶᠡ ᠨᠢ ᠴᠤ ᠡᠳᠦᠷ ᠠᠴᠠ ᠡᠳᠦᠷ ᠬᠥᠩᠭᠡᠷᠡᠵᠦ᠂ ᠬᠠᠷᠠᠭᠠ ᠨᠢ ᠰᠠᠶᠢᠵᠢᠷᠠᠨ᠂ ᠡᠳᠦᠷ ᠠᠴᠠ ᠡᠳᠦᠷ | ᠴᠤᠭ ᠵᠢᠪᠬᠤᠭᠠ ᠲᠠᠢ ᠪᠣᠯᠵᠠᠢ᠃ ᠲᠡᠶᠢᠮᠤ ᠳᠡᠭᠡᠨ ᠰᠤᠷ ᠬᠠᠷᠪᠤᠭᠠ ᠨᠢ ᠬᠥᠮᠥᠨ ᠳᠤ ᠠᠮᠢᠰᠬᠤᠯ ᠤᠨ ᠲᠠᠮᠢᠷ᠂ | ᠬᠠᠷᠠᠭᠠᠨ ᠤ ᠲᠠᠮᠢᠷ᠂ ᠰᠡᠳᠬᠢᠯ ᠤᠨ ᠲᠠᠮᠢᠷ᠂ ᠪᠦᠭᠦ ᠪᠡᠶᠡ ᠶᠢᠨ ᠲᠠᠮᠢᠷ ᠢ ᠬᠢᠳᠡᠭ ᠮᠥᠷᠲᠡᠭᠡᠨ ᠴᠢᠨᠠᠷ ᠤᠨ ᠢᠯᠭᠠᠯ᠂ | ᠨᠠᠰᠤᠨ ᠤ ᠢᠯᠭᠠᠭᠠ ᠦᠭᠡᠢ ᠮᠠᠰᠢ ᠡᠷᠬᠡ ᠴᠢᠯᠦᠭᠡ ᠲᠠᠢ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠪᠠᠶᠢᠨᠠ ᠭᠡᠵᠦ | ᠣᠶᠢᠯᠠᠭᠠᠵᠠᠢ᠃ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠰᠤᠷᠴᠤ ᠪᠣᠯᠪᠠᠰᠤᠷᠠᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠲᠡᠭᠦᠨ ᠤ | ᠠᠮᠢᠳᠤᠷᠠᠬᠤᠢ ᠶᠢᠨ ᠦᠵᠡᠯᠲᠡ ᠳᠤ ᠴᠤ ᠬᠤᠪᠢᠷᠠᠯᠲᠠ ᠭᠠᠷᠴᠤ᠂ ᠨᠠᠶᠢᠷ ᠴᠡᠩᠭᠡᠬᠦᠨ ᠤ ᠭᠠᠵᠠᠷ᠂ ᠠᠷᠢᠬᠢ ᠲᠠᠷᠠᠰᠤᠨ ᠤ | ᠰᠢᠷᠡᠭᠡᠨ ᠠᠴᠠ ᠪᠡᠶᠡ ᠪᠠᠨ ᠴᠢᠯᠦᠭᠡᠯᠡᠵᠦ᠂ ᠮᠥᠨᠴᠦ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠠᠮᠠᠷᠠᠭᠤᠯᠵᠤ ᠴᠢᠳᠠᠭᠰᠠᠨ ᠨᠢ ᠡᠨᠡ ᠬᠦ | ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠤ ᠪᠠᠰᠠ ᠨᠢᠭᠡᠨ ᠠᠴᠢ ᠲᠤᠰᠠ ᠭᠡᠯᠲᠡᠢ᠃ | ᠤᠯᠠᠭᠠᠨᠴᠠᠪ ᠬᠤᠳᠠ ᠶᠢᠨ ᠳᠥᠷᠪᠡᠳ ᠬᠤᠰᠢᠭᠤᠨ ᠤ ᠴᠠᠭᠠᠨᠪᠤᠯᠠᠭ ᠰᠤᠮᠤᠨ ᠤ ᠮᠠᠯᠴᠢᠨ ᠰᠣᠯᠣᠩᠭᠠ | - ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠰᠤᠷᠤᠬᠰᠠᠨ ᠠᠴᠠ ᠡᠳᠦᠷ ᠪᠦᠷᠢ ᠪᠠᠶᠠᠷ ᠭᠦᠷ ᠲᠠᠢ ᠪᠣᠯᠣᠯᠠ | ᠲᠧᠯᠸᠢᠰ ᠠᠴᠠ ᠬᠠᠷᠪᠤᠭᠠᠴᠢᠳ ᠤᠨ ᠤᠷᠤᠯᠳᠤᠭᠠᠨ ᠢ ᠰᠣᠨᠢᠷᠬᠠᠵᠤ ᠰᠠᠭᠤᠬᠤ ᠳᠠᠭᠠᠨ ︽ᠡᠨᠡ ᠬᠠᠷᠢᠨ | ᠰᠤᠷᠤᠭᠠᠳ ᠠᠪᠴᠢᠬᠠᠪᠠᠯ ᠪᠣᠯᠤᠮᠠᠷ ᠵᠦᠢᠯ ᠪᠠᠶᠢᠨᠠ︾ ᠭᠡᠵᠦ ᠪᠤᠳᠤᠬᠰᠠᠨ ᠰᠣᠯᠣᠩᠭᠠ ᠲᠤᠰ ᠭᠠᠵᠠᠷ ᠤᠨ ᠢᠶᠠᠨ | ᠬᠠᠷᠪᠤᠭᠠᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠮᠦᠷᠪᠠᠭᠠᠲᠤᠷ ᠬᠡᠮᠡᠬᠦ ᠬᠠᠷᠪᠤᠭᠠᠴᠢ ᠠᠴᠠ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ | ᠰᠤᠷᠴᠤ ᠡᠬᠢᠯᠡᠭᠰᠡᠨ ᠨᠢ 2019 ᠣᠨ ᠤ ᠤᠴᠢᠷ᠃ ᠲᠡᠷᠡᠪᠡᠷ ᠡᠳᠡᠭᠡᠷ ᠵᠢᠯ ᠳᠤ ᠤᠯᠠᠭᠠᠨᠴᠠᠪ᠂ ᠰᠢᠯᠢ ᠶᠢᠨ ᠭᠤᠣᠯ᠂ | ᠣᠷᠳᠣᠰ᠂ ᠠᠯᠠᠱᠠ ᠭᠡᠬᠦᠴᠢᠯᠡᠨ ᠤᠯᠠᠨ ᠠᠶᠢᠮᠠᠭ ᠬᠤᠳᠠ ᠪᠠᠷ ᠰᠤᠷ ᠬᠠᠷᠪᠤᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠵᠦ᠂ ᠤᠤᠯ ᠨᠢ ᠤᠳᠬᠠ ᠠᠭᠤᠯᠭᠠ ᠦᠭᠡᠢ ᠮᠡᠲᠦ ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠠᠮᠢᠳᠤᠷᠠᠯ ᠨᠢ ᠥᠩᠭᠡ ᠲᠠᠢ | ᠥᠭᠡᠳᠡ ᠲᠠᠢ ᠪᠣᠯᠵᠤ᠂ ᠥᠪᠡᠷ ᠲᠡᠭᠡᠨ ᠴᠤ ᠡᠳᠦᠷ ᠪᠦᠷᠢ ᠪᠠᠶᠠᠷ ᠭᠦᠷ ᠪᠢᠯᠬᠠᠮᠠ ᠪᠣᠯᠵᠠᠢ᠃ ︽ᠬᠡᠦᠬᠡᠳ ᠬᠠᠷᠠᠵᠤ | ᠰᠠᠭᠤᠭᠠ ᠬᠥᠮᠥᠨ ᠴᠢᠨᠢ ᠶᠡᠭᠡ ᠬᠢᠳᠡᠯ ᠠᠯᠳᠠᠨᠠ᠃ ᠬᠠᠶᠠ ᠪᠠᠰᠠ ᠲᠣᠭᠲᠠᠪᠤᠷᠢ ᠠᠯᠳᠠᠵᠤ ᠶᠠᠭᠤ ᠬᠢᠬᠦ ᠪᠠᠨ ᠣᠯᠬᠤ | ᠦᠭᠡᠢ ᠪᠠᠶᠢᠳᠠᠯ ᠳᠤ ᠣᠷᠣᠨᠠ᠃ ᠲᠡᠭᠡᠭᠡᠳ ᠨᠤᠮᠤ ᠬᠠᠷᠪᠤᠵᠤ ᠰᠤᠷᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠥᠪᠡᠷ ᠤᠨ ᠭᠡᠰᠡᠨ | ᠳᠤᠷᠠ ᠪᠠᠬᠠ ᠲᠠᠢ ᠪᠣᠯᠵᠤ᠂ ᠡᠳᠦᠷ ᠪᠦᠷᠢ ᠶᠡᠭᠡ ᠶᠠᠭᠠᠷᠠᠤ᠂ ᠲᠡᠭᠡᠭᠡᠳ ᠪᠠᠰᠠ ᠣᠯᠣᠯᠲᠠ ᠲᠠᠢ ᠪᠣᠯᠤᠭᠰᠠᠨ ᠨᠢ | ᠬᠠᠮᠤᠭ ᠤᠨ ᠶᠡᠭᠡ ᠣᠯᠵᠠᠷᠬᠠᠯ︾ ᠭᠡᠵᠦ ᠰᠣᠯᠣᠩᠭᠠ ᠶᠠᠷᠢᠪᠠ᠃ ᠰᠡᠳᠬᠢᠯ ᠳᠤ ᠡᠰᠡᠨ ᠪᠤᠰᠠᠨ ᠵᠦᠢᠯ ᠪᠤᠳᠤᠬᠳᠠᠵᠦ᠂ | ᠰᠡᠳᠬᠢᠯ ᠤᠶᠢᠮᠤᠷᠴᠤ ᠪᠠᠶᠢᠬᠤ ᠦᠶᠡᠰ ᠨᠤᠮᠤ ᠪᠠᠨ ᠰᠢᠯᠭᠡᠭᠡᠵᠦ ᠬᠡᠳᠦᠨ ᠰᠤᠮᠤ ᠬᠠᠷᠪᠤᠬᠤ ᠳᠤ ᠯᠠ ᠰᠡᠳᠬᠢᠯ ᠨᠢ | ᠶᠡᠭᠡ ᠲᠣᠭᠲᠠᠭᠤᠨ ᠲᠠᠶᠢᠪᠤᠩ ᠪᠣᠯᠵᠤ ᠢᠷᠡᠳᠡᠭ ᠢᠶᠠᠷ ᠪᠠᠷᠤᠭ ᠯᠠ ᠦᠳᠡ ᠶᠢᠨ ᠬᠤᠶᠢᠨᠠ ᠪᠣᠯᠭᠠᠨ ᠰᠣᠷᠢᠭᠠᠨ ᠤ | ᠭᠠᠵᠠᠷ ᠲᠠᠭᠠᠨ ᠣᠴᠢᠵᠤ ᠪᠣᠯᠪᠠᠰᠤᠷᠠᠨᠠ᠃ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠨᠢ ᠬᠠᠷᠠᠬᠤ ᠳᠤ ᠳᠡᠮᠡᠢ ᠯᠠ ᠶᠡᠭᠡ | ᠬᠥᠳᠡᠯᠭᠡᠭᠡᠨ ᠦᠭᠡᠢ ᠪᠤᠯᠪᠠᠴᠦ ᠡᠳᠦᠷ ᠪᠦᠷᠢ ᠪᠣᠯᠪᠠᠰᠤᠷᠠᠭᠠᠳ ᠢᠷᠡᠬᠦ ᠳᠤ ᠦᠨᠡᠬᠡᠷ ᠪᠦᠭᠦ ᠪᠡᠶᠡ ᠳᠠᠪᠲᠠᠨ | ᠪᠣᠯᠪᠠᠰᠤᠷᠠᠭᠳᠠᠵᠤ ᠪᠠᠶᠢᠭᠠ ᠮᠡᠲᠦ᠂ ᠪᠡᠶᠡ ᠵᠥᠭᠡᠯᠡᠷᠡᠵᠦ᠂ ᠤᠤᠯ ᠠᠴᠠ ᠪᠠᠨ ᠬᠥᠩᠭᠡᠨ ᠪᠣᠯᠴᠢᠬᠠᠳᠠᠭ ᠨᠢ ᠭᠠᠶᠢᠬᠠᠯᠲᠠᠢ | ᠃ | ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠰᠥᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠨᠠᠭᠤᠷ ᠰᠤᠮᠤᠨ ᠤ ᠮᠠᠯᠴᠢᠨ | ᠬᠠᠰᠴᠢᠮᠡᠭ - ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠢᠶᠠᠨ ᠥᠪᠯᠡᠵᠦ ᠶᠠᠪᠤᠬᠤ ᠨᠢ ᠰᠠᠶᠢᠬᠠᠨ | ᠬᠤᠰᠢᠭᠤᠨ ᠠᠴᠠ ᠡᠷᠭᠢᠯᠡᠭᠰᠡᠨ ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠶᠢᠨ ᠪᠣᠯᠪᠠᠰᠤᠷᠠᠯ ᠢᠶᠠᠷ ᠲᠠᠮᠵᠢᠵᠦ | ᠤᠯᠠᠮᠵᠢᠯᠠᠯᠲᠤ ᠰᠤᠷ ᠬᠠᠷᠪᠤᠭᠠ ᠳᠤ ᠠᠩᠬᠠᠨ ᠤ ᠲᠠᠨᠢᠯᠲᠠ ᠲᠠᠢ ᠪᠣᠯᠤᠭᠰᠠᠨ ᠬᠠᠰᠴᠢᠮᠡᠭ ᠰᠤᠷ ᠬᠠᠷᠪᠤᠭᠠ ᠶᠢ ᠰᠤᠷᠴᠤ | ᠤᠯᠠᠮᠵᠢᠯᠠᠭᠠᠳ 4 ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ ᠪᠤᠢ᠃ ᠬᠠᠮᠤᠭ ᠠᠩᠬᠠ ᠤᠯᠠᠨ ᠤ ᠡᠮᠦᠨᠡ ᠭᠠᠷᠴᠤ ᠰᠤᠷ | ᠬᠠᠷᠪᠤᠬᠤ ᠳᠤ ᠠᠶᠤᠵᠤ ᠰᠠᠨᠳᠤᠷᠳᠠᠭ ᠪᠠᠶᠢᠭᠰᠠᠨ ᠪᠦᠰᠡᠭᠦᠢ ᠤᠳᠤ ᠬᠠᠷᠢᠨ ᠨᠤᠮᠤ ᠰᠤᠮᠤ ᠪᠠᠨ ᠪᠠᠷᠢᠭᠠᠳ ᠯᠠ | ᠠᠪᠤᠪᠠᠯ ᠲᠡᠭᠷᠢ ᠨᠤᠷᠠᠭᠰᠠᠨ ᠴᠤ ᠬᠠᠶᠢᠬᠤᠷᠬᠤ ᠦᠭᠡᠢ ᠮᠡᠲᠦ ᠲᠠᠶᠢᠪᠤᠩ ᠪᠣᠯᠵᠠᠢ᠃ ᠬᠥᠮᠥᠨ ᠤ ᠳᠣᠲᠣᠭᠠᠳᠤ | ᠰᠡᠳᠬᠢᠯ ᠲᠣᠭᠲᠠᠭᠤᠨ ᠲᠠᠶᠢᠪᠤᠩ ᠪᠣᠯ ᠪᠡᠶᠡ ᠠᠮᠠᠷᠠᠵᠤ᠂ ᠰᠡᠳᠬᠢᠯ ᠪᠠᠶᠠᠰᠤᠩᠭᠤᠢ ᠪᠤᠯᠳᠠᠭ ᠤᠨ ᠤᠴᠢᠷ ᠰᠤᠷ | ᠬᠠᠷᠪᠤᠭᠠ ᠰᠤᠷᠤᠬᠰᠠᠨ ᠠᠴᠠ ᠥᠨᠥ ᠪᠤᠯᠳᠠᠯᠠ ᠥᠪᠡᠷ ᠤᠨ ᠳᠤᠷᠠ ᠪᠠᠬᠠ ᠪᠠᠨ ᠬᠥᠭᠵᠢᠭᠦᠯᠵᠦ᠂ ᠥᠪᠡᠷ ᠤᠨ | ᠠᠮᠢᠳᠤᠷᠠᠯ ᠢᠶᠠᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠴᠢᠮᠡᠵᠦ ᠶᠠᠪᠤᠭᠠ ᠨᠢ ᠬᠠᠮᠤᠭ ᠤᠨ ᠶᠡᠭᠡ ᠣᠯᠣᠯᠲᠠ᠃ ︽ | ᠮᠣᠩᠭᠤᠯ ᠢᠶᠠᠷ ᠢᠶᠠᠨ ᠭᠤᠶᠣᠯᠠᠭᠠᠳ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠢᠶᠠᠨ ᠤᠯᠠᠮᠵᠢᠯᠠᠵᠤ ᠬᠥᠭᠵᠢᠭᠦᠯᠵᠦ ᠶᠠᠪᠤᠬᠤ ᠳᠤ | ᠥᠪᠡᠷ ᠤᠨ ᠬᠦᠴᠦ ᠨᠡᠮᠡᠷᠢ ᠪᠠᠨ ᠡᠷᠭᠦᠵᠦ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠬᠤ ᠠᠴᠠ ᠰᠡᠳᠬᠢᠯ ᠳᠤ ᠲᠠᠭᠠᠲᠠᠢ ᠰᠠᠨᠠᠭᠳᠠᠳᠠᠭ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠠᠷᠪᠤᠭᠠ ᠰᠤᠷᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠪᠡᠶᠡ ᠶᠡᠭᠡ ᠬᠥᠩᠭᠡᠷᠡᠵᠦ᠂ ᠴᠢᠯᠡᠭᠡᠷᠡᠵᠦ ᠵᠦᠳᠡᠷᠡᠳᠡᠭ | ᠪᠠᠶᠢᠭᠰᠠᠨ ᠨᠢ ᠴᠤ ᠵᠦᠭᠡᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ︾ ᠭᠡᠵᠦ ᠬᠠᠰᠴᠢᠮᠡᠭ ᠶᠠᠷᠢᠨᠠ᠃ ᠲᠡᠷᠡᠪᠡᠷ ᠰᠤᠷ ᠬᠠᠷᠪᠤᠭᠠ | ᠰᠤᠷᠤᠬᠰᠠᠨ ᠠᠴᠠ ᠬᠤᠶᠢᠰᠢ ᠪᠡᠶᠡ ᠶᠢᠨ ᠴᠢᠯᠡᠭᠡ ᠪᠠᠨ ᠲᠠᠶᠢᠯᠬᠤ᠂ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠳᠠᠪᠲᠠᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠲᠠᠢ ᠪᠣᠯᠤᠭᠰᠠᠨ ᠠᠴᠠ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠪᠠᠶᠠᠷᠯᠠᠭᠤᠯᠬᠤ | ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠭᠠᠵᠠᠷ ᠭᠠᠵᠠᠷ ᠤᠨ ᠬᠠᠷᠪᠤᠭᠠᠴᠢᠳ ᠲᠠᠢ ᠲᠠᠨᠢᠯᠴᠠᠨ᠂ ᠤᠷᠤᠯᠳᠤᠭᠠᠨ | ᠲᠡᠮᠡᠴᠡᠭᠡᠨ ᠳᠤ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠨ ᠰᠣᠷᠢᠵᠤ ᠶᠠᠪᠤᠬᠤ ᠨᠢ ᠤᠯᠠᠮ ᠢᠯᠡᠭᠦᠦ ᠵᠢᠷᠭᠠᠯ ᠲᠠᠢ ᠰᠠᠨᠠᠭᠳᠠᠬᠤ ᠪᠣᠯᠤᠭᠰᠠᠨ | ᠪᠠᠶᠢᠨᠠ᠃ | | | |