| | | | ● ᠮᠠᠤ ᠲᠦᠮᠡᠨ | ᠪᠢᠳᠠᠨ ᠢ ᠠᠭᠤᠯᠠᠨ ᠠᠴᠠ ᠪᠠᠭᠤᠬᠤ ᠳᠤ ᠣᠷᠣᠢ ᠶᠢᠨ ᠨᠠᠷᠠᠨ ᠲᠡᠭᠷᠢ ᠡᠯᠡᠰᠦᠨ ᠤ ᠴᠠᠭᠠᠭᠤᠷ ᠲᠤᠯᠤᠩ | ᠲᠠᠲᠠᠭᠤᠯᠤᠨ ᠰᠢᠩᠭᠡᠯᠡ᠃ ᠬᠡᠳᠦᠭᠦᠯᠡ ᠪᠠᠨ ᠡᠳᠦᠷ ᠤᠨ ᠪᠡᠯᠡᠳᠦᠭᠰᠡᠨ ᠬᠤᠭᠤᠯᠠ ᠬᠦᠨᠡᠰᠦ ᠪᠠᠨ ᠭᠠᠷᠭᠠᠭᠠᠳ ᠮᠠᠰᠢᠨ | ᠲᠡᠷᠭᠡᠨ ᠳᠡᠭᠡᠷᠡ ᠪᠠᠨ ᠳᠥᠭᠦᠮᠬᠡᠨ ᠬᠤᠭᠤᠯᠠᠯᠠᠨ ᠵᠣᠭᠤᠭᠳᠠᠵᠤ ᠪᠠᠶᠢᠲᠠᠯᠠ ︽ᠳᠠᠯᠠᠩ ᠤᠨ ᠬᠤᠷᠤᠭᠠ ᠶᠢᠨ | ᠣᠷᠣᠢ ᠳᠠᠬᠢ ᠬᠠᠳᠠᠨ ᠳᠡᠭᠡᠷᠡ ᠨᠢᠭᠡ ᠰᠡᠶᠢᠯᠦᠮᠡᠯ ᠪᠠᠶᠢᠳᠠᠭ ᠪᠥᠭᠡᠳ ᠳᠡᠭᠡᠷᠡ ᠵᠠᠭᠤᠨ ᠤ ᠳᠤᠮᠳᠠᠴᠢ ᠦᠶᠡ ᠪᠤᠯᠳᠠᠯᠠ | ᠲᠤᠰᠬᠠᠢ ᠬᠥᠮᠥᠨ ᠬᠠᠷᠢᠭᠤᠴᠠᠨ ᠳᠠᠭᠢᠵᠤ ᠪᠠᠶᠢᠭᠰᠠᠨ ᠮᠠᠶ᠋ᠢᠭᠲᠠᠢ︾ ᠭᠡᠬᠦ ᠡᠷᠳᠡᠨᠢᠬᠦᠦ ᠭᠤᠸᠠᠢ ᠶᠢᠨ ᠶᠠᠷᠢᠶᠠ ᠤᠯᠠᠨ ᠤ | ᠰᠣᠨᠢᠷᠬᠠᠯ ᠢ ᠲᠠᠲᠠᠵᠤ᠂ ᠬᠡᠯᠡᠯᠴᠡᠵᠦ ᠵᠥᠪᠯᠡᠯᠳᠦᠭᠰᠡᠨ ᠤ ᠳ᠋ᠦᠩ ᠳᠤ ᠮᠠᠷᠭᠠᠰᠢ ᠥᠷᠯᠥᠭᠡ ᠳᠠᠯᠠᠩ ᠤᠨ ᠬᠤᠷᠤᠭᠠ ᠳᠤ | ᠭᠠᠷᠬᠤ ᠪᠠᠷ ᠲᠣᠭᠲᠠᠪᠠ᠃ | ᠵᠠᠮ ᠨᠡᠯᠢᠶᠡᠳ ᠬᠤᠯᠠ ᠮᠥᠷᠲᠡᠭᠡᠨ ᠪᠠᠷᠳᠠᠭᠠ ᠲᠠᠢ ᠪᠠᠶᠢᠬᠤ ᠶᠢ ᠣᠶᠢᠯᠠᠭᠠᠭᠠᠳ ᠪᠢᠳᠠ ᠳᠠᠷᠠᠭᠠ | ᠡᠳᠦᠷ ᠤᠨ ᠬᠢᠨᠢ ᠦᠦᠷ ᠢᠶᠠᠷ ᠪᠣᠯᠵᠣᠨ ᠴᠤᠭᠯᠠᠷᠠᠭᠠᠳ ᠠᠶᠠᠨ ᠳᠠᠭᠠᠨ ᠮᠣᠷᠳᠠᠯᠠ᠃ ᠳᠠᠯᠠᠩ ᠤᠨ ᠬᠤᠷᠤᠭᠠ ᠳᠤ | ᠭᠠᠷᠬᠤ ᠳᠤ ᠰᠢᠷᠠ ᠬᠥᠲᠥᠯ ᠤᠨ ᠬᠤᠶᠢᠲᠤ ᠲᠠᠯᠠ ᠶᠢᠨ ᠠᠭᠤᠯᠠᠨ ᠣᠷᠣᠢ ᠪᠠᠷ ᠳᠠᠪᠠᠭ᠋ᠤ ᠲᠤᠯᠠ ᠪᠢᠳᠠᠨ ᠤ ᠮᠠᠰᠢᠨ | ᠪᠠᠶᠠᠨᠬᠤᠲᠠ ᠠᠴᠠ ᠭᠠᠷᠴᠤ ᠵᠡᠭᠦᠨ ᠡᠮᠦᠨᠡᠰᠢ ᠴᠢᠭᠯᠡᠯᠡ᠃ | ᠠᠯᠠᠱᠠ ᠠᠭᠤᠯᠠᠨ ᠤ ᠳᠤᠮᠳᠠ ᠬᠡᠰᠡᠭ ᠤᠨ ᠪᠠᠷᠠᠭᠤᠨ ᠬᠢᠷᠠ ᠳᠤ ᠪᠠᠶᠢᠷᠢᠯᠠᠭᠠ ᠰᠢᠷᠠ ᠬᠥᠲᠥᠯ ᠭᠡᠪᠡᠯ | ᠨᠡᠯᠢᠶᠡᠳ ᠨᠠᠰᠤ ᠶᠠᠪᠤᠭᠰᠠᠨ ᠨᠤᠲᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠪᠠᠷᠤᠭ ᠪᠦᠷ ᠮᠡᠳᠡᠬᠦ ᠶᠤᠮ᠃ ᠬᠢᠲᠠᠳ ᠢᠶᠠᠷ ᠹᠠᠨ ᠵᠢᠶᠠ | ᠶᠢᠩᠽᠢ ᠭᠡᠬᠦ ᠡᠨᠡ ᠭᠠᠵᠠᠷ ᠨᠢ ᠥᠩᠭᠡᠷᠡᠭᠰᠡᠨ ᠳᠤ ᠠᠯᠠᠱᠠ ᠪᠣᠯᠣᠨ ᠢᠷᠭᠠᠢ ᠶᠢ ᠬᠤᠯᠪᠣᠭᠰᠠᠨ ᠳᠥᠲᠡ ᠵᠠᠮ ᠳᠠᠬᠢ | ᠮᠠᠰᠢ ᠴᠢᠬᠤᠯᠠ ᠨᠢᠭᠡᠨ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠪᠢᠯᠡ᠃ ᠰᠢᠷᠠ ᠬᠥᠲᠥᠯ ᠨᠢ ᠪᠠᠶᠠᠨᠬᠤᠲᠠ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ | 22 ᠺᠢᠯᠣᠮᠧᠲᠷ ᠤᠨ ᠵᠠᠢ ᠳᠤ ᠪᠠᠶᠢᠷᠢᠰᠢᠵᠤ᠂ ᠡ᠊ᠨᠳᠡ ᠠᠴᠠ ᠵᠡᠭᠦᠨᠰᠢᠬᠢ ᠠᠭᠤᠯᠠᠨ ᠵᠢᠯᠠᠭᠠ ᠶᠢ ᠳᠠᠭᠠᠵᠤ ᠶᠠᠪᠤᠭᠰᠠᠭᠠᠷ | ᠪᠠᠶᠢᠭᠠᠳ ᠠᠯᠠᠱᠠ ᠠᠭᠤᠯᠠᠨ ᠤ ᠵᠡᠭᠦᠨ ᠬᠢᠷᠠ ᠳᠠᠬᠢ ᠰᠦ᠋ ᠢᠦᠢ ᠺᠧᠦ ᠭᠡᠬᠦ ᠠᠭᠤᠯᠠᠨ ᠠᠮᠠ ᠪᠠᠷ ᠭᠠᠷᠪᠠᠯ ᠳᠠᠷᠤᠢ | ᠢᠷᠭᠠᠢ ᠬᠤᠲᠠᠨᠠ ᠭᠦᠷᠦᠨᠡ᠃ ᠴᠢᠯᠦᠭᠡᠯᠡᠬᠦ ᠠᠴᠠ ᠡᠮᠦᠨᠡ ᠡᠨᠡ ᠬᠤᠭᠤᠷᠣᠨᠳᠤᠭᠤᠷ ᠲᠦᠭᠦᠮ ᠵᠠᠮ ᠵᠠᠰᠠᠵᠤ᠂ ᠮᠣᠷᠢ | ᠤᠨᠤᠭᠠ ᠪᠠᠷ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠪᠥᠭᠡᠳ ᠵᠢᠵᠢᠭ ᠮᠠᠰᠢᠨ ᠲᠡᠷᠭᠡ ᠴᠤ ᠨᠡᠪᠳᠡᠷᠡᠵᠤ ᠪᠤᠯᠳᠠᠭ | ᠪᠠᠶᠢᠵᠠᠢ᠃ ᠹᠠᠨ ᠵᠢᠶᠠ ᠶᠢᠩᠽᠢ ︵ᠹᠠᠨ ᠣᠪᠣᠭᠲᠤ ᠶᠢᠨ ᠬᠤᠸᠠᠷᠠᠨ︶ ᠭᠡᠬᠦ ᠬᠢᠲᠠᠳ ᠨᠡᠷᠡᠶᠢᠳᠦᠯ ᠨᠢ ᠦᠯᠢᠭᠡᠷ | ᠪᠢᠴᠢᠭ ᠲᠤ ᠭᠠᠷᠳᠠᠭ ᠲᠡᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠡᠮᠡᠭᠲᠡᠢ ᠪᠠᠭᠠᠲᠤᠷ ᠹᠠᠨ ᠯᠢ ᠬᠤᠸᠠ ᠬᠡᠮᠡᠭᠴᠢ ᠲᠠᠢ | ᠬᠤᠯᠪᠤᠭᠠ ᠲᠠᠢ ᠠᠵᠢ᠃ ᠦᠯᠢᠭᠡᠷ ᠲᠤᠮᠤᠭ ᠠᠴᠠ ᠬᠡᠶᠢᠰᠪᠦᠷᠢᠯᠡᠭᠰᠡᠨ ᠵᠣᠬᠢᠶᠠᠮᠠᠯ ᠳᠦᠷᠢ ᠪᠤᠯᠬᠤ ᠹᠠᠨ ᠯᠢ ᠬᠤᠸᠠ | ᠨᠢ ᠰᠦᠢ ᠲᠠᠩ ᠤᠯᠤᠰ ᠤᠨ ᠦᠯᠢᠭᠡᠷ ᠲᠡᠦᠬᠡ ᠪᠠᠷ ᠰᠡᠳᠦᠪᠯᠡᠭᠰᠡᠨ ︽ᠲᠠᠩ ᠢ ᠥᠭᠦᠯᠡᠬᠦᠢ︾᠂ ︽ᠰᠢᠤᠸᠠᠢ | ᠣᠪᠣᠭᠲᠤ ᠶᠢᠨ ᠵᠠᠩᠵᠤᠳ︾ ᠵᠡᠷᠭᠡ ᠦᠯᠢᠭᠡᠷ ᠤᠳ ᠤᠨ ᠭᠤᠣᠯ ᠪᠠᠭᠠᠲᠤᠷ ᠤᠨ ᠨᠢᠭᠡ ᠨᠢ ᠪᠥᠭᠡᠳ ᠬᠤᠸᠠ ᠮᠦ ᠯᠠᠨ | ᠂ ᠮᠦ ᠭᠦᠢ ᠶᠢᠩ᠂ ᠯᠢᠶᠠᠩ ᠬᠤᠨᠭ᠌ ᠢᠦᠢ ᠯᠦᠭᠡ ᠬᠠᠮᠲᠤ ᠪᠠᠷ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠲᠡᠨ ᠤ ᠲᠦᠷᠪᠡᠨ ᠡᠮᠡᠭᠲᠡᠢ | ᠪᠠᠭᠠᠲᠤᠷ ᠭᠡᠭᠳᠡᠵᠦ᠂ ᠰᠢ ᠵᠦᠴᠦᠭᠡ᠂ ᠦᠯᠢᠭᠡᠷ ᠬᠤᠯᠪᠤᠭᠠ ᠳᠤ ᠠᠷᠪᠢᠨ ᠢᠯᠡᠷᠡᠳᠡᠭ᠃ ᠦᠯᠢᠭᠡᠷ ᠶᠠᠷᠢᠶᠠᠨ ᠳᠤ | ᠳᠡᠷᠡ ᠪᠠᠷ ᠲᠠᠩ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠪᠠᠷ ᠪᠠᠷᠠᠭᠤᠨ ᠯᠢᠶᠠᠩ ᠤᠯᠤᠰ ᠢ ᠳᠠᠶᠢᠯᠠᠬᠤ ᠵᠠᠭᠤᠷᠠ ᠪᠠᠨ ᠰᠢᠷᠠ | ᠬᠥᠲᠥᠯ ᠤᠨ ᠣᠷᠴᠢᠮ ᠬᠤᠸᠠᠷᠠᠨ ᠪᠠᠶᠢᠭᠤᠯᠵᠤ ᠴᠡᠷᠢᠭ ᠪᠠᠭᠤᠳᠠᠯᠯᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠹᠠᠨ ᠵᠢᠶᠠ ᠶᠢᠩᠽᠢ ᠬᠡᠮᠡᠨ | ᠨᠡᠷᠡᠯᠡᠭᠰᠡᠨ ᠭᠡᠨᠡ᠃ ᠰᠢᠷᠠ ᠬᠥᠲᠥᠯ ᠭᠦᠷᠦᠭᠡᠳ ᠪᠢᠳᠠ ᠭᠤᠣᠯ ᠥᠭᠰᠥᠨ ᠬᠡᠰᠡᠭ ᠶᠠᠪᠤᠭᠠᠳ ᠳᠠᠭᠢᠨ | ᠬᠤᠶᠢᠰᠢ ᠪᠠᠨ ᠡᠷᠭᠢᠵᠦ ᠭᠤᠣᠯ ᠤᠨ ᠬᠤᠶᠢᠲᠤ ᠲᠠᠯᠠ ᠶᠢᠨ ᠰᠢᠯᠢ ᠠᠳᠠᠷᠭᠠ ᠥᠭᠡᠳᠡ ᠳᠠᠪᠠᠭ᠋ᠤ ᠪᠣᠯᠣᠯᠠ᠃ ᠰᠢᠷᠠ | ᠬᠥᠲᠥᠯ ᠤᠨ ᠪᠠᠷᠠᠭᠤᠨᠳᠡᠬᠢ ᠡᠨᠡ ᠭᠤᠣᠯ ᠪᠣᠯ ᠼᠤᠤ ᠳ᠋ᠦᠩ ᡁᠢ ᠨᠥᠬᠦᠷ ᠤᠨ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠭᠠᠵᠠᠷ ᠶᠤᠮ᠃ | 1950 ᠣᠨ ᠤ 7 ᠰᠠᠷᠠ ᠶᠢᠨ 31 ᠤ ᠥᠷᠯᠥᠭᠡ᠂ ᠢᠷᠭᠠᠢ ᠳᠤ ᠬᠤᠷᠠᠯ ᠳᠤ ᠣᠷᠣᠯᠴᠠᠭᠠᠳ ᠳ᠋ᠢᠩ ᠶᠤᠸᠠᠨ ᠶᠢᠩ | ︵ᠤᠳᠤ ᠶᠢᠨ ᠪᠠᠶᠠᠨᠬᠤᠲᠠ︶ ᠵᠦᠭ ᠪᠤᠴᠠᠵᠤ ᠪᠠᠶᠢᠭᠰᠠᠨ ᠠᠯᠠᠱᠠ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠠᠵᠢᠯᠯᠠᠬᠤ ᠬᠤᠷᠢᠶᠠᠨ ᠤ | ᠱᠦᠵᠢ ᠼᠤᠤ ᠳ᠋ᠦᠩ ᡁᠢ ᠨᠥᠬᠦᠷ ᠬᠤᠶᠠᠷ ᠬᠠᠮᠠᠭᠠᠯᠠᠭᠴᠢ ᠶᠠᠩ ᠸᠠᠨ ᠱᠠᠨ᠂ ᠵᠠᠩ ᠶᠦᠡᠭ ᠰᠢᠶᠠᠩ ᠲᠠᠢ ᠰᠢᠷᠠ | ᠬᠥᠲᠥᠯ ᠤᠨ ᠬᠠᠷᠠᠭᠤᠯ ᠢᠶᠠᠷ ᠥᠩᠭᠡᠷᠡᠬᠦ ᠦᠶᠡᠰ ᠳᠡᠭᠡᠷᠡᠮ ᠤᠨ ᠪᠦᠭᠬᠦᠯᠲᠡ ᠳᠤ ᠤᠴᠠᠷᠠᠵᠤ᠂ ᠬᠡᠳᠦᠶᠢᠪᠡᠷ ᠡᠷᠡᠯᠬᠡᠭ | ᠪᠠᠭᠠᠲᠤᠷᠯᠢᠭ ᠢᠶᠠᠷ ᠲᠤᠯᠤᠯᠳᠤᠭᠰᠠᠨ ᠪᠤᠯᠪᠠᠴᠤ ᠬᠦᠴᠦᠨ ᠮᠡᠬᠦᠰᠳᠡᠵᠦ ᠭᠤᠷᠪᠠᠭᠤᠯᠠ ᠪᠠᠨ ᠪᠡᠶᠡ ᠦᠷᠡᠭᠳᠡᠵᠡᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠼᠤᠤ ᠳ᠋ᠦᠩ ᡁᠢ 44 ᠨᠠᠰᠤᠲᠠᠢ᠂ ᠬᠤᠶᠠᠷ ᠬᠠᠮᠠᠭᠠᠯᠠᠭᠴᠢ ᠨᠢ ᠳᠥᠩᠭᠡᠵᠢ ᠬᠤᠷᠢᠨ | ᠬᠡᠳᠦᠲᠡᠢ ᠯᠡ ᠪᠠᠶᠢᠵᠤ᠂ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠠᠳ ᠵᠢᠯ ᠪᠣᠯᠣᠭᠠᠳᠤᠢ ᠪᠠᠶᠢᠬᠤ ᠳᠤ ᠢᠳᠡᠷ | ᠵᠠᠯᠠᠭᠤ ᠨᠠᠰᠤ ᠪᠠᠨ ᠬᠤᠪᠢᠰᠬᠠᠯ ᠤᠨ ᠦᠢᠯᠡᠰ ᠲᠤ ᠵᠣᠷᠢᠭᠤᠯᠤᠭᠰᠠᠨ ᠪᠢᠯᠡ᠃ | ᠠᠶᠠᠨ ᠤ ᠬᠡᠳᠦᠭᠦᠯᠡ ᠪᠠᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ ᠳᠤᠷᠠᠳᠬᠠᠨ ᠥᠭᠦᠯᠡᠵᠦ | ᠶᠠᠪᠤᠲᠠᠯᠠ ᠨᠢᠭᠡ ᠮᠡᠳᠡᠬᠦ ᠳᠤ ᠠᠭᠤᠯᠠᠨ ᠳᠣᠣᠷᠠ ᠬᠦᠷᠴᠦ᠂ ᠪᠢᠳᠠ ᠶᠠᠪᠠᠭᠠᠨ ᠢᠶᠠᠷ ᠶᠠᠪᠤᠬᠤ ᠪᠣᠯᠣᠯᠠ᠃ ᠬᠤᠶᠠᠷ | ᠲᠡᠷᠭᠡᠨ ᠤ ᠨᠠᠢᠮᠠᠨ ᠬᠥᠮᠥᠨ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ᠂ ᠢᠳᠡᠰᠢ ᠤᠤᠭᠤᠰᠢ ᠪᠠᠨ ᠬᠤᠪᠢᠶᠠᠯᠴᠠᠨ ᠡᠭᠦᠷᠦᠭᠡᠳ | ᠠᠭᠤᠯᠠ ᠥᠭᠡᠳᠡ ᠮᠠᠴᠤᠵᠤ ᠡᠬᠢᠯᠡᠯᠡ᠃ ᠪᠦᠷᠬᠦᠭ ᠰᠢᠭ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠠᠭᠤᠷ ᠠᠮᠢᠰᠬᠤᠯ ᠮᠠᠰᠢ ᠰᠡᠷᠢᠭᠦᠨ | ᠲᠠᠭᠠᠯᠠᠮᠵᠢᠲᠠᠢ᠂ ᠮᠠᠨᠠᠨ ᠪᠤᠳᠠᠩ ᠠᠭᠤᠯᠠᠨ ᠲᠣᠯᠣᠭᠠᠢ ᠪᠠᠷ ᠣᠷᠢᠶᠠᠯᠳᠤᠨ ᠤᠨᠢᠶᠠᠷᠲᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠡ | ᠮᠡᠳᠡᠬᠦᠯᠡ ᠡᠭᠦᠯᠡ ᠭᠠᠵᠠᠷᠳᠠᠵᠤ ᠴᠢᠭᠢᠭᠯᠢᠭ ᠵᠢᠪᠠᠷ ᠨᠢᠭᠤᠷ ᠬᠠᠴᠠᠷ ᠢ ᠢᠯᠪᠢᠨ ᠠᠭᠤᠰᠬᠢ ᠨᠡᠪᠲᠡᠯᠦᠨ ᠰᠡᠩᠭᠢᠨᠡᠨᠡ᠃ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠳᠡᠭᠡᠭᠰᠢᠯᠡᠬᠦ ᠶᠢ ᠳᠠᠭᠠᠯᠳᠤᠨ ᠪᠤᠳᠠ ᠪᠤᠳᠠᠷᠭᠠᠨᠠ᠂ ᠳᠥᠩᠭᠡ ᠳᠡᠷᠡᠰᠤ ᠪᠠᠷ ᠭᠤᠣᠯᠯᠠᠵᠤ | ᠪᠠᠶᠢᠭᠰᠠᠨ ᠤᠷᠭᠤᠮᠠᠯ ᠪᠦᠷᠬᠦᠴᠡ ᠨᠢ ᠬᠠᠶᠢᠯᠠᠰᠤ᠂ ᠤᠯᠢᠶᠠᠰᠤ᠂ ᠬᠠᠲᠠᠭᠤ ᠬᠠᠷᠠ᠂ ᠠᠯᠠᠱᠠ ᠠᠭᠢᠷ᠂ ᠠᠷᠴᠠ᠂ | ᠬᠠᠷᠭᠠᠢ ᠵᠡᠷᠭᠡ ᠪᠤᠲᠠᠯᠢᠭ ᠮᠣᠳᠣ᠂ ᠲᠤᠷᠤᠭ ᠮᠣᠳᠣ ᠪᠠᠷ ᠣᠷᠤᠯᠠᠭᠤᠯᠤᠭᠳᠠᠵᠤ ᠡᠬᠢᠯᠡᠯᠡ᠃ ᠪᠢᠳᠠ ᠶᠠᠭ ᠯᠡ ᠡᠭᠦᠯᠡ | ᠮᠠᠨᠠᠨ ᠳᠤᠮᠳᠠᠬᠢ ᠭᠠᠨᠳᠠᠷᠢᠰᠦᠨ ᠣᠷᠣᠨ ᠳᠤ ᠪᠠᠶᠢᠭᠠ ᠡᠴᠢᠨᠡ ᠰᠠᠶᠢᠬᠠᠨ ᠲᠥᠷᠥᠭᠳᠡᠯ ᠳᠡᠭᠡᠨ ᠰᠣᠭᠲᠣᠭᠤᠷᠠᠵᠤ | ᠪᠠᠶᠢᠲᠠᠯᠠ᠂ ᠬᠠᠮᠤᠭ ᠲᠦᠷᠦᠭᠦᠨ ᠳᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠵᠠᠮᠴᠢ ᠡᠷᠳᠡᠨᠢᠬᠦᠦ ᠭᠤᠸᠠᠢ ᠬᠠᠷᠢᠨ ᠠᠭᠤᠯᠠ ᠤᠷᠤᠭᠤ | ᠵᠢᠭᠠᠵᠤ ︽ᠪᠤᠭᠤ︕︾ ᠭᠡᠵᠦ ᠬᠠᠰᠬᠢᠷᠬᠤᠯᠠᠷ᠂ ᠬᠤᠶᠢᠰᠢ ᠪᠠᠨ ᠡᠷᠭᠢᠵᠦ ᠬᠠᠷᠠᠬᠤ ᠳᠤ ᠳᠥᠷᠪᠡ ᠲᠠᠪᠤᠨ ᠮᠠᠷᠠᠯ | ᠪᠢᠳᠠᠨ ᠤ ᠰᠠᠶ᠋ᠢ ᠶᠢᠨ ᠥᠭᠰᠥᠵᠦ ᠢᠷᠡᠭᠰᠡᠨ ᠭᠤᠣᠯ ᠤᠨ ᠡᠮᠦᠨᠡ ᠲᠠᠯᠠ ᠶᠢᠨ ᠰᠢᠯᠢ ᠥᠭᠡᠳᠡ ᠢᠳᠡᠰᠢᠯᠡᠵᠦ ᠶᠠᠪᠤᠨᠠ᠃ | ᠪᠢᠳᠠᠨ ᠤ ᠴᠢᠮᠡᠭᠡ ᠪᠠᠷ ᠬᠡᠳᠦᠨ ᠮᠠᠷᠠᠯ ᠲᠣᠯᠣᠭᠠᠢ ᠥᠨᠳᠡᠶᠢᠨ ᠴᠢᠬᠢ ᠪᠠᠨ ᠰᠡᠷᠲᠡᠯᠵᠡᠭᠦᠯᠦᠨ ᠨᠠᠭᠠᠰᠢ ᠴᠠᠭᠠᠰᠢ | ᠰᠡᠷᠡᠮᠵᠢᠲᠡᠶᠢᠬᠡᠨ ᠠᠵᠢᠭᠯᠠᠵᠤ ᠵᠣᠭᠰᠣᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠶᠠᠭᠤ ᠨᠢᠭᠡ ᠠᠴᠠ ᠦᠷᠭᠦᠨ ᠰᠣᠴᠢᠭᠰᠠᠨ ᠮᠡᠲᠦ | ᠲᠦᠷᠪᠡᠨ ᠳᠠᠪᠬᠢᠵᠤ᠂ ᠴᠠᠭᠠᠨ ᠬᠤᠩᠭᠤ ᠭᠢᠯᠠᠯᠵᠠᠭᠤᠯᠤᠭᠰᠠᠭᠠᠷ ᠰᠢᠯᠢ ᠳᠠᠪᠠᠨ ᠪᠠᠷᠠ ᠠᠯᠳᠠᠷᠠᠵᠤ ᠣᠳᠪᠠ᠃ ᠡᠨᠡ | ᠪᠦᠭᠦᠨ ᠢ ᠮᠡᠯᠡᠷᠡᠨ ᠭᠠᠶᠢᠬᠠᠭᠰᠠᠨ ᠠᠴᠠ ᠪᠢᠰᠢ ᠵᠢᠷᠤᠭᠯᠠᠨ ᠰᠡᠭᠦᠳᠡᠷᠯᠡᠵᠦ ᠰᠢᠩᠭᠡᠭᠡᠬᠦ ᠤᠬᠠᠭᠠ ᠣᠷᠣᠭᠰᠠᠨ ᠨᠢ ᠨᠢᠭᠡ | ᠴᠤ ᠠᠯᠠᠭᠠ ᠪᠠᠶᠢᠯᠠ᠃ | ᠮᠢᠨᠤ ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠠᠯᠠᠱᠠ ᠠᠭᠤᠯᠠᠨ ᠤ ᠠᠮᠢᠳᠠᠨ ᠤᠷᠭᠤᠮᠠᠯ ᠤᠨ ᠲᠤᠬᠠᠢ ᠬᠠᠮᠤᠭ | ᠠᠩᠬᠠᠨ ᠤ ᠨᠠᠷᠢᠯᠢᠭ ᠲᠣᠳᠣᠷᠬᠠᠢ ᠪᠢᠴᠢᠭ ᠲᠡᠮᠳᠡᠭᠯᠡᠯ ᠨᠢ ᠪᠠᠷᠤᠭ ᠤᠷᠤᠰ ᠤᠨ ᠪᠠᠷᠳᠠᠭᠠ ᠰᠢᠨᠵᠢᠯᠡᠭᠴᠢ ᠨᠢᠺᠤᠯᠠᠢ · | ᠮᠢᠬᠠᠶᠢᠯᠤᠸᠢᠴᠢ · ᠫᠧᠷᠵᠸᠧᠡᠯᠰᠺᠢ ᠤᠨ ︽ᠮᠣᠩᠭᠤᠯ ᠪᠠ ᠲᠠᠩᠭᠤᠳ︾ ᠭᠡᠬᠦ ᠨᠣᠮ ᠪᠠᠶᠢᠬᠤ ᠪᠤᠯᠤᠯᠳᠠᠢ᠃ 19 | ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠳᠠᠯᠠᠭᠠᠳ ᠣᠨ ᠤ ᠦᠶᠡ ᠪᠠᠷ ᠨ᠊ · ᠮ᠊ · ᠫᠧᠷᠵᠸᠧᠡᠯᠰᠺᠢ ᠮᠣᠩᠭᠤᠯ ᠣᠷᠣᠨ ᠪᠠ ᠬᠥᠬᠡᠨᠠᠭᠤᠷ | ᠲᠥᠪᠡᠳ ᠤᠨ ᠥᠨᠳᠦᠷᠯᠢᠭ ᠢᠶᠠᠷ ᠭᠤᠷᠪᠠᠨ ᠵᠢᠯ ᠭᠠᠷᠤᠢ ᠵᠢᠭᠤᠯᠴᠢᠯᠠᠨ ᠶᠠᠪᠤᠵᠤ ᠪᠠᠶᠢᠬᠤ ᠳᠠᠭᠠᠨ᠂ 1871 ᠣᠨ ᠤ | ᠨᠠᠮᠤᠷ ᠤᠨ ᠦᠶᠡ ᠪᠠᠷ ᠠᠯᠠᠱᠠ ᠠᠭᠤᠯᠠᠨ ᠳᠤ ᠬᠤᠶᠠᠷ ᠭᠠᠷᠠᠭ ᠬᠢᠷᠢᠲᠡᠢ ᠰᠠᠭᠤᠵᠤ᠂ ᠡᠪᠡᠰᠦ ᠤᠷᠭᠤᠮᠠᠯ᠂ ᠠᠮᠢᠳᠠᠨ | ᠭᠤᠣᠯᠲᠠᠨ ᠤ ᠲᠤᠬᠠᠢ ᠨᠠᠷᠢᠯᠢᠭ ᠪᠠᠶᠢᠴᠠᠭᠠᠯᠲᠠ ᠰᠢᠨᠵᠢᠯᠡᠯᠲᠡ ᠬᠢᠭᠰᠡᠨ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠡᠭᠦᠨ ᠤ ︽ | ᠮᠣᠩᠭᠤᠯ ᠪᠠ ᠲᠠᠩᠭᠤᠳ︾ ᠭᠡᠬᠦ ᠨᠣᠮ ᠳᠤ᠂ ᠠᠯᠠᠱᠠ ᠠᠭᠤᠯᠠᠨ ᠳᠤ ᠪᠤᠭᠤ᠂ ᠬᠦᠳᠡᠷᠢ᠂ ᠬᠥᠬᠡ ᠢᠮᠠᠭᠠ ᠵᠡᠷᠭᠡ | ᠡᠪᠡᠰᠦᠨ ᠲᠡᠵᠢᠭᠡᠯᠲᠦ ᠠᠮᠢᠳᠠᠨ ᠪᠠᠶᠢᠳᠠᠭ ᠪᠥᠭᠡᠳ ᠠᠯᠠᠱᠠ ᠸᠠᠩ ᠪᠤᠭᠤ ᠠᠪᠠᠯᠠᠬᠤ ᠶᠠᠪᠤᠳᠠᠯ ᠢ ᠬᠤᠷᠢᠭᠯᠠᠨ | ᠴᠠᠭᠠᠵᠠᠯᠠᠵᠤ ᠪᠠᠶᠢᠭᠰᠠᠨ ᠲᠤᠯᠠ ᠠᠯᠠᠱᠠ ᠠᠭᠤᠯᠠᠨ ᠳᠤ ᠪᠤᠭᠤ ᠨᠡᠯᠢᠶᠡᠳ ᠤᠯᠠᠨ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠲᠤᠬᠠᠢ ᠶᠢᠨ | ᠦᠶᠡ ᠳᠤ ᠪᠤᠭᠤ ᠶᠢᠨ ᠡᠪᠡᠷ ᠶᠡᠭᠡᠯᠡ ᠦᠨᠡ ᠳᠤ ᠬᠦᠷᠴᠦ ᠪᠠᠶᠢᠭᠰᠠᠨ ᠲᠤᠯᠠ ᠵᠤᠨ ᠤ ᠡᠬᠢ ᠪᠠᠷ ᠵᠠᠷᠢᠮ ᠬᠥᠮᠥᠰ | ᠰᠡᠮᠡᠭᠡᠷᠬᠡᠨ ᠪᠤᠭᠤ ᠠᠪᠠᠯᠠᠳᠠᠭ ᠪᠠᠶᠢᠵᠠᠢ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠬᠠᠮᠤᠭ ᠰᠣᠨᠢᠷᠬᠠᠯᠲᠠᠢ ᠨᠢ᠂ ᠳᠤᠰ | ᠨᠣᠮ ᠳᠤ ︽ᠲᠡᠭᠦᠨ ᠤ ᠬᠠᠮᠤᠭ ᠥᠨᠳᠥᠷ ᠤᠷᠭᠢᠯ ᠨᠢ ᠳᠠᠷᠤᠢ ᠪᠠᠶᠠᠨ ᠰᠦᠮᠪᠦᠷ ᠪᠣᠯᠣᠨ ᠪᠥᠬᠦᠲᠡᠢ ᠪᠤᠯᠬᠤ ᠶᠤᠮ᠃ | ᠡᠨᠡ ᠬᠤᠶᠠᠷ ᠤᠷᠭᠢᠯ ᠨᠢ ᠠᠭᠤᠯᠠᠨ ᠤ ᠶᠠᠭ ᠳᠤᠮᠳᠠ ᠬᠡᠰᠡᠭ ᠲᠤᠨᠢ ᠪᠠᠶᠢᠭᠠ ᠪᠥᠭᠡᠳ ᠪᠠᠶ᠋ᠨᠨ ᠰᠦᠮᠪᠦᠷ ᠠᠭᠤᠯᠠ ᠨᠢ | ᠨᠢᠭᠡ ᠲᠦᠮᠡ ᠨᠢᠭᠡ ᠮᠢᠩᠭᠠᠨ ᠲᠣᠬᠤᠢ ︵ᠤᠷᠤᠰ ᠲᠣᠬᠤᠢ︶ ᠥᠨᠳᠥᠷ᠂ ᠪᠥᠬᠦᠲᠡᠢ ᠨᠢ ᠪᠠᠶᠠᠨ ᠰᠦᠮᠪᠦᠷ ᠠᠴᠠ ᠪᠠᠨ | ᠪᠠᠰᠠ ᠮᠢᠩᠭᠠᠨ ᠲᠣᠬᠤᠢ ᠥᠨᠳᠥᠷ ᠪᠠᠶᠢᠨᠠ᠃ ᠡᠨᠡ ᠬᠤᠶᠠᠷ ᠤᠷᠭᠢᠯ ᠤᠨ ᠬᠤᠭᠤᠷᠤᠨᠳᠤᠭᠢ ᠠᠭᠤᠯᠠᠰ ᠨᠢ ᠪᠠᠭᠠ | ᠪᠣᠭᠤᠨᠢ ᠪᠠᠶᠢᠯᠠ᠃ ᠡᠶᠢᠮᠦ ᠠᠴᠠ ᠡᠨᠡ ᠬᠤᠶᠠᠷ ᠠᠭᠤᠯᠠᠨ ᠤ ᠳᠤᠮᠳᠠᠭᠤᠷ ᠨᠢᠩᠰᠢᠶᠠ ᠳᠤ ᠬᠦᠷᠬᠦ ᠵᠠᠮ ᠨᠡᠪᠳᠡᠷᠡᠵᠤ | ᠪᠠᠶᠢᠨᠠ︾ ᠭᠡᠵᠦ ᠠᠯᠠᠱᠠ ᠠᠭᠤᠯᠠᠨ ᠤ ᠬᠠᠮᠤᠭ ᠥᠨᠳᠥᠷ ᠤᠷᠭᠢᠯ ᠤᠨ ᠲᠤᠬᠠᠢ ᠲᠡᠮᠳᠡᠭᠯᠡᠵᠡᠢ᠃ ᠤᠳᠤ ᠪᠢᠳᠡᠨ ᠤ | ᠮᠡᠳᠡᠬᠦ ᠪᠠᠷ ᠠᠯᠠᠱᠠ ᠠᠭᠤᠯᠠᠨ ᠤ ᠬᠠᠮᠤᠭ ᠥᠨᠳᠥᠷ ᠤᠷᠭᠢᠯ ᠨᠢ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 3556 ᠮᠧᠲᠷ | ᠡᠷᠭᠦᠭᠳᠡᠵᠦ᠂ ᠮᠥᠨ ᠴᠤ ᠥᠪᠥᠷ ᠮᠣᠩᠭᠤᠯ ᠤᠨ ᠬᠠᠮᠤᠭ ᠥᠨᠳᠥᠷ ᠴᠡᠭ ᠪᠤᠯᠬᠤ ᠶᠤᠮ᠃ ᠭᠡᠪᠡᠴᠦ ᠨᠣᠮ ᠳᠤ | ᠲᠡᠮᠳᠡᠭᠯᠡᠭᠳᠡᠭᠰᠡᠨ ︽ᠪᠥᠬᠦᠲᠡᠢ︾ ᠭᠡᠬᠦ ᠤᠷᠭᠢᠯ ᠤᠨ ᠨᠡᠷᠡᠶᠢᠳᠦᠯ ᠤᠨ ᠲᠤᠬᠠᠢ ᠥᠭᠡᠷᠡ ᠪᠤᠰᠤᠳ ᠳᠠᠩᠰᠠ | ᠲᠡᠮᠳᠡᠭᠯᠡᠯ ᠠᠴᠠ ᠣᠯᠣᠭᠠᠳᠤᠢ ᠪᠥᠭᠡᠳ ᠰᠣᠨᠣᠰᠴᠤ ᠪᠠᠶᠢᠭᠰᠠᠨ ᠪᠤᠶᠤ ᠮᠡᠳᠡᠬᠦ ᠨᠤᠲᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠴᠤ | ᠠᠯᠠᠭᠠ᠃ ᠡᠭᠦᠨ ᠲᠠᠢ ᠨᠡᠯᠢᠶᠡᠳ ᠦᠢᠷᠠᠳᠴᠤ ᠣᠴᠢᠬᠤ ᠨᠢᠭᠡᠨ ᠭᠠᠵᠠᠷ ᠤᠨ ᠨᠡᠷᠡ ᠭᠡᠪᠡᠯ ᠪᠣᠷᠵᠢᠭᠢᠨ · ᠳ᠋ᠤᠷᠭᠢ | ᠪᠠᠭᠰᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠠᠯᠠᠱᠠ ᠬᠤᠱᠣᠳ︾ ᠭᠡᠬᠦ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠠᠯᠠᠱᠠ ᠶᠢᠨ ᠵᠠᠬᠠ | ᠵᠠᠭᠠᠭ ᠢ ᠵᠢᠷᠤᠭᠯᠠᠬᠤ ᠦᠶᠡ ᠳᠤ ᠢᠯᠡᠷᠡᠭᠰᠡᠨ ︽ᠪᠥᠭᠲᠥᠷ ᠠᠭᠤᠯᠠ︾ ᠭᠡᠬᠦ ᠨᠡᠷᠡᠶᠢᠳᠦᠯ ᠯᠡ ᠤᠯᠳᠠᠯᠠ᠃ ᠬᠡᠷᠪᠡ | ᠡᠨᠡ ᠲᠤᠬᠠᠢ ᠮᠡᠳᠡᠵᠤ ᠣᠶᠢᠯᠠᠭᠠᠳᠠᠭ ᠦᠵᠡᠬᠦ ᠮᠡᠷᠭᠡᠳ ᠪᠠᠶᠢᠪᠠᠯ ᠳᠠᠷᠠᠭᠠᠴᠢ ᠪᠠᠷ ᠬᠠᠷᠢᠯᠴᠠᠬᠤ ᠪᠣᠯᠪᠠᠤ᠃ | ᠤᠳᠠᠯ ᠦᠭᠡᠢ ᠨᠠᠷᠠ ᠭᠠᠷᠴᠤ ᠰᠠᠶ᠋ᠢ ᠶᠢᠨ ᠭᠠᠵᠠᠷᠳᠠᠭᠰᠠᠨ ᠡᠭᠦᠯᠡ ᠮᠠᠨᠠᠨ ᠣᠷᠣ ᠳᠠᠰᠤ ᠠᠷᠢᠯᠵᠤ᠂ | ᠵᠦᠪᠭᠡᠨ ᠡᠪᠡᠰᠦ ᠮᠣᠳᠣᠨ ᠤ ᠨᠠᠪᠴᠢᠨ ᠳᠡᠭᠡᠷᠡ ᠭᠢᠯᠲᠠᠭᠠᠨᠠᠭᠰᠠᠨ ᠰᠢᠭᠦᠳᠡᠷᠢ ᠶᠢᠨ ᠤᠰᠤ ᠯᠡ ᠱᠠᠬᠠᠢ ᠰᠢᠷᠬᠤᠨᠠᠭ | ᠨᠤᠷᠭᠠᠭᠠᠨ᠂ ᠬᠠᠶᠠ ᠨᠢᠭᠡ ᠵᠢᠪᠠᠷᠯᠠᠬᠤ ᠠᠭᠤᠯᠠ ᠶᠢᠨ ᠰᠠᠯᠬᠢᠨ ᠢᠶᠠᠷ ᠮᠣᠳᠣᠨ ᠳᠡᠭᠡᠷᠡ ᠠᠴᠠ ᠦᠯᠢᠶᠡᠭᠳᠡᠨ ᠪᠠᠭᠤᠵᠤ | ᠪᠣᠷᠣᠭᠠᠨ ᠰᠢᠭ᠋ ᠱᠠᠭᠢᠬᠤ ᠶᠤᠮ᠃ ᠦᠳᠡ ᠶᠢᠨ ᠬᠢᠷᠢ ᠳᠤ ᠪᠢᠳᠠ ᠠᠭᠤᠯᠠᠨ ᠣᠷᠣᠢ ᠳᠥᠬᠦᠵᠦ ᠰᠡᠭᠦᠶᠢᠮᠡ ᠠᠰᠬᠠ | ᠬᠠᠳᠠᠨ ᠤ ᠡᠮᠦᠨᠡ ᠡ᠊ᠩᠭᠡᠷ ᠳᠠᠭᠠᠵᠤ ᠣᠷᠢᠶᠠᠵᠤ ᠶᠠᠪᠤᠯᠠ᠃ ᠮᠣᠳᠣ ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠦᠭᠡᠢ ᠨᠢᠴᠦᠭᠦᠨ | ᠰᠠᠷᠢᠳᠠᠭ ᠤᠳ ᠲᠣᠯᠣᠭᠠᠢ ᠳᠡᠭᠡᠷᠡ ᠠᠴᠠ ᠰᠡᠬᠦᠶᠢᠯᠴᠡᠵᠦ᠂ ᠲᠡᠳᠡᠭᠡᠷ ᠠᠴᠠ ᠳᠣᠷᠣᠭᠰᠢ ᠪᠠᠨ ᠰᠤᠶᠢᠷᠠᠵᠤ ᠨᠤᠷᠠᠭᠰᠠᠨ | ᠬᠠᠳᠠ ᠴᠢᠯᠠᠭᠤᠳ ᠵᠠᠮ ᠬᠠᠰᠢᠭᠰᠠᠨ ᠠᠴᠠ ᠮᠠᠰᠢ ᠪᠠᠷᠳᠠᠭᠠ ᠲᠠᠢ ᠪᠠᠶᠢᠯᠠ᠃ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠭᠤᠷᠪᠠᠨ | ᠮᠢᠩᠭᠠᠨ ᠮᠧᠲᠷ ᠢ ᠳᠠᠪᠠᠭᠰᠠᠨ ᠪᠣᠯᠬᠤᠷ ᠠᠮᠢᠰᠬᠤᠭᠠ ᠢᠯᠡᠳᠲᠡ ᠳᠠᠪᠬᠤᠴᠠᠵᠤ᠂ ᠲᠦᠷᠦᠭᠦᠬᠡᠨ ᠶᠠᠷᠢᠶᠠ | ᠬᠥᠭᠡᠷᠦᠭᠡ ᠲᠠᠢ ᠪᠠᠶᠢᠭᠰᠠᠨ ᠠᠶᠠᠨ ᠤ ᠬᠥᠮᠥᠰ ᠦᠭᠡ ᠳᠠᠭᠤ ᠦᠭᠡᠢ ᠰᠦᠢᠯᠡᠬᠢᠯᠡᠨ ᠭᠡᠯᠳᠦᠷᠢᠨᠡ᠃ ᠬᠡᠰᠡᠭ | ᠶᠠᠪᠤᠭᠠᠳ ᠬᠡᠰᠡᠭ ᠠᠮᠠᠷᠠᠬᠤ ᠳᠠᠭᠠᠨ ᠠᠯᠤᠰ ᠢ ᠪᠠᠷᠠᠯᠠᠨ᠂ ᠪᠠᠷᠠᠭᠤᠨᠰᠢ ᠨᠢᠳᠦ ᠬᠠᠶᠠᠬᠤ ᠳᠤ ᠲᠡᠭᠷᠢ ᠡᠯᠡᠰᠦ ᠲᠡᠭᠷᠢ ᠶᠢᠨ | ᠬᠠᠶᠠᠭᠠ ᠪᠠᠷ ᠰᠢᠷᠭᠠᠯᠲᠤᠨ ᠨᠡᠯᠦᠶᠢᠵᠦ᠂ ᠲᠡᠭᠦᠨ ᠤ ᠨᠠᠭᠠᠭᠤᠷ ᠪᠠᠷᠠᠭᠤᠨ ᠪᠡᠯ ᠤᠨ ᠲᠠᠷᠢᠶᠠᠨ ᠭᠠᠵᠠᠷ ᠭᠦᠨ ᠭᠦᠢᠬᠡᠨ | ᠨᠣᠭᠤᠭᠠᠨ ᠥᠩᠭᠡ᠂ ᠰᠢᠷᠠ ᠥᠩᠭᠡ ᠶᠢᠨ ᠳᠥᠷᠪᠡᠯᠵᠢᠨ ᠬᠡ ᠰᠢᠭ ᠬᠠᠷᠠᠬᠳᠠᠨᠠ； ᠡᠮᠦᠨᠡᠰᠢ ᠰᠠᠷᠠᠪᠴᠢᠯᠠᠬᠤ ᠳᠤ | ᠪᠠᠶᠠᠨᠰᠥ᠋ᠮᠪᠥᠷ ᠤᠨ ᠣᠷᠣᠢ ᠭᠤᠣᠯ ᠦᠳᠡ ᠶᠢᠨ ᠨᠠᠷᠠᠨ ᠳᠣᠣᠷᠠ ᠭᠢᠯᠠᠰᠤᠨ ᠬᠠᠷᠠᠭᠳᠠᠵᠤ᠂ ᠲᠡᠭᠦᠨ ᠠᠴᠠ ᠨᠠᠭᠠᠭᠤᠷᠭᠢ | ᠠᠭᠤᠯᠠᠰ ᠤᠨ ᠠᠷᠤ ᠪᠡᠯ ᠢ ᠳᠠᠭᠠᠭᠠᠳ ᠨᠠᠷᠠᠰᠤᠨ ᠤᠢ ᠦᠷᠭᠦᠯᠵᠢᠯᠡᠭᠡᠳ ᠨᠣᠮᠢᠨ ᠳᠠᠪᠠᠯᠭᠠ ᠳᠠᠳᠠᠨᠠ； | ᠵᠡᠭᠦᠨᠰᠢ ᠪᠠᠨ ᠬᠠᠷᠠᠭᠠ ᠪᠡᠯᠴᠢᠭᠡᠬᠦ ᠳᠤ ᠨᠢᠩᠰᠢᠶᠠ ᠶᠢᠨ ᠲᠠᠯᠠ ᠭᠠᠵᠠᠷ ᠤᠨᠢᠶᠠᠷᠲᠤᠨ ᠴᠡᠩᠬᠡᠷᠲᠦᠵᠦ᠂ ᠢᠷᠭᠠᠢ ᠬᠤᠳᠠ | ᠪᠤᠳᠠᠩ ᠳᠣᠲᠣᠷᠠ ᠪᠦᠷᠦᠭ ᠪᠠᠷᠤᠭ ᠬᠠᠷᠠᠭᠳᠠᠨᠠ᠃ ᠭᠡᠨᠡᠳᠲᠡ ᠣᠷᠣᠢ ᠳᠡᠭᠡᠷᠡ ᠠᠴᠠ ᠬᠠᠳᠠ ᠴᠢᠯᠠᠭᠤᠳ | ᠱᠠᠷᠴᠢᠭᠢᠨᠠᠨ ᠪᠠᠭᠤᠬᠤ ᠳᠠᠭᠤᠨ ᠭᠠᠷᠴᠤ ᠲᠣᠯᠣᠭᠠᠢ ᠡᠷᠭᠦᠨ ᠬᠠᠷᠠᠪᠠᠯ ᠬᠡᠳᠦᠨ ᠬᠥᠬᠡ ᠢᠮᠠᠭᠠ ᠪᠢᠳᠠᠨ ᠠᠴᠠ | ᠦᠷᠭᠦᠭᠰᠡᠨ ᠭᠡᠯᠲᠡᠢ ᠬᠠᠳᠠ ᠳᠠᠮᠵᠢᠨ ᠳᠡᠭᠳᠡᠭᠰᠡᠭᠡᠷ ᠠᠰᠬᠠ ᠬᠢᠷᠠ ᠶᠢᠨ ᠣᠷᠣᠢ ᠳᠤ ᠭᠦᠷᠦᠭᠡᠳ ᠬᠤᠶᠢᠰᠢ ᠪᠠᠨ | ᠡᠷᠭᠢᠨ ᠪᠢᠳᠠᠨ ᠢ ᠬᠠᠷᠠᠨ ᠵᠤᠬᠰᠤᠰᠭᠢᠭᠠᠳ ᠴᠢᠨᠠᠭᠰᠢ ᠳᠠᠯᠳᠠᠷᠠᠪᠠ᠃ ᠥᠴᠥᠭᠡᠳᠦᠷ ᠪᠢᠳᠠᠨ ᠢ ᠭᠤᠶᠠᠩ ᠤᠨ | ᠭᠤᠣᠯ ᠠᠴᠠ ᠪᠤᠴᠠᠬᠤ ᠵᠠᠮ ᠳᠤ᠂ ᠠᠭᠤᠯᠠᠨ ᠪᠡᠯ ᠳᠠᠭᠠᠭᠠᠳ ᠰᠦᠷᠦᠭ ᠬᠥᠬᠡ ᠢᠮᠠᠭᠠ ᠪᠡᠯᠴᠢᠵᠦ ᠪᠠᠶᠢᠭᠰᠠᠨ | ᠪᠥᠭᠡᠳ ᠪᠢᠳᠠᠨ ᠤ ᠲᠡᠷᠭᠡ ᠮᠠᠰᠢᠨ ᠠᠴᠠ ᠦᠷᠭᠦᠵᠦ ᠳᠠᠪᠬᠢᠭᠰᠠᠨ ᠦᠭᠡᠢ ᠶᠢ ᠨᠢ ᠬᠠᠷᠠᠬᠤ ᠳᠤ ᠬᠥᠮᠥᠨ ᠬᠠᠷᠠ ᠲᠠᠢ | ᠨᠡᠯᠢᠶᠡᠳ ᠣᠶᠢᠷᠠᠲᠤᠯᠴᠠᠵᠤ ᠢᠵᠢᠯᠢᠰᠢᠭᠰᠡᠨ ᠮᠠᠶ᠋ᠢᠭ ᠲᠠᠢ᠃ ᠪᠠᠰᠠ ᠳᠠᠶᠠᠨ ᠤ ᠭᠤᠣᠯ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠬᠤ ᠳᠤ᠂ | ᠤᠰᠤᠨ ᠤ ᠵᠠᠬᠠ ᠳᠤ ᠬᠥᠬᠡ ᠢᠮᠠᠭᠠᠨ ᠤ ᠢᠰᠢᠭᠡᠨ ᠤ ᠰᠡᠭ ᠶᠠᠰᠤ ᠲᠣᠬᠢᠶᠠᠯᠳᠤᠭᠰᠠᠨ ᠢᠶᠠᠷ ᠦᠵᠡᠬᠦ ᠳᠤ ᠠᠯᠠᠱᠠ | ᠠᠭᠤᠯᠠᠨ ᠳᠠᠬᠢ ᠲᠠᠷᠬᠠᠯᠲᠠ ᠨᠢ ᠨᠡᠯᠢᠶᠡᠳ ᠥᠷᠭᠡᠨ ᠪᠥᠭᠡᠳ ᠲᠤᠭᠠ ᠲᠣᠯᠣᠭᠠᠢ ᠨᠢ ᠴᠥᠭᠡᠨ ᠪᠤᠰᠤ ᠪᠠᠶᠢᠮᠠᠷ᠃ | ᠬᠥᠬᠡ ᠢᠮᠠᠭᠠ ᠶᠢ ᠪᠠᠰᠠ ᠶᠠᠩᠭᠢᠷ ᠭᠡᠳᠡᠭ᠂ ᠠᠯᠠᠱᠠ ᠠᠭᠤᠯᠠᠨ ᠤ ︽ᠤᠤᠭᠠᠯ︾ ᠵᠡᠷᠯᠢᠭ | ᠭᠥᠷᠥᠭᠡᠰᠦ ᠶᠢᠨ ᠨᠢᠭᠡ ᠪᠥᠭᠡᠳ ᠡᠳᠦᠭᠡ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠮᠢᠳᠠᠨ | ᠪᠣᠯᠣᠭᠠᠳ ᠪᠤᠢ᠃ ᠪᠢᠳᠠᠨ ᠲᠠᠢ ᠬᠠᠮᠲᠤ ᠶᠠᠪᠤᠭᠠ ᠠᠯᠠᠱᠠ ᠠᠭᠤᠯᠠᠨ ᠤ ᠤᠯᠤᠰ ᠤᠨ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ | ᠣᠷᠣᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠᠨ ᠤ ᠠᠵᠢᠯᠲᠠᠳ ᠤᠨ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ᠂ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ | ᠠᠬᠤᠢ ᠶᠢᠨ ᠡᠪᠳᠡᠯᠡᠭᠡ ᠪᠣᠯᠣᠨ ᠬᠥᠮᠥᠨ ᠤ ᠠᠪᠠᠯᠠᠯ ᠠᠩᠨᠠᠯ ᠵᠡᠷᠭᠡ ᠠᠴᠠ ᠪᠣᠯᠵᠤ᠂ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ | ᠣᠨ ᠤ ᠡᠬᠢ ᠪᠠᠷ ᠠᠯᠠᠱᠠ ᠠᠭᠤᠯᠠᠨ ᠤ ᠬᠥᠬᠡ ᠢᠮᠠᠭᠠ ᠬᠤᠷᠣᠭᠳᠠᠭᠠᠳ ᠬᠤᠶᠠᠷ ᠮᠢᠩᠭᠠ ᠬᠦᠷᠬᠦ ᠦᠭᠡᠢ ᠪᠣᠯᠵᠠᠢ᠃ | ᠳᠡᠭᠡᠭᠡᠳ ᠮᠠᠯᠵᠢᠬᠤ ᠶᠢ ᠵᠣᠭᠰᠣᠭᠠᠨ ᠤᠢ ᠮᠣᠳᠣ ᠶᠢ ᠰᠡᠷᠭᠦᠭᠡᠬᠦ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠪᠠ | ᠠᠯᠠᠱᠠ ᠠᠭᠤᠯᠠ ᠶᠢᠨ ᠤᠯᠤᠰ ᠤᠨ ᠳᠡᠰ ᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ ᠢ ᠪᠠᠶᠢᠭᠤᠯᠤᠭᠰᠠᠨ ᠤ | ᠠᠴᠢ ᠪᠠᠷ ᠬᠥᠬᠡ ᠢᠮᠠᠭᠠᠨ ᠤ ᠲᠤᠭᠠ ᠲᠣᠯᠣᠭᠠᠢ ᠮᠠᠰᠢ ᠲᠦᠷᠭᠡᠨ ᠰᠡᠷᠭᠦᠯᠲᠡ ᠲᠠᠢ ᠪᠣᠯᠵᠤ᠂ ᠪᠦᠷᠢᠳᠬᠡᠯ ᠢ | ᠦᠨᠳᠦᠰᠦᠯᠡᠪᠡᠯ᠂ ᠤᠳᠤ ᠨᠢᠭᠡᠨᠲᠡ 4.5 ᠲᠦᠮᠡ ᠶᠢ ᠳᠠᠪᠠᠭᠰᠠᠨ ᠭᠡᠨᠡ᠃ ᠨ᠊ · ᠮ᠊ · ᠫᠧᠷᠵᠸᠧᠡᠯᠰᠺᠢ ᠴᠤ ︽ | ᠮᠣᠩᠭᠤᠯ ᠪᠠ ᠲᠠᠩᠭᠤᠳ︾ ᠭᠡᠬᠦ ᠨᠣᠮ ᠳᠠᠭᠠᠨ ᠠᠯᠠᠱᠠ ᠠᠭᠤᠯᠠᠨ ᠳᠤ ᠬᠥᠬᠡ ᠢᠮᠠᠭᠠ ᠠᠪᠠᠯᠠᠭᠰᠠᠨ ᠲᠤᠬᠠᠢ | ᠲᠡᠮᠳᠡᠭᠯᠡᠭᠰᠡᠨ ᠪᠥᠭᠡᠳ ᠬᠥᠬᠡ ᠢᠮᠠᠭᠠ ᠶᠢᠨ ᠣᠨᠴᠠᠯᠢᠭ ᠰᠢᠨᠵᠢ᠂ ᠵᠠᠩ ᠠᠷᠠᠨᠰᠢᠨ᠂ ᠦᠷᠡᠵᠢᠯ ᠲᠥᠯᠵᠢᠯ ᠵᠡᠷᠭᠡ ᠶᠢ | ᠮᠠᠰᠢ ᠨᠠᠷᠢᠯᠢᠭ ᠲᠣᠭᠠᠴᠢᠵᠤ᠂ ᠵᠢᠷᠭᠤᠭᠠ ᠳᠤᠯᠤᠭᠠᠨ ᠬᠠᠭᠤᠳᠠᠰᠤ ᠪᠦᠬᠦᠢ ᠲᠡᠮᠳᠡᠭᠯᠡᠯ ᠬᠢᠵᠡᠢ᠃ | ᠡᠨᠡ ᠬᠡᠰᠡᠭ ᠬᠠᠬᠢᠷ ᠬᠠᠯᠢᠯ ᠬᠠᠳᠠᠨ ᠬᠤᠱᠣᠣ ᠶᠢ ᠳᠠᠪᠠᠭᠠᠳ ᠭᠠᠷᠬᠤ ᠳᠤ ᠥᠩᠭᠡ ᠦᠵᠡᠮᠵᠢ | ᠣᠨᠳᠣᠣ ᠪᠣᠯᠵᠤ᠂ ᠬᠤᠶᠠᠷ ᠠᠭᠤᠯᠠᠨ ᠤ ᠬᠤᠭᠤᠷᠤᠨᠳᠦᠭᠢ ᠵᠠᠳᠠᠭᠠᠢ ᠴᠢᠯᠦᠭᠡᠨ ᠳᠤ ᠰᠦᠷᠦᠭ ᠪᠤᠭᠤ ᠪᠡᠯᠴᠢᠨ | ᠢᠳᠡᠰᠢᠯᠡᠵᠦ᠂ ᠠᠭᠤᠯᠠᠨ ᠤ ᠠᠷᠤ ᠪᠡᠯ ᠢᠶᠠᠷ ᠨᠢ ᠬᠥᠬᠡᠨᠠᠭᠤᠷ ᠶᠢᠨ ᠭᠠᠴᠤᠷᠠ ᠶᠢᠨ ᠤᠢ ᠪᠢᠲᠡᠭᠦᠦ ᠪᠦᠷᠬᠦᠵᠦ᠂ | ᠡᠰᠡᠷᠭᠦ ᠲᠠᠯᠠ ᠶᠢᠨ ᠠᠭᠤᠯᠠᠨ ᠪᠡᠯ ᠨᠢ ᠨᠣᠭᠤᠭᠠᠨ ᠳᠡᠨᠵᠢᠨ ᠰᠢᠷᠢᠬᠢ ᠪᠠᠶᠢᠯᠠ᠃ ᠡᠷᠳᠡᠨᠢᠬᠦᠦ ᠭᠤᠸᠠᠢ᠄ ︽ᠡᠨᠡ ᠬᠦ | ᠪᠢᠲᠡᠭᠦᠦ ᠤᠢ ᠶᠢ ᠲᠤᠭᠤᠯᠤᠭᠠᠳ ᠭᠠᠷᠪᠠᠯ ᠳᠠᠯᠠᠩ ᠤᠨ ᠬᠤᠷᠤᠭᠠ ᠤᠳᠠᠬᠤ ᠦᠭᠡᠢ ᠬᠦᠷᠴᠢᠬᠡᠨᠡ᠂ ᠡ᠊ᠨᠳᠡ | ᠬᠤᠭᠤᠯᠠ ᠬᠤᠲᠣ ᠪᠠᠨ ᠢᠳᠡᠵᠦ ᠵᠢᠭᠠᠬᠠᠨ ᠠᠮᠠᠷᠠᠵᠤ ᠠᠪᠤᠭᠠᠳ ᠶᠠᠪᠤᠶᠠ︾ ᠭᠡᠬᠦ ᠶᠤᠮ᠂ ᠲᠠᠯᠠ ᠭᠠᠷᠤᠭᠰᠠᠨ | ᠨᠠᠰᠤᠲᠠᠨ ᠪᠢᠳᠠᠨ ᠳᠤ ᠵᠠᠮᠴᠢᠯᠠᠭᠠᠳ ᠡᠨᠡ ᠥᠨᠳᠥᠷ ᠲᠤ ᠭᠠᠷᠤᠨᠠ ᠭᠡᠭᠴᠢ ᠠᠮᠠᠷ ᠦᠭᠡᠢ᠂ ᠬᠡᠳᠦᠭᠦᠯᠡ ᠳᠥᠭᠦᠮᠬᠡᠨ | ᠬᠤᠭᠤᠯᠠᠯᠠᠵᠤ ᠪᠠᠷᠠᠭᠠᠳ ᠤᠢ ᠳᠤ ᠰᠢᠷᠭᠤᠯᠠ᠃ ᠡᠭᠴᠡ ᠰᠢᠯᠤᠭᠤᠨ ᠬᠥᠬᠡᠨᠠᠭᠤᠷ ᠤᠨ ᠭᠠᠴᠤᠷᠠ ᠢᠭᠴᠤᠷᠠᠨ | ᠤᠷᠭᠤᠵᠤ᠂ ᠪᠢᠳᠠ ᠮᠠᠯ ᠤᠨ ᠵᠥᠷᠢᠭ ᠵᠢᠮ ᠭᠡᠮᠡᠷ ᠨᠠᠷᠢᠨ ᠵᠠᠮ ᠢ ᠳᠠᠭᠠᠵᠤ ᠰᠤᠪᠤᠷᠠᠯᠳᠤᠨ ᠶᠠᠪᠤᠵᠠᠭᠠᠯᠠ᠃ ᠮᠣᠳᠣᠨ | ᠳᠣᠣᠭᠤᠷ ᠨᠣᠭᠤᠭᠠᠨ ᠬᠥᠪᠳᠥ ᠨᠡᠶᠢᠳᠡᠮ ᠬᠤᠴᠢᠵᠤ ᠡ᠊ᠨᠳᠡ ᠲᠡᠨᠳᠡ ᠦᠭᠡᠢ ᠮᠦᠭᠦ ᠬᠠᠷᠠᠭᠳᠠᠨᠠ᠃ ᠪᠤᠨᠲᠣᠭᠤᠷ | ᠴᠠᠭᠠᠨ ᠮᠦᠭᠦ ᠶᠢ ᠨᠢ ᠤᠬᠢᠶᠠᠵᠤ ᠬᠥᠯᠳᠡᠭᠡᠭᠡᠳ ᠬᠡᠵᠢᠶᠡ ᠭᠠᠷᠭᠠᠵᠤ ᠬᠠᠭᠤᠷᠪᠠᠴᠤ ᠰᠣᠷᠭᠤᠭ ᠰᠠᠶᠢᠬᠠᠨ ᠪᠠᠶᠢᠳᠠᠭ | ᠭᠡᠨᠡ… ᠰᠢᠷᠠᠪᠲᠤᠷ ᠳᠠᠯᠪᠠᠭᠠᠷ ᠰᠢᠬᠦᠷ ᠲᠠᠢ ᠮᠦᠭᠦ ᠶᠢ ᠨᠢ ᠭᠠᠭ᠋ᠠᠢ ᠶᠢᠨ ᠮᠢᠬᠠ ᠲᠠᠢ ᠬᠠᠭᠤᠷᠴᠤ ᠢᠳᠡᠪᠡᠯ ᠶᠡᠭᠡ | ᠭᠤᠶᠤ ᠠᠮᠲᠠᠲᠠᠢ ᠭᠡᠨᠡ… ᠬᠦᠷᠡᠩ ᠮᠦᠭᠦ ᠶᠢ ᠬᠠᠲᠠᠭᠠᠭᠠᠳ ᠬᠤᠨᠢᠨ ᠮᠢᠬᠠ ᠲᠠᠢ ᠱᠥᠯᠥ ᠲᠠᠢ ᠭᠤᠯᠢᠷ ᠬᠢᠪᠡᠯ | ᠴᠢᠬᠢ ᠶᠢ ᠴᠢᠨᠢ ᠣᠭᠲᠣᠯᠪᠠᠴᠤ ᠮᠡᠳᠡᠬᠦ ᠦᠭᠡᠢ ᠭᠡᠨᠡ… ᠨᠠᠷᠢᠬᠠᠨ ᠡᠰᠢ ᠲᠠᠢ ᠲᠡᠷᠡ ᠮᠦᠭᠦ ᠴᠢᠨᠢ ᠬᠤᠣᠷᠲᠠᠢ ᠰᠢᠤ᠂ | ᠦᠵᠡᠬᠦ ᠳᠤ ᠱᠤᠮᠲᠠᠢ ᠪᠤᠯᠪᠠᠴᠤ ᠢᠳᠡᠵᠦ ᠪᠤᠯᠬᠤ ᠦᠭᠡᠢ… ᠮᠠᠨᠲᠠᠤ ᠰᠢᠭ᠋ ᠲᠣᠮᠣ ᠴᠠᠭᠠᠨ ᠢ ᠴᠢᠨᠢ ᠲᠡᠭᠷᠢ ᠶᠢᠨ | ᠳᠦᠯᠡᠢ ᠭᠡᠳᠡᠭ᠂ ᠪᠣᠯᠪᠠᠰᠤᠷᠠᠭᠠᠳ ᠢᠷᠡᠬᠦᠯᠡᠷ ᠨᠢ ᠳᠣᠲᠣᠷᠠᠬᠢ ᠨᠢ ᠬᠦᠷᠡᠩ ᠪᠣᠷᠣ ᠨᠤᠨᠳᠠᠭ ᠪᠣᠯᠵᠤ᠂ ᠲᠡᠭᠦᠪᠡᠷ ᠨᠢ | ᠴᠢᠰᠤ ᠵᠣᠭᠰᠤᠭᠠᠬᠤ ᠳᠤ ᠮᠠᠰᠢ ᠰᠠᠶᠢᠨ ᠶᠤᠮ ᠭᠡᠵᠦ ᠡᠷᠳᠡᠨᠢᠬᠦᠦ ᠨᠠᠰᠤᠲᠠᠨ ᠨᠢᠭᠡ ᠵᠠᠮ ᠪᠢᠳᠠᠨ ᠳᠤ ᠡᠯᠳᠡᠪ | ᠵᠦᠢᠯ ᠤᠨ ᠮᠦᠭᠦ ᠡᠪᠡᠰᠦᠨ ᠤ ᠲᠤᠬᠠᠢ ᠲᠠᠶᠢᠯᠪᠤᠷᠢᠯᠠᠯ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ ᠶᠠᠪᠤᠯᠠ᠃ | ᠮᠣᠳᠣᠨ ᠳᠤᠮᠳᠠᠭᠤᠷ ᠬᠤᠶᠠᠷ ᠴᠠᠭ ᠬᠢᠷᠢᠲᠡᠢ ᠠᠶᠠᠯᠠᠨ ᠪᠠᠶᠢᠵᠤ ᠨᠣᠭᠤᠭᠠᠨ ᠰᠢᠷᠢᠬᠢ ᠳᠡᠨᠵᠢᠨ ᠳᠤ | ᠭᠠᠷᠤᠯᠠ᠃ ᠳᠠᠯᠠᠩ ᠤᠨ ᠬᠤᠷᠤᠭᠠ ᠭᠡᠭᠴᠢ ᠤᠷᠤᠭᠰᠢ ᠪᠠᠨ ᠬᠠᠨᠳᠤᠭᠰᠠᠨ ᠠᠭᠤᠯᠠᠨ ᠣᠷᠣᠢ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ | ᠬᠤᠶᠢᠲᠤ ᠲᠠᠯᠠ ᠪᠠᠷ ᠨᠢ ᠪᠦᠷ ᠡᠭᠴᠡ ᠪᠣᠰᠤᠭᠠ ᠬᠠᠯᠢᠯ ᠬᠠᠳᠠ ᠬᠦᠷᠢᠶᠡᠯᠡᠵᠦ᠂ ᠶᠠᠭ ᠯᠡ ᠳᠠᠯᠠᠩ ᠬᠠᠰᠢᠶᠠ ᠰᠢᠭ᠋ | ᠬᠠᠷᠠᠭᠳᠠᠨ᠂ ᠨᠥᠮᠥᠷᠢ ᠲᠠᠯᠠ ᠨᠢ ᠨᠠᠯᠠᠤ ᠰᠢᠭ᠋ ᠰᠢᠷᠢᠬᠢ ᠵᠦᠯᠭᠡ ᠲᠠᠢ ᠲᠠᠯᠠ ᠪᠠᠶᠢᠵᠤ᠂ ᠥᠩᠭᠡᠷᠡᠭᠰᠡᠨ ᠳᠤ ᠠᠯᠠᠱᠠ | ᠬᠤᠰᠢᠭᠤᠨ ᠤ ᠨᠣᠶᠠᠨ ᠰᠠᠩ ᠤᠨ ᠠᠳᠤᠭᠤ ᠶᠢ ᠡ᠊ᠨᠳᠡ ᠲᠠᠭᠤᠵᠤ ᠬᠠᠷᠢᠭᠤᠯᠤᠨ ᠵᠤᠰᠠᠳᠠᠭ ᠪᠠᠶᠢᠭᠰᠠᠨ ᠭᠡᠨᠡ᠃ | ᠭᠠᠷ ᠤᠨ ᠠᠯᠠᠭᠠ ᠶᠢᠨ ᠬᠤᠩᠬᠤᠷ ᠦᠵᠡᠬᠦ ᠳᠤ ᠣᠶᠢᠷᠠ ᠬᠠᠵᠠᠬᠤ ᠳᠤ ᠬᠤᠯᠠ ᠭᠡᠳᠡᠭᠴᠢᠯᠡᠨ ᠡᠨᠡᠦᠬᠡᠨ ᠳᠤ | ᠦᠵᠡᠭᠳᠡᠬᠦ ᠳᠠᠯᠠᠩ ᠤᠨ ᠬᠤᠷᠤᠭᠠ ᠥᠭᠡᠳᠡ ᠴᠠᠭ ᠰᠢᠬᠠᠭᠤ ᠳᠠᠪᠠᠵᠤ ᠪᠢᠯᠡ᠃ ᠵᠠᠮᠴᠢ ᠶᠢᠨ ᠳᠠᠭᠠᠭᠤᠯᠭᠠ ᠪᠠᠷ | ᠪᠢᠳᠠ ᠵᠡᠭᠦᠨ ᠲᠠᠯᠠ ᠶᠢᠨ ᠡᠭᠴᠡ ᠬᠠᠳᠠᠨ ᠳᠡᠭᠡᠷᠡ ᠣᠷᠢᠶᠠᠨ ᠭᠠᠷᠬᠤ ᠳᠤ ᠠᠰ ᠵᠡᠭᠦᠨᠰᠢ ᠬᠠᠨᠳᠤᠭᠰᠠᠨ ᠴᠢᠯᠠᠭᠤᠨ | ᠬᠠᠨᠠᠨ ᠳᠡᠭᠡᠷᠡ ᠨᠢᠭᠡ ᠭᠦᠳᠦᠭᠦᠷ ᠰᠡᠶᠢᠯᠦᠮᠡᠯ ᠭᠦᠷᠦᠭ ᠲᠣᠳᠣᠬᠠᠨ ᠢᠯᠡᠷᠡᠯᠡ᠃ ᠦᠰᠦ ᠭᠡᠵᠢᠭᠡ ᠪᠠᠨ ᠬᠡᠶᠢᠰᠬᠡᠭᠰᠡᠨ | ᠠᠭᠤᠷᠰᠠᠩᠭᠤᠢ ᠴᠢᠷᠠᠢ ᠲᠠᠢ ᠳᠣᠭᠰᠢᠳ ᠬᠤᠪᠢᠯᠭᠠᠳ ᠤᠨ ᠳᠦᠷᠢ ᠪᠦᠬᠦᠢ ᠡᠨᠡ ᠬᠦ ᠭᠦᠷᠦᠭ ᠨᠢ ᠪᠡᠶᠡ ᠳᠡᠭᠡᠨ | ᠬᠤᠶᠠᠭ ᠬᠡᠲᠦᠷᠴᠦ᠂ ᠸᠴᠢᠷ ᠪᠠᠷᠢᠭᠰᠠᠨ ᠵᠡᠭᠦᠨ ᠮᠤᠳᠤᠷ ᠢᠶᠠᠨ ᠥᠨᠳᠥᠷ ᠡᠷᠭᠦᠨ᠂ ᠪᠠᠷᠠᠭᠤᠨ ᠮᠤᠳᠤᠷ ᠢᠶᠠᠨ | ᠱᠠᠬᠵᠠᠭᠠᠯᠠᠨ ᠳᠣᠷᠣᠭᠰᠢ ᠵᠢᠭᠠᠵᠤ᠂ ᠵᠡᠭᠦᠨ ᠬᠥᠯ ᠢᠶᠠᠨ ᠨᠤᠭᠤᠯᠤᠨ ᠬᠤᠶᠠᠷ ᠬᠦᠷᠳᠦᠨ ᠳᠡᠭᠡᠷᠡ ᠰᠠᠭᠠᠲᠠᠵᠤ᠂ | ᠪᠠᠷᠠᠭᠤᠨ ᠬᠥᠯ ᠢᠶᠠᠨ ᠵᠢᠭᠢᠯᠭᠡᠨ᠂ ᠥᠯᠮᠡᠢ ᠳᠣᠣᠷᠠ ᠪᠠᠨ ᠨᠢᠭᠡᠨ ᠰᠥᠭᠦᠳᠥᠨ ᠮᠥᠷᠭᠦᠵᠦ ᠪᠤᠢ ᠬᠥᠮᠥᠨ ᠢ ᠭᠢᠰᠬᠢᠯᠡᠨ | ᠳᠠᠷᠤᠩᠭᠤᠶᠢᠯᠠᠭᠰᠠᠨ ᠰᠢᠨᠵᠢ ᠲᠠᠢ᠃ ᠭᠦᠷᠦᠭ ᠤᠨ ᠳᠡᠭᠡᠭᠦᠷ ᠴᠠᠶᠢᠪᠤᠷ ᠨᠣᠭᠤᠭᠠᠨ ᠰᠢᠷ ᠢᠶᠠᠷ ᠨᠢᠮᠭᠡᠬᠡᠨ ᠪᠤᠳᠤᠬᠰᠠᠨ | ᠨᠢ ᠰᠡᠶᠢᠯᠦᠮᠡᠯ ᠢ ᠮᠠᠰᠢ ᠰᠠᠶᠢᠬᠠᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠬᠡᠳᠦᠶᠢᠪᠡᠷ ᠠᠯᠢ ᠴᠠᠭ ᠦᠶᠡ ᠳᠤ ᠶᠠᠮᠠᠷ | ᠵᠣᠷᠢᠯᠭᠠ ᠪᠠᠷ ᠰᠡᠶᠢᠯᠪᠦᠷᠢᠯᠡᠭᠰᠡᠨ ᠲᠤᠬᠠᠢ ᠪᠠᠲᠤ ᠨᠤᠲᠠ ᠲᠠᠢ ᠪᠠᠷᠢᠮᠲᠠ ᠦᠭᠡᠢ ᠪᠤᠯᠪᠠᠴᠤ ᠡᠷᠳᠡᠨᠢᠬᠦᠦ ᠨᠠᠰᠤᠲᠠᠨ | ᠡᠶᠢᠮᠦ ᠨᠢᠭᠡᠨ ᠦᠯᠢᠭᠡᠷ ᠶᠠᠷᠢᠯᠠ᠃ ᠠᠯᠢ ᠦᠶᠡ ᠳᠤᠨᠢ ᠪᠤᠤ ᠮᠡᠳᠡ᠂ ᠨᠢᠭᠡᠨ ᠵᠤᠨ ᠨᠣᠶᠠᠨ ᠰᠠᠩ ᠤᠨ ᠠᠳᠤᠭᠤ | ᠡ᠊ᠨᠳᠡ ᠵᠤᠰᠠᠵᠤ ᠪᠠᠶᠢᠬᠤ ᠳᠤ ᠭᠡᠨᠡᠳᠲᠡ ᠶᠡᠭᠡ ᠲᠤᠬᠰᠢᠨ ᠪᠣᠷᠣᠭᠠᠨ ᠣᠷᠣᠵᠤ᠂ ᠤᠮ ᠬᠤᠮ ᠦᠭᠡᠢ ᠪᠠᠭᠤᠵᠤ | ᠢᠷᠡᠭᠰᠡᠨ ᠠᠭᠤᠯᠠᠨ ᠤ ᠦᠶᠡᠷ ᠠᠳᠤᠭᠤᠨ ᠰᠦᠷᠦᠭ ᠢ ᠠᠰᠬᠠ ᠭᠦᠨ ᠭᠠᠩᠭᠠ ᠤᠷᠤᠭᠤ ᠲᠠᠭᠤᠵᠤ ᠶᠠᠪᠤᠭᠤᠯᠵᠠᠢ᠃ | ᠳᠡᠭᠢᠵᠤ ᠡᠶᠢᠮᠦᠷᠬᠦᠦ ᠭᠠᠢ ᠭᠠᠮᠰᠢᠭ ᠡᠭᠦᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠨ ᠬᠤᠰᠢᠭᠤ ᠶᠠᠮᠤᠨ ᠠᠴᠠ ᠳᠠᠯᠠᠩ ᠤᠨ ᠬᠤᠷᠤᠭᠠ | ᠶᠢᠨ ᠡᠭᠴᠡ ᠬᠠᠳᠠᠨ ᠳᠡᠭᠡᠷᠡ ᠡᠨᠡ ᠳᠣᠭᠰᠢᠳ ᠤᠨ ᠭᠦᠷᠦᠭ ᠢ ᠰᠡᠶᠢᠯᠦᠨ ᠳᠠᠭᠢᠵᠤ ᠳᠠᠷᠤᠯᠭᠠ ᠪᠤᠯᠭᠠᠬᠰᠠᠨ ᠭᠡᠨᠡ᠁ | | | |