| | ᠪᠠᠳᠠᠢ ᠶᠢᠨ ᠵᠢᠷᠠᠨ ᠡᠯᠡᠰᠦ ᠮᠠᠩᠬᠠᠨ ᠳᠤ ᠦᠵᠡᠰᠬᠦᠯᠡᠩᠲᠦ ᠰᠠᠶᠢᠬᠠᠨ144 ᠨᠠᠭᠤᠷ ᠵᠢᠷᠠᠨ ᠲᠠᠢ | ᠪᠣᠯᠬᠤᠷ ︽ᠮᠢᠩᠭᠠᠨ ᠨᠠᠭᠤᠷᠲᠤ ᠡᠯᠡᠰᠦ ᠮᠠᠩᠬᠠ︾ ᠬᠡᠮᠡᠭᠳᠡᠳᠡᠭ᠃ ᠡᠳᠡᠭᠡᠷ ᠨᠠᠭᠤᠷ ᠵᠢᠷᠠᠨ ᠨᠢ ᠶᠠᠭᠠᠨ ᠥᠩᠭᠡ᠂ | ᠬᠥᠬᠡ ᠥᠩᠭᠡ᠂ ᠰᠢᠷᠠ ᠥᠩᠭᠡ᠂ ᠨᠣᠭᠤᠭᠠᠨ ᠥᠩᠭᠡ ᠵᠡᠷᠭᠡ ᠶᠢᠰᠦᠨ ᠵᠦᠢᠯ ᠤᠨ ᠥᠩᠭᠡ ᠪᠤᠳᠤᠭ ᠢᠶᠠᠷ | ᠮᠡᠯᠲᠡᠯᠵᠡᠨ᠂ ᠪᠠᠳᠠᠢ ᠶᠢᠨ ᠵᠢᠷᠠᠨ ᠡᠯᠡᠰᠦ ᠶᠢ ᠨᠡᠩ ᠡᠴᠢᠨᠡ ᠭᠠᠶᠢᠬᠠᠮᠰᠢᠳᠠᠢ ᠪᠥᠭᠡᠳ ᠬᠠᠴᠢᠨ ᠨᠢᠭᠤᠴᠠᠭᠠᠢ ᠪᠣᠯᠭᠠᠵᠠᠢ | ᠃ ᠠᠯᠠᠱᠠᠴᠤᠳ ᠡᠯᠡᠰᠦᠨ ᠤ ᠨᠠᠭᠤᠷ ᠢᠶᠠᠨ ︽ᠵᠢᠷᠠᠨ︾ ᠭᠡᠵᠦ ᠳᠠᠭᠤᠳᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠡᠨᠡ | ᠵᠠᠩᠰᠢᠯ ᠠᠴᠠ ᠪᠠᠨ ᠪᠣᠯᠵᠤ ᠨᠠᠭᠤᠷ ᠪᠦᠷᠢᠳᠦ ᠲᠠᠢ ᠭᠠᠵᠠᠷ ᠢ ᠰᠢᠭᠤᠳ ︽ᠵᠢᠷᠠᠨ︾ ᠭᠡᠵᠦ᠂ ᠨᠠᠭᠤᠷ ᠪᠦᠷᠢᠳᠦ | ᠦᠭᠡᠢ ᠭᠠᠵᠠᠷ ᠢ ︽ᠬᠠᠭᠤᠷᠠᠢ ᠵᠢᠷᠠᠨ︾ ᠭᠡᠵᠦ ᠬᠡᠯᠡᠳᠡᠭ᠃ | ᠡᠮᠦᠨᠡ ᠨᠠᠭᠤᠷᠲᠤ ᠵᠢᠷᠠᠨ ᠪᠣᠯ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠨᠠᠭᠤᠷ ᠪᠦᠷᠢᠳᠦ ᠶᠢᠨ ᠳᠣᠲᠣᠷᠠ ᠳᠠᠯᠠᠪᠠᠢ ᠪᠠᠷ | ᠬᠠᠮᠤᠭ ᠶᠡᠭᠡ ᠨᠢ ᠪᠣᠯᠣᠨᠠ᠃ ᠡᠨᠡ ᠨᠠᠭᠤᠷᠲᠤ ᠨᠢ ᠪᠠᠳᠠᠢ ᠶᠢᠨ ᠵᠢᠷᠠᠨ ᠭᠠᠴᠠᠭᠠ ᠶᠢᠨ ᠰᠠᠭᠤᠭᠠ ᠭᠠᠵᠠᠷ ᠠᠴᠠ | ᠵᠡᠭᠦᠨ ᠡᠮᠦᠨᠡᠰᠢ 6 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠃ ᠨᠠᠭᠤᠷ ᠤᠨ ᠤᠰᠤᠨ ᠤ ᠳᠠᠯᠠᠪᠠᠢ ᠨᠢ2205 ᠮᠦ ᠪᠤᠢ᠃ ᠨᠠᠭᠤᠷ ᠤᠨ | ᠤᠰᠤᠨ ᠤ ᠭᠦᠨ ᠤ ᠬᠡᠮᠵᠢᠶᠡ ᠨᠢ28 ᠮᠧᠲᠷ ᠭᠦᠷᠳᠡᠭ᠃ | ᠡᠷᠲᠡ ᠦᠶᠡ ᠳᠤ ᠡᠨᠡ ᠨᠠᠭᠤᠷ ᠤᠨ ᠭᠤᠣᠯ ᠳᠤᠮᠳᠠ ᠲᠣᠮᠣᠬᠠᠨ ᠰᠢᠭ᠋ ᠠᠷᠠᠯ ᠪᠠᠶᠢᠵᠤ᠂ ᠨᠠᠭᠤᠷ ᠤᠨ | ᠡᠮᠦᠨᠡ ᠭᠦᠪᠡᠭᠡ ᠠᠴᠠ ᠡᠨᠡ ᠠᠷᠠᠯ ᠳᠤ ᠵᠠᠯᠭᠠᠯᠳᠤᠭᠰᠠᠨ ᠨᠣᠭᠤᠭᠠᠨ ᠵᠦᠯᠭᠡ ᠰᠢᠷᠭᠢᠳᠤ ᠨᠠᠷᠢᠬᠠᠨ ᠬᠤᠶᠢᠭ ᠲᠠᠢ᠂ | ᠠᠷᠠᠯ ᠳᠡᠭᠡᠷᠡ ᠨᠢ ᠶᠠᠩᠵᠤ ᠪᠦᠷᠢ ᠶᠢᠨ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠢ᠂ ᠭᠠᠯᠠᠭᠤ ᠰᠢᠪᠠᠭᠤ ᠡᠭᠦᠷᠯᠡᠵᠦ᠂ ᠠᠷᠠᠯ ᠤᠨ | ᠭᠦᠪᠡᠭᠡ ᠪᠠᠷ ᠳᠡᠭᠡᠭᠰᠢ ᠴᠣᠷᠭᠢᠭᠰᠠᠨ ᠤᠯᠠᠠ ᠪᠤᠯᠠᠭ ᠲᠠᠢ ᠭᠤᠶᠤ ᠰᠠᠶᠢᠬᠠᠨ ᠦᠵᠡᠮᠵᠢ ᠲᠠᠢ ᠪᠠᠶᠢᠵᠠᠢ᠃ | 1927 ᠣᠨ ᠳᠤ ᠭᠠᠵᠠᠷ ᠬᠥᠳᠡᠯᠦᠭᠰᠡᠨ ᠠᠴᠠ ᠨᠠᠭᠤᠷ ᠤᠨ ᠤᠰᠤ ᠳᠠᠯᠠᠵᠤ᠂ ᠡᠨᠡ ᠠᠷᠠᠯ ᠬᠤᠶᠢᠭ | ᠨᠢ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠳᠠᠯᠳᠠᠷᠠᠨ ᠣᠷᠣᠭᠰᠠᠨ ᠶᠤᠮ ᠭᠡᠨᠡ᠃ ᠥᠩᠭᠡ ᠦᠵᠡᠮᠵᠢ ᠨᠢ ᠰᠠᠶᠢᠬᠠᠨ ᠢᠶᠠᠷ ᠢᠶᠠᠨ ︽ | ᠡᠯᠡᠰᠦᠨ ᠳᠤᠮᠳᠠᠬᠢ ᠵᠢᠶᠠᠩᠨᠠᠨ︾ ᠭᠡᠳᠡᠭ ᠨᠡᠷᠡ ᠲᠠᠢ᠂ ᠤᠳᠤ ᠲᠤᠰ ᠨᠠᠭᠤᠷ ᠨᠢ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠥᠩᠭᠡ | ᠦᠵᠡᠮᠵᠢ ᠶᠢ ᠰᠣᠨᠢᠷᠬᠠᠬᠤ ᠵᠢᠭᠤᠯᠴᠢᠯᠠᠯ ᠤᠨ ᠭᠤᠣᠯ ᠣᠷᠣᠨ ᠤ ᠨᠢᠭᠡ ᠪᠣᠯᠵᠠᠢ᠃ | ᠭᠤᠪᠢ ᠡᠯᠡᠰᠦᠨ ᠳᠤ ᠠᠰᠬᠠᠭᠰᠠᠨ ᠤᠯᠠᠭᠠᠨ ᠪᠤᠳᠤᠭ ᠭᠡᠮᠡᠷ ᠤᠯᠠᠭᠠᠨ ᠵᠢᠷᠠᠨ ᠨᠢ ᠭᠠᠯ ᠤᠯᠠᠭᠠᠨ | ᠥᠩᠭᠡ ᠲᠠᠢ ᠳᠠᠪᠤᠰᠤ ᠲᠠᠢ᠂ ᠳᠠᠪᠤᠰᠤᠨ ᠤ ᠵᠠᠷᠢᠮ ᠨᠢ ᠱᠠᠭᠠ ᠶᠢᠨ ᠴᠢᠨᠡᠭᠡᠨ ᠪᠦᠳᠦᠭᠦᠨ ᠪᠠᠶᠢᠳᠠᠭ ᠭᠡᠨᠡ᠃ | ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠵᠣᠬᠢᠴᠠᠵᠤ ᠠᠮᠢᠳᠤᠷᠠᠳᠠᠭ ᠤᠯᠠᠭᠠᠨ ᠥᠩᠭᠡ ᠲᠠᠢ ᠪᠠᠳᠠᠷᠠᠪᠠ ᠬᠤᠷᠣᠬᠠᠢ ᠤᠯᠠᠭᠠᠨ | ᠰᠣᠯᠣᠩᠭᠠ ᠲᠠᠲᠠᠵᠤ᠂ ᠡᠨᠡ ᠤᠯᠠᠭᠠᠨ ᠬᠤᠷᠣᠬᠠᠢ ᠶᠢᠨ ᠥᠨᠳᠡᠭᠡ ᠶᠢ ᠢᠳᠡᠳᠡᠭ ᠤᠯᠠᠭᠠᠨ ᠰᠢᠷᠭᠠᠯ ᠠᠩᠭᠢᠷ | ᠰᠢᠪᠠᠭᠤᠳ ᠨᠠᠭᠤᠷ ᠤᠨ ᠭᠦᠪᠡᠭᠡ ᠪᠠᠷ ᠡᠩᠨᠡᠷᠡᠨ᠂ ᠡᠷᠭᠢᠨ ᠲᠣᠭᠤᠷᠢᠨ ᠤ ᠡᠯᠡᠰᠦ ᠮᠠᠩᠬᠠ ᠨᠢ ᠴᠤ ᠤᠯᠠᠭᠠᠨ ᠰᠢᠷᠭᠠᠯ | ᠥᠩᠭᠡ ᠲᠠᠢ᠃ | ᠨᠠᠭᠤᠷ ᠤᠨ ᠤᠯᠠᠭᠠᠨ ᠳᠠᠪᠤᠰᠤ ᠨᠢ ᠴᠢᠨᠠᠷ ᠢᠶᠠᠷ ᠬᠠᠮᠤᠭ ᠰᠠᠶᠢᠨ ᠳᠠᠪᠤᠰᠤᠨ ᠤ ᠲᠥᠷᠦᠯ ᠵᠦᠢᠯ᠂ | ᠬᠥᠮᠥᠨ ᠤ ᠪᠡᠶᠡ ᠳᠤ ᠺᠠᠯᠼ ᠨᠥᠬᠦᠪᠦᠷᠢᠯᠡᠬᠦ ᠳᠤ ᠴᠤ ᠰᠠᠶᠢᠨ᠂ ᠨᠣᠭᠤᠭᠠ ᠳᠠᠪᠤᠰᠤᠯᠠᠬᠤ ᠪᠤᠶᠤ ᠮᠢᠬᠠ ᠴᠢᠨᠠᠬᠤ ᠳᠤ | ᠠᠮᠲᠠ ᠰᠢᠮᠳᠡ ᠨᠢ ᠲᠤᠩ ᠰᠠᠶᠢᠬᠠᠨ ᠪᠤᠯᠳᠠᠭ ᠭᠡᠵᠦ ᠬᠡᠯᠡᠳᠡᠭ᠃ | ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠷ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠵᠢᠷᠠᠨ ᠪᠣᠯᠭᠠᠨ ᠳᠤ ᠨᠢᠭᠡ ᠭᠠᠵᠠᠷ ᠨᠤᠲᠤᠭ ᠤᠨ | ᠡᠵᠡᠨ ᠰᠠᠬᠢᠭᠤᠯᠰᠤᠨ ᠲᠠᠢ᠃ ᠭᠡᠬᠦ ᠳᠡᠭᠡᠨ ᠥᠭᠡᠷᠡ ᠪᠤᠰᠤᠳ ᠭᠠᠵᠠᠷ ᠤᠨ ᠬᠢ ᠲᠠᠢ ᠠᠳᠠᠯᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ | ᠦᠭᠡᠢ ᠪᠢᠰᠢ᠂ ᠬᠠᠷᠢᠨ ᠲᠡᠷᠡ ᠪᠡᠶᠡ ᠪᠠᠷ ᠢᠶᠠᠨ ᠲᠣᠳᠣᠷᠬᠠᠢ ᠦᠵᠡᠭᠳᠡᠳᠡᠭ ᠭᠡᠨᠡ᠃ ᠲᠤᠯᠤᠭᠠᠠ ᠵᠢᠷᠠᠨ ᠤ | ᠰᠠᠬᠢᠭᠤᠯᠰᠤᠨ ᠰᠠᠭᠠᠲᠠᠳᠠᠭ ᠪᠢᠯᠡᠭᠦᠲᠦ ᠭᠡᠵᠦ ᠬᠠᠮᠤᠭ ᠥᠨᠳᠥᠷ ᠪᠢᠯᠡᠭᠦᠲᠦ ᠶᠢᠨ ᠴᠣᠬᠢᠶᠠ ᠶᠢᠨ ᠡᠮᠦᠨᠡ ᠲᠠᠯᠠ ᠳᠤ | ᠪᠠᠶᠢᠳᠠᠭ᠃ | ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠷ ᠰᠦᠮᠡ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠵᠢᠷᠠᠨ᠂ ᠪᠠᠭᠠ ᠵᠢᠷᠠᠨ | ᠂ ᠶᠡᠨᠳᠡᠷᠳᠤ᠂ ᠬᠥᠬᠡ ᠵᠢᠷᠠᠨ᠂ ᠵᠠᠯᠠᠭᠠᠲᠤ᠂ ᠪᠢᠯᠡᠭᠦᠲᠦ ᠵᠡᠷᠭᠡ ᠲᠤᠯᠤᠭᠠᠠ ᠵᠢᠷᠠᠨ ᠤ ᠭᠠᠵᠠᠷ ᠤᠨ ᠰᠠᠬᠢᠭᠤᠯᠰᠤᠨ ᠨᠢ | ᠨᠢᠭᠡ ᠳᠠᠭᠠ ᠣᠨᠣᠭᠰᠠᠨ ᠭᠤᠶᠤ ᠰᠠᠶᠢᠬᠠᠨ ᠬᠡᠦᠬᠡᠨ ᠪᠠᠶᠢᠳᠠᠭ ᠭᠡᠨᠡ᠃ ᠡᠨᠡ ᠳᠠᠭᠠ ᠣᠨᠣᠭᠰᠠᠨ ᠭᠤᠶᠤ ᠰᠠᠶᠢᠬᠠᠨ | ᠬᠡᠦᠬᠡᠨ ᠬᠠᠶᠠ ᠨᠢᠭᠡ ᠤᠳᠠᠭᠠ ᠣᠷᠣᠢ ᠶᠢᠨ ᠤᠯᠠᠪᠤᠷ ᠨᠠᠷᠠᠨ ᠤ ᠦᠶᠡ ᠪᠠᠷ ᠪᠢᠯᠡᠭᠦᠲᠦ ᠶᠢᠨ ᠥᠨᠳᠥᠷ ᠴᠣᠬᠢᠶᠠ ᠶᠢᠨ | ᠣᠷᠣᠢ ᠳᠡᠭᠡᠷᠡ ᠨᠢ ᠭᠠᠷᠴᠤ ᠡᠷᠭᠢᠨ ᠲᠣᠭᠤᠷᠢᠨ ᠤ ᠲᠤᠯᠤᠭᠠᠠ ᠵᠢᠷᠠᠨ ᠨᠠᠭᠤᠷ ᠤᠨ ᠢᠶᠠᠨ ᠪᠡᠷᠠ ᠶᠢ ᠬᠠᠷᠠᠵᠤ | ᠵᠣᠭᠰᠣᠵᠤ ᠪᠠᠶᠢᠬᠤ ᠨᠢ ᠦᠵᠡᠭᠳᠡᠳᠡᠭ ᠶᠤᠮ ᠭᠡᠨᠡ᠃ | ᠬᠥᠬᠡ ᠪᠦᠷᠢᠳᠦ ᠵᠢᠷᠠᠨ ᠨᠢ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠬᠠᠮᠤᠭ ᠤᠨ ᠵᠡᠭᠦᠨ ᠬᠤᠶᠢᠲᠤ ᠲᠠᠯᠠ ᠶᠢᠨ | ᠬᠥᠪᠡᠭᠡᠨ ᠳᠤ ᠪᠠᠶᠢᠷᠢᠰᠢᠵᠤ ᠪᠠᠶᠢᠳᠠᠭ᠃ ᠤᠰᠤᠨ ᠤ ᠬᠡᠪᠴᠢᠶᠡ ᠨᠢ ᠶᠡᠭᠡ ᠪᠥᠭᠡᠳ ᠭᠦᠨ᠂ ᠭᠡᠬᠦ ᠳᠡᠭᠡᠨ ᠨᠠᠭᠤᠷ ᠤᠨ | ᠡᠷᠭᠢᠨ ᠲᠣᠭᠤᠷᠢᠨ ᠳᠤ ᠮᠡᠳᠡᠭᠳᠡᠮᠡ ᠪᠤᠯᠠᠭ ᠤᠨ ᠤᠨᠳᠤᠷᠤᠯ ᠦᠭᠡᠢ᠃ ᠡᠪᠦᠯ ᠤᠨ ᠴᠠᠭ ᠲᠤ ᠨᠠᠭᠤᠷ ᠤᠨ ᠤᠰᠤ ᠨᠢ | ᠪᠠᠷᠤᠭ ᠲᠠᠭᠠᠨ ᠲᠣᠬᠤᠢ ᠰᠢᠬᠠᠮ ᠮᠥᠰᠥ ᠬᠥᠯᠳᠡᠳᠡᠭ᠃ | ᠢᠩᠭᠢᠭᠡᠳ ᠭᠤᠷᠪᠠ᠂ ᠳᠥᠷᠪᠡ ᠶᠢᠰᠦ ᠶᠢᠨ ᠬᠦᠢᠲᠡᠨ ᠤ ᠰᠥᠨᠢ ᠳᠤᠮᠳᠠ ᠶᠢᠨ ᠦᠶᠡ ᠪᠠᠷ ᠮᠥᠰᠥ | ᠨᠢ ᠳᠡᠯᠪᠡᠷᠡᠬᠦ ᠪᠥᠮᠪᠦᠭᠡ ᠮᠡᠲᠦ ᠲᠣᠮᠣ ᠳᠠᠭᠤ ᠭᠠᠷᠤᠨ ᠳᠡᠯᠪᠡᠷᠡᠵᠦ᠂ ᠲᠣᠮᠣ ᠲᠣᠮᠣ ᠮᠥᠰᠥ ᠠᠯᠤᠰ ᠬᠤᠯᠠ | ᠰᠤᠮᠤᠳᠠᠨ ᠶᠠᠪᠤᠳᠠᠭ ᠪᠠᠰᠠ ᠴᠤ ᠶᠠᠩᠵᠤ ᠶᠢᠨ ᠰᠣᠨᠢᠨ ᠨᠠᠭᠤᠷ ᠪᠠᠶᠢᠭᠠ ᠶᠤᠮ᠃ ᠳᠡᠭᠡᠭᠦᠯᠡᠷ ᠡᠪᠦᠯ ᠤᠨ ᠴᠠᠭ ᠲᠤ | ᠡᠨᠡ ᠨᠠᠭᠤᠷ ᠤᠨ ᠣᠶᠢᠷᠠ ᠣᠷᠴᠢᠮ ᠠᠶᠢᠯ ᠣᠷᠣᠨ ᠰᠠᠭᠤᠳᠠᠭ ᠦᠭᠡᠢ ᠭᠡᠨᠡ᠃ | ᠪᠠᠳᠠᠢ ᠶᠢᠨ ᠵᠢᠷᠠᠨ ᠡᠯᠡᠰᠦᠨ ᠳᠤ ᠪᠠᠰᠠ ᠨᠢᠭᠡᠨ ᠨᠢᠭᠤᠴᠠ ᠶᠢᠨ ᠣᠷᠣᠨ ᠪᠣᠯᠤᠭᠰᠠᠨ ᠭᠤᠳᠤᠮᠵᠢ ᠶᠢᠨ | ᠭᠤᠷᠪᠠᠨ ᠵᠢᠷᠠᠨ ᠭᠡᠳᠡᠭ ᠭᠠᠵᠠᠷ ᠤᠨ ᠲᠤᠬᠠᠢ ᠨᠤᠲᠤᠭ ᠤᠨ ᠠᠷᠠᠳ ᠤᠨ ᠳᠤᠮᠳᠠ ᠤᠯᠠᠠ ᠥᠯᠢᠭᠡᠷ ᠵᠣᠭᠤᠭ | ᠤᠯᠠᠮᠵᠢᠯᠠᠭᠳᠠᠨ ᠪᠠᠶᠢᠳᠠᠭ᠃ | ᠡᠨᠡ ᠭᠠᠵᠠᠷ ᠨᠢ ᠨᠢᠭᠡᠨ ᠠᠭᠤᠳᠠᠮ ᠲᠣᠮᠣ ᠬᠤᠳᠤᠭᠤᠷ ᠭᠠᠵᠠᠷ ᠪᠠᠶᠢᠵᠤ᠂ ᠡᠷᠭᠢᠨ ᠲᠣᠭᠤᠷᠢᠨ ᠲᠡᠭᠰᠢ | ᠰᠠᠷᠠᠭᠤᠯᠬᠠᠨ᠂ ᠭᠤᠣᠯ ᠳᠤᠮᠳᠠ ᠪᠠᠨ ᠨᠢᠭᠡ ᠥᠨᠳᠥᠷ ᠴᠠᠭᠠᠨ ᠴᠣᠬᠢᠶᠠ ᠲᠠᠢ᠂ ᠴᠣᠬᠢᠶᠠ ᠶᠢᠨ ᠭᠤᠷᠪᠠᠨ ᠲᠠᠯᠠ ᠳᠤ | ᠪᠦᠷ ᠨᠠᠭᠤᠷ ᠲᠠᠢ᠂ ᠶᠠᠩᠵᠤ ᠪᠦᠷᠢ ᠶᠢᠨ ᠡᠪᠡᠰᠦ ᠮᠣᠳᠣ ᠰᠠᠬᠤᠯᠢᠭ ᠤᠷᠭᠤᠵᠤ᠂ ᠳᠣᠲᠣᠷᠠ ᠨᠢ ᠨᠣᠣᠰᠣ ᠨᠢ | ᠳᠠᠭᠠᠬᠢᠷᠠᠵᠤ ᠴᠢᠷᠦᠭᠳᠡᠭᠰᠡᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ ᠪᠥᠭᠡᠳ ᠤᠯᠠᠠ ᠬᠡᠭᠡᠷᠡ ᠶᠢᠨ ᠠᠮᠢᠳᠠᠨ ᠲᠠᠢ ᠨᠢᠭᠤᠴᠠ | ᠰᠠᠬᠢᠭᠤᠯᠰᠤᠨ ᠤ ᠣᠷᠣᠨ ᠰᠢᠭ᠋ ᠰᠠᠶᠢᠬᠠᠨ ᠭᠠᠵᠠᠷ ᠶᠤᠮ ᠭᠡᠨᠡ᠃ | ᠡᠨᠡ ᠭᠠᠵᠠᠷ ᠢ 1959 ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ᠂ ᠭᠠᠨᠰᠤ ᠶᠢᠨ ᠭᠠᠵᠠᠷ ᠰᠢᠨᠵᠢᠯᠡᠭᠡ ᠶᠢᠨ | ᠠᠩᠭᠢ ᠶᠢᠨ ᠬᠢᠨ ᠨᠢᠰᠬᠡᠯ ᠳᠡᠭᠡᠷᠡ ᠠᠴᠠ ᠣᠯᠵᠤ ᠦᠵᠡᠵᠦ ᠪᠠᠶᠢᠯᠠ ᠭᠡᠳᠡᠭ᠃ ᠭᠡᠪᠡᠴᠦ ᠡᠨᠡ ᠬᠦ ᠭᠠᠵᠠᠷ ᠢ ᠤᠳᠤ | ᠪᠤᠯᠳᠠᠯᠠ ᠡᠷᠢᠵᠦ ᠣᠯᠤᠭᠠ ᠦᠭᠡᠢ ᠬᠠᠴᠢᠨ ᠨᠢᠭᠤᠴᠠᠭᠠᠢ ᠪᠠᠶᠢᠭᠰᠠᠭᠠᠷ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠳᠠᠢ ᠶᠢᠨ ᠵᠢᠷᠠᠨ ᠡᠯᠡᠰᠦᠨ ᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠡᠮᠦᠨᠡ ᠡᠭᠦᠳᠡ | ᠪᠣᠯᠤᠭᠰᠠᠨ ᠪᠠᠳᠠᠢ ᠭᠡᠬᠦ ᠵᠢᠷᠠᠨ᠂ ᠲᠡᠦᠬᠡ ᠰᠣᠶᠣᠯ ᠤᠨ ᠥᠯᠡᠳᠡᠭᠳᠡᠯᠳᠤ ᠲᠠᠪᠤᠨ ᠵᠢᠷᠠᠨ᠂ ᠬᠠᠭᠠᠨ ᠤ ᠭᠦᠩᠵᠦ ᠶᠢᠨ | ᠳᠣᠮᠣᠭᠲᠤ ᠲᠣᠯᠢ ᠨᠠᠭᠤᠷ᠂ ᠪᠠᠶᠠᠨ ᠤ ᠪᠠᠷᠠᠭᠤᠨ ᠢᠬᠡᠷᠡ᠂ ᠵᠢᠭᠠᠰᠤ ᠦᠷᠡᠵᠢᠭᠰᠡᠨ ᠪᠣᠷᠣ ᠲᠣᠯᠣᠭᠠᠢ᠂ ᠲᠠᠪᠤᠨ | ᠰᠠᠶᠢᠨ ᠡᠷᠡ ᠶᠢᠨ ᠥᠳᠦᠩᠳᠤ ᠵᠢᠷᠠᠨ᠂ ᠠᠳᠤᠭᠤᠨ ᠤ ᠦᠷᠡ ᠲᠠᠰᠤᠷᠠᠳᠠᠭ ᠦᠭᠡᠢ ᠴᠣᠬᠤᠷ ᠮᠣᠷᠢᠲᠤ ᠶᠢᠨ ᠵᠢᠷᠠᠨ᠂ | ᠰᠦᠮᠡ ᠶᠢᠨ ᠲᠠᠬᠢᠯᠭᠠᠲᠤ ᠬᠤᠶᠠᠷ ᠵᠢᠷᠠᠨ᠂ ᠠᠩᠭᠢᠷ ᠥᠨᠳᠡᠭᠡᠯᠡᠳᠡᠭ ᠵᠠᠯᠠᠭᠠᠲᠤ ᠵᠢᠷᠠᠨ᠂ ᠪᠠᠷᠰ ᠣᠴᠢᠬᠤ ᠳᠤᠷᠠ ᠲᠠᠢ | ᠪᠠᠭᠠ ᠵᠢᠷᠠᠨ᠂ ᠷᠠᠰᠢᠶᠠᠨ ᠪᠤᠯᠠᠬᠳᠤ ᠶᠠᠨᠳᠡᠷᠳᠤ᠂ ᠴᠡᠩᠬᠡᠷᠯᠡᠨ ᠬᠠᠷᠠᠭᠳᠠᠳᠠᠭ ᠬᠥᠬᠡ ᠵᠢᠷᠠᠨ᠂ ᠨᠡᠷᠡ ᠳᠡᠭᠡᠨ | ᠵᠣᠬᠢᠷᠠᠭᠰᠠᠨ ᠬᠤᠳᠳᠤᠭ ᠵᠢᠷᠠᠨ᠂ ᠬᠡᠰᠢᠭ ᠪᠤᠶᠠᠨ ᠲᠠᠢ ᠠᠯᠳᠠᠷᠲᠤ ᠵᠢᠷᠠᠨ᠂ ᠬᠡᠪᠴᠢᠶᠡ ᠨᠢ ᠠᠭᠤᠳᠠᠮ ᠶᠡᠭᠡ ᠵᠢᠭᠳᠡ | ᠵᠢᠷᠠᠨ᠂ ᠣᠪᠣᠭᠠ ᠲᠠᠬᠢᠯᠭᠠᠲᠤ ᠴᠡᠯᠡᠭᠡᠷ ᠵᠢᠷᠠᠨ᠂ ᠳᠠᠪᠤᠰᠤᠨ ᠤ ᠭᠠᠷᠤᠯᠲᠠ ᠲᠠᠢ ᠳᠠᠪᠤᠰᠤᠲᠤ ᠵᠢᠷᠠᠨ᠂ ᠲᠠᠪᠤᠨ | ᠬᠠᠭᠠᠨ ᠤ ᠲᠠᠬᠢᠯᠭᠠᠲᠤ ᠲᠠᠪᠤᠨ ᠵᠢᠷᠠᠨ᠂ ᠯᠤᠤᠰᠳᠤ ᠶᠢᠨ ᠣᠷᠣᠨ ᠵᠡᠭᠦᠨ ᠪᠠᠶᠠᠨᠨᠠᠭᠤᠷ᠂ ᠬᠠᠪᠲᠠᠭᠠᠢ ᠶᠢᠨ ᠪᠤᠤᠷᠠ | ᠴᠤᠭᠯᠠᠷᠠᠳᠠᠭ ᠪᠤᠤᠷᠠᠳᠤ ᠵᠢᠷᠠᠨ᠂ ᠳᠡᠪᠦᠷᠡ ᠶᠢᠨ ᠴᠣᠷᠭᠤ ᠰᠢᠭ᠋ ᠪᠤᠯᠠᠭ ᠲᠠᠢ ᠵᠤᠷᠭᠤᠳᠤ᠂ ᠠᠭᠤᠷᠬᠠᠢ ᠪᠠᠷ ᠪᠠᠶᠠᠠ | ᠵᠢᠷᠤᠭᠠ ᠭᠡᠭᠦᠦᠳᠤ ᠵᠢᠷᠠᠨ᠂ ᠵᠠᠭ ᠤᠨ ᠤᠢ ᠲᠠᠢ ᠳᠤᠮᠳᠠ ᠨᠠᠭᠤᠷᠲᠤ ᠵᠢᠷᠠᠨ᠂ ᠨᠠᠭᠤᠷ ᠤᠨ ᠡᠬᠢ ᠪᠣᠯᠤᠭᠰᠠᠨ ᠡᠬᠢᠨ | ᠵᠢᠷᠠᠨ᠂ ᠬᠤᠳᠣᠭᠤᠳᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠳᠠᠭ ᠤᠷᠳᠤ ᠪᠤᠯᠠᠭ ᠵᠢᠷᠠᠨ᠂ ᠲᠣᠯᠢ ᠰᠢᠭ᠋ ᠭᠢᠯᠠᠯᠵᠠᠳᠠᠭ ᠬᠡᠷᠡᠯᠳᠦ ᠵᠢᠷᠠᠨ | ᠂ ᠮᠤᠷᠢᠯ ᠳᠠᠪᠤᠰᠤ ᠪᠠᠷ ᠪᠠᠶᠠᠯᠢᠭ ᠮᠤᠷᠢᠯᠳᠤ ᠵᠢᠷᠠᠨ᠂ ᠤᠰᠤᠨ ᠦᠬᠡᠷ ᠲᠠᠢ ᠶᠡᠭᠡ ᠨᠣᠭᠤᠭᠠᠨ ᠨᠠᠭᠤᠷ᠂ ᠶᠠᠭᠤᠮᠠ | ᠪᠣᠯᠭᠠᠨ ᠢᠶᠠᠷ ᠡᠯᠪᠡᠭ ᠪᠠᠷᠠᠭᠤᠨ ᠪᠠᠶᠠᠨᠨᠠᠭᠤᠷ᠂ ᠬᠠᠪᠲᠠᠭᠠᠢ ᠶᠢᠨ ᠨᠤᠲᠤᠭ ᠬᠠᠪᠲᠠᠭᠠᠢ ᠨᠠᠭᠤᠷ᠂ ᠲᠣᠣᠷᠠᠢ ᠶᠢᠨ | ᠤᠢ ᠲᠠᠢ ᠵᠡᠭᠦᠨ ᠲᠤᠤᠷᠠᠶᠢᠳᠤ ᠵᠡᠷᠭᠡ ᠥᠯᠢᠭᠡᠷ ᠲᠤᠮᠤᠭ ᠲᠠᠢ᠂ ᠣᠨᠴᠠ ᠭᠠᠷᠤᠯᠲᠠ ᠲᠠᠢ᠂ ᠣᠪᠣᠭᠠᠨ ᠲᠠᠭᠢᠯᠭᠠ ᠲᠠᠢ | ᠂ ᠤᠨᠳᠤᠷᠬᠤ ᠪᠤᠯᠠᠭ ᠲᠠᠢ ᠤᠯᠠᠠ ᠨᠠᠭᠤᠷ ᠵᠢᠷᠠᠨ ᠡᠯᠡᠰᠦᠨ ᠨᠤᠲᠤᠭ ᠤᠨ ᠭᠠᠶᠢᠬᠠᠮᠰᠢᠭ ᠢ ᠪᠦᠲᠦᠭᠡᠵᠦ ᠪᠠᠶᠢᠳᠠᠭ᠃ | ᠡᠯᠡᠰᠦᠨ ᠤ ᠨᠡᠭᠦᠳᠡᠯ᠂ ᠣᠷᠴᠢᠨ ᠲᠣᠭᠤᠷᠢᠨ ᠤ ᠬᠤᠪᠢᠷᠠᠯᠲᠠ ᠠᠴᠠ ᠪᠣᠯᠵᠤ ᠪᠠᠳᠠᠢ ᠶᠢᠨ ᠵᠢᠷᠠᠨ ᠳᠤ ᠰᠢᠨᠡ ᠪᠠᠷ ᠪᠤᠢ | ᠪᠣᠯᠵᠤ ᠪᠠᠶᠢᠭᠠ ᠨᠠᠭᠤᠷ ᠪᠠᠰᠠ ᠪᠠᠶᠢᠳᠠᠭ᠃ | ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠵᠢᠯ ᠤᠨ ᠬᠤᠷᠠ ᠲᠤᠨᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ40 -- 80 ᠮᠢᠯᠢᠮᠧᠲᠷ | ᠪᠠᠶᠢᠳᠠᠭ ᠴᠤ ᠵᠢᠯ ᠤᠨ ᠠᠭᠤᠷᠰᠢᠯᠲᠠ ᠶᠢᠨ ᠬᠡᠮᠵᠢᠶᠡ ᠨᠢ 3000ᠮᠢᠯᠢᠮᠧᠲᠷ ᠬᠦᠷᠴᠦ ᠪᠠᠶᠢᠳᠠᠭ᠃ ᠡᠶᠢᠮᠦ ᠶᠡᠭᠡ | ᠬᠡᠮᠵᠢᠶᠡᠨ ᠤ ᠠᠭᠤᠷᠰᠢᠯᠲᠠ ᠳᠤ ᠡᠯᠡᠰᠦ ᠮᠠᠩᠬᠠᠨ ᠪ᠊ ᠨᠠᠭᠤᠷ ᠵᠢᠷᠠᠨ ᠨᠢ ᠬᠡᠵᠢᠶᠡᠳᠡ ᠬᠠᠳᠠᠵᠤ ᠰᠢᠷᠭᠢᠬᠦ ᠦᠭᠡᠢ | ᠪᠠᠶᠢᠳᠠᠭ ᠨᠢ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠪᠠᠰᠠ ᠨᠢᠭᠡᠨ ᠲᠠᠶᠢᠯᠤᠭᠳᠠᠰᠢ ᠦᠭᠡᠢ ᠣᠨᠢᠰᠤᠭᠠ ᠪᠣᠯᠣᠨᠠ᠃ | | | |