| | | ● ᠰᠣᠳᠣᠪᠠᠶᠠᠷ | | ᠤᠷᠤᠰᠬᠠᠯ ᠤᠰᠤ ᠪᠤᠯᠠᠭ ᠠᠴᠠ ᠡᠬᠢ ᠲᠠᠢ | ᠤᠬᠠᠭᠠᠨ ᠪᠢᠯᠢᠭ ᠨᠣᠮ ᠠᠴᠠ ᠡᠬᠢ ᠲᠠᠢ ᠬᠡᠮᠡᠳᠡᠭ᠃ | | - ᠪᠢ ᠵᠢᠯ ᠴᠠᠭᠠᠨ ᠰᠠᠷᠠ᠂ ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠢ ᠪᠤᠤ ᠭᠡᠯᠡ᠂ ᠡᠩ ᠤᠨ ᠴᠠᠭ ᠲᠤ ᠴᠤ | ᠬᠥᠮᠥᠰ ᠲᠤ ᠨᠣᠮ ᠤᠨ ᠪᠡᠯᠡᠭ ᠬᠦᠷᠭᠡᠳᠡᠭ᠃ ᠮᠢᠨᠤ ᠨᠣᠮ ᠤᠨ ᠪᠡᠯᠡᠭ ᠳᠤᠰᠤᠭᠰᠠᠨ ᠬᠥᠮᠥᠨ ᠬᠡᠴᠢᠨᠡᠨ ᠪᠣᠯᠤᠭᠰᠠᠨ ᠢ | ᠪᠢ ᠥᠪᠡᠷ ᠢᠶᠠᠨ ᠴᠤ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠨᠠ᠃ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠬᠥᠮᠥᠨ ᠳᠤ ᠪᠦᠷ ᠯᠡ ᠬᠦᠷᠭᠡᠭᠰᠡᠭᠡᠷ | ᠢᠷᠡᠭᠰᠡᠨ᠃ ᠬᠡᠵᠢᠶᠡ ᠨᠣᠮ ᠤᠨ ᠪᠡᠯᠡᠭ ᠪᠠᠷᠢᠬᠤ ᠬᠥᠮᠥᠰ ᠣᠯᠠᠰᠢᠷᠠᠵᠤ ᠨᠡᠶᠢᠭᠡᠮ ᠳᠠᠶᠠᠭᠠᠷ ᠲᠤ ᠨᠣᠮ ᠤᠨ ᠪᠡᠯᠡᠭ | ᠪᠠᠷᠢᠬᠤ ᠤᠴᠢᠷ ᠤᠬᠠᠭᠠᠨ ᠮᠡᠳᠡᠷᠡᠭᠳᠡᠵᠦ ᠲᠠᠨᠢᠭᠳᠠᠪᠠᠯ ᠮᠢᠨᠤ ᠪᠠᠷᠢᠭᠰᠠᠨ ᠪᠡᠯᠡᠭ ᠤᠨ ᠬᠠᠷᠢᠭᠤ ᠲᠡᠷᠡ ᠪᠤᠯᠬᠤ ᠶᠤᠮ᠃ | ᠪᠢ ᠰᠠᠶ᠋ᠢ ᠵᠣᠷᠢᠯᠭᠠ ᠳᠠᠭᠠᠨ ᠬᠦᠷᠴᠦ ᠪᠠᠶᠠᠷ ᠪᠠᠭ᠋ᠠᠳᠤᠯ ᠢᠶᠠᠨ ᠣᠯᠣᠨᠠ ᠰᠢᠤ᠃ | - ᠡᠮᠦᠨᠡ ᠬᠤᠶᠠᠷ ᠡᠳᠦᠷ ᠪᠢ ᠨᠤᠲᠤᠭ ᠤᠨ ᠠᠶᠢᠯ ᠤᠨ ᠴᠠᠢ ᠳᠤ ᠨᠣᠮ ᠤᠨ ᠪᠡᠯᠡᠭ ᠲᠠᠢ ᠶᠠᠪᠤᠭᠠᠳ | ᠢᠷᠡᠯᠡ᠃ ᠶᠡᠷᠦᠨᠢ ᠴᠠᠭᠠᠨ ᠰᠠᠷᠠ ᠳᠥᠬᠦᠵᠦ ᠪᠠᠶᠢᠨᠠ᠂ ᠪᠢ ᠪᠠᠰᠠ ᠨᠢᠭᠡ ᠪᠦᠯᠦᠭ ᠨᠣᠮ ᠪᠡᠯᠡᠳᠬᠡᠭᠰᠡᠨ᠂ ᠰᠠᠷᠠ | ᠰᠢᠨᠡ ᠳᠡᠭᠡᠨ ᠨᠣᠮ ᠤᠨ ᠪᠡᠯᠡᠭ ᠲᠠᠢ ᠴᠠᠭᠠᠯᠠᠨᠠ ᠳ᠋ᠠ ᠬᠡᠮᠡᠨ ᠨᠠᠷᠠᠨᠭᠡᠷᠡᠯ ᠶᠠᠷᠢᠨᠠ᠃ ᠨᠡᠬᠡᠷᠡᠨ ᠨᠣᠮ ᠤᠨ ᠴᠠᠭᠠᠨ | ᠪᠤᠶᠠᠨ ᠳᠡᠯᠭᠡᠷᠡᠭᠦᠯᠵᠦ ᠶᠠᠪᠤᠭᠠ ᠵᠢᠷ ᠤᠨ ᠨᠢᠭᠡᠨ ᠦᠰᠦᠴᠢᠨ ᠪᠦᠰᠡᠭᠦᠢ ᠦᠰᠦ ᠵᠠᠰᠠᠬᠤ ᠵᠢᠵᠢᠭᠬᠡᠨ | ᠥᠷᠥᠭᠡᠨ ᠠᠴᠠ ᠪᠠᠨ ᠥᠷᠥᠭᠡᠯ ᠪᠤᠰᠤᠳ ᠲᠤ ᠨᠣᠮ ᠤᠨ ᠭᠡᠭᠡ ᠰᠠᠴᠤᠵᠤ ᠶᠠᠪᠤᠭᠠ ᠪᠤᠶᠠᠨᠲᠤ ᠦᠢᠯᠡᠰ ᠢ ᠡ᠊ᠨᠳᠡ | ᠳᠤᠷᠠᠳᠬᠤ ᠳᠤ ᠡᠴᠢᠨᠡ ᠬᠤᠯᠠ ᠶᠢᠨ ᠤᠴᠢᠷ ᠤᠬᠠᠭᠠᠨ ᠠᠭᠤᠯᠤᠭᠳᠠᠬᠤ ᠠᠵᠢ᠃ | ᠨᠠᠷᠠᠨᠭᠡᠷᠡᠯ ᠪᠠᠶᠠᠨᠬᠤᠲᠠ ᠳᠤ ᠦᠰᠦ ᠵᠠᠰᠠᠬᠤ ᠭᠠᠵᠠᠷ ᠡᠷᠭᠢᠯᠡᠭᠡᠳ ᠬᠤᠷᠢᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ | ᠪᠤᠢ᠃ ᠲᠡᠷᠡ 2020 ᠣᠨ ᠠᠴᠠ ᠡᠬᠢᠯᠡᠨ ᠨᠣᠮ ᠤᠨ ᠪᠡᠯᠡᠭ ᠪᠠᠷᠢᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠡᠬᠢᠯᠡᠭᠦᠯᠦᠨ | ᠲᠦᠮᠡ ᠭᠠᠷᠤᠢ ᠲᠥᠭᠦᠷᠢᠭ ᠤᠨ ᠮᠢᠩᠭᠠ ᠣᠷᠴᠢᠮ ᠨᠣᠮ ᠰᠤᠳᠤᠷ ᠢ ᠪᠡᠯᠡᠭ ᠲᠤ ᠵᠠᠷᠤᠵᠠᠢ᠃ ᠡᠨᠡ ᠨᠢ ᠲᠡᠭᠦᠨ ᠤ | ᠨᠣᠮ ᠰᠤᠳᠤᠷ ᠢᠶᠠᠨ ᠳᠡᠭᠡᠳᠦᠯᠡᠬᠦ᠂ ᠨᠣᠮ ᠰᠤᠳᠤᠷ ᠢᠶᠠᠨ ᠤᠩᠰᠢᠬᠤ ᠶᠢ ᠪᠤᠰᠤᠳ ᠲᠤ ᠳᠠᠭᠤᠷᠢᠶᠠᠯ ᠦᠵᠡᠭᠦᠯᠦᠨ | ᠳᠠᠶᠢᠴᠢᠯᠠᠭᠰᠠᠨ ᠤᠴᠢᠷ ᠲᠠᠢ ᠦᠢᠯᠡ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠵᠢᠯ ᠴᠠᠭᠠᠨ ᠰᠠᠷᠠ ᠤᠶᠢᠷᠠᠳᠴᠦ᠂ ᠬᠥᠮᠥᠰ ᠰᠠᠷᠠ ᠰᠢᠨᠡ ᠶᠢᠨ ᠪᠡᠯᠡᠭ ᠢᠶᠠᠨ ᠪᠡᠯᠡᠳᠴᠦ ᠶᠠᠭᠠᠷᠠᠭᠠ | ᠪᠠᠶᠢᠯᠭᠦᠢ᠃ ᠠᠬᠠᠮᠠᠳ ᠪᠤᠭᠤᠷᠤᠯ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠠᠭᠠᠨ ᠶᠠᠮᠠᠷ ᠰᠠᠶᠢᠬᠠᠨ ᠤᠳᠬᠠ ᠠᠭᠤᠯᠭᠠ ᠪᠦᠬᠦᠢ | ᠪᠡᠯᠡᠭ ᠲᠠᠢ ᠵᠣᠯᠭᠠᠬᠤ ᠪᠢᠯᠡ︖ ᠡᠨᠡ ᠬᠦ ᠠᠰᠠᠭᠤᠯᠳᠠ ᠨᠢ ᠲᠠ ᠪᠢᠳᠠᠨ ᠤ ᠲᠠᠷᠢᠬᠢᠨ ᠳᠤ ᠡᠷᠭᠢᠯᠳᠦᠵᠦ ᠪᠠᠶᠢᠭᠠ ᠨᠢ | ᠳᠠᠮᠵᠢᠭ ᠦᠭᠡᠢ᠃ | ᠣᠶᠢᠷᠠ ᠶᠢᠨ ᠵᠢᠯ ᠳᠤ ᠭᠠᠵᠠᠷ ᠣᠷᠣᠨ ᠤ ᠪᠤᠶᠤ ᠦᠨᠳᠦᠰᠦᠲᠡᠨ ᠤ ᠣᠨᠴᠠᠯᠢᠭᠲᠤ ᠢᠳᠡᠭᠡᠨ ᠤᠮᠳᠠᠭᠠᠨ᠂ | ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠵᠦᠢᠯᠡᠰ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠲᠤ ᠢᠯᠡᠭᠦᠴᠡ ᠵᠠᠷᠤᠭᠳᠠᠬᠤ ᠪᠣᠯᠤᠭᠰᠠᠨ ᠨᠢ ᠦᠨᠡᠨ᠃ | ᠡᠭᠦᠨ ᠢ ᠳᠠᠭᠠᠯᠳᠤᠨ ᠨᠣᠮ ᠤᠨ ᠪᠡᠯᠡᠭ ᠴᠤ ᠣᠷᠣᠨ ᠵᠠᠢ ᠪᠠᠨ ᠣᠯᠵᠤ᠂ ᠬᠡᠪ ᠤᠨ ᠴᠠᠢ᠂ ᠠᠷᠢᠬᠢ ᠬᠠᠳᠠᠭ᠂ ᠴᠠᠭᠠᠨ | ᠢᠳᠡᠭᠡᠨ ᠰᠢᠭ ᠣᠷᠣᠢ ᠶᠢᠨ ᠳᠡᠭᠡᠳᠦ ᠪᠡᠯᠡᠭ ᠪᠣᠯᠵᠤ ᠵᠠᠷᠤᠭᠳᠠᠬᠤ ᠦᠭᠡᠢ ᠴᠤ ᠭᠡᠰᠡᠨ ᠬᠡᠦᠬᠡᠳ ᠪᠠᠭᠠᠴᠤᠳ᠂ ᠠᠨᠳᠠ | ᠨᠠᠶᠢᠵᠠ᠂ ᠠᠶᠢᠯ ᠰᠠᠭᠠᠬᠠᠯᠲᠠ ᠳᠠᠭᠠᠨ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠪᠤᠯᠭᠠᠬᠤ᠂ ᠬᠤᠪᠢ ᠶᠢᠨ ᠪᠡᠯᠡᠭ ᠪᠤᠯᠭᠠᠬᠤ᠂ | ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠡᠯᠡᠭ ᠪᠤᠯᠭᠠᠬᠤ ᠁ ᠨᠢ ᠵᠥᠩᠳᠡᠭᠡᠨ ᠬᠠᠷᠠᠭᠳᠠᠬᠤ ᠪᠣᠯᠤᠭᠰᠠᠨ ᠨᠢ ᠰᠠᠶᠢᠬᠠᠨ ᠤᠴᠢᠷ | ᠪᠣᠯᠵᠤ ᠤᠯᠠᠨ ᠤ ᠠᠩᠬᠠᠷᠤᠯ ᠳᠤ ᠲᠤᠰᠴᠦ ᠪᠤᠢ᠃ ᠶᠡᠷᠦᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠭᠡᠭᠴᠢ ᠤᠯᠠᠨ ᠵᠦᠢᠯ | ᠪᠠᠶᠢᠳᠠᠭ ᠢ ᠪᠢᠳᠠ ᠮᠡᠳᠡᠨᠡ᠃ ᠨᠠᠮᠠᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠬᠡᠪ ᠤᠨ ᠴᠠᠢ ᠨᠢ ᠬᠠᠮᠤᠭ ᠤᠨ ᠬᠦᠨᠳᠦᠲᠡᠢ ᠪᠡᠯᠡᠭ | ᠪᠠᠶᠢᠵᠤ᠂ ᠡᠯᠡᠭᠳᠡᠵᠦ ᠬᠠᠭᠤᠴᠢᠷᠠᠭᠰᠠᠨ ᠬᠡᠪ ᠤᠨ ᠴᠠᠢ ᠪᠠᠨ ᠲᠠᠭᠢᠨ ᠰᠣᠨᠢᠨ ᠤ ᠴᠠᠭᠠᠰᠤ ᠪᠤᠶᠤ ᠴᠠᠭᠠᠨ ᠰᠢᠷᠠ | ᠴᠠᠭᠠᠰᠤ ᠪᠠᠷ ᠭᠠᠳᠠᠷᠯᠠᠭᠠᠳ ᠳᠡᠭᠡᠷᠡ ᠨᠢ ᠠᠯᠠᠭᠠᠨ ᠠᠴᠠ ᠪᠠᠭᠠ ᠰᠢᠭ᠋ ᠤᠯᠠᠭᠠᠨ ᠴᠠᠭᠠᠰᠤ ᠨᠠᠭᠠᠵᠤ ᠡᠨᠡ ᠠᠶᠢᠯ ᠤᠨ | ᠰᠢᠷᠡᠭᠡᠨ ᠠᠴᠠ ᠨᠦᠭᠦᠭᠡ ᠠᠶᠢᠯ ᠤᠨ ᠰᠢᠷᠡᠭᠡᠨ ᠳᠤ ᠭᠦᠷᠳᠡᠯᠡ ᠳᠠᠮᠵᠢᠭᠳᠠᠳᠠᠭ ᠪᠠᠶᠢᠭᠰᠠᠨ ᠢ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ | ᠬᠡᠪ ᠤᠨ ᠴᠠᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠨᠢᠭᠡ ᠨᠢ ᠴᠠᠰᠤᠨ ᠰᠢᠬᠢᠷ ᠪᠤᠶᠤ ᠤᠯᠠᠨ ᠵᠦᠢᠯ ᠤᠨ ᠰᠢᠬᠢᠷ᠂ ᠴᠢᠪᠠᠭᠠ᠂ | ᠡᠯᠵᠢᠭᠡᠨ ᠴᠢᠬᠢ ᠶᠢ ᠨᠡᠶᠢᠯᠡᠭᠦᠯᠦᠨ ᠮᠣᠣᠲᠤᠤ ᠴᠠᠭᠠᠰᠤᠨ ᠳᠤ ᠪᠣᠭᠤᠵᠤ ᠨᠠᠷᠢᠨ ᠤᠲᠠᠰᠤ ᠪᠠᠷ ᠪᠠᠭᠯᠠᠭᠠᠳ | ᠪᠣᠭᠤᠳᠠᠯ ᠤᠨ ᠳᠡᠭᠡᠷᠡ ᠨᠢ ᠮᠥᠨ ᠤᠯᠠᠭᠠᠨ ᠴᠠᠭᠠᠰᠤ ᠨᠠᠭᠠᠬᠤ ᠪᠤᠶᠤ ᠬᠠᠪᠴᠢᠭᠤᠯᠤᠭᠠᠳ ᠪᠡᠯᠡᠭ ᠲᠤ ᠵᠠᠷᠤᠳᠠᠭ | ᠪᠠᠶᠢᠭᠰᠠᠨ᠂ ᠡᠭᠦᠨ ᠢ ᠪᠠᠭᠴᠠ ᠭᠡᠳᠡᠭ᠃ ᠲᠡᠷᠡ ᠨᠢ ᠮᠥᠨ ᠬᠦ ᠬᠡᠪ ᠤᠨ ᠴᠠᠢ᠂ ᠠᠷᠢᠬᠢ ᠬᠠᠳᠠᠭ ᠲᠠᠢ ᠠᠳᠠᠯᠢ ᠪᠠᠷ | ᠪᠡᠯᠡᠭ ᠤᠨ ᠳᠡᠭᠡᠳᠦ ᠨᠢ ᠪᠣᠯᠵᠤ ᠪᠤᠰᠤᠳ ᠪᠡᠯᠡᠭ ᠰᠡᠯᠲᠡ ᠶᠢᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠭᠠᠲᠠᠢ ᠬᠠᠷᠠᠭᠳᠠᠳᠠᠭ ᠪᠠᠶᠢᠭᠰᠠᠨ | ᠪᠢᠯᠡ᠃ ᠤᠳᠤ ᠬᠡᠪ ᠤᠨ ᠴᠠᠢ ᠨᠢ ᠬᠦᠨᠳᠦ ᠪᠡᠯᠡᠭ ᠤᠨ ᠶᠣᠰᠣ ᠪᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠲᠤ ᠵᠠᠷᠤᠭᠳᠠᠵᠤ | ᠪᠠᠶᠢᠭᠠ ᠴᠤ ᠪᠠᠭᠴᠠ ᠬᠠᠷᠢᠨ ᠣᠷᠣ ᠲᠠᠰᠤ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠨᠣᠮ ᠤᠨ ᠪᠡᠯᠡᠭ ᠴᠤ ᠨᠢᠭᠡᠨ | ᠶᠣᠰᠣᠨ ᠳᠠᠭᠠᠨ ᠢᠷᠦᠭᠡᠯ ᠪᠡᠯᠭᠡ ᠲᠠᠢ ᠬᠦᠨᠳᠦ ᠪᠡᠯᠡᠭ ᠪᠤᠯᠬᠤ ᠨᠢ ᠯᠠᠪᠲᠠᠢ ᠪᠤᠶᠤ᠃ ᠬᠠᠷᠢᠨ ᠬᠡᠪ ᠤᠨ ᠴᠠᠢ᠂ | ᠴᠠᠭᠠᠨ ᠢᠳᠡᠭᠡ ᠲᠠᠢ ᠠᠳᠠᠯᠢ ᠪᠠᠷ ᠠᠶᠢᠯ ᠪᠣᠯᠭᠠᠨ ᠳᠤ ᠪᠠᠷᠢᠳᠠᠭ ᠬᠦᠨᠳᠦ ᠪᠡᠯᠡᠭ ᠢᠶᠠᠷ ᠬᠡᠷᠡᠭᠯᠡᠬᠦ ᠦᠭᠡᠢ ᠴᠤ ᠭᠡᠰᠡᠨ | ᠠᠨᠳᠠ ᠨᠥᠬᠦᠳ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠠᠭᠠᠨ ᠭᠠᠷ ᠤᠨ ᠪᠡᠯᠡᠭ ᠪᠣᠯᠭᠠᠨ ᠬᠦᠷᠭᠡᠵᠦ ᠪᠤᠯᠬᠤ ᠠᠵᠢ᠃ | ᠲᠡᠭᠡᠪᠡᠯ ᠪᠢᠳᠠ ᠶᠠᠭᠤᠨ ᠳᠤ ᠨᠣᠮ ᠤᠨ ᠪᠡᠯᠡᠭ ᠲᠠᠢ ᠴᠠᠭᠠᠯᠠᠬᠤ ᠶᠢ ᠤᠷᠢᠶᠠᠯᠠᠬᠤ ᠪᠤᠢ︖ ᠡᠨᠡ ᠲᠤᠬᠠᠢ | ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠰᠣᠶᠣᠯ ᠲᠡᠦᠬᠡ ᠰᠤᠳᠤᠯᠬᠤ ᠣᠷᠳᠣᠨ ᠤ ᠰᠤᠳᠤᠯᠤᠭᠴᠢ | ᠭᠡᠰᠢᠭᠦᠨ᠂ ᠬᠠᠩᠭᠠᠢ ᠨᠣᠮ ᠤᠨ ᠬᠤᠷᠢᠶᠠ ᠶᠢᠨ ᠡᠵᠡᠨᠳᠡᠨ G · ᠴᠣᠭᠲᠤ ᠪᠠᠭᠰᠢ᠂ ᠲᠡᠭᠷᠢ ᠶᠢᠨ ᠪᠣᠲᠣᠭᠤ ᠰᠣᠶᠣᠯ | ᠨᠣᠮ ᠤᠨ ᠦᠷᠭᠦᠭᠡ ᠶᠢᠨ ᠡᠵᠡᠨᠳᠡᠨ ᠬᠤᠩ ᠮᠸᠢ ᠲᠠᠢ ᠪᠣᠯᠤᠭᠰᠠᠨ ᠵᠣᠭᠤᠭ ᠢᠶᠠᠨ ᠡ᠊ᠨᠳᠡ ᠲᠣᠯᠢᠳᠠᠭᠤᠯᠵᠤ ᠪᠠᠶᠢᠨᠠ᠃ | | - ᠨᠣᠮ ᠤᠩᠰᠢᠬᠤ ᠨᠢ ᠬᠥᠮᠥᠰ ᠤᠨ ᠤᠢ ᠪᠢᠯᠢᠭ ᠢ ᠨᠡᠭᠡᠭᠡᠭᠳᠡᠭᠦᠯᠵᠦ᠂ ᠠᠷᠪᠢᠨ ᠵᠦᠢᠯ ᠤᠨ | ᠮᠡᠳᠡᠯᠭᠡ ᠶᠢ ᠬᠤᠷᠠᠮᠳᠤᠭᠤᠯᠵᠤ ᠦᠭᠳᠡᠭ᠃ ᠨᠣᠮ ᠤᠩᠰᠢᠳᠠᠭ ᠬᠥᠮᠥᠨ ᠪᠠ ᠨᠣᠮ ᠤᠩᠰᠢᠳᠠᠭ ᠦᠭᠡᠢ ᠬᠥᠮᠥᠨ | ᠦᠭᠡ ᠶᠠᠷᠢᠶᠠ᠂ ᠦᠢᠯᠡ ᠠᠵᠢᠯᠯᠠᠭᠠ ᠳᠡᠭᠡᠷᠡ ᠪᠠᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠨᠣᠮ ᠪᠣᠯ ᠤᠶᠤᠨ ᠤ ᠲᠦᠯᠬᠢᠭᠦᠷ᠂ | ᠪᠢᠳᠠ ᠨᠣᠮ ᠤᠩᠰᠢᠬᠤ ᠵᠤᠷᠰᠢᠯ ᠲᠠᠢ ᠪᠠᠶᠢᠪᠠᠯ ᠲᠠᠭᠠᠷᠠᠨᠠ᠃ | - ᠴᠠᠭᠠᠨ ᠰᠠᠷᠠ ᠪᠣᠯᠪᠠᠯ ᠬᠥᠮᠥᠨ ᠪᠦᠭᠦᠨ ᠪᠡᠯᠡᠭ ᠰᠡᠯᠲᠡ ᠲᠦᠭᠦᠭᠡᠷᠳᠡᠭ᠃ ᠡᠨᠡ ᠰᠠᠶᠢᠬᠠᠨ | ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠢᠶᠠᠨ ᠲᠣᠬᠢᠶᠠᠯᠳᠤᠭᠤᠯᠤᠨ ᠨᠣᠮ ᠤᠨ ᠪᠡᠯᠡᠭ ᠢᠶᠠᠨ ᠳᠡᠭᠡᠳᠦᠯᠡᠬᠦ ᠨᠢ | ᠳᠠᠩᠴᠤ ᠤᠳᠬᠠ ᠠᠭᠤᠯᠭᠠ ᠲᠠᠢ ᠶᠤᠮ᠃ | - ᠨᠣᠮ ᠤᠨ ᠪᠡᠯᠡᠭ ᠬᠦᠷᠭᠡᠬᠦ ᠳᠡᠭᠡᠨ ᠨᠣᠮ ᠲᠤᠰᠬᠤ ᠬᠥᠮᠥᠨ ᠤ ᠳᠤᠷᠠ ᠪᠠᠭ᠋ᠠᠷᠬᠠᠯ ᠳᠤ ᠵᠣᠬᠢᠴᠠᠭᠤᠯᠬᠤ | ᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠪᠠᠶᠢᠳᠠᠭ᠃ ᠤᠩᠰᠢᠬᠤ ᠳᠤᠷᠠ ᠲᠠᠢ ᠨᠣᠮ ᠢ ᠨᠢ ᠬᠦᠷᠭᠡᠪᠡᠯ ᠲᠡᠭᠦᠨ ᠤ ᠪᠠᠭ᠋ᠠᠷᠬᠠᠯ ᠳᠤᠨᠢ | ᠬᠦᠷᠴᠦ ᠤᠩᠰᠢᠬᠤ ᠪᠣᠯᠣᠨᠠ᠃ ᠶᠡᠷᠦᠨᠢ ᠨᠣᠮ ᠤᠨ ᠪᠡᠯᠡᠭ ᠲᠤ ᠲᠡᠦᠬᠡ ᠰᠣᠶᠣᠯ᠂ ᠤᠷᠠᠨ ᠵᠣᠬᠢᠶᠠᠯ᠂ᠡᠮ | ᠡᠮᠨᠡᠯᠭᠡ ᠶᠢᠨ ᠨᠣᠮ ᠠᠴᠠ ᠭᠠᠳᠠᠨᠠ ᠰᠡᠬᠡᠭᠡᠷᠡᠯ ᠤᠨ ᠠᠭᠤᠯᠭᠠ ᠲᠠᠢ ᠨᠣᠮ ᠰᠤᠳᠤᠷ ᠢ ᠬᠦᠷᠭᠡᠬᠦ ᠨᠢ ᠬᠥᠮᠥᠰ ᠤᠨ | ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ ᠴᠢᠳᠠᠳᠠᠭ ᠬᠡᠮᠡᠨ G · ᠴᠣᠭᠲᠤ ᠭᠤᠸᠠᠢ ᠵᠣᠭᠤᠭ ᠢᠶᠠᠨ ᠳᠡᠯᠭᠡᠬᠦ ᠳᠤ ᠳᠠᠩᠴᠤ ᠤᠳᠬᠠ | ᠠᠭᠤᠯᠭᠠ ᠲᠠᠢ ᠰᠠᠨᠠᠭᠳᠠᠯᠠ᠃ G · ᠴᠣᠭᠲᠤ ᠪᠠᠭᠰᠢ ᠪᠣᠯ ᠠᠯᠠᠱᠠ ᠠᠶᠢᠮᠠᠭ ᠤᠨ ᠤᠯᠤᠰ ᠲᠦᠷᠦ ᠶᠢᠨ | ᠵᠥᠪᠯᠡᠯᠭᠡᠨ ᠠᠴᠠ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠰᠣᠶᠣᠯ ᠤᠨ ᠵᠢᠳᠬᠦᠯᠲᠡᠨ᠂ 80 ᠭᠠᠷᠤᠢ | ᠨᠣᠮ ᠢ ᠵᠣᠬᠢᠶᠠᠨ ᠲᠤᠭᠤᠷᠪᠢᠭᠰᠠᠨ ᠪᠤᠶᠤ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠵᠤ ᠬᠡᠪᠯᠡᠭᠦᠯᠦᠭᠰᠡᠨ ᠪᠥᠭᠡᠳ ᠨᠣᠮ ᠤᠨ ᠰᠠᠩ | ᠡᠷᠭᠢᠯᠡᠭᠡᠳ 25 ᠵᠢᠯ ᠪᠣᠯᠵᠤ ᠪᠠᠶᠢᠭᠠ ᠶᠤᠮ᠃ ᠬᠠᠩᠭᠠᠢ ᠨᠣᠮ ᠤᠨ ᠬᠤᠷᠢᠶᠠ ᠳᠤ ᠮᠣᠩᠭᠤᠯ ᠬᠢᠲᠠᠳ ᠨᠣᠮ | ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠭᠠᠵᠠᠷ ᠣᠷᠣᠨ ᠤ ᠰᠣᠶᠣᠯ ᠲᠡᠦᠬᠡ ᠶᠢᠨ ᠨᠣᠮ᠂ ᠮᠣᠩᠭᠤᠯ ᠰᠣᠶᠣᠯ ᠲᠡᠦᠬᠡ ᠶᠢᠨ ᠨᠣᠮ | ᠂ ᠬᠡᠦᠬᠡᠳ ᠤᠨ ᠤᠩᠰᠢᠬᠤ ᠨᠣᠮ᠂ ᠬᠢᠴᠢᠶᠡᠯ ᠪᠣᠯᠪᠠᠰᠤᠷᠠᠯ ᠤᠨ ᠨᠣᠮ᠂ ᠤᠷᠠᠨ ᠵᠣᠬᠢᠶᠠᠯ᠂ ᠦᠯᠢᠭᠡᠷ ᠲᠤᠮᠤᠭ ᠁ | ᠭᠡᠳ ᠲᠦᠷᠦᠯ ᠵᠠᠨᠠᠷ ᠢᠶᠠᠷ ᠲᠤᠶᠢᠯ ᠤᠨ ᠤᠯᠠᠨ ᠨᠣᠮ ᠰᠤᠳᠤᠷ ᠥᠷᠥᠭᠡᠰᠦᠲᠡᠢ ᠪᠠᠶᠢᠯᠠ᠃ | ᠨᠡᠬᠡᠷᠡᠨ ᠨᠣᠮ ᠤᠩᠰᠢᠳᠠᠭ ᠬᠥᠮᠥᠨ ᠤ ᠦᠭᠡ ᠬᠡᠯᠡᠯᠭᠡ ᠪᠠᠶᠠᠯᠢᠭ ᠪᠠᠶᠢᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠮᠡᠳᠡᠬᠦ | ᠣᠶᠢᠯᠠᠭᠠᠬᠤ ᠵᠦᠢᠯ ᠨᠢ ᠴᠤ ᠪᠤᠰᠤᠳ ᠠᠴᠠ ᠢᠯᠡᠭᠦᠦ ᠪᠠᠶᠢᠳᠠᠭ ᠠᠵᠢ᠃ ᠪᠠᠶᠠᠨᠬᠤᠲᠠ ᠶᠢᠨ ᠲᠡᠭᠷᠢ ᠶᠢᠨ ᠪᠣᠲᠣᠭᠤ | ᠰᠣᠶᠣᠯ ᠨᠣᠮ ᠤᠨ ᠦᠷᠭᠦᠭᠡ ᠶᠢᠨ ᠡᠵᠡᠨᠳᠡᠨ ᠬᠤᠩ ᠮᠸᠢ ᠨᠣᠮ ᠤᠨ ᠦᠷᠭᠦᠭᠡ ᠪᠠᠨ ᠨᠡᠭᠡᠭᠡᠭᠡᠳ ᠨᠢᠭᠡᠨᠲᠡ 22 | ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ ᠪᠠᠶᠢᠭᠠ ᠠᠵᠢ᠃ ᠲᠡᠭᠦᠨ ᠤ ᠨᠣᠮ ᠤᠨ ᠳᠡᠯᠭᠡᠭᠦᠷ ᠲᠤ ᠬᠦᠷᠬᠦ ᠳᠤ ᠤᠯᠠᠨ ᠠᠷᠪᠢᠨ | ᠵᠦᠢᠯ ᠤᠨ ᠪᠡᠯᠡᠭ ᠪᠠᠷᠢᠴᠢᠬᠠᠮᠠᠷ ᠬᠠᠶᠢᠷᠴᠠᠭ ᠲᠠᠢ ᠬᠡᠦᠬᠡᠳ ᠤᠨ ᠨᠣᠮ᠂ ᠦᠯᠢᠭᠡᠷ ᠲᠤᠮᠤᠭ᠂ ᠰᠣᠶᠣᠯ ᠲᠡᠦᠬᠡ ᠶᠢᠨ | ᠨᠣᠮ ᠰᠤᠳᠤᠷ ᠥᠷᠥᠭᠡᠰᠦᠲᠡᠢ ᠬᠠᠷᠠᠭᠳᠠᠵᠤ᠂ ᠡᠨᠡ ᠨᠣᠮ ᠨᠢ ᠶᠠᠭᠤ ᠶᠢ ᠪᠢᠴᠢᠭᠰᠡᠨ᠂ ᠲᠡᠷᠡ ᠨᠣᠮ ᠨᠢ ᠶᠠᠮᠠᠷ | ᠬᠥᠮᠥᠨ ᠤ ᠬᠡᠳᠦᠨ ᠣᠨ ᠳᠤ ᠬᠡᠪᠯᠡᠭᠳᠡᠭᠰᠡᠨ ᠨᠣᠮ ᠬᠡᠮᠡᠨ ᠤᠯᠠᠨ ᠢ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠨᠠ ᠠᠵᠢ᠃ | - ᠪᠢ ᠨᠣᠮ ᠤᠨ ᠳᠡᠯᠭᠡᠭᠦᠷ ᠡᠷᠭᠢᠯᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠵᠢᠯ ᠪᠣᠯᠭᠠᠨ ᠤ ᠴᠠᠭᠠᠨ ᠰᠠᠷᠠ ᠶᠢ | ᠲᠣᠬᠢᠶᠠᠯᠳᠤᠭᠤᠯᠤᠨ ᠲᠦᠷᠦᠯ ᠰᠠᠳᠤᠨ ᠤ ᠪᠠᠨ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠤ ᠨᠣᠮ ᠤᠨ ᠪᠡᠯᠡᠭ ᠭᠠᠷᠳᠠᠭᠤᠯᠤᠭᠰᠠᠭᠠᠷ | ᠢᠷᠡᠭᠰᠡᠨ᠂ ᠵᠣᠭᠤᠰ ᠢᠶᠠᠷ ᠨᠤᠭᠤᠯᠵᠤ ᠪᠤᠳᠤᠪᠠᠯ ᠪᠠᠷᠤᠭ ᠲᠦᠮᠡᠨ ᠲᠥᠭᠦᠷᠢᠭ ᠳᠥᠬᠦᠭᠰᠡᠨ ᠪᠠᠶᠢᠬᠠ᠃ | - ᠪᠢ ᠥᠪᠡᠷ ᠢᠶᠠᠨ ᠴᠤ ᠨᠣᠮ ᠬᠠᠳᠠᠭᠠᠯᠠᠬᠤ ᠳᠤᠷᠠ ᠲᠠᠢ᠃ ᠨᠣᠮ ᠤᠩᠰᠢᠬᠤ ᠪᠣᠯ ᠥᠪᠡᠷ ᠤᠨ | ᠪᠡᠶᠡ ᠳᠡᠭᠡᠨ ᠣᠷᠣᠭᠤᠯᠵᠤ ᠪᠠᠶᠢᠭᠠ ᠬᠠᠮᠤᠭ ᠤᠨ ᠬᠢᠮᠳᠠᠬᠠᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠮᠥᠨ᠃ ᠡ᠊ᠨᠳᠡ ᠠᠴᠠ ᠪᠢᠳᠠ | ᠥᠪᠡᠷ ᠤᠨ ᠪᠡᠶᠡ ᠪᠠ ᠦᠷᠡ ᠬᠡᠦᠬᠡᠳ᠂ ᠴᠢᠨᠠᠭᠰᠢᠯᠠᠨ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠤ ᠲᠤᠰᠠ ᠲᠠᠢ ᠶᠡᠭᠡ ᠦᠢᠯᠡᠰ ᠢ | ᠪᠦᠲᠦᠭᠡᠵᠦ ᠪᠣᠯᠣᠨᠠ᠃ ᠨᠣᠮ ᠤᠩᠰᠢᠬᠤ ᠨᠢ ᠥᠪᠡᠷ ᠢ ᠪᠠᠨ ᠤᠯᠠᠮ ᠬᠦᠴᠦᠷᠬᠡᠭ ᠪᠣᠯᠭᠠᠳᠠᠭ ᠬᠡᠮᠡᠨ ᠬᠤᠩ ᠮᠸᠢ | ᠶᠠᠷᠢᠨᠠ᠃ ᠶᠡᠷᠦᠨᠢ ᠲᠡᠭᠦᠨ ᠤ ᠨᠣᠮ ᠤᠨ ᠦᠷᠭᠦᠭᠡ ᠠᠴᠠ ᠪᠡᠯᠡᠭ ᠤᠨ ᠨᠣᠮ᠂ ᠱᠠᠩᠨᠠᠯ ᠤᠨ ᠨᠣᠮ ᠭᠡᠳ ᠨᠣᠮ | ᠰᠤᠳᠤᠷ ᠠᠪᠳᠠᠭ ᠬᠥᠮᠥᠰ ᠨᠡᠯᠢᠶᠡᠳ ᠪᠠᠶᠢᠭᠠ ᠶᠢ ᠣᠶᠢᠯᠠᠭᠠᠵᠤ ᠪᠢᠯᠡ᠃ | ᠨᠣᠮ ᠪᠢᠳᠠᠨ ᠳᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠶᠡᠭᠡ ᠪᠠᠶᠠᠷ ᠪᠠᠭ᠋ᠠᠳᠤᠯ ᠪᠠ ᠦᠭᠡ ᠪᠠᠷ ᠢᠯᠡᠳᠬᠡᠬᠦ ᠶᠢᠨ ᠠᠷᠭᠠ | ᠦᠭᠡᠢ ᠰᠡᠷᠡᠯ ᠲᠠᠭᠠᠰᠢᠶᠠᠯ ᠢ ᠦᠭᠳᠡᠭ᠃ ᠲᠠ ᠨᠣᠮ ᠤᠨ ᠶᠢᠷᠲᠢᠨᠴᠦ ᠳᠤ ᠠᠯᠬᠤᠭᠠᠳ ᠣᠷᠣᠪᠠᠯ ᠲᠠᠷᠠ ᠨᠢ ᠭᠦᠪᠡᠭᠡ | ᠬᠢᠵᠠᠭᠠᠷ ᠦᠭᠡᠢ ᠦᠷᠭᠦᠯᠵᠢᠯᠡᠬᠦ ᠤᠶᠤᠨ ᠤ ᠶᠡᠭᠡ ᠣᠷᠣᠨ ᠵᠠᠢ ᠳᠤ ᠠᠯᠤᠰ ᠠᠴᠠ ᠠᠨᠢᠪᠴᠢᠨ ᠬᠠᠷᠠᠭᠳᠠᠬᠤ ᠤᠯᠠᠨ | ᠬᠡᠷᠡᠯᠳᠦ ᠤᠳᠤ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠢ ᠮᠡᠳᠡᠵᠦ ᠪᠤᠯᠬᠤ ᠶᠤᠮ᠃ ᠡ᠊ᠨᠳᠡ ᠲᠠᠨ ᠤ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠤ ᠦᠵᠡᠭᠡ | ᠦᠭᠡᠢ᠂ ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠵᠤ ᠥᠩᠭᠡᠷᠡᠭᠡ ᠦᠭᠡᠢ ᠦᠨᠡᠲᠦ ᠰᠣᠶᠣᠯ ᠤᠨ ᠠᠭᠤᠷᠬᠠᠢ᠂ ᠤᠷᠠᠨ ᠰᠡᠳᠬᠢᠮᠵᠢ ᠶᠢᠨ | ᠲᠠᠯᠠᠢ ᠪᠤᠢ᠃ ᠨᠣᠮ ᠤᠶᠤᠨ ᠰᠠᠨᠠᠭᠠᠨ ᠳᠤ ᠴᠢᠨᠢ ᠰᠢᠮᠡ ᠲᠡᠵᠢᠭᠡᠯ᠂ ᠦᠷᠭᠦᠯᠵᠢ ᠤᠷᠤᠭᠰᠢ ᠪᠠᠨ ᠲᠡᠮᠡᠦᠯᠬᠦ ᠶᠢᠨ | ᠲᠦᠯᠬᠢᠴᠡ ᠬᠦᠴᠦᠨ ᠣᠯᠭᠤᠳᠠᠭ ᠠᠴᠠ ᠲᠠᠨ ᠢ ᠤᠯᠠᠮ ᠬᠦᠴᠦᠷᠬᠡᠭ ᠪᠣᠯᠭᠠᠳᠠᠭ᠃ ᠡ᠊ᠨᠳᠡ ᠠᠴᠠ ᠲᠠ ᠡᠷᠴᠢ | ᠬᠦᠴᠦ ᠰᠢᠨᠡ ᠢᠲᠡᠭᠡᠯ ᠵᠣᠷᠢᠭ ᠢ ᠠᠪᠴᠤ ᠪᠤᠯᠳᠠᠭ ᠢᠶᠠᠷ ᠠᠯᠢᠪᠠ ᠬᠦᠴᠢᠷ ᠢ ᠢᠯᠠᠬᠤ ᠢᠲᠡᠭᠡᠯ ᠵᠣᠷᠢᠭ ᠲᠠᠢ ᠪᠣᠯᠵᠤ | ᠂ ᠤᠬᠠᠭᠠᠯᠢᠭ ᠰᠢᠢᠳᠬᠦ ᠲᠦᠮᠡᠨ ᠠᠷᠭᠠ ᠶᠢ ᠡᠵᠡᠮᠰᠢᠵᠦ ᠴᠢᠳᠠᠨᠠ᠃ | ᠨᠣᠮ ᠤᠨ ᠪᠡᠯᠡᠭ ᠲᠠᠢ ᠴᠠᠭᠠᠯᠠᠰᠤᠭᠠᠢ︕ | ᠨᠣᠮ ᠤᠨ ᠴᠠᠭᠠᠨ ᠪᠤᠶᠠᠨ ᠳᠡᠯᠭᠡᠷᠡᠲᠦᠭᠡᠢ︕ |