| ᠤᠷᠢᠶᠠᠩᠬᠠᠨ ᠤ · ᠶᠤᠨᠳᠤᠨ | | ᠦᠵᠦᠮᠦᠴᠢᠨ ᠠᠳᠣᠭᠤ ᠨᠢ ᠤᠨᠤᠯᠭᠠ᠂ ᠠᠴᠢᠯᠭᠠ᠂ ᠬᠦᠯᠯᠡᠭᠡ ᠶᠢᠨ ᠲᠠᠯᠠ ᠪᠠᠷ ᠠᠰᠦᠷᠦ ᠶᠡᠭᠡ | ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ ᠮᠦᠷᠳᠡᠭᠡᠨ ᠰᠦ᠂ ᠮᠢᠬᠠ᠂ ᠬᠢᠯᠭᠠᠰᠦ᠂ ᠠᠷᠠᠰᠦ ᠰᠢᠷᠢ᠂ ᠠᠷᠭᠠᠯ ᠲᠦᠯᠡᠰᠢ ᠶᠢᠨ ᠲᠠᠯᠠ | ᠪᠠᠷ ᠴᠦ ᠠᠰᠢᠭ ᠰᠢᠮᠡ ᠤᠯᠭᠤᠳᠠᠭ᠃ ᠡᠭᠦᠨ ᠳᠤ ᠭᠡᠭᠦᠤ ᠰᠠᠭᠠᠵᠦ ᠴᠡᠭᠡ ᠭᠠᠷᠭᠠᠬᠤ᠂ ᠬᠦᠷᠦᠩᠭᠡᠯᠡᠬᠦ᠂ ᠠᠨᠠᠭᠠᠬᠤ | ᠵᠠᠰᠠᠯ ᠳᠤ ᠤᠷᠤᠭᠤᠯᠬᠤ᠂ ᠠᠷᠠᠰᠤ ᠰᠢᠷᠢ ᠶᠢ ᠡᠳ᠋ᠯᠡᠭᠡᠨ ᠳᠤ ᠤᠷᠤᠭᠤᠯᠬᠤ᠂ ᠢᠳᠡᠰᠢᠨ ᠳᠤ ᠪᠠᠵᠠᠭᠠᠬᠤ ᠵᠡᠷᠭᠡ ᠦᠢᠯᠡ | ᠪᠠᠭᠳᠠᠳᠠᠭ᠃ ᠭᠡᠭᠦᠤ ᠰᠠᠭᠠᠵᠦ ᠴᠡᠭᠡ ᠭᠠᠷᠭᠠᠬᠤ — ᠤᠨᠠᠭᠠ ᠪᠠᠨ ᠵᠡᠯᠡᠯᠵᠦ᠂ ᠭᠡᠭᠦᠤ ᠰᠠᠭᠠᠨ ᠰᠠᠭᠠᠯᠢ ᠠᠪᠬᠤ ᠶᠢ | ᠴᠡᠭᠡ ᠭᠠᠷᠭᠠᠬᠤ ᠪᠤᠶᠤ ᠦᠷᠡᠰ ᠭᠠᠷᠭᠠᠬᠤ ᠭᠡᠳᠡᠭ᠃ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠ ᠨᠢ ᠵᠤᠨ ᠤ ᠲᠤᠮᠳᠠ ᠰᠠᠷᠠ ᠠᠴᠠ | ᠨᠠᠮᠤᠷ ᠤᠨ ᠰᠡᠭᠦᠯ ᠰᠠᠷᠠ ᠪᠤᠯᠳᠠᠯᠠ ᠴᠡᠭᠡ ᠭᠠᠷᠭᠠᠳᠠᠭ᠃ ᠤᠤᠯ ᠳᠠᠭᠠᠨ ᠮᠤᠩᠭᠤᠯᠴᠤᠳ ᠡᠳᠦᠷ ᠲᠤᠳᠤᠮ ᠤᠨ | ᠬᠡᠷᠡᠭᠯᠡᠭᠡᠨ ᠤ ᠤᠮᠳᠠᠭᠠᠨ ᠢᠶᠠᠨ ᠪᠤᠯᠭᠠᠵᠦ ᠪᠠᠶᠢᠵᠠᠢ᠃ ᠴᠡᠭᠡ ᠬᠦᠷᠦᠩᠭᠡᠯᠡᠬᠦ — ᠭᠡᠭᠦᠤ ᠶᠢᠨ ᠰᠦ ᠪᠠᠨ ᠰᠠᠶᠢᠳᠤᠷ | ᠢᠰᠭᠡᠭᠡᠳ ᠦᠨᠢᠶᠡᠨ ᠰᠦ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢ ᠭᠡᠭᠦᠤ ᠶᠢᠨ ᠭᠦᠢᠳᠡᠨ ᠰᠦ ᠲᠠᠢ ᠬᠤᠯᠢᠵᠦ ᠴᠡᠪᠡᠷ ᠠᠷᠢᠭᠤᠨ | ᠴᠢᠯᠠᠭᠤᠨ ᠭᠠᠩ ᠳᠤ ᠬᠢᠵᠦ᠂ ᠰᠠᠶᠢᠳᠦᠷ ᠪᠦᠯᠢᠵᠦ ᠨᠠᠶᠢᠷᠠᠭᠤᠯᠤᠭᠠᠳ ᠪᠠᠷᠤᠭ 3 — 5 ᠡᠳᠦᠷ | ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠡᠳᠦᠷ ᠪᠦᠷᠢ ᠶᠢᠨ ᠰᠠᠭᠠᠭᠰᠠᠨ ᠰᠠᠭᠠᠯᠢ ᠪᠠᠨ ᠳᠡᠭᠡᠷᠡ ᠨᠢ ᠨᠡᠮᠡᠷᠢᠯᠡᠨᠡ᠂ ᠡᠭᠦᠨ ᠢ | ᠴᠡᠭᠡ ᠭᠦᠷᠦᠩᠬᠡᠯᠡᠨᠡ ᠭᠡᠳᠡᠭ᠃ ᠠᠨᠠᠭᠠᠬᠤ ᠵᠠᠰᠠᠯ ᠳᠤ ᠤᠷᠤᠭᠤᠯᠬᠤ — ᠴᠡᠭᠡ ᠶᠢ ᠮᠤᠩᠭᠤᠯ ᠡᠮᠴᠢᠳ ᠵᠤᠨ | ᠨᠠᠮᠤᠷ ᠲᠠᠭᠠᠨ ᠮᠤᠩᠭᠤᠯ ᠡᠮ ᠲᠠᠢ ᠬᠠᠪᠰᠤᠷᠠᠭᠤᠯᠤᠨ ᠡᠪᠡᠳᠴᠢᠨ ᠡᠮᠨᠡᠬᠦ ᠶᠢ ᠬᠡᠯᠡᠨᠡ᠃ ᠴᠡᠭᠡ ᠨᠢ ᠠᠭᠤᠰᠬᠢ ᠶᠢ | ᠲᠡᠭᠵᠢᠷᠡᠭᠦᠯᠬᠦ᠂ ᠬᠤᠳᠤᠭᠤᠳᠤᠨ ᠤ ᠢᠯᠴᠢ ᠶᠢ ᠨᠡᠮᠡᠭᠳᠡᠭᠦᠯᠬᠦ᠂ ᠲᠡᠯᠢᠭᠦᠤ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠲᠤᠰᠤ ᠡᠰᠡ | ᠰᠢᠩᠭᠡᠭᠡᠰᠡᠨ ᠵᠡᠷᠭᠡ ᠮᠠᠰᠢ ᠤᠯᠠᠨ ᠡᠪᠡᠳᠴᠢᠨ ᠳᠤ ᠡᠳᠡᠭᠡᠷᠡᠭᠦᠯᠬᠦ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠠᠷᠠᠰᠤ ᠰᠢᠷᠢ ᠶᠢ | ᠡᠳ᠋ᠯᠡᠭᠡᠨ ᠳᠤ ᠤᠷᠤᠭᠤᠯᠬᠤ — ᠮᠤᠷᠢᠨ ᠤ ᠠᠷᠠᠰᠤ ᠶᠢ ᠦᠰᠦ ᠶᠢ ᠨᠢ ᠠᠪᠴᠤ ᠢᠳᠡᠭᠡᠯᠡᠨ ᠡᠯᠳᠡᠭᠰᠡᠨ ᠢᠶᠠᠨ | ᠬᠡᠷᠡᠭᠯᠡᠭᠡᠨ ᠤ ᠠᠰᠢᠭᠯᠠᠯᠳᠠ ᠳᠤ ᠤᠷᠤᠭᠤᠯᠬᠤ ᠶᠢ ᠬᠡᠯᠡᠨᠡ᠃ ᠴᠤᠯᠭᠤᠢ ᠰᠤᠷ ᠢᠶᠠᠷ ᠡᠳ᠋ᠯᠡᠬᠦ ᠨᠢ ᠤᠯᠠᠨ᠂ ᠲᠡᠭᠡᠰᠦ | ᠲᠠᠳᠠᠯᠭᠠ ᠬᠢᠬᠦ᠂ ᠦᠳᠡᠭᠡᠷᠢ᠂ ᠤᠯᠤᠩ᠂ ᠲᠡᠩᠨᠡᠭᠡ᠂ ᠢᠰᠡᠭᠡᠢ ᠶᠢᠨ ᠰᠢᠷᠢ ᠵᠡᠷᠭᠡ ᠶᠢ ᠬᠢᠳᠡᠭ᠂ ᠰᠢᠷᠢ ᠶᠢ ᠨᠢ | ᠴᠢᠨᠠᠵᠦ ᠴᠡᠪᠠᠤ ᠬᠢᠵᠦ ᠪᠤᠯᠤᠨᠠ᠂ ᠢᠳᠡᠭᠡᠯᠡᠭᠰᠡᠨ ᠢᠶᠠᠷ ᠨᠢ ᠮᠠᠯᠠᠭᠠᠢ ᠲᠤᠷᠤᠭᠤ ᠬᠢᠬᠦ᠂ ᠲᠡᠪᠢᠰᠭᠡᠷ ᠪᠤᠯᠭᠠᠬᠤ᠂ | ᠲᠤᠯᠤᠮ ᠱᠤᠤᠮᠠᠰ ᠬᠢᠬᠦ᠂ ᠡᠮᠡᠭᠡᠯ ᠤᠨ ᠭᠠᠨᠵᠤᠭᠠ ᠬᠢᠵᠦ ᠪᠦᠷ ᠪᠤᠯᠤᠨᠠ᠃ ᠢᠳᠡᠰᠢᠨ ᠳᠤ ᠪᠠᠵᠠᠭᠠᠬᠤ — ᠮᠤᠷᠢ | ᠭᠡᠭᠦᠤ ᠶᠢ ᠡᠪᠦᠯ ᠤᠨ ᠢᠳᠡᠰᠢᠨ ᠳᠤ ᠪᠠᠵᠠᠭᠠᠵᠦ ᠲᠠᠯᠪᠢᠳᠠᠭ᠂ ᠮᠤᠷᠢᠨ ᠮᠢᠬᠠ ᠨᠢ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠤᠯᠬᠤᠷ | ᠶᠡᠭᠡ ᠦᠯᠴᠢᠷ ᠪᠠᠶᠢᠵᠦ᠂ ᠡᠪᠦᠯ ᠤᠨ ᠭᠦᠢᠳᠡᠨ ᠳᠤ ᠴᠠᠷᠴᠠᠬᠤ ᠠᠴᠠ ᠪᠢᠰᠢ ᠭᠦᠯᠳᠡᠳᠡᠭ ᠦᠭᠡᠢ ᠶᠤᠮ᠃ | |