| ● ᠮᠠᠤ ᠲᠦᠮᠡᠨ | ᠬᠠᠭᠠᠰ ᠰᠠᠷᠠ ᠭᠠᠷᠤᠢ ᠦᠷᠭᠦᠯᠵᠢᠯᠡᠭᠰᠡᠨ ᠨᠠᠮᠤᠷ ᠤᠨ ᠪᠣᠷᠣᠭᠠᠨ ᠢᠶᠠᠷ ᠪᠢᠳᠠᠨ ᠤ ᠬᠠᠭᠤᠴᠢ ᠬᠠᠶᠢᠵᠤ | ᠡᠪᠡᠰᠦᠨ ᠡᠮ ᠵᠢᠷᠤᠭᠯᠠᠬᠤ ᠠᠶᠠᠯᠠᠯ ᠬᠤᠷᠢᠭᠠᠳ ᠡᠳᠦᠷ ᠲᠠᠰᠤᠯᠤᠭᠳᠠᠵᠤ᠂ ᠨᠠᠮᠤᠷ ᠤᠨ ᠬᠤᠭᠤᠰ ᠤᠨ ᠳᠠᠷᠠᠭᠠᠬᠢ | ᠡᠳᠦᠷ ᠪᠢᠳᠠ ᠠᠶᠠᠯᠠᠯ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠦᠯᠡ᠃ | ᠤᠯᠠᠨ ᠡᠳᠦᠷ ᠤᠨ ᠪᠣᠷᠣᠭᠠᠨ ᠤ ᠦᠶᠡᠷ ᠤᠰᠤ ᠠᠴᠠ ᠪᠣᠯᠵᠤ ᠠᠭᠤᠯᠠᠨ ᠳᠣᠲᠣᠷᠠᠬᠢ ᠵᠠᠮ ᠪᠦᠷ ᠴᠦ | ᠪᠡᠷᠬᠡ ᠪᠠᠷᠳᠠᠭᠠ ᠲᠠᠢ ᠪᠣᠯᠵᠠᠢ᠃ ᠪᠢᠳᠠ ᠭᠤᠶᠠᠩ ᠤᠨ ᠭᠤᠣᠯ ᠢᠶᠠᠷ ᠣᠷᠣᠭᠠᠳ ᠬᠡᠰᠡᠭ ᠶᠠᠪᠤᠭᠰᠠᠨ ᠢᠶᠠᠨ ᠪᠠᠷᠠᠭᠤᠨ | ᠭᠠᠷ ᠲᠡᠶᠢᠰᠢ ᠪᠠᠨ ᠨᠢᠭᠡ ᠠᠭᠤᠯᠠᠨ ᠵᠢᠯᠠᠭᠠ ᠳᠠᠭᠠᠵᠤ ᠵᠢᠯᠣᠭᠤ ᠵᠠᠯᠠᠯᠠ᠃ ᠦᠶᠡᠷ ᠲᠤ ᠲᠠᠭᠤᠭᠳᠠᠵᠤ ᠳᠠᠰᠤᠷᠠᠬᠰᠠᠨ | ᠵᠠᠮ᠂ ᠠᠭᠤᠯᠠᠨ ᠠᠴᠠ ᠥᠩᠬᠦᠷᠢᠲᠦᠵᠦ ᠪᠠᠭᠤᠭᠠᠳ ᠵᠠᠮ ᠬᠠᠰᠢᠭᠰᠠᠨ ᠬᠠᠳᠠ ᠴᠢᠯᠠᠭᠤᠳ᠂ ᠬᠥᠨᠳᠡᠯᠡᠨ ᠭᠤᠯᠳᠤ | ᠬᠠᠶᠠᠭᠳᠠᠭᠰᠠᠨ ᠮᠣᠳᠣ ᠲᠦᠯᠡᠭᠡ … ᠡᠳᠡᠭᠡᠷ ᠪᠦᠭᠦᠨ ᠨᠢ ᠣᠶᠢᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠤ ᠬᠤᠷᠠ ᠪᠣᠷᠣᠭᠠᠨ ᠤ | ᠰᠦᠷ ᠬᠦᠴᠦ ᠶᠢ ᠭᠦᠢᠴᠡᠳ ᠬᠠᠷᠠᠭᠤᠯᠵᠤ ᠴᠢᠳᠠᠵᠠᠢ᠃ ᠤᠰᠤ ᠴᠢᠭᠢᠭ ᠢᠶᠠᠷ ᠬᠠᠨᠤᠵᠤ ᠳᠡᠪᠲᠦᠭᠰᠡᠨ ᠠᠯᠠᠱᠠ | ᠠᠭᠤᠯᠠ ᠶᠢᠨ ᠬᠠᠪᠴᠢᠯ ᠵᠢᠯᠠᠭᠠ᠂ ᠭᠤᠤ ᠰᠤᠳᠠᠭ ᠪᠦᠭᠦᠨ ᠢᠶᠠᠷ ᠭᠤᠣᠯ ᠭᠤᠷᠤᠬᠠ ᠭᠤᠷᠴᠢᠭᠢᠨᠠᠨ ᠤᠷᠤᠰᠴᠤ᠂ | ᠡᠪᠡᠰᠦ ᠮᠣᠳᠣ ᠴᠤ ᠤᠬᠢᠶᠠᠭᠳᠠᠨ ᠴᠡᠯ ᠨᠣᠭᠤᠭᠠᠨ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ︽ᠪᠢ ᠡᠨᠡ ᠠᠭᠤᠯᠠᠨ ᠳᠤ ᠬᠤᠷᠢ | ᠭᠤᠴᠢᠨ ᠵᠢᠯ ᠳᠠᠪᠬᠢᠯᠠ᠂ ᠤᠰᠤ ᠤᠷᠤᠰᠬᠠᠯ ᠢᠩᠭᠢᠵᠦ ᠡᠯᠪᠡᠭᠰᠢᠵᠦ᠂ ᠭᠤᠣᠯ ᠭᠤᠷᠤᠬᠠ ᠡᠶᠢᠮᠦ ᠠᠷᠪᠢᠨ | ᠪᠤᠯᠬᠤ ᠶᠢ ᠶᠡᠷᠦᠨᠢ ᠦᠵᠡᠵᠦ ᠪᠠᠶᠢᠭᠠ ᠦᠭᠡᠢ︾ ᠭᠡᠵᠦ ᠪᠢᠳᠠᠨ ᠳᠤ ᠲᠡᠷᠭᠡ ᠵᠢᠯᠤᠭᠤᠳᠴᠤ ᠶᠠᠪᠤᠭᠠ ᠠᠯᠠᠱᠠ | ᠠᠭᠤᠯᠠᠨ ᠤ ᠤᠯᠤᠰ ᠤᠨ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠᠨ ᠤ ᠠᠵᠢᠯᠲᠠᠨ | ᠸᠠᠩ ᠰᠢᠶᠣᠣ ᠴᠢᠨ ᠢᠲᠡᠭᠡᠵᠦ ᠶᠠᠳᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ ᠠᠭᠤᠯᠠ ᠥᠭᠡᠳᠡ ᠥᠭᠰᠥᠬᠦ ᠲᠤᠰᠤᠮ ᠵᠠᠮ ᠤᠨ | ᠪᠠᠷᠳᠠᠭᠠ ᠤᠯᠠᠮ ᠶᠡᠬᠡᠳᠴᠦ᠂ ᠵᠠᠷᠢᠮ ᠬᠡᠰᠡᠭ ᠲᠤᠨᠢ ᠪᠢᠳᠠ ᠲᠡᠷᠭᠡ ᠪᠠᠨ ᠲᠦᠯᠬᠢᠵᠦ ᠪᠠᠶᠢᠮᠠᠨᠵᠢᠨ ᠤᠰᠤ ᠱᠠᠯᠪᠠᠭ ᠢ | ᠲᠤᠭᠤᠯᠵᠤ ᠭᠠᠲᠤᠯᠳᠠᠭ ᠪᠣᠯᠣᠯᠠ᠃ ᠭᠠᠵᠠᠷ ᠤᠨ ᠪᠠᠶᠢᠴᠠ ᠤᠯᠠᠮ ᠡᠭᠴᠡ ᠪᠤᠯᠬᠤ ᠶᠢ ᠳᠠᠭᠠᠯᠳᠤᠨ ᠵᠠᠮ ᠨᠠᠷᠢᠨ | ᠪᠣᠯᠵᠤ ᠬᠠᠳᠠ ᠴᠢᠯᠠᠭᠤ ᠴᠤ ᠠᠷᠪᠢᠳᠤᠨ᠂ ᠬᠠᠯᠲᠤᠷᠢᠭᠠ ᠶᠡᠭᠡ ᠲᠠᠢ ᠪᠣᠯᠬᠤᠷ ᠪᠢᠳᠠ ᠲᠡᠷᠭᠡ ᠪᠠᠨ ᠬᠠᠶᠠᠵᠤ | ᠶᠠᠪᠠᠭᠠᠨ ᠢᠶᠠᠷ ᠠᠶᠠᠯᠠᠬᠤ ᠪᠠᠷ ᠲᠣᠭᠲᠠᠭᠠᠳ᠂ ᠠᠴᠢᠶᠠ ᠡᠭᠦᠷᠭᠡ ᠪᠠᠨ ᠬᠤᠪᠢᠶᠠᠯᠴᠠᠨ ᠡᠭᠦᠷᠦᠭᠡᠳ ᠵᠠᠮ ᠬᠥᠭᠡᠭᠡᠪᠡ᠃ | ᠥᠨᠥᠳᠥᠷ ᠤᠨ ᠠᠶᠠᠨ ᠳᠠᠭᠠᠨ ᠪᠢᠳᠠ ᠠᠯᠠᠱᠠ ᠠᠶᠢᠮᠠᠭ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠤᠤᠯ ᠤᠨ ᠳᠡᠳ᠋ | ᠳᠠᠷᠤᠭᠠ᠂ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠡᠮᠴᠢ ᠬᠠᠲᠠᠭᠢᠨ ᠤᠯᠠᠭᠠᠨᠬᠦᠦ ᠶᠢ ᠲᠤᠰᠬᠠᠶᠢᠯᠠᠨ | ᠤᠷᠢᠭᠰᠠᠨ ᠪᠣᠯᠬᠤᠷ ᠵᠠᠮ ᠳᠠᠭᠠᠤ ᠡᠯᠡ ᠵᠦᠢᠯ ᠤᠨ ᠡᠮᠲᠦ ᠤᠷᠭᠤᠮᠠᠯ᠂ ᠡᠪᠡᠰᠦ ᠮᠣᠳᠣᠨ ᠤ ᠡᠮᠲᠦ ᠬᠡᠷᠡᠭᠴᠡᠭᠡᠨ ᠤ | ᠲᠤᠬᠠᠢ ᠶᠡᠭᠡ ᠵᠣᠭᠤᠭ ᠳᠡᠯᠭᠡᠵᠦ ᠶᠠᠪᠤᠯᠠ᠃ ᠪᠢᠳᠠᠨ ᠤ ᠵᠠᠮᠴᠢ ᠡᠷᠳᠡᠨᠢᠬᠦᠦ ᠭᠤᠸᠠᠢ ᠴᠤ ᠪᠠᠭᠠ ᠠᠴᠠ ᠪᠠᠨ ᠠᠯᠠᠱᠠ | ᠠᠭᠤᠯᠠᠨ ᠳᠤ ᠡᠪᠡᠰᠦᠨ ᠡᠮ ᠲᠡᠭᠦᠵᠦ ᠬᠤᠳᠠᠯᠳᠤᠳᠠᠭ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠡᠮᠲᠦ ᠤᠷᠭᠤᠮᠠᠯ ᠢ ᠰᠠᠶᠢᠨ ᠲᠠᠨᠢᠬᠤ | ᠪᠥᠭᠡᠳ ᠨᠡᠯᠢᠶᠡᠳ ᠡᠮ ᠤᠨ ᠵᠣᠷ ᠡᠵᠡᠮᠰᠢᠭᠰᠡᠨ ᠪᠣᠯᠬᠤᠷ ᠬᠤᠶᠠᠷ ᠠᠬᠠᠮᠠᠳ ᠤᠨ ᠵᠣᠭᠤᠭ ᠰᠠᠶᠢᠬᠠᠨ ᠳᠠᠭᠠᠷᠠᠵᠤ᠂ | ᠪᠢᠳᠠ ᠴᠤ ᠤᠯᠠᠨ ᠢ ᠰᠣᠨᠣᠰᠴᠤ ᠤᠯᠠᠨ ᠢ ᠮᠡᠳᠡᠵᠤ ᠣᠶᠢᠯᠠᠭᠠᠵᠤ ᠶᠠᠪᠤᠯᠠ᠃ | ᠨᠢᠭᠡᠨ ᠨᠡᠯᠢᠶᠡᠳ ᠥᠷᠭᠡᠨ ᠰᠠᠢ ᠳᠣᠲᠣᠷᠠᠬᠢ ᠭᠤᠣᠯ ᠤᠨ ᠬᠥᠪᠡᠭᠡᠨᠡ ᠨᠡᠯᠢᠶᠡᠳ ᠢᠭᠴᠤ ᠰᠠᠬᠤᠯᠢᠭ | ᠤᠷᠭᠤᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠪᠤᠲᠠᠯᠢᠭ ᠤᠷᠭᠤᠮᠠᠯ ᠲᠣᠬᠢᠶᠠᠯᠳᠤᠬᠤ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠰᠤᠬᠠᠢ ᠭᠡᠵᠦ ᠯᠡ | ᠪᠤᠳᠤᠯᠠ᠃ ᠭᠡᠪᠡᠴᠦ ᠡᠷᠳᠡᠨᠢᠬᠦᠦ ᠨᠠᠰᠤᠲᠠᠨ ᠤ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠡᠨᠡ ᠪᠣᠯ ︽ᠪᠠᠯᠭᠤᠨᠠ︾ ᠪᠤᠶᠤ ︽ᠤᠰᠤᠨ | ᠪᠠᠯᠭᠤᠨᠠ︾ ᠭᠡᠬᠦ ᠨᠢᠭᠡᠨ ᠵᠦᠢᠯ ᠤᠨ ᠡᠮᠲᠦ ᠤᠷᠭᠤᠮᠠᠯ᠂ ᠭᠠᠳᠠᠷ ᠪᠠᠶᠢᠳᠠᠯ ᠨᠢ ᠰᠤᠬᠠᠢ ᠲᠠᠢ ᠮᠠᠰᠢ ᠠᠳᠠᠯᠢᠪᠲᠤᠷ | ᠪᠤᠯᠪᠠᠴᠤ ᠬᠠᠮᠤᠭ ᠢᠯᠡᠳᠲᠡ ᠤᠨᠴᠠᠭᠠᠢ ᠵᠥᠷᠢᠶᠡ ᠨᠢ ᠭᠡᠪᠡᠯ ᠳᠠᠷᠤᠢ ᠰᠤᠬᠠᠢ ᠶᠢᠨ ᠮᠣᠳᠣᠨ ᠤ ᠭᠤᠣᠯ ᠨᠢ ᠪᠢᠲᠡᠭᠦᠦ | ᠪᠠᠶᠢᠬᠤ ᠳᠤ ᠡᠨᠡ ᠬᠦ ᠪᠠᠯᠭᠤᠨᠠ ᠶᠢᠨ ᠮᠣᠳᠣᠨ ᠤ ᠭᠤᠣᠯ ᠨᠢ ᠬᠠᠷᠢᠨ ᠬᠥᠨᠳᠡᠢ ᠪᠠᠶᠢᠳᠠᠭ ᠭᠡᠨᠡ᠃ ᠲᠡᠷᠡ ᠨᠢ | ᠬᠠᠮᠤᠭ ᠥᠨᠳᠥᠷ ᠲᠡᠭᠡᠨ ᠬᠥᠮᠥᠨ ᠠᠴᠠ ᠥᠨᠳᠥᠷ ᠤᠷᠭᠤᠳᠠᠭ ᠪᠥᠭᠡᠳ ᠨᠢᠯᠬᠠ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠡᠮ ᠳᠤ | ᠣᠷᠣᠵᠤ᠂ ᠬᠠᠯᠠᠭᠤ ᠲᠠᠭᠤᠵᠤ ᠬᠠᠨᠢᠶᠠᠳᠤ ᠵᠣᠭᠰᠤᠭᠠᠬᠤ ᠦᠢᠯᠡᠳᠦᠯ ᠲᠠᠢ᠃ ︽ᠪᠠᠯᠭᠤᠨᠠ ᠶᠡᠷᠦᠨᠢ ᠲᠡᠭᠷᠢ ᠡᠯᠡᠰᠦᠨ | ᠴᠦᠯ ᠳᠤ ᠤᠷᠭᠤᠳᠠᠭ᠂ ᠠᠯᠠᠱᠠ ᠠᠭᠤᠯᠠᠨ ᠳᠤ ᠤᠷᠭᠤᠳᠠᠭ ᠢ ᠰᠠᠶ᠋ᠢ ᠦᠵᠡᠵᠦ ᠪᠠᠶᠢᠨᠠ︾ ᠭᠡᠵᠦ ᠡᠷᠳᠡᠨᠢᠬᠦᠦ | ᠭᠤᠸᠠᠢ ᠭᠠᠶᠢᠬᠠᠰᠢᠷᠠᠨ ᠶᠠᠷᠢᠵᠤ ᠪᠢᠯᠡ᠃ ᠡᠶᠢᠨ ᠬᠦ ᠪᠢᠳᠡ ᠠᠭᠤᠯᠠᠨ ᠤ ᠥᠩᠭᠡ ᠦᠵᠡᠮᠵᠢ᠂ ᠡᠪᠡᠰᠦ ᠤᠷᠭᠤᠮᠠᠯ | ᠰᠣᠨᠢᠷᠬᠠᠨ ᠵᠣᠭᠤᠭᠳᠠᠵᠤ ᠶᠠᠪᠤᠭᠰᠠᠭᠠᠷ ᠨᠢᠭᠡ ᠮᠡᠳᠡᠬᠦᠯᠡ ᠤᠢ ᠶᠢᠨ ᠵᠠᠬᠠ ᠳᠤ ᠬᠦᠷᠴᠦ ᠢᠷᠡᠪᠠ᠃ ᠨᠠᠷᠢᠨ ᠵᠠᠮ ᠤᠨ | ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢᠭᠡᠨ ᠪᠢᠴᠢᠬᠠᠨ ᠴᠢᠯᠠᠭᠤᠨ ᠭᠡᠷ ᠤᠨ ᠪᠠᠭᠤᠷᠢ ᠬᠠᠷᠠᠭᠳᠠᠵᠤ᠂ ᠤᠷᠳᠤ ᠪᠠᠷ ᠢᠶᠠᠨ ᠭᠤᠷᠪᠠᠨ | ᠮᠧᠲᠷ ᠰᠢᠬᠠᠭᠤ᠂ ᠥᠷᠭᠡᠨ ᠢᠶᠠᠷ ᠢᠶᠠᠨ ᠬᠤᠶᠠᠷᠬᠠᠨ ᠮᠧᠲᠷ᠂ ᠠᠷᠤ ᠲᠠᠯᠠ ᠶᠢᠨ ᠬᠡᠷᠡᠮ ᠨᠢ ᠥᠨᠳᠥᠷ᠂ ᠡᠭᠦᠳᠡᠨ | ᠲᠠᠯᠠ ᠶᠢᠨ ᠬᠡᠷᠡᠮ ᠨᠢ ᠪᠣᠭᠤᠨᠢᠬᠠᠨ᠂ ᠴᠢᠯᠠᠭᠤ ᠪᠠᠷ ᠦᠷᠦᠵᠤ ᠪᠣᠰᠬᠠᠭᠰᠠᠨ ᠪᠥᠭᠡᠳ ᠣᠷᠣᠢ ᠨᠢ ᠠᠯᠢ ᠦᠶᠡ ᠳᠤᠨᠢ | ᠬᠤᠪᠬᠤᠯᠤᠬᠳᠠᠬᠰᠠᠨ ᠢ ᠪᠤᠤ ᠮᠡᠳᠡ ᠤᠩᠭᠤᠷᠬᠠᠢ ᠪᠠᠶᠢᠯᠠ᠃ ︽ᠥᠩᠭᠡᠷᠡᠭᠰᠡᠨ ᠳᠤ ᠮᠦᠷᠡᠨᠭᠤᠣᠯ ᠰᠤᠮᠤᠨ ᠤ | ᠪᠠᠶᠠᠨᠲᠠᠯᠠ ᠭᠠᠴᠠᠭᠠᠨ ᠳᠤ ᠨᠤᠲᠤᠭᠲᠠᠢ ᠳ᠋ᠡᠳ᠋ᠸᠡᠭ ᠮᠠᠮᠪᠠ ᠭᠡᠭᠴᠢ ᠨᠠᠷᠠᠲᠠᠢ ᠡᠮᠴᠢ ᠪᠠᠶᠢᠭᠰᠠᠨ᠂ ᠵᠢᠯ ᠪᠦᠷᠢ ᠶᠢᠨ ᠵᠤᠨ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠢᠶᠠᠷ ᠠᠯᠠᠱᠠ ᠠᠭᠤᠯᠠᠨ ᠳᠤ ᠢᠷᠠᠵᠤ ᠬᠤᠶᠠᠷ ᠰᠠᠷᠠ ᠭᠠᠷᠤᠢ ᠰᠠᠭᠤᠵᠤ ᠡᠮ ᠲᠡᠭᠦᠳᠡᠭ᠂ ᠡᠨᠡ | ᠴᠢᠯᠠᠭᠤᠨ ᠭᠡᠷ ᠪᠣᠯ ᠳᠠᠷᠤᠢ ᠲᠡᠷᠡ ᠪᠠᠷ ᠡᠮ ᠲᠡᠭᠦᠬᠦ ᠳᠡᠭᠡᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠭᠡᠷ᠂ ᠳᠡᠭᠡᠷᠡ ᠵᠠᠭᠤᠨ ᠤ | ᠨᠠᠶᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠭᠦᠷᠳᠡᠯᠡ ᠡᠨᠡ ᠭᠡᠷ ᠪᠦᠲᠦᠨ ᠰᠠᠶᠢᠬᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠵᠤ ᠪᠠᠶᠢᠯᠠ︾ ᠭᠡᠵᠦ | ᠡᠷᠳᠡᠨᠢᠬᠦᠦ ᠦᠵᠡᠵᠦ ᠰᠣᠨᠣᠰᠴᠤ ᠪᠠᠶᠢᠭᠰᠠᠨ ᠢᠶᠠᠨ ᠶᠠᠷᠢᠬᠤ ᠳᠤ᠂ ᠤᠯᠠᠭᠠᠨᠬᠦᠦ ᠡᠮᠴᠢ ᠶᠠᠷᠢᠶᠠᠨ ᠤ ᠭᠤᠭᠴᠤᠭᠠ ᠶᠢ | ᠡᠯᠭᠦᠨ ᠠᠪᠴᠤ᠄ ︽ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠠᠯᠳᠠᠷᠲᠤ ᠠᠨᠠᠭᠠᠬᠤ ᠤᠬᠠᠭᠠᠨᠲᠠᠨ᠂ ︿ᠲᠦᠷᠪᠡᠨ ᠷᠠᠰᠢᠶᠠᠨ﹀ ᠢ | ᠲᠤᠭᠤᠷᠪᠢᠨ ᠪᠦᠲᠦᠭᠡᠭᠰᠡᠨ ᠰᠦᠮᠪᠠ ᠺᠠᠮᠪᠦ ᠢᠰᠢᠪᠠᠯᠵᠤᠷ ᠨᠢᠭᠡ ᠨᠠᠰᠤᠨ ᠳᠠᠭᠠᠨ 17 ᠤᠳᠠᠭᠠ ᠠᠯᠠᠱᠠ ᠨᠤᠲᠤᠭ ᠢᠶᠠᠷ | ᠢᠷᠡᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠠᠯᠠᠱᠠ ᠠᠭᠤᠯᠠᠨ ᠳᠤ ᠬᠡᠳᠦᠨ ᠰᠠᠷᠠ ᠪᠠᠷ ᠰᠠᠭᠤᠵᠤ ᠡᠮ ᠲᠡᠭᠦᠵᠦ ᠪᠠᠶᠢᠭᠰᠠᠨ | ᠲᠡᠮᠳᠡᠭᠯᠡᠯ ᠲᠠᠢ᠃ ᠪᠤᠳᠤᠬᠤ ᠳᠤ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠯᠳᠠᠷᠲᠤ ᠣᠲᠠᠴᠢ ᠮᠠᠨᠢ ᠮᠥᠨ ᠴᠤ ᠡᠶᠢᠮᠦ ᠴᠢᠯᠠᠭᠤᠨ | ᠭᠡᠷ ᠲᠤ ᠰᠠᠭᠤᠵᠤ ᠯᠡ ᠪᠠᠶᠢᠭᠰᠠᠨ ᠮᠠᠭᠠᠳ︾ ᠭᠡᠵᠦ ᠶᠠᠷᠢᠯᠠ᠃ | ᠰᠦᠮᠪᠠ ᠺᠠᠮᠪᠦ ᠢᠰᠢᠪᠠᠯᠵᠤᠷ ᠪᠣᠯ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠣᠩᠭᠤᠯ ᠤᠨ ᠠᠯᠳᠠᠷᠲᠤ | ᠭᠦᠨ ᠤᠬᠠᠭᠠᠨᠲᠠᠨ᠂ ᠲᠡᠦᠬᠡᠴᠢᠨ᠂ ᠵᠢᠷᠤᠬᠠᠶᠢᠴᠢᠨ᠂ ᠬᠡᠯᠡᠨ ᠤ ᠰᠢᠨᠵᠢᠯᠡᠯᠲᠡᠨ᠂ ᠵᠣᠬᠢᠶᠠᠯᠴᠢ᠂ ᠰᠢᠯᠭᠠᠷᠠᠭᠰᠠᠨ | ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠡᠷᠳᠡᠮᠲᠡᠨ ᠮᠥᠨ᠃ ᠲᠡᠭᠦᠨ ᠤ ᠲᠦᠷᠦᠭᠰᠡᠨ ᠣᠨ ᠵᠢᠯ᠂ ᠭᠠᠷᠤᠯ ᠤᠭᠰᠠᠭᠠ᠂ ᠨᠤᠲᠤᠭ | ᠤᠰᠤᠨ ᠤ ᠲᠤᠬᠠᠢ ᠨᠡᠯᠢᠶᠡᠳ ᠮᠠᠳᠠᠭ ᠮᠠᠷᠭᠤᠭᠠᠨ ᠲᠠᠢ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠣᠯᠠᠩᠬᠢ ᠳᠠᠭᠠᠨ 1704 ᠣᠨ ︵ | ᠡ᠊ᠩᠭᠡ ᠠᠮᠤᠭᠤᠯᠠᠩ ᠤᠨ ᠳᠥᠴᠢᠨ ᠭᠤᠷᠪᠠᠳᠤᠭᠠᠷ ᠣᠨ︶ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 8 ᠰᠠᠷᠠ ᠶᠢᠨ 15 ᠤ | ᠡᠳᠦᠷ᠂ ᠡᠳᠦᠭᠡ ᠶᠢᠨ ᠬᠥᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠬᠠᠶᠢᠪᠸᠢ ᠶᠢᠨ ᠲᠥᠪᠡᠳ ᠦᠨᠳᠦᠰᠦᠲᠡᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ | ᠵᠧᠦ ᠶᠢᠨ ᠬᠠᠢ ᠶᠠᠨ ᠰᠢᠶᠠᠨ ᠤ ᠬᠢᠵᠠᠭᠠᠷ ᠲᠠᠬᠢ ᠬᠠᠳᠤᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠠᠬᠢ ᠲᠣᠯᠢ ᠭᠠᠴᠠᠭᠠᠨ ᠤ | ᠣᠶᠢᠷᠠᠳ ᠶᠠᠰᠤᠳᠠᠨ ᠤ ᠪᠠᠭᠠᠲᠤᠳ ᠣᠪᠣᠭᠲᠤ ᠲᠠᠶᠢᠵᠢ ᠢᠵᠠᠭᠤᠷᠲᠠᠨ ᠤ ᠭᠡᠷ ᠲᠤ ᠲᠦᠷᠦᠵᠡᠢ ᠭᠡᠵᠦ ᠨᠤᠲᠠᠯᠠᠵᠤ ᠪᠤᠢ | ᠃ ᠶᠡᠬᠡᠪᠴᠢᠯᠡᠨ 1737 ᠣᠨ ᠳᠤ 34 ᠨᠠᠰᠤᠲᠠᠢ ᠠᠴᠠ ᠪᠠᠨ ᠡᠬᠢᠯᠡᠨ 1780 ᠣᠨ ᠳᠤ 77 ᠨᠠᠰᠤ ᠭᠦᠷᠳᠡᠯᠡ | ᠠᠯᠠᠱᠠ ᠨᠤᠲᠤᠭ ᠢᠶᠠᠷ ᠢᠷᠡᠵᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠠ ᠠᠯᠠᠱᠠ ᠠᠭᠤᠯᠠᠨ ᠳᠤ ᠤᠳᠠᠭᠠᠨ ᠡᠳᠦᠷ ᠢᠶᠠᠷ ᠰᠠᠭᠤᠵᠤ ᠡᠮ | ᠲᠡᠭᠦᠵᠦ ᠪᠠᠶᠢᠭᠰᠠᠨ ᠲᠡᠮᠳᠡᠭᠯᠡᠯ ᠲᠠᠢ᠂ ᠮᠥᠨ ᠴᠤ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤᠨ ᠤ | ᠯᠣᠪᠰᠠᠩᠳᠣᠷᠵᠢ ᠪᠣᠯᠣᠨ ᠸᠠᠩᠴᠢᠨᠪᠠᠯᠪᠠᠷ ᠬᠤᠶᠠᠷ ᠦᠶᠡ ᠶᠢᠨ ᠵᠠᠰᠠᠭ ᠨᠣᠶᠠᠨ ᠤ ᠤᠷᠢᠯᠭᠠ ᠵᠠᠯᠠᠯᠭᠠ ᠪᠠᠷ ᠠᠯᠠᠱᠠ | ᠨᠤᠲᠤᠭ ᠲᠤ ᠢᠷᠡᠵᠤ ᠡᠪᠡᠳᠴᠢᠨ ᠦᠵᠡᠵᠦ ᠡᠮ ᠳᠠᠩ ᠪᠠᠷᠢᠵᠤ᠂ ᠠᠮᠢᠳᠠᠨ ᠤᠯᠠᠨ ᠳᠤ ᠲᠤᠰᠠ ᠦᠵᠡᠭᠦᠯᠵᠦ | ᠪᠠᠶᠢᠵᠠᠢ᠃ ᠢᠰᠢᠪᠠᠯᠵᠤᠷ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠲᠡᠦᠬᠡ᠂ ᠭᠦᠨ ᠤᠬᠠᠭᠠᠨ᠂ ᠵᠢᠷᠤᠬᠠᠢ᠂ ᠠᠨᠠᠭᠠᠬᠤ ᠤᠬᠠᠭᠠᠨ᠂ | ᠤᠳᠬᠠ ᠵᠣᠬᠢᠶᠠᠯ᠂ ᠬᠡᠯᠡᠨ ᠵᠦᠢ ᠵᠡᠷᠭᠡ ᠶᠢ ᠬᠠᠮᠤᠷᠤᠭᠰᠠᠨ ᠶᠡᠭᠡ ᠪᠠᠭᠠ ᠲᠠᠪᠤᠨ ᠤᠬᠠᠭᠠᠨ ᠤ 71 ᠢᠵᠢ ᠵᠣᠬᠢᠶᠠᠯ | ᠪᠦᠲᠦᠭᠡᠯ ᠢ ᠲᠤᠭᠤᠷᠪᠢᠵᠤ᠂ 8 ᠪᠣᠳᠢ ᠪᠣᠯᠭᠠᠨ ᠡᠮᠬᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠬᠦ ᠪᠦᠷᠢᠨ ᠵᠣᠬᠢᠶᠠᠯ ᠨᠢ ᠨᠡᠶᠢᠳᠡ | 289.9 ᠲᠦᠮᠡᠨ ᠦᠰᠦᠭ ᠲᠠᠢ᠂ ︽ᠡᠨᠡᠳᠬᠡᠭ᠂ ᠶᠡᠭᠡ ᠬᠢᠲᠠᠳ᠂ ᠲᠥᠪᠡᠳ ᠬᠢᠭᠡᠳ ᠮᠣᠩᠭᠤᠯ ᠤᠨ ᠣᠷᠣᠨᠠ | ᠳᠡᠭᠡᠳᠦ ᠨᠣᠮ ᠳᠡᠯᠭᠡᠷᠡᠭᠰᠡᠨ ᠶᠣᠰᠣᠨ ᠬᠦᠰᠡᠭᠰᠡᠨ ᠢ ᠬᠠᠩᠭᠠᠭᠴᠢ ᠭᠠᠯᠪᠠᠷᠠᠨᠽᠠ ᠮᠣᠳᠣᠨ︾᠂ ︽ᠦᠰᠦᠭ ᠤᠨ | ᠰᠢᠨᠵᠢ ᠶᠢ ᠮᠠᠰᠢᠳᠠ ᠭᠡᠶᠢᠭᠦᠯᠦᠭᠰᠡᠨ ᠲᠣᠯᠢ ᠶᠢᠨ ᠲᠣᠪᠴᠢ︾᠂ ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠤᠪᠠᠳᠢᠰ ᠢ ᠮᠠᠰᠢᠳᠠ | ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠷᠠᠰᠢᠶᠠᠨ ᠤ ᠳᠤᠰᠤᠯ ᠬᠡᠮᠡᠨ ᠣᠷᠣᠰᠢᠪᠠᠢ︾ ᠵᠡᠷᠭᠡ ᠲᠥᠯᠥᠭᠡᠯᠡᠬᠦ ᠵᠣᠬᠢᠶᠠᠯ ᠤᠳ ᠨᠢ | ᠲᠡᠭᠦᠨ ᠤ ᠤᠯᠠᠨ ᠵᠦᠢᠯ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠳᠤ ᠮᠡᠷᠭᠡᠰᠢᠨ ᠨᠡᠪᠲᠡᠷᠡᠭᠰᠡᠨ ᠢ ᠭᠦᠢᠴᠡᠳ ᠬᠠᠷᠠᠭᠤᠯᠵᠤ | ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡ ᠰᠣᠶᠣᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ | ᠬᠥᠭᠵᠢᠯᠲᠡ ᠳᠤ ᠭᠠᠷᠮᠠᠭᠠᠢ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠨᠡᠷᠡᠳᠤ ᠡᠷᠳᠡᠮᠲᠡᠨ ᠪᠤᠯᠬᠤ ᠶᠤᠮ᠃ | ᠡᠶᠢᠮᠦᠷᠬᠦᠦ ᠡᠷᠳᠡᠮᠲᠡᠳ ᠮᠡᠷᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠵᠠᠮ ᠨᠡᠪᠲᠡᠷᠡᠯᠭᠡ ᠲᠦᠭᠦᠮ ᠦᠭᠡᠢ᠂ ᠡᠳ᠋ | ᠪᠣᠳᠠᠰ ᠤᠨ ᠨᠥᠬᠦᠴᠡᠯ ᠠᠨᠠᠢ ᠪᠠᠶᠢᠳᠠᠯ ᠳᠣᠣᠷᠠ ᠡᠯᠳᠡᠪ ᠬᠦᠴᠢᠷ ᠢ ᠲᠡᠪᠴᠢᠨ᠂ ᠥᠴᠥᠬᠡᠨ ᠴᠢᠯᠠᠭᠤᠨ | ᠤᠷᠤᠮᠵᠢᠨ ᠳᠤ ᠰᠠᠯᠬᠢ ᠪᠣᠷᠣᠭᠠᠨ ᠠᠴᠠ ᠳᠠᠯᠳᠠᠯᠠᠨ᠂ ᠡᠮ ᠲᠡᠭᠦᠵᠦ ᠰᠤᠳᠤᠯᠭᠠᠨ ᠬᠢᠵᠦ ᠶᠠᠪᠤᠬᠤ ᠭᠡᠭᠴᠢ ᠬᠡᠳᠦᠢ | ᠶᠡᠭᠡ ᠰᠥᠰᠥ ᠵᠣᠷᠢᠭ᠂ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ ᠪᠣᠯ ᠭᠡᠵᠦ ᠪᠤᠳᠤᠬᠤ ᠳᠤ ᠡᠷᠬᠡ ᠦᠭᠡᠢ ᠪᠢᠰᠢᠷᠡᠨ | ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯᠭᠡ ᠲᠦᠷᠦᠭᠦ ᠶᠤᠮ᠃ ᠡᠷᠳᠡᠨᠢᠬᠦᠦ ᠨᠠᠰᠤᠲᠠᠨ ᠴᠢᠯᠠᠭᠤᠨ ᠭᠡᠷ ᠤᠨ ᠪᠠᠭᠤᠷᠢ ᠳᠡᠭᠡᠷᠡ ᠰᠠᠩ | ᠲᠠᠯᠪᠢᠨ ᠠᠷᠢᠭᠤᠳᠬᠠᠵᠤ᠂ ᠬᠦᠨᠳᠦᠳᠬᠡᠯ ᠢᠶᠠᠨ ᠳᠡᠪᠰᠢᠭᠦᠯᠵᠦ ᠪᠢᠯᠡ᠃ | ᠲᠡᠨᠳᠡᠴᠡ ᠴᠢᠨᠠᠭᠰᠢ ᠪᠢᠳᠠ ᠨᠠᠷᠠᠰᠤᠨ ᠤᠢ ᠶᠢᠨ ᠳᠤᠮᠳᠠᠭᠤᠷ ᠠᠶᠠᠯᠠᠬᠤ ᠳᠤ ᠡᠯᠳᠡᠪ ᠵᠦᠢᠯ ᠤᠨ ᠮᠦᠭᠦ | ᠭᠠᠵᠠᠷ ᠰᠠᠢ ᠦᠭᠡᠢ ᠤᠷᠭᠤᠭᠰᠠᠨ ᠪᠠᠶᠢᠯᠠ᠃ ᠲᠦᠷᠦᠭᠦᠬᠡᠨ ᠬᠡᠰᠡᠭ ᠤᠨ ᠬᠤᠷᠠ ᠪᠣᠷᠣᠭᠠᠨ ᠢᠶᠠᠷ ᠮᠦᠭᠦ ᠶᠢᠨ | ᠤᠷᠭᠤᠯᠲᠠ ᠮᠠᠰᠢ ᠰᠦᠷᠡᠬᠡᠢ ᠪᠣᠯᠵᠤ᠂ ᠤᠯᠠᠨ ᠵᠢᠯ ᠦᠵᠡᠭᠳᠡᠭᠡ ᠦᠭᠡᠢ ᠮᠦᠭᠦ ᠴᠤ ᠭᠠᠷᠤᠭᠠᠳ ᠢᠷᠡᠭᠰᠡᠨ ᠪᠠᠶᠢᠨᠠ | ᠭᠡᠵᠦ ᠠᠯᠠᠱᠠ ᠠᠭᠤᠯᠠᠨ ᠤ ᠤᠯᠤᠰ ᠤᠨ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ | ᠲᠣᠪᠴᠢᠶᠠᠨ ᠤ ᠠᠵᠢᠯᠲᠠᠨ ᠸᠠᠩ ᠰᠢᠶᠣᠣ ᠴᠢᠨ ᠮᠦᠭᠦ ᠶᠢᠨ ᠵᠠᠭᠪᠤᠷ ᠲᠡᠭᠦᠵᠦ ᠴᠤᠭᠯᠠᠭᠤᠯᠬᠤ ᠶᠢᠨ ᠳᠠᠭᠤ | ᠪᠢᠳᠠᠨ ᠳᠤ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠯᠠ᠃ ᠲᠡᠷᠡ ᠬᠡᠯᠡᠬᠦ ᠳᠡᠭᠡᠨ᠂ ᠠᠯᠠᠱᠠ ᠠᠭᠤᠯᠠ ᠶᠢᠨ ᠤᠢ ᠰᠢᠭᠤᠢ ᠶᠢᠨ | ᠮᠣᠳᠣᠨ ᠤ ᠲᠦᠷᠦᠯ ᠨᠢ ᠲᠠᠩᠭᠤᠳ ᠭᠠᠴᠤᠷᠠ᠂ ᠲᠤᠰᠤᠨ ᠬᠠᠷᠭᠠᠢ᠂ ᠦᠷᠭᠡᠰᠦᠳᠤ ᠠᠷᠴᠠ ᠵᠢᠴᠢ ᠤᠯᠢᠶᠠᠰᠤ᠂ | ᠬᠠᠶᠢᠯᠠᠰᠤ ᠵᠡᠷᠭᠡ ᠬᠤᠯᠢᠯᠳᠤᠨ ᠤᠷᠭᠤᠭᠰᠠᠨ ᠠᠴᠠ ᠤᠨᠴᠠᠭᠠᠢ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠪᠣᠯᠣᠨ ᠠᠮᠢ | ᠠᠬᠤᠢ ᠶᠢᠨ ᠣᠷᠴᠢᠨ ᠪᠠᠶᠢᠳᠠᠯ ᠨᠢ ᠤᠯᠠᠨ ᠲᠦᠷᠦᠯ ᠤᠨ ᠮᠦᠭᠦ ᠶᠢᠨ ᠤᠷᠭᠤᠯᠲᠠ ᠪᠤᠶᠢᠵᠢᠯᠳᠡ ᠳᠤ ᠮᠠᠰᠢ ᠠᠰᠢᠭᠲᠠᠢ | ᠨᠥᠬᠦᠴᠡᠯ ᠪᠦᠷᠢᠯᠳᠦᠭᠦᠯᠵᠦ ᠴᠢᠳᠠᠵᠠᠢ᠃ ᠪᠦᠷᠢᠳᠬᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠠᠯᠠᠱᠠ ᠠᠭᠤᠯᠠᠨ ᠳᠤ ᠲᠣᠮᠣ | ᠭᠡᠯᠪᠡᠷᠢ ᠶᠢᠨ ᠵᠢᠩᠬᠢᠨᠢ ᠮᠦᠭᠦ 136 ᠵᠦᠢᠯ ᠪᠠᠶᠢᠵᠤ᠂ 2 ᠲᠣᠮᠣ ᠠᠩᠭᠢ ᠶᠢᠨ 6 ᠪᠠᠭ᠂ 20 ᠢᠵᠠᠭᠤᠷ᠂ 39 | ᠲᠦᠷᠦᠯ ᠳᠤ ᠬᠠᠷᠢᠶᠠᠯᠠᠭᠳᠠᠳᠠᠭ ᠠᠵᠢ᠃ ᠵᠠᠮ ᠤᠨ ᠬᠠᠵᠠᠭᠤ ᠪᠠᠷ᠂ ᠮᠣᠳᠣᠨ ᠳᠣᠣᠷᠠ᠂ ᠬᠥᠪᠳᠥ ᠶᠢᠨ ᠳᠣᠲᠣᠷᠠ | ᠴᠠᠭᠠᠨ᠂ ᠴᠠᠶᠢᠪᠤᠷ᠂ ᠰᠢᠷᠠ᠂ ᠬᠦᠷᠡᠩ᠂ ᠪᠣᠷᠣ᠂ ᠤᠯᠠᠭᠠᠨ᠂ ᠬᠤᠨᠳᠠᠨ᠂ ᠬᠥᠬᠡᠪᠲᠦᠷ ᠡᠯᠳᠡᠪ ᠥᠩᠭᠡ ᠶᠢᠨ ᠮᠦᠭᠦ | ᠪᠠᠶᠢᠬᠤ ᠪᠥᠭᠡᠳ ᠵᠠᠷᠢᠮ ᠮᠦᠭᠦ ᠶᠢᠨ ᠰᠢᠬᠦᠷ ᠤᠨ ᠳ᠋ᠢᠶᠠᠮᠧᠲᠷ ᠨᠢ ᠲᠣᠬᠤᠢ ᠵᠠᠪᠳᠤᠭᠤ ᠬᠦᠷᠴᠦ ᠳᠠᠪᠠᠭ ᠰᠢᠭ᠋ | ᠳᠡᠯᠭᠡᠷᠡᠴᠢᠬᠡᠭᠰᠡᠨ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠬᠠᠷᠢᠨ ᠰᠢᠷᠠ ᠪᠤᠷᠴᠠᠭ ᠤᠨ ᠴᠢᠨᠡᠭᠡᠨ ᠪᠤᠨᠲᠣᠶᠢᠵᠤ ᠬᠠᠷᠠᠭᠳᠠᠨᠠ᠂ ᠵᠠᠷᠢᠮ | ᠨᠢ ᠳᠥᠩᠭᠡᠵᠢ ᠬᠥᠷᠥᠰᠥᠨ ᠳᠣᠣᠷᠠ ᠠᠴᠠ ᠲᠣᠯᠣᠭᠠᠢ ᠪᠤᠯᠲᠠᠶᠢᠨ ᠭᠠᠷᠴᠤ ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠨᠢ ᠨᠢᠭᠡᠨᠲᠡ ᠭᠦᠭ | ᠨᠢ ᠥᠩᠭᠡᠷᠡᠭᠡᠳ ᠢᠯᠵᠢᠷᠡᠵᠦ ᠬᠤᠷᠣᠬᠠᠶᠢᠲᠤᠴᠢᠬᠠᠭᠰᠠᠨ ᠪᠤᠶᠤ ᠬᠠᠳᠠᠵᠤ ᠥᠭᠢᠷᠡᠭᠰᠡᠨ ᠪᠠᠶᠢᠵᠤ᠂ ᠬᠠᠪᠲᠠᠭᠠᠢ᠂ | ᠪᠥᠮᠪᠥᠭᠡᠷ᠂ ᠱᠣᠪᠣᠭᠤᠷ ᠤᠷᠲᠤᠯᠵᠢᠨ᠂ ᠳᠡᠯᠳᠡᠦ ᠭᠡᠯᠪᠷᠢ ᠠᠴᠠ ᠭᠠᠳᠠᠨᠠ ᠪᠠᠰᠠ ᠠᠷᠴᠠᠨ ᠮᠣᠳᠣᠨ ᠤ ᠥᠷᠭᠡᠰᠦᠨ | ᠨᠠᠪᠴᠢ ᠶᠢᠨ ᠭᠡᠯᠪᠡᠷᠢ ᠲᠠᠢ ᠮᠦᠭᠦ ᠴᠤ ᠪᠠᠶᠢᠯᠠ᠃ ᠡᠳᠡᠭᠡᠷ ᠤᠨ ᠳᠣᠲᠣᠷᠠ ᠴᠥᠭᠡᠩᠬᠢ ᠬᠡᠰᠡᠭ ᠨᠢ ᠬᠤᠣᠷ ᠲᠠᠢ ᠶᠢ | ᠭᠠᠷᠭᠠᠪᠠᠯ ᠣᠯᠠᠩᠬᠢ ᠨᠢ ᠪᠦᠷ ᠬᠤᠭᠤᠯᠠ ᠢᠳᠡᠰᠢᠨ ᠳᠤ ᠠᠰᠢᠭᠯᠠᠵᠤ ᠪᠤᠯᠬᠤ ᠪᠥᠭᠡᠳ ᠬᠠᠮᠤᠭ ᠠᠯᠳᠠᠷᠲᠠᠢ ᠨᠢ | ᠳᠠᠷᠤᠢ ᠠᠯᠠᠱᠠ ᠠᠭᠤᠯᠠᠨ ᠤ ︽ᠬᠦᠷᠡᠩ ᠮᠦᠭᠦ︾ ᠪᠣᠯᠣᠨᠠ᠃ ᠦᠨᠡᠨᠳᠡᠭᠡᠨ ᠪᠢᠳᠠᠨ ᠤ ᠦᠷᠭᠦᠯᠵᠢ ᠬᠡᠯᠡᠳᠡᠭ | ᠠᠯᠠᠱᠠ ᠠᠭᠤᠯᠠᠨ ᠤ ︽ᠬᠦᠷᠡᠩ ᠮᠦᠭᠦ︾ ᠨᠢ ᠨᠢᠭᠡᠯᠡ ᠵᠦᠢᠯ ᠤᠨ ᠮᠦᠭᠦ ᠪᠢᠰᠢ᠂ ᠲᠡᠭᠦᠨ ᠢ ᠨᠠᠷᠢᠨ ᠬᠤᠪᠢᠶᠠᠪᠠᠯ | ᠠᠷᠪᠠᠭᠠᠳ ᠲᠦᠷᠦᠯ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ ᠭᠡᠵᠦ ᠸᠠᠩ ᠰᠢᠶᠣᠣ ᠴᠢᠨ ᠬᠡᠯᠡᠵᠦ ᠪᠢᠯᠡ᠃ | ᠪᠢᠳᠠ ᠠᠭᠤᠯᠠᠨ ᠵᠢᠯᠠᠭᠠ ᠳᠠᠭᠠᠭᠠᠳ ᠶᠠᠪᠤᠭᠰᠠᠨ ᠪᠣᠯᠬᠤᠷ ᠵᠠᠮ ᠳᠤᠵᠢ ᠤᠰᠤ ᠭᠤᠷᠤᠬᠠ ᠳᠠᠰᠤᠷᠠᠬᠰᠠᠨ | ᠦᠭᠡᠢ᠃ ᠭᠠᠵᠠᠷ ᠤᠨ ᠪᠠᠶᠢᠴᠠ ᠲᠠᠭᠠᠨ ᠭᠤᠷᠴᠢᠭᠢᠨᠠᠨ ᠤᠷᠤᠰᠬᠤ ᠭᠤᠷᠤᠬᠠ ᠨᠢ ᠬᠠᠶᠠ ᠭᠠᠵᠠᠷ ᠳᠣᠣᠭᠤᠷ ᠳᠠᠯᠳᠠ | ᠤᠷᠤᠰᠬᠠᠯ ᠪᠣᠯᠴᠢᠬᠠᠭᠰᠠᠨ ᠬᠥᠯ ᠳᠣᠣᠷᠠ ᠳᠤᠤᠭᠠᠷᠤᠨᠠ᠂ ᠬᠠᠶᠠ ᠲᠣᠮᠣ ᠬᠠᠳᠠᠨ ᠵᠠᠪᠰᠠᠷ ᠪᠤᠶᠤ ᠬᠠᠳᠠᠨ ᠳᠡᠭᠡᠭᠦᠷ | ᠬᠠᠯᠢᠮᠯᠠᠨ ᠪᠠᠭᠤᠵᠤ ᠬᠦᠷᠬᠢᠷᠡ ᠪᠣᠯᠣᠨ ᠱᠤᠤᠭᠢᠨᠠ᠃ ᠡᠪᠡᠰᠦ ᠮᠣᠳᠣ᠂ ᠮᠦᠭᠦ ᠳᠡᠯᠳᠡᠦ ᠭᠠᠶᠢᠬᠠᠨ᠂ ᠳᠠᠩᠰᠤᠭ | ᠰᠠᠶᠢᠬᠠᠨ ᠨᠠᠮᠤᠷ ᠤᠨ ᠦᠵᠡᠮᠵᠢ ᠳᠤ ᠰᠣᠭᠲᠣᠭᠤᠷᠠᠨ ᠬᠤᠷᠭᠤᠳᠠᠭᠰᠠᠭᠠᠷ ᠪᠠᠶᠢᠵᠤ ᠪᠢᠳᠠᠨ ᠤ ᠠᠯᠬᠤᠭᠠ ᠮᠡᠳᠡᠭᠳᠡᠮᠡ | ᠤᠳᠠᠭᠠᠰᠢᠷᠠᠵᠤ᠂ ᠭᠤᠣᠯ ᠦᠳᠡ ᠥᠩᠭᠡᠷᠡᠵᠦ ᠪᠠᠶᠢᠬᠤ ᠳᠤ ᠰᠠᠶ᠋ᠢ ᠳᠥᠩᠭᠡᠵᠢ ᠡᠨᠡ ᠡᠳᠦᠷ ᠤᠨ ᠠᠶᠠᠨ ᠤ ᠬᠠᠭᠠᠰ | ᠴᠢᠭ ᠪᠤᠯᠬᠤ ᠯᠦᠡᠭ ᠺᠧᠩ ᠭᠡᠬᠦ ᠤᠢ ᠶᠢᠨ ᠳᠤᠮᠳᠠᠬᠢ ᠨᠣᠭᠤᠭᠠᠨ ᠵᠦᠯᠭᠡ ᠲᠠᠢ ᠵᠠᠳᠠᠭᠠᠢ ᠭᠠᠵᠠᠷ ᠬᠦᠷᠴᠦ ᠦᠳᠡᠯᠡᠬᠦ | ᠪᠠᠷ ᠪᠣᠯᠣᠯᠠ᠃ ᠬᠡᠳᠦᠭᠦᠯᠡ ᠪᠠᠨ ᠪᠡᠯᠡᠳᠬᠡᠵᠦ ᠠᠪᠴᠢᠷᠠᠭᠰᠠᠨ ᠴᠠᠢ ᠪᠣᠣᠪᠤ᠂ ᠨᠣᠭᠤᠭᠠ ᠵᠠᠭᠤᠰᠢ᠂ ᠪᠤᠯᠭᠤᠬᠰᠠᠨ | ᠮᠢᠬᠠ ᠲᠡᠷᠢᠭᠦᠲᠡᠨ ᠢᠶᠠᠨ ᠳᠡᠯᠭᠡᠨ ᠲᠠᠪᠠᠲᠠᠢ ᠰᠠᠶᠢᠨ ᠬᠤᠭᠤᠯᠠᠯᠠᠭᠠᠳ ᠠᠪᠤᠶᠠ ᠭᠡᠬᠦ ᠳᠤ ᠪᠠᠲᠠᠭᠠᠨᠠ ᠬᠤᠷᠣᠬᠠᠢ | ᠨᠢᠰᠴᠦ ᠡᠷᠭᠢᠯᠳᠦᠭᠡᠳ ᠠᠮᠠᠷ ᠵᠠᠶᠠᠭᠠ ᠦᠵᠡᠭᠦᠯᠭᠦ ᠪᠢᠰᠢ᠂ ᠨᠠᠮᠤᠷ ᠤᠨ ᠬᠠᠷᠠ ᠪᠠᠲᠠᠭᠠᠨᠠ ᠢᠳᠡᠰᠢ ᠤᠭᠤᠰᠢ | ᠳᠡᠭᠡᠷᠡ ᠦᠳᠤ ᠰᠠᠴᠤᠴᠢᠬᠠᠬᠤ ᠪᠤᠢ ᠬᠡᠮᠡᠨ ᠳᠠᠰᠤᠷᠠᠯᠳᠠ ᠦᠭᠡᠢ ᠭᠠᠷ ᠢᠶᠠᠷ ᠢᠶᠠᠨ ᠳᠡᠪᠢᠵᠤ ᠦᠷᠭᠦᠭᠡᠬᠦ ᠴᠢᠬᠤᠯᠠᠲᠠᠢ᠃ | ᠡᠨᠡ ᠦᠶᠡᠰ ᠡᠷᠳᠡᠨᠢᠬᠦᠦ ᠭᠤᠸᠠᠢ ᠪᠣᠰᠴᠤ ᠣᠶᠢᠷᠠ ᠬᠠᠪᠢ ᠪᠠᠷ ᠶᠠᠭᠤ ᠨᠢᠭᠡ ᠶᠢ ᠡᠷᠢᠵᠦ ᠪᠠᠶᠢᠬᠤ ᠰᠢᠭ᠋ ᠬᠡᠰᠡᠭ | ᠲᠣᠭᠤᠷᠢᠵᠤ ᠪᠠᠶᠢᠭᠠᠳ ᠬᠡᠳᠦᠨ ᠰᠢᠷᠬᠡᠭ ᠰᠥᠭᠦᠮ ᠬᠢᠷᠢᠲᠡᠢ ᠡᠪᠡᠰᠦ ᠵᠤᠯᠭᠠᠭᠠᠨ ᠠᠪᠴᠢᠷᠠᠭᠠᠳ ᠬᠤᠭᠤᠯᠠ ᠵᠠᠭᠤᠰᠢᠨ | ᠳᠡᠭᠡᠷᠡ ᠰᠢᠳᠡᠴᠢᠬᠡᠭᠡᠳ ︽ᠤᠳᠤ ᠪᠠᠲᠠᠭᠠᠨᠠ ᠬᠤᠷᠣᠬᠠᠢ ᠢᠷᠡᠵᠤ ᠰᠠᠭᠤᠬᠤ ᠦᠭᠡᠢ ᠰᠢᠤ︾ ᠭᠡᠬᠦ ᠶᠤᠮ᠃ | ᠳᠡᠭᠡᠭᠰᠡᠨ ᠴᠢᠨᠢ ᠰᠠᠶ᠋ᠢᠬᠠᠨ ᠡᠷᠭᠢᠯᠳᠦᠵᠦ ᠦᠢᠮᠡᠭᠦᠯᠵᠦ ᠪᠠᠶᠢᠭᠰᠠᠨ ᠪᠠᠲᠠᠭᠠᠨᠠ ᠤᠳ ᠬᠠᠷᠢᠨ ᠳᠠᠭ ᠣᠶᠢᠷᠠᠲᠤᠬᠤ ᠪᠠᠨ | ᠪᠠᠶᠢᠴᠢᠬᠠᠯᠠ᠃ ᠬᠡᠳᠦᠭᠦᠯᠡ ᠬᠠᠴᠢᠷᠬᠠᠨ ᠠᠰᠠᠭᠤᠪᠠᠯ᠂ ᠡᠭᠦᠨ ᠢ ᠭᠠᠩᠭᠠ ᠡᠪᠡᠰᠦ ᠭᠡᠳᠡᠭ᠂ ᠮᠠᠰᠢ ᠬᠤᠷᠴᠠ | ᠰᠣᠷᠭᠤᠭ ᠦᠨᠦᠷ ᠲᠠᠢ᠂ ᠥᠩᠭᠡᠷᠡᠭᠰᠡᠨ ᠳᠤ ᠨᠤᠲᠤᠭ ᠤᠨ ᠤᠯᠤᠰ ᠤᠳ ᠡᠨᠡ ᠡᠪᠡᠰᠦ ᠪᠠᠷ ᠬᠤᠭᠤᠯᠠ ᠵᠠᠭᠤᠰᠢᠨ ᠤ | ᠠᠮᠲᠠ ᠣᠷᠣᠭᠤᠯᠤᠭᠴᠢ ᠪᠠᠷ ᠠᠰᠢᠭᠯᠠᠵᠤ᠂ ᠮᠢᠬᠠ ᠴᠢᠨᠠᠬᠤ ᠳᠠᠭᠠᠨ ᠵᠢᠭᠠᠬᠠᠨ ᠲᠠᠯᠪᠢᠪᠠᠯ ᠮᠠᠰᠢ ᠰᠠᠶᠢᠬᠠᠨ ᠠᠮᠲᠠ | ᠰᠢᠮᠳᠡ ᠲᠠᠢ ᠪᠤᠯᠳᠠᠭ᠃ ᠳᠡᠷᠡ ᠦᠶᠡ ᠳᠤ ᠬᠥᠯᠳᠡᠭᠡᠭᠦᠷ ᠪᠠᠶᠢᠬᠤ ᠦᠭᠡᠢ ᠶᠤᠮ ᠴᠢᠨᠢ ᠬᠥᠮᠥᠰ ᠵᠤᠨ ᠨᠠᠮᠤᠷ ᠲᠠᠭᠠᠨ | ᠮᠠᠯ ᠭᠠᠷᠭᠠᠪᠠᠯ ᠮᠢᠬᠠᠨ ᠳᠡᠭᠡᠷᠡ ᠨᠢ ᠭᠠᠩᠭᠠ ᠡᠪᠡᠰᠦ ᠲᠠᠯᠪᠢᠴᠢᠬᠠᠪᠠᠯ ᠪᠠᠲᠠᠭᠠᠨᠠ ᠰᠢᠮᠠᠭᠤᠯ ᠬᠤᠷᠠᠬᠤ ᠦᠭᠡᠢ᠂ | ᠦᠮᠡᠬᠡᠶᠢᠷᠡᠵᠦ ᠦᠳᠦᠭᠦ ᠤᠴᠢᠷ ᠴᠸ ᠭᠠᠷᠳᠠᠭ ᠦᠭᠡᠢ᠃ ᠲᠡᠷᠡ ᠮᠥᠷᠲᠡᠭᠡᠨ ᠡᠨᠡ ᠴᠢᠨᠢ ᠪᠠᠰᠠ ᠡᠮ ᠳᠤ ᠣᠷᠣᠵᠤ᠂ | ᠰᠢᠳᠤ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠰᠢᠩᠭᠡᠭᠡᠯᠲᠡ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠪᠦᠷ ᠰᠠᠶᠢᠨ ᠦᠢᠯᠡᠳᠦᠯ ᠲᠠᠢ ᠭᠡᠵᠦ | ᠲᠠᠶᠢᠯᠪᠤᠷᠢᠯᠠᠵᠤ ᠦᠭᠭᠦᠯᠡ᠃ ᠭᠠᠩᠭᠠ ᠡᠪᠡᠰᠦ ᠶᠢ ᠨᠢ ᠠᠪᠤᠭᠠᠳ ᠦᠨᠦᠷᠯᠡᠵᠦ ᠦᠵᠡᠬᠦ ᠳᠤ ᠴᠣᠬᠤᠮ ᠴᠤ ᠴᠠᠭᠠᠨᠠ | ᠪᠠᠨ ᠰᠠᠶᠢᠬᠠᠨ ᠦᠨᠦᠷ ᠲᠠᠢ ᠪᠠᠶᠢᠯᠠ᠃ ᠬᠤᠭᠤᠯᠠᠯᠠᠵᠤ ᠪᠠᠷᠠᠭᠠᠳ ᠪᠢᠳᠡ ᠡᠨᠡ ᠬᠦ ᠯᠦᠡᠭ ᠺᠧᠩ ᠭᠡᠬᠦ ᠭᠠᠵᠠᠷ ᠢ | ᠠᠵᠢᠭᠯᠠᠨ ᠲᠣᠭᠤᠷᠢᠯᠠ᠃ ᠪᠠᠷᠠᠭᠤᠨ ᠲᠠᠯᠠ᠂ ᠬᠤᠶᠢᠲᠤ ᠲᠠᠯᠠ ᠪᠠᠷ ᠢᠶᠠᠨ ᠠᠰᠬᠠ ᠬᠠᠳᠠ ᠪᠠᠷ ᠨᠥᠮᠥᠷᠢ ᠬᠢᠵᠦ᠂ | ᠡᠮᠦᠨᠡ ᠳᠣᠣᠭᠤᠷ ᠢᠶᠠᠨ ᠭᠤᠣᠯ ᠤᠷᠤᠰᠤᠭᠰᠠᠨ ᠡᠨᠡ ᠰᠠᠶᠢᠬᠠᠨ ᠭᠠᠵᠠᠷ ᠨᠢ ᠤᠤᠯ ᠳᠠᠭᠠᠨ ᠶᠠᠮᠠᠷ ᠨᠢᠭᠡ ᠠᠶᠢᠯ ᠤᠨ | ᠵᠤᠰᠠᠯᠠᠩ ᠪᠠᠶᠢᠭᠰᠠᠨ ᠭᠡᠯᠲᠡᠢ ᠮᠣᠳᠣ ᠴᠢᠯᠠᠭᠤ ᠪᠠᠷ ᠡᠪᠯᠡᠭᠦᠯᠦᠨ ᠳᠠᠷᠤᠵᠤ ᠪᠠᠷᠢᠭᠰᠠᠨ ᠬᠠᠭᠤᠴᠢᠨ ᠬᠠᠰᠢᠶᠠᠨ ᠳᠤᠨᠢ | ᠳᠠᠷᠤᠬᠰᠢᠬᠰᠠᠨ ᠰᠢᠭᠡᠭ ᠪᠠᠶᠢᠬᠤ ᠪᠥᠭᠡᠳ ᠲᠡᠭᠦᠨ ᠠᠴᠠ ᠨᠢ ᠵᠢᠵᠢᠭ ᠵᠢᠵᠢᠭ ᠪᠥᠮᠪᠥᠭᠡᠷ ᠴᠠᠭᠠᠨ ᠮᠦᠭᠦ ᠤᠷᠭᠤᠭᠰᠠᠨ | ᠪᠠᠶᠢᠯᠠ᠃ ᠲᠡᠭᠦᠨ ᠠᠴᠠ ᠳᠡᠭᠡᠷᠡᠭᠡᠨ ᠪᠠᠷᠠᠭᠤᠨ ᠬᠤᠶᠢᠭᠤᠷ ᠨᠢ ᠭᠡᠷ ᠤᠨ ᠴᠢᠯᠠᠭᠤᠨ ᠰᠠᠭᠤᠷᠢ ᠶᠢᠨ ᠤᠷᠤᠮ | ᠮᠠᠭᠤᠬᠠᠨ ᠮᠡᠳᠡᠭᠳᠡᠨᠡ᠃ ᠴᠣᠬᠤᠮ ᠠᠯᠢ ᠦᠶᠡ ᠳᠤᠨᠢ ᠪᠠᠷᠢᠵᠤ ᠠᠯᠢ ᠦᠶᠡ ᠳᠤᠨᠢ ᠨᠤᠷᠠᠭᠠᠭᠰᠠᠨ ᠢ ᠪᠤᠤ ᠮᠡᠳᠡ᠂ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢ ᠤᠭᠡᠷᠡᠴᠢᠯᠡᠨ ᠬᠤᠪᠢᠷᠠᠭᠤᠯᠵᠤ ᠪᠠᠶᠢᠬᠤ ᠳᠤ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠮᠥᠨ | ᠴᠸ ᠥᠪᠡᠷ ᠢ ᠪᠠᠨ ᠡᠳᠡᠭᠡᠷᠡᠭᠦᠯᠦᠨ ᠰᠡᠷᠭᠦᠭᠡᠬᠦ ᠷᠢᠳᠢ ᠬᠦᠴᠦᠨ ᠲᠠᠢ ᠪᠠᠶᠢᠵᠤ᠂ ᠵᠠᠷᠢᠮ ᠦᠶᠡ ᠶᠠᠭᠤ ᠪᠦᠭᠦᠨ ᠢ | ᠴᠢᠨᠢ ᠣᠷᠣ ᠮᠥᠷ ᠦᠭᠡᠢ ᠪᠠᠯᠠᠯᠠᠴᠢᠬᠠᠬᠤ ᠨᠢ ᠵᠦᠪᠭᠡᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠠᠰᠠᠭᠤᠳᠠᠯ ᠠᠵᠢ᠃ ᠳᠡᠭᠡᠭᠡᠳ | ᠪᠤᠳᠤᠭᠠᠳ ᠦᠵᠡᠬᠦ ᠳᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠨᠢ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠳᠤ ᠠᠪᠴᠤ ᠬᠡᠯᠡᠪᠡᠯ ᠶᠠᠭᠤ ᠴᠸ ᠪᠢᠰᠢ … | | | ᠲᠡᠭᠦᠨ ᠠᠴᠠ ᠴᠢᠨᠠᠭᠰᠢ ᠨᠢ ᠮᠥᠨ ᠪᠢᠲᠡᠭᠦᠦ ᠤᠢ ᠳᠤᠮᠳᠠᠭᠤᠷ ᠡᠯᠳᠡᠪ ᠤᠨ ᠮᠦᠭᠦ ᠪᠠᠷ ᠨᠥᠬᠦᠳ ᠪᠠᠷᠠ | ᠬᠢᠵᠦ ᠶᠠᠪᠤᠭᠰᠠᠭᠠᠷ ᠠᠭᠤᠯᠠᠨ ᠤ ᠣᠷᠣᠢ ᠳᠥᠬᠦᠬᠦ ᠳᠤ ᠮᠣᠳᠣ ᠰᠢᠩᠭᠡᠷᠡᠨ᠂ ᠬᠠᠳᠠ ᠴᠢᠯᠠᠭᠤ ᠠᠷᠪᠢᠳᠴᠤ᠂ ᠲᠡᠮᠡᠭᠡᠨ | ᠰᠡᠭᠦᠯ ᠭᠡᠳᠡᠭ ᠡᠪᠡᠳᠦᠭ ᠳᠠᠪᠠᠮᠠ ᠥᠨᠳᠥᠷ ᠤᠷᠭᠤᠭᠰᠠᠨ ᠮᠠᠰᠢ ᠥᠷᠭᠡᠰᠦ ᠲᠠᠢ ᠤᠷᠭᠤᠮᠠᠯ ᠭᠠᠵᠠᠷ ᠰᠠᠢ ᠦᠭᠡᠢ | ᠤᠷᠭᠤᠵᠤ᠂ ᠶᠠᠪᠤᠬᠤ ᠳᠤ ᠲᠤᠶᠢᠯ ᠤᠨ ᠪᠡᠷᠬᠡ ᠲᠠᠢ ᠪᠣᠯᠵᠤ᠂ ᠪᠢᠳᠡ ᠢᠰᠢᠭᠡ ᠰᠢᠭ ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠭᠦᠷ | ᠦᠰᠦᠷᠬᠢᠯᠡᠨ ᠳᠡᠭᠳᠡᠭᠰᠡᠭᠡᠷ ᠠᠭᠤᠯᠠ ᠥᠭᠡᠳᠡ ᠠᠪᠠᠷᠢᠯᠠ᠃ ᠪᠢᠳᠠᠨ ᠤ ᠥᠨᠥᠳᠥᠷ ᠤᠨ ᠵᠣᠷᠢᠯᠭᠠ ᠶᠢᠨ ᠭᠠᠵᠠᠷ ᠪᠣᠯ | ᠳᠠᠷᠤᠢ ᠤᠭᠤᠴᠠ ᠶᠢᠨ ᠰᠢᠯᠢ ᠬᠡᠮᠡᠬᠦ ᠡᠨᠡ ᠠᠭᠤᠯᠠᠨ ᠣᠷᠣᠢ ᠪᠣᠯᠣᠨᠠ᠃ ᠲᠠᠷᠠ ᠣᠷᠣᠢ ᠳᠡᠭᠡᠷᠡ ᠠᠴᠠ ᠬᠠᠭᠠᠰ | ᠲᠤᠨᠢ ᠭᠦᠷᠳᠡᠯᠡ ᠬᠤᠷᠮᠣᠶᠢᠯᠠᠵᠤ ᠠᠪᠴᠢᠷᠠᠭᠠᠳ ᠠᠰᠬᠠᠴᠢᠬᠠᠭᠰᠠᠨ ᠮᠡᠲᠦ ᠬᠠᠳᠠ ᠴᠢᠯᠠᠭᠤᠳ ᠪᠦᠷᠬᠦᠵᠦ ᠭᠠᠯᠠᠪ | ᠶᠡᠭᠦᠷᠡᠭᠰᠡᠨ ᠴᠸ ᠶᠤᠮ ᠦᠦ ᠭᠡᠬᠦ ᠪᠤᠳᠤᠯ ᠲᠥᠷᠥᠭᠳᠡᠭᠦᠯᠦᠨᠡ᠃ ᠤᠭᠤᠴᠠ ᠶᠢᠨ ᠰᠢᠯᠢ ᠶᠢᠨ ᠣᠷᠣᠢ ᠣᠶᠢᠷᠠᠲᠤᠬᠤ | ᠲᠤᠰᠤᠮ ᠬᠦᠢᠲᠡᠨ ᠵᠢᠪᠠᠷ ᠰᠡᠩᠭᠢᠨᠡᠵᠦ᠂ ᠰᠠᠶ᠋ᠢᠬᠠᠨ ᠬᠠᠯᠠᠭᠤᠴᠠᠵᠤ ᠬᠥᠯᠥᠷᠡᠵᠦ ᠪᠠᠶᠢᠭᠰᠠᠨ ᠨᠢᠷᠤᠭᠤᠨ ᠭᠤᠣᠯ ᠢᠶᠠᠷ | ᠰᠢᠷᠢᠭᠦᠦ ᠲᠠᠲᠠᠵᠤ ᠵᠢᠩᠭᠢᠨᠡᠭᠦᠯᠬᠦ ᠰᠢᠭ ᠪᠣᠯᠵᠤ᠂ ᠭᠠᠳᠠᠷ ᠭᠦᠷᠮᠡ ᠪᠠᠨ ᠠᠮᠵᠢᠭᠤᠯᠵᠤ ᠳᠠᠪᠬᠤᠷᠯᠠᠯᠠ᠃ ᠭᠠᠵᠠᠷ ᠤᠨ | ᠪᠠᠶᠢᠴᠠ ᠶᠢ ᠨᠢ ᠠᠵᠢᠬᠤ ᠳᠤ ᠠᠭᠤᠯᠠᠨ ᠣᠷᠣᠢ ᠨᠢ ᠶᠠᠭ ᠬᠤᠨᠢᠨ ᠤᠭᠤᠴᠠ ᠶᠢᠨ ᠬᠡᠯᠪᠡᠷᠢᠲᠡᠢ ᠪᠥᠭᠡᠳ ᠡᠮᠦᠨᠡ | ᠲᠠᠯᠠ ᠨᠢ ᠡᠭᠴᠡ ᠠᠰᠬᠠ ᠬᠠᠯᠢᠯ ᠬᠠᠳᠠ ᠪᠣᠯᠵᠤ᠂ ᠬᠥᠯ ᠳᠣᠣᠷᠠ ᠭᠤᠤ ᠵᠢᠯᠠᠭᠠ᠂ ᠤᠢ ᠰᠢᠭᠤᠢ ᠳᠡᠷᠡ ᠬᠤᠯᠠ | ᠵᠢᠵᠢᠭᠷᠡᠨ ᠬᠠᠷᠠᠭᠳᠠᠨᠠ᠃ | ︽ᠥᠩᠭᠡᠷᠡᠭᠰᠡᠨ ᠳᠤ ᠠᠯᠠᠱᠠ ᠨᠣᠶᠠᠨ ᠵᠢᠯ ᠪᠦᠷᠢ ᠡ᠊ᠨᠳᠡ ᠢᠷᠡᠵᠤ ᠤᠭᠤᠴᠠ ᠶᠢᠨ ᠰᠢᠯᠢ ᠶᠢ | ᠳᠠᠭᠢᠳᠠᠬ ᠭᠡᠨᠡ᠃ ᠳᠠᠭᠢᠯᠭᠠ ᠨᠢ ᠪᠠᠷᠤᠭ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠡ | ᠶᠢᠨ ᠵᠢᠷᠭᠤᠭᠠᠨ ᠤ ᠡᠳᠦᠷ ᠶᠠᠪᠤᠭᠳᠠᠳᠠᠭ᠃ ᠮᠣᠷᠢ ᠪᠠᠷ ᠤᠨᠤᠭᠠ ᠬᠢᠳᠡᠭ ᠪᠣᠯᠬᠤᠷ ᠠᠯᠠᠱᠠ ᠨᠣᠶᠠᠨ ᠲᠦᠰᠢᠮᠡᠳ | ᠳᠠᠭᠠᠭᠤᠯᠢ ᠨᠠᠷ ᠲᠠᠢ ᠪᠠᠨ ᠶᠠᠮᠤᠨ ᠬᠤᠳᠠ ︵ᠳ᠋ᠢᠩ ᠶᠤᠸᠠᠨ ᠶᠢᠩ︶ ᠠᠴᠠ ᠭᠠᠷᠴᠤ ᠵᠡᠭᠦᠨ ᠬᠡᠶᠢᠳ ᠲᠤ ᠢᠷᠡᠵᠤ | ᠨᠢᠭᠡ ᠬᠤᠨᠣᠭᠠᠳ᠂ ᠳᠠᠷᠠᠭᠠ ᠥᠷᠯᠥᠭᠡ ᠨᠢ ᠲᠦᠭᠦᠮ ᠤᠨ ᠭᠤᠣᠯ ᠤᠨ ᠡᠬᠢᠨ ᠢᠶᠠᠷ ᠨᠠᠭᠠᠰᠢ ᠨᠢ ᠣᠷᠣᠵᠤ᠂ ᠯᠦᠡᠭ | ᠺᠧᠩ ᠢᠶᠠᠷ ᠲᠠᠮᠵᠢᠨ ᠰᠢᠯᠢ ᠶᠢᠨ ᠣᠷᠣᠢ ᠳᠡᠭᠡᠷᠡ ᠭᠠᠷᠴᠤ ᠳᠠᠭᠢᠯᠭᠠ ᠪᠠᠨ ᠬᠢᠭᠡᠳ ᠪᠠᠰᠠ ᠨᠢᠭᠡ ᠬᠤᠨᠣᠳᠠᠭ ᠪᠠᠶᠢᠵᠠᠢ | ᠃ ᠤᠳᠤ ᠰᠢᠭ᠋ ᠪᠠᠶᠢᠭᠰᠠᠨ ᠪᠣᠯ ᠲᠡᠷᠭᠡ ᠮᠠᠰᠢᠨ ᠢᠶᠠᠷ ᠡᠳᠦᠷ ᠲᠡᠭᠡᠨ ᠢᠷᠡᠭᠡᠳ ᠡᠳᠦᠷ ᠲᠡᠭᠡᠨ ᠪᠤᠴᠠᠴᠢᠬᠠᠵᠤ ᠪᠤᠯᠬᠤ | ᠶᠤᠮ︾ ᠭᠡᠵᠦ ᠡᠷᠳᠡᠨᠢᠬᠦᠦ ᠭᠤᠸᠠᠢ ᠤᠭᠤᠴᠠ ᠶᠢᠨ ᠰᠢᠯᠢ ᠶᠢᠨ ᠤᠴᠢᠷ ᠦᠯᠢᠭᠡᠷ ᠢ ᠶᠠᠷᠢᠵᠤ ᠦᠭᠭᠦᠯᠡ᠃ | ᠥᠩ ᠥᠷᠭᠡᠨ ᠠᠯᠠᠱᠠ ᠨᠤᠲᠤᠭ ᠤᠨ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠡᠯᠡᠰᠦ ᠮᠠᠩᠬᠠ᠂ ᠭᠤᠪᠢ ᠴᠦᠯ ᠠᠴᠠ | ᠠᠪᠤᠭᠠᠳ ᠮᠣᠳᠣ ᠴᠢᠯᠠᠭᠤᠳ ᠨᠢ ᠪᠦᠷ ᠲᠡᠦᠬᠡ ᠬᠦᠦᠷᠨᠢᠵᠦ ᠦᠯᠢᠭᠡᠷ ᠰᠢᠪᠡᠨᠡᠵᠦ ᠪᠠᠶᠢᠳᠠᠭ ᠠᠵᠢ᠃ ᠤᠭᠤᠴᠠ ᠶᠢᠨ | ᠰᠢᠯᠢ ᠠᠴᠠ ᠪᠠᠭᠤᠭᠰᠠᠨ ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ ᠠᠭᠤᠷ ᠠᠮᠢᠰᠬᠤᠯ ᠭᠡᠨᠡᠳᠲᠡ ᠬᠤᠪᠢᠷᠠᠵᠤ᠂ ᠠᠯᠠᠱᠠ | ᠠᠭᠤᠯᠠᠨ ᠳᠠᠬᠢ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠭᠤᠷᠠᠨ ᠮᠥᠰᠥ ᠴᠠᠰᠤ ᠬᠥᠯᠳᠡᠭᠰᠡᠨ ᠠᠴᠠ ᠪᠢᠳᠠᠨ ᠤ ᠡᠨᠡ ᠵᠢᠯ ᠤᠨ | ᠠᠶᠠᠯᠠᠯ ᠤᠨ ᠬᠥᠯ ᠬᠠᠰᠢᠭᠳᠠᠯᠠ᠃ ᠭᠡᠪᠡᠴᠦ ᠡᠷᠳᠡᠨᠢᠬᠦᠦ ᠨᠠᠰᠤᠲᠠᠨ ᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠵᠡᠭᠦᠨ ᠪᠡᠯ ᠤᠨ ᠲᠠᠰᠢᠬᠤ | ᠶᠢᠨ ᠠᠭᠤᠯᠠᠨ ᠤ ᠠᠭᠤᠢ᠂ ᠲᠡᠮᠦᠷ ᠱᠠᠲᠤ ᠵᠡᠷᠭᠡ ᠦᠯᠢᠭᠡᠷ ᠲᠤᠮᠤᠭ ᠨᠢ ᠶᠡᠷᠦ ᠰᠠᠨᠠᠭᠠᠨ ᠠᠴᠠ ᠭᠠᠷᠬᠤ ᠦᠭᠡᠢ | ᠲᠤᠯᠠ ᠳᠠᠷᠠᠭᠠ ᠵᠢᠯ ᠵᠠᠯᠭᠠᠭᠠᠳ ᠬᠠᠮᠲᠤ ᠪᠠᠷ ᠠᠯᠠᠱᠠ ᠠᠭᠤᠯᠠᠨᠠ ᠠᠶᠠᠯᠠᠬᠤ ᠪᠠᠷ ᠪᠣᠯᠵᠤᠭᠠ ᠲᠠᠯᠪᠢᠵᠤ ᠪᠢᠯᠡ᠃ | | |