| | ᠵᠠᠷᠢᠮ ᠨᠢᠭᠡ ᠬᠥᠮᠥᠨ᠄ ᠬᠥᠮᠥᠨ ᠶᠠᠭᠠᠬᠢᠭᠠᠳ ᠥᠰᠴᠦ ᠲᠣᠮᠣ ᠪᠤᠯᠬᠤ ᠲᠤᠲᠤᠮ ᠤᠯᠠᠮ ᠴᠦ ᠪᠠᠶᠠᠷ ᠵᠢᠷᠭᠠᠯ | ᠦᠭᠡᠢ ᠮᠡᠲᠦ ᠰᠠᠨᠠᠭᠳᠠᠳᠠᠭ ᠪᠤᠢ︖ ᠭᠡᠵᠦ ᠠᠰᠠᠭᠤᠵᠠᠢ᠃ ᠡᠭᠦᠨ ᠳᠤ ᠨᠢᠭᠡ ᠰᠦᠯᠵᠢᠶᠡᠨ ᠠᠨᠳᠠ᠄ ︽ᠤᠴᠢᠷ ᠨᠢ | ᠪᠢᠳᠡᠨ ᠤ ᠥᠰᠴᠦ ᠲᠣᠮᠣ ᠪᠤᠯᠬᠤ ᠶᠢ ᠳᠠᠭᠠᠯᠳᠤᠨ ᠰᠢᠨᠤᠯ ᠬᠦᠰᠡᠯ ᠤᠯᠠᠮ ᠢᠶᠠᠷ ᠶᠡᠬᠡᠳᠡᠨ᠂ ᠰᠡᠳᠬᠢᠯ ᠰᠠᠨᠠᠭᠠ ᠴᠦ | ᠤᠯᠠᠮ ᠢᠶᠠᠷ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠤᠯᠳᠠᠭ︾ ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠶᠠᠪᠤᠳᠠᠯ ᠤᠴᠢᠷ ᠪᠣᠯᠭᠠᠨ ᠳᠤ ᠭᠡᠲᠦ ᠵᠣᠵᠢᠭ | ᠬᠠᠨᠳᠤᠬᠤ ᠨᠢ ᠪᠡᠶᠡ ᠰᠡᠳᠬᠢᠯ ᠢ ᠶᠠᠳᠠᠷᠠᠭᠠᠨ ᠴᠢᠯᠡᠭᠡᠵᠦ᠂ ᠶᠠᠭᠤᠮᠠ ᠶᠢ ᠭᠡᠳᠦ ᠰᠢᠨᠤᠵᠤ ᠬᠥᠭᠡᠭᠡᠴᠡᠯᠳᠦᠪᠡᠯ ᠳᠠᠷᠤᠭᠠᠰᠤ | ᠡᠳᠦᠷ ᠢᠷᠡᠬᠦᠶᠡ ᠬᠦᠨᠳᠦᠷᠡᠳᠡᠭ᠃ ᠡᠶᠢᠮᠦ ᠠᠴᠠ ᠠᠯᠢᠪᠠ ᠵᠦᠢᠯ ᠢ ᠭᠢᠯᠪᠠᠷ ᠲᠤ ᠪᠤᠴᠠᠭᠠᠵᠤ᠂ ᠬᠠᠮᠤᠭ ᠤᠨ ᠲᠦᠭᠦᠮ | ᠠᠪᠰᠠᠷᠬᠠᠨ ᠪᠠᠶᠠᠷ ᠴᠡᠩᠭᠡᠯ ᠢ ᠮᠡᠳᠡᠷᠡᠵᠦ ᠰᠤᠷᠬᠤ ᠬᠡᠷᠡᠭᠲᠡᠢ᠃ ᠬᠢᠵᠠᠭᠠᠷ ᠲᠠᠢ ᠠᠮᠢ ᠨᠠᠰᠤ ᠪᠠᠨ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ | ᠥᠩᠭᠡᠷᠡᠭᠡᠵᠦ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠪᠣᠯᠭᠠᠶᠠ ᠭᠡᠪᠡᠯ᠂ ᠪᠤᠳᠤᠯᠢᠶᠠᠨᠲᠠᠢ ᠪᠠᠶᠢᠳᠠᠯ ᠠᠴᠠ ᠪᠠᠨ | ᠰᠠᠯᠵᠤ᠂ ᠥᠪᠡᠷ ᠤᠨ ᠶᠢᠷᠲᠢᠨᠴᠦ ᠪᠠᠨ ᠲᠥᠭᠦᠮ ᠠᠪᠰᠠᠷᠬᠠᠨ ᠪᠤᠯᠭᠠᠬᠤ ᠶᠢ ᠰᠠᠨᠠᠭᠠᠷᠠᠢ᠃ | ᠰᠢᠨᠤᠯ ᠢ ᠲᠡᠪᠴᠢᠪᠡᠯ ᠰᠠᠶ᠋ᠢ ᠰᠡᠳᠬᠢᠯ ᠠᠮᠤᠷ ᠪᠤᠯᠳᠠᠭ | ᠮᠣᠣ ᠳ᠋ᠦᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯ ᠤᠨ ᠡᠵᠡᠨ ᡂᠢ ᠽᠢ ᠵᠢᠶᠠᠨ ᠤ ︽ᠡᠷᠭᠦᠨᠡ ᠭᠤᠣᠯ ᠤᠨ | ᠪᠠᠷᠠᠭᠤᠨ ᠡᠷᠭᠢ︾ ᠨᠣᠮ ᠳᠤ᠄ ︽ᠬᠥᠮᠥᠨ ᠬᠡᠷᠪᠡ ᠰᠢᠨᠤᠯ ᠦᠭᠡᠢ ᠪᠣᠯ ᠠᠶᠤᠯ ᠭᠠᠢ ᠦᠭᠡᠢ︾ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ | ᠃ ︽ᠨᠢᠭᠡ ᠬᠥᠮᠥᠨ ᠤ ᠰᠢᠨᠤᠯ ᠲᠣᠩ ᠪᠠᠭᠠ ᠪᠠᠶᠢᠬᠤ ᠦᠶᠡ ᠳᠤ᠂ ᠶᠠᠯᠢᠮ ᠦᠭᠡᠢ ᠥᠴᠥᠬᠡᠨ ᠵᠦᠢᠯ ᠠᠴᠠ ᠶᠡᠭᠡ ᠵᠣᠯ | ᠵᠢᠷᠭᠠᠯ ᠢ ᠮᠡᠳᠡᠷᠡᠳᠡᠭ᠂ ᠬᠦᠰᠡᠯ ᠰᠢᠨᠤᠯ ᠨᠢ ᠶᠡᠬᠡᠳᠡᠭᠡᠳ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠳᠤ ᠭᠦᠷᠪᠡᠯ᠂ ᠵᠢᠷᠭᠠᠯᠲᠤ ᠲᠥᠷᠥᠭᠳᠡᠯ ᠨᠢ | ᠲᠠᠭᠠᠭᠠᠳ ᠨᠡᠮᠡᠭᠳᠡᠬᠦ ᠦᠭᠡᠢ ᠪᠥᠭᠡᠳ ᠬᠠᠷᠢᠨ ᠡᠰᠡᠷᠭᠦ ᠪᠠᠷ ᠤᠷᠤᠭᠤᠳᠠᠨ ᠳᠣᠷᠣᠶᠢᠲᠠᠵᠤ ᠡᠬᠢᠯᠡᠳᠡᠭ︾ ᠭᠡᠵᠦ ᠬᠡᠨ ᠨᠢᠭᠡᠨ ᠤ | ᠬᠡᠯᠡᠭᠰᠡᠨ ᠦᠭᠡ ᠴᠦ ᠪᠤᠢ᠃ | ᠰᠢᠨᠤᠯ ᠪᠣᠯ ᠬᠥᠮᠥᠨᠴᠢ ᠰᠢᠨᠵᠢ᠂ ᠰᠢᠨᠤᠯ ᠢᠶᠠᠨ ᠲᠡᠪᠴᠢᠬᠦ ᠨᠢ ᠬᠠᠷᠢᠨ ᠨᠢᠭᠡ ᠵᠦᠢᠯ ᠤᠨ ᠴᠢᠳᠠᠪᠤᠷᠢ ᠮᠥᠨ᠃ | ᠬᠥᠮᠥᠨ ᠤ ᠬᠦᠰᠡᠯ ᠰᠢᠨᠤᠯ ᠨᠢ ᠶᠠᠭ ᠮᠣᠳᠣᠨ ᠤ ᠰᠠᠯᠠᠭᠠ ᠮᠥᠴᠢᠷ ᠮᠡᠲᠦ ᠪᠠᠶᠢᠵᠤ᠂ ᠪᠦᠷᠢᠮᠦᠰᠦᠨ ᠣᠭᠲᠣᠯᠵᠤ | ᠬᠢᠷᠦᠭᠡᠳᠡᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠ ᠲᠠᠢ ᠪᠠᠷ ᠬᠠᠶᠢᠴᠢᠯᠠᠨ ᠵᠠᠰᠠᠬᠤ ᠬᠡᠷᠡᠭᠲᠡᠢ ᠶᠤᠮ᠃ | ᠪᠣᠳᠠᠲᠤ ᠪᠠᠶᠢᠳᠠᠯ ᠠᠴᠠ ᠠᠬᠠᠳᠠᠭᠰᠠᠨ ᠰᠢᠨᠤᠯ ᠢ ᠲᠡᠪᠴᠢᠵᠦ᠂ ᠬᠡᠮᠵᠢᠶᠡ ᠠᠴᠠ ᠪᠠᠨ ᠳᠠᠪᠠᠲᠠᠯᠠ ᠣᠯᠬᠤ ᠶᠢ ᠭᠤᠷᠢᠳᠠᠬᠤ | ᠦᠭᠡᠢ᠂ ᠰᠣᠬᠤᠷ ᠪᠠᠯᠠᠢ ᠪᠠᠷ ᠬᠥᠭᠡᠭᠡᠴᠡᠯᠳᠦᠬᠦ ᠦᠭᠡᠢ ᠪᠠᠶᠢᠪᠠᠯ ᠰᠠᠶ᠋ᠢ ᠥᠪᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠵᠡᠮᠳᠡᠵᠦ ᠴᠢᠳᠠᠨᠠ᠃ | | ᠰᠠᠨᠠᠭᠠ ᠪᠤᠳᠤᠯ ᠭᠢᠯᠪᠠᠷ ᠪᠣᠯᠪᠠᠯ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠢ ᠣᠯᠳᠠᠭ | ᠠᠮᠢ ᠨᠠᠰᠤ᠂ ᠴᠠᠭ ᠬᠤᠭᠤᠴᠠᠭᠠ ᠴᠥᠮ ᠬᠤᠪᠢᠷᠠᠯᠲᠠ ᠶᠢᠨ ᠳᠤᠮᠳᠠ ᠣᠷᠣᠰᠢᠨᠠ᠃ ᠬᠤᠪᠢᠷᠠᠯᠲᠠ ᠳᠤ | ᠨᠡᠶᠢᠴᠡᠭᠦᠯᠬᠦ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠪᠣᠯ ᠳᠠᠷᠤᠢ ︽ᠠᠯᠢᠪᠠ ᠬᠤᠪᠢᠷᠠᠯᠲᠠ ᠲᠣᠬᠢᠶᠠᠯᠳᠤᠯ ᠳᠤ ᠰᠠᠨᠠᠭᠠ ᠲᠠᠶᠢᠪᠤᠩ | ᠬᠠᠨᠳᠤᠬᠤ︾ ᠳᠤ ᠪᠤᠢ᠃ ᠰᠠᠨᠠᠭᠠ ᠲᠠᠶᠢᠪᠤᠩ ᠭᠡᠳᠡᠭ ᠨᠢ ᠤᠷᠤᠭᠰᠢᠯᠠᠨ ᠲᠠᠪᠰᠢᠬᠤ ᠶᠢ ᠪᠤᠳᠤᠬᠤ ᠦᠭᠡᠢ ᠭᠡᠰᠡᠨ ᠦᠭᠡ | ᠪᠢᠰᠢ᠂ ᠬᠠᠷᠢᠨ ᠠᠯᠢᠪᠠ ᠬᠤᠪᠢᠷᠠᠯᠲᠠ ᠳᠤ ᠰᠡᠳᠬᠢᠯ ᠰᠠᠨᠠᠭᠠ ᠲᠠᠶᠢᠪᠤᠩ ᠬᠠᠨᠳᠤᠵᠤ᠂ ᠭᠤᠮᠣᠷᠬᠠᠬᠤ ᠦᠭᠡᠢ᠂ ᠭᠤᠮᠣᠳᠠᠬᠤ | ᠦᠭᠡᠢ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠤᠨ ᠠᠮᠤᠷ ᠠᠮᠤᠭᠤᠯᠠᠩ ᠢ ᠣᠯᠬᠤ ᠶᠢ ᠬᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃ | ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠬᠡᠵᠢᠶᠡᠳᠡ ᠢᠯᠭᠤᠮ ᠤᠷᠤᠭᠰᠢᠲᠠᠢ ᠪᠠᠶᠢᠳᠠᠭ ᠦᠭᠡᠢ᠂ ᠬᠥᠮᠥᠨ ᠤ ᠠᠮᠢᠳᠤᠷᠠᠯ | ᠤᠷᠪᠠᠭᠠᠨ ᠬᠥᠷᠪᠡᠭᠡᠨ ᠲᠠᠢ᠂ ᠡᠭᠡᠳᠡᠷᠡᠭᠡᠨ ᠪᠤᠳᠤᠯᠢᠶᠠᠨᠲᠠᠢ ᠪᠤᠯᠬᠤ ᠦᠶᠡ ᠳᠤ ᠪᠢᠳᠡ ᠠᠯᠢᠪᠠ ᠠᠮᠵᠢᠯᠲᠠ ᠪᠦᠳᠦᠮᠵᠢ ᠪᠠ | ᠢᠯᠠᠭᠳᠠᠯ ᠳᠣᠷᠣᠶᠢᠲᠠᠯ ᠢ ᠨᠢᠭᠡᠯᠡ ᠬᠡᠪ ᠢᠶᠠᠷ ᠬᠦᠯᠢᠶᠡᠵᠦ ᠠᠪᠴᠤ ᠴᠢᠳᠠᠬᠤ ᠰᠡᠳᠬᠢᠯ ᠤᠨ ᠶᠡᠭᠡ ᠲᠡᠩᠬᠡᠭᠡ ᠲᠠᠢ ᠪᠠᠶᠢᠬᠤ | ᠬᠡᠷᠡᠭᠲᠡᠢ᠃ ᠡᠳᠦᠷᠵᠢᠨ ᠡᠯᠳᠡᠪ ᠡᠰᠡᠨ ᠬᠡᠷᠡᠭ ᠬᠤᠪᠢᠷᠠᠯᠲᠠ ᠳᠤ ᠭᠤᠮᠣᠳᠠᠵᠤ ᠭᠤᠮᠣᠷᠬᠠᠬᠤ ᠠᠴᠠ ᠪᠠᠨ ᠥᠪᠡᠷ ᠢ ᠪᠠᠨ | ᠥᠭᠡᠷᠡᠴᠢᠯᠡᠬᠦ ᠨᠢ ᠢᠯᠡᠭᠦᠦ ᠪᠠᠶᠢᠵᠤ᠂ ᠰᠡᠳᠬᠢᠯ ᠬᠠᠨᠤᠬᠤ ᠦᠭᠡᠢ᠂ ᠠᠭᠤᠷᠯᠠᠵᠤ ᠪᠠᠴᠢᠮᠳᠠᠭᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠤᠷᠭᠢᠵᠤ᠂ | ᠪᠠᠶᠢᠭᠠ ᠠᠮᠢᠳᠤᠷᠠᠯ ᠢᠶᠠᠨ ᠵᠥᠪ ᠰᠠᠶᠢᠬᠠᠨ ᠥᠩᠭᠡᠷᠡᠭᠦᠯᠬᠦ ᠶᠢ ᠪᠤᠳᠤᠭᠠᠷᠠᠢ᠃ ᠲᠠᠨ ᠤ ᠪᠤᠬᠢᠨᠢᠳᠤᠯ ᠪᠠ ᠵᠣᠪᠠᠯᠠᠩ ᠪᠣᠯ ᠬᠡᠷᠡᠭ | ᠶᠠᠪᠤᠳᠠᠯ ᠤᠨ ᠲᠤᠰ ᠪᠡᠶᠡ ᠠᠴᠠ ᠪᠣᠯᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠲᠠᠨ ᠤ ᠬᠡᠷᠡᠭ ᠶᠠᠪᠤᠳᠠᠯ ᠤᠨ ᠲᠤᠬᠠᠢ ᠲᠠᠨᠢᠯᠲᠠ | ᠣᠶᠢᠯᠠᠭᠠᠯᠲᠠ ᠠᠴᠠ ᠪᠣᠯᠤᠭᠰᠠᠨ ᠭᠡᠳᠡᠭ ᠢ ᠢᠮᠠᠭᠲᠠ ᠰᠠᠨᠠᠵᠤ ᠶᠠᠪᠤᠭᠤᠰᠢᠲᠠᠢ᠃ | ᠠᠮᠢᠳᠤᠷᠠᠯ ᠠᠪᠰᠠᠷᠬᠠᠨ ᠪᠣᠯᠪᠠᠯ ᠠᠵᠠ ᠵᠢᠷᠭᠠᠯ ᠥᠨᠢᠳᠡ ᠶᠢᠨ ᠪᠤᠯᠳᠠᠭ | ᠬᠥᠮᠥᠨ ᠤ ᠶᠢᠷᠲᠢᠨᠴᠦ ᠶᠢᠨ ᠠᠯᠢᠪᠠ ᠶᠡᠷᠦ ᠪᠤᠰᠤ ᠶᠢᠨ ᠶᠠᠪᠤᠳᠠᠯ ᠨᠢ ᠡᠴᠦᠰ ᠲᠡᠭᠡᠨ ᠴᠥᠮ ᠡᠭᠡᠯ ᠶᠡᠷᠦᠮᠳᠡᠭ | ᠪᠠᠶᠢᠳᠠᠯ ᠳᠠᠭᠠᠨ ᠪᠤᠴᠠᠵᠤ᠂ ᠡᠭᠡᠯ ᠶᠡᠷᠦᠮᠳᠡᠭ ᠠᠮᠢᠳᠤᠷᠠᠯ ᠢᠶᠠᠷ ᠲᠡᠭᠦᠨ ᠤ ᠦᠨᠡ ᠦᠷᠳᠡᠭ ᠢ ᠬᠡᠮᠵᠢᠬᠦ ᠬᠡᠷᠡᠭᠲᠡᠢ᠂ ᠠᠭᠤᠤ | ᠶᠡᠭᠡ᠂ ᠭᠤᠶᠢᠳᠠ ᠰᠠᠶᠢᠬᠠᠨ᠂ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠶᠠᠭᠤ ᠴᠤ ᠪᠢᠰᠢ᠂ ᠭᠠᠭᠴᠠ ᠬᠦ ᠡᠭᠡᠯ ᠶᠡᠷᠦᠮᠳᠡᠭ ᠠᠮᠢᠳᠤᠷᠠᠯ ᠢ | ᠦᠨᠡᠨ ᠬᠦ ᠰᠠᠶᠢᠬᠠᠨ ᠥᠩᠭᠡᠷᠡᠭᠦᠯᠪᠡᠯ ᠰᠠᠶ᠋ᠢ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠲᠡᠭᠦᠰ ᠠᠮᠵᠢᠯᠲᠠ ᠲᠠᠢ ᠪᠤᠯᠳᠠᠭ᠃ ᠠᠮᠢᠳᠤᠷᠠᠯ ᠤᠨ | ᠦᠨᠡᠨ ᠶᠣᠰᠣ ᠪᠣᠯ ᠡᠭᠡᠯ ᠶᠡᠷᠦᠮᠳᠡᠭ ᠢᠶᠠᠷ ᠡᠷᠬᠢᠮ ᠨᠠᠨᠳᠢᠨ ᠢ ᠢᠯᠡᠷᠡᠭᠦᠯᠵᠦ᠂ ᠲᠦᠭᠦᠮ ᠠᠪᠰᠠᠷ ᠢᠶᠠᠷ ᠵᠣᠯ ᠵᠢᠷᠭᠠᠯ ᠢ | ᠣᠯᠳᠠᠭ ᠲᠤ ᠪᠤᠢ᠃ | ᠠᠮᠢ ᠨᠠᠰᠤ ᠬᠢᠵᠠᠭᠠᠷ ᠲᠠᠢ᠂ ᠠᠮᠢᠳᠤᠷᠠᠯ ᠳᠤ ᠬᠠᠰᠤᠬᠤ ᠠᠷᠭᠠ ᠶᠢ ᠵᠥᠪ ᠬᠡᠷᠡᠭᠯᠡᠵᠦ ᠴᠢᠳᠠᠪᠠᠯ ᠰᠠᠶ᠋ᠢ ᠶᠠᠭᠤ | ᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ᠂ ᠶᠠᠭᠤ ᠨᠢ ᠬᠠᠮᠤᠭ ᠤᠨ ᠦᠨᠡ ᠴᠡᠨᠡ ᠲᠠᠢ ᠭᠡᠳᠡᠭ ᠢ ᠮᠡᠳᠡᠷᠡᠳᠡᠭ᠃ ᠠᠮᠢᠳᠤᠷᠠᠯ ᠳᠠᠭᠠᠨ ᠭᠡᠲᠦ | ᠣᠯᠠᠨ ᠲᠣᠳᠣᠷᠬᠠᠶᠢᠯᠠᠯᠲᠠ ᠥᠭᠴᠦ ᠪᠤᠯᠬᠤ ᠦᠭᠡᠢ᠂ ᠪᠠᠰᠠ ᠲᠡᠶᠢᠮᠦ ᠴᠦ ᠠᠯᠤᠰ ᠭᠡᠳᠦ ᠶᠢᠨ ᠬᠠᠷᠠᠯᠲᠠ ᠲᠣᠭᠲᠠᠭᠠᠬᠤ | ᠴᠢᠬᠤᠯᠠ ᠦᠭᠡᠢ᠂ ᠳᠥᠭᠦᠮ ᠠᠪᠰᠠᠷᠬᠠᠨ ᠠᠮᠢᠳᠤᠷᠠᠬᠤ ᠪᠣᠯ ᠵᠢᠩᠬᠢᠨᠢ ᠤᠳᠬᠠ ᠠᠭᠤᠯᠭᠠ ᠮᠥᠨ᠃ ᠬᠢᠵᠠᠭᠠᠷ ᠲᠠᠢ | ᠠᠮᠢᠳᠤᠷᠠᠯ ᠢᠶᠠᠨ ᠬᠢᠯᠪᠠᠷᠴᠢᠯᠠᠨ ᠰᠤᠷᠴᠤ᠂ ᠬᠤᠳᠠᠯ ᠬᠠᠭᠤᠷᠮᠠᠭ ᠢ ᠨᠢ ᠬᠠᠶᠠᠵᠤ ᠵᠢᠩᠬᠢᠨᠢ ᠦᠨᠡᠨ ᠢ ᠨᠢ ᠦᠯᠡᠳᠡᠭᠡᠵᠦ᠂ | ᠠᠮᠢᠳᠤᠷᠠᠯ ᠢ ᠪᠣᠷᠣᠭᠵᠢᠭᠤᠨ ᠠᠪᠰᠠᠷ ᠪᠣᠯᠭᠠᠪᠠᠯ ᠰᠠᠶ᠋ᠢ ᠠᠵᠠ ᠵᠢᠷᠭᠠᠯ ᠢ ᠥᠨᠢᠳᠡ ᠶᠢᠨ ᠪᠤᠯᠭᠠᠵᠤ ᠴᠢᠳᠠᠨᠠ᠃ | | |