| | ᠥᠴᠥᠭᠡᠳᠦᠷ᠂ ᠥᠨᠥᠳᠥᠷ᠂ ᠮᠠᠷᠭᠠᠰᠢ ᠭᠡᠳ ᠯᠡ ᠬᠥᠮᠥᠰ ᠪᠤᠵᠢᠭᠢᠨᠠᠳᠠᠭ᠃ ᠥᠨᠥᠳᠥᠷ ᠳᠠᠭᠤᠰᠬᠠᠭᠠ | ᠦᠭᠡᠢ ᠠᠵᠢᠯ ᠢᠶᠠᠨ ᠵᠠᠯᠭᠠᠨ ᠬᠢᠬᠦ ᠭᠡᠪᠡᠯ ᠮᠠᠷᠭᠠᠰᠢ ᠬᠡᠷᠡᠭᠲᠡᠢ᠃ ᠲᠡᠭᠡᠪᠡᠴᠦ ᠮᠠᠨᠠᠶᠢᠬᠢᠨ ᠳᠤ ᠮᠠᠷᠭᠠᠰᠢ ᠲᠤᠩ ᠤᠯᠠᠨ | ᠶᠤᠮᠰᠠᠨᠵᠠᠢ ᠁ ᠣᠷᠣᠢ ᠬᠤᠨᠢ ᠲᠣᠭᠠᠯᠠᠭᠠᠳ ᠨᠢᠭᠡ ᠳᠤᠲᠠᠭᠰᠠᠨ ᠢᠶᠠᠨ ᠬᠤᠨᠢᠴᠢᠨ ᠮᠡᠳᠡᠯᠡ᠃ ᠰᠤᠷᠠᠭ ᠭᠠᠷᠭᠠᠵᠤ᠂ | ᠡᠷᠢᠯ ᠳᠤ ᠶᠠᠪᠤᠮᠠᠷ ᠪᠠᠶᠢᠭᠰᠠᠨ ᠴᠦ ᠳᠣᠲᠣᠷ ᠨᠢ ᠡᠪᠭᠦᠶᠢᠷᠡᠵᠦ ᠬᠠᠷᠠᠯᠠᠭᠠᠳ ᠥᠨᠥᠬᠢ ︽ᠮᠠᠭᠤ ᠤᠰᠤᠨ︾ ᠤ ᠢᠳᠡ ᠮᠥᠨ | ᠰᠤᠯᠠᠳᠠᠭᠠ ᠦᠭᠡᠢ ᠪᠤᠯᠤᠯᠲᠠᠢ᠃ ︽ᠴᠢ ᠶᠠᠩᠰᠢᠪᠠᠯ ᠶᠠᠩᠰᠢ᠂ ᠨᠣᠬᠠᠢ ᠲᠠ ᠬᠤᠶᠠᠷ ᠯᠡ ᠠᠮᠠ ᠬᠠᠮᠬᠢᠳᠠᠭ ᠦᠭᠡᠢ ᠶᠤᠮ︾ | ᠭᠡᠵᠦ ᠡᠬᠡᠨᠡᠷ ᠢᠶᠠᠨ ᠭᠦᠯᠦᠶᠢᠭᠰᠡᠨ ᠬᠤᠨᠢᠴᠢᠨ᠄ ︽ᠮᠠᠷᠭᠠᠰᠢ ᠪᠣᠯᠣᠶᠠ︾ ᠭᠡᠰᠡᠨ ᠦᠭᠡ ᠴᠢᠯᠠᠭᠤᠳᠠᠭᠰᠠᠨ ᠢᠶᠠᠨ ᠱᠣᠩ | ᠦᠵᠡᠭᠰᠡᠨ ᠬᠤᠷᠭᠤᠳᠠᠭᠠ ᠮᠣᠷᠢ ᠰᠢᠭ᠋ ᠭᠡᠷ ᠵᠦᠭ ᠢᠶᠠᠨ ᠱᠣᠭᠰᠢᠵᠠᠢ᠃ ᠁ ᠲᠤᠭᠠ ᠰᠢᠯᠭᠠᠬᠤ ᠪᠠᠷ ᠲᠡᠭ ᠣᠯᠴᠢᠬᠠᠵᠤ | ᠮᠠᠨ ᠤ ᠳᠡᠭᠦᠦ ᠶᠢᠨ ᠤᠷᠤᠭᠤᠯ ᠲᠥᠭᠡ ᠰᠤᠨᠤᠯᠠ᠃ ᠶᠠᠭᠠᠬᠢᠵᠤ ᠪᠤᠷᠤᠭᠤᠳᠠᠪᠠ ᠭᠡᠵᠦ ᠰᠠᠨᠠᠭᠠ ᠦᠭᠡᠢ᠂ ᠶᠠᠭᠠᠬᠢᠵᠤ | ᠬᠥᠮᠥᠨ ᠳᠤ ᠬᠡᠯᠡᠬᠦ ᠶᠤᠮ ᠭᠡᠵᠦ ᠨᠡᠷᠡᠯᠬᠡᠨ ᠪᠤᠳᠤᠬᠰᠠᠨ ᠲᠡᠷᠡ ᠪᠠᠭᠰᠢ ᠶᠢᠨ ᠢᠶᠠᠨ ᠠᠵᠢᠯᠯᠠᠬᠤ ᠭᠡᠷ ᠤᠨ ᠡᠮᠦᠨᠡᠭᠦᠷ ᠰᠡᠮᠡᠭᠡᠷ | ᠥᠩᠭᠡᠷᠡᠵᠦ᠂ ᠰᠠᠭᠰᠤᠨ ᠪᠥᠮᠪᠦᠭᠡ ᠪᠠᠨ ᠲᠡᠪᠡᠷᠢᠭᠡᠳ ᠴᠠᠭᠠᠰᠢ ᠭᠦᠶᠦᠴᠢᠬᠡᠯᠡ᠃ ᠪᠠᠭᠰᠢ ᠨᠢ ᠭᠡᠮ ᠲᠠᠢ ᠰᠤᠷᠤᠬᠴᠢ ᠪᠠᠨ | ᠣᠯᠵᠤ ᠦᠵᠡᠭᠰᠡᠨ ᠦᠭᠡᠢ ᠪᠢᠰᠢ᠂ ᠳᠠᠭᠤᠳᠠᠬᠤ ᠭᠡᠵᠦ ᠡᠭᠦᠳᠡ ᠥᠭᠡᠳᠡ ᠪᠠᠨ ᠬᠠᠭᠠᠰ ᠠᠯᠬᠤᠭᠠᠳ ᠵᠣᠭᠰᠣᠴᠢᠬᠠᠯᠠ ᠁ | ᠬᠠᠳᠠᠮ ᠡᠵᠢ ᠶᠢᠨ ᠴᠢᠷᠠᠢ ᠬᠡᠴᠡᠭᠦᠦ ᠪᠦᠷᠬᠦᠶᠢᠵᠦ ᠪᠠᠶᠢᠭᠰᠠᠨ᠂ ᠪᠢ ᠠᠮᠵᠢᠭᠤᠯᠵᠤ ᠪᠤᠳᠠᠭᠠ ᠴᠢᠨᠠᠭᠠᠳ ᠨᠠᠷᠠ ᠭᠠᠷᠭᠠᠵᠤ | ᠠᠪᠬᠤ ᠪᠤᠢ ᠭᠡᠴᠢᠬᠡᠭᠰᠡᠨ ᠰᠤᠷᠤᠬᠴᠢ ᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠶᠢᠨ ᠬᠦᠰᠦᠨᠦᠭᠲᠦ ᠪᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠬᠥᠮᠥᠨ ᠤ | ᠬᠢ ᠭᠡᠰᠡᠨ ᠮᠠᠶ᠋ᠢᠭᠲᠠᠢ ᠤᠷᠭᠢᠭᠠᠳ ᠳᠤᠭᠤᠢ ᠪᠠᠨ ᠡᠷᠢᠬᠦ ᠪᠠᠷ ᠭᠠᠷᠤᠯᠠ᠃ ᠵᠠ᠂ ᠢᠩᠭᠢᠭᠡᠳ ᠪᠠᠭᠰᠢ ᠰᠤᠷᠤᠬᠴᠢ ᠮᠠᠷᠭᠠᠰᠢ | ᠤᠴᠢᠷ ᠢᠶᠠᠨ ᠣᠯᠣᠯᠴᠠᠬᠤ ᠪᠢᠵᠡ᠃ | ᠪᠠᠶᠠᠨ ᠮᠣᠩᠭᠤᠯ ᠶᠤᠮ ᠭᠠᠵᠠᠷ᠂ ᠪᠠᠷᠠᠭᠳᠠᠬᠤ ᠦᠭᠡᠢ ᠮᠠᠷᠭᠠᠰᠢ ᠪᠠᠶᠢᠬᠤ ᠤᠴᠢᠷᠲᠠᠢ ᠲᠤᠯᠠ ᠠᠳᠡ ᠨᠢᠭᠡ | ᠨᠢᠭᠡ ᠪᠠᠷ ᠵᠢᠱᠢᠶᠡ ᠲᠠᠲᠠᠬᠤ ᠦᠭᠡᠢ᠃ ᠶᠠᠭᠤ ᠴᠦ ᠭᠡᠰᠡᠨ ᠴᠢᠨᠦ ᠬᠦᠰᠡᠭᠰᠡᠨ ᠢᠶᠠᠷ᠂ ᠮᠢᠨᠤ ᠠᠶᠤᠭᠰᠠᠨ ᠢᠶᠠᠷ ᠴᠠᠭ ᠮᠥᠴᠡ | ᠨᠠᠭᠠᠰᠢ ᠪᠠᠨ ᠤᠷᠤᠰᠴᠤ᠂ ᠰᠢᠨᠡ ᠣᠨ ᠤ ᠪᠣᠱᠣᠭᠠᠨ ᠳᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠭᠦᠷᠦᠭᠡᠳ ᠢᠷᠡᠯᠡ᠂ ᠪᠢᠳᠡ | ᠴᠢᠨᠢ᠃ ᠬᠠᠮᠢᠶᠠ ᠦᠭᠡᠢ ᠭᠡᠰᠡᠨ ᠦᠭᠡ ᠪᠠᠷ ᠪᠡᠶᠡ ᠪᠠᠨ ᠬᠠᠭᠤᠷᠴᠤ ᠰᠤᠷᠤᠭᠠ ᠦᠭᠡᠢ ᠯᠡ ᠪᠣᠯ᠂ ᠬᠠᠭᠤᠴᠢᠨ ᠳᠠᠩᠰᠠ | ᠪᠠᠨ ᠴᠠᠶᠢᠷᠠᠭᠤᠯᠵᠤ᠂ ᠮᠠᠷᠭᠠᠰᠢ ᠶᠠᠭᠠᠬᠢᠬᠤ ᠪᠠᠨ ᠪᠤᠳᠤᠶᠠ᠃ | ᠪᠦᠭᠦᠶᠢᠯᠡ ᠨᠢᠭᠡ ᠨᠠᠰᠤᠨ ᠳᠤ ᠥᠴᠥᠭᠡᠳᠦᠷ᠂ ᠥᠨᠥᠳᠥᠷ᠂ ᠮᠠᠷᠭᠠᠰᠢ ᠭᠤᠷᠪᠠᠭ᠋ᠠᠨ ᠡᠳᠦᠷ ᠲᠠᠢ ᠭᠡᠵᠦ | ᠬᠡᠯᠡᠬᠦ ᠳᠤ ᠲᠠ ᠨᠠᠷ ᠪᠢᠲᠡᠭᠡᠢ ᠰᠣᠴᠢᠭᠠᠷᠠᠢ᠃ ᠦᠨᠡᠨ ᠳᠡᠭᠡᠨ ᠲᠡᠶᠢᠮᠦ᠃ ᠥᠴᠥᠭᠡᠳᠦᠷ ᠶᠠᠭᠤ ᠣᠯᠣᠯᠠ᠂ ᠥᠨᠥᠳᠥᠷ ᠶᠠᠭᠤ | ᠠᠯᠳᠠᠯᠠ ᠭᠡᠵᠦ ᠲᠠᠷᠢᠬᠢ ᠪᠠᠷᠠᠭᠰᠠᠨ ᠬᠥᠮᠥᠨ ᠥᠭᠡᠳᠡ ᠡᠰᠡᠷᠡᠭ ᠶᠠᠪᠤᠵᠤ ᠮᠡᠳᠡᠨᠡ᠃ ᠭᠡᠶᠡ ᠶᠡᠭᠡ ᠶᠢ ᠬᠢᠨᠡ᠂ ᠲᠡᠪᠡᠷᠢ | ᠪᠠᠭᠲᠠᠬᠤ ᠦᠭᠡᠢ ᠵᠣᠭᠤᠰ ᠲᠠᠢ ᠪᠣᠯᠣᠨᠠ ᠭᠡᠵᠦ ᠵᠡᠭᠦᠳᠦ ᠪᠠᠷ ᠢᠶᠠᠨ ᠱᠠᠯᠪᠢᠩ ᠢᠳᠡᠳᠡᠭ ᠤᠯᠤᠰ ᠬᠡᠢ ᠬᠦᠰᠡᠯ ᠳᠡᠭᠡᠨ | ᠪᠠᠴᠢᠯᠠᠭᠳᠠᠵᠤ᠂ ᠪᠣᠳᠠᠲᠤ ᠠᠬᠤᠢ ᠳᠤ ᠳᠤᠷᠠ ᠦᠭᠡᠶᠢᠴᠡᠨ᠂ ᠮᠡᠳᠡᠭᠰᠡᠨ ᠥᠴᠥᠭᠡᠳᠦᠷ ᠢᠶᠠᠨ ᠮᠠᠷᠲᠠᠵᠤ᠂ ᠮᠡᠳᠡᠭᠡᠳᠦᠢ | ᠥᠨᠥᠳᠥᠷ ᠢᠶᠠᠨ ᠭᠤᠯᠣᠵᠤ᠂ ᠬᠤᠷᠸᠠ ᠶᠢᠨ ᠲᠣᠭᠤᠰᠣᠨ ᠳᠤ ᠡᠷᠬᠡ ᠦᠭᠡᠢ ᠪᠤᠯᠠᠬᠳᠠᠨ ᠡᠬᠢᠯᠡᠨᠡ᠃ ᠲᠡᠭᠡᠭᠦᠯᠡᠷ ᠵᠠᠵᠢᠨ ᠳᠤ | ᠴᠠᠭᠠᠨ ᠦᠰᠦ ᠨᠢᠭᠡ ᠨᠡᠮᠡᠭᠳᠡᠵᠦ᠂ ᠰᠤᠭᠤᠨ ᠳᠤ ᠲᠠᠶᠠᠭ ᠬᠡᠷᠡᠭᠲᠡᠢ ᠮᠥᠴᠡ ᠶᠠᠪᠤᠬᠤ ᠲᠤᠳᠤᠮ ᠢᠶᠠᠨ ᠣᠶᠢᠷᠠᠲᠤᠨᠠ᠃ ᠨᠢᠭᠡ | ᠪᠤᠳᠤᠪᠠᠯ ᠶᠡᠭᠡ ᠠᠶᠤᠮᠠᠷ ᠶᠤᠮ ᠭᠡᠵᠦ ᠳᠣᠲᠣᠷᠠ ᠪᠠᠨ ᠲᠤᠩᠭᠠᠪᠠᠯ ᠵᠣᠬᠢᠨᠠ᠃ ᠮᠠᠷᠭᠠᠰᠢ ᠣᠳᠣᠬᠠᠨ ᠢᠷᠡᠨᠡ ᠰᠢᠦ ᠳ᠋ᠠ | ᠨᠠᠶᠢᠵᠠ ᠨᠠᠷ ᠮᠢᠨᠢ᠂ ᠳᠡᠭᠦᠦ ᠨᠠᠷ ᠮᠢᠨᠢ᠃ | ᠪᠢᠲᠡᠭᠡᠢ ᠡᠪᠰᠢᠶᠡᠨ ᠰᠠᠭᠤ᠂ ᠪᠢᠲᠡᠭᠡᠢ ᠭᠤᠨᠢᠨ ᠰᠠᠭᠤ᠃ ᠶᠠᠭᠤ ᠨᠢᠭᠡ ᠶᠢ ᠬᠢᠨᠡ᠂ ᠠᠳᠠᠭ ᠨᠠᠭᠠᠲᠤ | ᠵᠠᠬᠠ ᠳᠠᠭᠠᠨ ᠰᠠᠭᠠᠷᠢᠲᠤᠭᠰᠠᠨ ᠬᠥᠯ ᠢᠶᠠᠨ ᠤᠬᠢᠶᠠᠨᠠ᠂ ᠪᠠᠯᠪᠠᠷᠬᠠᠢ ᠳᠤᠭᠤᠢ ᠪᠠᠨ ᠵᠠᠰᠠᠨᠠ ᠭᠡᠵᠦ ᠶᠡᠷᠦ ᠳᠡᠭᠡᠨ ᠵᠢᠵᠢᠭ | ᠰᠠᠵᠢᠭ ᠭᠡᠵᠦ ᠤᠪᠠᠶᠢᠯᠠᠭᠠ ᠦᠭᠡᠢ ᠤᠴᠢᠷ ᠢᠶᠠᠨ ᠬᠤᠷᠳᠤᠬᠠᠨ ᠬᠢ᠃ ᠡᠪᠦᠭᠡᠷᠡᠬᠦ ᠦᠭᠡᠢ ᠶᠢᠨ ᠲᠥᠯᠥᠭᠡ᠂ ᠡᠷᠲᠡ | ᠬᠥᠮᠥᠨ ᠳᠤ ᠭᠤᠯᠣᠭᠳᠠᠬᠤ ᠦᠭᠡᠢ ᠶᠢᠨ ᠲᠥᠯᠥᠭᠡ ᠥᠴᠥᠭᠡᠳᠦᠷ ᠥᠨᠥᠳᠥᠷ ᠢᠶᠠᠨ ᠨᠠᠨᠳᠢᠩᠨᠠᠨ ᠰᠢᠷᠭᠠᠭᠠ᠃ | |