| | ᠡᠨᠡᠳᠬᠡᠭ ᠤᠨ ᠲᠠᠪᠤᠨ ᠨᠠᠰᠤᠲᠠᠢ ᠵᠢᠭᠠᠯ - ᠪᠦᠲ᠋ᠢᠶᠠ ᠰᠢᠩᠭᠧᠷ ᠪᠣᠯ ᠳᠡᠯᠡᠬᠡᠢ ᠶᠢᠨ ᠮᠠᠷᠠᠽᠤᠨ | ᠤᠷᠤᠯᠳᠤᠭᠠᠨ ᠤ ᠬᠠᠮᠤᠭ ᠤᠨ ᠨᠠᠰᠤ ᠪᠠᠭᠠ ᠲᠠᠮᠢᠷᠴᠢᠨ ᠶᠤᠮ᠃ ᠲᠡᠷᠡ ᠳᠥᠷᠪᠡᠲᠡᠢ ᠳᠡᠭᠡᠨ 42.195 ᠺᠢᠯᠣᠮᠧᠲᠷ ᠤᠨ | ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠡᠨᠡᠳᠬᠡᠭ ᠳᠠᠶᠠᠭᠠᠷ ᠲᠤ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨᠠ᠃ ᠡᠶᠢᠨ ᠬᠦ ᠬᠥᠮᠥᠰ | ᠲᠡᠭᠦᠨ ᠢ ︽ᠲᠥᠷᠥᠯᠬᠢ ᠠᠪᠢᠶᠠᠰᠲᠠᠨ︾᠂ ︽ᠭᠠᠶᠢᠬᠠᠮᠰᠢᠭᠲᠤ ᠬᠡᠦᠬᠡᠳ︾ ᠭᠡᠵᠦ ᠦᠨᠡᠯᠡᠳᠡᠭ ᠠᠵᠢ᠃ 2007 ᠣᠨ ᠤ | 6 ᠰᠠᠷᠠ ᠶᠢᠨ 6 ᠳᠤ᠂ ᠲᠠᠪᠤᠨ ᠨᠠᠰᠤᠲᠠᠢ ᠰᠢᠩᠭᠧᠷ ᠬᠤᠯᠠ ᠭᠦᠶᠦᠯᠲᠡ ᠶᠢᠨ ᠰᠢᠨᠡ ᠲᠡᠮᠳᠡᠭᠯᠡᠯ ᠡᠭᠦᠳᠬᠦ ᠶᠢᠨ ᠲᠤᠯᠠᠳᠠ | 10 ᠡᠳᠦᠷ ᠤᠨ ᠬᠤᠭᠤᠴᠠᠭᠠᠨ ᠳᠤ ᠲᠠᠪᠤᠨ ᠵᠠᠭᠤᠨ ᠺᠢᠯᠣᠮᠧᠲᠷ ᠭᠦᠶᠦᠬᠦ ᠰᠢᠨᠡ ᠲᠥᠯᠥᠪᠯᠡᠭᠡ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ | ᠰᠢᠩᠭᠧᠷ ᠢ ᠪᠢᠰᠢᠷᠡᠵᠦ ᠳᠡᠮᠵᠢᠭᠴᠢ ᠮᠠᠰᠢ ᠤᠯᠠᠨ ᠬᠥᠮᠥᠨ ᠡᠭᠢᠯᠡᠯᠳᠡ ᠶᠢᠨ ᠭᠠᠵᠠᠷ ᠴᠤᠭᠯᠠᠷᠠᠵᠤ᠂ ᠤᠷᠢᠶᠠ ᠯᠣᠽᠦ᠋ᠩ᠂ | ᠪᠢᠴᠢᠭᠡᠰᠦ ᠵᠣᠷᠢᠭᠵᠢᠭᠤᠯᠤᠯ ᠡᠷᠭᠦᠵᠦ ᠡᠨᠡ ᠬᠦ ᠭᠠᠶᠢᠬᠠᠮᠰᠢᠭᠲᠤ ᠠᠪᠢᠶᠠᠰ ᠲᠠᠢ ᠬᠡᠦᠬᠡᠳ ᠤᠨ ᠠᠮᠵᠢᠯᠲᠠ ᠣᠯᠬᠤ ᠶᠢ | ᠬᠦᠰᠡᠵᠦ ᠪᠠᠶᠢᠯᠠ᠃ ᠮᠡᠳᠡᠭᠡᠵᠢ ᠬᠡᠪᠯᠡᠯ ᠮᠡᠳᠡᠭᠡᠯᠡᠯ ᠤᠨ ᠬᠢᠨ ᠴᠦ ᠡᠨᠡ ᠤᠴᠢᠷ ᠲᠤ ᠠᠩᠬᠠᠷᠤᠯ ᠲᠠᠯᠪᠢᠵᠤ᠂ ᠤᠯᠠᠨ | ᠰᠤᠷᠪᠤᠯᠵᠢᠯᠠᠬᠴᠢ ᠪᠠᠭᠰᠢᠷᠠᠭᠰᠠᠨ ᠪᠠᠶᠢᠯᠠ᠃ ᠭᠡᠪᠡᠴᠦ ᠶᠠᠭ ᠡᠨᠡ ᠦᠶᠡ ᠳᠤ ᠭᠡᠨᠡᠳᠲᠡ ᠮᠠᠰᠢ ᠤᠯᠠᠨ ᠴᠡᠷᠢᠭ ᠴᠠᠭᠳᠠᠭᠠ | ᠢᠷᠡᠵᠦ ᠰᠢᠩᠭᠧᠷ ᠤᠨ ᠭᠦᠶᠦᠯᠲᠡ ᠶᠢᠨ ᠵᠠᠮ ᠱᠤᠭᠤᠮ ᠢ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠪᠠᠶᠢᠨᠠ᠃ ᠣᠶᠢᠯᠠᠭᠠᠵᠤ ᠶᠠᠳᠠᠭᠰᠠᠨ ᠲᠤᠬᠠᠢ | ᠶᠢᠨ ᠲᠠᠯᠠᠪᠠᠢ ᠶᠢᠨ ᠬᠥᠮᠥᠰ ᠲᠤ ᠬᠠᠨᠳᠤᠵᠤ᠄ ︽ᠪᠢᠳᠡ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠵᠠᠷᠯᠢᠭ ᠢᠶᠠᠷ ᠢᠩᠭᠢᠵᠦ ᠪᠠᠶᠢᠨᠠ᠂ | ᠰᠢᠩᠭᠧᠷ ᠤᠨ ᠡᠨᠡ ᠤᠳᠠᠭᠠᠨ ᠤ ᠭᠦᠶᠦᠯᠲᠡ ᠶᠢ ᠬᠤᠷᠢᠭᠯᠠᠬᠤ ᠡᠭᠦᠷᠭᠡ ᠲᠠᠢ︕︾ ᠭᠡᠵᠦ ᠴᠠᠭᠳᠠᠭᠠᠨ ᠲᠣᠪᠴᠢᠶᠠᠨ ᠤ | ᠬᠢᠨ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠤᠯᠪᠠᠴᠦ ᠰᠢᠩᠭᠧᠷ ᠤᠨ ᠭᠡᠷ ᠤᠨ ᠠᠬᠠᠮᠠᠳ᠂ ᠰᠢᠩᠭᠧᠷ ᠢ ᠳᠡᠮᠵᠢᠭᠴᠢᠳ ᠪᠣᠯᠣᠨ ᠡᠨᠡ | ᠤᠳᠠᠭᠠᠨ ᠤ ᠬᠤᠯᠠ ᠭᠦᠶᠦᠯᠲᠡ ᠶᠢᠨ ᠠᠵᠢᠯᠯᠠᠭᠠ ᠶᠢ ᠢᠪᠡᠭᠡᠨ ᠲᠡᠳᠬᠦᠭᠴᠢ ᠨᠢᠭᠡᠴᠢ ᠶᠢᠨ ᠬᠢᠨ ᠴᠢᠩᠭᠠ ᠡᠰᠡᠷᠭᠦᠴᠡᠯ | ᠢᠯᠡᠷᠬᠡᠶᠢᠯᠡᠵᠦ᠄ ︽ᠵᠠᠰᠠᠭ ᠤᠨ ᠣᠷᠳᠣᠨ ᠢᠴᠢᠭᠦᠷᠢᠲᠡᠢ ᠠᠷᠭᠠ ᠪᠠᠷ ᠡᠨᠡᠳᠬᠡᠭ ᠤᠨ ᠬᠤᠯᠠ ᠭᠦᠶᠦᠯᠲᠡ ᠶᠢᠨ | ᠭᠠᠶᠢᠬᠠᠮᠰᠢᠭᠲᠤ ᠬᠡᠦᠬᠡᠳ ᠢ ᠳᠠᠷᠤᠮᠲᠠᠯᠠᠵᠤ ᠪᠠᠶᠢᠨᠠ᠃ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠡᠨᠡ ᠪᠦᠳᠦᠭᠦᠯᠢᠭ ᠠᠵᠢᠯᠯᠠᠭᠠ ᠶᠢ ᠬᠠᠤᠯᠢ | ᠶᠢᠨ ᠪᠠᠶᠢᠭᠤᠯᠭᠠ ᠳᠤ ᠵᠠᠭᠠᠯᠳᠤᠬᠤ ᠶᠣᠰᠣᠲᠠᠢ︕︾ ᠭᠡᠵᠡᠭᠡᠵᠦ ᠪᠠᠶᠢᠯᠠ᠃ ᠬᠡᠳᠦᠢ ᠲᠡᠶᠢᠮᠦ ᠪᠤᠯᠪᠠᠴᠦ ᠡᠨᠡ ᠤᠳᠠᠭᠠᠨ ᠤ | ᠲᠡᠮᠳᠡᠭᠯᠡᠯ ᠡᠭᠦᠳᠬᠦ ᠠᠵᠢᠯᠯᠠᠭᠠ ᠶᠢ ᠡᠨᠡᠳᠬᠡᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠬᠠᠰᠢ ᠯᠡ ᠠᠯᠪᠠᠳᠠᠯᠭᠠ ᠪᠠᠷ ᠬᠤᠷᠢᠭᠯᠠᠭᠰᠠᠨ | ᠪᠠᠶᠢᠨᠠ᠃ ᠬᠠᠷᠢᠨ ᠡᠨᠡᠳᠬᠡᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠡᠨᠡ ᠬᠦ ᠰᠢᠢᠳᠪᠦᠷᠢ ᠶᠢ ᠰᠡᠭᠦᠯ ᠳᠤᠨᠢ ᠳᠡᠯᠡᠬᠡᠢ ᠨᠡᠶᠢᠳᠡ ᠶᠢᠨ | ᠬᠢᠨ ᠮᠠᠰᠢ ᠲᠠᠮᠵᠢᠨ ᠰᠠᠶᠢᠰᠢᠶᠠᠭᠰᠠᠨ ᠠᠵᠢ᠃ | ᠡᠨᠡᠳᠬᠡᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠰᠢᠢᠳᠪᠦᠷᠢ᠄ ᠬᠡᠴᠢᠨᠡᠨ ᠠᠪᠢᠶᠠᠰ ᠲᠠᠢ᠂ ᠶᠠᠮᠠᠷ ᠭᠠᠶᠢᠬᠠᠮᠰᠢᠭᠲᠠᠢ ᠴᠦ | ᠭᠡᠰᠡᠨ ᠰᠢᠩᠭᠧᠷ ᠪᠣᠯ ᠲᠠᠪᠤᠬᠠᠨ ᠨᠠᠰᠤᠲᠠᠢ ᠬᠡᠦᠬᠡᠳ᠂ 500 ᠺᠢᠯᠣᠮᠧᠲᠷ ᠭᠦᠶᠦᠬᠦ ᠨᠢ ᠲᠡᠭᠦᠨ ᠤ ᠪᠡᠶᠡ ᠰᠡᠳᠬᠢᠯ ᠳᠤ | ᠲᠤᠶᠢᠯ ᠤᠨ ᠶᠡᠭᠡ ᠳᠠᠷᠤᠮᠲᠠ ᠥᠭᠭᠦᠨᠡ᠃ ᠲᠡᠷᠡ ᠭᠦᠶᠦᠵᠦ ᠲᠡᠶᠢᠯᠦᠯᠡ ᠴᠦ ᠭᠡᠰᠡᠨ ᠳᠡᠩᠳᠡᠭᠦᠦ ᠶᠡᠭᠡ ᠲᠠᠮᠢᠷᠳᠠᠭᠰᠠᠨ ᠠᠴᠠ | ᠪᠣᠯᠵᠤ ᠰᠢᠮᠡ ᠲᠡᠵᠢᠭᠡᠯ ᠳᠤᠲᠠᠬᠤ᠂ ᠴᠢᠰᠤ ᠳᠤᠲᠠᠬᠤ᠂ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠣᠯᠬᠤ ᠪᠣᠯᠣᠮᠵᠢ ᠨᠢ ᠲᠤᠩ ᠶᠡᠭᠡ᠃ | ᠬᠡᠦᠬᠡᠳ ᠤᠨ ᠪᠡᠶᠡ ᠰᠡᠳᠬᠢᠯ ᠳᠤ ᠠᠬᠠᠳᠠᠭᠰᠠᠨ ᠵᠦᠢᠯ ᠢ ᠠᠯᠪᠠ ᠪᠠᠷ ᠬᠢᠯᠭᠡᠬᠦ ᠪᠣᠯ ᠬᠡᠷᠴᠡᠭᠡᠢ ᠠᠵᠢᠯᠯᠠᠭᠠ ᠶᠤᠮ᠃ ᠤᠯᠤᠰ | ᠭᠡᠷ ᠲᠤ ᠭᠠᠶᠢᠬᠠᠮᠰᠢᠭᠲᠤ ᠠᠪᠢᠶᠠᠰᠲᠠᠨ ᠪᠠᠶᠢᠬᠤ ᠦᠭᠡᠢ ᠪᠠᠶᠢᠵᠤ ᠪᠣᠯᠣᠨᠠ᠂ ᠭᠡᠪᠡᠴᠦ ᠤᠯᠤᠰ ᠭᠡᠷ ᠵᠠᠪᠠᠯ | ᠬᠡᠦᠬᠡᠳ ᠤᠳ ᠤᠨ ᠠᠮᠢ ᠨᠠᠰᠤ᠂ ᠡᠷᠡᠭᠦᠯ ᠮᠡᠨᠳᠦ ᠳᠤ ᠬᠠᠷᠢᠭᠤᠴᠠᠬᠤ ᠶᠣᠰᠣᠲᠠᠢ ᠭᠡᠵᠦ ᠢᠯᠡᠷᠬᠡᠶᠢᠯᠡᠵᠡᠢ᠃ | ᠬᠡᠦᠬᠡᠳ ᠢᠶᠠᠨ ᠬᠠᠶᠢᠷᠠᠯᠠᠶᠠ︕ ᠪᠤᠰᠤᠳ ᠠᠴᠠ ᠴᠣᠯᠭᠤᠷᠠᠭᠰᠠᠨ ᠠᠪᠢᠶᠠᠰᠲᠠᠨ ᠪᠣᠯᠭᠠᠨᠠ ᠭᠡᠵᠦ ᠬᠡᠦᠬᠡᠳ | ᠨᠠᠰᠤᠨ ᠳᠤᠨᠢ ᠳᠡᠩᠳᠡᠭᠦᠦ ᠬᠦᠨᠳᠦ ᠡᠭᠦᠷᠭᠡᠯᠡᠯ ᠢ ᠪᠢᠲᠡᠭᠡᠢ ᠨᠢᠯᠬᠠ ᠮᠥᠷᠥᠨ ᠳᠤᠨᠢ ᠲᠠᠯᠪᠢᠭᠠᠷᠠᠢ ᠭᠡᠵᠦ ᠵᠥᠪᠯᠡᠶᠡ︕ | ᠭᠠᠳᠠᠭᠠᠳᠤ ᠭᠡᠯᠡ᠂ ᠳᠠᠭᠤᠤ ᠪᠥᠵᠢᠭ᠂ ᠵᠢᠷᠤᠭ ᠬᠥᠭᠵᠢᠮ ᠰᠤᠷᠭᠠᠨᠠ ᠭᠡᠵᠦ ᠠᠮᠠᠷᠠᠯᠲᠠ ᠶᠢᠨ ᠠᠯᠢᠪᠠ ᠴᠠᠭ ᠢ ᠨᠢ | ᠲᠣᠮᠣᠴᠤᠤᠯ ︽ᠬᠡᠷᠴᠡᠭᠡᠢ︾ ᠪᠠᠷ ᠪᠤᠯᠢᠶᠠᠳᠠᠭ ᠨᠢ ᠶᠠᠭ ᠯᠡ ᠠᠷᠪᠠᠭ᠋ᠠᠨ ᠡᠳᠦᠷ ᠲᠤ ᠲᠠᠪᠤᠨ ᠵᠠᠭᠤᠨ ᠺᠢᠯᠣᠮᠧᠲᠷ ᠭᠦᠶᠦᠬᠦ | ᠬᠦᠨᠳᠦ ᠡᠭᠦᠷᠭᠡᠯᠡᠯ ᠬᠦᠯᠢᠶᠡᠭᠰᠡᠨ ᠰᠢᠩᠭᠧᠷ ᠲᠠᠢ ᠥᠭᠡᠷᠡ ᠦᠭᠡᠢ ᠶᠠᠳᠠᠷᠠᠭᠠ ᠲᠠᠢ᠃ ︽ᠬᠡᠦᠬᠡᠳ ᠲᠠᠢ ᠪᠠᠨ ᠬᠠᠮᠲᠤ | ᠲᠣᠭᠯᠠᠵᠤ ᠨᠠᠭᠠᠳ︾ ᠭᠡᠵᠦ ᠳᠡᠭᠡᠳᠦᠰ ᠶᠡᠬᠡᠰ ᠤᠨ ᠰᠤᠷᠭᠠᠯ ᠳᠤ ᠪᠤᠢ ᠶᠢ ᠠᠩᠬᠠᠷᠤᠨ ᠪᠣᠯᠭᠤᠭᠠᠨᠠ ᠤᠤ︕ | |