| | ᠨᠠ᠊ ᠦᠵᠦᠮᠡ | | ᠰᠢᠳᠡᠷ ᠴᠢᠭᠤᠯᠭᠠᠨ ᠬᠤᠳᠠ ᠶᠢᠨ ᠣᠷᠣᠢ ᠶᠢᠨ ᠰᠣᠨᠢᠨ ᠳᠤ ᠨᠢᠭᠡ ᠬᠦᠮᠦᠨ ︽ᠠᠪᠤ ᠶᠢᠨ ᠬᠥᠯ ᠤᠨ ᠮᠥᠷ︾ | ᠭᠡᠰᠡᠨ ᠭᠠᠷᠴᠠᠭ ᠲᠠᠢ ᠵᠣᠬᠢᠶᠠᠯ ᠨᠡᠶᠢᠳᠡᠯᠡᠵᠤ ᠳᠣᠲᠣᠷᠠ ᠭᠠᠵᠠᠷ ᠤᠨ ᠨᠢᠭᠡ ᠬᠥᠳᠡᠭᠡ ᠲᠣᠰᠬᠤᠨ ᠳᠤ ᠪᠠᠶᠢᠭᠰᠠᠨ ᠯᠢᠨ | ᠣᠪᠤᠭᠳᠤ ᠲᠠᠷᠢᠶᠠᠴᠢᠨ ᠤ ᠣᠯᠠᠨ ᠵᠢᠯ ᠠᠷᠢᠬᠢ ᠤᠤᠭᠤᠬᠤ ᠮᠠᠭᠤ ᠵᠠᠩᠰᠢᠯ ᠢᠶᠠᠨ ᠶᠠᠭᠠᠬᠢᠵᠤ ᠬᠠᠯᠠᠭᠰᠠᠨ ᠶᠠᠪᠤᠳᠠᠯ ᠢ | ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠲᠤᠰ ᠵᠣᠬᠢᠶᠠᠯ ᠳᠤ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ᠄ ᠯᠢᠨ ᠣᠪᠣᠭᠳᠤ ᠲᠠᠷᠢᠶᠠᠴᠢᠨ ᠡᠳᠥᠷ ᠪᠦᠷᠢ | ᠲᠠᠷᠢᠮᠠᠯ ᠤᠨ ᠠᠵᠢᠯ ᠳᠤ ᠭᠠᠷᠬᠤ ᠠᠴᠠ ᠪᠠᠨ ᠡᠮᠦᠨᠠ ᠪᠠ ᠲᠠᠷᠢᠮᠠᠯ ᠤᠨ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠬᠤ ᠦᠶᠡ ᠳᠡᠭᠡᠨ | ᠪᠠᠯᠭᠠᠰᠤᠨ ᠤ ᠨᠢᠭᠡ ᠪᠢᠴᠢᠬᠠᠨ ᠠᠷᠢᠬᠢᠨ ᠮᠤᠬᠤᠯᠠᠭ ᠲᠤ ᠬᠦᠷᠴᠤ ᠠᠷᠢᠬᠢ ᠤᠤᠭᠤᠳᠠᠭ ᠵᠠᠩᠰᠢᠯ ᠲᠠᠢ ᠭᠡᠨᠡ᠃ | ᠨᠢᠭᠡ ᠡᠳᠦᠷ ᠲᠣᠰᠬᠤᠨ ᠳᠤ ᠶᠡᠭᠡ ᠴᠠᠰᠤ ᠣᠷᠣᠵᠠᠢ᠃ ᠡᠭᠦᠨ ᠳᠤ ᠯᠢᠨ ᠣᠪᠤᠭᠳᠤ ᠪᠠᠰᠠᠯᠨ ᠵᠤᠷᠰᠢᠯ | ᠶᠣᠰᠤ ᠪᠠᠷ ᠢᠶᠠᠨ ᠡᠭᠡᠨᠡᠷ ᠲᠡᠭᠡᠨ ᠠᠷᠢᠬᠢᠨ ᠮᠣᠬᠤᠯᠠᠭ ᠲᠤ ᠣᠴᠢᠬᠤ ᠪᠠᠨ ᠮᠡᠳᠡᠭᠦᠯᠵᠤ᠂ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ | ᠡᠮᠦᠰᠴᠤ ᠭᠡᠷ ᠠᠴᠠ ᠪᠠᠨ ᠭᠠᠷᠤᠭᠠᠳ ᠠᠷᠢᠬᠢᠨ ᠮᠤᠬᠤᠯᠠᠭ ᠢ ᠴᠢᠭᠯᠡᠵᠠᠢ᠃ ᠯᠢᠨ ᠣᠪᠤᠭᠳᠤ ᠶᠠᠪᠤᠭᠠᠳ ᠳᠡᠮᠡᠢ | ᠤᠳᠠᠭᠰᠠᠨ ᠦᠭᠡᠢ ᠠᠷᠤ ᠳᠤᠨᠢ ᠨᠢᠭᠡ ᠬᠦᠮᠦᠨ ᠲᠠᠭᠠᠵᠤ ᠪᠠᠶᠢᠬᠤ ᠰᠢᠭ ᠰᠡᠷᠡᠭᠳᠡᠭᠰᠡᠨ ᠳᠤ ᠲᠡᠷᠨ ᠠᠷᠤᠨᠰᠢ ᠪᠠᠨ | ᠡᠷᠬᠢᠵᠤ ᠬᠠᠷᠠᠬᠤ ᠳᠤ ᠬᠠᠷᠢᠨ ᠥᠪᠡᠷ ᠤᠨ ᠬᠢᠨᠢ ᠰᠠᠶ᠋ᠢᠬᠠᠨ ᠠᠷᠪᠠ ᠬᠦᠷᠴᠦ ᠪᠠᠶᠢᠬᠤ ᠬᠥᠪᠡᠭᠦᠨ ᠨᠢ ᠪᠠᠶᠢᠯᠠ᠃ | ᠬᠦᠪᠡᠭᠦᠨ ᠨᠢ ᠠᠪᠤ ᠶᠢᠨ ᠢᠶᠠᠨ ᠡᠮᠦᠨᠠ ᠠᠴᠠ᠄ ︽ᠠᠪᠤ ᠡ︕ ᠲᠠ ᠦᠵᠡ ᠡᠨᠠ ᠴᠠᠰᠤ ᠶᠠᠭᠠᠬᠢᠭᠰᠨ ᠵᠤᠵᠠᠭᠠᠨ | ᠣᠷᠣᠭᠰᠠᠨ ᠪᠣᠢ︖ ᠴᠠᠰᠤᠨ ᠳᠤ ᠭᠠᠷᠤᠭᠰᠠᠨ ᠲᠠᠨ ᠤ ᠬᠥᠯ ᠤᠨ ᠮᠥᠷ ᠢᠶᠠᠷ ᠪᠢ ᠲᠠᠨ ᠢ ᠲᠠᠭᠠᠵᠤ ᠠᠳᠡ | ᠬᠦᠷᠤᠭᠡᠳ ᠢᠷᠡᠭᠰᠡᠨ ᠰᠢᠤ︕︾ ᠭᠡᠵᠡᠢ᠃ | ᠠᠪᠤ ᠨᠢ ᠬᠥᠪᠡᠭᠦᠨ ᠤ ᠪᠠᠨ ᠬᠡᠯᠡᠭᠰᠡᠨ ᠡᠨᠡ ᠦᠭᠡ ᠶᠢ ᠰᠣᠨᠣᠰᠣᠭᠠᠳ ᠭᠡᠨᠡᠳᠳᠡ ᠰᠡᠳᠭᠢᠯ ᠳᠤᠨᠢ᠂ ︽ᠬᠡᠷᠪᠡ | ᠪᠢ ᠠᠷᠢᠬᠢᠨ ᠮᠤᠬᠤᠯᠠᠭ ᠲᠤ ᠬᠦᠷᠬᠦ ᠶᠠᠭᠤᠮᠠ ᠪᠣᠯᠪᠠᠯ ᠮᠢᠨᠤ ᠬᠥᠪᠡᠭᠦᠨ ᠪᠠᠰᠠ ᠮᠢᠨᠤ ᠬᠥᠯ ᠤᠨ ᠮᠥᠷ ᠢᠶᠠᠷ ᠨᠠᠳᠠ ᠶᠢ | ᠲᠠᠭᠠᠵᠤ ᠡᠳᠥᠷ ᠪᠣᠯᠭᠠᠨ ᠠᠷᠢᠬᠢᠨ ᠮᠤᠬᠤᠯᠠᠭ ᠲᠤ ᠬᠦᠷᠪᠡᠯ ᠬᠤᠶᠢᠨᠠ ᠨᠢ ᠨᠠᠳᠠ ᠲᠠᠢ ᠨᠢᠭᠡ ᠠᠳᠠᠯᠢ ᠠᠷᠢᠬᠢ | ᠤᠤᠭᠤᠬᠤ ᠠᠴᠠ ᠥᠭᠡᠷᠠ ᠶᠠᠭᠤ ᠴᠤ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠨ ᠪᠣᠯᠪᠠᠯ ᠶᠠᠭᠠᠬᠢᠳᠠᠭ ᠪᠢᠯᠨ ᠭᠡᠬᠦ ᠪᠣᠳᠣᠯ ᠣᠷᠣᠵᠤ | ᠡᠭᠦᠨ ᠠᠴᠠ ᠡᠭᠢᠯᠡᠭᠡᠳ ᠯᠢᠨ ᠣᠪᠤᠭᠳᠤ ᠲᠡᠬᠢᠵᠤ ᠠᠷᠢᠬᠢᠨ ᠮᠤᠬᠤᠯᠠᠭ ᠲᠤ ᠣᠴᠢᠬᠤ ᠪᠠᠨ ᠪᠠᠶᠢᠵᠤ᠂ ᠡᠳᠦᠷ ᠪᠦᠷᠢ | ᠠᠷᠢᠬᠢ ᠤᠤᠭᠤᠬᠤ ᠮᠠᠭᠤ ᠵᠠᠩᠰᠢᠯ ᠢᠶᠠᠨ ᠡᠷᠡᠰ ᠲᠠᠰᠤ ᠬᠠᠯᠠᠭᠰᠠᠨ ᠭᠡᠨᠡ᠃ | ᠪᠢᠳᠡ ᠡᠨᠡᠬᠦ ︽ᠠᠪᠤ ᠶᠢᠨ ᠬᠥᠯ ᠤᠨ ᠮᠥᠷ︾ ᠭᠡᠬᠦ ᠣᠬᠤᠷ ᠵᠣᠬᠢᠶᠠᠯ ᠠᠴᠠ ᠠᠪᠤ ᠡᠵᠢ ᠪᠤᠯᠪᠠᠯ ᠦᠷᠡ | ᠬᠡᠦᠭᠡᠳ ᠤᠨ ᠢᠶᠠᠨ ᠬᠠᠮᠤᠭ ᠠᠩᠬᠠᠨ ᠤ ᠬᠠᠮᠤᠭ ᠤᠨ ᠰᠠᠶᠢᠨ ᠪᠠᠭᠰᠢ ᠨᠢ ᠮᠥᠨ ᠪᠥᠭᠡᠳ ᠪᠠᠰᠠ ᠦᠷᠡ | ᠬᠡᠦᠭᠡᠳ ᠲᠡᠭᠡᠨ ᠵᠥᠪ ᠵᠠᠮ ᠵᠢᠭᠠᠬᠠᠤ ᠵᠠᠮᠴᠢ ᠮᠥᠨ ᠪᠠᠶᠢᠵᠤ᠂ ᠠᠪᠤ ᠡᠵᠢ ᠶᠢᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠨ | ᠠᠵᠢᠯᠯᠠᠭᠠ ᠨᠢ ᠦᠷᠡ ᠬᠡᠦᠭᠡᠳ ᠢ ᠰᠢᠭᠤᠳ ᠨᠥᠯᠥᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠡᠤᠬᠡᠳ ᠢ ᠨᠠᠰᠤᠨ ᠲᠤᠷᠰᠢ | ᠨᠥᠯᠥᠭᠡᠯᠡᠬᠦ ᠶᠢ ᠮᠡᠳᠡᠵᠤ ᠪᠣᠯᠬᠤ ᠶᠤᠮ᠃ | ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠵᠦᠢᠷ ᠰᠡᠴᠡᠨ ᠦᠭᠡ ᠪᠠ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠳᠤ ᠪᠠᠰᠠ ︽ | ᠠᠪᠤ ᠶᠢᠨ ᠰᠤᠷᠭᠠᠯ ᠠᠯᠳᠠᠨ ᠠᠴᠠ ᠦᠨᠡᠳᠡᠢ᠂ ᠡᠵᠢ ᠶᠢᠨ ᠬᠠᠶᠢᠷᠠ ᠠᠨᠠᠪᠠᠳ ᠳᠠᠯᠠᠢ ᠠᠴᠠ ᠭᠦᠨ︾᠂ ︽ᠠᠪᠤ ᠶᠢᠨ | ᠪᠠᠭᠤᠷᠢ ᠳᠤ ᠰᠠᠭᠤᠵᠤ᠂ ᠡᠵᠢ ᠶᠢᠨ ᠢᠶᠠᠨ ᠰᠠᠭᠤᠷᠢ ᠳᠤ ᠰᠠᠭᠤᠨᠠ︾᠂ ︽ᠠᠯᠢᠮᠠ ᠡᠰᠢ ᠠᠴᠠ ᠪᠠᠨ ᠬᠤᠯᠨ | ᠣᠴᠢᠬᠤ ᠦᠭᠡᠢ︾ ᠭᠡᠬᠦ ᠮᠡᠳᠦ ᠦᠭᠡ ᠪᠠᠶᠢᠳᠠᠭ ᠪᠥᠭᠡᠳ ᠡᠳᠡᠭᠡᠷ ᠦᠭᠡ ᠳᠤ ᠦᠷᠡ ᠬᠡᠤᠭᠡᠳ ᠤᠨ ᠥᠰᠦᠯᠳᠡ | ᠪᠦᠢᠵᠢᠯᠳᠡ ᠨᠢ ᠠᠪᠤ ᠡᠵᠢ ᠶᠢᠨ ᠰᠤᠷᠭᠠᠯ ᠬᠦᠮᠦᠵᠢᠯ ᠠᠴᠠ ᠤᠭᠳᠤ ᠰᠠᠯᠬᠤ ᠦᠭᠡᠢ ᠪᠠᠶᠢᠵᠤ ᠠᠯᠢ ᠨᠢᠭᠡ ᠠᠶᠢᠯ | ᠡᠷᠦᠭᠡ ᠶᠢᠨ ᠦᠷᠡ ᠬᠡᠤᠭᠡᠳ ᠴᠥᠮ ᠠᠪᠤ ᠡᠵᠢ ᠪᠠᠷ ᠢᠶᠠᠨ ᠬᠡᠪ ᠲᠠᠭᠤᠷᠢᠶᠠᠯ ᠪᠣᠯᠭᠠᠨ ᠠᠪᠤ ᠡᠵᠢ ᠠᠴᠠ ᠪᠠᠨ | ᠰᠤᠷᠤᠯᠴᠠᠵᠤ᠂ ᠠᠪᠤ ᠡᠵᠢ ᠪᠠᠨ ᠲᠠᠭᠠᠨ ᠬᠦᠮᠦᠨ ᠪᠣᠯᠵᠤ ᠬᠦᠮᠦᠵᠢᠨᠡ ᠭᠡᠭᠰᠡᠨ ᠭᠦᠨ ᠤᠳᠬᠠ ᠠᠭᠤᠯᠤᠭᠳᠠᠵᠤ | ᠪᠠᠶᠢᠳᠠᠭ᠃ | ᠲᠡᠶᠢᠮᠦ ᠠᠴᠠ ᠠᠪᠤ ᠡᠵᠢ ᠪᠣᠯᠤᠭᠰᠠᠳ ᠦᠷᠡ ᠬᠡᠤᠭᠡᠤᠨ ᠢᠶᠠᠨ ᠲᠦᠮᠡᠨ ᠤ ᠲᠦᠷᠦᠭᠦᠴᠢ᠂ ᠮᠢᠩᠭᠠᠨ ᠤ | ᠮᠠᠩᠯᠠᠢ ᠪᠣᠯᠭᠠᠨ ᠬᠦᠮᠦᠵᠢᠭᠦᠯᠵᠤ᠂ ᠦᠷᠡ ᠪᠠᠷ ᠢᠶᠠᠨ ᠬᠦᠮᠤᠨ ᠬᠢᠵᠤ ᠦᠷᠢᠶᠡ ᠪᠠᠷ ᠢᠶᠠᠨ ᠮᠣᠷᠢ ᠬᠢᠵᠤ᠂ ᠦᠷᠡ | ᠬᠡᠣᠬᠡᠳ ᠢᠶᠠᠨ ᠣᠳᠣ ᠰᠣᠳᠣ ᠪᠣᠯᠭᠠᠨ ᠬᠦᠮᠦᠵᠢᠭᠦᠯᠵᠤ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠤ ᠲᠤᠰᠠᠲᠠᠢ ᠬᠦᠮᠦᠨ ᠪᠣᠯᠭᠠᠬᠤ ᠭᠡᠪᠡᠯ | ᠠᠪᠤ ᠡᠵᠢ ᠪᠣᠯᠤᠭᠰᠠᠳ ᠥᠪᠡᠷ ᠢᠶᠠᠨ ᠶᠠᠭᠤᠨ ᠤ ᠲᠡᠷᠢᠭᠦᠨ ᠳᠤ ︽ᠣᠯᠠᠨ ᠤ ᠲᠣᠳᠣᠷᠠ ᠪᠡᠶᠠ ᠪᠠᠨ ᠰᠢᠨᠵᠢᠵᠤ᠂ | ᠭᠠᠭᠴᠠᠭᠠᠷ ᠰᠠᠭᠤᠪᠠᠯ ᠰᠡᠳᠭᠢᠯ ᠢᠶᠠᠨ ᠰᠢᠨᠵᠢ︾ ᠭᠡᠳᠡᠭ ᠢᠶᠠᠷ ᠡᠷᠬᠡᠪᠰᠢ ᠥᠪᠡᠷ ᠤᠨ ᠢᠶᠠᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠨ | ᠠᠵᠢᠯᠯᠠᠭᠠ ᠪᠠᠨ ᠴᠠᠭ ᠢᠮᠠᠬᠳᠠ ᠠᠵᠢᠭᠯᠠᠵᠤ᠂ ᠦᠷᠭᠦᠯᠵᠢ ᠠᠩᠬᠠᠷᠴᠤ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠤᠴᠢᠷ ᠨᠢ ᠲᠡᠭᠡᠷᠠ | ᠶᠠᠷᠢᠭᠰᠠᠨ ᠯᠢᠨ ᠣᠪᠤᠭᠳᠤ ᠶᠢᠨ ᠶᠠᠪᠤᠳᠠᠯ ᠢ ᠲᠡᠮᠳᠡᠭᠯᠡᠭᠰᠡᠨ ︽ᠠᠪᠤ ᠶᠢᠨ ᠬᠥᠯ ᠤᠨ ᠮᠥᠷ︾ ᠭᠡᠬᠦ ᠵᠣᠬᠢᠶᠠᠯ ᠪᠠ | ᠵᠦᠢᠷ ᠰᠡᠴᠡᠨ ᠦᠭᠡ ᠠᠴᠠ ᠦᠵᠡᠬᠦ ᠳᠤ ᠠᠪᠤ ᠡᠵᠢ ᠶᠢᠨ ᠦᠢᠯᠨ ᠠᠵᠢᠯᠯᠠᠭᠠ ᠨᠢ ᠦᠷᠠ ᠬᠡᠦᠭᠡᠳ ᠤᠨ ᠣᠳᠣ | ᠰᠣᠳᠣ ᠪᠣᠯᠵᠤ ᠬᠦᠮᠦᠵᠢᠭᠳᠡᠬᠦ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠭ ᠨᠢ ᠲᠤᠩ ᠢᠯᠨ ᠳᠣᠲᠣᠷᠬᠠᠢ ᠪᠠᠶᠢᠨᠠ᠃ | ᠡᠶᠢᠮᠦ ᠠᠴᠠ ᠮᠢᠨᠤ ᠦᠵᠡᠬᠦ ᠪᠠᠷ᠂ ᠠᠪᠤ ᠡᠵᠢ ᠪᠣᠯᠤᠭᠰᠠᠳ ᠪᠠ ᠠᠯᠢ ᠨᠢᠭᠡ ᠭᠡᠷ ᠤᠨ ᠠᠬᠠᠮᠠᠳ ᠴᠠᠭ ᠢᠮᠠᠭᠳᠠ | ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ︽ᠰᠥᠭᠡᠭᠡᠷᠢ ᠶᠢᠨ ᠰᠠᠶᠢᠨ ᠢᠶᠠᠷ ᠬᠥᠯᠦᠭ ᠪᠣᠯᠤᠨᠠ᠂ ᠰᠤᠷᠭᠠᠯ ᠤᠨ ᠰᠠᠶᠢᠨ ᠢᠶᠠᠷ | ᠬᠦᠮᠦᠨ ᠪᠣᠯᠤᠨᠠ︾ ᠭᠡᠳᠡᠭ ᠵᠦᠢᠷ ᠦᠭᠡ ᠶᠢ ᠪᠠᠳᠤ ᠴᠡᠭᠡᠵᠢᠯᠡᠵᠤ ᠦᠷᠠ ᠬᠡᠤᠭᠡᠳ ᠲᠡᠭᠡᠨ ᠦᠷᠭᠦᠯᠵᠢ ᠭᠡᠷ | ᠪᠥᠯᠢ ᠶᠢᠨ ᠬᠠᠯᠠᠭᠤᠨ ᠳᠤᠲᠤᠨᠤ ᠬᠠᠶᠢᠷᠠ ᠬᠠᠯᠠᠮᠵᠢ ᠬᠦᠷᠳᠡᠭᠡᠵᠤ᠂ ᠦᠷᠠ ᠬᠡᠤᠭᠡᠳ ᠤᠨ ᠢᠶᠠᠨ ᠪᠤᠶᠢᠵᠢᠯᠳᠠ ᠳᠤ | ᠰᠠᠶᠢᠨ ᠪᠠᠭᠰᠢ᠂ ᠲᠤᠰᠠ ᠲᠠᠢ ᠨᠠᠶᠢᠵᠠ ᠬᠠᠨᠢ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠦᠷᠠ ᠬᠡᠤᠭᠡᠳ ᠤᠨ ᠢᠶᠠᠨ ᠡᠷᠡᠭᠦᠯ | ᠰᠠᠷᠠᠭᠤᠯ ᠰᠡᠴᠡᠨ ᠰᠡᠷᠭᠦᠯᠡᠩ ᠥᠰᠴᠤ ᠪᠤᠶᠢᠵᠢᠬᠤ ᠳᠤ ᠪᠡᠶᠠ ᠪᠠᠷ ᠢᠶᠠᠨ ᠦᠯᠢᠭᠡᠷ ᠦᠵᠡᠭᠦᠯᠵᠤ ᠲᠣᠯᠢ ᠪᠣᠯᠬᠤ | ᠬᠡᠷᠡᠭᠳᠡᠢ᠃ ᠤᠴᠢᠷ ᠨᠢ ᠪᠣᠳᠠᠳᠤ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠠᠴᠠ ᠪᠢᠳᠡ ᠠᠪᠤ ᠡᠵᠢ ᠶᠢᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠨ | ᠬᠥᠳᠡᠯᠦᠯ᠂ ᠵᠠᠩ ᠠᠭᠠᠯᠢ᠂ ᠬᠡᠪ ᠰᠤᠷᠳᠠᠯ᠂ ᠪᠣᠯᠪᠠᠰᠤᠷᠠᠯ ᠨᠢ ᠦᠷᠡ ᠬᠡᠤᠭᠡᠳ ᠤᠨ ᠤᠬᠠᠭᠠᠨ ᠪᠢᠯᠢᠭ᠂ ᠤᠶᠤᠨ | ᠴᠢᠳᠡᠪᠦᠷᠢ ᠴᠢᠨᠡᠬᠰᠢᠳᠡ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠤ ᠠᠰᠢᠭ ᠲᠤᠰᠠᠳᠠᠢ ᠬᠦᠮᠦᠨ ᠪᠣᠯᠵᠤ ᠬᠦᠮᠦᠵᠢᠭᠳᠡᠵᠤ ᠴᠢᠳᠡᠬᠤ | ᠡᠰᠡᠬᠦ ᠶᠢ ᠰᠢᠭᠤᠳ ᠨᠥᠯᠥᠭᠡᠯᠡᠵᠤ ᠪᠠᠶᠢᠬᠤ ᠶᠢᠨ ᠬᠠᠮᠳᠤ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠠᠶᠠᠨ ᠳᠤ ᠵᠥᠪ ᠵᠠᠮ ᠢᠶᠠᠷ | ᠶᠠᠪᠤᠵᠤ ᠵᠣᠷᠢᠭᠰᠠᠨ ᠳᠠᠭᠠᠨ ᠬᠦᠷᠴᠤ ᠵᠤᠯ ᠲᠠᠢ ᠦᠢᠯᠡᠰ ᠢᠶᠠᠨ ᠠᠮᠵᠢᠯᠳᠠ ᠲᠠᠢ ᠰᠠᠶᠢᠨ ᠪᠡᠶᠡᠯᠡᠭᠦᠯᠬᠦ ᠳᠤ ᠣᠷᠣᠯᠠᠵᠤ | ᠪᠣᠯᠬᠤ ᠦᠭᠡᠢ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠵᠦᠢᠷ ᠰᠠᠴᠠᠨ ᠦᠭᠡ ᠳᠤ | ᠬᠡᠯᠡᠳᠡᠭ ᠢᠶᠠᠷ ︽ᠵᠠᠩ ᠰᠠᠶᠢᠳᠠᠢ ᠠᠶᠢᠯ ᠳᠤ ᠬᠦᠮᠦᠨ ᠢᠷᠡᠳᠡᠭ᠂ ᠵᠠᠮᠠᠭ ᠰᠠᠶᠢᠳᠠᠢ ᠤᠰᠤᠨ ᠳᠤ ᠵᠢᠭᠠᠰᠤ ᠬᠤᠷᠠᠳᠠᠭ︾ | ᠭᠡᠳᠡᠭ ᠢᠶᠠᠷ ᠠᠪᠤ ᠡᠵᠢ ᠨᠢ ᠪᠤᠰᠤᠳ ᠲᠤ ᠡᠶᠡᠯᠳᠡᠭ ᠨᠥᠬᠦᠷᠰᠡᠭ ᠢᠶᠠᠷ ᠬᠠᠨᠳᠤᠵᠤ᠂ ᠪᠤᠰᠤᠳ ᠬᠦᠮᠦᠨ ᠲᠠᠢ | ᠢᠯᠡᠭᠦᠭᠡᠨ ᠶᠠᠪᠤᠯᠴᠠᠵᠤ᠂ ᠪᠤᠰᠤᠳ ᠢ ᠬᠠᠪᠰᠤᠷᠬᠤ ᠪᠠᠷ ᠵᠢᠷᠭᠠᠯ ᠢᠶᠠᠨ ᠪᠣᠯᠭᠠᠳᠠᠭ ᠠᠶᠢᠯ ᠳᠤ ᠥᠰᠴᠤ ᠪᠤᠶᠢᠵᠢᠭᠰᠠᠨ | ᠬᠥᠪᠡᠭᠦᠳ ᠶᠠᠭ ᠠᠪᠤ ᠡᠵᠢ ᠲᠠᠢ ᠪᠠᠨ ᠨᠢᠭᠡ ᠠᠳᠠᠯᠢ ᠪᠤᠰᠤᠳ ᠲᠤ ᠨᠠᠶᠢᠵᠠᠷᠬᠠᠭ᠂ ᠪᠤᠰᠤᠳ ᠲᠤ ᠲᠤᠰᠠᠷᠬᠠᠭ | ᠪᠠᠶᠢᠳᠠᠭ ᠪᠥᠭᠡᠳ ᠠᠪᠤ ᠡᠵᠢ ᠨᠢ ᠦᠭᠡ ᠲᠠᠭᠤᠨ ᠴᠥᠭᠡᠨ ᠠᠶᠢᠯ ᠤᠨ ᠬᠡᠤᠬᠡᠤᠨ ᠪᠤᠰᠤᠳ ᠠᠴᠠ ᠮᠡᠨᠳᠤ | ᠠᠰᠠᠭᠤᠬᠤ ᠪᠠᠨ ᠪᠠᠰᠠ ᠮᠡᠳᠡᠬᠦ ᠥᠬᠡᠢ ᠶᠠᠪᠤᠳᠠᠯ ᠣᠯᠠᠨ ᠪᠠᠶᠢᠬᠤ ᠢ ᠢ ᠪᠢᠳᠡ ᠡᠳᠦᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ | ᠳᠤᠮᠳᠠ ᠪᠣᠯᠤᠨ ᠺᠢᠨᠤ᠋᠂ ᠲᠧᠯᠸᠢᠰ ᠲᠡᠭᠡᠷᠠ ᠠᠴᠠ ᠠᠷᠪᠢᠨ ᠦᠵᠡᠵᠤ ᠰᠣᠨᠣᠰᠴᠤ ᠪᠠᠶᠢᠬᠤ ᠶᠤᠮ᠃ | ᠲᠡᠶᠢᠮᠥ ᠠᠴᠠ ᠠᠪᠤ ᠡᠵᠢ ᠪᠣᠯᠤᠭᠰᠠᠳ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠦᠷᠠ ᠬᠡᠤᠬᠡᠳ ᠢᠶᠠᠨ ᠣᠳᠤ ᠢ ᠶᠢᠨ ᠨᠢᠰᠬᠦ | ᠮᠡᠳᠦ ᠬᠥᠭᠵᠢᠨ ᠪᠠᠳᠠᠷᠠᠵᠤ ᠪᠠᠶᠢᠭᠠ ᠨᠡᠶᠢᠭᠡᠮ ᠤᠨ ᠠᠶᠢᠵᠠᠮ ᠲᠠᠢ ᠨᠠᠷᠢᠨ ᠨᠢᠭᠳᠠ ᠵᠣᠬᠢᠴᠠᠭᠰᠠᠨ᠂ ᠤᠯᠠᠨ ᠲᠠᠯᠠ ᠶᠢᠨ | ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠭᠰᠡᠨ ᠠᠯᠤᠰ ᠬᠤᠯᠨ ᠶᠢᠨ ᠬᠦᠰᠡᠯᠡᠩ ᠲᠠᠢ ᠤᠬᠠᠭᠠᠨ ᠴᠢᠳᠡᠪᠦᠷᠢ ᠬᠤᠣᠰᠯᠠᠭᠰᠠᠨ | ᠬᠦᠮᠦᠨ ᠪᠣᠯᠭᠠᠨ ᠬᠦᠮᠦᠵᠢᠭᠦᠯᠬᠦ ᠭᠡᠪᠡᠯ ᠥᠪᠡᠷ ᠤᠨ ᠪᠡᠶᠠ ᠪᠠᠨ ᠴᠢᠩᠭᠠ ᠱᠠᠭᠠᠷᠳᠠᠵᠤ ᠰᠤᠷᠤᠯᠴᠠᠯᠭᠠ ᠪᠠᠨ | ᠬᠦᠴᠦᠷᠬᠡᠭᠵᠢᠭᠦᠯᠵᠤ᠂ ᠥᠪᠡᠷ ᠢᠶᠠᠨ ᠶᠠᠭᠤᠨ ᠤ ᠤᠷᠢᠤᠨ ᠤᠯᠠᠨ ᠵᠦᠢᠯ ᠤᠨ ᠮᠡᠳᠡᠯᠭᠡ ᠡᠵᠡᠮᠰᠢᠵᠤ ᠨᠡᠶᠢᠭᠡᠮ ᠤᠨ | ᠠᠶᠢᠵᠠᠮ ᠲᠠᠢ ᠦᠷᠭᠦᠯᠵᠢ ᠬᠥᠯ ᠨᠢᠭᠡᠳᠵᠤ ᠬᠥᠭ ᠨᠠᠶᠢᠯᠠᠵᠤ ᠪᠠᠶᠢᠬᠤ ᠪᠠᠷ ᠴᠢᠷᠮᠠᠶᠢᠬᠤ ᠬᠡᠷᠡᠭᠳᠡᠢ᠃ | |