| | | ᠮᠣᠩᠭᠤᠯᠴᠤᠳ ᠭᠤᠣᠯ ᠲᠥᠯᠥᠪ ᠬᠥᠬᠡ ᠴᠡᠩᠬᠡᠷ᠂ ᠴᠡᠩᠬᠡᠷ ᠬᠥᠬᠡ ᠥᠩᠭᠡ ᠪᠠᠷ ᠳᠡᠪᠡᠯ ᠲᠡᠷᠯᠢᠭ | ᠥᠩᠭᠡᠯᠡᠳᠡᠭ ᠪᠠᠶᠢᠭᠰᠠᠨ ᠨᠢ ᠡᠬᠡ ᠭᠠᠵᠠᠷ ᠤᠨ ᠥᠩᠭᠡ ᠲᠡᠭᠷᠢ ᠶᠢᠨ ᠠᠭᠠᠷ ᠮᠠᠨᠳᠠᠯ᠂ ᠠᠮᠢᠲᠠᠳ ᠢ ᠤᠮᠳᠠᠭᠠᠯᠠᠬᠤ | ᠮᠥᠩᠬᠡ ᠶᠢᠨ ᠤᠰᠤᠨ ᠤ ᠥᠩᠭᠡ ᠲᠠᠢ ᠬᠠᠷᠢᠴᠠᠭᠤᠯᠤᠨ ᠰᠣᠩᠭᠤᠵᠤ᠂ ᠰᠢᠷᠠ ᠥᠩᠭᠡ ᠶᠢᠨ ᠡᠳ᠋ ᠢᠶᠠᠷ ᠰᠠᠨᠸᠠᠷᠲᠠᠨ ᠤ | ᠡᠮᠦᠰᠬᠡᠯ ᠬᠢᠬᠦ ᠲᠤᠯᠠ ᠲᠡᠷᠡ ᠥᠩᠭᠡᠨ ᠠᠴᠠ ᠵᠠᠶᠢᠯᠠᠰᠤ ᠬᠢᠳᠡᠭ ᠪᠠᠶᠢᠵᠠᠢ᠃ ᠮᠥᠨ ᠨᠠᠰᠤᠨ ᠤ ᠪᠠᠨ ᠣᠨᠴᠠᠯᠢᠭ ᠲᠤ | ᠲᠣᠬᠢᠷᠠᠭᠤᠯᠤᠨ ᠬᠤᠪᠴᠠᠰᠤᠨ ᠤ ᠪᠠᠨ ᠥᠩᠭᠡ᠂ ᠮᠠᠲ᠋ᠧᠷᠢᠶᠠᠯ ᠢ ᠰᠣᠩᠭᠤᠳᠠᠭ ᠪᠠᠶᠢᠵᠠᠢ᠃ ᠵᠢᠱᠢᠶᠡ ᠨᠢ᠄ | ᠨᠠᠰᠤᠲᠠᠶᠢᠴᠤᠳ ᠪᠦᠳᠡᠭᠢ ᠥᠩᠭᠡ᠂ ᠡᠮᠡᠭᠲᠡᠶᠢᠴᠦᠳ ᠵᠠᠯᠠᠭᠤᠴᠤᠳ ᠲᠣᠳᠣ ᠥᠩᠭᠡ ᠶᠢᠨ ᠬᠤᠪᠴᠠᠰᠤ ᠬᠢᠵᠦ᠂ | ᠬᠠᠷᠰᠢ ᠥᠩᠭᠡ ᠪᠠᠷ ᠡᠮᠵᠢᠨᠡ᠃ ᠲᠠᠪᠢ ᠭᠠᠷᠤᠭᠰᠠᠨ ᠬᠥᠮᠥᠨ ᠲᠣᠷᠭᠠ᠂ ᠬᠤᠷᠭᠤᠢ᠂ ᠵᠠᠯᠠᠭᠤᠴᠤᠳ ᠳᠣᠷᠲᠤᠩ᠂ | ᠴᠢᠰᠴᠡᠦ ᠠᠴᠠ ᠳᠡᠭᠡᠭᠰᠢ ᠲᠣᠷᠭᠠ ᠪᠠᠷ ᠬᠤᠪᠴᠠᠰᠤ ᠬᠢᠵᠦ ᠡᠮᠦᠰᠳᠡᠭ ᠦᠭᠡᠢ ᠪᠠᠶᠢᠵᠠᠢ᠃ ᠥᠬᠢᠳ ᠨᠠᠰᠤᠨ ᠳᠤ | ᠬᠦᠷᠲᠡᠯᠡ ᠦᠰᠦ ᠪᠠᠨ 12-24 ᠰᠠᠯᠠᠭᠠ ᠰᠦᠯᠵᠢᠳᠡᠭ ᠪᠣᠯ ᠬᠤᠷᠢᠮ ᠤᠨ ᠦᠶᠡ ᠪᠠᠷ ᠬᠤᠶᠠᠷ ᠰᠠᠯᠠᠭᠠ ᠪᠣᠯᠭᠠᠨ | ᠭᠦᠷᠦᠳᠡᠭ ᠨᠢ ︽ᠡᠨᠡ ᠪᠡᠶᠡ ᠮᠢᠨᠢ ᠬᠤᠶᠠᠷ ᠪᠣᠯᠣᠯᠠ︾ ᠭᠡᠰᠡᠨ ᠤᠳᠬᠠ ᠪᠦᠬᠦᠢ ᠶᠤᠮ᠃ ᠮᠥᠨ ᠳᠡᠪᠡᠯ ᠲᠡᠷᠯᠢᠭ | ᠨᠢ ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠡᠷᠡᠭᠦᠯ ᠠᠬᠤᠢ᠂ ᠠᠶᠤᠯ ᠦᠭᠡᠢ ᠪᠠᠶᠢᠳᠠᠯ ᠬᠡᠷᠡᠭᠯᠡᠭᠡᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠲᠠᠢ ᠬᠠᠩᠭᠠᠵᠤ ᠪᠠᠶᠢᠳᠠᠭ᠃ ᠲᠤᠬᠠᠶᠢᠯᠠᠪᠠᠯ ᠮᠣᠩᠭᠤᠯ ᠲᠡᠪᠡᠯ ᠤᠨ ᠡᠩᠭᠡᠷ ᠵᠠᠳᠠᠭᠠᠢ | ᠪᠠᠶᠢᠳᠠᠭ ᠨᠢ ᠡᠮᠦᠰᠬᠦ ᠳᠤ ᠬᠢᠯᠪᠠᠷ᠂ ᠵᠥᠷᠢᠭᠦᠯᠵᠦ ᠲᠣᠪᠴᠢᠯᠠᠳᠠᠭ ᠤᠴᠢᠷ ᠰᠠᠯᠬᠢ ᠣᠷᠣᠬᠤ ᠦᠭᠡᠢ ᠳᠤᠯᠠᠭᠠᠬᠠᠨ᠂ | ᠵᠠᠬᠠ ᠨᠢ ᠪᠣᠰᠤᠭᠠ ᠤᠴᠢᠷ ᠬᠤᠭᠤᠯᠠᠢ ᠶᠢᠨ ᠡᠪᠡᠳᠴᠢᠨ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ ᠪᠠᠶᠢᠨᠠ᠃ ᠥᠷᠭᠡᠨ ᠪᠦᠰᠡ ᠨᠢ | ᠳᠣᠲᠣᠷ ᠡᠷᠬᠡᠲᠡᠨ ᠢ ᠳᠣᠷᠭᠢᠯᠲᠠ ᠠᠴᠠ ᠬᠠᠮᠠᠭᠠᠯᠠᠳᠠᠭ᠂ ᠤᠷᠲᠤ ᠬᠠᠨᠴᠤᠢ ᠪᠤᠶᠤ ᠨᠢᠳᠤᠷᠭᠠ ᠨᠢ ᠭᠠᠷ ᠢ ᠬᠠᠮᠠᠭᠠᠯᠠᠵᠤ | ᠪᠡᠭᠡᠯᠡᠢ ᠶᠢ ᠣᠷᠣᠯᠠᠳᠠᠭ᠂ ᠳᠡᠪᠡᠯ ᠤᠨ ᠬᠤᠷᠮᠣᠢ ᠨᠢ ᠥᠷᠭᠡᠨ ᠪᠠᠶᠢᠳᠠᠭ ᠨᠢ ᠮᠣᠷᠢᠨ ᠳᠤ ᠮᠣᠷᠳᠠᠵᠤ ᠪᠠᠭᠤᠵᠤ | ᠰᠠᠭᠤᠬᠤ ᠳᠤ ᠬᠥᠯ ᠳᠤᠱᠠᠬᠤ ᠦᠭᠡᠢ ᠵᠡᠷᠭᠡ ᠬᠥᠮᠥᠨ ᠤ ᠡᠷᠡᠭᠦᠯ ᠮᠡᠨᠳᠦ ᠶᠢ ᠪᠦᠷᠢᠨ ᠬᠠᠮᠠᠭᠠᠯᠠᠳᠠᠭ᠃ | | |