| | ᠵᠠ | ᠬᠥᠬᠡ ᠮᠥᠩᠭᠦᠨ ᠲᠩᠷᠢ ᠶᠢᠨ ᠠᠭᠠᠷ ᠠᠴᠠ | ᠬᠥᠰᠢᠭᠡᠯᠡᠨ ᠲᠠᠲᠠᠭᠰᠠᠨ | ᠬᠥᠬᠡ ᠪᠠᠷᠠᠭᠠᠨ ᠡᠭᠦᠯᠡᠨ ᠳᠤ ᠨᠢ | ᠭᠠᠯ ᠮᠡᠲᠦ ᠴᠠᠬᠢᠯᠭᠠᠨ ᠭᠠᠷᠴᠤ | ᠭᠠᠶᠢᠬᠠᠮᠰᠢᠭᠲᠤ ᠬᠤᠷᠠ ᠪᠠᠭᠤᠵᠤ | ᠭᠠᠳᠠᠭᠰᠠᠨ ᠰᠣᠯᠣᠩᠭᠠ ᠲᠠᠲᠠᠵᠤ | ᠠᠷᠪᠠᠨ ᠥᠩᠭᠡ ᠶᠢᠨ ᠴᠡᠴᠡᠭ | ᠠᠯᠠᠭᠯᠠᠨ ᠳᠡᠯᠭᠡᠷᠡᠵᠦ | ᠠᠴᠢᠲᠠᠢ ᠰᠦᠷᠦᠭ ᠨᠢ ᠢᠳᠡᠭᠡᠰᠢᠯᠡᠵᠡᠢ᠃ | ᠵᠠ | ᠬᠤᠯᠠ ᠰᠠᠶᠢᠬᠠᠨ ᠵᠡᠯᠡ ᠪᠠᠨ | ᠬᠤᠶᠢᠭᠤᠷ ᠢᠶᠠᠨ ᠲᠠᠲᠠᠵᠤ | ᠤᠷᠲᠤ ᠰᠠᠶᠢᠬᠠᠨ ᠵᠡᠯᠡ ᠪᠠᠨ | ᠤᠷᠳᠤᠭᠤᠷ ᠢᠶᠠᠨ ᠲᠠᠲᠠᠵᠤ | ᠬᠥᠨᠳᠡᠢ ᠪᠠᠷ ᠳᠦᠭᠦᠷᠡᠩ | ᠬᠥᠬᠡ ᠠᠯᠠᠭ ᠠᠳᠤᠭᠤ ᠪᠠᠨ ᠴᠤᠭᠯᠠᠭᠤᠯᠵᠤ | ᠤᠷᠭᠠᠨ ᠤ ᠤᠷᠲᠤ ᠶᠢ ᠪᠠᠷᠢᠵᠤ | ᠬᠤᠶᠢᠪᠢᠨ ᠤ ᠴᠡᠭᠡᠯ ᠢ ᠤᠶᠠᠵᠤ | ᠬᠤᠢ ᠰᠠᠯᠬᠢ ᠰᠢᠭ᠋ | ᠬᠤᠷᠳᠤᠨ ᠮᠣᠷᠢ ᠪᠠᠨ ᠪᠠᠷᠢᠵᠤ | ᠬᠤᠯᠠᠨ᠂ ᠲᠠᠬᠢ ᠪᠣᠯᠤᠭᠰᠠᠨ | ᠤᠨᠠᠭᠠ ᠪᠠᠨ ᠤᠷᠭᠠᠯᠠᠵᠤ | ᠳᠠᠯᠠᠨ ᠬᠥᠮᠦᠨ ᠳᠠᠷᠤᠵᠤ ᠨᠣᠭᠲᠣᠯᠠᠭᠠᠳ | ᠨᠠᠶᠠᠨ ᠬᠥᠮᠦᠨ ᠨᠠᠶᠢᠷᠠᠯᠠᠨ ᠴᠢᠭᠲᠠᠯᠠᠭᠠᠳ | ᠨᠠᠷᠢᠨ ᠭᠤᠷᠮᠤᠰᠤᠨ ᠵᠡᠯᠡ ᠪᠠᠨ | ᠨᠠᠴᠢᠨ ᠵᠠᠭᠠᠨ ᠢᠶᠠᠷ ᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ | ᠤᠷᠲᠤ ᠰᠠᠶᠢᠬᠠᠨ ᠭᠠᠳᠠᠰᠤ ᠪᠠᠨ | ᠤᠷᠠᠨ ᠵᠠᠩᠰᠢᠯ ᠲᠠᠢ ᠮᠤᠨᠠ ᠪᠠᠷ ᠢᠶᠠᠨ ᠲᠦᠭᠵᠢᠭᠦᠯᠵᠦ | ᠤᠶᠠᠭᠰᠠᠨ ᠤᠨᠠᠭᠠ ᠶᠤᠮ ᠪᠢᠵᠡ ᠡ᠃ | ᠵᠡᠯᠡᠯᠡᠭᠰᠡᠨ ᠤᠨᠠᠭᠠ ᠴᠢᠨᠢ | ᠵᠡᠭᠡᠷᠡ ᠭᠥᠷᠦᠭᠡᠰᠦᠨ ᠠᠴᠠ ᠣᠯᠠᠨ | ᠨᠣᠭᠲᠣᠯᠠᠭᠰᠠᠨ ᠤᠨᠠᠭᠠ ᠴᠢᠨᠢ | ᠨᠤᠭᠲᠤᠷᠤ ᠰᠢᠪᠠᠭᠤᠨ ᠠᠴᠠ ᠣᠯᠠᠨ | ᠡᠬᠡ ᠶᠢᠨ ᠢᠶᠠᠨ ᠳᠡᠷᠭᠡᠳᠡ᠂ | ᠡᠩ ᠲᠠᠢ ᠴᠠᠭᠠᠨ | ᠢᠰᠡᠭᠡᠢ ᠪᠠᠨ ᠳᠡᠪᠢᠰᠴᠦ | ᠡᠯᠳᠡᠪ ᠵᠦᠢᠯ ᠤᠨ | ᠢᠳᠡᠭᠡ ᠤᠮᠳᠠᠭᠠᠨ ᠢᠶᠠᠨ | ᠡᠩᠨᠡᠭᠦᠯᠦᠨ ᠲᠠᠯᠪᠢᠵᠤ | ᠠᠵᠢᠨᠠᠢ ᠴᠠᠭᠠᠨ ᠬᠥᠯᠥᠭ ᠤᠨ ᠢᠶᠠᠨ ᠴᠡᠭᠡ ᠶᠢ | ᠠᠯᠲᠠᠨ ᠮᠥᠩᠭᠦᠨ ᠴᠠᠭᠠᠷᠢᠭ ᠲᠠᠢ | ᠠᠭᠠᠷᠤ ᠽᠠᠨᠳᠠᠨ ᠠᠭᠠᠷᠤᠤᠨ ᠳᠠᠭᠠᠨ | ᠠᠮᠠᠰᠠᠷ ᠲᠡᠭᠰᠢ ᠳᠦᠭᠦᠷᠭᠡᠭᠡᠳ | ᠠᠷᠪᠠᠨ ᠵᠦᠭ ᠲᠤ ᠨᠢ ᠰᠠᠴᠤᠯᠢ ᠪᠣᠯᠭᠠᠨ ᠡᠷᠭᠦᠵᠦ | ᠠᠳᠤᠭᠤᠨ ᠰᠦᠷᠦᠭ ᠤᠨ ᠢᠶᠠᠨ ᠪᠠᠶᠠᠷ ᠢ ᠶᠣᠰᠣᠯᠠᠵᠤ ᠪᠦᠬᠦᠢ ᠳᠤ | ᠠᠪᠤ ᠶᠢᠨ ᠢᠶᠠᠨ ᠪᠤᠶᠠᠨ ᠳᠤ | ᠠᠷᠪᠢᠨ ᠰᠠᠶᠢᠬᠠᠨ | ᠡᠵᠢ ᠶᠢᠨ ᠢᠶᠠᠨ ᠪᠤᠶᠠᠨ ᠳᠤ | ᠡᠯᠪᠡᠭ ᠰᠠᠶᠢᠬᠠᠨ | ᠶᠠᠭᠤ ᠰᠠᠨᠠᠭᠰᠠᠨ ᠶᠢᠰᠦᠨ ᠬᠦᠰᠡᠯ | ᠠᠯᠳᠠᠷ ᠨᠡᠷᠡ ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠨᠢ | ᠰᠦᠨ ᠳᠠᠯᠠᠢ ᠮᠡᠲᠦ ᠥᠷᠭᠡᠨ ᠳᠡᠯᠭᠡᠷᠡᠵᠦ | ᠪᠠᠳᠠᠷᠠᠨ ᠲᠤᠨᠤᠷᠠᠵᠤ ᠪᠠᠶᠢᠬᠤ ᠶᠢᠨ | ᠪᠡᠯᠭᠡ ᠲᠠᠢ ᠢᠷᠦᠭᠡᠯ ᠢ ᠨᠡᠶᠢᠲᠡ ᠶᠢᠨ ᠳᠤᠮᠳᠠ | ᠮᠠᠰᠢᠳᠠ ᠳᠡᠪᠰᠢᠭᠦᠯᠦᠨ ᠠᠶᠢᠯᠠᠳᠬᠠᠶᠠ᠃ | |