| | | | | ᠮᠠᠯ ᠲᠦᠯᠯᠡᠨ ᠰᠠᠭᠠᠯᠢ ᠰᠠᠭᠠᠵᠤ ᠡᠬᠢᠯᠡᠬᠦ ᠦᠶᠡ ᠪᠠᠷ ᠮᠠᠯ ᠤᠨ ᠢᠶᠠᠨ ᠦᠷᠡ ᠲᠥᠯ ᠢ ᠪᠦᠷᠢᠨ ᠮᠡᠨᠳᠦ | ᠪᠣᠶᠢᠵᠢᠭᠤᠯᠵᠤ᠂ ᠢᠳᠡᠭᠡ ᠴᠠᠭᠠ ᠡᠯᠪᠡᠭ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠨ ᠰᠠᠭᠠᠭᠰᠠᠨ ᠰᠦᠨ ᠤ ᠪᠠᠨ ᠳᠡᠭᠡᠵᠢ ᠶᠢ ᠲᠡᠭᠷᠢ᠂ | ᠭᠠᠵᠠᠷ᠂ ᠣᠷᠴᠢᠨ ᠲᠣᠭᠤᠷᠢᠨ ᠤ ᠠᠭᠤᠯᠠ ᠤᠰᠤᠨ ᠳᠤ ᠡᠷᠭᠦᠨ ᠪᠠᠷᠢᠳᠠᠭ ᠢ ᠰᠠᠴᠤᠯᠢ ᠡᠷᠭᠦᠬᠦ ᠭᠡᠳᠡᠭ᠃ ᠡᠨᠡ ᠪᠣᠯ | ᠡᠷᠲᠡ ᠳᠡᠭᠡᠷᠡ ᠴᠠᠭ ᠤᠨ ᠮᠠᠯᠴᠢᠨ ᠠᠷᠠᠳ ᠤᠨ ᠲᠥᠯ ᠤᠨ ᠪᠠᠶᠠᠷ ᠪᠣᠯᠤᠨᠠ᠃ ᠰᠠᠴᠤᠯᠢ ᠡᠷᠭᠦᠬᠦ ᠶᠣᠰᠤ ᠨᠢ ᠡᠷᠲᠡ | ᠴᠠᠭ ᠠᠴᠠ ᠪᠠᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠵᠦ ᠢᠷᠡᠭᠰᠡᠨ ᠮᠣᠩᠭᠤᠯᠴᠤᠳ ᠤᠨ ᠥᠪᠡᠷᠮᠢᠴᠡ ᠨᠢᠭᠡᠨ ᠵᠠᠩ ᠦᠢᠯᠡ | ᠪᠦᠭᠡᠳ ᠡᠷᠲᠡᠨ ᠤ ᠬᠦᠮᠦᠰ ᠤᠨ ᠬᠢᠨᠠᠨ ᠣᠶᠢᠯᠠᠭᠠᠯᠲᠠ ᠶᠣᠰᠤᠭᠠᠷ ᠲᠡᠭᠷᠢ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠳᠤ ᠰᠠᠭᠠᠭᠰᠠᠨ | ᠰᠦᠨ ᠤ ᠪᠠᠨ ᠳᠡᠭᠡᠵᠢ ᠶᠢ ᠡᠷᠭᠦᠨ ᠠᠷᠭᠠᠳᠠᠵᠤ ᠬᠠᠶᠢᠷᠠ ᠡᠨᠡᠷᠢᠯ ᠢ ᠨᠢ ᠭᠤᠶᠤᠵᠤ ᠪᠣᠢ ᠶᠢᠨ ᠵᠣᠷᠢᠯᠲᠠ ᠲᠠᠢ᠃ | ᠬᠤᠨᠢ᠂ ᠦᠨᠢᠶᠡ᠂ ᠢᠩᠭᠡ᠂ ᠭᠡᠭᠦᠦ ᠭᠡᠬᠦ ᠮᠡᠲᠦ ᠪᠠᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠠᠯᠢᠨ ᠳᠤ ᠨᠢ ᠴᠦ ᠬᠠᠮᠢᠶᠠ ᠲᠠᠢ | ᠪᠠᠶᠢᠳᠠᠭ᠂ ᠰᠠᠴᠤᠯᠢ ᠡᠷᠭᠦᠬᠦ ᠶᠣᠰᠤᠨ ᠲᠡᠷᠡ ᠡᠷᠲᠡ ᠴᠠᠭ ᠠᠴᠠ ᠡᠬᠢᠯᠡᠵᠦ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠣᠳᠤ ᠪᠣᠯᠵᠤ | ᠪᠠᠶᠢᠭᠠ᠃ ᠡᠨᠡ ᠵᠠᠩ ᠦᠢᠯᠡ ᠶᠢ ᠦᠢᠯᠡᠳᠬᠦ ᠳᠤ ᠨᠦᠳᠦᠭᠰᠡᠨ ᠠᠷᠴᠠ ᠪᠠᠷ ᠭᠡᠷ ᠲᠣᠲᠤᠷᠠ ᠰᠠᠩ ᠲᠠᠯᠪᠢᠵᠤ | ᠪᠦᠬᠦᠯᠢ ᠠᠷᠴᠠ ᠶᠢ ᠠᠭᠢ ᠲᠠᠢ ᠬᠤᠯᠢᠵᠤ᠂ ᠦᠷᠦᠮᠡ ᠵᠦᠭᠡᠬᠡᠢ ᠵᠡᠷᠭᠡ ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠷ | ᠨᠠᠶᠢᠷᠠᠭᠤᠯᠤᠨ ᠪᠠᠭᠰᠤᠷᠴᠤ ᠮᠠᠯ ᠤᠨ ᠬᠤᠲᠠᠨ ᠤ ᠪᠠᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠲᠤ ᠶᠡᠭᠡ ᠰᠠᠩ ᠲᠠᠯᠪᠢᠨᠠ᠃ | ᠢᠩᠬᠢᠭᠡᠳ ᠤᠤᠭᠠᠨ ᠲᠥᠯ ᠤᠨ ᠢᠶᠠᠨ ᠡᠬᠡ ᠠᠴᠠ ᠰᠠᠭᠠᠭᠰᠠᠨ ᠰᠦ ᠶᠢ ᠠᠭᠠᠷᠠᠤ ᠮᠣᠳᠤᠨ ᠬᠤᠪᠢᠩ ᠳᠤ ᠬᠢᠵᠦ | ᠢᠪᠡᠭᠡᠯ ᠵᠢᠯ ᠲᠠᠢ ᠬᠤᠶᠠᠷ ᠡᠮᠡᠭᠲᠡᠢ ᠬᠦᠮᠦᠨ ᠤ ᠨᠢᠭᠡ ᠨᠢ ᠵᠡᠭᠦᠨ ᠭᠠᠷ ᠲᠠᠯᠠ ᠳᠤ ᠪᠠᠨ ᠬᠤᠪᠢᠩ ᠲᠠᠢ ᠰᠦ ᠪᠠᠨ | ᠪᠠᠷᠢᠵᠤ᠂ ᠨᠦᠭᠦᠭᠡ ᠨᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠰᠠᠴᠤᠯᠢ ᠶᠢᠨ ᠮᠣᠳᠤᠨ ᠬᠠᠯᠪᠠᠭᠠ ᠪᠠᠷᠢᠵᠤ ᠰᠦᠨ ᠠᠴᠠ | ᠳᠡᠭᠡᠵᠢᠯᠡᠨ ᠠᠪᠤᠭᠠᠳ ᠶᠡᠷᠢ ᠶᠢᠰᠦᠨ ᠲᠡᠭᠷᠢ᠂ ᠳᠠᠯᠠᠨ ᠳᠣᠯᠤᠭᠠᠨ ᠢᠳᠡᠭᠡᠨ ᠤ ᠡᠵᠡᠨ᠂ ᠣᠶᠢᠷᠠ ᠣᠷᠴᠢᠨ ᠤ | ᠠᠭᠤᠯᠠ ᠤᠰᠤᠨ ᠳᠤ ᠡᠷᠭᠦᠵᠦ ᠰᠠᠴᠤᠯᠢ ᠰᠠᠴᠤᠳᠠᠭ᠃ ᠢᠩᠬᠢᠬᠦ ᠳᠤ ᠪᠠᠨ ᠭᠡᠷ ᠪᠣᠯᠤᠨ ᠮᠠᠯ ᠤᠨ ᠬᠤᠲᠠ ᠪᠠᠨ ᠨᠠᠷᠠ | ᠵᠥᠪ ᠡᠷᠭᠢᠨ ᠲᠣᠭᠤᠷᠢᠵᠤ᠂ ᠬᠠᠶᠢᠷᠠ ᠡᠨᠡᠷᠢᠯ ᠭᠤᠶᠤᠭᠰᠠᠨ ᠤᠳᠬᠠ ᠲᠠᠢ ᠰᠢᠯᠦᠭ ᠣᠩᠰᠢᠳᠠᠭ ᠪᠠᠶᠢᠪᠠ᠃ |