ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠡᠰᠡᠷᠭᠦ ᠬᠠᠶᠢᠷ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/31
                           ᠪᠤᠶᠠᠨᠪᠠᠲᠤ                            - ᠭᠠᠳᠠᠨ᠎ᠠ ᠬᠤᠶᠠᠷ                            ᠬᠡᠷᠢᠶᠡᠨ ᠳᠤ ᠬᠠᠶᠢᠷᠠᠲᠠᠢ᠂ ᠬᠡᠳᠡᠭᠡᠨ᠎ᠡ ᠳᠤ ᠬᠠᠶᠢᠷᠠᠲᠠᠢ              ᠬᠡᠨ ᠴᠦ ᠲᠡᠭᠦᠨ ᠢ ᠦᠵᠡᠨ ᠶᠠᠳᠠᠳᠠᠭ ᠪᠣᠯᠬᠤᠷ ᠨᠢ ᠲᠡᠷᠡ ᠶᠤᠮ              ᠰᠦᠨᠡᠰᠦᠨ ᠳᠤ ᠬᠠᠶᠢᠷᠠᠲᠠᠢ᠂ ᠰᠤᠪᠢᠩ ᠳᠤ ᠪᠠᠰᠠ ᠬᠠᠶᠢᠷᠠᠲᠠᠢ              ᠬᠥᠮᠥᠰ ᠲᠡᠭᠦᠨ ᠤ ᠪᠠᠶᠢᠬᠤ ᠡᠰᠡᠬᠦ ᠳᠤ ᠡᠷᠡᠭᠡᠯᠵᠡᠳᠡᠭ ᠪᠣᠯᠬᠤᠷ ᠨᠢ ᠲᠡᠷᠡ ᠶᠤᠮ              ᠢᠯᠠᠭᠳᠠᠯ ᠠᠴᠠ ᠠᠰᠬᠠᠷᠠᠭᠰᠠᠨ ᠨᠢᠯᠪᠤᠰᠤᠨ ᠳᠤ ᠪᠢ ᠬᠠᠶᠢᠷᠠᠲᠠᠢ              ᠭᠠᠰᠢᠭᠤᠬᠠᠨ ᠪᠤᠯᠪᠠᠴᠤ ᠦᠨᠡᠨ ᠪᠠᠶᠢᠳᠠᠭ ᠪᠣᠯᠬᠤᠷ ᠨᠢ ᠲᠡᠷᠡ ᠶᠤᠮ              ᠬᠠᠶᠢᠷ᠎ᠠ ᠶᠢᠨ ᠴᠢᠯᠠᠭᠤᠨ ᠳᠤ ᠪᠦᠳᠦᠷᠢᠭᠰᠡᠨ ᠬᠠᠷᠠᠩᠭᠤᠢ ᠭᠤᠨᠢᠭ ᠲᠤ ᠬᠠᠶᠢᠷᠠᠲᠠᠢ              ᠢᠵᠢᠯ ᠰᠢᠷᠭ᠎ᠠ ᠣᠳᠣ ᠲᠡᠭᠦᠨ ᠤ ᠲᠥᠯᠥᠭᠡ ᠡᠮᠲᠡᠷᠡᠳᠡᠭ ᠪᠣᠯᠬᠤᠷ ᠨᠢ ᠲᠡᠷᠡ ᠶᠤᠮ              ᠪᠦᠭᠦ ᠴᠡᠴᠡᠭ ᠤᠨ ᠳᠤᠮᠳᠠ ᠠᠴᠠ ︽ᠪᠠᠶᠢᠬᠤ ᠦᠭᠡᠢ︾ ᠴᠡᠴᠡᠭ ᠲᠤᠨᠢ ᠬᠠᠶᠢᠷᠠᠲᠠᠢ              ᠪᠦᠷ ᠲᠠᠨᠤᠭ ᠢᠶᠠᠨ ᠪᠠᠷᠠᠭᠰᠠᠨ ᠮᠠᠶᠢᠵᠢᠭᠢᠷ ᠮᠠᠭᠤ ᠭᠤᠳᠤᠯ ᠳᠤ ᠬᠠᠶᠢᠷᠠᠲᠠᠢ              ᠪᠢᠴᠢᠭᠳᠡᠭᠡ ᠦᠭᠡᠢ ᠪᠤᠶᠤ ᠮᠠᠷᠲᠠᠭᠳᠠᠭᠰᠠᠨ ᠰᠢᠯᠦᠭ ᠲᠤ ᠬᠠᠶᠢᠷᠠᠲᠠᠢ              ᠪᠦᠷᠦᠭ ᠵᠠᠶᠠᠭᠠᠨ ᠳᠠᠭᠠᠨ ᠭᠤᠲᠤᠷᠠᠵᠤ᠂ ᠪᠦᠭᠦᠨ ᠠᠴᠠ ᠵᠠᠢ ᠪᠠᠷᠢᠭᠰᠠᠨ ᠲᠡᠷᠡ ᠬᠥᠮᠥᠨ ᠳᠤ ᠬᠠᠶᠢᠷᠠᠲᠠᠢ              ᠠᠷᠢᠬᠢᠨ ᠳᠤᠨᠢ ᠪᠤᠰᠤ ᠲᠡᠭᠦᠨ ᠤ ᠰᠠᠪᠠᠨ ᠳᠤᠨᠢ ᠢᠯᠡᠭᠦᠦ ᠬᠠᠶᠢᠷᠠᠲᠠᠢ              ᠠᠳᠠ ᠱᠦᠭᠯᠡᠭᠰᠡᠨ ᠰᠢᠩᠭᠡᠨ ᠳᠠᠮᠰᠢᠭ ᠢ ᠲᠡᠷᠡ ᠯᠡ ᠳᠡᠶᠢᠯᠳᠡᠭ ᠪᠣᠯᠬᠤᠷ ᠨᠢ ᠁              ᠮᠠᠭᠲᠠᠭᠠᠯ ᠢᠶᠠᠷ ᠪᠤᠯᠠᠭᠤᠯᠤᠭᠰᠠᠨ ᠮᠠᠩᠯᠠᠢ ᠳᠤᠨᠢ ᠪᠤᠰᠤ ᠰᠢᠷᠣᠶᠢᠲᠠᠬᠰᠠᠨ ᠪᠦᠭᠡ ᠳᠤ ᠨᠡᠩ ᠬᠠᠶᠢᠷᠠᠲᠠᠢ              ᠮᠠᠨᠤᠨ ᠴᠡᠩᠬᠡᠷ ᠨᠤᠲᠤᠭ ᠤᠨ ᠢᠶᠠᠨ ᠰᠢᠷᠣᠢ ᠶᠢ ᠰᠥᠬᠦᠷᠡᠵᠦ ᠠᠳᠢᠰᠯᠠᠭᠰᠠᠨ ᠪᠣᠯᠬᠤᠷ ᠨᠢ ᠁              ᠨᠢᠭᠦᠯᠲᠦ ᠰᠤᠮᠤᠨ ᠳᠤ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠥᠷᠲᠥᠭᠰᠡᠨ ︽ᠨᠡᠷ᠎ᠡ ᠦᠭᠡᠢ ᠪᠠᠭᠠᠲᠤᠷ︾᠎ ᠲᠤ ᠬᠠᠶᠢᠷᠠᠲᠠᠢ              ᠨᠢᠵᠢᠭᠢᠨᠡᠭᠰᠡᠨ ᠢᠯᠠᠯᠲᠠ ᠳᠤ ︽ᠢᠪᠡᠭᠡᠰᠦ︾ ᠪᠣᠯᠤᠭ᠎ᠠ ᠦᠭᠡᠢ ᠪᠣᠯ ᠵᠠᠩᠵᠤᠨ ᠬᠠᠮᠢᠭ᠎ᠠ ᠠᠴᠠ ᠲᠦᠷᠦᠭᠦ ᠶᠤᠮ ᠪᠤᠢ              ᠨᠣᠣᠷᠬᠠᠢ ᠮᠠᠭᠤ ᠳᠠᠭ᠎ᠠ ᠬᠤᠪᠢᠯᠭᠠᠨ ᠭᠦᠯᠦᠭ ᠪᠣᠯᠤᠭᠰᠠᠨ ᠳᠣᠮᠤᠭ ᠲᠤ ᠪᠢ ᠬᠠᠶᠢᠷᠠᠲᠠᠢ              ᠨᠣᠮᠣᠬᠠᠨ ᠰᠢᠳᠤᠷᠭᠤ ᠶᠢᠨ ︽ᠲᠤᠯᠤᠭᠠᠰᠤ︾ ᠦᠭᠡᠢ ᠶᠤᠮ ᠪᠣᠯ ᠲᠥᠷᠥ ᠶᠠᠭᠠᠬᠢᠵᠤ ᠲᠣᠭᠲᠠᠬᠤ ᠶᠤᠮ ᠪᠤᠢ              ᠢᠷᠡᠬᠦ ᠤᠴᠢᠷᠲᠠᠢ ᠶᠠᠭᠤᠮᠠᠨ ᠤ ᠢᠷᠡᠭᠡ ᠦᠭᠡᠢ ᠳᠤᠨᠢ ᠬᠠᠶᠢᠷᠠᠲᠠᠢ              ᠢᠯᠡᠭᠦᠦ ᠳᠤᠨᠢ ᠪᠤᠰᠤ ᠳᠤᠲᠠᠭᠤ ᠳᠤᠨᠢ ᠨᠡᠩ ᠬᠠᠶᠢᠷᠠᠲᠠᠢ              ᠰᠡᠯᠪᠢᠭᠡ ᠦᠭᠡᠢ ᠪᠤᠷᠠᠨᠲᠠᠭ᠂ ᠦᠨᠦᠰᠦᠭᠡ ᠦᠭᠡᠢ ᠤᠷᠤᠭᠤᠯ ᠳᠤ ᠬᠠᠶᠢᠷᠠᠲᠠᠢ              ᠰᠡᠷᠡᠭᠡ ᠦᠭᠡᠢ ᠵᠡᠭᠦᠳᠦ᠂ ᠣᠷᠤᠭ᠎ᠠ ᠦᠭᠡᠢ ᠪᠣᠷᠣᠭᠠᠨ ᠳᠤ ᠬᠠᠶᠢᠷᠠᠲᠠᠢ              ᠵᠣᠪᠠᠯᠠᠩ ᠳᠤ ᠬᠠᠶᠢᠷᠠᠲᠠᠢ᠂ ᠵᠣᠪᠠᠯᠠᠩ ᠤᠨ ᠰᠢᠯᠲᠠᠭᠠᠨ ᠳᠤ ᠪᠦᠷ ᠬᠠᠶᠢᠷᠠᠲᠠᠢ              ᠵᠣᠪᠠᠵᠤ ᠦᠵᠡᠭᠡ ᠦᠭᠡᠢ ᠬᠥᠮᠥᠨ ᠵᠢᠷᠭᠠᠵᠤ ᠶᠠᠪᠤᠭ᠎ᠠ ᠪᠠᠨ ᠮᠡᠳᠡᠳᠡᠭ ᠦᠭᠡᠢ ᠳᠤᠨᠢ ᠲᠡᠷᠡ ᠶᠤᠮ              ᠵᠣᠯᠪᠢᠩ ᠨᠣᠬᠠᠢ ᠤᠷᠤᠭᠤ ᠰᠢᠳᠡᠭᠳᠡᠭᠡᠳ ᠣᠨᠤᠭ᠎ᠠ ᠦᠭᠡᠢ ᠲᠡᠷᠡ ᠴᠢᠯᠠᠭᠤᠨ ᠳᠤ ᠬᠠᠶᠢᠷᠠᠲᠠᠢ              ᠵᠣᠯ ᠪᠤᠰᠤ ᠶᠢᠨ ᠲᠣᠬᠢᠶᠠᠯᠳᠤᠯ ᠠᠴᠠ ᠬᠠᠭᠠᠴᠠᠶᠢᠯᠠᠭᠴᠢ ᠲᠠᠪᠢᠯᠠᠩ ᠪᠠᠶᠢᠳᠠᠭ ᠲᠤᠨᠢ ᠲᠡᠷᠡ ᠶᠤᠮ              ᠬᠠᠪ ᠬᠠᠷ᠎ᠠ ᠬᠡᠷᠢᠶᠡᠨ ᠠᠴᠠ ᠴᠠᠪ ᠴᠠᠭᠠᠨ ᠨᠢᠯᠪᠤᠰᠤ ᠤᠨᠠᠨ᠎ᠠ              ᠲᠡᠷᠡ ᠨᠢᠯᠪᠤᠰᠤᠨ ᠳᠤ ᠤᠷᠭᠤᠳᠠᠭ ᠦᠭᠡᠢ ᠴᠡᠴᠡᠭ ᠤᠷᠭᠤᠨ᠎ᠠ              ᠭᠡᠯᠡ ᠦᠭᠡᠢ ᠰᠠᠯᠬᠢ᠂ ᠬᠡ ᠦᠭᠡᠢ ᠭᠡᠷᠡᠯ ᠰᠦᠯᠡᠯᠳᠦᠨ᠎ᠡ              ᠲᠡᠷᠡ ᠣᠭᠲᠣᠯᠣᠯᠴᠠᠯ ᠠᠴᠠ ᠬᠠᠷᠠᠭᠳᠠᠬᠤ ᠦᠭᠡᠢ ᠭᠠᠶᠢᠬᠠᠮᠰᠢᠭ ᠳᠡᠪᠬᠡᠴᠡᠨ᠎ᠡ              ᠡᠷᠡᠮᠡᠬᠡᠢ ᠠᠷᠢᠶᠠᠲᠠᠨ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ︽ᠨᠤᠬᠤᠭᠰᠠᠨ︾ ᠬᠦᠢᠲᠡᠨ ᠲᠣᠣᠷᠣᠨ ᠳᠤ ᠬᠠᠶᠢᠷᠠᠲᠠᠢ              ᠡᠷᠬᠡ ᠴᠢᠯᠦᠭᠡ ᠭᠡᠭᠴᠢ ᠶᠠᠮᠠᠷ ᠦᠨᠡᠲᠡᠢ ᠶᠢ ᠲᠡᠷᠡ ᠲᠡᠭᠷᠢ ᠳᠤ ᠵᠠᠷᠯᠠᠭᠰᠠᠨ              ᠡᠷᠲᠡᠨ ᠤ ᠪᠠᠭᠤᠴᠠᠨ ᠳᠡᠭᠡᠷᠡᠬᠢ ᠬᠠᠭᠠᠷᠬᠠᠢ ᠱᠠᠭᠠᠵᠠᠩ ᠤᠨ ᠬᠡᠯᠲᠡᠷᠬᠡᠢ ᠳᠤ ᠬᠠᠶᠢᠷᠠᠲᠠᠢ              ᠡᠪ ᠳᠥᠨᠵᠢᠨ ᠭᠡᠳᠡᠭ ᠶᠠᠮᠠᠷ ᠤᠴᠢᠷᠲᠠᠢ ᠶᠢ ᠲᠡᠷᠡ ᠲᠡᠦᠬᠡᠨ ᠳᠤ ᠵᠠᠩᠭᠢᠳᠤᠭᠰᠠᠨ              ᠭᠦᠷᠦᠭᠰᠡᠨ ᠠᠮᠵᠢᠯᠲᠠ ᠴᠢᠨᠢ ᠡᠴᠦᠰ ᠤᠨ ᠥᠷᠲᠡᠭᠡ ᠪᠢᠰᠢ ᠰᠢᠦ ᠳ᠋ᠡ              ᠭᠥᠷᠳᠡᠭᠰᠡᠨ ᠵᠢᠷᠭᠠᠯ ᠴᠢᠨᠢ ᠨᠠᠰᠤᠨ ᠤ ᠪᠤᠶᠠᠨ ᠪᠢᠰᠢ ᠰᠢᠦ ᠳ᠋ᠡ              ᠬᠥᠮᠥᠰ ᠶᠡᠷᠦᠨᠢ ᠥᠨᠳᠥᠷ ᠠᠭᠤᠯᠠ ᠶᠢᠨ ᠣᠷᠣᠢ ᠶᠢ ᠬᠠᠷᠠᠵᠤ ᠰᠦᠵᠢᠭ ᠨᠢ ᠪᠤᠴᠠᠯᠳᠠᠭ              ᠬᠥᠬᠡᠮᠳᠦᠭ ᠲᠡᠷᠡ ᠰᠦᠷ ᠪᠠᠷ᠎ᠠ ᠴᠢᠨᠢ ᠪᠡᠯ ᠤᠨ ᠴᠢᠯᠠᠭᠤᠨ ᠠᠴᠠ ᠡᠬᠢᠯᠡᠭᠰᠡᠨ ᠶᠤᠮ ᠰᠢᠦ              ᠢᠯᠡ ᠦᠵᠡᠭᠳᠡᠯ ᠳᠤ ᠪᠢᠳᠡ ᠦᠬᠦᠲᠡᠯ᠎ᠡ ᠪᠠᠨ ᠳᠤᠷᠠᠲᠠᠢ              ᠢᠯᠠᠭᠤᠭᠰᠠᠨ ᠪᠦᠭᠦᠨ ᠢ ︽ᠤᠷᠤᠭᠤᠯ ᠢᠶᠠᠨ ᠵᠢᠪᠡᠷᠡᠲᠡᠯ᠎ᠡ︾ ᠤᠤᠬᠠᠶᠢᠯᠠᠳᠠᠭ              ᠢᠯᠳᠠᠮ ᠭᠤᠪᠠᠢ ᠪᠠᠳᠮ᠎ᠠ ᠯᠢᠩᠬᠤ᠎ᠠ ᠪᠠᠯᠴᠢᠭ ᠰᠢᠪᠠᠷ ᠠᠴᠠ ᠯᠠ ᠤᠷᠭᠤᠳᠠᠭ              ᠶᠢᠷᠲᠢᠨᠴᠦ ᠶᠢᠨ ᠮᠥᠨ ᠴᠢᠨᠠᠷ ︽ᠡᠶᠡᠷᠭᠦ ᠰᠥᠭᠡᠷᠭᠦ︾᠎ ᠶᠢᠨ ᠬᠠᠷᠰᠢᠯ ᠠᠴᠠ ᠳᠦᠷᠦᠳᠡᠭ              ᠮᠠᠭᠠᠳ ᠦᠭᠡᠢ ᠪᠦᠭᠦ ᠪᠤᠷᠤᠭᠤ ᠨᠢ ᠵᠥᠪ ᠴᠦ ᠪᠠᠶᠢᠵᠤ ᠪᠤᠯᠬᠤ ᠣᠷᠴᠢᠯᠠᠩ ᠳᠤ              ᠮᠠᠨᠠᠨᠲᠤ ᠵᠡᠭᠦᠳᠦᠨ ᠤ ᠦᠯᠢᠭᠡᠷ ᠮᠡᠲᠦ ᠤᠴᠢᠷ ᠨᠢ ᠣᠯᠳᠠᠬᠤ ᠦᠭᠡᠢ ᠲᠥᠭᠡᠷᠢᠯᠳᠦᠭᠰᠡᠨ ᠶᠤᠮ              ᠮᠠᠷᠭᠠᠰᠢ ᠠᠴᠠ ᠪᠤᠰᠤ ᠥᠴᠥᠭᠡᠳᠦᠷ ᠠᠴᠠ ᠰᠡᠪᠡᠯᠵᠡᠬᠦ ᠢᠷᠡᠭᠡᠳᠦᠢ ᠶᠢ              ᠮᠠᠷᠲᠠᠬᠤᠢ ᠶᠢᠨ ᠬᠤᠭᠤᠰᠤᠨ ᠳᠤ ᠵᠢᠪᠦᠭᠰᠡᠨ ᠡᠰᠡᠷᠭᠦ ᠬᠠᠶᠢᠷ᠎ᠠ ᠠᠴᠠ ᠯᠡ ᠮᠡᠳᠡᠷᠡᠭᠰᠡᠨ ᠶᠤᠮ                            ᠲᠡᠰᠦᠭᠡᠳ ᠦᠯᠡᠳᠡ᠄ ᠪᠦᠭᠦ ᠶᠠᠭᠤᠮ᠎ᠠ ᠥᠩᠭᠡᠷᠡᠨ᠎ᠡ              ᠲᠡᠭᠷᠢ ᠴᠦ ᠶᠣᠰᠣᠲᠠᠢ ᠨᠢᠭᠡ ᠭᠠᠯᠵᠠᠭᠤᠷᠠᠬᠤ ᠨᠢ ᠁              ᠲᠡᠮᠡᠭᠡ ᠰᠢᠭ ᠠᠮᠤᠭᠤᠯᠠᠩ ᠠᠭᠤᠯᠠ ᠤᠰᠤ ᠮᠢᠨᠢ              ᠲᠡᠰᠦᠭᠡᠳ ᠥᠩᠭᠡᠷᠡᠭᠦᠯ︕ ᠲᠡᠰᠦᠭᠡᠳ ᠥᠩᠭᠡᠷᠡᠭᠦᠯ︕᠎               ᠲᠡᠭᠡᠰᠬᠢᠭᠡᠳ ᠶᠠᠭᠤ ᠴᠦ ᠪᠣᠯᠤᠭ᠎ᠠ ᠦᠭᠡᠢ ᠶᠤᠮ ᠰᠢᠭ ᠲᠠᠶᠢᠪᠤᠰᠢᠷᠠᠨ᠎ᠠ              ᠰᠢᠭᠤᠷᠭ᠎ᠠ ᠶᠣᠰᠣᠲᠠᠢ ᠮᠠᠩᠭᠤᠰ ᠰᠢᠭ᠋ ᠳᠣᠪᠲᠣᠯᠬᠤ ᠨᠢ ᠁              ᠰᠢᠨᠡᠬᠡᠨ ᠨᠢᠳᠦ ᠪᠠᠨ ᠳᠥᠩᠭᠡᠵᠦ ᠨᠡᠭᠡᠭᠡᠭᠰᠡᠨ ᠡᠪᠡᠰᠦ ᠨᠣᠭᠤᠭ᠎ᠠ ᠮᠢᠨᠢ              ᠲᠡᠰᠦᠭᠡᠳ ᠦᠯᠡᠳᠡ︕ ᠲᠡᠰᠦᠭᠡᠳ ᠦᠯᠡᠳᠡ︕᠎               ᠲᠡᠭᠦᠨ ᠤ ᠳᠠᠷᠠᠭ᠎ᠠ ᠪᠣᠷᠤᠭ᠎ᠠ ᠲᠠᠢ ᠤᠯᠠᠷᠢᠯ ᠢᠷᠡᠨ᠎ᠡ              ᠰᠦ ᠰᠢᠭ ᠴᠠᠶᠢᠯᠭᠠᠨ ᠣᠳᠣᠳ ᠢ              ᠭᠦ᠋ ᠰᠢᠭ ᠬᠠᠪ ᠬᠠᠷᠠᠩᠭᠤᠢ ᠨᠦᠮᠦᠷᠢᠨ ᠬᠠᠭᠠᠯ᠎ᠠ              ᠲᠡᠰᠦᠭᠡᠳ ᠪᠠᠢ︕ ᠲᠡᠰᠦᠭᠡᠳ ᠪᠠᠢ︕᠎               ᠤᠳᠠᠯ ᠦᠭᠡᠢ ᠦᠦᠷ ᠴᠠᠶᠢᠨ᠎ᠠ              ᠤᠷᠲᠤ ᠠᠮᠢᠳᠤᠷᠠᠯ ᠤᠨ ᠪᠣᠭᠤᠨᠢ ᠥᠷᠲᠡᠭᠡᠨ ᠳᠡᠭᠡᠷ᠎ᠡ              ᠠᠭᠤᠯᠵᠠᠬᠤ ᠤᠴᠢᠷᠲᠠᠢ ᠨᠢᠭᠦᠯ ᠶᠤᠮ ᠪᠣᠯ              ᠦᠵᠡᠭᠡᠳ ᠠᠯᠳᠠᠶ᠎ᠠ︕ ᠲᠤᠭᠤᠯᠤᠭᠠᠳ ᠭᠠᠲᠤᠯᠤᠶ᠎ᠠ︕᠎               ᠲᠡᠰᠦᠭᠡᠳ ᠦᠯᠡᠳᠡ᠄ ᠪᠦᠭᠦ ᠶᠠᠭᠤᠮ᠎ᠠ ᠥᠩᠭᠡᠷᠡᠨ᠎ᠡ              ᠲᠡᠪᠴᠢᠶᠡᠷᠢ ᠶᠢᠨ ᠴᠠᠭᠠᠨ᠎ᠠ ᠲᠡᠭᠷᠢ ᠪᠤᠢ︕᠎                             ᠦᠯᠦ ᠦᠵᠡᠭᠳᠡᠬᠦ ᠭᠡᠯᠪᠡᠷᠢ              ᠴᠢᠭᠢᠭ ᠨᠢ ᠬᠠᠩᠬᠤᠯᠤᠭᠠᠳ ᠪᠠᠶᠢᠬᠤ ᠶᠤᠮ              ᠬᠤᠷ᠎ᠠ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠰᠡᠭᠦᠳᠡᠷ ᠨᠢ ᠰᠡᠩᠭᠢᠨᠡᠭᠡᠳ ᠪᠠᠶᠢᠬᠤ ᠶᠤᠮ              ᠡᠭᠦᠯᠡ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠰᠢᠪᠠᠭᠤ ᠨᠢ ᠭᠠᠰᠠᠯᠤᠭᠠᠳ ᠪᠠᠶᠢᠬᠤ ᠶᠤᠮ              ᠮᠣᠳᠣ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠦᠨᠦᠷ ᠨᠢ ᠰᠡᠷᠪᠡᠭᠡᠨᠡᠭᠡᠳ ᠪᠠᠶᠢᠬᠤ ᠶᠤᠮ              ᠡᠪᠡᠰᠦ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠦᠭᠡ ᠨᠢ ᠬᠠᠰᠬᠢᠴᠢᠭᠠᠳ ᠪᠠᠶᠢᠬᠤ ᠶᠤᠮ              ᠦᠢᠯᠡ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠭᠦᠯᠦᠭ ᠨᠢ ᠳᠡᠪᠬᠡᠴᠡᠭᠡᠳ ᠪᠠᠶᠢᠬᠤ ᠶᠤᠮ              ᠪᠡᠯᠴᠢᠭᠡᠷ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠰᠦ ᠨᠢ ᠠᠮᠲᠠᠭᠳᠠᠭᠠᠳ ᠪᠠᠶᠢᠬᠤ ᠶᠤᠮ              ᠰᠦᠷᠦᠭ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠰᠦᠨᠡᠰᠦ ᠨᠢ ᠬᠠᠷᠠᠭᠳᠠᠭᠠᠳ ᠪᠠᠶᠢᠬᠤ ᠶᠤᠮ              ᠪᠡᠶ᠎ᠡ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠮᠥᠷᠥᠭᠡᠳᠦᠯ ᠨᠢ ᠨᠢᠵᠢᠭᠢᠨᠡᠭᠡᠳ ᠪᠠᠶᠢᠬᠤ ᠶᠤᠮ              ᠪᠡᠶᠡᠯᠡᠯ ᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠮᠥᠨ ᠴᠦ ᠶᠡᠭᠡ ᠪᠠᠷ ᠰᠢᠨᠠᠯᠤᠭᠠᠳ ᠪᠠᠶᠢᠬᠤ ᠶᠤᠮ              ᠪᠢ ᠥᠪᠡᠷ ᠢᠶᠠᠨ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠬᠠᠶᠢᠭᠰᠠᠨ ᠪᠦᠭᠦᠨ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖᠎               ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ⁈  
  
ᠢᠷᠡᠯᠲᠡ᠄ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号