| | | ● ᠪᠠ᠊᠆ · ᠤᠷᠲᠤᠨᠠᠰᠤᠲᠤ | ᠮᠣᠩᠭᠤᠯᠴᠤᠳ ᠡᠷᠲᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠲᠡᠭᠷᠢ ᠶᠢ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠷᠢᠳᠢ ᠰᠢᠳᠢ ᠲᠠᠢ | ᠬᠡᠮᠡᠨ ᠪᠢᠰᠢᠷᠡᠵᠦ᠂ ︽ᠡᠴᠢᠭᠡ ᠲᠡᠭᠷᠢ︾᠂ ︽ᠪᠤᠷᠬᠠᠨ ᠲᠡᠭᠷᠢ︾᠂ ︽ᠲᠦᠮᠡᠨ ᠨᠢᠳᠦᠲᠡᠢ ᠲᠡᠭᠷᠢ ᠠᠪᠤ︾ ᠬᠡᠮᠡᠨ | ᠬᠦᠨᠳᠦᠳᠬᠡᠨ ᠳᠠᠭᠤᠳᠠᠵᠤ᠂ ᠠᠯᠢᠪᠠ ᠦᠢᠯᠡ ᠶᠠᠪᠤᠳᠠᠯ ᠤᠨ ᠦᠷᠡ ᠳ᠋ᠦᠩ ᠢ ᠲᠡᠭᠷᠢ ᠶᠢᠨ ᠰᠠᠨᠠᠭᠠ ᠪᠠᠷ ᠪᠣᠯᠣᠯᠠ | ᠭᠡᠵᠦ ᠦᠵᠡᠳᠡᠭ᠃ ᠲᠡᠭᠷᠢ ᠳᠣᠭᠰᠢᠷᠠᠨ ᠬᠦᠴᠦᠲᠡᠢ ᠳᠤᠤᠭᠠᠷᠬᠤ ᠶᠢ ︽ᠲᠡᠭᠷᠢ ᠠᠪᠤ ᠠᠭᠤᠷᠯᠠᠨ ᠭᠢᠯᠢᠩᠨᠡᠵᠦ ᠪᠠᠶᠢᠨᠠ | ︾ ᠭᠡᠵᠦ ᠠᠶᠤᠵᠤ ᠡᠮᠢᠶᠡᠨ ᠥᠷᠥᠰᠢᠶᠡᠯ ᠡᠨᠡᠷᠢᠯ ᠭᠤᠶᠤᠵᠦ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠮ ᠡᠷᠭᠦᠯ | ᠰᠠᠴᠤᠯᠢ ᠴᠤ ᠡᠷᠭᠦᠳᠡᠭ ᠪᠠᠶᠢᠪᠠ᠃ | ᠠᠷᠠᠳ ᠤᠨ ᠳᠤᠮᠳᠠ ︽ᠲᠡᠭᠷᠢ ᠳᠤᠤᠭᠠᠷᠪᠠᠯ ᠬᠤᠪᠢᠯᠵᠠ ᠦᠬᠦᠨᠡ︾᠂ ︽ᠲᠡᠭᠷᠢ ᠳᠤᠤᠭᠠᠷᠬᠤ | ᠦᠭᠡᠢ ᠪᠣᠯ ᠬᠠᠯᠠᠭᠠᠢ ᠢᠳᠡᠵᠦ ᠪᠤᠯᠬᠤ ᠦᠭᠡᠢ︾ ᠭᠡᠬᠦ ᠮᠡᠲᠦ ᠶᠢᠨ ᠠᠮᠢᠳᠤᠷᠠᠯ ᠤᠨ ᠮᠡᠳᠡᠯᠭᠡ ᠪᠣᠯᠤᠭᠰᠠᠨ | ᠦᠭᠡ ᠨᠦᠭᠦᠳ ᠪᠠᠶᠢᠳᠠᠭ ᠮᠥᠷᠲᠡᠭᠡᠨ ᠬᠤᠷᠴᠢᠨ ᠳᠤ ᠲᠡᠭᠷᠢ ᠳᠤᠤᠭᠠᠷᠬᠤ ᠦᠶᠡ ᠳᠤ ︽ᠬᠤᠷᠣᠬᠠᠢ ᠰᠢᠪᠠᠵᠢ ᠶᠢ | ᠠᠷᠢᠯᠭᠠᠵᠤ ᠪᠠᠶᠢᠨᠠ︾ ᠭᠡᠵᠦ ᠬᠠᠨᠵᠤᠨ ᠤ ᠪᠠᠨ ᠰᠢᠷᠣᠢ ᠶᠢ ᠱᠦᠭᠦᠷᠳᠡᠵᠦ᠂ ᠭᠡᠷ ᠡᠷᠦᠭᠡ ᠪᠠᠨ ᠴᠡᠪᠡᠷᠯᠡᠨ | ᠠᠷᠢᠭᠤᠳᠬᠠᠳᠠᠭ ᠵᠠᠩᠰᠢᠯ ᠤᠳᠤ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠰᠠᠭᠠᠷ᠃ | ᠦᠵᠦᠮᠦᠴᠢᠨ ᠳᠤ ᠲᠡᠭᠷᠢ ᠬᠦᠴᠦᠲᠡᠢ ᠳᠤᠤᠭᠠᠷᠬᠤ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠬᠥᠮᠥᠨ ︽ᠭᠦ᠋᠂ ᠭᠦ᠋ | ︾ ᠭᠡᠵᠦ ᠳᠡᠭᠡᠷᠡ ᠲᠠᠭᠤ ᠪᠠᠷ ᠪᠠᠷᠬᠢᠷᠠᠳᠠᠭ᠃ ᠢᠩᠭᠢᠪᠡᠯ ︽ᠲᠡᠭᠷᠢ ᠶᠢᠨ ᠲᠠᠭᠤ ᠬᠤᠯᠠᠳᠠᠨᠠ︾ ᠭᠡᠳᠡᠭ᠃ ᠴᠠᠭᠠᠨ | ᠬᠤᠪᠴᠠᠰᠤ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠬᠥᠮᠥᠨ ᠪᠣᠯ ᠪᠠᠷᠢᠨ ᠳᠣᠣᠷᠠ ᠪᠠᠨ ᠲᠠᠶᠢᠯᠵᠦ᠂ ᠥᠭᠡᠷᠡ ᠬᠠᠷᠠ ᠪᠠᠷᠠᠭᠠᠨ | ᠥᠩᠭᠡ ᠶᠢᠨ ᠬᠤᠪᠴᠠᠰᠤ ᠰᠣᠯᠢᠵᠤ᠂ ᠮᠣᠩᠭᠤᠯ ᠭᠡᠷ ᠤᠨ ᠪᠠᠭᠠᠨᠠ᠂ ᠬᠤᠯᠠᠩ ᠵᠡᠷᠭᠡ ᠪᠠᠨ ᠪᠠᠭᠤᠯᠭᠠᠨ ᠬᠡᠪᠲᠡᠭᠦᠯᠵᠦ | ᠲᠠᠯᠪᠢᠳᠠᠭ᠃ ᠶᠠᠮᠠᠷ ᠨᠢᠭᠡᠨ ᠬᠥᠮᠥᠨ ᠵᠠᠪᠠᠯ ᠭᠠᠳᠠᠨᠠ ᠭᠠᠷᠬᠤ ᠴᠢᠬᠤᠯᠠᠲᠠᠢ ᠪᠣᠯ ᠮᠠᠯᠠᠭᠠᠢ ᠡᠮᠦᠰᠴᠦ᠂ ᠠᠯᠴᠢᠭᠤᠷ | ᠣᠷᠢᠶᠠᠬᠤ ᠪᠤᠶᠤ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠨ ᠶᠠᠭᠤᠮᠠ ᠲᠠᠯᠪᠢᠵᠤ ᠭᠠᠷᠳᠠᠭ᠃ ᠳᠠᠭᠤᠤ ᠭᠢᠩᠰᠢᠬᠦ ᠪᠤᠶᠤ ᠬᠡᠦᠬᠡᠳ ᠢ | ᠤᠭᠢᠯᠠᠭᠤᠯᠬᠤ᠂ ᠡᠭᠦᠳᠡᠨ ᠭᠤᠣᠯ ᠳᠤ ᠠᠰᠯᠠᠵᠤ ᠵᠤᠬᠰᠤᠬᠤ᠂ ᠲᠣᠭᠤᠭᠠ ᠰᠢᠨᠠᠭᠠ ᠣᠷᠣᠭᠤᠯᠵᠤ ᠭᠠᠷᠭᠠᠬᠤ ᠶᠢ | ᠲᠠᠰᠤ ᠴᠡᠭᠡᠷᠯᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠲᠡᠭᠷᠢ ᠳᠤᠤᠭᠠᠷᠬᠤ ᠦᠶᠡᠰ ᠥᠷᠥᠰᠢᠶᠡᠯ ᠡᠨᠡᠷᠢᠯ ᠬᠠᠶᠢᠷᠠᠯᠠᠬᠤ ᠶᠢ ᠭᠤᠶᠤᠨ | ᠳᠠᠭᠠᠳᠬᠠᠬᠤ ᠳᠠᠭᠠᠨ᠄ | ᠳᠠᠭᠤᠲᠤ ᠲᠡᠭᠷᠢ ᠮᠢᠨᠤ | ᠲᠣᠭᠲᠠᠭᠠᠵᠤ ᠬᠠᠶᠢᠷᠠᠯᠠ | ᠳᠣᠲᠣᠭᠠᠳᠤ ᠦᠷᠭᠦᠭᠡ ᠶᠢ ᠮᠢᠨᠢ | ᠥᠷᠥᠰᠢᠶᠡᠵᠦ ᠬᠠᠶᠢᠷᠠᠯᠠ | ᠠᠶᠤᠩᠭᠠᠲᠤ ᠲᠡᠭᠷᠢ ᠮᠢᠨᠤ | ᠠᠶᠠᠳᠠᠵᠤ ᠬᠠᠶᠢᠷᠠᠯᠠ | ᠠᠳᠤᠭᠤ ᠮᠠᠯ ᠢ ᠮᠢᠨᠤ | ᠠᠪᠤᠷᠠᠵᠤ ᠬᠠᠶᠢᠷᠠᠯᠠ | ᠭᠢᠯᠪᠠᠭᠠᠲᠤ ᠲᠡᠭᠷᠢ ᠮᠢᠨᠤ | ᠭᠡᠶᠢᠭᠦᠯᠵᠦ ᠬᠠᠶᠢᠷᠠᠯᠠ | ᠭᠡᠷ ᠬᠤᠲᠠᠯᠠᠭᠠᠷ ᠢ ᠮᠢᠨᠤ | ᠪᠣᠯᠭᠤᠭᠠᠵᠤ ᠬᠠᠶᠢᠷᠠᠯᠠ ᠭᠡᠵᠦ ᠰᠢᠪᠰᠢᠭᠡᠳ ᠭᠠᠳᠠᠭᠰᠢ ᠪᠠᠨ ᠰᠦ ᠶᠢᠨ ᠰᠠᠴᠤᠯᠢ ᠡᠷᠭᠦᠳᠡᠭ᠃ ᠬᠡᠷᠪᠡ | ᠬᠡᠭᠡᠷᠡ ᠭᠠᠳᠠᠨᠠ ᠠᠳᠤᠭᠤ ᠮᠠᠯ ᠳᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠣᠯ ᠥᠨᠳᠥᠷ ᠭᠠᠵᠠᠷ ᠬᠥᠳᠡᠯᠦᠯ ᠦᠭᠡᠢ ᠰᠠᠭᠤᠭᠠᠳ | ᠠᠯᠠᠭᠠ ᠪᠠᠨ ᠬᠠᠪᠰᠤᠷᠤᠨ ᠵᠠᠯᠪᠠᠷᠢᠵᠤ ᠳᠠᠭᠠᠳᠬᠠᠳᠠᠭ᠃ | ᠪᠤᠷᠢᠶᠠᠳᠴᠤᠳ ᠲᠡᠭᠷᠢ ᠳᠤᠤᠭᠠᠷᠴᠤ ᠴᠠᠭᠢᠯᠭᠠᠨ ᠭᠢᠯᠪᠠᠵᠤ ᠪᠠᠶᠢᠬᠤ ᠦᠶᠡ ᠳᠤ᠄ | ᠥᠨᠳᠥᠷ ᠭᠡᠪᠡᠯ ᠠᠭᠤᠯᠠ ᠶᠢ ᠨᠢᠷᠭᠡᠭ | ᠥᠨᠥᠴᠢᠨ ᠭᠡᠪᠡᠯ ᠨᠠᠮᠠ ᠶᠢ ᠨᠢᠷᠭᠡᠭ | ᠬᠠᠨ ᠴᠠᠭᠠᠨ ᠶᠠᠰᠤ ᠲᠠᠢ ᠪᠢᠯᠡ | ᠬᠠᠷᠢᠶᠠᠳ ᠪᠤᠷᠢᠶᠠᠳ ᠣᠪᠣᠭ ᠲᠠᠢ ᠪᠢᠯᠡ | ᠬᠠᠪᠠ ᠵᠢᠭᠠᠰᠤᠨ ᠮᠢᠬᠠ ᠢᠳᠡᠭᠡ ᠦᠭᠡᠢ ᠪᠢᠯᠡ | ᠬᠠᠢ ᠬᠡ᠂ ᠬᠠᠢ ᠬᠡ ᠭᠡᠬᠦ ᠪᠤᠶᠤ | ᠥᠨᠢᠷ ᠭᠡᠪᠡᠯ ᠨᠠᠮᠠ ᠶᠢ ᠨᠢᠷᠭᠡᠭ | ᠥᠷᠭᠡᠨ ᠭᠡᠪᠡᠯ ᠲᠠᠯᠠᠢ ᠶᠢ ᠨᠢᠷᠭᠡᠭ | ᠳᠡᠯᠢᠭᠦᠦ ᠢᠳᠡᠭᠰᠡᠨ ᠪᠣᠯ ᠳᠡᠯᠪᠡ ᠨᠢᠷᠭᠡᠭ | ᠰᠠᠷᠬᠢᠨᠠᠭ ᠢᠳᠡᠭᠰᠡᠨ ᠪᠣᠯ ᠰᠠᠯᠪᠠ ᠨᠢᠷᠭᠡᠭ ᠭᠡᠬᠦ ᠮᠡᠲᠦ ᠪᠠᠷ ᠰᠢᠪᠰᠢᠳᠡᠭ᠃ | ᠬᠠᠯᠬᠠ ᠶᠢᠨ ᠰᠢᠷᠠᠨᠤᠳ ᠣᠪᠣᠭ ᠤᠨ ᠬᠢᠨ ᠪᠣᠯ᠄ | ᠭᠤᠴᠢᠨ ᠭᠤᠷᠪᠠᠨ ᠬᠤᠷᠮᠤᠰᠳᠠ | ᠭᠤᠨᠢᠭᠠᠷ ᠰᠢᠷᠠᠨᠤᠳ ᠤᠨ ᠦᠷᠡ ᠰᠠᠳᠤ ᠪᠠᠶᠢᠨᠠ | ᠲᠠᠬᠢ ᠲᠠᠢ ᠭᠡᠪᠡᠯ ᠨᠠᠮᠠ ᠶᠢ ᠨᠢᠷᠭᠡᠭ | ᠲᠠᠯᠠᠩ ᠲᠠᠢ ᠭᠡᠪᠡᠯ ᠮᠣᠷᠢ ᠶᠢ ᠮᠢᠨᠢ ᠨᠢᠷᠭᠡᠭ ᠭᠡᠬᠦ ᠪᠤᠶᠤ | ᠬᠠᠨ ᠴᠠᠭᠠᠨ ᠶᠠᠰᠤ ᠲᠠᠢ ᠪᠢᠯᠡ | ᠬᠠᠰ ᠨᠣᠮᠢᠨ ᠵᠢᠩᠰᠡ ᠲᠠᠢ ᠪᠢᠯᠡ | ᠬᠠᠭᠠᠨ ᠲᠡᠭᠷᠢ ᠢᠵᠠᠭᠤᠷ ᠲᠠᠢ ᠪᠢᠯᠡ ᠭᠡᠵᠦ ᠲᠡᠭᠷᠢ ᠵᠦᠭ ᠬᠠᠨᠳᠤᠨ ᠰᠢᠪᠰᠢᠳᠡᠭ᠃ | ᠥᠩᠭᠡᠷᠡᠭᠰᠡᠨ ᠳᠤ ᠠᠶᠤᠩᠭᠠ ᠳᠤ ᠲᠠᠭᠠᠷᠢᠬᠳᠠᠨ ᠬᠥᠮᠥᠨ ᠮᠠᠯ ᠡ᠊ᠡᠳᠡᠵᠦ ᠦᠷᠡᠭᠳᠡᠬᠦ ᠶᠠᠪᠤᠳᠠᠯ ᠭᠠᠷᠪᠠᠯ | ᠪᠦᠭᠡ ᠵᠠᠯᠠᠵᠤ ᠨᠣᠮ ᠭᠦᠷᠢᠮ ᠤᠩᠰᠢᠭᠤᠯᠤᠨ ᠳᠣᠮ ᠳᠠᠷᠤᠯᠭᠠ ᠭᠢᠯᠭᠡᠵᠦ᠂ ᠭᠡᠷ ᠡᠷᠦᠭᠡ᠂ ᠬᠤᠳᠠ ᠬᠤᠷᠤᠭᠠ᠂ ᠮᠠᠯ | ᠰᠦᠷᠦᠭ ᠢᠶᠠᠨ ᠪᠦᠭᠦᠨ ᠢ ᠠᠷᠢᠭᠤᠯᠠᠨ ᠤᠳᠤᠵᠦ᠂ ᠰᠠᠩ ᠵᠤᠯᠠ ᠡᠷᠭᠦᠵᠦ ᠲᠡᠭᠷᠢ ᠲᠠᠭᠢᠳᠠᠭ ᠦᠵᠡᠭᠳᠡᠯ ᠨᠡᠶᠢᠳᠡᠮ | ᠣᠷᠣᠰᠢᠵᠤ ᠪᠠᠶᠢᠪᠠ᠃ ᠣᠯᠠᠩᠬᠢ ᠪᠦᠭᠡ ᠠᠶᠤᠩᠭᠠ ᠳᠤ ᠲᠠᠭᠠᠷᠢᠬᠳᠠᠬᠰᠠᠨ ᠬᠥᠮᠥᠨ ᠮᠠᠯ ᠤᠨ ᠮᠠᠩᠨᠠᠢ ᠳᠤᠮᠳᠠ | ᠵᠢᠳᠠ ᠪᠠᠷ ︽+︾ ᠲᠡᠮᠳᠡᠭ ᠵᠢᠷᠤᠵᠤ ᠳᠣᠮ ᠳᠠᠷᠤᠯᠭᠠ ᠬᠢᠳᠡᠭ᠃ | ᠦᠵᠦᠮᠦᠴᠢᠨ ᠳᠤ ᠠᠶᠤᠩᠭᠠ ᠳᠤ ᠲᠠᠭᠠᠷᠢᠬᠳᠠᠬᠰᠠᠨ ᠬᠥᠮᠥᠨ ᠢ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠤᠨ | ᠳᠣᠲᠣᠷᠠ ᠬᠥᠳᠡᠯᠦᠯ ᠦᠭᠡᠢ ᠪᠠᠷ ᠲᠤᠬᠠᠢ ᠶᠢᠨ ᠣᠷᠣᠨ ᠳᠤᠨᠢ ᠬᠡᠪᠲᠡᠭᠦᠯᠵᠦ᠂ ᠭᠠᠳᠠᠭᠤᠷ ᠨᠢ ᠮᠣᠳᠣ ᠪᠠᠷ ᠲᠣᠭᠤᠷᠢᠭ | ᠵᠢᠷᠤᠭᠠᠰᠤ ᠵᠢᠷᠤᠭᠠᠳ ︽ᠲᠡᠭᠷᠢ ᠳᠠᠭᠤᠳᠠᠭᠴᠢ︾ ᠭᠡᠳᠡᠭ ᠲᠤᠰᠬᠠᠢ ᠪᠦᠭᠡ ᠶᠢ ᠵᠠᠯᠠᠨ ᠠᠪᠴᠢᠷᠠᠵᠤ᠂ ᠠᠶᠢᠷᠠᠭ ᠤᠨ | ᠭᠠᠩ ᠳᠤᠨᠢ ᠭᠢᠳᠤᠭᠠ ᠬᠢᠵᠦ ᠪᠦᠯᠢᠬᠦ ᠶᠢᠨ ᠳᠠᠭᠠᠤ ᠨᠣᠮ ᠭᠦᠷᠢᠮ ᠤᠩᠰᠢᠭᠤᠯᠵᠤ᠂ ᠳᠣᠮ ᠳᠠᠷᠤᠯᠭᠠ ᠭᠢᠯᠭᠡᠳᠡᠭ | ᠪᠠᠶᠢᠵᠠᠢ᠃ ᠪᠤᠷᠢᠶᠠᠳᠴᠤᠳ ᠠᠶᠤᠩᠭᠠ ᠳᠤ ᠲᠠᠭᠠᠷᠢᠬᠳᠠᠬᠰᠠᠨ ᠬᠥᠮᠥᠨ ᠢ ᠤᠭ ᠣᠷᠣᠨ ᠠᠴᠠ ᠨᠢ ᠰᠢᠯᠵᠢᠭᠦᠯᠦᠯ | ᠦᠭᠡᠢ ᠪᠠᠷ ᠬᠡᠪᠲᠡᠭᠦᠯᠵᠦ᠂ ᠪᠡᠶᠡ ᠳᠡᠭᠡᠷᠡ ᠨᠢ ᠬᠦᠢᠲᠡᠨ ᠤᠰᠤ ᠰᠦᠷᠴᠢᠵᠦ᠂ ᠪᠦᠭᠡ ᠵᠠᠯᠠᠵᠤ ᠪᠦᠭᠡᠯᠡᠭᠦᠯᠳᠡᠭ᠃ | ᠡ᠊ᠡᠳᠡᠭᠰᠡᠳ ᠢ ᠤᠳᠤᠵᠦ ᠠᠷᠢᠭᠤᠯᠠᠭᠠᠳ ᠶᠢᠰᠦᠨ ᠬᠦᠦ ᠪᠠᠷ ᠬᠡᠭᠦᠷ ᠢ ᠨᠢ ᠭᠤᠷᠪᠠᠨ ᠡᠳᠦᠷ ᠭᠤᠷᠪᠠᠨ ᠰᠥᠨᠢ | ᠰᠠᠬᠢᠭᠤᠯᠵᠤ᠂ ᠲᠠᠰᠤᠷᠠᠯ ᠦᠭᠡᠢ ᠭᠤᠨᠢᠭᠲᠤ ᠳᠠᠭᠤᠤ ᠭᠢᠩᠰᠢᠭᠦᠯᠦᠨ᠂ ᠤᠢ ᠶᠢᠨ ᠭᠦᠨ ᠳᠤ ᠠᠪᠠᠴᠢᠵᠤ | ᠣᠷᠣᠰᠢᠭᠤᠯᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠠᠶᠤᠩᠭᠠ ᠳᠤ ᠲᠠᠭᠠᠷᠢᠬᠳᠠᠨ ᠨᠥᠭᠴᠢᠭᠰᠡᠳ ᠢ ᠪᠤᠶᠢᠳᠠ ᠪᠥᠭᠯᠡᠭᠦᠦ ᠭᠠᠵᠠᠷ | ᠠᠪᠠᠴᠢᠵᠤ ᠣᠷᠣᠰᠢᠭᠤᠯᠤᠭᠠᠳ ᠶᠢᠰᠦᠨ ᠬᠦᠦ ᠰᠣᠩᠭᠤᠵᠤ᠂ ᠲᠤᠰ ᠪᠦᠷᠢ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠦᠭᠦᠯᠦᠨ | ᠴᠠᠭᠠᠨ ᠮᠣᠷᠢ ᠤᠨᠤᠭᠤᠯᠵᠦ ᠪᠤᠯᠠᠰᠢ ᠶᠢ ᠨᠢ ᠡᠷᠭᠢᠨ ᠥᠨᠳᠥᠷ ᠲᠠᠭᠤ ᠪᠠᠷ ᠬᠠᠰᠬᠢᠷᠤᠨ ᠳᠠᠪᠬᠢᠭᠤᠯᠳᠠᠭ᠃ ᠬᠠᠷᠢᠨ | ᠠᠳᠡᠭᠰᠡᠳ ᠲᠤ ᠪᠤᠶᠠᠨ ᠨᠣᠮ ᠦᠢᠯᠡᠳᠬᠦ ᠦᠭᠡᠢ ᠮᠥᠷᠲᠡᠭᠡᠨ ᠬᠡᠭᠦᠷ ᠢ ᠨᠢ ᠤᠩᠭᠤᠨ ᠳᠤ ᠣᠷᠣᠭᠤᠯᠳᠠᠭ ᠦᠭᠡᠢ᠃ | ᠭᠡᠷ ᠤᠨ ᠡᠵᠡᠨ ᠨᠢ ᠵᠠᠭᠤ ᠬᠤᠨᠤᠭ ᠤᠨ ᠳᠣᠲᠣᠷᠠ ᠠᠶᠢᠯ ᠳᠤ ᠣᠷᠣᠬᠤ ᠦᠭᠡᠢ ᠬᠥᠯ ᠴᠡᠭᠡᠷᠯᠡᠳᠡᠭ᠃ ᠡ᠊ᠡᠳᠡᠭᠰᠡᠨ | ᠮᠠᠯ ᠢ ᠪᠣᠯ ᠮᠢᠬᠠ ᠶᠢ ᠨᠢ ᠭᠦᠨᠳᠡᠳᠡᠭ ᠦᠭᠡᠢ᠂ ᠤᠭ ᠣᠷᠣᠨ ᠳᠤᠨᠢ ᠪᠤᠯᠠᠵᠤ ᠲᠠᠯᠪᠢᠬᠤ ᠪᠤᠶᠤ ᠥᠨᠳᠥᠷ | ᠠᠭᠤᠯᠠ ᠶᠢᠨ ᠣᠷᠣᠢ ᠳᠤ ᠲᠠᠯᠪᠢᠵᠤ᠂ ᠮᠠᠯ ᠡ᠊ᠡᠳᠡᠭᠰᠡᠨ ᠭᠠᠵᠠᠷ ᠨᠢᠭᠡ ᠵᠢᠯ ᠤᠨ ᠳᠣᠲᠣᠷᠠ ᠪᠤᠰᠤᠳ ᠮᠠᠯ ᠢ | ᠪᠡᠯᠴᠢᠭᠡᠷᠯᠡᠭᠦᠯᠳᠡᠭ ᠦᠭᠡᠢ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠳᠤ ᠠᠶᠤᠩᠭᠠ ᠳᠤ ᠡ᠊ᠡᠳᠡᠭᠰᠡᠳ ᠢ ᠲᠡᠭᠷᠢ ᠳᠤ ᠡᠰᠡ ᠲᠠᠭᠠᠯᠠᠭᠳᠠᠯᠠ ᠬᠡᠮᠡᠨ ᠦᠵᠡᠵᠦ᠂ | ᠲᠤᠰᠬᠠᠶᠢᠯᠠᠨ ᠪᠦᠭᠡ ᠵᠠᠯᠠᠵᠤ ᠳᠣᠮ ᠳᠠᠷᠤᠯᠭᠠ ᠭᠢᠯᠭᠡᠳᠡᠭ᠃ ᠵᠠᠯᠠᠭᠳᠠᠵᠤ ᠢᠷᠡᠭᠰᠡᠨ ︽ᠲᠡᠭᠷᠢ ᠳᠠᠭᠤᠳᠠᠭᠴᠢ︾ ᠨᠢ | ᠶᠡᠭᠡ ᠯᠡ ᠠᠭᠤᠷᠯᠠᠭᠰᠠᠨ ᠶᠠᠩᠵᠤᠲᠠᠢ ᠬᠦᠷᠴᠦ ᠢᠷᠡᠭᠡᠳ ︽ᠶᠡᠷᠡ ᠶᠢᠰᠦᠨ ᠲᠡᠭᠷᠢ ᠶᠢᠨ ᠠᠯᠢ ᠲᠡᠭᠷᠢ ᠨᠢ ᠪᠠᠭᠤᠭᠰᠠᠨ | ᠶᠤᠮ︖︾ ᠭᠡᠬᠦ ᠪᠤᠶᠤ ︽ᠠᠲᠠᠭᠠᠲᠤ ᠲᠡᠭᠷᠢ ᠠᠪᠤ ᠮᠢᠨᠢ᠂ ᠠᠴᠢᠷ ᠦᠷᠡ ᠪᠠᠨ ᠢᠩᠭᠢᠵᠦ ᠵᠣᠪᠠᠭᠠᠬᠤ ᠴᠢᠨᠢ ᠶᠠᠭᠤ | ᠪᠤᠢ︖ ᠪᠣᠷᠣᠭᠠᠨ ᠬᠤᠷᠠ ᠤᠷᠤᠭᠤᠯᠬᠤ ᠪᠠᠷ ᠢᠶᠠᠨ ᠣᠷᠣᠭᠤᠯᠤᠨᠠ ᠪᠠ᠂ ᠪᠠᠭᠤᠬᠤ ᠦᠭᠡᠢ ᠭᠠᠵᠠᠷ ᠪᠠᠭᠤᠵᠤ᠂ | ᠪᠦᠭᠦᠳᠡ ᠤᠯᠠᠨ ᠢ ᠦᠢᠮᠡᠭᠦᠯᠳᠡᠭ ᠨᠢ ᠶᠠᠭᠤ ᠶᠤᠮ︖︾ ᠭᠡᠵᠦ ᠪᠤᠷᠤᠭᠤᠰᠢᠶᠠᠨ ᠵᠢᠮᠡᠯᠡᠬᠦ ᠶᠢᠨ ᠳᠠᠭᠠᠤ ᠮᠠᠯ | ᠰᠦᠷᠦᠭ ᠢ ᠨᠢ ᠡᠶᠢᠰᠢ ᠲᠡᠶᠢᠰᠢ ᠲᠠᠭᠤᠵᠤ᠂ ᠳᠤᠷᠠ ᠪᠠᠷ ᠢᠶᠠᠨ ᠠᠭᠠᠰᠢᠯᠠᠳᠠᠭ᠃ ᠲᠡᠭᠡᠭᠡᠳ ᠲᠤᠰᠬᠠᠢ ᠳᠣᠮ | ᠳᠠᠷᠤᠯᠭᠠ ᠪᠠᠨ ᠠᠯᠬᠤᠮ ᠲᠠᠷᠠᠭᠠ ᠲᠠᠢ ᠬᠢᠵᠦ ᠪᠠᠷᠠᠭᠠᠳ ᠤᠷᠭᠠ ᠪᠠᠷ ᠬᠡᠮᠵᠢᠭᠦᠷ ᠪᠤᠯᠭᠠᠵᠦ᠂ ᠲᠤᠬᠠᠢ ᠶᠢᠨ | ᠭᠠᠵᠠᠷ ᠠᠴᠠ ᠨᠡᠯᠢᠶᠡᠳ ᠵᠠᠶᠢᠲᠠᠢ ᠥᠨᠳᠥᠷ ᠭᠠᠵᠠᠷ ᠠᠪᠠᠴᠢᠵᠤ᠂ ᠡ᠊ᠡᠳᠡᠭᠰᠡᠳ ᠢ ᠡᠮᠦᠨᠡᠰᠢ ᠬᠠᠷᠠᠭᠤᠯᠤᠨ | ᠰᠥᠭᠦᠳᠬᠡᠵᠦ ᠣᠷᠣᠰᠢᠭᠤᠯᠳᠠᠭ᠃ ᠶᠠᠪᠤᠬᠤ ᠳᠠᠭᠠᠨ ᠲᠡᠭᠷᠢ ᠳᠤᠤᠭᠠᠷᠴᠤ᠂ ᠴᠠᠭᠢᠯᠭᠠᠨ ᠭᠢᠯᠪᠠᠵᠤ ᠪᠠᠶᠢᠬᠤ ᠳᠤ | ᠠᠶᠢᠷᠠᠭ ᠪᠦᠯᠢᠬᠦ᠂ ᠦᠨᠢᠶᠡ ᠰᠠᠭᠠᠬᠤ᠂ ᠮᠣᠷᠢ ᠠᠮᠠᠭᠠᠶᠢᠯᠠᠬᠤ᠂ ᠴᠠᠭᠠᠨ ᠥᠩᠭᠡ ᠶᠢᠨ ᠬᠤᠪᠴᠠᠰᠤ ᠪᠤᠶᠤ ᠨᠣᠶᠢᠲᠠᠨ | ᠴᠢᠭᠢᠭᠲᠡᠢ ᠬᠤᠪᠴᠠᠰᠤ ᠡᠮᠦᠰᠬᠦ᠂ ᠤᠷᠭᠤᠭᠠ ᠮᠣᠳᠣᠨ ᠤ ᠳᠣᠣᠷᠠ ᠵᠤᠬᠰᠤᠬᠤ᠂ ᠮᠠᠯᠠᠭᠠᠢ ᠦᠭᠡᠢ ᠪᠠᠷ ᠭᠠᠳᠠᠭᠤᠷ | ᠶᠠᠪᠤᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠭᠦᠯᠦᠨ ᠵᠠᠬᠢᠳᠠᠭ ᠪᠠᠶᠢᠵᠠᠢ᠃ | ᠬᠥᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠳᠡᠭᠡᠳᠦ ᠮᠣᠩᠭᠤᠯᠴᠤᠳ ᠬᠠᠪᠤᠷ ᠲᠡᠭᠷᠢ ᠠᠩᠬᠠ ᠳᠤᠤᠭᠠᠷᠬᠤ ᠳᠤ ︽ | ᠯᠾᠠᠷᠠᠵᠠᠯᠠᠬᠤ︾ ᠭᠡᠵᠦ ᠰᠢᠪᠰᠢᠭᠡᠳ ᠭᠠᠳᠠᠨᠠ ᠭᠠᠷᠴᠤ ᠭᠡᠷ ᠤᠨ ᠤᠶᠢᠷᠠᠯᠴᠠᠭᠠ ᠲᠣᠮᠣ ᠴᠢᠯᠠᠭᠤ ᠶᠢ ᠬᠥᠷᠪᠡᠭᠦᠯᠵᠦ | ᠲᠠᠯᠪᠢᠳᠠᠭ᠂ ᠢᠩᠭᠢᠪᠡᠯ ᠨᠢᠭᠡ ᠵᠢᠯ ᠤᠨ ᠳᠣᠲᠣᠷᠠ ᠭᠡᠷ ᠲᠤ ᠮᠣᠭᠠᠢ ᠣᠷᠣᠬᠤ ᠦᠭᠡᠢ ᠪᠤᠶᠤ ᠮᠣᠭᠠᠢ ᠦᠵᠡᠪᠡᠯ | ᠠᠶᠤᠵᠤ ᠰᠣᠴᠢᠬᠤ ᠦᠭᠡᠢ ᠪᠣᠯᠣᠨᠠ ᠭᠡᠵᠦ ᠦᠵᠡᠳᠡᠭ᠃ | | ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠳᠣᠮ ᠰᠢᠪᠰᠢᠯᠭᠡ | ᠨᠣᠮ ᠠᠴᠠ ᠨᠠᠶᠢᠷᠠᠭᠤᠯᠤᠨ ᠠᠪᠤᠪᠠ | |